<font color='#000000'><FONT color=#000000>علي تميم ..&nbsp; يوم الاربعاء الدكتور احمد الشريف وكيل وزارة التربيه والتعليم&nbsp; المساعد اجتمع مع مديري ومديرات ابوظبي والغربيه في مسرح منطقة بوظبي التعليمية وتكلموا عن هالموضوع ..ولو كنت تبا تتاكد افتح جريدة الاتحاد مال يوم الجمعه 13/2الصفحه الرابعه بتحصل الموضوع ..
بس تدرون شو الي يقهر من وجهة نظري ..انهم يقولون انه هالنظام اليديد سووه عشان يحبب الطلبه في المدرسه ويكتشف المبدعين .. حلو الكلام ..لكن يوم المديرين قالوا ووين القاعات الي بيتم فيها تطبيق الحصص الاثرائية ولازم تكون مجهزة&nbsp;بوسائل وادوات عشان الطالب يقدر يطلع المواهب الي عنده &nbsp;فيها ..قال لهم الشريف انه القاعات هي نفسها الفصول الدراسيه &#33;&#33; لو كان الطالب حابب الفصل الدراسي الي هو فيه كان ابدع من قبل .. اصلا اكثر حصص التسرب من قبل الطلاب تتم في حصص التربيه الفنية والرياضه ..واشكرك اخويه لمروك على الموضوع ..


ختيه دموع قلم ..
جوفي نحن كمدرسات نعاني من ظلم كبير في قطاع التربيه والتعليم ..من حيث نصاب الحصص الدراسيه والاعباء الملقاه على عاتقنا ..كل الوظائف العمل فيها ينتهي بمجرد ان يخرج الموظف من مكتبه ..ما عدا المدرس المطالب بالتحضير والتصحيح وغيرها من الامور .. وكل يوم وثاني طلعوا لنا قرار غير شكل.. تدرين شو اكثر شي المدرسات معارضينه في هالنظام ..هو انه الدوام بينتهي الساعه ثلاث الا ثلث ولو كانت عندنا مناوبه معناته نطلع من المدرسه الساعه ثلاث وربع وممكن ننتظر اكثر لحد ما تطلع اخر طالبه من المدرسه .. المدرسه حالها حال الناس عندها بيت واهل وتبا ترجع ترتاح عشات تقدر تحضر وتجهز الدروس وغيرها من الامور.. تدرين والله العظيم لو اكتب مجلدات عن وزارة التربيه والتعليم ما بخلص لانه بكل صدق الوزراه الوحيده الي اجوفها تصدر قرارت وتتخبط فيها .. اقترح انهم يغيرون اسمها لورزاة العجب والعجاب ..وتسلمين عزيزتي لمرورج على الموضوووع ..


اسير الشوق ..
الورقه الي وصلت لنا من الوزراه والمنطقه تقول انه ممكن ان دوام الطلاب يبدأ الساعه ثمانية ونص للحصه الاولى يعني لو اطبق بتخلصون الساعه ثلاث الا ثلث ..او ممكن يصير العكس والطلاب ايتمون للساعه ثنتين الا ربع .. والي في الجدر بيطلعه الملاس ..ترا الوزيرعنده اجتماع مع مديري ومديرات المدراس يوم السبت الموافق 28فبراير في مدرسة الافاق (الموهب)..الله يستر .. وتسلم على التواصل..


المكله الدلوعة ..
كلنا مب عايبنا لكن منو بيسمع ..الله يستر ان شاء الله واشكرج لمرورج على الموضوع ..


</FONT></font>