على السريع شو نوع الموبايل اللي تمتلكه حاليا

**المزوحي** · 20-10-09 ||, 09:50 PM

طير الغرام بتخبرج، شو اللي ماعيبج فيه مثلا، وبغيت أسأل هل اشتركتي بأي شي فيه من خلال اتصالات ؟

**طير الغرام** · 20-10-09 ||, 11:30 PM

الصـراحـه مافيـه شـي هـب عايبني

لني قبل لا آخـذه كنت أعـرف مميـزاته واللي فيـه فـ كنت مقتنعـه فيـه
بس هـو لين الحيـنه مافيـه خاصيـة البلوتوث بين التيلفونات الثانيه بس من آيفـون لـ آيفـون فيه [ بالنسبه لي هـب شي مهـم ]
أظـن شي برنـامج بس لـ 3g أما الـ 3gs بعدهـم مانزلـوا شي جيـه !

الصـراحـه أنا وختيـه خذنـا مع بعـض الآيفـون بس مادري ليش فونهـا تييه حالات ويفضي بسـرعه ! أنا مالي لين الحينه الحمدالله مايفضي بسرعـه
لنـه في أشيا أسكـرها ما أخليهـا on مثل الـبلوتوث والـ 3g ,, وغيـر إنـه شرى الكمبيوتر من ناحية البرامـج والألعـاب فـ طبيعي يقل الجـرج مع تشغيـل هـ الأشيا وايـد!

وبخصوص الإشتراكــات لين الحينـه لا ،، لنه النـت أوريدي فـ البيت وايرلس وفـ السكن عندي نت فـ ما أحتـاج !
وهو أكيـد تقدر اتحـدر النت من الفون بدون اشتراك بس واااايد واااااايد ياخذ من الرصيـد
ولو اشتركـت من الإتصالات الاستخـدام محـدود فـ اليوم ،، مثلا ١٩٩ فـ الشهـر لـ 5MB وإذا اتعديت هـ الليمـت اليـومي ياخذ من الرصيد

[ يعني الإشتـراكـ محدود ]
أظن اللي يشتركـون أكثـر استخدامهم لـ سوالف الإيميل والجات والبرامـج اللي من آيفون لـ آيفون
وختيـه كانت تبى تشتركـ ودقت حق الإتصالات مادري شو اتفلسفوا عليهـا ،، المهم الزبده جـنه ما يعرفون مادري مايستوي
أنا أقول يمكـن لنه الفون بعده مانزل عندهـم فـ شكلهـم مره وحـده بينزلون الظبـط والإشتراكات معـاه !

ونصيحـه لا تاخـذه من الإتصالات لنـه أكيـد سعرهـم بيكـون خيالي !! وغيـر إنـه لازم مـع رقـم >> مادري إذا غيـروا هـ السياسـه

وأهــم شي إنكـ من البدايـه اتكـون مقتنــع فيـه هـب لنـه حـد مدحلك إيـاه ^_^

**المزوحي** · 22-10-09 ||, 03:22 PM

أكيد الواحد لازم يكون مقتنع فيه، يعني أنا وايدين يقولون لي ليش ماتاخذ بلاك بيري، بس أنا مب مقتنع به، وطبعا

ما يخصني في غيري أو أقصد في اللي حواليّه عندهم وأنا ما عندي، لأنه اشوف نفسي مالي حايه فيه ...

**مايهزك ريح** · 22-10-09 ||, 07:53 PM

^
مروان .. انا عندي نفس مشكلتك مب مقتنع بالبلاك بيري .. والرضيعه اتقولي شو رايك في الـVertu .. ارد اقولها ما يقنعني ..!

ما اعرف شو آخذ .. >_<

**المزوحي** · 22-10-09 ||, 11:27 PM

إذا مب مقتنع ، ما عليك من حد، الحمدلله نقدر نمتلكه بس مايهمنا ...

أنا من فتره شفت موبايل tag heuer

الــ Vertu نسيبي يابه من أمريكا حق بنته - بس هي صغيره على أمور الموبايل -

يبالنا نسير نشوف اليديد في عالم الموبايل