<font color='#736AFF'>شو اكتب وشو اقول
من وين ابدا ومتى انتهي
ابدا من 28/8/2003
ولا من 3/2/2004
او 4/2/2004
هالتواريخ عمري ما بنساها.......لانها خذت مني اعز انسانه.......فديت روحها
خذت الحبيبة.....والقريبة....والان انه العطوفة والحنونة
في شهر 8 انخطبت ريم اللي ادلعها بـ رورو......فديت هالاسم
اذا قلت اني فرحت لها بكون جذابة......انا ما فرحت بالعكس زعلت......لاني احس باحساسها......
حسيت فيها.......بس قلت الله يهنيها....<img src="http://oasis.bindubai.com/emoticons/down.gif" border=0>
حسستها اني مستانسة.....وفرحانه لها.....مع اني متقطعة من الداخل.....<img src="http://oasis.bindubai.com/emoticons/sad.gif" border=0>
مشينا الحال.......قلنا بتعرس بعدين.....بعد ما نتخرج.....بس تفاجأنا بالقرار اليديد.....العرس شهر 2
حاولنا وحاولت عسب تغير وقت العرس......بس ماتغير شي <img src="http://oasis.bindubai.com/emoticons/crazy.gif" border=0>
اولة البارحة.....كانت ليله الحنه....ماشاء الله....ولا اروع
بس الحزن في قلوبنا......لانها يوم الاحد خلاص بتسافر وبتعيش برع من ريلها.....
ضحكنا شوي وبجينا وايد......اونه عاد انا احاول اخلي عمري قوية......اسكت شمة.....واسكت رباعتي
بس في النهاية انا ماقدرت....سكتهم وصحت....
حضنتها من الخاطر......حضنتها لاني اعرف انه خلاص ماروم اشوفها او اكلمها الا شويه
ودعنا بعض ووعدتها اني بشوفها في ليله عرسها
وصل يوم الاربعاء 4/2/2004
دخلت القاعة....الناس والعرب موجودين.....يلست ادور وين البنات ما شفت حد
وين ربعي وربعها.......محد......معقولة محد بيي العرس؟؟ <img src="http://oasis.bindubai.com/emoticons/oo.gif" border=0>
شوي واتصلت في ربيعتي.....الحمدلله انها يايه على الدرب ومعاها ربيعتنا الثانية
وصلوا...ودخلنا يميع عند العروس.....يلسنا سولفنا تصورنا ضحكنا
خففنا من توترها وعطيناها نصايح...كيف تيلس .....كيف تمشي.....كيف تبتسم.......ااااااااه فديت ابتسامتها
نزلت....ودخلت القاعة.......قلبي يدق بالقو ودموعي في عيوني
شافتني... ابتسمت لها وردت الابتسامة بابتسامة احلى عنها
وصلت على الكوشة......فديتها يصورونها......صعدنا فوق عندها تصورنا مرة ثانية
نزلوا البنات......تميت انا معاها......قالت لي خليج معاي......وماشوف عمري الا وانا منفجرة من الصياح
تحاول تسكتني.......بدال ما اخفف عنها .........قمت ازيدها......<img src="http://oasis.bindubai.com/emoticons/down.gif" border=0>
شوي ووصل المعرس .....ماطولوا في اليلسة
قاموا.. خلاص بيطلعون......اطالعها تأشر لي تقول خلاص بروح
تشوف دموعي ....تقول لي حبيبتي اسكتي......كيف اسكت وانتي خلاص ما بتكونين معاي مره ثانية
كيف اسكت وانا اشوفج رايحة وماخذة قلبي معاج.....ماخذة احلى الذكريات
كيف اسكت كيف؟؟؟؟
دواماتنا السبت......ما بشوفها......ما بحضنها.......ما بيلس معاها.......نسولف .......نتغشمر......نتغدى
محد تم غيري وغير شمة.......مب حلوة يلستنا بدونج....ارجعي لنا
بس هالشي مستحيــــــــــــــــــــ ـــــــــــــــــل
خلاص راحت ريم
منو بيخفف عني حزة ضيجتي.....ومنو بيخفف عنها لما هي تكون متضايجة.....
منو بيمسح دمعتها........لمنو بتشتكي احزانها و اهاتها
فديتج ريم.......محد معاج غير الله
الله يحفظج......ويهنيج.....وان شاء الله اشوفج في اقرب فرصة...لاني صدق تولهت عليج
ياليتج تشوفين هالكلمة........احبـــــــــــ ــــــــج
وعمري ما بنساج
ما بنسى الذكريات اللي من بينا
ما بنسى رقتج ونعومتج وقلبج الطيب
ما بنسى اي كلمة نطق بها فمج
فديتج والله
</font>
رد مع اقتباس
مواقع النشر (المفضلة)