<font color='#000000'>
عااادي شمامي
بس اتريي بيه بيتكم,, علشان اهزبج خخخخخخخخخخخخخخخ
-------------------------------------------
</p>
<div>
<center>السلام عليكم و رحمة الله و بركاته ...
شحالكم كلن بحاله الشيوووووخ ..؟؟..
السمووووووووووووحه منكم ان كنت ابطيت عليكم بس ما كنت فالعين الفتره الماضيه .. و الا امس رديت العين ...
و الله مفتضحه فيكم .. السمووووووووووحه منكم الشيووخ ..
اوووه صح .. مبروك عليكم الرحمن .. و عسى دار بو خليفه دووم رويانه انشاااااااالله الشيوووخ ..
و اللحين ما بطول عليكم .. هذا الجزء اليديد و عساه بس يعيبكم..
...*** يا ريم دار الزين .. امرك على عيني .. بامرك مشيت اسنين.. و بالصد تجزيني .. تلعب على الحبلين .. بين الهوى و بيني .. مولاي حقي وين ؟؟!!.. احترت في امرك ..***...
**$$ الجزء الرابع $$**
ظهر حمد عن سعيد ربيعه و راح بيتهم .. و توه موقف سيارته و نزل صوب هله ..
لقى بوه و سلطان و امه يالسين فالصاله الخارجيه ..
حمد : هاه العيوز .. اتزهبتن ..؟؟؟؟..
ام حمد : خاواتك بعدهم .. من ساعه موعيتنهن و قايتلهن الا ما انقفضن ..
حمد و هو بعده واقف : الله لا بليتنا بالبنات ..
سلطان و هو يسأل امه : امايه .. الريم بتروووح عندكم ..؟؟؟؟..
صخ حمد و افتر صوب سلطان ..
ام حمد : هيه كلهم مره بيروحون ..
بو حمد : عنبو .. خالتك عذبه بتيهم من هيلي هي و بناتها ..
سلطان : و الله ..؟؟؟..
و حمد ميت .. هو ليش سأل عن الريم .. شفخاطره من صوبها ؟؟!!!..
و من غيضه على سلطان نش و تهزب خاواته عشان ينقفضن و يرووحون ..
و هم ظاهرين صوب السياره ..
سلطان : امايه .. بتتغدون فالعزبه ..؟؟؟..
ام حمد : هيه الغالي ..
سلطان : خلاص عيل بييكم و بتغدى عندكم ..
افتر حمد صوب سلطان خوه .. يعني هو يوم بغوه يوديهم ما طاع .. و من عرف ان الريم بترووح غير رايه و بيرووح و هو توه راد من دوامه و لا بات طول الليل !!!!!... شو معناة هالحركه ..؟؟!!!...
حمد و هو متضايق : انت حط راسك و استريح .. لاحج عالعزب و البر ..
سلطان : انت استريح و لا عليك مني ..
حمد و هو معصب و يفتر صوب خاواته : و انتن شو موقفنكن بعد ؟؟.. تبني اشلكن اركبكن السياره الشيخات ...
سهيله و هي تربع صوب السياره : بسم الله يالعوافه ..
و راحو ركبو السياره .. و خطفو اول شي عالدكان .. و من عقب راحو صوب العزب ...
و في الوثبه ...
توه وصل بو سيف .. و دخل البيت .. و لقاهم كلهم يالسين .. من شافته وديمه ربعت صوبه تسلم عليه ..
بو سيف : مرحبا السااااع مرحبا بوديمه ..
وديمه : فدييييييييييييتك باباتي .. يالله اللحين من اسبوعين ما ريتك ..
بوها و هو حاط ايده عكتفها و يسيرون صوب العرب اليالسين ..
بو سيف : و الله الا امس ظاوي من عند الشيووخ .. و الا وين اروووم اقطعكم ( و في هاللحظه افتر صوب ام سيف .. جنه يقولها انتي المعنايه بالرمسه )..
يد سيف : ظويييت يالخمام ؟؟..
بو سيف : اوووووه عمي فالدار !!! ..
يدة سيف : لا اله الا الله .. تعال ولديه ..
بو سيف : و عيوزنا هنيه بعد ..
يد سيف و هو يضحك : هههههههههههههههههه .. اقولكم عيوووز دقما .. قلتولي شباب .. وين شباب و هي موجف عمرها !!!..هههههههههههههههه ه..
بو سيف و هو يخر على يد سيف ( بو طليجته ام سيف ) و يسلم عليه و يحب راسه .. و من عقب سلم على امه و حبها عراسها .. و من عقب افتر صوب ام سيف ..
بو سيف و هو يالس و يطالع ام سيف : شحالج يا موزه ..؟؟..
ام سيف و هب من الخاطر ترد عليه : بخير ربي يسلمك ..
جان تنش و تشل الغسووول بتبدله ..
بو سيف : هاه بنت عبيد .. وين بها ؟؟؟..
ام سيف : ببدل الغسول و برد ..
بو سيف : لالالا يلسي بتنش وحده من هالغراشيب .. ( و جان يفتر صوب نوروه و وديمه ) .. الغاليات وحده منكن تنش عن امكن ..
نوره : انشااااالله .. ( و نشت نوره )
ام سيف : لالا يلسي ..
بو سيف : لا و الله .. نوره نشي عن امج ..
و نشت نوره و شلت الغسول عشان تبدله .. و ردت ام سيف و يلست ..
يدة سيف : هاه ولديه .. سرحت صوب عزبتك ..؟؟..
بو سيف : هيه الغاليه ..
يدة سيف : و شالحال عحلالك ..؟؟..
بو سيف : بخير .. و جان يفتر صوب ام سيف .. وين سيف عنكم ..؟؟؟..
ام سيف : توه ظاهر ..
يدة سيف : حليله ما لقطو اسمه فالجريده .. و ظربته ظيجه و ظهر عنا ..
بو سيف : جريدة شو ؟؟..
ام سيف : ما انقبل فالكليه ..
سكت بو سيف .. : ليش تره مقدم فالكليه هو ؟؟..
يد سيف : عنبو يا راشد ترك ما تعرف وين ولدك حاط اوراجه ..؟؟!!..
و ردت نوره بالغسول و الفناييل ..
بو سيف : ما قالي انه يبى الكليه ..
ام سيف و هي يالسه و تصب القهوه لطليجها : درابك .. ما استهميت منه ..
بو سيف : ما استهميت منه !!! .. شهالرمسه يا موزه ..؟؟؟..
ام سيف و هي تمد فنيال القهوه صوبه : عنبو يا راشد .. ما تقول عندي ولد ما اعرف شالحال عليه .. توه مخلص الثنويه .. لازم بيسجل في شي من هالكليات ..
بو سيف : موزه .. انا يوم ولدج نجح سحبتله سياره من الوكاله موديل السنه .. و لا قد قصرت في مخرويه ..
ام سيف : انزين .. جان كملت يميلك فيه .. و توسطلتله في الكليه ..
يد سيف و هو يمد بفردة خلاص صوب يدة سيف : هاه العيوز ..
افترت يدة سيف صوبه : .. لالا ما باها ..
يد سيف : لا قولي انج دقما بلا ضرووس ما ترومين تاكلينها ..
يدة سيف : انا دقما ..!!؟؟..
بو سيف : انزين وينه ولدج اللحين ..؟؟؟..
ام سيف : ما دله .. مره ظهر عنا و هو مستضيج ..
و شل بو سيف تيلفونه و اتصل بسيف ... في هاللحظه كان سيف فالعزبه هو و عمه حميد ..
$$ حميد عم سيف .. عمره 24 سنه .. يشتغل في بوظبي .. في جهاز بوظبي للاستثمار .. هو انسان عادي من ناحية الجمال .. و هو اقرب انسان لقلب سيف .. بس مزوووحي واااااااااااايد.. ام سيف مربيتنه .. عمره من عمر مريم بنتها $$
حميد : و انت ما قدمت الا فالكليه ؟؟..
سيف : لا قدمت في العسكريه بعد ..
حميد : خلاص عيل ارقب نتائج العسكريه .. جاد تنقبل فيها ..
سيف : لا برقبها و لا شي ..
حميد : شعنه عاد ..؟؟..
سيف : لاني ما اريد غير كليه الشرطه ..
حميد : و اللحين ما انقبلت فالكليه شو بتسوي ..؟؟؟..
سيف و هو يظهر علبة ماربورو احمر من مخباه و الولاعه : افففففففففففف .. ما دري و الله ..
و ان بو سيف متصل ..
سيف و هو يدووخ و يشوف التيلفون : هاذا الشيبه متصل ..
حميد : انزين رد عليه..
سيف : مرحبا الساع ..
بو سيف : مرحبا سيف .. شحالج ..؟؟؟
سيف : الحمدلله ..
بو سيف : وين اانت اللحين ..؟؟؟..
سيف : عند حميد فالعزبه ..
بو سيف : اها .. عيل تعال انت و حميد ..
سيف : رب ما شر ..
بو سيف : ما من شر .. بس تعالو .. برقبكم ..
سيف : انشالله ..
و سكر سيف عن بوه ..
سيف و هو يعق صلب الزقارا فالتراب : نش الشيبه يبانا ..
حميد : و انت شعنه اتقوله اني عندك .. اللحين بيفظحني ..
سيف : شعنه .؟؟..
حميد و هم يمشون صوب سياييرهم : بيتحرطم الشيبه عالدوام .. اليوم ما سرحت ..
و ركبو سياييرهم و راحو صوب البيت ..
و في الهير ..
توهم قوم حمد واصلين عزبة خالتهم غايه ..
و نزلن الحرمات و تم حمد شوي فالسياره .. و نزل عقبهم .. و لقى خالاته يالسات و نص البنات موجودات و نصهم محد .. و طبعا عينه اتحوووط بين الحريم ايدور الريم .. بس ما لقاها ..
خالته عذبه : لالالا انا زعلانه عليك ..
حمد : افا يالغاليه ..
خالته عذبه : وين غاليه .. و انت من شهر ما طحت ترابنا ..
حمد و هو اونه يعدل سفرته : آااه ..!! .. شحالج خالووه ..؟؟.
خالته غايه : هههههههههههههههههههههه .. يا ويلكن من بو شهاب ..
حمد و هو ينش صوب خالته غايه و يلوي عليها : فديييييييييييييييييييييت غرشوبة الهير .. يعلهم يسدووون عوووقج يالغاليه ..
و في هاللحظه .. كانن البنات ورى العراقيب الي ورى العزبه .. فالسيح .. يالسات يلعبن .. عندهن حمار .. و يالسات يتضاربن عليه كل وحده منهن تريد تركبه .. و عذيجه يالسه و تصورهن بكيمرة الفيديو .. و ميته من الظحك عليهن و هن كل وحده من تركب الحمار اطييح ..
شمسه : هههههههههههههههه .. عذوووج فدييت رووحج صوري ريماني .. فدييتج اللحين بطيح ..
الريم : شموووووووووس يالحماره .. سكتي عني و الله بطيييييييييييح( و بعدها ما كملة الكلمه الا و يربعبها الحمار ).. اااااااااااااااااااااا ... لحقووووووووووووووني ..
شمسه : هههههههههههههههههههههه .. فديتج عذووج صوريها ..
و بعدها ما كملت شمسه رمستها و الا ان الريم طايحه من على الحمار .. و ربعن صوبها .. و الحمار مسكين طفر منهن ..
و توهن البنات واصلات عند الريم ..
شمسه : ههههههههههههههههههههههههه ... ليتج شفتي عمرج و انتي اطيحين ..
الريم : ههههههههههههههههههههه .. حرام عليكن ..
عذيجه و هي بعدها اتصور : هههههههههههههههههههه .. شكلج تحفه ..
الريم : اصلا انا ماشي لعوزي الا اني لابسه صروال ليتني لابسه بنطلوون .. جان شفتن ان طحت و الا لا ..
شمسه : بتبطييين الساع ما تشبطتي بالبنطلوون ..
سهيله : لا هي تتحجج ... اوين لو لابسه بنطلوون .. خلي عنج ..
وعطرف الثاني للعراقيب كان راشد ولد عذبه خالتهم يايب هو و خالد خوه دراجاتهم و يالسين يصبوون بتروول في دراجاتهم ..
و حمد بيموت و يشوف الريم ... صدق هالريم ذبحت حمد .. ( احبك لو بغيت انساك ما اقدر .. احبك لا تسال القلب و صبر .. احبك من زمن يوم الطفوله .. و يوم الوقت احلام و تصور ) ..
نش حمد عن الحرمات و راح صوب الشباب .. و يلسوو يعابلون دراجاتهم .. و من عقب ركب حمد وحده و راشد ركب الثانيه .. و تمو يلعبوبهن عالعراقيب و السيوووح ..
سهيله : شووووفن شوووفن ... و اشرت صوب الشباب و هم يلعبوون ..
و افترن البنات كلهن صوب الشباب .. و حمد و راشد من قبل شايفينهن .. و من عقب ساروو صوبهن .. و هن من شافن الشباب يايين صوبهن تغشن ..
و المها و اسما و عوشه يالسات يربعن ورى الحمار يبن يمسكنه عشان يركبن عليه ..
حمد و توه واصل عند البنات : شووو تسووون هنيه ..؟؟؟..
سهيله : كنا نتمشى ..
شمسه : مرحبا الساع حمد شحالك ..؟؟؟.
افتر حمد صوب شمسه ..
$$ شمسه اصغر عن حمد بسنه ... هي بنت خالته عذبه..و خت خالد و راشد .. طولها من طول حمد .. بيييييضى .. فيها ملامح حلوه .. بس ما تعتبر جميله .. و طبعا الريم احلا منها في كل شي .. انشالله بتكون السنه اليايه ثنويه عامه ادبي .. تموت عشي اسمه حمد .. $$
حمد : بخير ربي يسلمج ..
و جان يفتر صوب عذيجه الي كانت واقفه عدال الريم .. بس هو مب حاقه نفسه يسلم على الريم من بعد الي قالته له ذاك اليوم ..
حمد : هلا و الله بالغزال .. شحالج عذووووج ..؟؟؟..
عذيجه :بخير... حمود اريد اركب الدراجه ..
راشد : شوووووو ..؟؟.. لا استريحي ..
حمد : طاع قوات البنات يا بوسنيده ..
شمسه : حراااااااااااام عليكم .. خلونا نركب ..
حمد : حافظ عليج .. تركبين و صروالج ينووووف ورااج .. بتبطين السااااااااااااااع ..
شمسه و هي ترمس الريم : ههههههههههههههههههههههههه ههه ... بس اكيد ما بينووف شراتج ..
البنات يلسن يتظاحكن .. و حمد و راشد افترو صوب الريم .. من الصبح و حمد ماسك عمره و لا يبى انه يشوف الريم .. بس من طاحت عينه عليها .. مات ..كانت الريم لابسه كندووره متدرجه من الاصفر اللين البرتقالي .. و مطقمه شيله شراتها .. يالله يالريم .. متى بترحميني ..
الريم : و الله انكن خايساااااااااااات ..
راشد : هههههههههههههههههههه ... ليش شو مستوي .. ؟؟
الريم و هي اوين متغيضه : ماشي ..
شمسه : ههههههههههههههههههه .. ركبت الحمار جان اطييح من عليه .. هههههههههههههه ليتك شفتها و هي اطييح .. ههههههههههههههههههههه ..
و تمو يتضاحكون عليها .. و الريم تغيضت .. جان ترووح عنهم سايره صوب العزبه .. و راحت عنهم ...
حمد : قسم بالله انكم ما تستحووون ..
و جان يحرك دراجته و يروووح ورى الريم .. اللين ما وصلها .. و تم يمشي على نفس مستواها ..
حمد : الشيخه .. ممكن ارقم ..؟؟؟..
و الريم ساكته ..
حمد و هو يغني : شدو العربان بالكلي .. و اتركو ذا الروح ولهان .. ما درو وش بالحشى حلي .. من الفراق و حر نيران ..
وقفت الريم : انت شو مشكلتك ..؟؟؟..
حمد : سلامة قلبج الغاليه .. بس ان بغيتي بوصلج ..
الريم : حمد ..
حمد و هو اونه يدلع : عووووووووووووونج ..
الريم : ممكن تفااااااااارج ..؟؟..
حمد : امره ما طلبتي الشيخه ..
حمد و هو يسوق الدارجه و يغني : ماخذن من الزين و مخلي ..كمله عن كل نقصان ...اطرب لشوفه و لا املي .. و ارخص الغالي على شان ..
و الريم ميته عليه من الغيض .. و تتحرطم عليه .. و حمد ميت من بعد ما زقرته بأسمه .. يالله محلات حمد من شفاتها .. آاااه كم بعيش ..؟؟!!..
و في الوثبه ..
حميد و سيف توهم واصلين البيت .. و لقاهم سيف بارزين بعدهم مكانهم .. و عقب ما سلم سيف على بوه .. و سلم حميد عالباجين .. يلسوو يسولفون ..
بو سيف : هاه سواااف .. علومك من الكليه ؟؟..
سيف و هو حاز في خاطره : ماشي ..
بوسيف : كيف ماشي !!!..
حميد : ماشي .. ما انقبل .. و خلصت السالفه ..
بوسيف : و انت شعنه ما قلت انك تبى كلية الشرطه ..؟؟..
تم سيف ساكت ..
ام سيف : و انت شعنه ما تنشدت ولدك وشفته فالشوووه بيسجل ..
يد سيف : شما ..
جان تفتر يدة سيف صوبه ..
يدة سيف : عوونك ..
يد سيف : عانج الرحمن .. ( و جان يشل فردة خلاص .. و يمدها لها ).. اندوووج قرضيها ..
و جان تاخذها يدة سيف .. حليلها بحسن نيه .. و توها بتاكلها ..
يد سيف : سواااااااااااااف .. ( افتر سيف صوب يده ) طاالع العيووز الحين .. ترجيبة ظروسها بطيييح .. ههههههههههههههههههههههههه ..
يدة سيف و هي ترد السح مكانه فالمله : انا بنت ابووويه .. مخلني مطنزه عندك يالهايم ..
سيف : ههههههههههههههههههههههههه ه ...
حميد : افا يا يدي .. كيف جذيج .. ؟؟... ماعندنا حد اغلا من عيوزنا .. و انت مخلنها طنزه !!!..
يدة سيف و هي اتفر الفنيال على حميد ولدها : عيز حيلك يالحمار .. انا عيوووز ..؟؟..
حميد : خيييييييييييييييييييبه .. الله سلمني من هالفنيال و الا جان سببتلي امي اعاقه به ..
يدة سيف بنقمه : شووووه ؟؟.. شو بتعق ؟؟..
حميد : هههههههههههههههههههههه .. انا ما قلت بعق و لا قلت شي ..
يدة سيف : لا سمعتك بذنيه ( و تمسك ذنها بايدها ) اتقول بعق .. عق الله راسك مسود الويه ..
حميد : ههههههههههههههههههههههههه ههه ..
بوسيف : اللحين انت فخاطرك الكليه ؟؟..
سيف : .. هيه ..
بوسيف : خلاص .. فالك طيب .. ( و جان يفتر صوب ام سيف ) هاه الغاليه بنخلص سالفة الكليه .. و مره لا تحطين في خاطرج ..
ام سيف : كيف بتخلص السالفه و القبول خلص ..
بوسيف : ما عليج انتي .. زهليها عنج هالسالفه ..
و من عقب نش عنهم بو سيف بيرووح بيته الثاني قبل الصلاه ..
حميد : و انا بعد بنش عنكم ..
ام سيف : وين وين .. ؟؟...
حميد : و الله يالغاليه بروووح اتسبح و اتغدى ..
ام سيف : لالالا غداك عندنا اليوم ..
حميد : والله ..
ام سيف : لا تحلف و لا شي .. تغدى و عين خير و العصير هوووم عكيفك ..
حميد : لا بهوير دبي انا و سيف و الشباب ..
و سيف يالس و يطرش مسجات من تيلفون امه عتيلفونه ..
و في هاللحظه .. دخلت عليهم ميثه و عيسى ولد مريم .. اول حد طاحت عين ميثه عليه .. كان سيف .. وقف قلبها و هي اتشوفه .. كان لابس كندوره كركميه .. و عاق السفره عداله .. و متاكي على المسنده وموخي براسه يلعب بالتيلفونات جدامه و شعره مغطي يبهته .. يالله محلاته .. و ميثه اتشوفه .. فجأه رفع سيف راسه .. و يوم شافها سيف ابتسملها .. آااه ياقلبي محلات هالبسمه .. و الله عذاب هالريال ..
ميثه و هي تتنافض و تبتسم و ميته ان سيف ابتسملها : السلام عليكم ..
حميد : هلا و الله بمزيووونة الطايفه ..
ميثه و هي تبتسم ابتسامه رقيقه : فديتك عمي ..
راحت و سلمت على الشواب و من عقب على ام سيف و عمها حميد و البنات و اخر شي راح صوب سيف ..
ميثه : شحالك سيف ..؟؟؟..
سيف هو يبتسم : بخير ربي يسلم رووحج ..
آااه يا قلبي ..
ميثه : ربي يسلمك ..
سيف و هو يفر طربوشة كندوره على جتفه : انشالله امين .
و ميثه ميته على عمرها منه ..
و يلسو و تمو يسولفون ..
و فالهير ..
الكل تعب من اللعب و الحواطه .. و البنات يلسن يعابلن الذبايح عند امهاتهن .. الا عذيجه الي يالسه و تصور بالكيمره .. ماخلت شي ما صورته ..
حمد : بتخبرج انتي .. فرحانتبها هالكيمره .. من اصبحتي تحوطيبها ؟؟..
خالد : لا حمود .. اتقولنا شوفو انا عندي كيمره .. ( و يسوي حركات كانه يقلد البنات و هن يدلعن )
راشد : يا بويه عذروووها .. قوم الهير ما شافو خير ..
حمد : شوووووووو ؟؟.. هل هالهير ما شافوو خير ؟؟.. عنلالات صداك .. خلينا الخير لكم هل هيلي ..
شمسه : جني سمعت حد يسب هيلي ..
حمد : لا مب جنج .. الا سبيناها و خلصنا ..
شمسه : لا و الله ؟؟.. حلف انت بس ..
حمد : الله لا بليتنا بالبنات .. عذوووج .. سوي شي عدل .. و شلي هاليعريه و فارجن ..
شمسه : انا يعريه ؟؟.!!!..
حمد : لا.. صخله .. هههههههههههههههههههه..
شمسه : اذا انا صخله .. انت تيس بلا قرووون .. ههههههههههههههههههه ...
حمد : ههههههههههههههههههههههههه ه ..
خالد : هههههههههههههههههه حمود وينهن قرووونك ؟؟؟..
راشد : هههههههههههههههههههههههه .. لا ما تذكر يوم يتناطح هو و التيس الاملح .. عسبات الصخله اليربى .. ؟؟.. ههههههههههههههههههههههههه ههههههههههههههه..
حمد : ههههههههههههههههههههههههه هههه .. عنلاتك .. شو اسوي .. اقدر المرأه .. اوه اقصد الصخله ههههههههههههههههههههههههه ..
و يلسو ينكتووون .. و فجأه سمعو صريخ .. نشو كلهم يشوفون شو الي استوى ..
و طاحت عين حمد على المها .. و جان يربع صوبها ..
كان البعير يمطها من كندورتها من ورى .. و هي يالسه تصيح و تصارخ .. و حمد و راشد و خالد من شافوها ترابعو صوبها .. و شلها خالد ..
اول شي كانو خايفين .. من عقب يلسو يظحكون .. و هم يذكروون شكلها و البعير يسحبها من كندورتها ..
و في هاللحظه .. كان سلطان خو حمد توه واصل العزبه .. و وقف سيارته برى الشبج و مشى صوب خالاته و الحرمات بيسلم عليهن .. و كانت الريم عندهن ..
راح سلطان و سلم على الحرمات و كانن عند الجدووور .. يالسات يعابلن الغدى .. الا الريم و خالتها عذبه .. كانن يعابلن المشواي .. و شوي بارزات بعيد عن الباجين .. راح سلطان صوب الريم و خالته عذبه ..
عذبه : وااايه فديت روحك ..
سلطان : وين دارج الغاليه ..؟؟؟... من متى نعديبج .؟؟..
عذبه : و انته شو مستوي عليك ما توصلنا .. انت اخف عنا ..
سلطان : و الله هالدوام معثرنا .. و جان يفتر صوب الريم الي من شافت سلطان و هي متيبسه ..
سلطان : شحالج الريم ..؟؟..
الريم : بخير ربي يسلم روحك .. و من صوبك .؟؟.
و قبل لا يجاوبها ..
ام حمد : عذبه .. تعالي فدييتج .. شوفي حشوة المشواي ..
عذبه : انشالله .. و نشت وراحت صوبهن .. و تمت الريم و سلطان واقفين برووحهم .. في هاللحظه طاحت عين حمد عليهم .. بغى يمووووووووووووت ..
سلطان : هاه ريماني .. اشوفج تشوين ..؟؟..
الريم : ههههههههههههههه .. نتعلم ..
سلطان : تتعلمين ؟؟.. الله يستر .. عزات ما تغدينا ..
الريم و هي اتحط ايدها على خصرها : لا و الله شووو قصدك يعني ..؟؟..
سلطان و هو يظحك و يرفع ايده : ماشي ماشي ..
الريم : هيه زين عيل ..
سلطان : يابويه اخاف اقولج شي .. ترقعيني بهالملاس عراسي ..
الريم : ههههههههههههههههههههههههه هههههههه ..
و حمد يشوووفهم و بيموووووووووت .. ذابحتنه الغيره .. و الي ذبحه ان الريم يالسه و تسولف مع سلطان .. و هذا سلطان داقلها سوالف ..
سلطان : و الله لو المشواي مترووس تراب اني ااكله ..
الريم : هههههههههههههههههههه غصبا عنك مب بكيفك ..
سلطان : ههههههههههههههههه .. صدق بنات ما ينعطن ويه .. بدال ما تقول من طيب اصلك قالتلي غصبا عنك .. هههههههههههههههههههههه ..
و من عقب راح عنها صوب قوم حمد و الباجين .. و حمد بعده يشوف الريم .. الي ما فارقت عينها سلطان لحظه .. و تمت اتشووفه اللين ماوصل عند قوم حمد .. في هاللحظه .. حس حمد ان عينه طاحت في عين الريم .. مع ان الريم متغشيه .. بس حس .. حس ان الريم يالسه تلعب بمشاعره و هي تتعمد .. ليش تريد اتذلني هالبنت ؟؟!!!!...
و الريم .. من بعد ما راح عنها سلطان و هي اتشوفه و قلبها يدق طبووول .. اللين ما شافت حمد .. فاللحظه الي طاحت عينها في عين حمد .. حست بشي غريب .. مب عارفه شو هو .. بس شي عور قلبها .. هي ثواني بس .. حمد و قبل لا يفتر عن الريم .. طالعها من فوق لتحت .. ما قدر انه يمنع نفسه .. بس بغى يقولها .. بغى يحسسها .. انها غلطت .. و جرحته .. بغاها تحس .. ما قدر .. شافت الريم شي مب طبيعي في حمد .. ليتني مب متغشيه .. بس عشان افهم عيونه شو تقول ؟؟.. افتر حمد عنها و راح بعييييييييييد عن الباجين بعد .. انقهرت الريم .. هذا شو مشكلته ؟؟.. شو بلاه ؟؟.. بس الي ذبحها .. ان حمد هو الي افتر عنها .. انزين انا ليش تصنمت اول ما شفته ؟؟.. ليش ما سفهته و افتريت عنه ... ؟؟..
و بعد ما تغدو و خلصوو يلسو شوي .. و كلهم مع بعض .. الحرمات و البنات و الشباب .. و يسولفون و يضحكووون .. و حمد عندهم .. يسولف و يظحك .. و هو ميت .. الريم يالسه و تسولف و سلطان ما يسولف الا مع الريم .. ( اظحك مع الجلاس .. لو خاطري مهموم... و بداخلي نار ٍ .. تزيد اللواهيبي )
حمد و هو ظايج : هاه العيوز .. ما تبونا نرد ؟؟..
خالته غايه : حرام عليك يا حمد .. وين تبى ..؟؟..
حمد : عندي شغل ..
سلطان : شغل شوو ..؟؟..
حمد و هو متغيض : موااااعد .. عندك مانع ..؟؟..
وقف قلب شمسه : شوووووووووووووووو ..؟؟؟..
حمد و هو يقوووم : جنكن تبني اردكن نشن .. و الا هاذوه سلطان ردن عنده ..
سهيله : هيه امايه خلينا بنرد عند سلطان ..
ام حمد : برايك فديتك .. بنرد عند سلطان ..
نش حمد و ركب السياره و راح .. ما رجع البيت .. لا ... راح و يلس يحوووط فالعراقيب و السيوووح .. و هو في كل دقيقه يذكر الريم و سلطان .. يالله .. معقوله الريم تحب سلطان ؟؟.. معقوله سلطااااااااااان يخطبها ؟؟.. لالالالالالالالالالالالال الالا .. اللحين شو يسوون ؟.. شو يقولها ..؟؟.. ذبحته هالافكار ..
و الريم .. حست بشي من بعد ما راح عنهم حمد .. ما ادري .. حست انها كرهت المكان .. حست بشي .. شي مب عارفه سببه ..
بعدها بيومين .. طلعت نتائج كلية زايد العسكريه .. و الحمدلله .. حمد انقبل فيها ..
و فالوثبه ..
راح بو سيف صوب قوم سيف ..
بو سيف و هو يتقهوي : هاه موزه .. ولدج وين ؟؟..
ام سيف : ولديه راقد .. شعنه ؟؟..
بو سيف : نشي وعيه .. القايله اللحين ..
ام سيف : ليش راشد ؟؟.. رب ما شر ؟؟..
بو سيف : ما من شر .. وعي ولدج ..
ام سيف : انشالله ...
و راحت و وعت سيف و من عقب ردت على بو سيف ..
ام سيف : حلف يا راشد .. ان ما من شر ..
بو سيف : عنبو يا موزه .. امجذبتبي انتي ؟؟..
ام سيف : لا فديتك الا ..
بو سيف و هو يقطع رمسة ام سيف : يالله يا موزه .. من متى اعدي بتفدياتج ..
ام سيف و هي مستحيه : شووووو ..؟؟..
بو سيف : يا موزه .. انا شارنج .. و باجي عليج ..
ام سيف : اوووووه .. و الله انك متفيج ..
بو سيف : لا اله الا الله .. اللحين بناتج وحده عرست و الثانيه بتركتها .. و سيف باكر بيعرس و بتسده حرمته .. و بتمين برووحج ..
ام سيف : ما عليه شر .. عندي بويه .. و عيالي ما بيخلووني ..
بو سيف : و الله يا موزه انج غاليه عليه .. و توه بيكمل و الا يسمعون سيف يتحنحن ..
ام سيف : تعال فديتك .. بوك يباك ..
راح سيف و سلم على بوه و يلس عدال ..
بو سيف : شحالك ؟؟.
سيف : بخير ربي يسلمك ..
بو سيف : سيف .. تراني يبتلك كتاب من مكتب سيف بن زايد .. و خلصت اوراق الكليه كلها .. و انت ما عليك الا تخطف صوبهم باكر و بيقولولك عن الفحوصات و انشالله بتخلص ...
و راح و ظهر من بوكه بطاقه و عطاها لسيف ..
بو سيف : ان احتيت عطهم هالبطاقه .. و مره بيخلصوونك ..
سيف و هو فرحان : انزين وين أراجعهم باكر ...؟؟..
بو سيف : عند القياده العامه للكليه ..
سيف : ما ادلها وين ..
بو سيف : انت من توصل كلية زايد بدلها ..
سيف و هو مستغرب : كلية زااايد ؟؟!!!!!!!..
بو سيف : هيه كلية زااايد .. ترى كلية الشرطه .. قالو خلص القبول .. و ان بغى يقدم السنه اليايه ..
سيف : بس انا ما بى كلية زايد ..
ام سيف : يا ولديه زايد و الا الشرطه كله واحد ..
سيف : لا من يقوله .. انا ما باها كلية زايد ..
بو سيف : سيف .. عن البطره ..
سيف : كلية زايد ما باها .. و الكتاب الي يبته رده .. و نش سيف عنهم ..
بوسيف : سييييييييييييييييييف ..
وقف سيف ..
بوسيف : عيب عليك اتنش عني و عن امك و اتجفيبنا احنا نرمسك ..
و تم سيف ساكت ..
بوسيف : شو بلاها كلية زايد ؟؟.. حالها من حال كلية الشرطه .. و في زااايد سنتين و بتتخرج ..
سيف : انا ما باها .. لو شهرين و بتخرج ... ما باها ..
بوسيف : عيل شو تبى ؟؟.. تبى تيلس في بيت امك تتفقد الحرمات و تتسمع خراريفهن ..؟؟؟..
ام سيف : ما عليه .. خلاص يا راشد ..
بوسيف : لا هب خلاص .. بسه من هالبطره .. هب ياهل هو .. يوم انا فسناه ريال بعيالي و اكد عبيت ..
بو سيف و هو يرمس سيف : يا بويه انا ما بدوملك .. و لا امك بدوملك .. و هالمال الي تشوفه .. بييه يوم و بيخلص .. و بتبرح تتلفت ععمرك .. ما بتنفعك الا شهادتك ..
سكت سيف عن بوه ..
سيف : السموحه .. انا برووح ..
و ظهر عنهم و راح حجرته ... و من عقب ظهر من البيت ...
و في بوظبي ..
كانت هند يالسه عند امها و ختها منال و يالسات يسولفن .. شوي و الا ان حرمة عمها ياييتنهم بعيالها .. و تمت عندهم اللين المغرب .. و من اذن اذاان المغرب .. نشت هندوه و سلامه حرمة عمها و راحن الطابق الثاني فحجرة هند عشان يصلن ..
سلامه : هندووه .. تذكرين منى .. الي كانت عندنا فالمدرسه ؟؟؟..
هند و هي اتعق شيلتها : أي منى ؟؟..
سلامه : منى هاذيج السمره .. المتينه ..
هند : ما اذكرها .. بلاها ..؟؟؟..
و ان تيلفون هند يا ييتنه مسج .. جان ترووح صوب تيلفونها الي كان فالجراجه عالطاوله .. و لقت 4 مسجات ..
سلامه : ماشي بتعرس الخميس الياي .. يالله يا هندووه .. ليت شفتي الي بياخذها ..
و هند يالسه و تقرى المسجات .. و كانن 3 من مايد و وحده من ربيعتها ..
و كانت مسجات مايد على غير العاده .. وااااااايد حزينه .. يعني متعوده ان مايد يطرشلها نكة و الا مسجات حلوه .. بس حست ان فيه شي ..
سلامه : هندوووه .. عيب عليج من ساعه اكلمج و لا تردين ..
هند: شووووو ..؟؟؟؟..
سلامه : شووو ؟؟!!!.. خلينا نصلي احسن ..
و نشن و صلن و من عقب ردن تحت .. و شلت هندوه تيلفونها معاها .. و كان مايد عكل دقيقه يطرشلها مسج ..
ام هند : حشى .. تيلفونج ما وقف ..
منال : لا معجبيييييييييييييين هندوووه واااااااااايد ..
هند : لا هذي منايه ما عندها سالفه حاشرتني بالمسجات .. و جان ترووح و تخلي تيلفونها عالصامت ..
كانت يالسه عندهم .. و كل فكرها في مايد .. تحس ان شي فيه هالريال .. اكيييد فيه شي ..
و في نفس اليوم .. و عالساعه 11 فليل اتصل مايد بهند .. بس هند ما ردت عليه ..
كانت هند تتسبح .. و طلعت عالساعه 11:30 فليل .. و لقت 2 مسد كول .. و مسج وحده ..
" الشيخه ارجوج .. و الله محتاج اني اكلمج .. ارجوج ردي "
و من قرت هند هالمسج و هي ميته .. يالله حليله ..
كتبتله مسج ..
" رب ما شر الشيخ ؟؟.. "
كانت تريد تعرف هو شو فيه .. بس ما كانت تريد انها تتصلبه .. اصلا ما كانت تريد انها تكلمه .. بس حست ان فيه شي .. سبحان الله .. هالانسان فيه شي مب طبيعي ..
توها بطرشله المسج .. طلعلها لم يتم الارسال .. استغربت ليش ما طاع يطرش ؟؟!!!..
و رجعت و حاولت انها اطرشها بس ما طاع .. رجعت اتصلت على 121 اتشوف رصيدها .. لقته 27 فلس ..
يالله يالنحاسه ..
و رجع و طرشلها مايد مسج ..
" و الله هذي اول و اخر مره بكلمج فيها .. بس دخيلج ردي "
و هند ميته .. انزين اتصل ما عندي رصيد .. و يلست تتحرقص .. تحس ان فيه شي .. يالله شو فيه ..
و مايد يالس و ظاربته ظيجه .. يريد يرمس هند بأي طريقه .. بس هند ما ردت .. و لا طرشتله مسج .. يمكن مشغوله .. امممممم .. يمكن نايمه ..
و رجع و تلحف عشان ينام .. و هند يالسه و تترياه يتصلبها .. و نامت و هي مب حاسه بعمرها ..
بعد هاليوم .. ما طرش مايد أي مسجل لهند .. و هند مب عارفه شو تسوي .. يالسه محتاره .. تتصل بمايد ؟؟.. اتشوفه شو فيه ..؟؟؟.. يالله .. شو فيه ..؟؟.. يلست هند تفكر في هالمايد .. يالله هذا من وين طلعلي بعد .. اففففففففف .. يالله تساعدني ..
بعدها بيومين .. كانو الشباب قد خلصوو فحوصاتهم و خلصو كل شي .. و هذا ااخر يوم لهم عند هلهم .. و من بعدها بيروحون كلية زايد العسكريه .. و بينحجزون فيها 45 يوووم ..
و في هالليله لا سيف قدر انه ينام .. و لا حمد .. حمد الي يلس يحووط فالشعبيه .. و مشغل المسجل و ظاربتنه ظيجه .. اول مره بيخلي هله كل هالمده .. و بيخلي الريم .. آاااه يالريم ..
امممممممممممم ...
ظنكم شو اللي بين الريم و سلطان ..؟؟؟.. <img title="" alt="" src="http://www.alamuae.com/vb/images/smilies/icon9.gif" border=0>
و مايد شو مشكلته ..؟؟.. <img title="" alt="" src="http://www.alamuae.com/vb/images/smilies/icon9.gif" border=0>
و هند شو ممكن تسوي عشان مايد ..؟؟؟؟ <img title="" alt="" src="http://www.alamuae.com/vb/images/smilies/icon9.gif" border=0>
و ظنكم شبابنا بيتلاقون فالكليه ؟؟.. و بيكونون ربع و الا اعداء ..؟؟؟ <img title="" alt="" src="http://www.alamuae.com/vb/images/smilies/icon9.gif" border=0>
و اللحين رقبو شبابنا و احداثهم في كلية زايد العسكريه <img title="" alt="" src="http://www.alamuae.com/vb/images/smilies/msn-wink.gif" border=0>
و عسى هالجزء يعيبكم الشيوووووووخ ...
و السموووووووحه منكم عالمغثه و التقصير ..
</div>
<!-- / message -->
هذا آخر جزء كتبته الكاتبه
اطلب من الاعضاء السمووحه
لان كاتبة القصة ما طااعت تكمل قصتها لاسبابها الخااصة
</p></center></font>
رد مع اقتباس
مواقع النشر (المفضلة)