<font color='#000000'><div>
<center>السلام عليكم و رحمة الله و بركاته ..
و اللحين ما بطول عليكم .. هذا الجزء الثاني و عساه بس يعيبكم ..
$$** الجزء الثاني **$$
...*** راعني بالود يا شوقي .. روف بي خذني بالرفاقي ... في بحر عشقك يا معشوقي.. ودكم راسي بالاعماقي ***...
نزلت بنت منقبه من السياره ..
هند : يوسف .. رووح البيت و انا برجع اتصلبك بعدين عشان ترجعلي .. بس لا ترووح مكان ..
يوسف : انت متى خلاص ..؟؟؟..
هند : ما ادري .. بس ما بتاخر يعني يمكن ساعه ..
يوسف : مافي مشكله ..
و في هالوقت سيف يكلم وديمه خته بصوت واطي : هاذي ربيعتج ..؟؟؟..
وديمه : وييينها ..؟؟؟..
سيف : الي واقفه عند المرسدس .. هاكيه و ياشر بايده صوب هند .. و في هاللحظه افترت هند صوبهم و هي اتسكر باب السياره .. و من طاحت عينها على سيف تيبست المسكينه .. و انتبه سيف انها شافته و هو يأشر جان اينزل ايده و يبتسم ههههههههههههههههههههه مقصرها هالبنت ههههههههههههههههههههههه ..
و يوم اشر سيف على هند افترت وديمه صوب الاتجاه الي اشر عليه .. و من شافت هند عرفتها ..
وديمه و تمشي صوب هند و تتكلم بصوت عالي : مرحبااااا ملالالالالالالايييييييييي يييين و زوووووووود ..
هند : هههههههههههههههههههههه .. لالالالا ما يسدني ملاييييييييييييييين .. وسوت حركه بايدها .. اريد زوووود ..
و ان وديمه واصله عندها .. و تمن يسلمن عبعض .. و سيف يالس و يراقبهن .. حتى عيسى يلس عالارض و يطالعهن .. سيف في خاطره .. حشى كم هو السلالالام مره لاصقات في بعض .. الله لا بليتنا ..
هند بصوت واطي : ودووووم ماقلتيلي ان خوووج رحيم لهالدرجه ..
وديمه و هي تفتر صوب سيف خوها : ههههههههههههههههههههههههه ههههههههه .. و كان سيف موخي و يكلم عيسى
وديمه : فديييييييييييييييته ..
هند : يعني بلالالاج ما تعرفين ان عوقي الرحام ..
وديمه : ول ول ما كانت اعتقد ان سواف رحيم لهالدرجه .. اشوووفه عادي ...
هند : ههههههههههههههههههههههههه .. لازم جنعت عينج من شوفت الرحام .. عنلالالاتج .. انتي كل هلج رحام جذيه ..؟؟؟..
وديمه : ههههههههههههههههههه .. و انتي منو ريتي من هليه ؟؟..
هند : يسد بوووج .. حشى جن بنات الكليه باتن يهويسبه شهر من عقب ما شافن صورته عندج ..
وديمه : ههههههههههههههههههههههههه ههههه و انتي منهن ..
هند : ههههههههههههههههههههههههه ههههههههه .. ودوووم يوزيني بوووج ..
وديمه : هههههههههههههههههه .. لا فديتج بويه مستد عنده الي ساديتنه ..
و كانت وديمه و هند يسولفن و هن عدال الشارع يعني بعدهن ما خازن عن الرصيف الي عدال الشارع .. خطفت سياره من عدالهن ..
علق الي يالس عدال الي يسوق و هو موجه كلامه لوديمه : ياااااااااويييييل حااااااااااااالي عالطوااااال .. صدق يوم قالو الطوووول هيبه ..
في هاللحظه انتبه سيف .. جان ينش عن عيسى و راح صوب خته .. و الريال من شاف سيف يمشي صوبه اشر لربيعه عشان يتحرك ..
سيف : وديمه .. اظني في مكان هناك تيلسن فيه بدال ما انتن مجابلالات الشارع لهالخمه .. كان باين على سيف انه معصب ..
وديمه : انزين و الله ماكان قصدنا ...
سيف : كان قصدج و الا ماكان قصدج .. اظني اللحين قلتلج .. تحركن هناك و يلسن ..
هند بصوت واطي لوديمه : معوفه .. قالت هالكلمه و هي و وديمه يتخطن سيف .. و المشكله ان سيف سمعها .. جان ينقع من الظحك .. ياويلي عليج يالرقيقه ..
$$** هند .. انسانه عاديه فالجمال .. يعني مب حلوه ذاك الزووود بس احلا مافيها عيونها .. مشالله عليهن وااااايد حلوات .. هي قصيره شوي .. لا مب شوي هي قصيره زياااده عن اللزووم بالنسبه لسيف .. بس طولها بالنسبه للبنات واااايد حلو .. هي بجر هلها .. بوها متوفي .. عندها خت وحده و خوان ثنينه غيرها .. و كلهم اصغر منها .. انسانه حنونه لأبعد الحدود .. و ماشي في خاطرها من صوب الناااس .. و خدووومه .. لو هي مب حلوه كشكل .. بس حلاة رووحها و طيبة قلبها مغطيه على هالشي .. و الكل يحسبها شيخه من زين معانيها .. مافي حد ممكن انه يعرف هالانسانه و يكرها .. تفرض حبها و احترامها على الناااس من طيبها **$$..
راحن وديمه و هند عن سيف و عواس و تمن يمشن ..
وديمه : تعرفين خاطريه اروووح عند النااافوره العوده .. وااااايد حلوووه كلها ورووود ..
هند : هيه هي مب بعيده .. اعتقد لو ردينا و مشينا هاذاك الصوب .. و افترت و اشرت .. بنوصلها ..
وديمه : اوكي ردي عيل بقول لسواف اننا بنروحلها ..
ورجعن صوب سيف .. بس هند وقفت شوي عطرف عنه .. و راحت صوبه ودوم خته ..
وديمه : سوااااف .. انريد انروووح صوب النافووووره العوده ..
سيف : و شو تبينها ..؟؟..
وديمه : خاطريه ارووحها .. و اللحين وااااااايد معدلينها مخلينها كلها ورووود داير ما يدووور ...
سيف : يا بطرت البنات ..
وديمه : فدييييييييييييييييييييييي يييييييييتك سواااف ..
سيف : انتي ما تتفديني الا جن لج حايه ..
وديمه : ههههههههههههههههههههههههه ..
سيف : يله عيل تعالن بوديكن ..
وديمه : بالسياره ..؟؟؟..
سيف : هاه عيل تبين تمشين اللين هناك !! ..
جان تفتر وديمه صوب هند و قالتلها ..
وديمه : هندوووووه تعالي سواف بيودينا بالسياره ..
صخت هند : شوووووووووو ..؟؟؟؟؟..
و سيف يالس يراقب يريد يعرف ردت فعلها ..
هند : لا و الله ما ركبت عنده ..
رفع سيف واحد من حيّاته مستغرب ..
جان تمشي وديمه صوب هند : حرااام عليج هندوووه ..
هند : ودوووم رووحو انتو بالسياره و انا برووح مشي ..
وديمه : يالله عليج عاد سيف ما بياكلج ..
هند : فديتج ودووم لا تحرجيني .. انا ما اقدر اركب عند خووج ..
استغرب سيف من ردت فعلها .. يعني هو متعود على ربيعات ودووم من يشوفنه يموتن عليه و ما يصدقن اتقولهن ودووم سيف بيوديني و الا بيردني اسميهن يترابعن وراها .. بس هذي عيبته .. غير ما اهتمت لشكله .. اشكر فنها هالبنت عليه ان مافيها حيله ..
سيف : خلالاص ودووم جنكن بتروومن يله بنمشي .. و جان يمسك عيسى من ايده و يقوده و مشى جدامهن و لحقنه البنات .. و هن يمشن و يسولفن وقف سيف .. عيسى تعب من المشي .. جان يشله سيف على جتفه و يكمل المشي .. و تمن يسولفن و سيف يلاعب عيسى و يسويله حركااات .. سيف يموووت على عيسى ولد خته .. يالله .. كان خاطره و هو ياهل يلاقي حد يلاعبه جذيه .. و هو يلاعب عيسى سوى حركه كأنه بيعقه جان يتعلق عيسى براس سيف و خرب سفرته .. تمت السفره لا هي طايحه و لا هي مكانها .. يعني معلقه .. جان يهز سيف راسه عشان اتطيح و طاحت السفره .. و هند يالسه و اتشوفه .. جان يحرك سيف شعره و يهز براسه عشان يحرك الشعر الي نزل على يبهته .. و من شافته هند وقف قلبها .. من الخاطر حست ان شعر جسمها وقف و هو يسوي هالحركه .. و فجأه افتر سيف و عيسى يالس يظحك و يمط شعر سيف .. سيف و هو مفتر صوب البنات و يضحك ..
سيف : ودوووم فديتج شلي سفرتيه عقها هاليعري ..
عيسى : ههههههههههههههههههههههههه هههههههه ..
ماتت هند على سيف .. من الخاطر رهيييب هالانسان .. كانت اتشوفه و تحس قلبها بيطلع من صدرها ..
و فالهير ..
حمد : سلطان عطني سيارتك ..
سلطان : ليش سيارتك شو بلاها ..؟؟؟..
حمد : ما بلاها شي ..
سلطان : عيل شو تباها سيارتيه ..؟؟..
حمد : لا حول .. ياخي الا طلبتك فسياره .. و الله يا اني ما اكلها ..
سلطان : و شو تباها ..؟؟..
حمد : يعني ظنك شو يسوبها السياره بعد .. بروحبها بقعه ..
سلطان : و هالبقعه ما تنفع تروحلها بسيارتك ..؟؟!!..
حمد : لا حووول .. اسميييك بتذلنا . .. ما نبا منك شي ..
ام حمد : ودي يا سلطان شعندك عخوووك .. عطه السياره جنه بغاها ..
سلطان : و اتم بلا سياره حاين .. لا بويه انا هب في لعبته ..
حمد : انزين خلالالاص مانباها سيارتك .. بتذلنا انت..!!.. هي الا سياره ..
و توه سلطان بيرد عليه .. جان ترمس ام حمد ..
ام حمد : و انت بلاها سيارتك ..؟؟..
حمد : ما بلاها شي .. الا بروووح انا و الشباب دبي .. و الكروزر و ما ينراحبه دبي ..
سلطان بنقمه : و شو حايتكم فدبي ..؟؟؟؟؟..
حمد و هو يطاع خوه بنظره : بنروووح نصييييييح .. موااااااااااعدييين ..
ام حمد : يا عنبو ذا الويه لك يالخام .. جنك محتشر عخوك عسب هالكفر ..
جان ينش حمد صوب امه و يلوي عليها : فدييييييييييييييييييييييي ييييييييييييييت روووحج انا يالعيوووز ..
جان تظربه على ايه يوم قالها العيوز : عيز حيلك ياليعري ..
حمد و هو يحب امه على خدها : فدييييييييييييييييييييييي ييييييييييييييييت الشباب اانااا .. ما تعرفين ولدج .. يعني انا اللحين ويه واحد يواعد و يغازل يالغاليه .. ؟؟.. انا مستد بهالغرشوبه ..و جان يرد و يحب امه .. فديتها انا ..
ام حمد : يا لواتتك ..
حمد : انا !!!!!.. حرام عليج .. و الله يالدنيا ما تسوى شي من غيرج ..
ام حمد : نش نش خذ سويج سيارتيه من الحجره ..
حمد : فدييييييييييييييييييييييي ييييييييييييييييييييييييي يتج ..
و نش يربع عن لا تغير رايها ..
ام حمد : بس و الله يا حمد .. يا ان وصلني انك مواعد و الا تلعب في دبي عالبنيات .. و الله لا اخبر بوك .. و اخليه هو يصلبك ..
حمد : امره فالج طيب ..
و نش حمد و شل سويج سيارة امه من الحجره .. و رد حجرته و تعطر .. و ظهر و هو يتسفر .. و ان بوه و سلطان و امه فالصاله ..
بو حمد : هاه بو شهاب .. شحايتك فدبي ..؟؟؟
عرف حمد ان سلطان خبر بوه ..
حمد : ماشي الا حواطه .. اقول الشيبه .. وصلت سيف بن بطي ..؟؟..
سلطان فخاطره حسبيله عليه هالصبي يعرف كيف يقردن الشواب ..
بوحمد : هيه وصلته ..
حمد و هو ييلس عدال بوه : علووومه ..؟؟؟..
بوحمد : ماشي يتخبري جني ببيع شي من هالنووووق ..
حمد : لا تبيع و لا شي .. بوشك ما ينلقن ..
بوحمد : قلتله انا .. ما عندي بوش ببيعهن ..
حمد : هيه .. انزين الشيبه شي في خاطرك ..؟؟..
بوحمد : سلامتك فديتك .. الا بتخبرك .. انت وين بتقدم فكلية الشرطه و الا العسكريه ..؟؟..
حمد : لالالالا العسكريه .. مافيني عكد الشرطه .. جني بنسحت فيها 4 سنين ...
سلطان : هاذوه دخلناها كلية الشرطه و تخرجنا منها ما استوى علينا شي ..
حمد : عاد سلطان .. انا مافيني عكد 4 سنين .. كلية زايد العسكريه سنتين و تتخرج منها .. و حالي من حالكم ..
ام حمد : هيه فديته ولديه مافيه عكد 4 سنين ..
حمد : ااه فدييت عيوزي انا .. وين تبوني اتم 4 سنين بعيد عن عيوزي انا .؟؟!!.
سلطان : تراك بتردلها فالخميس و اليمعه ..
حمد و هو ينش : اقولكم ما باها الشرطه ..
بوحمد : عهواك ..
و نش عنهم حمد و خطف على ربعه و مناك راحو دبي ..
و في بوظبي و بالتحديد عالكورنيش و عند النافوره .. كانن البنات يالسات فووق من عقب ما ركبن دري النافوره و يالسات و يشوفن الماي و البحر .. و تحت سيف يشتري لعيسى الايس كريم من عند الهندي الي يبيع .. و اشترى للبنات .. و طرش عيسى بالكيس صوبهن .. ركب عيسى عندهن و عطاهن الكيس ..
هند : حبيبي عواس تعال .. تعال بشلك ..
عيسى : ماليد ..
هند : ما تبا تشوووف الماي .؟؟..
عيسى و هو يحرك راسه بمعنى ما اريد .. : بلووح اند تيف .. و اشر صوب خاله سيف ..
و نزل عيسى عنهم .. و هو ينزل الدري و يربع .. و يوم قده بيوصل .. جان يطييح .. جان تعطي وديمه سفرة سيف لهند و تربع صوب عيسى .. و سيف بعد ربع صوبه .. و هند واقفه اتشوفهم .. بس فديته ما استواله شي ..
وديمه و هي تنظف عيسى : حبيبي شي يعورك ..؟؟..
و عيسى يهز راسه : لالا .. بث عكليمي تاح .. و يطالع ايس كريمه ...
سيف : فدوى عن راسك .. اللحين بشتريلك غيره .. جان يوقف سيف .. و رفع عينه صوب هند .. اول ما عطت وديمه السفره لهند .. كانت ريحة عطر سيف فالسفره .. و ريحته رهييييبه .. و لا اراديا .. شلت هند السفره و قربتها عشان اتشم الريحه عدل .. هي ما كان قصدها شي .. بس تريد اتشم هالعطر .. و في هاللحظه رفع سيف عينه صوبها .. و من شاف هالحركه .. تيبس .. و كانت هند مغمضه عيونها .. و اول ما فتحتهن .. شافت سيف يشوفها .. انحرق ويها و جان تنزل السفره .. فاللحظه الي فتحت فيها هند عيونها .. حس سيف ان عينه طاحت في عين هند .. و تيبس و حس برعشه في جسمه بالكامل .. انتبه ان هند نزلت السفره من بعد ماشافته يشوفها .. جان يظحك و يوخي براسه و يرفع بايده شعره .. و جان يشل عيسى و راح عن وديمه الي راحت صوب هند .. بعدها بنص ساعه اتصلت هند بالدريول عشان ايي و يشلها .. عشر دقايق و ان الدريول ياينها من عقب ما دللته على مكانهم .. و راحت هند و هي مب في حاله من سيف .. حتى سيف نفسه .. من بعد ما طاحت عينه في عين هند و هو مب في حاله .. حس بشي غريب .. شو هو ؟؟.. ما يدري !! ..
و رجعو قوم سيف الوثبه .. و من عقب شل عيسى الي كان قد رقد عليهم فالسياره في طريج الرده .. و وداه صوب خته مريم ..
بالباجر .. فالوثبه ..
و كانت الساعه 5 العصر .. كان سيف توه متسبح و متلبس .. و ظهر عن هله رايح صوب بوه فالبيت الثاني ..
راح بيت بوه .. وقف نيسانه عند الباب و نزل .. اول ما دخل البيت لقى حرمة بوه و يدته و ناصر و نوره خوانه من بوه.. فارشين فالحوش و يالسين ..
سيف و هو توه حادر : هوووووود هوووووود ..
حرمة بوه : هداااااا .. مرحبا السااااع ..
و جان تنش هي و ناصر و نوره .. و سار ناصر صوبه و توايهو .. و من عقب راح سيف صوب حرمت بوه و وايها ..
حرمة بوه : وايه فديت هالعرضه ..
سيف : ههههههههههههههههههه .. اريد اعرف انتن شعنه ما تتفدن الا عرضتيه !!؟؟..
و جان يخر على يدته الي كان بعدها يالسه و وايها و حبها عراسها
يدته : سمحلي الغالي ما رووم اثووور .. ظهريه مره لابج عليه من يومين ..
سيف : فديتج يالغاليه ..
و جان يصلب عمره و يوايه نوره خته .. نوره صغيييره عمرها 13 سنه و تموت على سيف خوها ..
و عقب ما وايهته ردت و حبته على خده .. و هو متعود عليها .. بتموت ان شافته و ما حبته ..
نوره : تو انور البيت ..
سيف و هو يمسك خد نوره و اونه يمطه : و الله و تعلمتي هالرمسه بعد ..
نوره و هي تظك بويها و تظحك : ههههههههههههههههه .. لازم نتعلم عشان نتغزل فيك .. هههههههههه
حرمة بوه : ههههههههههههههه .. غربلاتج يا نوير .. وشحالك يالغالي ..؟؟.
سيف و هو ييلس و كلهم ييلسون : بخير ربي يسلمج ..
و ان حرمة بوه اتمد ايدها بفنيال القهوه صوبه ..
سيف و هو ياخذه منها : تسلمين فديتج ..
و يلس و تم يسولف عندهم شوي ..: يدوووه .. امي و وديمه يسلمن عليج .. و وديمه اتقولج تراها مستظيجه من عقبج ..
يدته : وااايه فديتها ..
سيف : ما بتين صوبنا تيلسين يومين عندنا ..؟؟.
يدته : لا عنبوه .. لازم بييكم .. الا يدك ما رد من عند خالتك شما ..؟؟..
سيف و هو يظحك : ههههههههههههههههه .. لا انشالله بالاربعا بيرد ..
يدته : عيل وين تباني اييكم .. يوم هالشيبه بيظوي .. ؟؟..
سيف : ههههههههههههههههههه .. يا حليل يدي .. حليله ما يسوي شي ..
يدته بنقمه : شوووو ه ؟؟... وين ما يسوي شي .. جنه منكل حياتي .. حشى اسميه مغثه هالشيبه..
سيف : هههههههههههههههههههههه ... الا وين بويه عنكم ..؟؟..
نوره : باباتي في بوظبي عند الشيوخ من يومين ..
سيف : اها .. زين عيل .. انا بترخص عنكم اللحين .. شي فالخاطر من جدانا ..؟؟؟..
حرمة بوه : سلامتك ولديه .. رد السلام عموزه و خاواتك ..
سيف : يبلغ انشالله ..
و راح عنهم سيف .. و خطف على قوم عمه عشان يشل خميس ولد عمه و بيسلم على مريم خته .. اول ما وصل اتصل بخميس ...
خميس : يله اللحين بظهرلك ..
ام ميثه : بتظهر لمنو ..؟؟..
خميس : بظهر لسيف ولد عمي ..
ام ميثه : عنبو الريال عند باب بيتك و لا تقربه .. يالفضايح ..
خميس و هو يوجه كلامه لسيف : اقولك .. نزل مافيني عهزاب العيوز بسبتك ..
سيف : ههههههههههههههههههههه .. اوكي ..
و نزل سيف و حدر بيت عمه و دخل الصاله و ماكان حد الا خميس و امه .. و نشت ام ميثه صوبه و وايها و حبها على راسها ..
سيف و هو يعني خميس برمسته : لا بتخبرك انت ما تستحي اتقول عن عمتيه عيووز ..؟؟؟؟..
خميس : ايوه .. بدينا .. نش نش ..
ام ميثه : ودي شعندك عليه .. خله بيتقهوي و الا بياخذله كوب حليب ..
خميس و هو يسحب سيف : لالالالا ما يبى لا قهوه و لا حليب ..
سيف : هههههههههههههههه .. حشى ... الساع ما اكرمت خطـّارك ..
خميس : مب علينها هالحركات .. نش نش ورانا درب ..
سيف : ما عليه .. الا برووح صوب الريم بسلم عليها ..
و ظهر عنهم سيف و راح صوب قسم مريم خته .. الي باب صالته يفتح عالحوش الخارجي للبيت .. دخل سيف الصاله .. و كانت ميثه بنت عمه .. تأكل موزه بنت مريم السيريلاك .. و كانت مب متشيله زين .. و لا انتبهت لسيف و هو داخل بيتهم اصلا مع انها من مكانها اتشوف أي حد يدخل او يظهر من البيت ..
سيف : شحالج ميثوووه ..؟؟..
صخت ميثه و هي تسمع صوت سيف .. اول شي سوته انها تحط الصحن من ايدها و عدلت شيلتها و تحجبة .. سيف ما انتبه لميثه .. و سلم عليها و خطف عنها .. حتى ماهان عليه يسمع ردها ..
ميثه و هي تشوف سيف و هو يتحرك صوب الصاله الداخليه مالت خته ..: بخير ربي يسلمك ..
و طبعا هو ما سمعني .. افففففففففففف .. شو هو ما يحس فيني ..؟؟.. حدر سيف على خته و سلم عليها و من عقب ظهر عنها .. و ميثه ترقبه .. فالصاله .. و من سمعت صوته و هو يرمس مريم و يمشون .. وخت ويها و اونها ما بتشوفه .. و يلست تاكل موزه السيريلاك .. سيف و قبل لا يظهر .. راح صوبهم ..
و خر صوب موزه و حبها على خدها .. و في هاللحظه .. كان ويهه وااايد قريب من ويه ميثه .. لدرجة انها حست عمرها بتختنق من ريحت عطره .. و تم قلبها يدق بالقو ..
سيف : فدييييييييييييييييييييييي ييييييييييييييييييييييييت ج .. و حب موزه .. و افتر صوب مريم .. بنتج يوم بتكبر .. بتذبح الشباب جنها شبهتج ..
مريم : ههههههههههههههههههههههههه هه .. فديتك قول هالرمسه و مبارك عندنا ..
و نش سيف عنهم و راح هو و خميس يحوطون عند الشباب ..
في نفس هاليوم .. و في بوظبي ..و عالساعه 11 فليل ..
هند يالسه في حجرتها .. و هي تتذكر سيف .. يالله .. كيف هالانسان رهيب .. بغض النظر عن شكله .. حركاته .. كلامه .. اسلوبه .. كله عذاب هالريال .. تمت هند تتذكر شكله و هو يحرك شعره .. و هو يمشي .. و هو يتكلم .. آاااه ..
و في هاللحظه يتها مسج من رقم اول مره اتشوفه ...
" صابني سهم الهوى من مقلت اعيانج "
استغربت هند هالمسج .. و استغربت الرقم بعد .. هذي اكيييد منى .. دومها تغير رقمها و تسوي فيني هالحركه ..
و توها بترد عليها بمسج .. ان ياييتنها مسج ثانيه .. اول ما فتحتها .. مالقت شي
.. تمت تنزل
و تنزل
و تنزل
.. و بعدين لقت..
"شعندج محتشره ..
مظيعه شي ادورينه ؟!"
هند : ههههههههههههههههههه .. جان ترد عليها ..
" مظيعه صخله يربى ينعتونها بمنى .. جنج لقيتيها دليني عليها "
جان ترد عليها ..
" ههههه .. و يوم هي يربى شحايتج فيها ؟؟."
هند ..
"ما اصبر عنها .. حبها يمشي في عروقي "
ردت عليها ..
" مالج مونه جنج تحبين صخله ... و يربى بعد "
نقعت هند من الظحك .. و جان تتصل على هالرقم ..
و جان ترد عليها ..
هند : هههههههههههههههههههههه .. مالت عليج ..
بس منى ما تكلمت و تمت ساكته
هند : الو ..
... : .. الو ..
صخت هند .. لان الصوت مب صوت ربيعتها منى ... لا صوت ريال ..
... : الووو ..
هند : .. السموحه خويه غلطانه فالرقم ..
... : .. ممممم .. مسموحه الشيخه ..
هند : مع السلامه .. و توها بتسكر ..
... : الا الشيخه ..
هند : .. نعم ..
... : طنفتيها الصخله اليربى و الا بعدج ..؟؟؟..
صخت هند جن حد جاب عليها ماي باااارد ..
هند : .. هاه ..؟؟..!!..
..... : ههههههههههههههههههههههههه هههههههههههههه ....
توها استوعبت هند .. يعني هو الي كان يطرشلها المسجات مب منى ربيعتها ..
هند : السموحه .. بس انت الي طرشت اول شي ..
.... : السموووحه كنت مغلط ..
قفطت هند .. يعني جنه يقولها انا غلطت و انتي مره ما صدقتي و دقيتيها بسوالف .. لا و رجعتي و اتصلتي .. مالت عليه ..
هند : اوكي .. اااسفه .. كنت اتحسبك وحده من ربيعاتي .. بس شكلي مغلطه .. السموحه منك ..
و ما عطته مجال عشان يتكلم و الا يرد .. سيده سكرة ..
رجع و اتصل .. و ما ردت عليه .. و تم يتصل و يتصل و هي بو لباس و لا ردت .. بعدين جان يطرشلها مسج .
" مب من شيم بنات الجبايل يسكرن التيلفون في ويوووه العرب "
ردت عليه ..
" و لا هب من شيم ولد الجبايل يتصل على تيلفونات البنات "
رجع و اتصل .. بس ما ردت عليه ..
جان يطرشلها مسج ..
" انزين .. بنتعرف على بعض .. انا اسمي مايد .. "
ردت عليه ..
" الشيخ ما يهمني منو تكون .. و لو سمحت احترم نفسك و يوز عن هالحركات "
و جان تغلق تيلفونها ..
رجع مايد و اتصل و لقاه مغلق .. مب مشكله .. بييييج يوم..
بالباجر سرحوو الشباب كلهم من كل المناطق صوب بوظبي .. يقدموون اوراقهم .. الي يقدم في كلية الشرطه و الي يقدم في كلية زايد العسكريه .. و الي قدم في الاثنين .. قدم سيف اوراقه في كلية الشرطه و في كلية زايد العسكريه بعد .. حاله من حال خميس ولد عمه .. بس هو كان حاط في باله انه بيدخل كلية الشرطه .. و نفس الشي حمد .. بس حمد ما قدم الا في كلية زايد العسكريه ..
و عقب ما خلصو الشباب و قدمو اوراقهم في الكليات .. ما بقى منهم الا يرقبوون النتائج و اسماء المقبولين في الجرايد ..
و مسكينه هند .. هالمايد مظهرلها قرووون .. عكل دقيقه يطرشلها مسج .. يا يصبح عليها يا يمسي عليها .. و الا يطرشلها مسجات عاديه .. و مره طرشلها
" الشيخه .. انا في دبي .. ما تبين شي اييبه لج "
هند و الله انك متفيج .. و طبعا ما ردت عليه ..
كان يوم السبت ..
و حمد راقد .. كانت الساعه 9 الصبح .. و ان سهيله خته حادره عليه الحجره ..
سهيله : حموووووووووووووود .. حموووووووووووود ..
فز حمد في رقاده ..
حمد : هاه شي انحرق .. البيت لبج ..؟؟؟؟..
سهيله و هي مستغربه : شوووو ؟؟.. ماشي انحرق ..
جان يرد حمد بينام : عيل فارجي خليني انام ..
سهيله : نش نش .. نتايج القبول مالت الكليه ظهرت ..
فر حمد لحافه .. و نش يربع صوب الصاله ..
امممممممممممم ... ظنكم شو بتكون نتائج القبوول ؟؟؟.. <img title="" alt="" src="http://www.alamuae.com/vb/images/smilies/icon9.gif" border=0>
شو بينقبلووون الشبيبه و الا لا ..؟؟؟.. <img title="" alt="" src="http://www.alamuae.com/vb/images/smilies/icon9.gif" border=0>
و شو سالفة مايد هذا بعد الا غاث هندوووه ؟؟.. <img title="" alt="" src="http://www.alamuae.com/vb/images/smilies/icon9.gif" border=0>
و شو من الاحداث بتستوي ..؟؟؟ <img title="" alt="" src="http://www.alamuae.com/vb/images/smilies/icon9.gif" border=0>
و السمووووووووووووحه منكم الشيوووخ عالتقصير و المغثه ..
</div>
</center></font>
رد مع اقتباس
مواقع النشر (المفضلة)