<font color='#F660AB'><p align=center><font face="times new roman, times, serif" size=3><strong><font color=#990099>الصراحـــه القصه عيبتني و انتِ ما حطيتي الا جزئين..
و انا حصلت القصه فحبيت انقل لكم</font> <font color=#ff0099 size=4>الجزء الثالث</font><font color=#990099>..</font>
<font color=#990099>و السموحــه منج بنت خالوه..</font>
</strong><strong><img src="http://oasis.bindubai.com/emoticons/smile.gif" border=0>
...***برقى روس الشرايف .. ما بنزل بالوطاه .. حيث الطويل النايف .. له فالنظره حلاه .. راعي الشيل الرهايف ..لي جدد غلاه .. لي شوفه بالكلايف ..عيناوي منتهاه***...
نش حمد يربع من حجرته صوب الصاله .. و سهيله وراه ..
حمد : وييين وييين النتائج ..؟؟؟..
ام حمد و هي كانت تشرب كوب حليب و بغت تغص .. : بسم الله .. شعندك ..؟؟؟..
حمد : وين النتائج ..؟؟؟..
ام حمد : نتائج شووو ؟؟.. ولديه دهمان انت .. رد رقد ..
حمد : اوووووه ... و يفتر عسهيله .. سهيله وين النتائج ؟؟..
سهيله : فالجريده ..
حمد : حلفي .. لا و الله لتحلفين ..
ام حمد : ودي شعنك استلبست علينا ..
حمد و هو يحك بايده ورى ذنه : وين الجريده ..؟؟؟..
سهيله : ما يبناها .. ترى انا يايه اوعيك عشان ترووح تيب الجريده و نعرف النتائج ..
و بعدها ما كملت سهيله رمستها .. جان يظهر حمد من البيت .. شوي و انه راد .. نسى ياخذ سويج السياره
ام حمد : الله يثبتك بالعقل ..
و رد بيظهر و السويج في يده ..
سهيله : حمد .. دخييييييييييييييييييييييي يييييلك .. فضحتنا رووح لبسلك كندوره ..
ما عطاها ويه و ظهر الحبيب بالفالينه و الوزار و ركب كروزره و راح الدكان يشتري الجريده ..
سهيله : امي و الله يا ولدج فاضحنا .. حشى دوووومه بالفالينه و الوزار ..
ام حمد : يا بويه انا خوج ما رومله حيله ..
و رد حمد و فرش الجرايييد و يلس يدور النتائج .. بس ما لقى الا نتائج كلية الشرطه و ما لقى نتائج كلية زايد العسكريه و الي هو مقدم فيها ..
حمد : عنلاتهم زاد .. يبوون يحرقون اعصابنا ..
ام حمد : لا انشالله بينزلونهن و بيستريح بالك يالغالي ..
و في الوثبه ..
اتصلت نوره بوديمه ختها من بوها ..
نوره : ودووووم .. نتايج الشرطه نزلت فالجريده ..
وديمه : حلفي ؟؟؟..
نوره : و الله ..
وديمه : برايج عيل بطرش الدريول الدكان اييبلنا الجريده ..
نوره : لالا... لا اطرشينه .. اللحين انا و يدووه بنيكم و بخطف عالدكان و بييبلكم الجرايد ..
وديمه : برقبج الا لا تبطين ..
نوره : انشالله ..
سكرت وديمه عن نوره و ظهرت صوب امها الي كانت يالسه هي و يدها ( بو امها )..
ام سيف : بويه فديتك .. كلك من هالخبز .. زين ..
يد سيف : ماباه ..
ام سيف : انزين بحطلك عليه عسل و كله ..
يد سيف : ماباه ماباه اقولج .. بعيد ظكيه ..
وديمه : امايه نواري اتقول ان نتائج الكليه ظهرت ..
ام سيف : يعله في ذمتج ؟؟.. عيل طرشي حد اييب الجريده ..
وديمه : لا نواري بتيبها و هي يايه صوبنا .. هي و يدوووه بيـّن اللحين ..
يد سيف و بنقمه : بتي العيوز ؟؟..
ام سيف : يالفضايح يا بويه .. شياك ععمتيه تنعتها بالعيوز ..؟؟؟..
يد سيف : عيوز الا هي .. دقما بلا ظروووس ..
وديمه : لالالا كله و لا يدوووه .. ما طيع فيها ..
يد سيف : شووووه ؟؟؟.. ترني بشاورج فيها هالعيوز .. اتشوفينها هالعيره ( و يشل عصاته و ياشربها ) اتشوفينها ..
ام سيف و هي تمد ايدها صوب العصا : حشم حشم .. غربلاتج يا ودوووم ..
وديمه : ههههههههههههههههههههههههه ههههههههههههههه ..
يد سيف و هو ينزل العصاه : الا حشمت امج .. و الا و الله بهالعيره عراسج ..
وديمه : ههههههههههههههههه .. اهووون عليك يدي ؟؟..
في هاللحظه ان نوره حادره بيت بوها و هي اتقود يدتها ..
يد سيف : ظوتكن العيوز .. وديمه .. نشي تلقفيها .. ما تروملها نوره .. بتكسر ظهرها من ثجلها هالعيوز ..
و سمعت يدت سيف هالرمسه و هالسب عنها .. جان تصلب عمرها .. و اتطالع يد سيف بنظره .. وديمه من شافت هالنظرة عرفت ان السالفه ما بتعدي عخير .. نشت وديمه و تلقت ليدتها و سلمت عليها و على نوره .. و نشت ام سيف و سلمت ععمتها ام طليجها و عنوره و ردو كلهم وين ما كانو يالسين ..
وديمه : هاتي الجريده بشوووف ..
نوره : اندوج الاتحاد و انا بشوف الخليج ..
و فرشن الجرايد و تمن يقرن الاسماء ..
يدة سيف : وشحالج يا موزه ؟؟..
ام سيف : بخير يعني افدى روحج عمتيه .. انتي شحالج .. و شحالج حمده و عيالها ..؟؟؟..
يدة سيف : بخير يسرج حالها حمده ..
يد سيف : وين ولدج الخام ما يى يسلم عليه ..؟؟..
ام سيف و هي مستحيه : حليله يا بويه .. واقع الا ما تفيج .. و الا ما درابك انك في الوثبه ..
يد سيف : لالالالا .. وين ما يدريبي .. الوثبه كلها درتبي يوم رديت من غياثي .. الا هو خام .. معثووور لحج بوووه ..
يدة سيف : ودي بالستر منو المعثووور ؟؟؟.. انا بنت بويه .. شياك علينا ..؟؟
يد سيف : شعندج يالعيوز ؟؟.. معثور الا هو ولدج .. يوم انتي امه .. و سيف بن محمد بوه .. وين بيي عنكم ..؟؟!!!..
يدة سيف : انا عيوز يالشيبه الهايم ..؟؟..
نوره : هاذوووه اسم خمّااااس ولد عمي ..
ام سيف : تشوّفن لسيف ..
وديمه : ما لقيت اسمه ..
يدة سيف : وين ما لقيتيه .. نوره خذيها عنها و تشوفي لخوج .. وديمه ما تظوي دار ..
وديمه : يدوووه و الله ما لقيته ..
نوره : و ترى نفس القائمه عندي و عندها و ما ريت اسمه عندي بعد ..
يد سيف : امبونه سيف معثور .. لحج بوه ..
يدة سيف : بسم الله عسيف .. هب معثور قبل شوفتك .. الا من رديت انت .. رديت بعثرك لصبي ..
يد سيف و هو معصب : شوووووه ؟؟؟.. انا معثووور ؟؟.. انا راعي سمحه ..
يدة سيف و هي تفتر عن يد سيف : اووووه التراب ..
ام سيف : و الله يا بويه انك متفيج .. وديمه نشي وعي خوج ..
نوره و هي ناشه : لالالا انا بوعيه ..
و راحت نوره صوب سيف عشان توعيه ... دخلت عليه حجرته ..
نوره : سوااااف .. نش .. سواااااااف ..
سيف : همممممم .. هاه ..
نوره : نش فديتك .. امايه موزه تباك ..
سيف و توه انتبه انها نوره : نوير ..!!!
نوره : هيه فديت رووحك .. يالله نش .. يدوووه شما و يدي عبيد محتشرين .. شوي و بيتضاربون بالعصي ..هههههههههههههههههههههههه ههه.. تعال شجعلك حد منهم و ااآازره ..
سيف : ههههههههههههههههههههه .. انشالله اللحين بييكم ..
و ظهرت عنه نوره ..وردت عندهم ..
ام سيف : عمتيه .. ماتبين تاكليلج قرص و الا براتا ؟؟..
يدة سيف : لا يعني افداج .. متريقه عند حمده قبل لا اييكم ..
يد سيف و يالس و ياكل من العصيد : لا تعزمين عليها بالعيشه .. بتندحق علينا .. ما تشوفينها .. هب متن عليها هالعيوز ..
ام سيف : بووووويه .. فديتك .. كل العصيد عن لا تبرد .. (و جان تفتر صوب يدة سيف ).. عمتيه ما تبيني احطلج عصيده فالصحن تاكلينها ؟؟؟..
يدة سيف : دام هالشيبه الهايم عندي ... ما بتهنا بعيشه .. حشى .. الساع بغص بالعيشه ..
و ان سيف ظاهر صوبهم .. و سلم عليهم كلهم ..
سيف و هو ييلس : هاه الغاليه.. شفخاطرج موعيتني من فير الله ..؟؟؟..
يد سيف : هذا فير الله ..؟؟؟.. عنبووك القايله اللحين ..
يدة سيف : شعندك اتلقفت الصبي بشراع و ميداف .. خله .. ما وراهم دوامات .. خله يرقد ..
يد سيف بنقمه : شوووووووه ..؟؟.. قطعيها الرمسه يالعيوز .. و انت مسود الويه شعندك ما نشيت تصلي الصبح فالمسيد ..؟؟.
يدة سيف : غربلات هالشيبه .. بتخبرك انت شعندك انتحست عالصبي ..؟؟..
سيف و هو يلوي عيدته : فدييييييييييييييييييييييي ت عيوزي انا ..
ام سيف : لا اله الا الله .. سيف يا بويه خل هالشواب عنك ..
سيف : لبيه الغاليه ..
ام سيف : لبيت حاي الغالي .. يا بويه خاواتك ما لقن اسمك في الاسماء الي انقبلت للكليه ..
سيف بصدمه : شووووو ..؟؟؟..
نوره : مارينا اسمك .. بس لقينا اسم خميس ولد عمي ..
وديمه : و محمد ولد عمتيه بعد ..
يدة سيف : وش عندهم عيل قصرو بسيف ..؟؟؟..
شل سيف الجريده و تم يقرى الاسماء .. و تفاجأ انه ما لقى اسمه .. و لقى اسماء كل ربعه الي قدمو معاه ..
وديمه : و الله كنت متوقعه هالشي .. يعني سيف .. نسبتك 57 وين تباهم يقبلونك ..؟؟؟؟..
نوره : لا و الله ؟؟.. خميس نسبته 50 عيل .. و انقبل .. ماله خص .. الا الواسطه تلعب دوور ..
سيف و هو متضايج : سكتن سكتن ..
ام سيف : قلتلك رمس بوك .. الا انت دوومك مخالف ..
سيف : يعني هو ما يدري اني خلصت الثنويه و بدش الكليه .. ما قال عندي ولد ما اعرف شالحال عليه ؟؟..
وديمه : لا و الله ؟؟.. يعني انت تبى بويه الريال العود هو يربع وراك ويقولك هاه سيف فججت راسك و عرفت انت شو تبى في هالدنيا غير الرقاد ..؟؟؟..
سيف : وديمه انا ما رمستج .. الرمسه بيني و بين امج .. انتي تنجبين ..
وديمه : لا ما بنجب .. والله انت خويه و مالي في هالدنيا غيرك .. و جنك انت ما تعرف مصلحتك .. تبالك حد ييقولك ..
سيف : اوووووووووووووه .. و نش عنهم و خلاهم .. ظهر سيف و ركب سيارته و هو ظاربتنه ظيجه من كل هاذا .. حشى دوومني منحوووس في هالدنيا ..
ام سيف : نوره .. نشي اتصلي ببوج .. جنه الا فالدار خليه ايينا ..
نوره : انشالله ..
و نشت نوره و اتصلت ببوها .. و كان فالعزبه ..
بو سيف : فالها طيب .. انا كم موزه عندي .. مره اللحين بييكم ..
نوره : بويه ترى .. يدي عبيد و يدوه شما هنيه بعد ..
بو سيف : الله يبشرج بالخير ..
و سكر عنها .. و ردت نوره صوبهم ..
و في الهير ..
ام حمد : عبدالله .. ترانا معزومين عند غايه و بناتها فالعزبه ..
بو حمد : و منو بيوديكن ..؟؟..
ام حمد : انت .. بناتك كل وحده بيسيربها ريلها .. و بيلاجنا هناك .. و عذابه ختيه بتينا من هيلي هي و بناتها و عيالها ..
بو حمد : طاعي حد من عيالج يوديج .. انا هب متفيجلكن ..
ام حمد : حي .. وش عندك مب متفيجلنا ..؟؟؟!!!..
بوحمد بنقمه : ظنج ما ورايه الا لمت الحرمات .. عبنو الدار ظاجتبكن رابعات صوب العزب ؟؟..
ام حمد : يالله يوم ان النفع هب من الخاطر .. ما نباك اتودينا .. اروحنا بنسير .. و لا منتك ..
و ان سلطان حادر عليهم : السلام عليكم .. و سلم عليهم ..
ام حمد : يعني افداك .. توك ياي ..؟؟؟..
سلطان و هو يعق زليغاته : هيه ..
بو حمد : هاه سلطان بتسير بحرماتك صوب عزبة خالتك ..؟؟..
سلطان : شوووو ..؟؟؟.. لالالالا .. لا اروم اروح و لا ايي .. ماسكيني زاام طول الليل .. اريد احط راسي و استريح ..
ام حمد : امبوني ما با نفعك .. يعلكم فدى بو شهاب ..
جان تنش عنهم ام حمد و تروح صوب حجرتها و خذت تيلفونها و اتصلت بحمد ..
و حمد يالس عند ربيعه سعيد .. جان يظهرله " شيخة الدار تتصل بك "
سعيد و هو يواج يريد يعرف منو متصل بحمد : من ذي شيخة الدار ..؟؟؟..
حمد : عيوزي ..
حمد و هو يرد عأمه : مرحبا الساااع .. مرحبا ملاييييييييييييييين ..
ام حمد : يعني افدى هالصوت ..
حمد : ااه يا قلبي .. ليت منج ثنتين في هالدار ..
سعيد : وش بيتها الثانيه .. استد بعيوزك ..
حمد و هو يرمس سعيد : لا ما تسدنيه وحده .. نبالنا وحده تشبه العيوز الا ما تخطت العشرين ..
سعيد : عدك .. لويش .. ريمك ماهي عهواك ؟؟..
حمد و هو يدح سعيد : جب جب عن الفضايح جدام العيوز ..
ام حمد : يا ويلي يا حمد فضايح شووو ..؟؟؟..
حمد : لا ماشي .. هذا سعيد يخرفت من عقله .. ما عنده سالفه ..
ام حمد : ما عليه .. الا انت وين اللحين ..؟؟..
حمد : الا فالدار شعنه ..؟؟؟..
ام حمد : عندك شغل و الا وراك مرواح بقعه ..
حمد : لاه .. شعنه ؟؟..
ام حمد : بغيتك اتسيربنا انا و خاواتك صوب عزبه غايه ختيه .. عازمتنا هي و بناتها ...
عاد حمد من سمع هالطاري .. طاح قلبه ..
حمد : امره فالج طيب الغاليه ...اللحين باييكم ..
ام حمد : غايته .. بتزهب انا و خاواتك و بنترياك ..
حمد : تمام عيل .. اللحين باييكم ..
سعيد : وين بها ..؟؟..
حمد : يله برايج العيوز و تزهبو ..
و سكر عن امه ..
حمد و هو ينش : شعندك ..؟؟..
سعيد : ني شعندي ..؟؟؟.. افا يا بو شهاب ثر مخوتك مخوت بوووش ..
حمد : يا بويه سمحلي .. برووح صوب عرب يسووووون ..
سعيد : اها .. دريتبك .. هب عبياض ويه .. امره فالج طيب ( قالها و هو يقلد حمد كيف قالها لامه ) .. ياللوتي ..
حمد : قول الي في خاطرك .. لوتي خام .. الي تباه .. آاااه دامني بسير صوب عرب شوفتهم تردلي الروووح ..
سعيد : يا ويل حالي ... متى ربي بيخشعني بهوى وحده من ذي الغراشيب ..؟؟..
حمد و هو بيظهر من خيمة ربيعه : الا الله فكلك ..
سعيد : لويش ..؟؟؟... ما بيتني عيـّب ..؟؟..
حمد : و الله العيب الا من عقبكم .. الا شيفتك هب شيفت واحد راعي عيب .. يا بويه العيب يباله واحد رقيق رومنسي .. مرهف الاحاسيس .. شراتي ..هههههههههه
سعيد : استريح وياخنك عندهم اللي يعيبون؟
حمد : هب متفيجلك اللحين ..
سعيد : هههههههههههههههههههه .. عليه انك ما ظويت دار من رمستيه ..
حمد : بنتفاهم عقب .. يله مع السلامه .. و ظهر عن سعيد بيرووح صوب سيارته ..
جان يفتر سعيد صوب التلفزيون .. و ان حمد راد عليه ..
سعيد : وش بغيت .. انكست صوبي ..؟؟؟..
حمد : لا فقتك .. ما استهميت منك .. الا نسيت السويج ..
سعيد : ههههههههههههههههههههههههه .. عليك يا العيـــّـب ..
و ظهر حمد عنه ساير صوب هله ..
امممممممم ....
ظنكن حمد بيشووف الريم في روحت هالبر هذي ..؟؟؟.. <img title="" alt="" src="http://www.alamuae.com/vb/images/smilies/icon9.gif" border=0>
و اذا شافها .. شوو ممكن يستوي من بينهم ..؟؟؟.. <img title="" alt="" src="http://www.alamuae.com/vb/images/smilies/icon9.gif" border=0>
و سيف ..
ظنكم شو الحال عليه ..؟؟؟.. <img title="" alt="" src="http://www.alamuae.com/vb/images/smilies/icon9.gif" border=0>
شو بيكون وضعه بعد ما رفضته الكليه ..؟؟؟.. <img title="" alt="" src="http://www.alamuae.com/vb/images/smilies/icon9.gif" border=0>
امممممممممممممممممم .. و شو تتوقعن ممكن يستوي فالجزء الياي ..؟؟؟... <img title="" alt="" src="http://www.alamuae.com/vb/images/smilies/icon9.gif" border=0> <img title="" alt="" src="http://www.alamuae.com/vb/images/smilies/msn-wink.gif" border=0>
</strong></font></p></font>
رد مع اقتباس
مواقع النشر (المفضلة)