<font color='#000000'><FONT color=#728fce>
<DIV>
<CENTER>السلام عليكم و رحمة الله و بركاته ..
و هذي هي القصه و عساها تعيبكم<IMG title="" alt="" src="http://www.alamuae.com/vb/images/smilies/in_love.gif" border=0>
<FONT color=darkred>؛¤ّ,¸¸,ّ¤؛°`°؛¤ فز قلبي من غواهم ..و انجرح قلبي بجفاهم ¤؛°`°؛¤ّ,¸¸,ّ¤؛</FONT>
؛¤ّ,¸¸,ّ¤؛°`°؛¤ فز قلبي من غواهم ..و انجرح قلبي بجفاهم ¤؛°`°؛¤ّ,¸¸,ّ¤؛
$$**الجزء الأول**$$
...***ياهلا ما مال غصن ٍ في دلال .. و انتشى يرقص على لحن الخلود ..او عدد مارنحه ريح الشمال .. او عدد ما يطرب العشاق عود ***...
وديمه : ما اصدق ان سواف نجح و خلص الثنويه ..
ام سيف : بسم الله عولديه من عينج .. قولي الحمدلله يوم انه افتك و خلص ..
وديمه : يالله .. يعني انا اللحين الي باكله ولدج .. حشى .. و الله انحرق ويهي يوم قلت لربيعاتي خويه عمره 21 و توه مخلص الثنويه ..
ميثه : ما عليه شر .. ريال ما يعيبه شي .. و لو ما خذها الثنويه .. ما يخرب الساع ولد راشد ..
وديمه : طبعا .. لازم بدافعين عنه .. (و تسوي حركات بأيدها و هي رافعه حيّاتها ..)
ميثه و هي مستحيه و منحرق ويها : لازم مب ولد عمي ...
ام سيف : و جنها هي ما دافعت عن ولد عمها من الي بتدافع عنه .. الغريبه ؟؟!!..
و في هاللحظه ان سيف ظاهر من حجرته .. و كان يعقم عقمة الكندوره .. كان لابس كندوره بيضه كويتيه و سفرته على جتفه.. و شعره شوي طويل و ناااااااااااعم و من جدام نازل شوي على يبهته .. اول ما شافته ميثه فز قلبها ..
$$**سيف ريال ما عيله رمسه .. طول بعرض .. مب حلو الا عذاب من حلاته .. و هو يعرف انه حلو .. و الكل يموت على سوالفه .. عليه ظحكه تذبح الحريم قبل البنات .. حيّاته شبه مقرونه .. و خشمه .. ماشالله .. حد سيف .. و ثمه صغيييير ... شفته التحتيه شوي مليانه .. احلا ما فيه عظمته .. غير عريض و له هيبه في رزته .. مب متين و لا هب ظعيف .. يعني جسمه متناسق .. الي يشوفه يعطيه فوق سنه ..بصراحه شيوخي هالريال من حلاته .. هو الولد الوحيد في عايله فيها بنتين و ولد واحد .. ابوه مطلق امه من هم صغار .. و معرس بوحده ثانيه .. خته العوده مريم ماخذه مبارك ولد عمها و عندها ولد (عيسى ) و بنت (موزه ) مسميتنها على امها .. و خته الثانيه وديمه اصغر من سيف عمرها 19 سنه و تدرس فتقنية بوظبي**$$
ام سيف : وايه فديت هالعرضه ..
سيف و يظحك لامه : يالله .. فديت العرضه بس ؟؟.. ؟؟..
ام سيف : فديتك بكبرك يالغالي ..
وديمه : و الله محد مخربنه الا انتي بتفدياتج الي ما توقف ..
تحرك سيف صوب امه الي كانت يالسه و جدامها صنية القهوه و الجاهي ..
سيف : و انتي شحارنج ..؟؟..
وديمه : و منو قالك اني محتره ؟؟..
سيف : فدييييييييييييييييييييييي ييييييييييت عيوزي انا .. و جان يخر على امه و يظك صنية القهوه بريله و ينسدح على ريول امه ..
و ميثه ميته على عمرها من شافته ..
$$**ميثه بنت عمه و خت مبارك ريل مريم خت سيف .. انشالله بتكون ثنويه عامه السنه اليايه .. مب الا تحب سيف .. الا تعشق التراب الي يدوووووسه .. ميثه وااااااااااااااااايد رقيقه .. ملامحها هاديه .. أي حد يشوف ويها يرتاح .. جمالها عذري .. احلى ما فيها عيونها و رموشها .. ماشالله عليهن .. و خشمها رهيب .. حيّاتها مقرونه .. و جسمها .. رهيييييييييييب من الخاطر .. هي مب طويله .. يعني توصل لسيف اللين جتوفه .. بس جسمها من الخاطر يذبح .. و الي زاد في حلاتها غمازاتها ...غير تحسيبها طفوليه .. هاديه فكلامها .. هاديه فمشيتها .. هاديه فحياتها **$$
ام سيف : فديت هالراس .. (و هي يالسه و تمسح بأيدها عشعر سيف ..)
وديمه : عقولتك بتدخل الكليه .. شعنه ما حسنت هالكشه ؟؟..
سيف : لا حوووول .. انتي شياج اليوم لابجه ؟؟..
وديمه : ماشي ..
ام سيف و هي تلعب بشعر ولدها و هو منسدح على ريولها .. و ميثه ميته .. يالله يا حظج يا عموه جنج تلعبين بشعره ..
ام سيف : اتصلت ببوك و لا رد عليها ..
جان يصطلب سيف في يلسته : ليش شفخاطرج من جدى بويه ..؟؟..
وديمه : ماشي ..
سيف : ودوم شو بلالاج ..؟؟..
وديمه : مليت .. بصراحه البيت ما ينطاااق .. يدوه من شهر اللحين عند بويه فالبيت الثاني .. و يدي من راح غياثي عند خالوه شما ما رد .. و محد الا انا و امايه فالبيت ..
سيف : افا .. و انا و غاليتنا ( و يحط ايه على جتف امه ) ما نسدج ..؟؟..
وديمه : لا سواف انت باجر بتروح الكليه و بنتم الا بروحنا فالبيت انا و امايه ..
سيف : لا انشالله .. ما بتمين بروحج و لا شي .. مريوم هاذوه بيتها الا فرت حصاه عنكن .. (و جان يفتر صوب ميثه ).. و ميثووه ما بتخليكن بروووحكن ..
و ميثه من سمعته يقول ميثوه وقف قلبها .. و سكتت و لا تنصخت بشي .. و نزلت راسها .. هذا حال ميثه عمرها ما سولفت مع سيف و الا حتى كلمته دوومها هاديه و تسمع و تسكت ..
ام سيف : ما عليه .. انت روووح صوب بوك اليوم .. و طالعهم ..
سيف : اطالع شو تبيني ..؟؟..
ام سيف : طالع خاواتك و خوانك و سلم عيدتك و طالعها جنها بتينا .. قولها وديمه مستظيجه من عقبج ..
سيف : انشالله ..
ام سيف : و رمس بوك عن الكليه ..
استغرب سيف : ليش بعد ..؟؟..
ام سيف : ليش بعد ... ظنك بيقبلونك فالكليه بلا كتاب من عند حد من هالشيوووخ .. رمس راشد و قوله يرمسلك حد ..
سيف و هو يمشي صوب المكتبه و يشووف شكله و هو يالس يتسفر فالمنظره ..
سيف : لا برمسه و لا شي .. و انتي الكليه ما عليج منها .. بقدم اوراقي و انشالله بنقبل ..
وديمه : عاد سيف هب من زين النسبه .. تراك الا يايب 57 ..
سيف : ما عليكن انتن انشالله بنقبل ..
ام سيف : و الله يا ان ما رمست بوك لا اتصلبه انا رووحي و اخبره ..
جان يفتر سيف صوبها و هو يغمزلها : قولي انج تبين ترمسينه و تتعلثين بالكليه عشان تتصلين ..
ام سيف : لا وايه ما استهميت .. سنين ما صحته .. ظنك بصيحه اليوم و انا اشوف الدنيا فعيونك ..
من قالت هالرمسه حز فخاطره سيف .. يالله يا بويه .. كيف هانت عليك امي اطلقها .. كيف قدرت انك تجرح هالانسانه .. من الخاطر سيف يحب امه .. لازم.. امه بعدها صغيره فالسن .. و عقب ما اطلقت من بوه .. وايد الي خطبوها .. الا هي رفضتهم كلهم .. عشان عيالها ..
سيف : فدييييييييييييييييييييييي يييييييييييييتج يالغاليه ..
وديمه : يالله .. يعني دنياج مافيها حد غير سواف .. و احنا ما لنا رب يعني .. و الا انا بنت البطه السودا .؟؟.
ام سيف : لا فديتج .. كلكم غالين ..
ميثه : ودووم .. لا تقارنين غلات الولد بغلات البنت .. انتي مردج لبيت ريلج .. و ما بيبقالها الا سيف ..
ام سيف : هيه صدقج ..
سيف : ميثووووووووه دومها ساكته و من ترمس ما تقول الا حكم .. و جان يبتسم لميثه .. و من شافت ظحكته تيبست .. شو هو ما يعرف انه يذبحني بحركاته ..
سيف : امايه تراني برووح .. شي في خاطرج ..؟؟..
ام سيف : سلامت راسك يالغالي .. الا لا تنسى تروووح لبوك ..
سيف : انشالله .. الا هب اليوم ..
ام سيف : سيف انت ان ما رحتله اليوم ما بتروح مره ..
سيف : لالا انشالله بروحله الا هب اليوم ..
وديمه : و شو وراك ما تروحله اليوم ..؟؟؟..
سيف و هو يظحك : امواااااااااااااااااااااا اااااااااااااعد وحده من هالغراشيب .. هههههههههههههههههههه ..
ام سيف : شووووووووووووووو ..؟؟؟؟..
سيف و هو ظاهر من البيت : امااااااااايه احبج ههههههههههههههه .. و ظهر يربع ..
هذا كان الحال فالوثبه .. و في الهير ..
و في بيت عبدالله بن حمد ..
حمد و هو يالس يتسفر و يغني مع ميحد ..
حمد : من هويت من العلالي لك هويت.. مثل طيرن صابته نيران حربك.. لا تعذبني من الود اكتويت .. و ما اريد الا اعيش العمر جنبك ..
و في هاللحظه دخلت عليه امه .. و هي سايره صوب المسجل ..
ام حمد : لا اله الا الله .. انت من تنش ربعت عهالمسجل .. لا صلاه و لا حياه غير هالكفر الي تبات و تصبح تتسمعه .. و جان تبند المسجل ..
حمد : فدييييييييييييييييييييييي يت عيوزي انا .. شياج عالمسجل ..؟؟.
جان يرد و يشغله ..حمد و هو يغني و ايوول جدام امه و ايسويلها حركات ..
حمد : من نظرتك فأول النظره ابتليت... ولي بلاني هوب ذنبي و هوب ذنبك...غصب عني في محبتكم بديت ...حط قلبي حطني في وسط قلبك ..
ام حمد : ما تروم تصلبها هالرقيبه ..
حمد : ههههههههههههههههههه ..امايه فديتج يبسي .. عااااااااااااشوووو هيه يااااااابس ياااااااااابس ..
ام حمد : حمد .. بسك من هالطفاسه ياللغن .. نش بوك يباك ..
حمد : انشااااااااااااااالله .. و هو بعده ايول ..
$$**حمد اصغر واحد فالبيت من الاولاد .. عنده 3 خاوات معرسات و خوان ثنينه معرسين و خوات ثنتين هب معرسات ( سهيله و عوشه ) و اصغر منه .. و خو واحد اكبر عنه و هب معرس (سلطان ) ..حمد توه مخلص الثنويه العامه .. مب حلو وااااايد فالشكل .. بس شخصيته وايد حلوه و محليتنه .. وااااااايد يظحك و مربوووش .. يموت عشي اسمه يوله و اعراس .. عمره 19 .. طوله واااااااايد حلو .. بس هو شوي متين .. مب متين متين .. بس جسمه مليان شوي زياده عن اللزوم .. الحلو الي فيه انه شوي ابيض و شعره اسود .. و لحيته مكتمله .. الي يشوفه اول مره .. بيحسه واااايد حلو خاصتن اذا كان يظحك .. بس الي بيدقق في ملامحه بيشوفه انسان عادي **$$
و ظهرت ام حمد و حمد بند المسجل و راح وراها صوب بوه الي كان يالس فالحوش .. هو و ام حمد و سلطان
و سهيله و عوشه ..
حمد : السلام عليكم .. و خر عبوه يوايه و يحبه عراسه .. و من عقب راح صوب امه و حبها على خدها ..
حمد : فدييييييييييييييييييييييي يييييييت هالبرقع ... و يلس عدالها ..
بو حمد : شعنه ما صليت العصر فالمسيد ..؟؟..
حمد : امبوني راقد .. و لا حد وعاني ..
بو حمد : وصلت العزبه اليوم ..؟؟؟..
حمد : لا .. رحت عزبة الرجاب .. الا عزبتك ما ييتها ..
بو حمد : و شو لقيت الحال عليهن ..؟؟..
حمد : حشى .. بنت ظبيان مقطعنها اليرب ..
بوحمد : هيه ادريبها .. ظربها بخش بأبره الا ما فادها ..
سلطان : انت شو مسوي فسيارتك ..؟؟..
حمد و هو يلتفت صوب سلطان خوه : مب مسوبها شي .. شعنه ..؟؟؟.
طالعه سلطان بنظره ..
حمد : لا حول ..
بوحمد : خل السيايير عنك اللحين .. اباك اتروح غمض .. صوب راعي الكيماوي .. اموصنه على يوريا و ثمنتعش و اربعه و عشرين ..
حمد : انشالله .. و اللحين سمحولي بترخص عنكم ..
سهيله : حمود .. وين بتروح ..؟؟..
حمد : و انتي شو لج ..؟؟..
ام حمد : شعندج عخوج ..؟؟.. الله يحفظك ولديه .. و عن السرعه و هالحواطه الفارطه الي ما منها فايده ..
حمد : امره فاااااااااااااالج طيب .. اسميني ما بخلي دار .. و ما بسوق اقل عن 160 ..
ام حمد : عبدالله رمس ولدك .. تراه بيذبحني ..
بو حمد و هو يشرب قهوه و ياكله فردة خلاص : ما عليج .. بوشهاب ريال ..
و ظهر حمد عنهم .. كان موقف كروزره برى البيت .. راح و ركب الكروزر و طول عالمسجل .. و تم يحوط فالشعيبه .. شوي و ان واحد من ربعه متصلبه ..
حمد : مرحبا الساع حيبه ..
سالم : مرحبا بو شهاب .. شحالك .؟؟.
حمد : طاب حالك .. و من صوبك ..؟؟.
سالم : يسرك الحال و لا يضرك ..
حمد : يا مرحبا الساع ..
سالم : وينك اليوم .. اتصلبك العصر و لا ترد .. ؟؟؟..
حمد : لا امبوني راقد ..
سالم : اها .. انزين بتخاوينا ..؟؟..
حمد : وين ..؟؟؟..
سالم : بنرووح دبي ..
حمد : انت و منو ..؟؟.
سالم : انا و بوحمده و بوغيث ..
حمد : ما دري و الله .. الشيبه معبلني بقشار المزرعه .. و ما ادري متى بتفجج .. بعدني بروح غمض و مناك بنكس صوب المزرعه .. و برد الفواتير صوب الشيبه .. ما ظني بتفيج ..
سالم : خلاص عيل .. خيرها فغيرها ..
حمد : رد السلام عالشبيبه ..
سالم : يبلغ ....
سكر حمد عن سالم ربيعه و من عقب راح صوب غمض و اشترى الكيماوي الي وصاه عليه بوه و وداهن المزرعه .. و يلس يحوط شوي فالمزرعه .. يطالع الطماط و الباذنجان الي زارعينه و بيسوقونه .. صلى المغرب فالمزرعه .. و من عقب رد بيتهم ..
حمد : العيوووووووووووووووووز ..
و ان سهيله خته ظاهره من حجرتها ..
سهيله : امايه محد ..
حمد : و بويه ..؟؟..
سهيله : بعد محد .. راحو صوب خالوه غايه ..
فز قلب حمد من سمع طاري قوم خالته غايه ..
حمد : متى سارو ..؟؟..
سهيله : صلو المغرب و راحو .. بيعقها بويه عندهم و مناك بيرووح صوب بن حظيرم ..
حمد : زين عيل .. اندووج هالفواتير .. يوديهن اللين ايي بويه و الا امي ..
سهيله : انشاااالله ..
و ظهر حمد عنها .. ركب سيارته و راح صوب بيت خالته غايه .. وقف سيارته .. و فج سفرته بيتسفر تسفيره يديده .. و يلس الحبيب يعدل السفره .. و يتعطر .. و نزل ساير صوب باب بيت خالته .. و ان واحد من الشباب خاطف .. و من شاف حمد وقف ..
حمد : الله لا بليتنا ..
نزل الريال من سيارته ساير صوب حمد ..
خليفه : مرحبا بو شهاب ..
حمد : مرحبتيييييييين .. و توايه هو و خليفه ..
خليفه : هاه .. اشوفك فحارتنا ..؟؟..
حمد : هيه .. ياي اسلم عخالتيه و اشل العيوز من عندهم ..
خليفه : اها .. زين والله ..
حمد : سمحلي خليفه .. بترخص منك ..
خليفه و هو يمسك جتف حمد : لالالا افا عليك الغالي مره مرخوووص .. و راح و ركب سيارته .. و حمد يتحرطم عليه فخاطره .. ما قد بغظت ريال كثر ما ابغض هالسبال ..
دخل حمد بيت خالته .. و يلس يتلفت فالحوش .. يطالع النعله .. جن حد فالميالس و الا العرب فالصاله .. و هو يتلفت .. شاف الريم بنت خالته .. كانت يالسه تحت النخله الي عندهم .. و تقرى رواية عبير .. ما انتبهت لحمد و هو داخل عليها .. كانت فارشه فرش تحت النخله .. و سانده ظهرها عيذع النخله و فارده ريولها و موخيه بويها و تقرى .. اول ما شافها حمد .. تيبس من حلاتها .. ماشالله ..$$** الريم صدق ينقال عنها حلوه .. الي يشوفها ما يقول هذي توها مخلصه اول ثنوي و بتكون ثاني ثنوي .. الي يشوفها يقول ثنويه عامه او حتى مخلصه .. ما شالله عليها .. عرضتها رهيييييييييييبه .. و شعرها شلال ليل اسوووود و سايح حرير .. و بيضى قطنه ..و كل ملامحها عذاب .. و هي مغروره بحلاتها .. راعية عدله و تتكشخ واااااااايد .. من هي ياهل و حمد يحبها .. اصلا مافي واحد ممكن يشوف هالحلاه و ما يحبها **$$.. كانت الريم تقرى و مندمجه و لا حست بحمد .. يلس حمد يتأملها .. يعرف انه عيب و منقود .. و لو حد ظهر و شافه و هو يطالعها عادي يذبحونه .. بس ما قدر .. عنلاتها الحماره .. جنها حارمتني من هالحلاه .. تم يشوفها .. كانت بكلت (قصة ) الريم طويييييييييله يعني توصل اللين رقبتها من طولها .. و هي كانت منزلتنها على الطرفين من ويها .. يعني بكلتها على الطرف اليمين و اليسار من ويهها .. حركت الريم ايدها عشااااااان ترفع بكلتها عشان تعرف تقرى .. و دخلت صبوعها فشعر بكلتها و رفعتها .. حمد من شاف هالحركه وقف شعر ينبه .. آاااااااااااااااااااااااا اااااه يالريم .. بس مافي فايده .. رجعت بكلتها و نزلت عويهها .. حس حمد انه مصخها بيلسته هذي و هو يشوف بنت خالته ..
حمد : احم احم ..
جان ترفع الريم ويها .. و شافت حمد جدامها .. جان تعق القصه و تفتر بويها عالطرف الثاني و تتغشى ..
حمد عنلاتها ... بتموت ان ما تغشت ..
حمد : بتخبرج انتي شو ميلسنج تحت النخله اللحين ..؟؟..
الريم : كيفي و انت شعليك ..؟؟..
حمد : شو شعليك بعد ..؟؟.. يا بوج مافينا يظهرج سكني من النخله و تستلبسين عليها .. انتي جذيه و مخبلتبا وين عيل لو لابسنج سكني ..
الريم : عساااااااااااااك قبلي انشااااالله ..
حمد : ههههههههههههههههههههه .. لا و الله ..؟؟؟..
الريم : انت بتخبرك .. متى بتخلي طبعك الخايس .. ؟؟
حمد : انا طبعي خايس ..؟؟..
الريم : هيه .. شعنه ما تهود قبل لا تحدر البيت ..
حمد : و الله حادر بيت خالتيه .. هب بيت حد غريب عشان اهود ..
الريم : لا و الله ؟؟.. و بيت خالتك مافيه بنات ؟؟..
حمد : عاد شوفي .. محد من بنات خالتيه تتغشى مني الا انتي ..
الريم : يا سلام .. يعني حظرتك تباني اعق الغشوه عشان ترتاح ..؟؟..
آاااااااااااه .. ليت الا صدق بتريحيني .. جان تنش الريم و حمد يالس يشوفها .. فديت هالعرضه يا ناااااااااااس .. آااااااااااااااااه يا عذابي ..
الريم : ما ادري متى بتستريل ..؟؟..
صخ حمد من قالت هالكلمه ..
حمد : شو قصدج ..؟؟.. انا هب ريال جدامج اللحين ..؟؟؟..
سكتت عنه الريم و حدرت البيت .. و حمد بعده يستوعب رمستها .. تم واقف شوي .. و من عقب ظهر من بيت خالته و خلا ّ سيارته و تم يمشي .. شو هي بتذلني عشاني احبها يعني ؟؟.. يالله شو تتحسب عمرها ..؟؟ الي خلقها ما خلق غيرها ..؟؟.. آاااااااااااه يالريم محلاج .. شوي و ان تيلفونه ايرن ..
كان رقم خالته غايه ..
حمد : مرحبا ملاييييييييييييييييييين .. مرحبا الساااااااااااااااااااااع بغرشوبة الهير ..
خالته : هههههههههههههههههههههه .. اللحين انا العيوز خليتني غرشوبة الهير ..؟؟..
حمد : افا .. يخسون انج عيوووووووووووز .. ليتج بنت ما تخطيتي العشرين .. حرام لا اسوووم روحي فدوى عيونج ..
خالته و هي متشققه : هههههههههههههههههه .. غربلاتك .. ما تنغلب فهالرمسه ..
حمد : هههههههههههههههههههه .. لا هالرمسه ما تنقال للكل ..
خالته : يالله .. الله يعين البنات جنك اتقولهن هالرمسه ..
حمد : ههههههههههههههههههههههههه هه ..
خالته : وووه غربلاتك .. نسيتني شو كنت بقولك ..
حمد : نساج الموت يالغاليه ..
خالته : فدييييتك .. وين انت .؟؟.
حمد : ماشي وقفت سيارتيه عند بيتكم و امشي و برد عليكم ..
خالته : زين عيل .. بتتعشى انت وخالك ..
حمد : انشالله ..
و سكر عن خالته ..
خالته و عقب ما سكرت عنه : اسميها مبخوته الي بتظوي حمد ..
الريم فخاطرها .. اسميها ما ظويت خير الي بتظوي حمد .. افففففففففففففففف مدفشه ..
ام حمد : دخيلج يا غايه .. لا تطرين العرس لحمد ..
ام الريم : يالله بالستر .. شعنه ..؟؟..
ام حمد : ماكللي فوادي بالعرس .. جان علمتي .. ما تخطى العشرين و يبى يعرس ..
ام الريم : ههههههههههههههههههههه .. لا لا حمد يسوي مغيه .. الا حمد ما ظني بيعرس .. بيشيب راسه و بيشيب البنات و لا هب معرس ..
تم حمد يمشي اللين ما وصل بيت خالته .. اول ما وصل دخل الحوش و لقى خالته و امه و ريل خالته و عذيجه و المها و اسما بنات خالته يالسين فالحوش .. و المها من شافت حمد حادر عليهم البيت ربعت صوبه .. المها اصغر بنات خالته غايه توها مكمله 5 سنين .. تموت على حمد ..لانهن 4 بنات و لا عندهن خو ولد ..
حمد : فدييييييييييييييييييييييي يييييييييت عيوووووووونج انا .. و شلها فوووق .. و يلس يلاعبها و يفرها و يمسكها ..و من عقب نزلها و مشى صوب ريل خالته و وايهه و وايه خالته و سلم على اسما و عذيجه .. و انتبه ان الريم مب موجوده .. جلعتها .. لها ويه تزعل هذي بعد ..
حمد : خالتيه .. تراني ريال متصوب من بنتج ..
خالته : هههههههههههههههههه .. و منو الي صوبك ..؟؟..
حمد : آااااااااااااه عيووووووووووون المها .. ذبحتني هالبنت ..
ام حمد : لا فديتك .. ولد راشد ما يتصوب .. جنها الا في خاطرك الليله بنسريها ..
حمد : عاد ما شاورنا هلها ..
ام حمد : لالالا مالهم شور غير شورنا ..
حمد : خلاص عيل .. المها .. ربعي لمي ثيابج ..
المها و هي مستغربه : ليييييييييييييييييث ..؟؟..
حمد و هو يحبها على خدها : بشلج بيتنا ..
المها و هي تناقز : و بلوووح الدكان ..؟؟؟..
حمد : ههههههههههههههههه عوقج الدكان انتي .. هههههههههههههههههههه ..
ريل خالته : لا ترانا ما نبى عليك زهاب .. الا ترسلنا الثلاجه حلاوى و بنستد عن الذهب .. ههههههههههه...
حمد : جان السالفه الا حلاوى هين الموظوووع ..
ريل خالته : الا الله يسلمك منها يوم بتكبر جنها شبهت امها ..
خالة حمد : يالله و شو بلاها امها ..؟؟؟..
حمد : شيخة الغراااشيب ..
ريل خالته : و انا اشهد ..ههههههههههههههههههههه..
شوي جان تنش عذيجه و تعابل العشى و تأمر عالطباخ يحطه فالصاله عشان يتعشى حمد و بوها .. و عقب ما تعشووو .. سرى حمد بأمه صوب بيتهم .. و كل هالفتره و الريم في حجرتها .. و عقب ما راحو .. راحت عذيجه صوب الريم ..
عذيجه : ريماني ما تعشيتي ..؟؟؟..
الريم و هي بعدها تقرى الروايه : مالي خاطر للعيشه ..
عذيجه : عكيفج .. الا شعنه ما ظهرتي تسلمين عحمد ..؟؟
جان تتأفف الريم و تسكر الروايه : افففففففف ..ليش انشالله ..؟؟؟؟.. بموت ان ما سلمت عليه الشيخ حمد بن عبدالله ..؟؟.
عذيجه : بسم الله شعندج ؟؟؟..
الريم : ماشي ..هب مجبووره اني اسلم عليه و الا ارمسه حتى ..
عذيجه : شوي شوي عليج عن لا ينطرلج عرج عاد ... اصلا هو ما استهم منج و لا تخبر عنج بعد ..
الريم : اففففففففففف ... عساااه دوووم ..
بعدها بيومين و في الوثبه ..
وديمه : سوااااااااااااااااااف .. نش فديتك ..
سيف : ........ همممممم ..
وديمه : سوااااااااااااااااااااااا ف بسك عاد نش الظهر اللحين ..
سيف : افففففففففففففففففففففف .. شعندج انتي ..؟؟؟.
وديمه : نش اباااااااك ..
سيف : بعدين .. جان ايرد و يتلحف و يغطي راسه باللحاف ..
وديمه : لا اللحييييييييييييين .. (و راحت و يلست عالطرف الثاني لشبريه و يلست عداله ) .. يله الغالي نش .. نش فديتك ..
ما عطاها ويه و تم راقد ..
وديمه و هي تسحب المخده من تحت راس سيف خوها و يالست تظربه بالمخده ..
وديمه : ايه نش ..
جان يعصب سيف منها و من شافته يفر اللحاف نشت بتشرد و عطته ظهرها و توها نازله من الشبريه .. فرحانه بعمرها .. ظربته و بتشرد .. و ان سيف يمطها من عقصها ..
وديمه : ااااااااااااااااااااااااا ااا ...
سيف : وين وين بتشردين ..
وديمه و هي اتقرب من سيف عقب ما عورها و هو يمط شعرها : اوكي اوكي .. بس لا تمط و الله يعور .
سيف : اللحين يعور .. ؟؟.. تعالي تعالي .. جان يمسك المخده بأيده الثانيه و تم يظربها .. و عقب ما فجج راسه منها فجها ..
سيف : و اللحين فارجي خليني انام ..
وديمه : حشى معوفك .. و نزلت من الشبريه و هي شاله المخده في ايدها و يوم قدها بعيد شوي عن سيف فرت المخده عليه و ظهرت تربع من حجرته .. عساعه 4:30 العصر نش سيف و ظهر بالفالينه و الوزار فالصاله .. و لقى امه و وديمه و مريم خته و عيسى ولدها ..
نشت مريم و سلمت على خوها .. و حب عيسى و يلس عندهم ..
وديمه : لا و الله ..؟؟.. و شعنه متعب عمرك و ناش جان كملت رقادك ..
سيف هو يصبله كوب حليب : ههههههههههههههههههه .. انتي شعندج ؟؟..
وديمه : ماشي كنت ملانه و اباك اتحوطني .. بس خلاص ما اريد ..
سيف : و ترني مره بشورج .. متى ما بغيتي بتلقيني تحت امرج الشيخه ..
وديمه : ادري مافي داعي اتقول ..
سيف : ههههههههههههههههههههههههه هههه ... انزين نشي نشي تلبسي ..
وديمه : شعنه ..؟؟؟..
سيف : بحوطج ..
وديمه و هي تنط : و الله ..؟؟؟..
سيف : لا تحشريني و الا تراني بكنسل ..
وديمه : خلاص خلاص اللحين بروووح .. و ربعت وديمه عشان تتلبس ..
ام سيف : وين بتحوطها ..؟؟..
سيف : الا في الدار ..
و جان يفتر صوب مريم خته : هاه الريم ما بتخاوينا ..؟؟.
مريم : الرحمن فديتك .. موزوه مريضه .. و لو ودي ما ظهرت من البيت الا عيسى اذاني يبى يظهر جان اييبه صوب امايه .. شوي و برد البيت ..
ام سيف : و انا بخاويج دام ان وديمه و سيف بيروحون يحوطون ..
سيف : خلاص عيل خلي عواس عندنا .. بنشله انا و ودوم .. و برده صوبج ..
راح سيف و وديمه و عواس ولد مريم ختهم و عمره 6 سنوات يحوطون فالسياره .. و من عقب قرر سيف انه ايوديهم بوظبي ..
وديمه : فدييييييييييييييييييييييي تك سواااااااااااااااااف ..
سيف : اللحين فديتك ؟؟.. و انتي مقيله اتكفخيني بالمخده ...
وديمه : هههههههههههههههههههههههه .. و جان تفتر صوب السيت الوراني اتشوف عيسى شو يسوي ..
وديمه : عواسي ما تبا تي هني جدام و تيلس عريول خالوه ؟؟..
و ما صدق الحبيب .. جان اينط و ييلس عدال خالته ..
سيف : عاد اللحين وين تبيني اوديج ..؟؟؟..
وديمه : ابا اروووح الكورنيش امشي عليه شوي ..
سيف : امبونها بوظبي مافيها الا الكورنيش ..
وديمه : اااااوووووووووووه سواف عطني تيلفونك بتصل بوحده من ربيعاتي بشوفها جنها بتلاقيني ..
سيف : منو بعد ..؟؟.
وديمه : انت شعليك .. عطني بس برمسها ..
خذت تيلفون سيف خوها و اتصلت بربيعاتها هند .. اول شي هند ما ردت .. لان الرقم غريب عليها و لا عرفته .. و رجعت وديمه تتصل .. و المره الرابعه شلته هند ..
وديمه : بتخبرج .. انتي شو تتحسبين عمرج ما تردين ..؟؟..
هند : نعم ..؟؟؟!!!..
وديمه : نعامه ترفسج ..
سيف : خيييييييييييييييييييييييي به شعندج عالبنت ..؟؟..
هند : هههههههههههههههههه .. ودووووووووووووووووووووووو ووووووم ..
وديمه : ههههههههههههههههههه .. هلا و الله بغرشوبة بوظبي ..
هند : اذا انا غرشوبة بوظبي انتي شيخة الوثبه كل برياييلها و حرماتها ..
وديمه : هههههههههههههههههههههههه .. شحالج ..؟؟..
هند : الحمدالله .. انتي من تيلفون منو متصله ..؟؟؟.. هذا مب رقم امج ..؟؟.
وديمه : لا من تيلفون سواف .. هندوه هزري انا وين اللحين ..؟؟؟؟..
هند : وين ؟؟... لا تقولين دبي ..
وديمه : لا اسير صوب الكورنيش ..
هند : حلفي ..؟؟؟..
وديمه : و الله .. يله تعالينا ..
هند : الا اكيييييييييييد بييج .. انا كم ودوم عندي ...
وديمه : فديتج و الله ..
هند : خلاص انا بقول لامي و بتلبس و من اوصل الكورنيش بتصلبج عشان ادل مكانج ..
وديمه : خلاص تم و انا برقبج ..
و سكرت عنها ..
سيف : منو هذي ..؟؟؟..
وديمه : وحده من بنات الكليه من ربيعاتي ..
سيف : اها..
وديمه : شيخة بنات بوظبي هذي .. فديتها و الله ..
سيف : شو بتييييج ..؟؟؟..
وديمه : هيه بتقول لامها و بتتلبس و بترجع تتصلبي و بتقولي ..
سيف : اها ..زين و الله ..
و عقب وصلو الكورنيش .. و تمو يمشون و عواس يلعب عدالهم .. و عقب رن تيلفون سيف .. جان اينش عن وديمه و عيسى و تم يرمس شوي بعيد عنهم .. و عقب ما سكر و توه يسير صوب وديمه رن تيلفونه .. كان رقم غريب .. بس عادي هو متعود ايرد ..
سيف : مرحبا الساع ..
صخت هند ..
سيف : الووو ..
هند و هي مستحيه : الو ..
فز قلب سيف من تنطقت هند ..
سيف و هو يبتسم : مرحبا الساع ملايييييييييييييييييييييي ن ..
هند : .. مرحبا .. اممممم ..
تم سيف ساكت يريد يعرف هالبنت شعندها ... هو نسى اصلا ان وحده من ربيعات ودوم خته بتتصلبها عتيلفونه ..
سيف : الوو ..
هند : .. احم .. لو سمحت ما ادري .. بس انا وحده من ربيعاتي دقتلي من هالرقم ..
عرفها سيف انها ربيعت ودوم .. بس حب انه يتغيلس عليها ..
سيف : أي بنت ..؟؟..
هند : في بنت اتصلتبي ..
سيف : اوكي شو اسمها ..
هند : . .. لا خلاص شكلي مغلطه ..
سيف : هههههههههههههههههههههههه ...
و من ظحك حست هند برعشه في جسمها كله من ظحكته ..
سيف : لا الشيخه هب مغلطه .. ودوووم داقيتلج .. ويت بعطيها التيلفون ..
و هند بعدها مب في حاله من عقب ما ظحك .. و راح سيف بالتيلفون صوب وديمه خته و رمست هند
وديمه : هلا ..
هند : يالزفته .. ما تدرين اني بتصلبج .. شعنه ما خليتي اليلفون عندج ..؟؟؟..
وديمه : ههههههههههههههه .. نسيت .. المهم وين انتي ..؟؟؟..
و يلست وديمه ادلل هند على مكانهم .. بس هند ما دلت ..
وديمه : سواف احنا وين فالكورنيش .. ؟؟..
يلس سيف ايقول لوديمه عن مكانهم و هند تسمعه و هي ميته .. و عقب ما دلت هندوه مكانهم ..
هند : خلاص اللحين احنا عندكم ..
و شوي و ان مرسدس موقفه عطرف الشارع و ناازله منه بنت .. فز قلب سيف من شافها ..
اممممممم .. ظنكم شو بيستوي بين سيف و هند ..؟؟؟ <IMG title="" alt="" src="http://www.alamuae.com/vb/images/smilies/icon9.gif" border=0>
اممممم و حمد هالمسكين شالحال عليه ..؟؟؟.. <IMG title="" alt="" src="http://www.alamuae.com/vb/images/smilies/icon9.gif" border=0>
و بكل صراااحه شو رايكن فالجزء الاول ..؟؟؟ <IMG title="" alt="" src="http://www.alamuae.com/vb/images/smilies/nosweat.gif" border=0>
عسى هالجزء يعيبكن خاواتي .. و السموووووووووووووووووحه عالمغثه ..و اذا ما عجبتكم قولولي عشان اوقفها من اولها <IMG title="" alt="" src="http://www.alamuae.com/vb/images/smilies/nono.gif" border=0> (( كلاااام منطوق قلبي ))
<IMG title="" alt="" src="http://www.alamuae.com/vb/images/smilies/icon26.gif" border=0> <IMG title="" alt="" src="http://www.alamuae.com/vb/images/smilies/icon26.gif" border=0></DIV>
<CENTER> </CENTER></CENTER></FONT></font>
رد مع اقتباس
مواقع النشر (المفضلة)