<font color='#F52887'>مريم ختها بخصوص الدراسة و الشهادة.. بس كل الي قدرت تسويه انها مسحت &nbsp;دموع ختها بيدها و ابتسمت لها...
- في اليوم التالي سارت شريفة مع اختها مريم السوق الصبح لأن العادة السيتي ما يكون زحمة الصبح, و بعد السيتي سارن مجمع الوافي و شرت شريفة شنطة شانيل كانت بتتخبل عليها... و بعدين يلسن عسب ياكلن الغدا...
شريفة: مشكورة مريووم وايد على الشنطة..
مريم: حاظرين للعروس...
شريفة: مريم مايد حلو؟؟
مريم: ليش؟؟ ما شفتيه بعدج؟؟
شريفة: لا شدعوااا بس ابا رايج..
مريم: هيه وايد مزيون ماشالله عليه...
شريفة: مريم ما أرتاح له وايد..
مريم: جيه؟؟
شريفة: مادري, بس ما أحس انه يضحك و الا يمزح و الا شي.. طول الوقت مكشر و ما يعطي حد ويه.. مغرووور...
مريم: مادري.. ما أحط بالي عليه وايد..
شريفة: هممم, مادري ليش قلت حق امايه هيه...
مريم: زين يمكن يستحي و الا شي جدامنا... يعني يمكن بينه و بين اخوانه غير...
شريفة: يمكن...
- سارا و نورة و منيرة و هنادي و مها كانن يتمشين في الوافي يتحوطون... و شافن شريفة و مريم يالسات...
سارا: يععععععع منوور منوور شوفي منو يالس هناك...
منيرة: منو؟؟ وين وين؟؟
سارا: شرووف أم الحبال... ههههههههههههههه
منيرة: هييييييييه وععععععععع شالأشكال؟؟
مها: منو شريفة...
هنادي: خطيبة مايد....
مها: وينها؟؟
منيرة: هناك......
- شريفة شافت بنات خالوتها و لاحظت انهن كانن يضحكون,, كان خاطرها تنش تسلم عليهن لكن استحت... بس يوم قربن منها نشت...
شريفة: شحالكن بنات؟؟
سارا ( و هي تهمس لهنادي): بسرعة بنسلم, ما نبا حد يشوفنا نسلم عليها.. فشلة...
هنادي: هههههههههه هلا هلا شريفة شحالج؟؟
شريفة بخير الحمدلله...
نورة ( و هي تلوي على شريفة): تولهت عليج شرووف...
- استانست شريفة لأنها هي بعد وايد تحب نورة بس ماكانت تبا تتفشل جدام منيرة و سارا الي كانن دوم يتعمدون يحرجونها و يقللون من قدرها...
شريفة: انا بعد تولهت عليج نواري...
سارا ( و هي تنغز مها): شريفة مكياجج وايد حلو.. شو الماركة الي حاطة منها؟؟
شريفة ( و هي تنزل راسها من الاحراج): مب حاطة فويهي شي ...
سارا ( وهي تغير صوتها): هيه هيه مشالله عليج مكياجج طبييييعي.. .واااو ياريتني أشبهج عسب ماأضطر احط مكياج بس حسافة....
- ضحكت مها و هنادي بصوت أعلى... و ها الي أحرج شريفة زود بس مريم ختها أنقذت الموقف و نشت من مكانها و هي تبتسم ...
مريم: يلا عيل نحن بنخليكن ورانا شغل... سلموا على خالوتي وايد... مع السلامة...
- و بدون ما يردون عليهن شالن أغراضهن و مشن بسرعة... شريفة كانت عيونها تدمع من الاحراج.. و مريم اتصلت في الدريول عسب ايي ياخذهن من عند الباب.. و في السيارة...
شريفة( و هي تصيح): شفتي كيف تعمدت تتمصخر عليي جدام ربيعاتها؟؟
مريم: ماعليج حبيبتي و انا أراويج ويا هالخايسة هاي...
شريفة: مريوم انا ما أبا مايد... اذا هم جيه ما يحبوني.. هو جيه بيكون؟؟
مريم: يا شريفة تعوذي من بليس.. و لو ما يحبونج جان ما ياو خطبوج...
شريفة: أصلا هو من وين يعرفني عسب يختارني برايه.. أكيد الخطبة عادية و امه عرضت عليه..
مريم: بس هو....
شريفة: مريووم انا لا يمكن أعيش فبيتهم... منيرة ما تطيقني و ها الشي أعرفه,, و مايد مغرور و ما أرتاح له بالمرة... بس انا خذت قراري و أول ما نوصل بسير أخبر امايه اني ما اباه ...
مريم: شروف ينيتي؟؟
شريفة: بكون مينونة لو أخذته...
مريم: شريفة فكري زين بللي يالسة تسوينه...
شريفة: مريم خلاص....
- و سارن البيت و بدون لا تسلم شريفة دخلت غرفتها و صكت على روحها الباب و يلست تصيح.. و بعدين طلعت و دخلت غرفة أمها ... حبت امها على راسها و يلست على حذالها و هي تطالع الأرض و تفكر شلون تبتدي... طالعت شمة بنتها و حست ان عندها شي و حبت تخليها عراحتها عسب ما تتوتر...
شريفة: اميه, انا ما أباب مايد...
شمة: شوووه؟؟ يعني شو ما تبينه؟؟
شريفة: اميه انا مب موافقة على زواجي من مايد, اذبحيني جان تبين سوي فيني الي تبين بس لا تيوزوني مايد...
- و يلست تصيح فحضن امها و امها مب مستوعبة شو صار فبنتها مرة وحده خلاها تتراجع عن قرارها مع انها استانست أول ما درت ان ولد خالتها خطبها...
شمة: برايج يا بنتي بس مسحي دموعج و الي تبينه بيصير...
- ابتسمت شريفة لأمها و حبتها على راسها و راحت تغسل &nbsp;ويهها و هي تحس انها مرتاحة.... كل الهموم طاحن من راسها و انها أكيد لاحقة على العرس و الزواج....
- لمياء كانت تطالع قناة ميلودي و تسمع اغنية ايوان ذنبي ايه, و هي تتمعن فكلمات الأغنية و عيبها وايد المقطع الي يقول فيه " ذنبي ايه قلبي يعاني من هواك مع انه شاريك... عمري فات و انت الجاني, حس بيّه حرام عليك" وهي تفكر بمايد... ايوان كان وايد يذكرها بمايد لأنه وايد حلو و جذاب بالضبط شراة جاذبية ايوان.. و طريقة تعابير ويهه كانن بالضبط شراة ايوان... من جيه كانت وايد تحب ايوان و تتابع اغانيه و كليباته.. و هي سرحانة حست ان تنفسها انقطع و قلبها وقف... و التفتت عسب تشوف من السخيف الي فاجأها و هي سرحانة و لقت نفسها تاخذ الجريدة و تلحق بها هزاع اخوها و هو ميت عليها من الضحك و هي محرجة عليه من خاطرها و قلبها يدق بسرعة.. و يوم تعب استلمته و يلست تضربه بالجريدة و هو يضحك عليها....
هزاع: بس بس يا مينونة ذبحتيني...
لمياء: تستااااهل .... روعتني ....
هزاع: زين خلاص خلاص آسف ما بعيدها....
لمياء: يلا سلااااام و هالآسف هاي وين أصرفها؟؟ و بعدين انا بيلس أترياك تعيدها؟؟ لا لا يا ماما الجاني لازم ياخذ جزاه...
هزاع: خييييييبه وين فيلم هندي نحن يالسين نسوي؟؟
لمياء: هههههههههههه هيه فلم هندي بس بدون مطر..
- استغل هزاع الفرصة و ركض لغرفته و قفل عليه الباب و لمياء تلحقه بس مارامت تصيده و تمت ترقع الباب بالقوة و تصارخ...
لمياء: فج الباب يا خواف.. يلا جان انت ريال فج الباب....
- مايد كان يالس في الكوفي شوب مع تميم ولد عمه....
تميم: شو سويت فسالفة خطبتك من شريفة؟؟
مايد: والله يا تميم مادري شو أقول لك.. امايه مب طايعة .. تقول لي بتاخذها غصبا عنك..
تميم: معقولة؟؟
مايد: هيه والله... عيزت وانا أترجاها,, يا تميم امايه مب شراة أمك.. امايه مالها الا الي براسها
تميم: &nbsp;تبا امايه ترمسها؟؟ يمكن تقتنع؟؟
مايد: لا والله بس انا باخذ شريفة.. مالي بعد شور امايه..
تميم: بس حرام يا مايد,, ما بتعيش سعيد...
مايد: تعاستي فسبيل رضا امايه سعادة يا ولد عمي...
تميم: برايك بس ميود اذا بغيت أي شي على طول تعال لي...
مايد: دون ما توصي الغالي...
- رجع مايد البيت و هو تعبان و مهموم و مضايج مب عارف شو يسوي بعمره,ما يبا ينام لأن عنده شغل العصر.. فيلس في الصالة مع نورة و بسمة يطالع المسلسل الي يتابعونه.. و بسمة تطالعه بطرف عينها و هي تبتسم و تتريا امها تي و تخبره بالشي الي بيشل الضيج عنه .. و هو ملاحظ نظرتها بس فاهمها انها تبا ترفع معنوياته... ما اهتم لنظرتها و قرر ينسجم مع المسلسل عل و عسى ينسى... دخلت أم مايد و باين عليها الضيج.. نش مايد من مكانه و حبها على راسها و يلس...
مايد: خير أميه, بلاج؟؟
أم مايد: مايد, شريفة هونت عن الخطبة...
مايد ( وهو ينقز): شوووووووووووه؟؟
- مايد ماحس بالدنيا حواليه من الفرحة و بسمة يلست تضحك.. و نورة و ام مايد مب عارفين شو السالفة و ليش بسمة و مايد مستانسين...
أم مايد: بلاك يا ولدي؟؟
مايد: أميه صدجج تبين تيوزيني؟؟
أم مايد(وهي مستغربة): أكيد...
مايد: بس يا أميه حصلت الي بتخطبينها لي...
أم مايد: منو؟؟
مايد: خت ربيعي هزاع....
أم مايد: هزاع بن مترف؟؟
مايد: هيه أميه..
أم مايد: ها الي طالع من السجن؟؟
مايد: أميه...
أم مايد: انت تدري.....
مايد: هيه أدري, بس اميه انا أحبها.. و ما ابا غيرها... الله يخليج..
أم مايد: تهبي يا ولد راشد أيوزك وحده مسلوب شرفها.. هاي أخرتها, أصبر و بعدين ايوز ولدي الوحيد وحده شراة هالخايسة؟؟
مايد: أميه انتي تعرفين الحقيقة..
أم مايد: انا أعرف بس غيري شو بيقول؟؟
مايد: أميه و احنا شوعلينا من.....
أم مايد:رمسة الناس هي الي تنحسب يا ولدي,, اختار وحده ثانية و انا ايوزك اياها من الحين بس هالبنية لا.. فاهم يعني شو لا؟؟</font>