<font color='#000000'>×× وعـلـيـكـم الـسـلام ورحـمـة الله وبـركـاتـه××

الله يرحم والدنا ويغفر له ..

وبعـد التـحـيـه، يا ختيه تسلمين عـلـى هـذا الـمـوضوع الـطـيّـب من هل الطيب..

يعــل يـسـقـى زماااااااان أوّل.. يــا بـنت الحلال...

كـل وطـر ولـه حلاتـه ولـونـه...

خـلـيـنـيـه أذكـر لج أوّل عـيـد دوّنـتـه فـي ذاكـرتـيـه..

طبعاً مب يوم كنت توني عمري سنه.. بس يوم توني حذقـت وفـطنت للعالم والناس..

أذكـر كـنـا فـي لـيوا.. ونادر ما نـعـيد إلا هنـاك..

نـحـن قولي تقريباً عمارنا 6 لو 7 أو 8 سنوات...&nbsp;

الوالد والوالده&nbsp;ربيه يطوليه بعمارهم كانوا يروحون المدينـة ويـفـصلولنا&nbsp;ثـيـاب وكنادير ويتشرولنا لبس العيد..

ومره نخطف عالمواعين.. ومره صوب التفـقـان..

هنيه نكون حاسين ان في عيد بيلفي علينا..

ضيّـة العـيد.. الكل مـتـولـم لفرحته وملاقات العمام والخوال.. وكل من نرقـبه من القبايل..

يـديّــه الله يرحمه ويغفرله.. كـان يأذن فوق صـافـق..

وييــتـمعون ويـصـلون صلاة العيد جماعـه.. خلاف يـتبادلون تهاني العيـد بقلب صافي وصادق..

ولي ما شـفـتـه من سنين تشوفه في هالـيـوم..

أذكر كانوا نـاس مـن قرابتـنا لو نسابتنا.. يتعـنـون من الـبـحـرين صـوب لـيـوا.. عشان يفرحونا..

وتـالـي..
انـتـالـي من محـضـر لـي مـحـضـر..
انبارك لهلنا وصحبتنا بالعيـد..

دلال الرسلان المـقـنـدات.. والحلوااااه..
كـانـت فـوالـة العيـد..

واما العيديه.. كانت شوف الأحباب والأقراب.. مذكر كانوا يعطوني عيديه&nbsp;غير في&nbsp;بوظبي..

ويوم يعدينا العـصـيـر..
روحـنـا صوب مراعـيـنـا..
عـنـد الـبـوش ..
نـركـب علـى ظهر البعير.. وبالدور..

((يا أيــام الــســدره))
هذا ما عنديه يا مخاوية الأمل..
واما عن السدره بقولكوا خــلاف..

تسلمين مليار&nbsp;على هالموضوع الطيب والله و....... &nbsp;هيجتي القلب المولع بللحان.. عـلى زمانٍ راح ما ضنتي يـرد..

والسموحه.. والله لا يحرمنا من هالمواضيع العدله..</font>