مفاجئة وااايد حلوة

[الحساس]

<font color='#810541'><div align=center><font size=3><font color=#000000><font face="times new roman">كانت عليا تمشي في الحديقة بحزن وهي تحس انه قلبها يتفتت مع كل خطوة تمشيها.. الجو كان ربيعي ورائع .. والشمس ابتدت حرارتها تخف وريحة شجيرات الياسمين والريحان والجوري كانت تنتقل مع النسيم الهادي وتترس قلب عليا بحزن ما تعرف شو مصدره بالضبط.. كانت تحب مايد، مهما حاولت تنكر هالشي ومهما حاولت انها تقول لنفسها انه مجرد اعجاب .. بس في النهاية كانت تعرف انه شي اكبر من الاعجاب والميول العادي.. مشاعرها تجاهه كانت مشاعر حب.. بس ليته يحس فيها ولو شوي.. </font></font></font>
</div>
<div align=center><font size=3><font color=#000000><font face="times new roman">المرة اللي طافت يوم كانت هني في بيتهم، بين لها انه هو بعد معجب بها.. بس عقب رد ولبسها.. عليا تعرف انه هاي كلها حركات عشان ما يبين لها انه ميت عليها.. وتعرف انه في داخله يحبها.. بس لو يودر كبريائه شوي ويعترف لها.. كل شي بيكون بخير.. </font></font></font>
</div>
<div align=center><font size=3><font color=#000000><font face="times new roman">تنهدت وهي تبتسم للمنظر الرائع اللي شافته جدامها.. أوراق شجرة اللوز الكبيرة كانت طايحة في النافورة الدائرية اللي في نص الحديقة وشكلهن ويا السمجات الذهبيات اللي يسبحن في النافورة كان يطير العقل.. يلست عليا على طرف النافورة وشيلتها على جتفها .. كانت فاصخة عباتها داخل وتامة بالتنورة التركواز والقميص الابيض .. وشعرها اللي ردت تصبغه باللون الأسود الفاحم كان نازل من المشبك على شكل خصلات غطت اطراف ويهها ورقبتها وجتفها.. </font></font></font>
</div>
<div align=center><font size=3><font color=#000000><font face="times new roman">وهذا هو المنظر اللي شافه مايد جدامه وهو ياي من صوب الكراج ويا خالد.. </font></font></font>
</div>
<div align=center>
</div>
<div align=center><font size=3><font color=#000000><font face="times new roman">خالد كان يمشي وهو مستانس انه الحلاق ما قص شي من راسه.. وفي ايده كانت حلاوة دائرية متوسطة الحجم وشكلها مثل الكورة.. وفي ايده الثانية جيس متروس حلويات من chocolate factory .. ويوم وقف مايد يطالع عليا.. كمل خالد دربه للطرف الثاني من الحديقة في المكان اللي يعرف انه خواته يالسات فيه.. </font></font></font>
</div>
<div align=center><font size=3><font color=#000000><font face="times new roman">ويوم انتبهت عليا لخالد، رفعت راسها وشافت مايد يطالعها وهو يبتسم وللحظة.. حست انه الدنيا والعالم كله توقف ويا دقات قلبها.. ليش هالانسان الوحيد اللي كل ما تشوفه تحس انه يزداد وسامة ورجولة أكثر عن المرة اللي قبلها؟؟ شو هالشي المميز اللي فيه واللي تحس به يشدها صوبه اكثر واكثر.. </font></font></font>
</div>
<div align=center><font size=3><font color=#000000><font face="times new roman">استمرت هالثانية اللي التقت فيها عيونه بعيونها لفترة طويلة كسر فيها مايد الصمت وقال وهو يبتسم ويقترب منها: " علايه؟؟ هلا والله .. عاش من شافج&#33;&#33;"</font></font></font>
</div>
<div align=center><font size=3><font color=#000000><font face="times new roman">استحت عليا وارتبكت وهي مب عارفة تغطي شعرها ولا لاء.. وفي النهاية قررت تحط الشيلة على راسها من باب الذوق والأدب.. وقالت: "أهليين.. شحالك مايد؟"</font></font></font>
</div>
<div align=center><font size=3><font color=#000000><font face="times new roman">مايد وهو يطالع شعرها الاسود ويبتسم: " أنا بخير ربي يعافيج.. انتي شحالج؟"</font></font></font>
</div>
<div align=center><font size=3><font color=#000000><font face="times new roman">عليا (وهي بتموت من المستحى): " بخير الحمدلله.."</font></font></font>
</div>
<div align=center><font size=3><font color=#000000><font face="times new roman">ابتسم مايد بخبث وقال: " من متى انتي هني؟"</font></font></font>
</div>
<div align=center><font size=3><font color=#000000><font face="times new roman">عليا: "امممم.. من ساعة الا ربع تقريبا.. وبروح عقب المغرب.."</font></font></font>
</div>
<div align=center><font size=3><font color=#000000><font face="times new roman">مايد : "بتروحين بوظبي ولا بيت يدوتج؟"</font></font></font>
</div>
<div align=center><font size=3><font color=#000000><font face="times new roman">رفعت عليا راسها واطالعته وهي تتمنى لو ييلس حذالها بدل لا هو واقف فوق راسها جي.. وقالت: "لا بروح بوظبي.."</font></font></font>
</div>
<div align=center><font size=3><font color=#000000><font face="times new roman">مايد: "أفاااا.. جيه عاد؟؟ ما شبعنا منج..&#33; "</font></font></font>
</div>
<div align=center><font size=3><font color=#000000><font face="times new roman">استانست عليا وقالت بجرأة: " والله ودي اتم حتى انا ما شبعت من شوفتكم بس شو اسوي ورايه مدرسة باجر.."</font></font></font>
</div>
<div align=center><font size=3><font color=#000000><font face="times new roman">مايد: " هيه والله.. اممم اقول علاية..؟"</font></font></font>
</div>
<div align=center><font size=3><font color=#000000><font face="times new roman">عليا: "لبيه..؟ "</font></font></font>
</div>
<div align=center><font size=3><font color=#000000><font face="times new roman">مايد : " لبيتي حايه.. اممم المرة اللي طافت شعرج كان احمر.. شو جلبه جي مرة وحدة واستوى اسود؟"</font></font></font>
</div>
<div align=center><font size=3><font color=#000000><font face="times new roman">انصدمت عليا وحست انه ويهها يحترق من القفطة.. ومايد ابتسم لها ابتسامة بريئة وهو يتريا ردها .. كان يعرف انه المفروض ما يسألها هالسؤال بس ما قدر يقاوم .. تعيبه وايد وهي قافطة ومستحية جي.. وما يبا يفوت على عمره فرصة انه يحرجها..</font></font></font>
</div>
<div align=center><font size=3><font color=#000000><font face="times new roman">عليا (بإحراج): " تراني.. صبغته&#33;&#33;&#33;"</font></font></font>
</div>
<div align=center><font size=3><font color=#000000><font face="times new roman">مايد: "أهااا... يعني ها مب لونه الطبيعي.."</font></font></font>
</div>
<div align=center><font size=3><font color=#000000><font face="times new roman">عليا (وهي تتنهد بظيج): "لا مب لونه الطبيعي.."</font></font></font>
</div>
<div align=center><font size=3><font color=#000000><font face="times new roman">مايد: "وشو لونه الطبيعي؟"</font></font></font>
</div>
<div align=center><font size=3><font color=#000000><font face="times new roman">اطالعته عليا بنظرة حادة وقالت: " شعري بني غامج .."</font></font></font>
</div>
<div align=center><font size=3><font color=#000000><font face="times new roman">مايد: " وليش صابغتنه عيل.. احس لونه كان عجيب.."</font></font></font>
</div>
<div align=center><font size=3><font color=#000000><font face="times new roman">عليا: " اممم بس جي.. أحب التغيير.."</font></font></font>
</div>
<div align=center><font size=3><font color=#000000><font face="times new roman">ابتسم لها مايد وهو يمشي عنها وقال: " بس كل شي يكون احلى على طبيعته.. انا ببدل ثيابي وبرد لج .. اوكى؟"</font></font></font>
</div>
<div align=center><font size=3><font color=#000000><font face="times new roman">عليا: " اوكى.."</font></font></font>
</div>
<div align=center>
</div>
<div align=center><font size=3><font color=#000000><font face="times new roman">راح مايد غرفته وتمت عليا تطالعه لين ما اختفى عن عيونها وتنهدت وهي بعدها حاسة بالاحراج.. صدق انه الشباب موول ما يخصهم بالرومانسية..&#33;&#33; يعني استوى له ثلاث اسابيع مب جايفنها والحين يوم تعنت ويت لين هني يرمسها بهالدفاشة؟؟ بس بعدها تحبه وبعدها تتخبل عليه ..</font></font></font>
</div>
<div align=center><font size=3><font color=#000000><font face="times new roman">نشت عليا من مكانها وقررت تسير عند اليهال وتتسلى وياهم لين ما يرد مايد من فوق.. ومشت والابتسامة مرتسمة على شفايفها وشافتهم كلهم متيمعين داخل الخيمة اللي على شكل نحلة.. وسارت لهم ووايجت عليهم داخل وهي تقول: " شو تسوون؟"</font></font></font>
</div>
<div align=center><font size=3><font color=#000000><font face="times new roman">التفتوا لها هم الاربعة وانصدمت عليا يوم شافت نظرات الاحتقار اللي اطالعتها بها سارة وأمل.. بس طنشت وقالت لخالد: "الله&#33;&#33;.. هالحلاوة كلها من وين؟؟ ميود اشترالك اياها؟؟"</font></font></font>
</div>
<div align=center><font size=3><font color=#000000><font face="times new roman">أمل (وهي تطالعها بنظرة حادة): " هيييه.. أخويييه ميووودي حبيبي اشتراها.. ومحد بياكلها غيرنا&#33;&#33;"</font></font></font>
</div>
<div align=center><font size=3><font color=#000000><font face="times new roman">عليا: " انزين يالدبة.. كليها كلها بروحج انا ما قلت ابا.."</font></font></font>
</div>
<div align=center><font size=3><font color=#000000><font face="times new roman">مزنة: "انتي الحين شو تبين؟؟"</font></font></font>
</div>
<div align=center><font size=3><font color=#000000><font face="times new roman">عليا: " ياية ايلس وياكم.. عندج مانع؟"</font></font></font>
</div>
<div align=center><font size=3><font color=#000000><font face="times new roman">اطالعتها سارة بنظرة خالية من المشاعر وقالت لها بجدية : "إنتي بتتزوجين مايد؟؟"</font></font></font>
</div>
<div align=center><font size=3><font color=#000000><font face="times new roman">انصدمت عليا من سؤالها وعلى طول اطالعت مزنة اللي انشغلت فجأة وقامت تشخبط شي في دفترها.. كانت عليا صدق مقهورة منها.. مزنة حلج وعادي تخبر أي حد بكل اللي سمعته اليوم.. عشان جي لازم تكون عليا حذرة.. ومن كثر ما كانت خايفة.. طلعت موبايلها عشان تمسح كل المكالمات اللي فيه وتمسح بالمرة رقم مايد.. بس وهي ميودة الموبايل تفاجئت بصرخة قوية حذالها وطاح الموبايل من إيدها وهي تبطل عيونها ع الاخر وتشهق من الصدمة..</font></font></font>
</div>
<div align=center><font size=3><font color=#000000><font face="times new roman">الحلاوة الدائرية اللي كان خالد يمصها دخلت له في بلعومه وتمت واقفة هناك.. وكان مب رايم يتنفس وعيونه طالعة على برى ومبطل حلجه ع الاخر وهو يحاول يصرخ او يتنفس بس مب قادر.. وبيأس شديد تيود في قميص اخته سارة اللي كانت تصرخ بأعلى صوتها وهي تشوف ويه اخوها يحمر بكبره... </font></font></font>
</div>
<div align=center><font size=3><font color=#000000><font face="times new roman">عليا تمت متيبسة مكانها وهي مب عارفة شو تسوي وأمل عفدت على خالد وتمت تضربه على ظهره عشان اطلع الحلاوة بس من دون أي فايدة لأنها علقت في القصبة الهوائية.. </font></font></font>
</div>
<div align=center><font size=3><font color=#000000><font face="times new roman">في هاللحظة، شافت مزنة موبايل عليا طايح جدامها ومن كثر ما هي خايفة شلته واتصلت بالرقم الوحيد اللي كانت حافظتنه.. رقم مايد.. وعليا اللي ردت لها الحاسية في هاللحظة ما انتبهت لمزنة وسارت صوب خالد وشلته بسرعة وطلعته من الخيمة.. وهي تحاول قد ما تقدر انها اطلع الحلاوة من بلعومه..</font></font></font>
</div>
<div align=center>
<div align=center></div></div>
<div align=center><font size=3><font color=#000000><font face="times new roman">مايد عقب ما سار عن عليا، تم يضحك وهو يتذكر ملامح ويهها.. عليا فنانة ويستانس عليها بس يحس بها شوي مغرورة وهو ما يعيبه ابد هالشي.. يحس انه الغرور مرض ويشفق على الشخص المصاب بمرض الغرور.. هذا اللي كان يحس به تجاه عليا.. التعاطف والشفقة.. بس بعد لازم يعترف انه البنية وايد وايد حلوة وانها عايبتنه.. </font></font></font>
</div>
<div align=center><font size=3><font color=#000000><font face="times new roman">فر مايد موبايله ع الشبرية وسار بيتسبح لأنه خالد ما طاع ييلس أبد في الحلاق واضطر مايد انه ايلسه ع ريوله والحلاق المسكين تعذب وهو يحلق له لأنه كان وايد يتحرك.. وطبعا شعره كله طاح على ثياب مايد عشان جي كان لازم يغير الكندوره.. </font></font></font>
</div>
<div align=center><font size=3><font color=#000000><font face="times new roman">بس قبل لا يدخل مايد الحمام، رن موبايله.. وتردد مايد قبل لا يسير يشوف منو متصل.. ويوم شاف رقم البنية اللي مأذتنه تأفف وشل الموبايل في ايده وهو يفكر يرد عليها ولا لاء.. قبل ساعتين متصلة فيها وقال لها انه خلاص ما بيرد عليها.. شله متصلة الحين بعد؟؟ </font></font></font>
</div>
<div align=center><font size=3><font color=#000000><font face="times new roman">تم مايد يطالع الرقم بحيره.. وعقب قرر انه يرد عليها وقبل لا يقول ألو او حتى يتنفس ياه صوت مزنة الحاد وهي تزاعج وتقول: "ميووووووووود إلحق بسرعة خالد بيمووت.. تعال بسرعة... "</font></font></font>
</div>
<div align=center><font size=3><font color=#000000><font face="times new roman">انصدم مايد وسمع صوت الصريخ والحشرة وما افتكر في الرقم ولا يا على باله انه مزنة داقة له من نفس رقم البنية اللي تأذيه.. على طول طلع من غرفته وركض بسرعة فظيعة وهو ينزل عن الدري ويطلع للحديقة.. ومريم وليلى يوم سمعن صوت الركض طلعن من الغرفة ومن الخوف ، نزلن بسرعة تحت يشوفن شو اللي مستوي.. </font></font></font>
</div>
<div align=center>
</div>
<div align=center><font size=3><font color=#000000><font face="times new roman">يوم وصل مايد الحديقة، خالد كان خلاص ويهه أزرق.. وعيونه حمر.. وكان يطالع عليا بنظرة توسل وتعب وهي تصيح ومب عارفة شو تسوي.. مايد شل أخوه وهو يسمع مزنة تقول له انه الحلاوة عالقة في بلعومه .. وبدون تفكير.. وقف مايد ورا اخوه الصغير وتم يضغط على بطنه تحت منطقة الرئتين بالضبط ويضغط ويضغط بقوة ، وخالد ويهه استوى خليط من الالوان وهو يشهق بصوت عالي ..</font></font></font>
</div>
<div align=center><font size=3><font color=#000000><font face="times new roman">ليلى وصلت في هاللحظة ويا مريم وتمت تطالع الموقف كله برعب فظيع.. وهي مب مصدقة انها تشوف اخوها خالد بين الحياة والموت للمرة الثالثة .. حست بدوخة وتساندت على مريم اللي ويهها استوى ابيض من الخوف.. وتمت تدعي ربها انه يساعده ويرحمه ويلطف به وفعلا طلعت الحلاوة من حلج خالد عقب ما استمر مايد يضغط على بطنه .. وطاح خالد في حظن اخوه وهو يتنفس بعمق ويحس انه روحه ردت له.. وتيمعوا كلهم عليه وهم يصيحون وخصوصا ليلى اللي شلته وتمت تبوسه وهي حاظنتنه وهو حط راسه على جتفها بتعب وتم يصيح من الخوف.. مهما وصفت ليلى غلاة هالطفل عندها ما بتقدر انه توفيه حقه.. كانت تحبه اكثر من أي واحد ثاني من اخوانها .. ومجرد فكرة انها تخسره كانت وايد صعبة بالنسبة لها.. عشان جي كانت تصيح بعنف وهي حاظنتنه .. وشلته وياها للصالة عقب ما اطالعت مايد بنظرة امتنان ردها مايد بابتسامة متعبة.. </font></font></font>
</div>
<div align=center>
</div>
<div align=center><font size=3><font color=#000000><font face="times new roman">وعقب ما ساروا كلهم داخل كانت عليا بتتبعهم بس تذكرت موبايلها وتمت ادوره وتتلفت يمين ويسار وهي مب محصلتنه.. وتفاجئت يوم مد لها مايد ايده وكان الموبايل فيها..وخذته عنه بأصابع ترتجف وهي تهمس بكلمة " شكرا"</font></font></font>
</div>
<div align=center><font size=3><font color=#000000><font face="times new roman">اطالعها مايد بنظرة جليدية وقال: "العفو.. "</font></font></font>
</div>
<div align=center><font size=3><font color=#000000><font face="times new roman">ارتبكت عليا وايد وكانت حاسة انه فيه شي غلط .. وقبل لا تمشي عنه تنفس مايد بعمق وقال: " علايه ممكن ارمسج شوي؟"</font></font></font>
</div>
<div align=center><font size=3><font color=#000000><font face="times new roman">عليا (بخوف): " هيه أكيد.."</font></font></font>
</div>
<div align=center><font size=3><font color=#000000><font face="times new roman">مايد: " انزين تعالي .."</font></font></font>
</div>
<div align=center><font size=3><font color=#000000><font face="times new roman">مشى مايد جدامها وتبعته عليا وهي تحس انه اطرافها تخدرت من الخوف.. بس كانت تحاول اطمن عمرها وتقول انه اكيد يبا يرمسها في شي ثاني.. رغم هذا كانت في داخلها حاسة انه كشفها وكارهة عمرها عشان هالشي.. </font></font></font>
</div>
<div align=center><font size=3><font color=#000000><font face="times new roman">مشى مايد للكرسي الخشبي العريض اللي كان بعيد وايد عن البيت.. لأنه كان متاكد انه محد بيزعجهم هني.. ويلس وهو يأشر لعليا عشان تيلس حذاله.. ويوم يلست تمت منزلة عيونها وويهها أحمر من الصياح على خالد ومن التوتر والخوف اللي كانت تحس به.. </font></font></font>
</div>
<div align=center><font size=3><font color=#000000><font face="times new roman">ما عرف مايد كيف يبدا الموضوع .. بروحه كان مقهور منها ومرتبك من الموقف كله.. بس في الاخير تشجع وقال : " عليا؟ ممكن تخبريني هالمكالمات شو تفسيرها؟؟"</font></font></font>
</div>
<div align=center><font size=3><font color=#000000><font face="times new roman">التفتت له عليا بحدة واطالعته بعيون كلها دهشة وهي تسأله: "أي مكالمات؟؟"</font></font></font>
</div>
<div align=center><font size=3><font color=#000000><font face="times new roman">تنهد مايد ونزل عيونه وهو يقول: " انتي تعرفين أنا شو أقصد.."</font></font></font>
</div>
<div align=center><font size=3><font color=#000000><font face="times new roman">عليا: " لا والله.. "</font></font></font>
</div>
<div align=center><font size=3><font color=#000000><font face="times new roman">مايد (بنبرة حادة): "لا تحلفين&#33;&#33;"</font></font></font>
</div>
<div align=center><font size=3><font color=#000000><font face="times new roman">عليا: "بس.."</font></font></font>
</div>
<div align=center><font size=3><font color=#000000><font face="times new roman">مايد: " مزنة دقت لي من موبايلج.. علايه خلاص كل شي انكشف.."</font></font></font>
</div>
<div align=center><font size=3><font color=#000000><font face="times new roman">انترسن عيون عليا من الدموع وتأفف مايد وهو يشوفهن ينزلن من عيونها وقال: "الحين ليش تصيحين؟؟ شو قلت انا؟؟ بعدني ما قلت شي&#33;&#33;"</font></font></font>
</div>
<div align=center><font size=3><font color=#000000><font face="times new roman">سكتت عليا وتمت منزلة راسها بخجل.. ما كانت عارفة شو تقول له .. الموقف كله كان صعب جدا عليها.. ومحرج.. شو يباها تقول يعني؟ ليش يحرجها بهالطريقة؟؟</font></font></font>
</div>
<div align=center>
</div>
<div align=center><font size=3><font color=#000000><font face="times new roman">قرب مايد ويهه منها وقال بهدوء : "عليا.. اطالعيني.. "</font></font></font>
</div>
<div align=center><font size=3><font color=#000000><font face="times new roman">اطالعته عليا من ورا دموعها وشافت نفس الارتباك اللي تحس به منعكس على ملامحه.. وما عرفت شو تقول.. بس تمت مركزة على عيونه وتريته يقول اللي عنده..</font></font></font>
</div>
<div align=center><font size=3><font color=#000000><font face="times new roman">مايد: " اسمعيني علايه.. اللي تسوينه غلط.. وأكبر غلط بعد.. امج تعرف انج ادقين لي ؟؟"</font></font></font>
</div>
<div align=center><font size=3><font color=#000000><font face="times new roman">عليا (بصوت مخنوق): " طبعا لاء.."</font></font></font>
</div>
<div align=center><font size=3><font color=#000000><font face="times new roman">مايد: " ولو عرفت؟؟ شو بيستوي؟ بتحطيني وبتحطين عمرج في موقف بايخ.. وعشان شو؟؟ عشان حركات مالها أي داعي.."</font></font></font>
</div>
<div align=center><font size=3><font color=#000000><font face="times new roman">انجرحت عليا وايد من أسلوبه.. معقولة ما يعرف انه يالس يجرحها؟؟ ليش يرمسها بهالقسوة وهالبرود؟ ما يعرف انها سوت هذا كله عشانه هو؟؟ عشانها تحبه؟؟ </font></font></font>
</div>
<div align=center><font size=3><font color=#000000><font face="times new roman">اطالعته عليا وعيونها تبين مقدار الجرح اللي حست به وقالت : " حركات مالها داعي؟؟"</font></font></font>
</div>
<div align=center><font size=3><font color=#000000><font face="times new roman">مايد: " هيه.. علايه ممكن تخبريني ليش كنتي تتصلين وما ترمسين؟؟ لا وعقب قمتي ترمسين وتغيرين صوتج.. ليش هذا كله؟؟ لا تقولين مقلب &#33;&#33;"</font></font></font>
</div>
<div align=center><font size=3><font color=#000000><font face="times new roman">عصبت عليا ووقفت وهي تقول له بصوت عالي: " معقولة؟؟ معقولة ما فهمت اني اسوي هذا كله عشان اكون قريبة منك؟؟؟ شو من قلب عندك انته&#33;&#33; ليش ما تحس فيه؟؟ يالس تجرحني من أول ما يلست وياك وانا ساكتة عنك.. كل هذا عشاني حبيتك؟؟ "</font></font></font>
</div>
<div align=center><font size=3><font color=#000000><font face="times new roman">انصعق مايد من كلامها.. وتم يطالعها بعبط وهو مب مستوعب اللي قالته.. تحبه؟؟ كيف يعني؟؟ ومتى؟؟ تحبه؟؟ حس مايد بالدم اللي في ويهه كله يتسرب وحس انه دايخ وانه اللي قاله كان مجرد تخيلات مالها أي اساس من الصحة.. </font></font></font>
</div>
<div align=center><font size=3><font color=#000000><font face="times new roman">ويوم حس انه مرتبك ومب عارف شو يقول .. مد إيده وسحبها عشان ترد تيلس وقال: " لا تعلين صوتج..&#33;&#33; ما فيه حد يسمعنا.."</font></font></font>
</div>
<div align=center><font size=3><font color=#000000><font face="times new roman">يلست عليا وهي تنتفض من القهر.. وتم مايد يالس وياها فترة طويلة وهو ساكت .. ويجلب الافكار في باله مب عارف شو يقول لها &#33;&#33; عليا كانت تباه يرمس.. يقول أي شي غير انه يتم ساكت.. هالصمت كان معذبنها .. لأول مرة في حياتها تعترف لشخص انها تحبه.. لأول مرة تضعف لهالدرجة.. وهاذي هي ردت فعله؟؟ يتم ساكت؟؟ وين المشاهد اللي تخيلتها في بالها؟؟؟ انه بيستانس وبيقول لها انه هو بعد يحبها؟؟ وين الأحلام الورديه؟ كله هذا تحطم جدام الواقع اللي يالسة تعيش لحظاته الحين.. </font></font></font>
</div>
<div align=center>
<div align=center></div></div>&#60;&#33;-- / message --&#62;

</font>