<font color='#810541'><div align=center><font size=3><font color=#000000><font face="times new roman">كانت ليلى طايحة على شبريتها وأوراق الورد الأبيض تتناثر عليها من كل جهة وتنشر عبيرها الرائع في أجواء المكان.. وليلى كانت تبتسم بحب وحنان لأبوها اللي كان طايح على الشبرية حذالها.. كان راسه تحت ايدها اليمين.. وبإيدها اليسار كانت تمسح على ويهه بحنان وهي تبتسم له.. في داخلها كانت تعرف انه ميت وكان واضح من ملامحه انه مجرد جثه.. ورغم هذا كانت ليلى مب خايفة .. هذا أبوها .. أخيرا اقترب منها وأخيرا قدرت تحس بملمس ويهه تحت أصابعها.. أخيرا قدرت تشبع عيونها من ملامحه المحببة لقلبها.. هذا أبوها.. ليش تخاف منه..</font></font></font>
</div>
<div align=center><font size=3><font color=#000000><font face="times new roman">طبعت ليلى بوسه خفيفه على خشمه وعيونه المغمضة ولصقت خدها بخده وهي تلوي عليه بقوة.. كانت تتكلم بكلام ما تسمعه.. وتقول له أشيا هي بنفسها ما تعرف عنها شي.. المهم انها كانت ترمسه وتحس بوجوده وياها.. وكانت أوراق الورد تتناثر حواليها وتنشر عبيرها في أرجاء المكان..</font></font></font>
</div>
<div align=center>
</div>
<div align=center><font size=3><font color=#000000><font face="times new roman">وقامت ليلى من حلمها فجأة وهي تتلفت حواليها..</font></font></font>
</div>
<div align=center><font size=3><font color=#000000><font face="times new roman">وينه؟؟ وين راح؟؟ وين راح أبوها توه كان هني؟؟ </font></font></font>
</div>
<div align=center><font size=3><font color=#000000><font face="times new roman">اطالعت ليلى اياديها بذهول واطالعت الفراش وفي عيونها نظرة مفجوعة وحسرة رهيبة.. محد كان وياها الا خالد.. وفي سريرها كانت شمسة راقدة.. </font></font></font>
</div>
<div align=center><font size=3><font color=#000000><font face="times new roman">غمضت ليلى عيونها وهي ترتجف وتحظن عمرها وحست بجسمها كله يهتز بقوة وهي تصيح بعنف على اكتشافها بإنه كان مجرد حلم.. كانت تبا تصرخ بأعلى صوتها واطلع كل اللي في خاطرها.. تبا تقول لهم شكثر كانت مشتاقة له.. ولأمها.. خلاص تعبت من التمثيل.. تعبت من كل شي.. من مسئولياتها واخوانها ومشاعرها اللي توء د وهي بعدها في بدايتها.. ما كانت تبا شي غير انها تكون في حظن ابوها على طول.. وإنها تبتسم لأمها للمرة الأخيرة وتقول لها انها تحبها.. </font></font></font>
</div>
<div align=center><font size=3><font color=#000000><font face="times new roman">سالت دموع ليلى من عيونها بصمت عشان ما توعي خالد وشمسة.. ورغم محاولاتها انها تكتم عبراتها كانت الدموع تتفجر أكثر وأكثر.. وتغسل كل الحزن اللي ساكن قلبها.. </font></font></font>
</div>
<div align=center><font size=3><font color=#000000><font face="times new roman">وفجأة ، ردت ليلى طفلة صغيرة.. وردت مشاعرها مشاعر طفلة صغيرة .. طفلة خايفة ومحتاجة حد يوقف وياها ويقول لها انها بخير.. كانت ريولها تاخذها لبرى الغرفة وهي تحس انها مب في وعيها.. الألم اللي في داخلها كان كبير.. ودموعها كانت تحجب عنها أي مجال للرؤية.. بس المكان اللي سايرتنه كانت حافظتنه وبطلت الباب وهي تناهي من الصياح وانتبه مايد على صوت صياحها ويوم التفت شافها واقفة عن باب غرفته تطالعه بخوف وارتباك كبير وتمرر إيدها في شعرها وإيدها الثانية على مقبض الباب..</font></font></font>
</div>
<div align=center><font size=3><font color=#000000><font face="times new roman">يلس مايد في فراشه وهو مستغرب وقال: " ليلى؟؟"</font></font></font>
</div>
<div align=center><font size=3><font color=#000000><font face="times new roman">أول ما سمعت ليلى صوته ردت تصيح وعقت عمرها في حظنه ومايد لوى عليها بقوة وهو مب عارف شو السالفة.. </font></font></font>
</div>
<div align=center><font size=3><font color=#000000><font face="times new roman">مايد: "ليلوتي شو فيج؟؟ ليش اتصيحين خوفتيني&#33;&#33;"</font></font></font>
</div>
<div align=center><font size=3><font color=#000000><font face="times new roman">ليلى (بصوت مخنوق): " باباه.. أبا باباه واميه.. ليش راحوا عني مايد ليش راحوا وخلوني بروحي.. ما يحق لهم يخلوني هني بروحي ليش ما خذوني وياهم؟؟ ليش؟؟ مابا اتم هني بروحي.. مابا.. خلاص مابا اتم هني بروحي .. &#33;&#33;"</font></font></font>
</div>
<div align=center><font size=3><font color=#000000><font face="times new roman">انصدم مايد منها.. أول مرة يشوفها بهالضعف جدامه.. كانت تهتز بكبرها وهي تصيح وحظنها مايد بقوة أكبر وتفاجئ بدموعه تنزل على شعرها وما رام يرمس..</font></font></font>
</div>
<div align=center><font size=3><font color=#000000><font face="times new roman">غمضت ليلى عيونها ودفنت ويهها في صدره وهي تصيح.. تعرف انها أنانيه منها توعيه من رقاده وتشكي له بس مالها حد غيره.. هي وياه مالهم الا بعض .. ولمنو بتشكي؟؟ ليلى عمرها ما اشتكت لحد.. عمرها ما حاولت تبين لهم الخوف اللي تحس به كل يوم وهي تحس بالعمر يمضي.. الخوف من أنه واحد فيهم يغلط وهي مب منتبة له.. الخوف من انه خواتها يكبرون وتجرفهم الدنيا بعيد عنها.. وانه اخوانها يكبرون واييهم يوم يرتكبون فيه شي يخلي الكل يلومها هي على تربيتها لهم.. المسئولية كانت عظيمة وكانت ليلى تكره نفسها كل يوم لأنها ما كانت ويا أبوها وأمها في نفس السيارة اللي انهت حياتهم..</font></font></font>
</div>
<div align=center>
</div>
<div align=center><font size=3><font color=#000000><font face="times new roman">خلاها مايد تصيح على راحتها في حظنه وهو يردد الادعية بهمس ويوم حس بها ارتخت واطالعها وشافها راقدة.. غطاها زين وشل المصحف وصورة أبوه اللي كانت على مكتبه وطلع من الغرفة.. خلاص كان مستحيل يرد يرقد مرة ثانية.. اللي استوى له الحين خلاه يفكر بأشيا وايده .. اشيا كان خايف منها واستوت.. مرت الأيام بسرعة والشهور والسنوات.. ومرت وياها ذكرى امهم وابوهم مثل نسمة الصيف العابرة.. </font></font></font>
</div>
<div align=center><font size=3><font color=#000000><font face="times new roman">اطالع مايد صورة أبوه بحزن وقال له: " إنته تعرف اني احبك وبتم احبك اكثر عن أي مخلوق في هالدنيا كلها.. حتى لو مرت عليه أيام وما ذكرتك فيها .. بعد بتعرف اني احبك صح؟؟" </font></font></font>
</div>
<div align=center>
</div>
<div align=center><font size=3><font color=#000000><font face="times new roman">غمض مايد عيونه وهو يمسح بإيده على البرواز.. كان يتذكر أول يوم له في المدرسة.. أبوه كان مودنه ومايد مول مب متقبل فكرة انه بيتم للظهر بعيد عن امه وابوه وويا ناس ما يعرفهم ولا هم يعرفونه.. خصوصا انه ما سار الروضة لأنه أحمد ما هان عليه ولده يوم يلس يصيح ويرافس ورده البيت وقال لمرته مب لازم ميود يسير الروضه.. </font></font></font>
</div>
<div align=center><font size=3><font color=#000000><font face="times new roman">يذكر مايد هذاك اليوم زين.. كان أصابعه الصغيرة متشابكة ويا أصابع أبوه العملاقة بالنسبة له وكانت عيونه تطالع الكل بخوف وهو يعرف انه هالمرة لا مفر.. وانه مهما صاح أبوه بيخليه هني وبيسير عنه.. بس ساعتها التفت له أبوه ويلس عشان يواجه ولده ويكون على نفس مستوى طوله.. وقال له بصوت واطي وهو يبتسم.. : " إذا ناوي تصيح خبرني وبردك البيت.. لأنك لو صحت جدامهم هني بيضحكون عليك.. وحتى يوم بتكبر وبتغدي ريال أطول عني.. بيتمون يضحكون وبيقولون هذا ميود الخواف اللي كان يصيح في المدرسة.. تباهم يضحكون عليك؟؟"</font></font></font>
</div>
<div align=center><font size=3><font color=#000000><font face="times new roman">التفت مايد على شلة الأولاد اللي كانوا يلعبون ويا بعض جريب منهم ورد يطالع ابوه وقال له: "لاء.."</font></font></font>
</div>
<div align=center><font size=3><font color=#000000><font face="times new roman">أحمد: " برد البيت لو تبا ترد.. بس لو تميت هني بتلعب وياهم كلهم.. وترى بيني وبينك..؟"</font></font></font>
</div>
<div align=center><font size=3><font color=#000000><font face="times new roman">اطالعه مايد باهتمام وقال: " شو؟"</font></font></font>
</div>
<div align=center><font size=3><font color=#000000><font face="times new roman">احمد (بنبرة خبيثة وبهمس): " هالمدرسة فيها كنز.."</font></font></font>
</div>
<div align=center><font size=3><font color=#000000><font face="times new roman">بطل مايد عيونه ع الاخر.. وقال: "والله؟؟ وين؟؟"</font></font></font>
</div>
<div align=center><font size=3><font color=#000000><font face="times new roman">احمد: " والله&#33;&#33;.. عاد انته لازم ادور هالكنز وتييب لي اياه.. بس لازم ما تخبر أي حد عنه.."</font></font></font>
</div>
<div align=center><font size=3><font color=#000000><font face="times new roman">مايد: " ما بخبر حد..&#33;&#33; بس هالكنز وينوو؟"</font></font></font>
</div>
<div align=center><font size=3><font color=#000000><font face="times new roman">أحمد: " أنا ما اعرف وما بيخلوني اتم هني في المدرسة عشان ادوره. . ما يخلون حد يتم هني الا الصغار وانا وايد عود.. بس انته بدور لي اياه.. كل يوم بتودره في مكان.. ويوم بتسمع كلام الاستاذ بتحصل الكنز بسرعة.. شو رايك؟"</font></font></font>
</div>
<div align=center><font size=3><font color=#000000><font face="times new roman">اطالعه مايد بنظرة شديدة وقال له: " بدوره باباه لا تخاف وبعطيك اياه..&#33;"</font></font></font>
</div>
<div align=center><font size=3><font color=#000000><font face="times new roman">احمد: " شاطر فديتك.. انزين وشي ثاني.."</font></font></font>
</div>
<div align=center><font size=3><font color=#000000><font face="times new roman">مايد (اللي ابتدا يبتسم براحة): " شو؟"</font></font></font>
</div>
<div align=center><font size=3><font color=#000000><font face="times new roman">احمد: " لا تزقرني باباه جدامهم.. باباه هاي في البيت .. هني يوم بتزقرني او بترمس عني قول ابويه.. لا تخليهم يضحكون عليك.."</font></font></font>
</div>
<div align=center><font size=3><font color=#000000><font face="times new roman">مايد: " زين ابويه.. محد بيضحك لا تخاف.."</font></font></font>
</div>
<div align=center><font size=3><font color=#000000><font face="times new roman">قرصه احمد على خده وهو مستانس منه وعطاه مصروفه وسار عنه.. ودخل مايد الصف بثقة كبيرة والاثارة تلمع في عيونه .. وكان أول واحد خبره عن سر الكنز هو مترف ومن يومها وهم ربع.. والفضل كله يرجع لأبوه اللي عطاه من أول يوم له في المدرسة دافع انه يستمر..</font></font></font>
</div>
<div align=center>
</div>
<div align=center><font size=3><font color=#000000><font face="times new roman">انتبه مايد للدموع اللي ردت تنزل من عيونه مرة ثانية واستغفر ربه وبطل المصحف وتم يقرا قرآن وهو يتريا أذان الفجر.. </font></font></font>
</div>
<div align=center><font size=3><font color=#000000><font face="times new roman">أبوه وأمه راحوا من الدنيا بدون كلمة وداع.. بدون ما يخبرهم مايد انه يحبهم وانه بيتم يذكرهم على طول.. بس في داخله كان يعرف انهم مب محتاجين لهالكلمات.. وانهم كانوا يحسون بحبه لهم في كل مرة يضحك في ويههم وفي كل مرة يطل عليهم في الصالة وهم يتقهوون ويا عمه عبدالله ويدوته.. </font></font></font>
</div>
<div align=center><font size=3><font color=#000000><font face="times new roman">قلبه كان يعوره حيل.. حياتهم قبل كانت حلوة.. كان مايد عايش فيها لنفسه وبس.. بدون هم وخوف.. بس في نفس الوقت.. كان يبا ابوه يطمن انه خلف وراه رياييل.. وانه محد بيي صوب اخوانه طول ما مايد موجود وياهم.. وهاذي كانت قناعته..</font></font></font>
</div>
<div align=center><font size=3><font color=#000000><font face="times new roman">.</font></font></font>
</div>
<div align=center><font size=3><font color=#000000><font face="times new roman">.</font></font></font>
</div>
<div align=center>
</div>
<div align=center><font size=3><font color=#000000><font face="times new roman">مرت الليلة هاذي مثل الليالي اللي قبلها وابتدى يوم يديد وفرح يديد لعبدالله اللي قدر اليوم اخيرا انه يحرك عضلات ريوله ويمشي في أرجاء الغرفة بمساعدة الممرض والدكتور اللي كان مستانس من هالتطور السريع في صحة عبدالله.. </font></font></font>
</div>
<div align=center><font size=3><font color=#000000><font face="times new roman">د. إياد: " ماشالله عليك يا عبدالله.. عندك قوة إرادة .. وصحتك في تقدم مستمر.. "</font></font></font>
</div>
<div align=center><font size=3><font color=#000000><font face="times new roman">ابتسم له عبدالله وهو يتساند على جتف الممرض اللي كان يساعده في المشي وقال: " الله يخليك دكتور .. كله بفضل الله ثم فضلك.. انته ما قصرت ويايه.."</font></font></font>
</div>
<div align=center><font size=3><font color=#000000><font face="times new roman">د. إياد: " صدقني انا ما عملت شي.. الشفاء بإيد الله وإيد المريض نفسه.. ياما رجال طلعوا من الغيبوبة مشلولين وعاجزين حتى عن التفكير وحالتهم كانت تغوص للأسوأ لأنهم هم مقتنعين انه ما في أمل في علاجهم.. بس انته ما شالله عليك من البداية كنت متمسك بالحياة بكل قوتك.."</font></font></font>
</div>
<div align=center><font size=3><font color=#000000><font face="times new roman">ابتسم عبدالله وهو يحاول يتذكر مشاعره وافكاره وهو في الغيبوبة بس ما قدر يتذكر شي.. كل اللي يذكره انه كان يحس بإنه لازم ينش عشان يسوي شي معين.. بس شو هالشي ؟ للحين ما يذكر.. ولا يعتقد انه في يوم من الايام ممكن يتذكر..</font></font></font>
</div>
<div align=center><font size=3><font color=#000000><font face="times new roman">عبدالله: " دكتور كم بتم هني في المستشفى؟ خلاص يابوك لاعت جبدي من هالكتمة.."</font></font></font>
</div>
<div align=center><font size=3><font color=#000000><font face="times new roman">د.إياد: " والله ما ودنا على فراقك يا عبدالله بس بعد اتمنى لك تطلع من هني بأسرع وقت .. وترد لأهلك بأحسن حال.. وإذا استمرت صحتك تتحسن بهالطريقة ووعدتني تاخذ الادوية بانتظام بنطلعك خلال يومين.."</font></font></font>
</div>
<div align=center><font size=3><font color=#000000><font face="times new roman">عبدالله: " ان شالله.. أكيد باخذ الأدوية .. بسوي أي شي ولا اني ارد هني مرة ثانية.. "</font></font></font>
</div>
<div align=center><font size=3><font color=#000000><font face="times new roman">يلس دكتور إياد يختبر عضلات عبدالله ويتفحصها وكان وايد مستانس من النتايج وعقب ما طمن عبدالله انه بخير وخبره شو التمارين البسيطة اللي لازم يسويها خلال اليوم وعقب ما شاف عبدالله يطبقها طلع عنه وهو مطمن عليه..</font></font></font>
</div>
<div align=center>
</div>
<div align=center><font size=3><font color=#000000><font face="times new roman">أول ما طلع الدكتور، يلس عبدالله ع الكرسي اللي حذال شبريته وراحت أفكاره لياسمين والموقف اللي استوى له وياها أمس.. كان للحين متلخبط من اللي استوى و يحس بالغضب منها ومن تصرفها الوقح وياه.. كيف تجرأت عقب كل اللي سوته انها تي لين هني وتحاول انها تستميله لها .. لهالدرجة تتحراه غبي ومغفل؟؟ لهالدرجة كانت تتحكم فيه بكل بساطة وهو مب حاس؟؟ ما عليه، كل هذا بيتغير الحين.. عبدالله طول عمره عايش بكرامته وعزة نفسه ومستحيل يتنازل عنهن ألحين عشان حرمة.. حتى لو كانت هالحرمة تحتل مكانة كبيرة جدا في قلبه.. حتى لو كانت ياسمين..&#33;&#33;</font></font></font>
</div>
<div align=center><font size=3><font color=#000000><font face="times new roman">مد عبدالله ايده للموبايل واتصل بسهيل ، كان مب قادر يترياه لين ما أي ويزوره العصر.. كان يبا يخلص من هالسالفة بسرعة.. عشان يتابع حياته بهدوء وسلام.. </font></font></font>
</div>
<div align=center><font size=3><font color=#000000><font face="times new roman">سهيل: " مرحبا السااع"</font></font></font>
</div>
<div align=center><font size=3><font color=#000000><font face="times new roman">عبدالله (وهو يبتسم): " مرحبتين .. شحالك يا سهيل؟"</font></font></font>
</div>
<div align=center><font size=3><font color=#000000><font face="times new roman">سهيل: " الحمدلله طيب.. شحالك انته؟ كيف اصبحت؟"</font></font></font>
</div>
<div align=center><font size=3><font color=#000000><font face="times new roman">عبدالله: " الحمدلله ربي يعافيك.. توه الدكتور طالع من عندي.."</font></font></font>
</div>
<div align=center><font size=3><font color=#000000><font face="times new roman">سهيل: " ها بشر؟ شو قال لك؟"</font></font></font>
</div>
<div align=center><font size=3><font color=#000000><font face="times new roman">عبدالله: " يقول يومين بالكثير وبطلع من المستشفى.."</font></font></font>
</div>
<div align=center><font size=3><font color=#000000><font face="times new roman">سهيل: " ماشالله .. شي طيب والله فرحتني بهالخبر الحلو.. "</font></font></font>
</div>
<div align=center><font size=3><font color=#000000><font face="times new roman">عبدالله :" الله يخليك يا سهيل.. اممم.. سهيل بغيت منك خدمة.."</font></font></font>
</div>
<div align=center><font size=3><font color=#000000><font face="times new roman">سهيل: " آمر يا بوحميد.. عيوني لك.."</font></font></font>
</div>
<div align=center><font size=3><font color=#000000><font face="times new roman">عبدالله: " تسلم والله ما تقصر.. بغيتك تخلص لي شوية أوراق في المحكمة وتييبهن لي هني في المستشفى عشان اوقعهن.. "</font></font></font>
</div>
<div align=center><font size=3><font color=#000000><font face="times new roman">سهيل: " إن شالله يا عبدالله.. اليوم بييبهن لك جان تباهن بسرعة.."</font></font></font>
</div>
<div align=center><font size=3><font color=#000000><font face="times new roman">عبدالله: " بيني وبينك ابا اخلصهن بسرعة وافتك.. يعني أباهن بأقرب فرصة.."</font></font></font>
</div>
<div align=center><font size=3><font color=#000000><font face="times new roman">سهيل: " مافي إشكال .. بس أوراق شو.."</font></font></font>
</div>
<div align=center><font size=3><font color=#000000><font face="times new roman">تنهد عبدالله وهو يعرف انه الرمسة اللي بيقولها مستحيل تعيب سهيل اللي كان معارض هالفكرة من البداية وقال بثقة: " سهيل أباك تييب لي أوراق تحويل ملكية.."</font></font></font>
</div>
<div align=center><font size=3><font color=#000000><font face="times new roman">سهيل : " ملكية شو؟"</font></font></font>
</div>
<div align=center><font size=3><font color=#000000><font face="times new roman">عبدالله: " فيلا جميرا.. وفيلتي اليديدة هني في العين.."</font></font></font>
</div>
<div align=center><font size=3><font color=#000000><font face="times new roman">سكت سهيل لثواني طويلة وهو يستوعب اللي سمعه.. وقال عقب تردد: " بتعطيهن لها؟"</font></font></font>
</div>
<div align=center><font size=3><font color=#000000><font face="times new roman">عبدالله: " هيه.. أباك تكتبهن بإسم ياسمين.. على شرط انها تتنازل لي عن شمسة وعن تربيتها نهائيا.."</font></font></font>
</div>
<div align=center><font size=3><font color=#000000><font face="times new roman">سهيل: " وليش يا عبدالله؟؟ ليش تعطيها الفيلتين؟؟ الفيلا اليديدة بروحها تساوي أكثر عن مليونين درهم ويا الاثاث... يعني ثروة واسمح لي هي ما تستاهل &#33;&#33;"</font></font></font>
</div>
<div align=center><font size=3><font color=#000000><font face="times new roman">عبدالله: " أهم شي راحة البال يا سهيل وهذا اللي أدوره.. وإذا راحة بالي بتكون في إني اتخلى عن هالفيلا تراني بتخلى عنها.. " وعسى أن تكرهوا شيئا وهو خير لكم.." اهم شي تبتعد هالانسانة عن حياتي نهائيا "</font></font></font>
</div>
<div align=center><font size=3><font color=#000000><font face="times new roman">سهيل: " وشو يضمنك انها ما بترد اطالبك ببيزات أكثر مقابل انك تحتفظ ببنتها؟؟"</font></font></font>
</div>
<div align=center><font size=3><font color=#000000><font face="times new roman">عبدالله: " قلت لك اباك تجهز لي أوراق التنازل عشان توقعهن ام شمسة.."</font></font></font>
</div>
<div align=center><font size=3><font color=#000000><font face="times new roman">سهيل: " لازم هي تكون موجودة في المحكمة وتوقع عليهن.. "</font></font></font>
</div>
<div align=center><font size=3><font color=#000000><font face="times new roman">عبدالله: " خلاص سير المحكمة في دبي وخلص الاجراءات هناك وخلهم يستدعونها عشان توقع.."</font></font></font>
</div>
<div align=center><font size=3><font color=#000000><font face="times new roman">سهيل: " انته متأكد انه هذا هو اللي تباه؟؟ خلاص الطلاق بيكون رسمي.؟"</font></font></font>
</div>
<div align=center><font size=3><font color=#000000><font face="times new roman">عبدالله: " هيه متأكد يا سهيل.. بخلص أوراق الطلاق وتحويل الملكية بأسرع وقت .. وبرد اعيش حياتي شرات ما كنت عايشنها قبل.."</font></font></font>
</div>
<div align=center><font size=3><font color=#000000><font face="times new roman">ابتسم سهيل وهو يحس بالشفقة على ربيعه واخوه عبدالله.. وقال له: " مستحيل ترد لك حياتك الاولية؟"</font></font></font>
</div>
<div align=center><font size=3><font color=#000000><font face="times new roman">عبدالله: " وليش عاده؟"</font></font></font>
</div>
<div align=center><font size=3><font color=#000000><font face="times new roman">سهيل: " الحين عندك بنتك.. وعندك هدف عشان تشتغل بجهد أكبر عشانها.. "</font></font></font>
</div>
<div align=center><font size=3><font color=#000000><font face="times new roman">ابتسم عبدالله وهو يفكر بشمسة.. وبعيال اخوه وقال: " لا يا سهيل.. أنا عيالي ثمانيه.. والله يقدرني واروم اسعدهم واربيهم التربية الصالحة مثل ما كان اخويه الله يرحمه يتمنى.."</font></font></font>
</div>
<div align=center><font size=3><font color=#000000><font face="times new roman">سهيل: " الله يرحمه.. انته دومك مب مقصر وياهم يا عبدالله.. والله يخليك لهم ويعطيك الصحة والعافية.."</font></font></font>
</div>
<div align=center><font size=3><font color=#000000><font face="times new roman">عبدالله: "الله يعافيك ويبارك فيك يا سهيل.. لا تنسى الأوراق ياخوي.. "</font></font></font>
</div>
<div align=center><font size=3><font color=#000000><font face="times new roman">سهيل: "لا ان شالله ما بنساهن ولو اني مول مب موافق على هالسالفة بس بحاول اني اخلصهن كلهن باجر.. وبخليك توقع عليهن وعقب باجر بسير محاكم دبي وبخلص الإجراءات هناك"</font></font></font>
</div>
<div align=center><font size=3><font color=#000000><font face="times new roman">عبدالله: " مشكوور يا سهيل.. بتعبك ويايه.."</font></font></font>
</div>
<div align=center><font size=3><font color=#000000><font face="times new roman">سهيل: " أفا عليك يا عبدالله تعبك راحة.."</font></font></font>
</div>
<div align=center><font size=3><font color=#000000><font face="times new roman">عبدالله: " ياللا عيل بخليك الحين.. فمان الله.."</font></font></font>
</div>
<div align=center><font size=3><font color=#000000><font face="times new roman">سهيل: " مع السلامة.."</font></font></font>
</div>
<div align=center>
</div>
<div align=center><font size=3><font color=#000000><font face="times new roman">بند عبدالله التيلفون عن سهيل وهو يتنهد براحة.. حس انه حمل ثقيل انزاح عن صدره.. وتمدد على شبريته بتعب وهو يفكر بالمستقبل بدون ياسمين.. أكيد هي بتستانس من دونه وبتعيش حياتها بحرية شرات ما كانت تتمنى .. وأكيد كل ما بتتذكره أو بتتذكر شمسة بتحمد ربها انها تخلصت من هالزواج الفاشل اللي كان كاتم على انفاسها ومقيد حريتها.. ابتسم عبدالله بحسرة وهو يتذكر ملامح ويهها الجميل.. وحاول يتذكر شو الشي اللي كان فيها وخلاه يتحول من رجل قيادي إلى رجل أخضعته امرأة لرغباتها وأهواءها الشخصية.. </font></font></font>
</div>
<div align=center><font size=3><font color=#000000><font face="times new roman">وفي النهاية قرر انه ماله داعي يعذب نفسه بهالافكار اكثر من جذي.. وتبطل باب غرفته ودشت امه عليه وهي تبتسم وشالة في ايدها الريوق اللي طرشوه لهم اياه من البيت</font></font></font>
</div>
<div align=center><font size=3><font color=#000000><font face="times new roman">.</font></font></font>
</div>
<div align=center><font size=3><font color=#000000><font face="times new roman">.</font></font></font>
</div>&#60;&#33;-- / message --&#62;</font>