مفاجئة وااايد حلوة

**بن دبي** · 27-02-04 ||, 05:44 AM

وين التكمله؟؟؟؟؟؟؟؟؟؟؟؟؟؟؟؟؟؟ ؟؟؟

**بن دبي** · 27-04-04 ||, 11:38 AM

مشكوره اختي على هذا الجزء وننتظر
اليديد بس دخيلج لا تتأخرين  علينا واااايد
القصه واااااايد روعه   .... 
نحن في انتظار البارت اليديد

قصايد ,’,’,’,’

**رتوجه** · 21-03-04 ||, 12:45 AM

تسلميين الغاليه على التكمله
عاد مو تتاخريين علينا وااايد
<img src="http://oasis.bindubai.com/emoticons/laugh.gif" border=0>

<img src="http://oasis.bindubai.com/ubbc/smileys/0015.gif" align=absmiddle border=0>رتوجه<img src="http://oasis.bindubai.com/ubbc/smileys/0015.gif" align=absmiddle border=0>

**الحساس** · 07-03-04 ||, 06:33 AM

وين التكمله؟؟

**الجنيه** · 01-03-04 ||, 12:28 AM

في مدرسة البنات الثانوية في بوظبي.. وبالتحديد في الحصة الثانية.. كانن أربع بنات منخشات ورا الدري وكل وحدة فيهن حابسة ضحكتها وكاتمة نفسها عشان الوكيلة اللي كانت تركض وراهن ما تكتشف مخبأهن السري..

عليا كان قلبها يدق بقوة وراصة على إيد ربيعتها ناهد عشان تخفف من الرجفة اللي في جسمها.. ما توقعن أبدا انه الوكيلة ممكن تركض بهالسرعة خصوصا انها لابسة هالكعب العالي.. بس طلعت راعيتها وما خلت شبر في المدرسة ما فتشته وهي ادورهن.. وألحين يسمعون خطواتها السريعة وهي تركب الدري عشان ادورهن فوق..

عليا: " إن شالله يعدي هاليوم على خير.."

ابتسام: " يعني كان لازم نشرد من الحصة؟ لو يلسنا في الصف مثل باجي البنات مب احسن؟"

ناهد: "بلاكم انتوا؟ استمتعوا .. هذا كله للذكرى.. عقب سنة بتتذكرون وبتضحكون.."

عليا: "بس أنا زايغة.."

عذاري: "إنتي دوم زايغة.. أنا مستغربة كيف اقتنعتي وييتي ويانا.."

عليا: "ابتساموه قصت عليه.. يلست تغريني وتقول لي بنستانس.."

ابتسام: "ألحين الوكيلة أكيد عرفتنا... مب من شي.. من كشة نهوود الحمرة.. تزقر الوكيلة من بعيد.. أحسن لنا نستسلم وما نخليها تحرج أكثر.."

ناهد: "لا .. تعالو بننخش في المسرح.. هي فتشت هناك ما بترد تفتش مرة ثانية.."

عليا: "أنا تعبانة.. ما اروم اركض.."

ناهد: "انزين بنسير نيلس في المسرح ومحد بيزخنا.. بنرتاح هناك.."

طلعن البنات من ورا الدري ومشن بكل هدوء للمسرح وأول ما اقتربن منه ركضن بسرعة ودشن داخل وكل وحدة فيهن تطالع الثانية وتضحك ضحكة انتصار.. ويوم تأكدن انهن بأمان يلست ناهد ويا عذاري يسولفن على صوب وراحت عليا ويا ابتسام ويلسن في زاوية بروحهن..

ابتسام: " انزين علايه ياللا كملي.."

عليا: "عن مايد؟"

ابتسام: "عيل يدوه؟؟ أكيد مايد!!.. والله من وصفج له تمنيت اكون وياج هذاك اليوم.. خاطريه اشوفه علايه.."

ابتسمت عليا وقالت: " ما شالله عليه وايد حبوب.. وفوق هذا اللي عيبني فيه انه صج ريال.. مب شرات هالمراهقين اللي كل واحد فيهم همه البنات والمغازل وبس.."

ابتسام: "بس انتي قلتي انه تحرش فيج أول ما شافج.."

عليا: "ما تحرش.. بس كان يسلم.. "

ابتسام: "حظج والله يا علايه.. أنا ما عندي لا عيال عم ولا عيال خال.. وحتى اخواني الشباب ما يسوون لي سالفة.."

اطالعتها عليا بحزن وسألتها: "عشان جي تعرفتي على خليل؟؟"

احمر ويه ابتسام وتغيرت ملامحها.. : "وانتي شو دراج؟"

عليا: "إنتي غلطتي يوم خبرتي ناهد.. تعرفين انها مشخلة.."

ابتسام: "والله انها ما تستحي على ويهها الحيوانة.. أنا اراويها.."

وقفت ابتسام عشان تسير تظارب ويا ناهد بس عليا يرتها من إيدها ويلستها حذالها.. : "تعالي وين سايرة؟ شو الفايدة يعني؟ تراها خبرتني وخلاص.. بس تحملي المرة تخبرينها عن أي شي ثاني.."

ابتسام: "خلاص توبة.. اممممم.. أكيد طحت من عينج.."

عليا: "أنا الصراحة انصدمت.. خصوصا انه زلمة.."

ابتسام: "انزين هو مجرد صديق.. ما بيننا أي شي ثاني.. مجرد شخص أشكي له همومي.."

عليا: " ونحن وين سرنا؟ ليش ما تشكين لنا نحن؟؟ ترانا ربيعاتج"

ابتسام: "ما ادري.. لا تسأليني.."

عليا: "ع العموم أنا ما بتدخل في هالموضوع.. انتي حرة.."

ابتسام: " يعني يا عليا لو يتج الفرصة انج ترمسين مايد في التيلفون .. معقولة تفوتينها؟"

اطالعتها عليا باستغراب: " هذا شي أكيد.. مجرد اني ارمسه في التيلفون معناتها اني عطيته الحق في إنه يشيل كل الحواجز من بيننا .. حتى حاجز الاحترام .. وأنا بعدني ما رخصت بعمري لهالدرجة .."

كانت هاي نغزة لابتسام اللي حست انه خدودها بتحترق وابتسمت بارتباك لعليا وندمت انها سألتها هالسؤال

**الجنيه** · 01-03-04 ||, 12:23 AM

عندي لكم اخبار حلوخ لقيت بقيه الاجزاء وبحطها لكل اللي يتابع القصه


<div align=center>:: الجزء الثامن عشر::
</div>

 
<div align=center>تمت شيخوه اون لاين 3 ساعات تتريا المجهول يدش المسنجر ويرمسها بس الظاهر انه خلاص ما بتشوفه اليوم.. كانت ميتة من الخوف تبا تعرف منو هذا وليش تعرف عليها بهالطريقة الغامضة؟؟ وشو بيستفيد من هالحركات اللي يلعوزها بها؟؟ ومن خوفها اتصلت باخوانها الكبار كلهم وكانت ترمسهم بكل حذر بس كلهم كانوا يرمسونها بشكل طبيعي .. حتى مروان اتصلت به رغم إنها استوى لها أسبوعين من آخر مرة رمسته فيها وبعد كان يرمسها عادي وأصلا مروان غبي مستحيل يكون عنده طولة البال هاذي ويقدر يخدعها.. ما بجى إلا فهد.. وهو اللي اتصلت به شيخة الحين.. وعقب ما رن التيلفون فترة طويلة وانقطع ردت واتصلت مرة ثانية وثالثة لين رد عليها فهد وكان مبين من صوته انه راقد..
</div>
<div align=center>فهد: "ألو؟؟"
</div>
<div align=center>شيخة (بدلع): "هلا حبيبي.."
</div>
<div align=center>فهد: "غريبة!!"
</div>
<div align=center>شيخة: "ههه شو الغريب؟"
</div>
<div align=center>فهد: "أحيدج زعلانة.. وأحيد انج يوم تزعلين ما تتصلين ولا حتى تردين على مكالماتي.."
</div>
<div align=center>شيخة: "شو أسوي فديتك تولهت عليك.. وبعدين أنا كبرت على سوالف اليهال هاذي.."
</div>
<div align=center>فهد: " فديت روحج.. شخبارج ؟"
</div>
<div align=center>شيخة: "الحمد لله حبيبي.. شو ؟ كنت راقد؟؟"
</div>
<div align=center>فهد: "هى والله رديت من الدوام هلكاااان.. ورقدت حتى من دون لا اتغدى.."
</div>
<div align=center>شيخة :"أهااا.. عيل سوري حبيبي خربت رقادك.."
</div>
<div align=center>فهد: "لا لا عادي امبوني بنش الحين.. عشان اصلي العشا.."
</div>
<div align=center>شيخة: "بعده ما أذن حبيبي.. رد ارقد ويوم بيأذن بدق لك وبوعيك للصلاة.."
</div>
<div align=center>فهد: "بتسوين خير الصراحة.."
</div>
<div align=center>شيخة: "خلاص عيل .. sweet dreams "
</div>
<div align=center>فهد:" باي حبيبتي.."
</div>
<div align=center>بند فهد وتنهدت شيخة براحة.. فهد مبين انه صج كان راقد.. تعرف صوته يوم يكون ناش من الرقاد وما تعتقد انه ممكن يمثل عليها.. أصلا هو ما يعرف لسوالف النت ولا يداني الكمبيوتر..يا ربي!! عيل منو هذا اللي يرمسها ع المسنجر ويعرف أدق تفاصيل ملامحها؟؟ 
</div>
<div align=center>ومن ظيجتها حست انها بتختنق وتمت ادور في موبايلها على أرقام ربيعاتها .. ما بجى لها حد .. كلهن ابتعدن عنها.. اللي راحن يدورن مصالحهن في مكان ثاني.. واللي عرسن وخلاص ما يبن يرمسنها.. ما بجالها إلا ياسمين.. هي الوحيدة اللي تروم ترمسها .. عشان جي دقت لها.. 
</div>

 
<div align=center>ياسمين في هالوقت كانت في بيت عبدالله الجديم يالسة تحط ثيابها في الشنطة لأنها قررت إنها من باجر بتبدا تنتقل لقصرها اليديد.. خلاص الحياة في هالبيت استوت ما تنطاق.. وبالمقارنة مع الفخامة اللي شافتها في فيلتها اليديدة ، صارت تشوف هالبيت صغير وباهت جنه كوخ.. ويوم رن تيلفونها وشافت انه شيخة هي اللي متصلة ردت وهي تبتسم.. هاي فرصتها عشان تخق عليها..
</div>
<div align=center>ياسمين (بدلع): "ألووووووووووه.."
</div>
<div align=center>شيخة (وهي تتصنع الفرح): "مرحباااا.."
</div>
<div align=center>ياسمين: "مرحبتين.. كيفك شيخة؟"
</div>
<div align=center>شيخة: "أنا منيحة انتي كيفك.؟؟"
</div>
<div align=center>ياسمين: "منيحة يختي.. شواخي!!!!.. ما بتصدقين اللي استوى!!"
</div>
<div align=center>شيخة: "شو استوى؟"
</div>
<div align=center>ياسمين: "عبادي اليوم فاجأني من الخاطر!!"
</div>
<div align=center>شيخة: "والله؟ شقايل؟"
</div>
<div align=center>ياسمين: " طلع باني لي فيلا عووووووودة ومأثثنها وكل شي.. هدية حقي انا!! واليوم وداني هناك وصج تفاجأت. . باجر بنقل كل اغراضي وخلاص بنسكن هناك.."
</div>
<div align=center>شيخة (بدون نفس): "أهاا.. حلو.. مبروك.."
</div>
<div align=center>ياسمين: "الله يبارك فيج!!.. حلوة المفاجأة صح؟؟"
</div>
<div align=center>شيخة: "هى وايد حلوة.. بصراحة انتي محظوظة بعبدالله (وفي خاطرها تقول مالت عليك يا فهد).."
</div>
<div align=center>ياسمين: "فديته مول مب مقصر ويايه.. ما بتين تشوفينها؟؟"
</div>
<div align=center>شيخة: "أكيييد باي.. هاي ما يبالها كلام.."
</div>
<div align=center>ياسمين: "يااااي..!!!!"
</div>
<div align=center>شيخة: "انزين شو رايج تعزميني بهالمناسبة..؟؟"
</div>
<div align=center>ياسمين: "cool .. بس وين؟؟ ومتى؟"
</div>
<div align=center>شيخة: "وين هاذي خليها عليه أنا .. أعرف وايد مطاعم راقية.. ومتى؟؟ ما يبالها كلام.. ألحين طبعا..!!"
</div>
<div align=center>ياسمين: "ألحين صعبة شوي.. أنا وايد مشغولة وعبدالله اليوم متظايج وما بيطلع.. شو رايج نخليها باجر؟"
</div>
<div align=center>شيخة: "وليش مب الحين؟؟ أنا ملانة!!"
</div>
<div align=center>ياسمين: "انزين اطلعي ويا وحدة غيري اليوم وباجر اطلعي ويايه.. "
</div>
<div align=center>شيخة: "اااه.. خلاص اوكى... نتلاقى باجر.."
</div>
<div align=center>ياسمين: "عاد انتي مري عليه أنا ما عندي موتر.. "
</div>
<div align=center>شيخة: "ما عليه بنتفاهم عقب ان شالله.. "
</div>
<div align=center>ياسمين: "أوكى.. باي.."
</div>
<div align=center>شيخة: "باي.."
</div>
<div align=center>ويوم بندت عنها ياسمين تنهدت شيخة بملل وتمت تفكر شوي وعقب اتصلت بمروان.. 
</div>
<div align=center>مروان: "هلا وغلا.. "
</div>
<div align=center>شيخة: "مرواني انته مشغول؟؟"
</div>
<div align=center>مروان: "أفضي عمري عشانج.."
</div>
<div align=center>شيخة: "خلاص مر عليه أنا ملانة أبا اطلع.."
</div>
<div align=center>مروان: "أحلى كلام.. وين بشوفج..؟؟"
</div>
<div align=center>شيخة: "في المكان المعتاد.. بند ليتات الموتر يوم بتدش الفريج اوكى؟؟"
</div>
<div align=center>مروان: "اوكى.."
</div>
<div align=center>شيخة: "ياللا باي.. لا تتأخر.."
</div>
<div align=center>مروان: "ثواني وبكون عندج يا قمر.."
</div>
<div align=center>بندت عنه شيخة ونشت بسرعة تتلبس .. بتخليه يوديها العين مول.. وبتتنقب عشان محد يعرفها.. بس أهم شي تعدي دائرة الخطر واللي هي الصالة اللي أكيد صالحة معسكرة فيها.. ومزنة العلة محد عشان تسليها وتشغلها عنها.. وتمت شيخة تفكر.. شو بتسوي الحين؟؟ بس ما كان له داعي تشغل بالها لأنها وهي توايج من الدريشة شافت صالحة متلبسة ووياها حرمتين وكلهن ركبن السيارة وطلعن ويا الدريول .. وضحكت شيخة من خاطرها وهي تنزل بسرعة وتطلع من الباب الصغير اللي في الطرف الثاني من البيت.. متجهة لموعدها ويا مروان..
</div>

 
<div align=center>*** 
</div>
<div align=center>في هالوقت في بيت أحمد بن خليفة كان مايد في الميلس هو ومترف عقب الحشرة اللي سووها ويا اليهال في البيت.. وكانوا متزهبين بيسيرون يلفون شوي في العين مول وبيتعشون هناك.. و كانوا يتريون الدريول إشفاق يمر عليهم ويوديهم.. مايد كان يلعب بموبايله ويغني بصوت واطي ومترف كل شوي يسكت ويرد يضحك..
</div>
<div align=center>مايد: "بس عاد مصختها!!.. "
</div>
<div align=center>مترف: "ههههههههه .. ما اروم والله ميود كل ما أتذكر شكلها اضحك..ههههههههه"
</div>
<div align=center>مايد: "ترى مزنة من هليه وما ارضى عليها.. صح انها عقربة ولسانها طويل بس بعد ما تهون.."
</div>
<div align=center>مترف: "سوري ميود والله مب قصدي بس ههههههههههههههههه... شو مب قصدي؟ والله انها تستاهل .. كانت تبا تعقني من فوق الدري بس الله رواها !!"
</div>
<div align=center>ميود: "هههههههه.. مزنوه الهرمة مب هينة.. طالعة على العفريتة العودة يدوتها.."
</div>
<div align=center>اللي صار انه قبل ساعة يت مزنة عشان تلعب ويا سارة بس من اللحظة اللي وصلت فيها وهي عافسة البيت فوق راسها.. ومترف وحليله كان يبا ينزل تحت وتفاجئ بها تركض صوبه تبا ادزه وتعقه من فوق.. وبكل بساطة ابتعد عن دربها وخلاها اطيح عشان يبرد فواده .. من يوم شافها وهو مقهور منها.. 
</div>
<div align=center>مترف (وهو يرمس مايد): " بس انته مب طبيعي .. كل شوي تسرح.."
</div>
<div align=center>مايد: "أنا؟؟ ما فيني شي.."
</div>
<div align=center>مترف: "انزين عادي مب لازم تخبرني.."
</div>
<div align=center>مايد: " عادي لو فيه شي بخبرك.. "
</div>
<div align=center>مترف: "أهم شي طمني... انت ما تحب.. صح؟؟"
</div>
<div align=center>مايد: "أحب شو؟"
</div>
<div align=center>مترف: "شو يعني؟ بنت طبعا!!"
</div>
<div align=center>مايد: "ههههههه شو هالسؤال الغبي؟؟ أنا بعدني صغير على هالسوالف.."
</div>
<div align=center>مترف: "عادي نص ربعي عندهم حبايب.."
</div>
<div align=center>مايد: " وهاذيلا ناس ترابعهم؟؟ "
</div>
<div align=center>مترف: "كل الشباب الحين جي.. يعني غصب برابعهم .. ولا تباني ايلس طول الوقت بروحي"
مايد: "يقول لك {راعي الردى يا خوك بالك تخاويه.. من رفقته لازم تشوف البلاوي.. عليك باللي يرفع الراس طاريه.. وإن ما حصل.. ما هو ضروري تخاوي..} ولا انته شو رايك؟؟"
</div>
<div align=center>مترف: "يا سلاااااااااااااام... من متى الاخ استوى شاعر؟؟"
</div>
<div align=center>مايد: "هههههه لا شاعر ولا شي.. بس من كثر ما عمي عبدالله يعيد هالمقطع عليه حفظته.. كل ما يشوفني يعطيني محاظرة .. يتحراني أول ما بشوف وحدة في المول بعشقها"
</div>

 
<div align=center>رن موبايل مايد وكان اشفاق اللي متصل وطلع هو ومترف من الميلس وساروا صوب الباب بس قبل لا يطلعون دش محمد ويت عينه في عين مايد قبل لا يسلم على مترف ومايد تم يطالعه بنظرة باردة.. من أمس وهم ما يرمسون بعض ومحمد يحس انه مول مب مرتاح لهالوضع.. تعود على مايد وتعود كل يوم يسولف وياه.. واليوم يبا يخبره انه رمس منصور عشان يخطب مريم.. بس بعد ما يبا يحسسه انه سوا هالشي نتيجة للحوار اللي دار بينهم أمس.. يباه يعرف انه هالشي هو اللي قرره وهو اللي بيتحمل مسئوليته بنفسه.. طلع مايد ويا مترف وتنهد محمد وهو يتمشي في حديقة بيتهم.. يدري انه اللي سواه غلط.. ومتأكد انه رمس منصور بدافع الشفقة على مريم.. وعلى منصور بعد.. من عقب ما عرف عن وضعها وهو يحس بعمره نفر منها خلاص.. ورغم هذا لو ما خطبها بيتم دوم يحس بالذنب.. 
</div>

 
<div align=center>*** 
</div>
<div align=center>في بيت المحامي سهيل كانت ليلى يالسة ويا موزة ولطيفة في غرفة موزة ومن ساعة وهن يسولفن ويخططن حق باجر وكل شوي وحدة منهن تقول "آااخ يالقهر ليش ما نروم نحظر الافتتاح..!!" .. ولطيفة في النهاية ملت منهن ونشت عشان تنزل تحت عند أمها وأول ما طلعت قالت موزة: "أدري انج زعلانة"
</div>
<div align=center>اطالعتها ليلى باستغراب : "الله!!.. كم مرة قلت لج اني مب زعلانة.. ليش ما تصدقين؟؟"
</div>
<div align=center>موزة: "ليلى اعرف انج مب راضية عن اللي سويته.."
</div>
<div align=center>ليلى: "تبين الصراحة.. هى مب راضية.. بس هذا مب سبب يخليني ازعل منج.. انتي حرة وسوي اللي تبينه.. أنا ما اروم اتحكم فيج.."
</div>
<div align=center>موزة: "لا تقولين جي ..أحس بالذنب.."
</div>
<div align=center>ليلى:" دامج مقتنعة بتصرفج ما عليج مني.."
</div>
<div align=center>موزة: " انزين يا ليلى هي مجرد بطاقة دعوة.. وبدون اسم بعد.. يعني ما بيعرف منو اللي طرشها.."
</div>
<div align=center>ليلى: "بس جرأتج اللي خلتج تتصرفين هالتصرف اليوم.. بتخليج تتجرأين أكثر باجر وساعتها الله يعلم شو بتسوين.."
</div>
<div align=center>موزة: "ليلى!!!"
</div>
<div align=center>ليلى: "آسفة على لهجتي اللي يمكن تكون جاسية.. بس حتى لو كنتي تحبينه المفروض ما تبتدين وياه غلط.."
</div>
<div align=center>نزلت موزة عيونها وقالت بهمس: "آخر مرة اسويها.. أوعدج ما بكررها.."
</div>
<div align=center>ليلى (تبتسم): "فديت قلبج الطيب.. أنا ما ابا إلا مصلحتج.. واذا كان في نصيب بينج وبين مبارك .. الله بيسهل لكم كل اموركم.. وما له داعي تلجئين لهالاساليب..."
</div>
<div align=center>موزة: "معاج حق.. يا ربييييه شكثر احس اني سخيفة..!!"
</div>
<div align=center>ليلى: "انتي مب سخيفة.. بس مشاعرج تحكمت فيج.. وانا كنت مثلج قبل.. بس تعودت اتحكم بمشاعري واتصرف بعقلي وبس.."
</div>
<div align=center>موزة: "تدرين يا ليلى انا وايد احترمج.. صج لا تضحكين.. اتمنى اكون قوية شراتج.."
</div>
<div align=center>ليلى: "أنا مب قوية.. صدقيني وايد ضعيفة واحيانا اخاف من ضعفي هذا.. بس قبل لا اسوي الشي.. أفكر باخواني وبعمي ويدوتي اللي حاطين كل ثقتهم فيه.. "
</div>
<div align=center>موزة: " عندج مسئولية كبيرة الله يعينج عليها.. "
</div>
<div align=center>قبل لا ترد ليلى بطلت لطيفة الباب ووايجت عليهم وقالت: "ما بتون تحت؟"
</div>
<div align=center>موزة: "امايه تبانا؟؟"
</div>
<div align=center>لطيفة: " ام جابر هني.. ودرسها اليوم وايد حلو.. امايه تباكم تحظرونه..."
</div>
<div align=center>موزة: "ان شالله دقايق وبنكون عندكم.."
</div>
<div align=center>اطالعتها ليلى بحيرة وسألتها: "منو ام جابر؟؟"
</div>
<div align=center>موزة: "هاذي ربيعة امي .. ماشالله عليها ثقافتها الدينية وايد كبيرة ..وحبت انها تفيد غيرها من الحريم.. وكل يوم اثنين يجتمعن حريم الحارة هني وام جابر تعطيهن دروس في الدين.. وتسوي بعد دروس تحفيظ للقرآن"
</div>
<div align=center>ليلى: "ما شالله عليها.. "
</div>
<div align=center>موزة: "أنا احضر وياها دروس التحفيظ.. شو رايج تحظرين انتي بعد؟؟"
</div>
<div align=center>ليلى: "اتمنى هالشي.. "
</div>
<div align=center>موزة: "شو رايج ننزل تحت عندهم؟"
</div>
<div align=center>ليلى: "هى أحسن من يلستنا هاذي.."
</div>
<div align=center>ونزلن اثنيناتهن الصالة تحت ويلسن يسمعن المحاظرة اللي كانت ام جابر تلقيها.. وكانت تتكلم عن رحمة الله بعباده وكيف انه مهما كان الإنسان مذنب .. وظالم لنفسه انه ما ييأس من رحمة رب العالمين.. وإنه المفروض الواحد يتوب عن ذنوبه لأنه ما يعرف متى بيفاجأه الموت..
</div>
<div align=center>أم جابر: " جاء فى الحديث: إنه إذا رفع العبد يديه للسماء وهو عاصى فيقول يارب فتحجب الملائكةصوته فيكررها يارب فتحجب الملائكة صوته فيكررها يارب فتحجب الملائكة صوته فيكررهافى الرابعة فيقول الله عز وجلإلى متى تحجبون صوت عبدىعنى؟؟؟ لبيك عبدى لبيك عبدى لبيك عبدى لبيك عبدى" .. ويقول الله عز وجل في الحديث القدسي : ("ابن آدم خلقتك بيدى وربيتك بنعمتى وأنت تخالفنى وتعصانى فإذا رجعت إلى تبتعليك فمن أين تجد إلها مثلى وأنا الغفور الرحيم ".."عبدى أخرجتك منالعدم إلى الوجود وجعلت لك السمع والبصر والعقل..عبدى أسترك ولا تخشانى،أذكرك وأنت تنسانى، أستحى منك وأنت لا تستحى منى. من أعظم منى جودا ومن ذا الذىيقرع بابى فلم أفتح له ومن ذا الذى يسألنى ولم أعطيه. أبخيل أنا فيبخل على عبدى؟ ( ..يا سبحان الله !! شوفن خواتي شكثر نحن مقصرات في حق ديننا وربنا.. وشكثر الدنيا شغلتنا بتفاهاتها عن العبادة.. "
</div>
<div align=center>واستمرت ام جابر تتكلم وليلى مندمجة وياها في كل كلمة تقولها وتحس بقشعريرة تسري في جسمها.. تحس بعمرها صج مقصرة .. تمر عليها أيام تنشغل وتنسى حتى تقرا صفحة وحدة من المصحف.. الصلاة تصليها وبالها مشغول بألف شي وشي.. تحاول تركز فيها وما تقدر وأحيانا تنسى حتى إنها تركز في اللي تقوله.. والأغاني في كل مكان ووين ما تروح تسمعهن.. وقررت بينها وبين نفسها تحاول قد ما تقدر إنها تعدل من أسلوب حياتها.. وتأدي واجباتها اتجاه ربها بشكل أفضل.. 
</div>
<div align=center>ويوم روحت البيت روحت وهي مرتاحة وقررت تقنع يدوتها تحظر وياها هالدروس في المرات الياية..
</div>

 
<div align=center>***
</div>
<div align=center>عبدالله بن خليفة كان يالس في مكتبه في البيت وجدامه كل الفواتير وملفات الحسابات ويراجعهن.. ويتريا سهيل يوصل عشان يراجعهن وياه ويخبره اذا الشرطة قدروا يوصلون للمحاسب اللي فل بعمره واختفى مرة وحدة.. كان وايد متظايج من هالسالفة ومن مبارك اللي خذله.. بس يعرف انه حتى لو رفع عليه قضية مستحيل يربح لأنه عبدالله واثق من عمره وهو ما غلط.. وعقب دقايق كان مندمج فيها عبدالله ويا شغله، دشت عليه ياسمين ويلست على الكرسي اللي مجابلنه.. ورفع عبدالله راسه وابتسم لها وهي تمت تطالعه فترة وهي مبتسمة وفي الأخير قالت: "عبادي؟"
</div>
<div align=center>عبدالله (وعيونه ع الفواتير ): "عيون عبادي.."
</div>
<div align=center>ياسمين: "تسلم لي عيونك حبيبي.. بغيت استأذن منك.."
</div>
<div align=center>عبدالله: "في شو؟؟"
</div>
<div align=center>ياسمين: "باجر بظهر ويا شيخة .. بنتعشى برى.. عادي؟؟"
</div>
<div align=center>اطالعها عبدالله باستغراب وقال: "ياسمين انتي تعرفين اني ما بوافق على هالشي.. فليش تسألين؟"
</div>
<div align=center>ياسمين (بظيج): "وليش ما توافق؟؟ انته مب واثق فيه؟"
</div>
<div align=center>عبدالله: "مب مسألة ثقة.. بس انا ما ارضى انه مرتي تتعشى في مكان عام ومن دوني.."
</div>
<div align=center>ياسمين: "يعني شو؟ ما أروح؟؟"
</div>
<div align=center>عبدالله: "لا ما تروحين.."
</div>
<div align=center>ياسمين: "لا .. بروح!!!.. أنا ما بتم حابسة عمري في هالبيت جني عيوز.. أنا مب متعودة على هالشي وانته يوم خذتني كنت تعرف عاداتي ومتقبلنهن.."
</div>
<div align=center>تنهد عبدالله بتعب وفصخ نظارته وقال: " ياسمين نقاش في هالموضوع مابا.. قلت لج ما بتروحين وياها.. وخلاص.. "
</div>
<div align=center>دمعت عيون ياسمين واطالعته بنظرة حادة وقالت: "أوكى.. ما بروح.. بس اذا تظايجت وتصرفت بتهور واستوى شي بالياهل اللي في بطني .. والله يا عبدالله.. والله ما اييب لك غيره.. انته فاهم؟؟"
</div>
<div align=center>انصدم عبدالله من رمستها ووقف واقترب منها وقال: " شو معناة هالرمسة؟؟ تهديد؟"
</div>
<div align=center>ياسمين (وسط دموعها): "اعتبره تهديد.. أنا كنت رافضة تماما فكرة اليهال بس عشان خاطرك تراجعت عن قراري.. وانته حتى ساعتين وناسة ويا ربيعتي مستكثرنهن عليه؟؟"
</div>
<div align=center>عبدالله: "إنتي تعرفين مجتمعنا هني.. وت.."
</div>
<div align=center>ياسمين: "وانته تعرف انه اللي في راسي بسويه..وما عليه من حد.."
</div>
<div align=center>عبدالله: "أوكى عيل ليش ياية تستأذنين مني بعد؟؟"
</div>
<div align=center>ياسمين: "خلاص اخر مرة أستأذن.. وباجر بطلع ويا شيخة.. أنته فاهم؟؟"
</div>
<div align=center>وعطته ياسمين ظهرها وطلعت من المكتب وتم عبدالله يطالعها وهو يرتجف من القهر.. بس بعد يعرف انها ما بتسويها وتطلع وهو مب راضي.. ورد يجابل شغله بس حس بألم فظيع في راسه وفي صدره .. وغمض عيونه وريّح راسه ع الطاولة دقايق عشان يخفف من الألم.. شو هالحالة؟؟ كل المصايب تنزل على راسه مرة وحدة؟؟ تمنى لو يروم يسير ليوا ويقعد في العزبة كم يوم.. بس يعرف انه ياسمين ما بطيع.. حس انه حتى حياته ما يروم يتحكم فيها.. كل شي خرج عن سيطرته .. وما عنده مكان يروم يرتاح فيه
</div>

 
<div align=center>***
</div>
<div align=center>في العين مول .. وبالتحديد في الباركنات.. نزلو مايد ومترف من السيارة وخبروا اشفاق انهم يوم بيشبعون بيدقون له عشان يمر عليهم.. والتفت مايد لمترف وسأله: "وين تبانا نسير قبل؟"
</div>
<div align=center>مترف: "أبا آخذ لامايه هدية.. استوى لها يومين زعلانة ما ترمسني.."
</div>
<div align=center>مايد: "أوكى بس عقب بنسير نلعب sniper وبنتعشى"
</div>
<div align=center>مترف: "خلاص تم.. " 
</div>
<div align=center>مايد: "شو رايك بعد نتصل بسلّوم وهزاعوه ونتلاقى وياهم هني؟؟"
</div>
<div align=center>مترف: "ههه ..ما يحتاي ادق لهم .. أنا متأكد انهم هني في الكوفي شوب.. اصلا هاذيلا حياتهم كلها في هالمول.."
</div>
<div align=center>مايد: " خلاص عيل خلنا نخلص اشغالنا قبل وعقب بنسير لهم.. "
</div>
<div align=center>مترف: " أوكيييييه.."
</div>
<div align=center>ودشوا اثنيناتهم المول في نفس الوقت اللي وصلوا فيه شيخة ومروان.. وبركن مروان موتره في مكان جريب من البوابة .. وقال لشيخة: " شو اييبنا المول؟؟ خلنا نسير مكان اهدى.. شو رايج اعزمج ع الغدا في الهيلتون؟"
</div>
<div align=center>شيخة: "مابا.. شبعت من الفنادق.. أبا اتمشى في المول.. وبعدين انته نسيت انك ما خذت لي هدية في عيد ميلادي؟؟"
</div>
<div align=center>مروان: "ههههههه انتي بعدج هالهدية تبينها؟؟ انا قلت نسيتي..!!"
</div>
<div align=center>شيخة: "لا مانسيتها .. وبعدني مصرة عليها.. واليوم بتاخذ لي اياها.."
</div>
<div align=center>مروان: "انزين انزين بس من الحين اقول لج .. ما بردج البيت قبل الساعة عشر.."
</div>
<div align=center>شيخة: "عادي عادي.. ياللا خلنا ننزل.."
</div>
<div align=center>مروان: "شيلتج وايد خفيفة.. ما تخافين حد يعرفج من ورا الغشوة؟؟"
</div>
<div align=center>شيخة: "أنا عن نفسي ما اخاف بس ادري بك انته تخاف حد يشوفك ويايه.. "
</div>
<div align=center>مروان حس بعمره قافط وابتسم ومال قال شي.. وشيخة ابتسمت له باستخفاف وطلعت نقابها ولبسته.. ونزلوا اثنيناتهم المول وشيخة كانت مصرة انه أول مكان تسير له يكون محل المجوهرات..
</div>
<div align=center>.
</div>
<div align=center>.
</div>
<div align=center>في هالوقت مايد ومترف كانوا في محل المجوهرات ومأذين الحرمة اللي من سوء حظها اتجهت لهم وقررت تساعدهم.. أكثر من خمسة أطقم كانت جدامهم وسبع ساعات وثلاث خواتم.. وبعدهم ما قرروا شو يشترون..
</div>
<div align=center>مترف: "شو رايك بهالساعة؟"
</div>
<div align=center>مايد: "الحين امك شو تبا فيها الساعة؟؟ ما احيدها تعرف للوقت.."
</div>
<div align=center>مترف: "شو تتحراها عيوز؟؟ أمايه متعلمة فديتها وتعرف.. وعندها سوع من كل الماركات.. عشان جي محتار شو اخذ لها.."
</div>
<div align=center>مايد: "أنا اقول تاخذ لها خاتم احسن.."
</div>
<div align=center>مترف: "ما ادري.. اذا خذت لها خاتم بتكون الهدية وايد صغيرة.."
</div>
<div align=center>مايد: "ليش الهدية بحجمها ولا بقيمتها؟؟"
</div>
<div align=center>مترف: "عند امايه؟ بحجمها طبعا.."
</div>
<div align=center>مايد: "هههههه احلى كلام.. سير خذ لها دبدوب من هالدباديب الكبار.. "
</div>
<div align=center>مترف: "ايييييييه !!!.. ميود لا تطنز..!!"
</div>
<div align=center>اللبنانية: "طب شو رايك تاخد لها هالعقد؟؟ عليه طلب كبير.. وكل حد بياخد منه.." 
</div>
<div align=center>اطالع مترف العقد اللي في ايدها باحتقار واطالعها بنفس النظرة وقال: "كل حد ياخذ منه وتبيني اخذه لامايه؟؟ قلنا لج نبا شي special .. انتي ما تفهمين؟"
</div>
<div align=center>مايد: " أقول تشوفين الخاتم اللي هناك؟؟ والله انه غاوي.. هاتيه.."
</div>
<div align=center>اطالعته اللبنانية ببرود وقالت: "هايدا سعره شوي غالي.."
</div>
<div align=center>مايد: "وانتي شلج؟؟ قلت لج هاتيه.. (وهمس لمترف عقب ما سارت اللبنانية تييب الخاتم ) عندك بيزات صح؟"
</div>
<div align=center>مترف: "هى عندي ال credit card مال امايه.."
</div>
<div align=center>مايد: "والله حالة .. بيشتري لامه هدية ومن بيزاتها بعد.."
</div>
<div align=center>مترف: "هههههههه.. ترى جي ولا جي انا اخذ مصروفي منها.."
</div>
<div align=center>يابت لهم اللبنانية الخاتم وكان فعلا شكله مميز ومترف تخبل عليه.. وتم يطالعه من كل الزوايا هو ومايد والبياعة مقهورة منهم.. وفي هاللحظة دشت شيخوه المحل ويا مروان وسارت لهم وحدة من البنات اللي يشتغلن هناك عشان تساعدهم.. شيخوه ما انتبهت لمايد ولا يا في بالها اصلا انها بتشوف حد تعرفه هني.. ونقابها كان عاطنها حرية التصرف .. ووقفت هي ومروان صوب العطور والمكياج وتمت تتنقى.. في الوقت اللي كان فيه مايد ومترف خلاص قرروا انهم ياخذون هالخاتم .. ويروحون.. بس قبل لا يطلعون تذكر مايد شي وقال لمترف: "لحظة لحظة.. تذكرت شي.."
</div>
<div align=center>مترف: "شو؟"
</div>
<div align=center>مايد: "هذاك اليوم شفت عطر روعة في موتر عمي عبدالله ورشيت منه شوي.. وكل حد تخبل ع الريحة.. بشوف اذا عندهم منه هني.."
</div>
<div align=center>مترف: "شو اسمه؟؟"
</div>
<div align=center>مايد: "ما اعرف .. بس اعرف شكله.. "
</div>
<div align=center>مترف: "هههههه انته ناوي نية شينة عليها هاللبنانية الليلة.."
</div>
<div align=center>مايد: "هى بخليها اطلع لي كل العطور اللي عندها.."
</div>
<div align=center>أشر مترف بإيده لنفس البنت اللي عطتهم الخاتم ويت وحليلها عشان تشوفهم شو يبون وساروا هم الثلاثة صوب العطور ووقفوا جريب من شيخة ومروان.. بس شيخة للأسف ما انتبهت لهم وكانت كل شوي ترش عطر وتشمم مروان.. ومايد يدور بين العطور على العطر اللي يباه واللبنانية كل شوي تقترح عليه ياخذ العطر الفلاني وهو مب مسوي لها سالفة.. وأخيرا شاف العطر اللي يباه وأشر للبنانية.. "هذا هذا.. "
</div>
<div align=center>اللبنانية: "أهاااا.. chanel !!"
</div>
<div align=center>مايد (وهو يبتسم لها ابتسامة عريضة): "هى هو هذا.."
</div>
<div align=center>في هاللحظة كانت شيخة صادة الصوب الثاني ونادت على وحدة من البنات: "لو سمحتي..!!.. تعالي هني شوي.."
</div>
<div align=center>مايد بشكل تلقائي التفت لها.. وفي باله يقول "شيخوه؟؟" .. كان متأكد انه سمع صوتها ومحد في المحل غيره هو ومترف وهالحرمة وريلها.. وتم مايد يطالعها .. في شي في داخله خلاه يشك فيها.. بس بعد ما يروم يتقرب منها عشان ريلها واقف وياها.. وتذكر انه عنده رقمها لأنها دوم يوم تبا شي من السوق وما تروم تظهر كانت ادق له عشان اييب لها اياه.. ومع انه عمره ما اتصل فيها بس قرر هالمرة يجرب .. وتم يدور بين الارقام واصابعه ترتجف ..
</div>
<div align=center>مترف: "بس هذا العطر اللي تباه؟"
</div>
<div align=center>مايد (وعيونه ع الموبايل): "هى.."
</div>
<div align=center>مترف: "ياللا عيل بندفع وبنسير نلعب.."
</div>
<div align=center>لقى مايد رقمها وقال لربيعه: "لحظة مترف .." واتصل بها وعيونه ع الحرمة اللي واقفة جدامه.. ويوم رن موبايلها وشلت شنطتها عشان ترد عليه يت عينها على مايد اللي كان واقف على يمينها ويطالعها بنظرة ناريّة..وتيبست في مكانها.. وبندت التيلفون بدون ما تشوف الرقم واطالعت الريال اللي كان واقف وياها وقالت له شي وبسرعة طلعوا من المحل وسط استغراب اللبنانية اللي كانت واقفة حذالهم تترياهم يشترون.. وهني مايد تأكد انها هي شيخة وتم يغلي في داخله وعيونه استون حمر من القهر بس للأسف مترف وياه وما يروم يسوي شي.. وقال في خاطره: "هيّن يا شيخوه.. هيّن.. دواج عندي انا.. وبتشوفين شو بسوي بج.."
</div>
<div align=center>مترف: "ميووووود.. ياللا.. بلاك؟؟"
</div>
<div align=center>مايد: "اففف.. هااا.. شفيك محتشر..؟"
</div>
<div align=center>مترف: "عوذ بالله!!!.. تعال بندفع.. كلتنا هاذي بعيونها.."
</div>
<div align=center>مايد: "زين ياللا.."
</div>
<div align=center>مترف: "شو فيك؟ ليش جي متغصص؟؟"
</div>
<div align=center>مايد (بعصبية): "ماشي ماشي.. شو بيكون فيني يعني..!!"
</div>
<div align=center>مترف: "خيبة خيبة!!.. انزيييين .. خلاص.. برايك.."
</div>
<div align=center>ساروا اثنيناتهم يدفعون وشيخة أول ما طلعت من المحل كانت ترتجف بخوف كبير وقالت لمروان: "ودني البيت.. بسرعة يا مروان.."
</div>
<div align=center>مروان: "نعم.. نعم نعم؟؟ لا حبيبتي.. قلت لج ما بردج الا عقب العشر.. ما فيه حد يشوفج وانتي نازلة من موتريه هالحزة.. "
</div>
<div align=center>شيخة: "مروان الله يخليك.. اللي كان في المحل من هليه وشكله شك فيني.."
</div>
<div align=center>مروان: "والله مشكلتج انا قلت لج ما بني المول انتي اللي يبتيه حق عمرج.. "
</div>
<div align=center>شيخة: "خلاص اذا ما بتردني برد في تاكسي.."
</div>
<div align=center>مروان:" كيفج والله .. الله يحفظج.."
</div>
<div align=center>وسار عنها مروان وهو مطنجر وتمت شيخة واقفة ومصدومة من تصرفه.. لهالدرجة ما يحترمها؟؟ عادي عنده تروح في تاكسي؟؟ الحيوان!!..ما عليه.. اللي يطلع وياه مرة ثانية.. بس الحين مايد.. معقولة عرفني؟؟ أكيد عرفني ليش عيل كان يطالعني بهالنظرة؟؟ بس مايد مقدور عليه.. بعده ياهل وبتقص عليه بكم كلمة.. وبعدين هو يعزها وايد..لا لا.. مستحيل مايد يفضحها.. المهم الليلة بتدق له وبتشوف ردة فعله ..بس الحين لازم ترد البيت بسرعة.. 
</div>
<div align=center>نزلت شيخوه وسارت بسرعة صوب الباركنات ومن حسن حظها انها لقت تاكسي منزل هنود في نفس اللحظة اللي وصلت فيها للبوابة وركبته وروحت البيت....

<div align=center>مبارك هالحزة كان يالس في المقهى ويا ربعه وهم يسولفون وهو سرحان باللي استوى اليوم..المحامي راشد سليمان اتصرف من دون شوره وخرب كل شي.. مع انه مبارك كان متفاهم ويا سهيل وكان كل شي بينحل بالتفاهم.. بس راشد خرب كل شي يوم طرش ربيعه ينسخ الفواتير.. وهو كان طايح فيه ويهزبه يوم دش عبدالله معصب وتهجم عليه.. وهذا اللي خلا مبارك يرد عليه بنفس الأسلوب.. والحين حاس بظيجة.. مبارك وايد يعز سهيل واليوم شاف في عيونه نظرة عورت له قلبه.. يدري انه سهيل خاب ظنه فيه.. خصوصا يوم قال انه رفع على عبدالله قضية.. قال هالشي عشان يقهر عبدالله مع انه مول ما فكر يلجأ للمحاكم ولا حتى بيفكر بهالشي.. مهما كان العشرة ما تهون وعبدالله ما قصر وياه.. والشرطة بعدهم يحققون في الموضوع بس الظاهر انه المحاسبين هم السبب.. ليش؟؟ ليش كل شي انتهى بهالطريقة؟ ومتى بيتعلم يسيطر على اعصابه؟؟ متى؟؟
</div>
<div align=center>قطع عليه أفكاره صوت ربيعه حمد اللي كان يسأله: "بتي ويانا المبارة باجر؟"
</div>
<div align=center>مبارك : "لا .. اسمحولي.. ما عندي وقت.. وبعدين كبرنا على هالسوالف خلاص.. "
</div>
<div align=center>حمد: "اللي يسمعك يقول شيبة .."
</div>
<div align=center>مبارك: " المرة الياية ان شالله بسير وياكم.. بس صج هاليومين وايد مشغول.."
</div>
<div align=center>حمد: "تعال مروان وينه؟؟"
</div>
<div align=center>مبارك: "ما اعرف والله ما شفته اليوم.."
</div>
<div align=center>مبارك كان يعرف انه مروان مواعد .. بس ما حب يذكر هالشي جدام الشباب مع انه مروان عادي عنده ويتفاخر بهالشي.. وفي هاللحظة دش مروان المقهى ويوم شاف ربعه سار لهم وسلم عليهم ويلس حذال مبارك.. وتم يطالعه وهو مصدوم.. ومبارك رد له النظرة بنظرة احتقار..
</div>
<div align=center>مبارك: "في شي غلط في ويهي؟؟"
</div>
<div align=center>مروان: " بصراحة هى.. شوف السواد اللي تحت عيونك .. انت ما ترقد؟؟"
</div>
<div align=center>مبارك: "استوى لي يومين مب راقد.. "
</div>
<div align=center>مروان: "ليش.. ؟ شو مستوي؟ بشو تفكر..؟"
</div>
<div align=center>مبارك : "خلها على الله.. المهم .. غريبة ما طولت .. رديت من وقت.."
</div>
<div align=center>مروان: "هالحيوانة الله ياخذها.. طفرت بي.. اصلا اخر مرة اطلع وياها والله كرهتها.."
</div>
<div align=center>مبارك: " الله يستر عليها.. ويهديك ان شالله.."
</div>
<div align=center>مروان (وهو يغمز له): " ويهديك انته بعد وتسمع كلامي ولو مرة وادور لك غرشوب يونسك بدل هالعيشة اللي انته عايشنها.."
</div>
<div align=center>مبارك: "أنا جي مرتاح.."
</div>
<div align=center>مروان: " ما اظن انك مرتاح.. والله اعرف وحدة جميييلة جميييييييلة.. وانا مستعد اعطيك اياها.. يود هذا رقم تيلفونها.."
</div>
<div align=center>طنشه مبارك وما رد عليه.. وقام وسلم ع الشباب وروح عنهم وتم مروان يطالعه وهو مغيض.. مبارك وايد تغير عليه.. ودوم يرمسه من طرف خشمه.. بس هالحالة مستحيل تستمر.. وبيي اليوم اللي بيطب فيه مبارك وبيحب .. مروان متأكد من هالشي.. وساعتها بس مروان بيذكره بهالمعاملة الخايسة اللي كان يعامله اياها.. 
</div>
<div align=center>*** 
</div>

<div align=center>الساعة عشر كانت ليلى واخوانها متيمعين في الصالة يسولفون ويا يدوتهم .. وأم أحمد تبا ترقد وهم مب مخلينها.. خالد يالس في حظنها وأمل على يمينها وسارة على يسارها.. ومخبلين بها.. 
</div>
<div align=center>ليلى: "خلاص خلوا يدوه تسير ترقد.. وانتوا بعد قوموا ارقدوا وراكم مدارس.."
</div>
<div align=center>أمل: "بنرقد عند يدوه.. الله يخليج ماماه خلينا نرقد عندها.."
</div>
<div align=center>ليلى: "ماشي.. ادريبج بتمين تهذربين عليها وبتأذينها.."
</div>
<div align=center>أم احمد: " برايها جان بترقد عندي خليها.."
</div>
<div align=center>ليلى: "يدوه بتأذيج.. ما تعرفين لولة؟"
</div>
<div align=center>مايد: " اووهووو .. ليلى وديهم فوق عاد ابا اسولف ويا يدوه.."
</div>
<div align=center>ليلى: "شو عندك انته ؟ ليش ما تبانا نسمع اللي بتقوله..؟"
</div>
<div align=center>مايد: "والله عاد أسرار.. بيني وبين يدوتي.. لازم تعرفون كل شي؟؟"
</div>
<div align=center>ليلى: "وتتحرى يدوه ما بتخبرني؟؟"
</div>
<div align=center>أم أحمد: "لا ما بخبرج.. "
</div>
<div align=center>ليلى: "ادريبج يدوه بتخبريني.. خلاص بشلهم فوق.. ياللا نشي انتي وياها.. بسرعة.."
</div>
<div align=center>قامت سارة وخذت خالد وياها فوق عقب ما باسوا يدوتهم وتمت أمل متعلقة برقبة يدوتها عناد في ليلى.. بس ليلى ما سوت لها سالفة وشلتها غصب عن يدوتها اللي كانت تضحك عليهن.. وتمت أمل ترافس وتزاعج وليلى تيرها غصب وياها فوق.. ويوم خلاص غابوا عن الأنظار تقرب مايد من يدوته وحبها على راسها.. 
</div>
<div align=center>مايد: "فديت امنا العودة .. نور هالبيت وتاج راسنا.."
</div>
<div align=center>أم أحمد (وهي تبتسم): "عن العيارة ميود .. شو تبا؟؟"
</div>
<div align=center>مايد: "أبا الكروزر.."
</div>
<div align=center>أم احمد: "الكروزر؟؟ أي كروزر؟؟"
</div>
<div align=center>مايد: "اللي موقفينه في الكراج جنه بوالهول .. أستوى له قرن ما تحرك من مكانه.."
</div>
<div align=center>أم أحمد: "وشو تبا به؟؟ لا يكون تبا تسوقه؟؟"
</div>
<div align=center>مايد: "هيل عيل شو بسوي به؟؟ برقد فيه؟"
</div>
<div align=center>أم أحمد: " لا لا لا لا .. خل عنك.. ما شي سواقة انته بعدك صغير.."
</div>
<div align=center>مايد: "والله اني اعرف اسوق.. ولو يستوي واروم اقدم تراي بيعطوني الليسن على طول.."
</div>
<div align=center>أم أحمد: "لين هذاك اليوم اللي بتاخذ فيه الليسن لا تطري الموتر ع لسانك مرة.. فاهم؟؟"
</div>
<div align=center>مايد: "ليش عاااااده؟؟ ربعي كلهم عندهم مواتر.."
</div>
<div align=center>أم أحمد: "ربعك اهلهم ما فيهم عقول.. "
</div>
<div align=center>مايد: "هى بس انتوا اللي فيكم عقل.."
</div>
<div align=center>أم أحمد: "هى نعم.."
</div>
<div align=center>مايد: "وانا مرمسنج انتي قبل اونج بتقنعين ليلى.. طلعتي اعند عنها..!!"
</div>
<div align=center>أم أحمد: " ليلى عاقلة وتعرف مصلحتكم.. وجابل دراستك احسن لك ويوم غاية الموتر نحن ما بنقصر وياك بناخذ لك موتر يديد.. بدل لا تسحب هالكروزر الكحيان في الشوارع وتجتل عمرك.."
</div>
<div align=center>تأفف مايد وهو ينش وقال ليدوته وهو مروح غرفته: "تصبحين على خير يدوه.."
</div>
<div align=center>أم أحمد: "وانته من اهل الخير.."
</div>
<div align=center>.
</div>
<div align=center>.
</div>
<div align=center>دش مايد غرفته وهو متظايج.. وشاف 3 مسد كول من شيخة وابتسم باستخفاف.. شو هاليوم النحس؟؟ أول شي سالفة شيخوه والحين الموتر اللي ما وافقوا عليه.. بس كل شي له حل.. الموتر بيرمس عنه عمه ومستحيل يرده.. وشيخوه .. شو بيسوي وياها؟؟ في هاللحظة رد تيلفونه يرن وكانت هي المتصلة بس مايد حطه ع السايلنت ورد يفكر بهالمشكلة.. ما يروم يخبر ليلى ولا يدوته لأنه الحريم محد يأتمنهن على سر.. ومحمد حتى لو خبره بيقول له مالك خص ولا تدخل.. وعمه تسده مشاكله في الشغل ومايد ما يبا يزيده.. يخبر فهد؟؟ ولا يتصرف وياها بروحه؟؟ تأفف مايد بظيج وشغل البلاي ستيشن.. أحسن له يلعب ويفكر بهالموضوع عقب.. أكيد بيلقى حل.. إذا مب اليوم، باجر..
</div>
<div align=center>.
</div>
<div align=center>.
</div>
<div align=center>شيخة في هالوقت كانت صدق مقهورة.. المجهول اللي ترمسه في المسنجر بعده للحين ما دش.. ومايد ما يرد عليها.. حست بوحدة فظيعة وخوف.. أفكارها عذبتها .. شو بيسوي مايد فيها؟؟ وعشان ما تفكر نزلت تحت بس عموتها خلاص رقدت ومزنة روحت بيتهم اليوم العصر.. محد واعي في البيت غيرها.. في ليالي مثل هالليلة تتمنى شيخة لو انه فهد كان موجود وياها.. على الاقل بيونسها وفي وجوده تأجل مشاكلها وتأجل التفكير فيهن.. وقررت انها الاسبوع الياي تسير وياه دبي.. واتم هناك شهر ع الاقل.. وبهالطريقة بتحسسه هو بالأمان .. وبتفتك هي شوي من هالتوتر والضغط النفسي اللي عايشة فيه.. وعقب قرارها هذا ردت غرفتها وجيكت ع المسنجر ومثل ما توقعت محد كان اون لاين.. وبطلت ايميلها بملل وشافت رسالة من شخص اسمه "أسير العيون" .. وبطلتها وفي البداية استغربت.. كان كاتب لها: " اختي العزيزة .. أشكرج على مرورج بموقعي المتواضع .. ورايج وكلماتج الرقيقة شهادة اعتز بها.. واتمنى تقبلين صداقتي.. أخوج.. يوسف.."
</div>
<div align=center>وعقب ما ردت وقرت الرسالة مرة ثانية .. تذكرت شيخة انه ياسمين استخدمت ايميلها يوم وقعت في موقع البطاقات وابتسمت بخبث واتصلت بياسمين اللي كانت رغم انه الوقت متأخر .. سهرانة على التلفزيون.. ويوم شافت رقم شيخة ردت عليها وهي تبتسم..
</div>
<div align=center>ياسمين: "ألو؟"
</div>
<div align=center>شيخة: "مرحباا.."
</div>
<div align=center>ياسمين: "مرحبتين يا هلا.. شحالج شواخ؟"
</div>
<div align=center>شيخة: "الحمدلله.. انتي شحالج؟"
</div>
<div align=center>ياسمين: "تماام.. سهرانة ما شالله..؟"
</div>
<div align=center>شيخة: "هى.. مع انه ملل.. وما عندي شي يشغلني.. انتي شو تسوين..؟"
</div>
<div align=center>ياسمين: "والله يالسة اطالع الخرابيط اللي يطرشونها الشباب على قناة روتانا.. وانتي؟"
</div>
<div align=center>شيخة: "أنا .. توني مجيكة ايميلي.. وشو تتوقعين شفت؟؟"
</div>
<div align=center>ياسمين: "شو؟"
</div>
<div align=center>شيخة: "تعرفين الموقع اللي دشيتيه امس وعيبج؟"
</div>
<div align=center>ياسمين: "هى.. بلاه؟"
</div>
<div align=center>شيخة: "طلع صاحبه ريال مب بنية.."
</div>
<div align=center>ياسمين: "معقولة هالذوق كله والتصاميم الروعة .. شغل ريال؟؟"
</div>
<div align=center>شيخة: "شفتي عاد؟؟ تراهم الشباب مب هينين ..المهم انه هالانسان رد على رسالتج اللي طرشتيها امس.."
</div>
<div align=center>ياسمين (وهي تبتسم): "صدق..؟؟ شو كاتب؟"
</div>
<div align=center>قرت لها شيخة الرسالة وضحكت ياسمين وهي تقول: "بعد يبا يتعرف؟؟ والله انه مب شايف خير.."
</div>
<div align=center>شيخة: "وليش مب شايف خير؟؟ يمكن عيبه اسلوبج في الكتابة.. وحب انه يعرف أكثر عنج.."
</div>
<div align=center>ياسمين: "ياللا hard luck for him .. طلعت معرسة.. خل يلعب على غيري.."
</div>
<div align=center>شيخة: "وليش انتي جي تفكيرج؟؟ منو قال لج انه بيلعب عليج؟؟ ما فيها شي .. رمسيه ع المسنجر.. الا هي كتابة ما بيسمع صوتج.. "
</div>
<div align=center>ياسمين: "ما اعرف.. مب مهم... اسمعي شواخ بودرج الحين اوكى؟"
</div>
<div align=center>شيخة: "لا يكون تظايجتي؟"
</div>
<div align=center>ياسمين: " لا ما تظايجت بس تعبانة بسير ارقد.. "
</div>
<div align=center>شيخة: "انزين وموعدنا باجر؟؟"
</div>
<div align=center>ياسمين: "ان شالله بنظهر مثل ما قلت لج مري عليه عقب المغرب.."
</div>
<div align=center>شيخة: "خلاص عيل تصبحين على خير.."
</div>
<div align=center>ياسمين: "وانتي من اهله.."
</div>
<div align=center>بندت ياسمين عن شيخة وردت تطالع التلفزيون.. لين ما حست بالتعب وسارت ترقد..
</div>
<div align=center>.
</div>
<div align=center>.
</div>
</div>

**بن دبي** · 17-05-04 ||, 12:44 AM

مشكوره على التكمله و ننتظر الباقي بسرعه انا مليت و انا انتظر كملنا سنه و بعدنا ماخلصنا<img src="http://oasis.bindubai.com/emoticons/down.gif" border=0>

**نور السنا** · 16-01-04 ||, 02:52 AM

<img src="http://oasis.bindubai.com/emoticons/biggrin.gif" border=0>و أخييييييييييرا بأحداث مشوقة القصة الي جذبت الجميع غربة الأيام.. اتمنى تعيبكم التكملة

+ :: الجزء الثالث عشر :: +

كانت النار تلتهم قماش الستارة بسرعة كبيرة.. وخالد يالس جدامها وحاط ايده على ركبته يطالع اللهب بانبهار.. كان لون النار زاهي وشكلها وهي تتمايل جدامه وايد مغري.. وكل ما كانت النار تكبر كان ابتسامته تزيد.. وكان خاطره يلمسها.. مد إيده صوبها بس الحرارة منعته وخلته يرد ايده على ورا بسرعة.. وتم على حالته هاذي وهو يشوف الستارة تحترق بشكل عمودي.. وللحين مب مستوعب انه هالشي ممكن يضره بأي طريقة..
وعقب شوي يوم مل من اللي سواه.. يلس يفكر كيف ممكن يطفي النار عشان لا احد يهزبه أو يكتشفه.. وتم يتلفت حواليه يدور شي يفره على الستارة ويت عينه على الشال اللي كانت يدوته تلبسه ساعات يوم تبرد.. وركض صوبه عشان يطفي به النار بس في اللحظة اللي ابتعد خالد فيها عن الدريشة انفجر الزجاج بقوة خلته ينتفض بكبره وتم يطالع الزجاج اللي تناثر من الدريشة وعيونه مبطلة ع الاخر من الخوف.. وركض صوب الباب يحاول يبطله بأي طريقة.. بس خالد اللي قفل الباب بكل عفوية ما كان يعرف كيف يبطله.. ورغم انه حاول ويا المفتاح بس انصدم انه مب راضي يتحرك.. وانترست عيونه دموع وهو يدق الباب وينادي بصوت مخنوق: بطلوا...!!! لولة بطلي الباب... بسرعة!!!

أمولة وسارة اللي كانن في الصالة سمعن صوت الزجاج وهو يتكسر .. وكان الصوت ياي من الممر..
أمل: سارونا شو ها؟؟
سارة (بتعب): شي انكسر..
أمل: خلوود وينه؟؟
شهقت سارة: قومي بنشوفه لا يكون كسر شي هناكي..
وركضت أمل بسرعة صوب غرفة يدوتها وسارة تحاول تركض بتعب وراها.. وأول ما وصلوا الممر شموا ريحة الدخان وسمعوا صوت خالد وهو يصيح من خاطره.. وكانت سارة هي اللي هجمت على الباب تبا تبطله بس ما رامت.. ونادت بصوت عالي: خلوووود؟؟؟؟
سمعها خالد اللي كان ملصق اذنه بالباب ويلس يصيح أكثر ويترجاها تبطل الباب: ساروه بطلي الباب.. بسرعة.. أبا أطلع..!!!
أمل: منو قفل عليك الباب؟؟؟
سارة: بروحه قافلنه من داخل.. .خالد .. خالد.. شو هالريحة... انت حرقت شي داخل؟؟؟
خالد: انا ما سويت شي.. طلعوني... بسرعة... !!!
اطالعت سارة أمل وهي بتموت من الخوف وزاعجت عليها: سيري ازقريهم .. خالد قافل على عمره الباب والحجرة تحترق.. !!!!
أمل ( ودموعها تنزل):ما بسير... ببطل عنه الباب.. بسرعة... وخري عني..
حاولت أمل تبطل الباب من دون فايدة وسارة محتشرة عليها تباها تروح تزقرهم.. وركضت لولة بسرعة صوب الصالة عشان تزقر أي حد يساعدهم..

***

في الميلس.. كانت ياسمين توها داشة وقامن الحريم كلهن يسلمن عليها وهي تتمخطر من بينهن مثل الطاووس المغرور.. بنات صالحة عيبتهن ياسمين وايد وقررن على طول انها تكون من أعز ربيعاتهن.. وسلامة أول ما دشت ما عيبتها أبدا.. وهذا بعد كان احساس لطيفة اللي همست لأمها: كم قوطي كريم أساس حاطة على ويهها هاذي؟؟
سلامة (وهي تبتسم): لطوف عيب..
لطيفة: بس حرام جي .. حد يخبرها انه هاذي عزيمة عادية مب عرس ولا حفل تتويج..
سلامة (وهي تطالع بنتها بنظرة حادة): لطوف صخي.. !!
لطيفة: هههه.. امايه جربي حطي صبعج على خدها أكيد بيغوص في الكريم أساس..
سلامة( وهي تحاول تخبي الابتسامة اللي على ويهها): لطوف!!!!
ابتسمت لطيفة وصدت صوب اختها موزة اللي كانت تضحك وتهمس بشي في إذن ليلى وراحت صوبهن.. وأول ما شافتها موزة قالت لليلى: هاذي لطيفة .. اختي اللي في الثانوية..
ابتسمت ليلى للطيفة ووقفت تسولف وياها شوي قبل لا يروحن هن الثلاثة ويسلمن على ياسمين اللي كانت ترمس أم أحمد وتبتسم لها بخجل.. ويوم وصلت ليلى صوبهم سمعت ياسمين تقول لأم أحمد: ان شالله عمتي .. بتشبعون مني ومن عبدالله.. وإذا تبين بعد ببات عندكم الليلة..
أم أحمد: الله يعطيج العافية يا بنيتي..
سلمت ليلى على ياسمين ببرود.. بعدها متظايجة منها بسبة الحركات اللي كانت تسويها في السفر.. وعرفتها على لطيفة وموزة.. وبعدين يت سلامة وبنات صالحة وربيعات ياسمين يسلمن وياسمين شوي وبتطير من الوناسة بسبة الاهتمام اللي محصلتنه منهم.. ويوم يا دور شيخة مرت فهد ، ابتسمت ياسمين بإعجاب.. هاذي بالذات مبين عليها مب سهلة..
شيخة: الحمدلله على السلامة.. ومبروك.. ولو انها يت متأخرة وايد
ياسمين (تبتسم): الله يبارك فيج غناتي.. انتي مرت ولد صالحة صح؟
شيخة: هى انا مرت ف...
قبل لا تكمل شيخة جملتها بطلت الخدامة نجمة الباب بكل قوتها وكلهم التفتوا صوبها بخليط من الخوف والانزعاج..
نجمة (وصوتها يرتجف): ماما.. ماما... هريجة.. هريجة داكل غرفة ماما كبير..
أم أحمد اللي وقفت بصعوبة أول ما دشت نجمة.. مشت لها بسرعة الحين يوم سمعت رمستها وسألتها بعصبية: شو تقولين؟؟؟؟ ارمسي عدل نجموه..!!! شو مستوي؟؟
بلعت نجمة ريقها وابتدت الدموع تنزل من عيونها .. كانت خايفة وتعرف انه خالد داخل بس خوفها وارتباكها مب مخلنها تفكر عدل..
نجمة: ماماه غرفة مال انتي في حريجة عودة!!! بسرأة ماماه.. !!
ليلى كانت أول وحدة تحركت من الميلس.. أول ما سمعت الرمسة اللي قالتها نجمة ما حست بعمرها الا وهي تركض بكل سرعتها صوب البيت.. وإيدها على قلبها وعيونها زايغة .. وهي تدعي ربها انه يحفظ اخوانها اليهال..

***

أمل أول ما وصلت للصالة وزاعجت ع الخدامات عشان يسيرن يخبرن يدوتها واختها.. تمت واقفة في الصالة تصيح ما تعرف شو تسوي.. ويت عينها على التيلفون وتذكرت انه ليلى مخزنة لهم رقم مايد ومحمد في التيلفون.. إذا ضغطت على رقم واحد بيوصلها لمايد.. ورقم 2 لمحمد.. وبدون تردد يودت السماعة واتصلت بأخوها مايد اللي كان طالع من البيت قبل نص ساعة ورايح يلعب كورة ويا عيال حارتهم.. وسمع تيلفونه يرن مرتين بس ما سوى له سالفة لأنه كان منمدج في اللعبة ..
سالم : ميود تيلفونك...
مايد (وهو يشوت له الكورة): يود الكورة بجوف منو متصل وبرد لكم..
طلال: ياخي قلنالك بند تيلفونك قبل لا تلعب..
ركض مايد صوب التيلفون .. ورد بسرعة يوم جاف انه الاتصال من بيتهم..
مايد : hello!!>> who's speaking??
أمل: ها؟؟ مايد وين؟؟
مايد: ههههههه.. لولة يالسبالة ليش تلعبين في التيلفون؟؟
أمل اول ما سمعت صوت مايد انفجرت من الصياح.. واختفت الابتسامة عن ويه مايد..خصوصا انه سمع حشرة حواليها وصوت الخدامة الثانية تاميني وهي تزاعج.. وسألها بعصبية: أمولة شو فيج؟؟؟ شو مستوي؟؟ بلاها هاذي تزاعج.. ؟؟
أمل: ميودي بسرعة تعال.. خالد في غرفة يدوه والباب مقفول.. وفي شي يحترق داخل..
مايد: شو؟؟؟ شو اللي يحترق؟؟
اطالعت أمل الممر.. وشافت السواد اللي تيمع على السقف من الدخان الاسود وتمت تصيح بصوت عالي وهي تقول له: ما اعرف الحجرة احترقت ميودي خالد داخل.. ما اعرف ابطل الباب.. تعال!!!!!!!!

أول ما استوعب مايد السالفة ركض بسرعة للبيت وربعه يزقرونه مستغربين منه.. وسالم من الخوف ركض وراه يشوف شو استوى به..
مايد كان مب عارف يفكر.. أفكاره كلها متلخبطة.. وكل اللي كان في باله انه يوصل للبيت بأسرع وقت.. ما يبا يتخيل شكل خالد وهو داخل ولا فكرة انه ممكن يفقد أي احد ثاني من عايلته.. فكرة الموت مخيفة .. وايد مخيفة.. خصوصا لمايد اللي بعده ما برت جراحه اللي تنزف بسبة موت امه وابوه ..

***

أول ما طلعت ليلى من الميلس ركضوا كلهم وراها.. حتى نهلة وربيعات ياسمين سارن يشوفن شو استوى.. إلا ياسمين وشيخة.. هن الوحيدات اللي تمن واقفات في الميلس... ياسمين على ويهها نظرة قهر وشيخة نظرة تعاطف مصطنعة..
شيخة: ليش ما رحتى وراهم؟؟
اطالعتها ياسمين بنظرة وقالت: أكيد الخدامة تبالغ.. تلاقين العشا احترق وهي مسوية هالحشرة كلها ع الفاضي..
شيخة: خربوا عليج ..
ياسمين (بنبرة حادة): نعم؟؟
شيخة: خربوا عليج.. هالليلة المفروض تكون ليلتج .. وفي لحظة كلهم ابتعدوا عنج وخلوج هني بروحج..
سكتت ياسمين.. وابتسمت شيخة وهي تقول: مب لازم تتصنعين جدامي أو تجامليني.. أنا ادري انج ما تحبين اهل ريلج..
ياسمين: شو هالرمسة؟؟ منو قال لج هالشي.. ؟؟ انا مب من هالنوع..
شيخة: قلت لج لا تحاولين تغيرين شخصيتج وياية.. انا وانتي من نفس النوع..
يلست ياسمين ع القنفة واطالعت شيخة بنظرة شك: أي نوع؟؟
شيخة: النوع اللي يحس انه كل اللي حواليه سخيفين وأفكارهم واهتماماتهم مب من مستواه.. ياسمين انا وانتي مستوانا وايد اكبر عن اهل ريلي واهل ريلج.. صح.. ولا انا غلطانة؟؟
ياسمين: ما ادري.. انتي خبريني.. أنا بعدني يديدة في هالعايلة..
شيخة: شو أقول لج عنهم.. هاذيلا ناس متشددين.. أو بالأحرى متعقدين.. كل شي عندهم عيب ومنقود.. أنا عن نفسي من زمان تمردت عليهم وعلى عاداتهم..
ابتسمت ياسمين وهي تأشر على الكرسي اللي حذالها: وكيف تمردتي عليهم؟
يلست شيخة وقالت: يعني مثلا.. عندي سيارتي الخاصة وأسوقها بروحي واطلع في أي وقت اباه وويا ربيعاتي ومحد يروم يقول لي شي.. أنا مشترطة هالشي على ريلي من البداية وهو موافق..
ياسمين :: هممممم.. يعني ريلج cool
شيخة: هى.. فهد وايد متحرر.. مب شرات امه اللي منغصة عليه حياتي..
ياسمين: ووين تروحين ويا ربيعاتج؟
شيخة: كل مكان.. نقعد في الكوفي شوب.. نتمشى في السيارة.. امممم.. واشيا وايدة بتعرفينها عقب..
ياسمين: بعرفها عقب؟؟
شيخة: هى.. هذا اذا كنتي تبين صداقتي؟؟
ابتسمت ياسمين: وليش لاء؟ انا ما عندي ربيعات هني.. عطيني رقمج..
عطتها شيخة رقمها وسمعوا حشرة برى وصوت ناس يصرخون.. وكل اللي سوته ياسمين انها تنهدت وقالت لشيخة: خبريني.. شو الكوفي شوبات الحلوة هني في العين؟؟

***

في الغرفة اللي ابتدت تحترق بسرعة فظيعة.. كان خالد منخش ورا شبرية يدوته يطالع بخوف الباب اللي ابتدا يحترق.. خلاص ماله أمل انه يظهر من اهني.. صوب الدريشة نار وصوب الباب نار.. وين بيروح؟؟ عيونه كانت تدمع من الدخان الكثيف في الغرفة وخدوده صارن حمر من الحرارة الفظيعة.. وفوق هذا كله كان يعرف انه يوم بيظهر بيهزبونه عشان اللي سواه.. خصوصا انه يسمع صوت ليلى تصرخ وتزاعج برى وأكيد بتظربه..
حس خالد بجفونه تثجل وبتعب انسدح حذال الشبرية وغمض عيونه وتكور على نفسه وابتدا يصيح بهدوء..

برى الغرفة كانت سارة لاصقة في الباب .. ويوم يت ليلى شافتها تصيح وملصقة خدها واياديها ع الباب تحاول تسمع صوت خالد اللي صار له دقيقتين ما طلع له حس.. وحاولت ليلى تبعدها عن الباب بس سارة كانت عنيدة وتمت متعلقة في مقبض الباب اللي كان حار من الخاطر... وشدتها ليلى بكل قوتها وحاولت تبطل الباب.. بس طبعا من دون فايدة.. وتمت واقفة عند الباب تنادي أخوها الصغير : خالد!!! خالد!!!..
وقربت اذنها من الباب اللي ابتدى يحترق ويتفحم بس ما سمعت أي صوت وسمعت يدوتها وراها تصيح وسلامة تحاول تهديها وسمعت صوت موزة تقول لهم انها اتصلت بالمطافي ..
تنفست ليلى بصعوبة وحست بدموعها تنزل بغزارة من عيونها.. خالد داخل.. ماله حس.. وهي هني برى مب عارفة شو تسوي.. مب قادرة تدش عنده داخل.. تخفف عنه.. اطمنه انه بيكون بخير.. وانه ما بيستوي به شي.. هذا اذا كان بخير؟؟
حست ليلى بضعف فظيع.. حست انها مشلولة مب قادرة تتحرك ولا تسوي شي ولا حتى تفكر.. وغمظت عيونها حيل وهي تدعي ربها من كل قلبها: يا رب تحفظه.. إلا خالد.. يارب!!!
وفي وسط ذهولها تحركت بسرعة للتيلفون واتصلت بمحمد .. رغم انها تعرف انه بعيد ويمكن يوصلهم متأخر بس لازم يكون وياها.. لازم حد من اخوانها يكون وياها.. ما تقدر تواجه هالشي بروحها.. خلاص ما عاد فيها حيل ..

***

في هالوقت كان مبارك في باركنات العمارة اللي فيها شركته.. وقف سيارته بسرعة ومشى بخطوات سريعة للبوابة.. وما اهتم للبواب اللي حاول فضوله يخليه يعرف ليش مبارك ياي الشركة هالحزة..
مبارك يعرف انه شكله يوحي بإنه عنده مصيبة.. عيونه حمر ومب لابس غترته وحتى كندورته ما غيرها قبل لا يظهر.. وكل القهر والغضب اللي في داخله مبين في ملامح ويهه.. والبواب قبل لا يبطل حلجه شاف النظرة اللي اطالعه فيها مبارك وقرر انه يتم ساكت احسن له..

دش مبارك المصعد وضغط على الطابق الخامس.. وتم يطالع انعكاس ويهه في الجامة وأول ما وقف المصعد طلع بسرعة وبطل باب مكتبه ودش.. وكل ما كان يقترب من أدراج مكتبه ، كان يحس انه قلبه يدق بعنف أكثر.. الحين بيكتشف كل شي.. الحين.. كل شي بيتوضح..
بطل مبارك الدرج عقب ما شغل ليت المكتب.. وتم يفتش بين الملفات.. وحصل من بينهن ملف فواتير الشهر اللي طاف.. ومن كثر ما هو متلهف يبا يعرف شو السالفة .. يلس ع الارض وطلع الفواتير كلهن وكانت فاتورة ناصر بن درويش أول فاتورة.. وفعلا المبلغ المسجل عليها كان 700 ألف درهم.. وناصر خبره انه دفع للشركة 980 ألف درهم.. يعني 280 ألف درهم زيادة وين راحت؟؟
طلع مبارك الفاتورة الثانية.. كانت فاتورة خلفان بن عبدالله.. الشهر اللي طاف سلموه بنايته اليديده ومن دون ما يطالع مبارك الفاتورة كان متذكر عدل انه دفع لهم خمس ملايين.. مليون دفعة أولى .. والاربع ملايين اتفقوا تنخصم من إجارات البناية سنوياً ..
اطالع مبارك ساعته.. كانت الساعة ثمان ونص.. وفتش بين الأرقام في موبايله على رقم خلفان بن عبدالله.. واتصل به بدون أي تردد.. يمكن فاتورة ناصر بن درويش تكون غلطة من المحاسب.. ما يقدر يظلم عبدالله من فاتورة وحدة.. وعقب الرنة الرابعة رد عليه خلفان..
مبارك: السلام عليكم..
خلفان: وعليكم السلام والرحمة.. مبارك؟؟
مبارك (وهو يبتسم بدون نفس): هى نعم عمي .. شحالك.؟؟ ربك الا بخير..
خلفان: بخير ربي يعافيك .. انته شحالك وشحال ابوك واهلك؟؟
مبارك: الحمدلله كلهم بخير ونعمة.. عمي بغيت اتخبرك عن شي..
خلفان: تفضل يا مبارك.. خير ان شالله؟
مبارك: عمي تذكر كم دفعت لنا عشان البناية اللي سوينا لك اياها؟؟
خلفان: هى بلاني ما اذكر؟؟ دفعت لكم مليون.. وباجي اربع ملايين وامية..
مبارك : 100؟ امية ألف؟؟
خلفان: هههههههه.. عيل امية ربية؟؟
سكت مبارك... شو اللي يالس يستوي.. رد يطالع الفاتورة.. خمس ملايين.. من دون الامية ألف.. شو السالفة..
خلفان: ألوو؟؟؟ مبارك؟؟
مبارك: هلا عمي.. عندك نسخة من الفاتورة؟
خلفان: هى عندي
مبارك: ومسجل فيها خمس ملايين و 100؟؟
خلفان: هى مسجل فيها والمحكمة بعد عندهم نسخة.. بس ليش تتخبر عن الفاتورة؟؟
مبارك: ها؟؟ لا .. ماشي.. بس يالس اراجع الحسابات وبغيت أتأكد ..
خلفان: هييييييه.. تحريت بعد بتزيدون علينا الفاتورة..
مبارك: هههههه لا يا عمي اطمن .. خلاص دام انه العقد تسجل في المحكمة محد يروم يغير شي..
خلفان: الحمدلله... يعني اطمن؟؟
مبارك: هى عمي لا تحاتي.. بخليك الحين عمي مشكور وما قصرت..
خلفان: أفا عليك يا مبارك.. ما سوينا شي
مبارك: ما تقصر عمي.. مع السلامة..
خلفان: مع السلامة..

بند مبارك عن خلفان وتم يطالع شاشة التيلفون فترة.. هاذي سواتك يا عبدالله؟؟ تقص عليه؟؟ تقص عليه انا؟؟ وانا طول هالفترة شرات الأهبل ما ادري عن شي.. اذا هالصفقتين بس ربح من وراهن 380 ألف درهم.. عيل السوالف اللي ما اعرف عنهن أكيد أدهى وأكبر.. وسهيل.. مشترك وياه في هاللعبة ولا لاء؟؟
وقف مبارك وفي عيونه نظرة حادة وقوية.. وقال بصوت مسموع وهو ياخذ الملف وياه ويطلع من المكتب: هيّن يا عبدالله... أنا بعلمك شقايل تلعب على مبارك بن فاهم.. إن ما خليتك تعض صبوعك ندم ما أكون مبارك..!!

***

محمد – اللي ما كان يعرف عن كل اللي يستوي في البيت- كان يالس ويا منصور في ميلس بيتهم يسولفون في كل شي الا الموضوع اللي كان محمد ياي يرمس فيه.. لأنه من شاف منصور.. راحت عنه كل الشجاعة وما قدر يتنطق بحرف واحد.. ومنصور لاحظ ارتباكه هذا..

منصور: محمد؟؟ شو فيك؟؟
محمد: أنا؟؟ شو فيه؟ ما فيه شي!
منصور: كيف ما فيك شي وانته من يوم يلست كل شوي تتنهد وتنافخ.. ؟
نزل محمد عيونه وفكر يخبره ولا لاء.. منصور ربيعه ويمكن يتفهم وضعه.. بس المشكلة انه كل ما يبطل حلجه عشان يرمس.. غصبن عنه يرمس في موضوع ثاني..
محمد: ما فيني شي منصور لا تحاتي.. بس شوية ارهاق من الشغل..
منصور: على طاري الشغل.. خلاص استلمت محلات ابوك الله يرحمه؟
محمد: هى .. قدمت استقالتي في اتصالات وابتديت من يوم الأحد أدير محلات ومطاعم ابويه.. وأول شي أفكر فيه اني ابطل محل يديد في الامارات الشمالية..
منصور: ما شالله عليك يا محمد.. ربي يوفجك في كل خطوة تخطيها
محمد: تسلم والله .. انته بعد ما قصرت ويايه..
في هاللحظة رن موبايل محمد وكان الرقم رقم بيتهم.. استأذن محمد من منصور اللي قام اييب لهم شي ياكلونه وأول ما طلع منصور رد محمد على التيلفون..
محمد: ألو؟؟
ليلى (وسط دموعها): محمد!!!!
محمد يوم سمع صوتها زاغ : ليلى؟؟ ليش تصيحين؟؟
ليلى: محمد تعال بسرعة.. ألحين تعال!!
محمد: شو مستوي ليلى؟؟
في هاللحظة سمعت ليلى صوت يدوتها تصرخ بأعلى صوتها وفرت السماعة وركضت تشوف شو استوى بهم ومحمد من كثر ما اتروّع طلع بسرعة وركب موتره عشان يرد البيت.. ويوم رد منصور الميلس ما حصله واستغرب من هالشي.. ويوم اتصل على تيلفونه انصدم انه ناسي التيلفون في بيتهم..
منصور شل التيلفون وهو مستغرب.. شو اللي ممكن يخليه يطلع جي من دون ما يخبره؟؟

ليلى يوم فرت السماعة ركضت صوب يدوتها وشافت مايد يركض صوب المطبخ ووقفت تبا تزقره بس غيرت رايها وسارت ليدوتها اللي كانت طايحة عند باب غرفتها وهي تصيح بكل قوتها.. الباب احترق بكبره وتفحم والدخان الاسود اللي يطلع من داخل الغرفة مستحيل يوحي بأنه اللي داخلها بعده على قيد الحياة..
ليلى أول ما شافت الدخان خلاص فقدت الأمل وتمت تطالع الباب وعلى ويهها نظرة مصدومة.. خلاص خالد أكيد راح.. راح خالد منها.. أمها خلته حقها وهي فرطت فيه.. أمها ظحت بحياتها عشان تحميه وهي بكل غباء خانت الأمانة اللي في رقبتها.. وأهملته وراح..
حاولت تشيل من بالها الصور الفظيعة اللي بدت تتكون.. صورته وهو يحترق.. وعلامات الخوف كلها مرسومة على ويهه.. وتذكرت ملامحه العذبة وابتسامته الرائعة وحست بألم فظيع في قلبها.. اطالعت اخوانها .. أمل كانت حاظنة سارة بقوة واثنيناتهن يصيحن وعيونهن على الباب اللي فرقهن عن اخوهن الصغير.. ويدوتها كانت يالسة ع الارض ..تلطم بإيدها على ويهها وتصيح بأعلى صوتها.. سلامة وبناتها .. صالحة وبناتها.. كلهن كانن يصيحن.. كلهم يأكدون لليلى حقيقة انه اخوها راح منها.. كلهم واقفين عاجزين جدام الباب المقفول..

..

**رتوجه** · 16-01-04 ||, 07:01 AM

الحمدلله على السلامه الغاليه
ما تشوفين شر
وانشالله يارب تكونين دووم بخير
صج صج صج احلى مفاجئه
ربي يوفقج الغاليه دووم
<img src="http://oasis.bindubai.com/emoticons/laugh.gif" border=0><img src="http://oasis.bindubai.com/emoticons/laugh.gif" border=0><img src="http://oasis.bindubai.com/emoticons/laugh.gif" border=0><img src="http://oasis.bindubai.com/emoticons/laugh.gif" border=0>

عاد ما نبي ننطر وايد على الجزء الياي <img src="http://oasis.bindubai.com/emoticons/wink.gif" border=0>

<img src="/ubbc/smileys/0015.gif" align=absmiddle border=0>رتوجه<img src="/ubbc/smileys/0015.gif" align=absmiddle border=0>

**رتوجه** · 16-01-04 ||, 07:32 AM

حرام علييج جان قلتيلنا شيصير بخالد <img src="http://oasis.bindubai.com/emoticons/sad.gif" border=0>
عاد حدي استانست و اثارينا بعدنا معلقين <img src="http://oasis.bindubai.com/emoticons/rock.gif" border=0>
يالله العوض و لا القطيعه<img src="http://oasis.bindubai.com/emoticons/wink.gif" border=0>

عاد مو تتأخلرين بالقصه <img src="http://oasis.bindubai.com/emoticons/blush.gif" border=0>

<img src="/ubbc/smileys/0015.gif" align=absmiddle border=0>رتوجه<img src="/ubbc/smileys/0015.gif" align=absmiddle border=0>

**نور السنا** · 16-01-04 ||, 08:24 AM

من عيوني رتوجة<img src="http://oasis.bindubai.com/emoticons/wink.gif" border=0>

**نور السنا** · 16-01-04 ||, 08:26 AM

:: الجزء الرابع عشر::

بدون تردد، راح مايد صوب المغاسل اللي حذال المطبخ وصب على عمره ماي لين ما حس انه متبلل بكبره.. وركض بسرعة برى عشان ينفذ اللي في باله.. وطبعا كان لازم يلف البيت بكبره عشان يوصل لدريشة يدوته اللي اطل على الحديقة الخلفية للبيت.. وهو يركض، شاف عليا واقفة برى بروحها وشكلها متنرفزة وتذكر فجأة شي راح عن باله ونادى عليها بأعلى صوته: عليا!!! قولي لهم يبندون كيبل الكهربا..

عليا اطالعته وهي مصدومة .. فاجأها بصوته وهي ما كانت منتبهة لوجوده من قبل وتمت واقفة مكانها قبل لا يرد مايد يصرخ عليها وهو رايح صوب الدريشة: ما تسمعين؟؟؟ ياللا بسرعة روحي!!!

شهقت عليا وركضت بسرعة صوب البيت وجافت جدامها سيارة المطافي اللي توها الحين وصلت وقبل لا تقول شي كانوا بروحهم سايرين صوب كيبل الكهربا عشان يبندونه..

دشت عليا داخل عند الحريم اللي كانن يصيحن ولاحظت انه الممر بكبره دخان ومحد يروم يوقف فيه وكلهن ظهرن للصالة .. وحست بظيج كبير وإحراج ما تعرف شو سببه .. ويوم شافت أمها تطالعها سارت صوبها ولصقت فيها.. وتمنت في داخلها انه مايد ما يصيبه شر..

وقف مايد عند دريشة الغرفة ويوم شاف كمية الدخان الأسود اللي ظاهر من الدريشة حس انه قلبه بيوقف.. هل هو فعلا مستعد انه يدش ويواجه المنظر اللي بيشوفه جدامه داخل؟؟ وإذا لا سمح الله كان خالد........ ؟؟ " لا .. !! خالد ما فيه شي" حاول مايد يطمن عمره بهالافكار وتذكر انه مستحيل يسامح نفسه اذا فوت فرصة انه ينقذ خالد من اللي هو فيه.. وقبل لا يحط ايده على طرف الدريشة، لاحظ الزجاج المتناثر عليها والحرارة الفظيعة المنبعثة من داخل الغرفة.. وفصخ القميص اللي كان لابسنة ولف به إيده قبل لا يتسلق الدريشة ويعق بعمره داخل..

في هالأثناء كانوا المطافي واصلين بس مايد ما يدري عنهم وحط قميصه على خشمه وحلجه عشان لا يختنق من الدخان الفظيع اللي داخل وابتدت عيونه تدمع وتحمر وهو يحاول يطالع في الغرفة ويدور خالد.. المشكلة انه الدخان والسواد اللي في الغرفة كان مغطي على كل شي.. ورغم انه المنطقة اللي حذال الدريشة كانت متفحمة ومايد يحس انه جلده بدا يحترق من الحرارة اللي في الغرفة.. بس ع الاقل كانت النيران هني أخف.. المكان اللي كان يحترق بقوة كانت الزاوية اللي عند باب الغرفة وابتدت النار توصل شوي شوي لمكان الشبرية..

تلفت مايد حواليه بسرعة.. خالد ماله أي أثر.. وهو كل ما يمشي خطوة يحس انه نعاله تلصق بالأرض تحته.. وبمحاولة يائسة منه نادى على أخوه: خالد؟؟؟ خالد!!!..

................... ومثل ما توقع ما سمع أي رد.. بس... تهيأ له انه شاف شي يتحرك في الزاوية الثانية من الغرفة ويوم دقق أكثر تأكد من اللي شافه.. كان لحاف يدوته يتحرك من فوق الشبرية والظاهر انه خالد منخش هناك ويسحب اللحاف عشان يتغطى من النار.. أو يحاول يمنعها من انها توصل له..

مايد ما كان عنده وقت انه يحس بالسعادة او الراحة من اللي شافه.. لازم يوصل لأخوه بسرعة بس المنطقة اللي حواليه كلها تحترق.. كيف بيوصل له.. ؟؟ هالمرة نادى مايد بأعلى صوته على اخوه خالد وخالد أخيرا قدر يسمعه وطل عليه بويهه من ورا الشبرية وهو خايف.. وشاف مايد شفايفه تتحرك بس ما قدر يسمعه هو شو يقول..

مايد (وهو يأشر بإيده لأخوه): خلود لا تتحرك من مكانك انا الحين ياينك.. تم واقف في هالبقعة لا تتحرك..

خالد اللي كان حاس بتعب فظيع تم يطالع أخوه مايد ودموعه تنزل بغزارة.. دموع خليط من التعب والراحة انهم أخيرا بيطلعونه من هني.. وبينتهي هالكابوس اللي كان عايشنه ولو لدقايق بسيطة.. خالد رغم صغر سنه الا انه وبكل عفوية عرف كيف يحمي عمره من النيران والحمدلله انه اختار ابعد زاوية عن المكيف اللي سبب انفجاره حريج كبير في الزاوية الثانية من الغرفة.. وبعفوية كبيرة وبسبب الحرارة سحب لحاف يدوته وتغطى به بكبره وبهالطريقة قدر انه يتنفس عدل في الدقايق اللي طافن..

مايد كان يشق طريقة لأخوه بين النيران وطبيعي جدا انه كان حاس بخوف فظيع.. خصوصا انه أول ما تحرك من المكان اللي كان واقف فيه طاحت قطعة من ديكور السقف وراه بالضبط ولو كان واقف مكانه جان طاحت عليه وجتلته على طول.. في كل خطوة كان يسمي بالله ويذكر نفسه انه ما بيصيبه الا اللي الله كاتبنه له.. وشوقه الفظيع انه يلم خالد في حظنه كان أقوى من كل الخوف اللي بداخله وكانت الخطوة الاخيرة اللي بتوصله لخالد انه يركب على الشبرية ويوصل له بكل سهولة.. بس المشكلة انه طرف الشبرية ابتدا يحترق ومستحيل يمر مايد من دون ما يجازف انه يحرق ريوله.. وحتى لو وصل لأخوه بينحبسون اثنيناتهم في الزاوية ولا واحد فيهم بيطلع من الغرفة حي.. بس غصب عنه كان لازم مايد يقبل هالتحدي وهالمجازفة وفي لحظات الخوف واليأس الشديد تنعدم احاسيس الألم والتردد عند اللي مثل مايد.. وهذا اللي خلاه يتجدم بسرعة ويركب فوق الشبرية رغم الألم اللي حس به في ريوله وحمد ربه انه كان لابس شورت عشان لا تعلق النار فيه وأول ما وصل عند خالد عق نعاله اللي ابتدت تحرق ريوله وحظن اخوه اللي تعلق فيه بكل قوته ودفن ويهه في جتف مايد وابتدا يصيح بصوت عالي ويغرس اصابعه في شعر مايد عشان لا يبتعد عنه.. وحس مايد بدموعه تنزل من عيونه غصب وهو يحس بنبضات قلب أخوه الصغير على صدره.. ومثل الياهل ابتدا مايد يصيح .. وهو يفكر .." الحين شو؟؟ شو اللي بيظهرنا من هني؟؟ معقولة تكون هاذي هي النهاية؟؟ "

..

...

..

وفي هاللحظة ياهم الفرج ووصلوا رجال الاطفاء وحس مايد برشة ماي قوية على ظهره ويوم التفت كان بيصيح من الوناسة.. أخيرا وصلوا؟؟

وبسرعة فظيعة انتشروا في الغرفة.. واثنين منهم كسرو الباب ودشوا منه.. وبلمح البصر كان كل شي منتهي.. وضحك مايد هو وخالد والمطافي يرشونهم بالماي.. ويوم طلعوهم برى عند اهلهم وتأكدوا انه ما بجى شي من الحريجة الا وانظفى.. حس مايد فجأة انه جسمه كله يحرقه.. في الحرارة اللي داخل ما حس بهالشي بس أول ما طلع من الغرفة حس بألم فظيع في كل أنحاء جسمه.. ويوم اطالع خالد كان ويهه احمر وجسمه بعد وقبل لا يوصلون لأهلهم تلقفوهم الفريق الطبي اللي يايين ويا الاسعاف وخذوا خالد عن مايد عشان يشوفون شو اللي ياه .. وليلى كانت ويا الحريم مستحية تتقرب منهم بوجود الرياييل هناكي بس أول ما لمحت خالد من بعيد يلست ع الارض وغطت ويهها بإيدها وتمت تصيح وتحمد ربها على سلامتهم اثنيناتهم.. وموزة يلست حذالها ولوت عليها من الخاطر وهمست لها في إذنها: " الحمدلله على سلامتهم.. خلاص حبيبتي مالها داعي دموعج.. "

اطالعتها ليلى وعيونها متروسة دموع وقالت لها بصوت واطي: "أنا السبب.. ما كان المفروض اني اهمله واخليه بروحه هني.. هاذي ثاني مرة يتعرض فيها خالد للموت .. ولو انه..."

موزة: "خلاص.. خلاص يا ليلى .. اللي استوى استوى وما بيتغير وانتي مالج ذنب.. اذكري ربج واشكريه انه اخوانج ما ياهم شي.."

ابتسمت لها ليلى وقالت: "الحمدلله.. الحمدلله على كل حال"

أم أحمد ما رامت تتريا وشلت جسمها الثجيل بصعوبة وسارت صوب الفريق الطبي وشافتهم يلفون إيد خالد ويحطون له مرهم على خدوده وخالد أول ما شافها حاول يبتعد عنهم بس الممرض كان ميودنه عدل والظاهر انه المرهم يحرقه لأنه كل ما حط الممرض ايده على خده كان يصرخ بحيل.. وأم أحمد كانت دموعها تنزل من ورا برقعها وحاولت تتكلم وتسأل عنه بس فرحتها بشوفته بخير هو ومايد خلتها تسكت وتكتفي بدموعها..

وكأنه الممرض حس فيها وابتسم لها وهو يقول: "ما تخافيش يا حجة.. العيّل ما فيهوش حاجة.. هي شوية حروق بسيطة وحتخف بعد يومين.. الحمدلله على سلامتهم."

غطت ام احمد ويهها بشيلتها وردت عليه بصوت مبحوح: "الحمدلله.. مشكور يا ولدي ما قصرت.."

شل الممرض خالد وعطاه ليدوته اللي لمته بقوة في حظنها وتمت تبوسه على راسه وخشمه وعيونه وكل مكان في ويهه.. وهو عيونه كانت ادور ليلى اللي كان خايف انها تهزبه ويوم ما شافها ارتاح بس الحروق اللي في جسمه كانت تعوره والتعب اللي فيه ما خلاه حتى يبتسم..

مايد أول ما خلصوا منه الفريق الطبي وقالوا له انه الحروق اللي فيه بسيطة ولفوا له ريوله سار صوب عمه عبدالله اللي كان يرمس الشرطة وقبل لا يوصل له تلقاه محمد وحظنه بقوة وهو يقول له: " ما قصرت يا مايد .. الحمدلله على سلامتك انته وخالد.."

ابتسم مايد بتعب وتم ساكت.. كان يدري انه اذا رمس بيرد يصيح.. وتجنب يطالع أي احد من اهله.. ما يبا يصيح جدامهم خصوصا انه البيت متروس ناس غرب.. واذا اطالع في عيون أي واحد فيهم بينهار وبيصيح.. التجربة اللي مر فيها وايد كانت قاسية عليه وخلته يفكر بشغلات ما كان حاسب لها حساب من قبل.. الموت.. وحقيقة انه ممكن في أي لحظة يفقد شخص ثاني يحبه.. محد يقدر يتنبأ باللي ممكن يستوي في هالدنيا ومحد يقدر يشرد من مصيره.. واليوم مايد حس انه لازم يراجع كل حساباته .. وغصب عنه حس انه مقصر.. وحس انه مسئول عنهم كلهم.. عن اخوانه اليهال والكبار.. عن يدوته وحتى عن عمه .. حس انه اللي استوى في خالد اليوم مب غلطة اهمال من ليلى ويدوته ولا غلطة شطانة خالد.. اللي استوى غلطته هو.. ما يدري ليش بس كان يحس بالذنب وبينه وبين نفسه قرر انه هالشي ما يتكرر مرة ثانية.. وانه خالد وأمل وسارة بيكونن في عيونه ومحد ولا أي شي في هالدنيا بيمسهم بسوء..

***

وقف عبدالله يرمس الشرطي اللي قال له انهم بيحققون في سبب الحريجة واذا كانوا بيعوضونهم عن الخساير ولا لاء.. وعقب ما تفاهم عبدالله وياه تنهد بتعب والتفت يدور عيال اخوه..

عبدالله كان يالس في المقهى ويا سهيل يوم عرف بالخبر من واحد من ربعه.. ويا البيت بسرعة هو وسهيل عشان يلحق عليهم.. بس الحمدلله كل شي انتهى والكل بخير وسلامة.. واكيد كان محرج انهم ما دقوله ولا خبروه عن اللي استوى بس أهم شي انهم كانوا بخير وهذا هو المهم..

يوم شاف عبدالله مايد ومحمد واقفين على صوب سار لهم ووقف وياهم.. وضغط على جتف مايد وحبه على راسه وخده.. وقال له:"تستاهل السلامة يا مايد.. بيضت ويوهنا وما قصرت."

مايد تم منزل راسه في الارض وساكت وويهه احمر بزياده..

اطالع عبدالله محمد بنظرة تساؤل ومحمد رد عليه بنفس النظرة وودرهم ويا بعض وسار يشوف اخوه خالد.. وأول ما راح محمد رفع عبدالله راس مايد وسأله: " مايد. .شو فيك فديتك؟"

كان صوته مليان حنية ونبرته دافية وسؤاله عنه خلى مايد ينفجر ويصيح وعلى طول ادّارك عبدالله الموقف ودش هو وياه في غرفة الطعام اللي كانت وراهم وصك الباب.. ومايد يلس ع الكرسي وريح راسه ع الطاولة وتم يصيح من الخاطر وعبدالله يلس حذاله ومسح على شعره من دون ما يقول له ولا كلمة..

كان يالس يطالعه وهو يصيح ويتمنى يحظنه ويطمنه ويهديه.. بس عبدالله مب متعود على هالشي واكتفى بإنه يكون وياه .. ومايد رغم كل الحساسية اللي كانت بينه وبين عمه عبدالله اليوم حس به قريب منه .. حس انه صج محتاج له.. محتاج انه يوقف وياه ويخفف عنه ورفع راسه واطالع عمه وفي عيونه نظرة حيرة فظيعه.. وقال له بصعوبة بين دموعه: عمي؟؟ أنا...

اقترب منه عبدالله وسأله بحنان: شو يامايد؟؟

مايد (وهو يرد يصيح): أنا ابا ابويه.. عمي ابا ابويه .. نحن ما نروم نعيش من دونه .. جوف اللي استوى في خالد .. وسارة كل يوم حالتها تزيد ومحد حاس بها.. محد فينا مرتاح من دونه .. لا أنا ولا ليلى ولا محمد .. نحن ما نسوى شي من دونه .. والله ما نسوى شي من دونه "

حس عبدالله بكلام مايد صفعة قوية على ويهه .. كان يطالعه وهو ساكت وحس برجفه فظيعه في جسمه.. دوم يحس بعمره مقصر وياهم بس في هاللحظة حس انه مجرم.. ظالم.. حس انه وايد اهملهم ووايد قسى عليهم .. بقصد وبدون قصد.. وير مايد من ايده ولوى عليه بقوة.. وقال له: "وأنا وين رحت يا مايد.. انا وين رحت؟؟"

ولأول مرة من سنين طويلة.. حظن مايد عمه عبدالله.. ولأول مرة من ثلاث سنين.. يحس بالراحة بوجوده.. وانه مب وحيد .. وانه كل شي بيتعدل ...

***

برى غرفة الطعام بدت الأوضاع تهدا.. المطافي روحوا والخدامات كانن يحاولن ينظفن الأثاث اللي كان كله ماي وباب الممر صكوه عشان يخففون من الريحة اللي انتشرت في البيت كله.. وصالحة كانت يالسة ويا أم أحمد تهنيها بسلامة عيال ولدها وتحاول اطمنها انه كل شي بيتعوض بإذن الله.. وبنات صالحة عقب ما سلمن على ليلى وعرضن عليها انهن يساعدنها وعقب ما شكرتهن ليلى واستسمحت منهن عن اللي استوى، ما طاعن يتعشن عندهم وروحوا.. وعليا قبل لا تروح كانت تتلفت بشكل واضح وهي ادور مايد بس من عقب ما طلع من عند الفريق الطبي اختفى فجأة وما شافته.. وحست بكآبة كبيرة وهي تركب سيارتهم اللي مروحة بوظبي.. وتتساءل في داخلها اذا كانت بيتذكرها عقب هاليوم ولا لاء؟

ياسمين اللي يابها فضولها للصالة هي وشيخة كانن واقفات على صوب يطالعن الاحداث اللي استوت وياسمين تتمنى في داخلها انه عبدالله ما يعرض عليها يباتون هني عندهم أو أسوأ من هالشي .. يعرض على عيال اخوه ايون بيتهم.. ويتمون عندهم جمن يوم.. وشهقت وقالت بصوت مسموع: "لا ان شالله ما يستوي هالشي"

التفتت لها شيخة وسألتها وهي تبتسم:" أي شي؟؟ "

ياسمين: "ها؟؟ لا ما شي.. بس فكرة يت في بالي واتمنى ما تتحقق"

شيخة: " تخافين تتوهقين وياهم؟"

ياسمين: "لا طبعا.. هاذيلا قبل كل شي أهل ريلي ولازم نقوم بالواجب."

شيخة (وهي تبتسم): "بس انتي ما تبين هالشي.. "

ياسمين: " شيخة شو هالرمسة اللي مالها معنى؟"

شيخة: " جوفي ليلى.. مستغلة الوضع وكاسرة خاطرهم كلهم .. ما تعيبني أبدا.. تسوي روحها الأخت الطيبة اللي ضحت بكل شي عشان اخوانها.. وهي من اهمالها كان اخوها بيموت اليوم."

ياسمين كانت حذرة في كلامها ويا شيخة.. بعدها ما تعرفها عدل وتخاف تكون من النوع اللي بس يبا يسحب منها رمسة وقالت بكل دبلوماسية: " ليلى طيبة.. ويمكن انتي فاهمتنها غلط."

شيخة: "وانتي اللي فاهمتنها صح؟"

ياسمين: " أنا ما اعرفها عدل عشان احكم عليها.. يوم بحتك بها وبعرف اطباعها.. بخبرج رايي فيها.."

وقبل لا ترد عليها شيخة ودرتها ياسمين وراحت صوب عمتها أم احمد ويلست وياها.. بس شيخة ما اهتمت .. تدري انه ياسمين بتحتاجها وبتتصل بها هي بنفسها.. ياسمين من هالنوع .. بتحس انها مخنوقة هني ومالها حد يسليها.. وساعتها بتدش شيخة في الصورة.. ما عليها الا انها تتريى وبتوصل للي تباه..

من جهة ثانية كانت موزة واقفة ويا امها واختها لطيفة على صوب وتحاول تقنعهم بشي..

موزة: أمي الله يخليج.. ببنات عندها اليوم .. جوفي كيف حالتها .. البنية محتاجة حد يتم وياها

سلامة: انتي تخبلتي موزوه؟؟ ابوج ان درى بيذبحج ومستحيل يخليج تباتين هني.. ياللا ودري عنج هالسوالف..

لطيفة: انزين ما فيها شي .. ابويه يعرفهم عدل وواثق فيهم ليش ما يخليها تبات هني..؟؟

سلامة: غريبة.. من متى ادافعين عن موزة؟؟

لطيفة: أنا ادافع عن الحق.. وموزوه ما غلطت في اقتراحها بالعكس المفروض تستانسين انها تفكر بهالطريقة..

موزة: أمي الله يخليج..!!!

تنهدت سلامة واطالعتهن بتعب: "انتن الثنتين قاصات عليه.. مول ما اروم اقول لكن لاء.. صبرن برمس ابوكن بجوفه اذا بيطيع "

ضحكت موزة بسعادة وقالت لها: " مشكووووووووورة وما تقصرين امايه حاولي تقنعينه .."

سلامة: ان شالله بحاول.. دقايق وبرد لكن..

سارت سلامة عنهن عشان ادق لسهيل وترمسه وردت موزة ويا اختها لطيفة صوب ليلى ويدوتها وخواتها الصغار.. وعقب شوي ردت لهن سلامة وخبرتهن انه سهيل ما عنده مانع وتقرر انه موزة تبات الليلة عند ليلى اللي بغت تطير من الوناسة يوم درت بهالشي..

***

خلال هالاحداث كلها اللي استوت كان مبارك طول الوقت يالس في موتره في باركنات الشركة.. من أول ما ظهر من مكتبه وهو يالس يفكر.. خايف يتسرع ويطلع الموضوع كله سوء فهم.. وفي نفس الوقت عنده أدلة قوية ضد عبدالله توديه في ستين ألف داهية.. مب قادر يصدق انه عبدالله كان يخدعه ويخدع الزباين.. حتى في الايام الاولى يوم كانوا يتنافسون كان مبارك رغم كل شي يحترم عبدالله ويقدر فيه نزاهته وصدقه.. بس اللي يشوفه جدامه الحين شي ثاني .. ويا خوفه انه تكون هاي كلها مؤامرة كبيرة ضده وانه في سوالف ثانية أدهى هو ما يعرف عنها..

عقد مبارك حيّاته وهو يطالع الأوراق اللي في إيده.. وسهيل؟؟ سهيل يعرف عن هالموضوع ولا لاء؟ مشترك ويا ربيعه في هالمؤامرة؟؟ سهيل اللي اقنعه من البداية يتعاون وياهم.. هو اللي ياه المكتب وكان مصر انه مبارك يدمج الشركة ويا عبدالله.. شو كانت مصلحته من هالشي؟؟ معقولة حتى سهيل كان يخدعه؟؟ معقولة؟؟

قرر مبارك يكتشف هالشي بنفسه ويفاجئ عبدالله ويسأله بنفسه وعشان جي سار المقهى وهو متأكد انه عبدالله وسهيل هناك.. ويوم بركن سيارته عند المقهى تردد قبل لا ينزل.. ربعه كلهم داخل والرياييل اللي هناكي ما تعودوا يشوفون مبارك بهالمنظر.. وعقب تفكير اتصل مبارك في ربيعه مروان اللي جاف سيارته موقفه عند المقهى الشعبي..

مروان: ألوووو..

مبارك: هلا مروان شحالك؟؟

مروان: الحمدلله تمااااااام.. وينك يا ريال؟؟ تعال المقهى..

مبارك: مروان .. عبدالله بن خليفة بعده في المقهى ولا ظهر؟

مروان: ليش ما دريت؟؟

مبارك: عن شو؟؟

مروان: الشيبة روّح بيت اخوه محترق..

مبارك: محترق؟ شو حرقه؟؟

مروان: شدراني.. طلع هو وسهيل من نص ساعة تقريبا..

مبارك: هممم... أوكى مشكور مروان..

مروان: ما بتي المقهى؟

مبارك: لا مب اليوم..

مروان: ياللا عاد مبارك تعال .. مجهز لك سهرة حلوة..

مبارك: ما عليه مروان اسمح لي مرة ثانية ان شالله..

مروان: خلاص.. اذا غيرت رايك دق لي..

مبارك: أكيد.. ياللا مع السلامة.

مروان: الله يحفظك..

بند مبارك التيلفون وتنهد بعمق.. هذا وقته الحين؟؟ خلاص بيأجل هالموضوع لباجر مع انه يعرف انه ما بيقدر يكتم القهر اللي في داخله ورغم هذا بيحاول.. لازم يفكر عدل.. وقبل لا يسوي أي شي بيستشير شخص معين في باله..

***

في مكان ثاني في العين وبعيد عن الاحداث اللي استوت .. كانت مريم.. يالسة في الصالة والهالات السودا تحت عيونها بارزة بشكل يعور القلب.. وأبوها حاط ايده على جتفها واثنيناتهم يطالعون جابر عبيد وهو ينقل لهم نشرة الاخبار.. أبوها عيونه على شاشة التلفزيون بس باله عند بنته اللي عايفة الأكل وحالتها في انحدار مستمر..

مريم من يوم ردت من السفر وهي حاسة بتعب فظيع.. رفضت العملية الجراحية اللي المفروض تخضع لها ورغم محاولات اهلها وياها وتوسلات منصور بس مريم كانت مصممة انها ما تخضع للجراحة.. وكلهم استغربوا منها لأنها هي اللي خبرتهم عن هالمستشفى وهي اللي كانت متحمسة انها تتعالج فيه..

اللي ما يعرفونه اهلها انه مريم من يوم جافت محمد وهي يالسة تعيد حساباتها في كل شي متعلق بحياتها.. رغم انها رفضته رفض قاطع يوم رمسته هذاك اليوم في المهرجان ورغم انها ما تعرف شو فايدة اللي تسويه بس بعد ما تبا تقبل بأي مجازفة.. وكل ما احد رمسها كانت تقول لهم خلوني على راحتي وما يخصكم..

عقب فترة التفتت مريوم على ابوها وسألته: بسير اييب لي شي اشربه .. أبويه تبا شي من المطبخ؟؟

بومنصور: لا فديتج .. صبري بزقر الخدامة..

مريم: لا لا لا لا .. ليش الخدامة انا بقوم اييب العصير..

بومنصور: يا بنت الحلال يلسي بروحج مب قادرة تشلين عمرج..

مريم: أبويه انا ما فيني شي .. بس شوية تعب.. لا تحاتي..

اطالعها بومنصور وهي تمشي ببطء صوب المطبخ .. وتنهد بحزن.. وهو مب بإيده شي يسويه غير انه يراقبها بصمت وهي تذبل كل يوم أكثر عن الثاني..

مريم دشت المطبخ وشافت أمها يالسة تزهب لهم العشا ويا الخدامات.. وابتسمت لها وبطلت الثلاجة عشان اطلع الجزر وتعصره حقها وحق أبوها..

أم منصور: شو بتسوين حبيبتي؟

مريم: عصير جزر.. تبين أمايه اسوي لج؟

أم منصور: لا الغالية مابا.. انزين ليش معبلة على عمرج ؟ جان زقرتي سيتا تسوي لج اياه..

مريم: ملانة امايه .. عادي بروحي بسويه..

ردت ام منصور تقطع الطمام.. ومريم شلت السكين عشان تقشر الجزر قبل لا تعصره..

قشرت الجزرة الأولى والثانية وحطتهن في صحن بروحهن ويوم يت بتقشر الثالثة حست بتشنج في إيدها اليسار.. وتغيرت ملامحها من الألم .. بس ما حبت تبين لأمها هالشي .. تعرفها اذا حست انها تتألم بتوديها غرفتها وبتجبرها ترقد وترتاح ومريم شبعت من فراشها ومن غرفتها.. وتبا تعيش حياتها بشكل طبيعي..

بس التشنج اللي كانت تحس به فظيع.. تحس بأشواك فصبوعها وكل ما تضغط على السكين تحس انه الألم يتحرك من أصابعها لكوعها.. وفي النهاية طاحت السجين عنها وفقدت الاحساس فإيدها اليسار تماما..

أم منصور اول ما سمعت صوت السجين وهي اطيح شهقت ونشت من مكانها عشان تساعد بنتها بس مريم اطالعتها بعصبية وقالت: " أمايه ما فيني شي .. السجين بروحها طاحت"

ام منصور: " يا بنيتي ريحي عمرج مب زين عليج جي تسوين.."

مريم: "وانا شو سويت؟؟ قلت لج السجين بروحها طاحت" ووخت عشان تييبها بس الألم رد لها ووقفت وفي عيونها نظرة ألم فظيعة.. هالمرة أمها سارت لها وحاولت اطلعها من المطبخ بس مريم ابتدت تصيح وخوزت ايد امها عنها وقالت لها: " شو تبين فيني؟ خليني في حالي.. انتي بس لو تخليني بروحي شوي انا بعرف اتصرف..!!"

ام منصور: " كيف بتتصرفين وانتي ايدج ردت تتخدر؟؟ مريوم سمعي الرمسة وسيري ارتاحي تراج ذبحتيني.. تعاندين في عمرج وانا اللي اهلك من كثر ما احاتيج.."

مريم: " ان شالله... !!! بسير غرفتي وما بظهر منها ابد.. عشان ترتاحون بس!!"

أم منصور: " مريم.."

بس مريم ظهرت قبل لا تكمل امها رمستها وجافها أبوها وهي سايرة فوق تصيح.. هاذي حالتها وياهم كل يوم.. تتحسس من كل كلمة وكل حركة يسوونها .. تتحرى الكل يشفق عليها والكل يتجنبها ويخاف منها.. مب قادرة تتقبل لا حالتها ولا مساعدة اللي حواليها لها.. كانت عندهم آمال كبيرة بنوها على مريم.. بس كل شي انهدم .. وهي بنفسها ادمّر عمرها اكثر واكثر..

***

في بيت المرحوم أحمد بن خليفة.. أم احمد سارت ترقد ويا أمل وسارة في غرفتهم.. ومحمد سار عند منصور ومايد من التعب رقد وليلى كانت يالسة في غرفتها ويا موزة.. عقب ما رقدت خالد يلست تطالعه وهي تبتسم.. وموزة يالسة حذالها تراقبها وتراقبه..

موزة: وحليله عمج .. احسه زعل يوم ما طعتوا تسيرون وياه بيته..

اطالعتها ليلى وابتسمت وهي تقول: عمي عبدالله يحبنا ووده كلنا نعيش في بيت واحد بس ما يستوي نفرض نفسنا عليه خصوصا انه توه معرس ويحتاج لشوية خصوصية..

موزة: بس هو بنفسه اللي عرض عليكم هالشي.. يعني ما كنتوا بتفرضون عماركم عليه..

ليلى: امممممم.. ما ادري.. احسن لنا نتم هني.. وبعدين البيت ما احترقت منه الا غرفة يدوه ..

موزة: اسمحيلي ليلى.. أدري اسئلتي ما تخلص ويمكن ظايجتج..

ليلى (وهي تبتسم): بالعكس.. أنا وايد مستانسة انج ويايه.. تدرين يا موزة؟؟ من زمان ما رمست ويا وحدة من نفس عمري.. الوحيدة اللي اسولف لها هي يدوه.. ويدوه ما تتقبل كل شي .. تعرفين مهما كان هي افكارها غير..

موزة: انا ارتحت لج وايد يا ليلى واتمنى من كل قلبي نكون خوات واكثر بعد..

ابتسمت موزة ومدت ايدها لليلى وقامن اثنيناتهن عشان يرقدن بس أول ما حطن راسهن ع المخدة ردت السوالف مرة ثانية .. وما كان مبين أبد انهن ناويات يرقدن..

موزة: بعدج حاسة بالذنب؟؟

ليلى: تبين الصراحة؟؟

موزة: أكيد..

ليلى: يوم يتعلق الامر باخواني.. احس دوم بالذنب.. واني مسئولة عن كل تحركاتهم واي غلط يصدر منهم احس اني انا السبب فيه..

موزة: هالشي غلط..

ليلى: أدري.. بس هالاحساس مب بإيدي..

موزة: ليلى؟؟

ليلى: ها حبيبتي..

موزة: تحسين انج مقتنعة بحياتج؟؟ راضية عن نفسج؟

ابتسمت ليلى: من ناحية راضية عن نفسي انا الحمدلله وايد راضية.. بس تدرين؟؟ أحس انه في شي ناقصني.. دوم احس انه في شي ابا اسويه.. بس ما اعرف شو هالشي..

موزة: يمكن تفتقدين للحب.. لوجود ريال في حياتج..

حست ليلى بخدودها تحترق وقالت وهي تضحك : أنا؟ لا ما اعتقد ..

موزة: لا تنكرين هالشي.. ومهما حاولتي تنكرين ما بصدقج.. ليلى انتي تعطين كل اللي عندج لاخوانج.. وفي المقابل ما عندج احد يعطيج الحنان اللي تحتاجينه.. ما عندج احد يرد لج الثقة في نفسج ويحسسج انج محبوبة..

ليلى: خلاص يا موزة الكلام في هالموضوع ما عاد له أي قيمة.. انا قررت وبتم على قراري للنهاية..

موزة: ليلى انتي حبيتي؟؟

ليلى: قصدج حميد؟

موزة: خطيبج كان اسمه حميد؟؟

ليلى: هى .. الله يرحمه.. ما ادري.. كنت صغيرة.. وهو الانسان الوحيد اللي عرفته وكنت ادري انه بيكون ريلي .. عشان جي حبيته.. وحميد كان فعلا رائع.. وينحب..

سكتت ليلى فترة وكانت مبتسمة واحترمت موزة صمتها وتمت تطالعها وهي متأكدة انه ليلى يالسة تستعيد ذكرياتها ويا حميد..

ليلى: ما كنت اعرفه عدل.. لا ارمسه في التيلفون ولا اقعد وياه وايد.. بس بمجرد ما كنت اشوفه كنت احس في عالم ثاني.. وانسى انه فيه في هالدنيا ناس غيري انا وهو.. وامايه الله يرحمها كانت دوم تقول لي اني يوم اسمع اسمه خدودي تحمر بشكل عفوي.. ما ادري يا موزة.. ما اعرف اذا كان هالاحساس حب ولا لاء.. ما اعر

**نور السنا** · 16-01-04 ||, 08:38 AM

:: الجزء الخامس عشر::<?xml:namespace prefix = o ns = "urn:schemas-microsoft-com:office:office" /><o:p></o:p>
<o:p> </o:p>
الساعة وحدة الظهر.. بطلت ياسمين عيونها العسلية الناعسة وحست انه راسها بينفجر من الصداع اللي فيها.. عبدالله ما كان موجود ، كالعادة نش الصبح بروحه وتريق من ايد الخدامة وطلع الشركة حتى قبل لا يبدا الدوام.. ياسمين تسهر بروحها على التلفزيون وعبدالله يرقد من وقت وهاذي حالتهم من اسبوع.. من يوم ردوا العين ورد عبدالله لحياته المعتادة.. <o:p></o:p>
تنهدت ياسمين وشلت عمرها بصعوبة وهي عاقدة حياتها من الألم اللي تحس به في راسها.. ويلست تفتش في الدرج اللي حذال الشبرية لين ما حصلت البندول.. وقامت ولبست جلابية خفيفة وراحت المطبخ الصغير اللي مسوينه فوق حذال غرفتها.. وشربت ماي.. ويلست ع القنفة في الصالة وتساندت وغمضت عيونها عشان يخف الألم.. وعقب عشر دقايق تقريبا ابتدت تحس انه فعلا خف.. <o:p></o:p>
<o:p> </o:p>
قامت ياسمين وتمشت في الصالة اللي فوق .. كانت ملانة من خاطرها.. اسبوع بس هو اللي يلسته هني وتحس انه روحها بتطلع.. عبدالله مب طايع يخليها تسوق.. وسيارتها مخلتنها ديكور في الكراج برى.. ويوم تقول له بتسير تيلس في الكوفي شوب يصر انه لازم هو يسير وياها وانه مالها سيرة بروحها.. ياسمين حاسة انها مخنوقة.. ما تحب تيلس ويا ليلى واخوانها ومالها حد هني تزقره يقعد عندها.. وايد تولهت على نهلة وتتمنى لو كانت جريبة منها عشان تسولف وياها وتتسلى شوي .. <o:p></o:p>
وشلت التيلفون عشان تتصل بها.. وأول ما سمعت صوتها ابتسمت ابتسامة عريضة وقالت: "نهوووووولتي صج متولهة عليج!!"<o:p></o:p>
نهلة بعد وايد استانست يوم سمعت صوت ياسمين.. هي بعد كانت متولهة عليها بس ياسمين اللي ابتعدت عنها من يوم عرست وصارت مول ما تتصل.. وحاولن نهلة تخبي فرحتها عن ربيعتها وقالت: " نعم؟؟ ليش متصلة؟؟"<o:p></o:p>
ياسمين: "ههههههههه.. أفاااااااا... نهولة زعلانة من حبيبتها وحياتها ياسمين؟؟"<o:p></o:p>
نهلة: " وبعد ما تبيني ازعل؟؟؟ يوسي انتي مول ما تنشدين عني.. ما اعتقد انج مشغولة لدرجة انه ما عندج وقت حتى اطرشين لي مسج.."<o:p></o:p>
ياسمين: " أدري.. أدري حبيبتي اني مقصرة .. ياللا عاد نهلة سامحيني .. .تدرين انه مالي غيرج وانا وايد متظايجة."<o:p></o:p>
نهلة: " شو اللي مظايجنج حبيبتي؟؟"<o:p></o:p>
ياسمين: " كل شي.. كل شي يا نهلة (تنهدت)... ابا ارد دبي.. "<o:p></o:p>
نهلة: " انزين تعالي.. عندج فلتج هني"<o:p></o:p>
ياسمين: " ماروم آي دبي اللا في الويك اند.. عبدالله مشغول.. تبين الصدق حتى في الويك اند يكون مشغول.. "<o:p></o:p>
نهلة: "لا لا لا ياسمين لازم اتين دبي الاسبوع الياي.."<o:p></o:p>
ياسمين:" لازم؟؟ ليش؟؟"<o:p></o:p>
نهلة: " احم.. أحممممم... الاسبوع الياي بتكون حفلة خطوبتي.."<o:p></o:p>
ياسمين كانت يالسة ووقفت يوم سمعت جملتها.. كانت مفاجأة بالنسبة لها.. ومفاجأة مول مب حلوة.. نهلة كانت ربيعتها وياسمين تحبها بس انها تنخطب؟؟ هالشي وايد ظايجها.. حست انه نهلة ابتعدت عنها خلاص.. بمجرد ما قالت هالجملة حست انها مب ربيعتها.. وعمرها ما بتتفيج لها ولا حتى بتهتم لها عقب اليوم.. وحاولت ما تبين هالمشاعر اللي تراكمت كلها في داخلها وهي تقول: "خطوبتج؟؟ كيف ومتى استوى هالشي؟؟ وليش ما خبرتيني؟؟"<o:p></o:p>
نهلة : "فجأة استوى هالشي.. أخو مناية هو اللي خطبني.. تعرفينه سالم.. المحامي الغاوي اللي جفناه مرة في المجلة وعقب عرفنا انه اخوها.."<o:p></o:p>
ياسمين: "هى اذكره... هو اللي خطبج؟؟"<o:p></o:p>
نهلة (وهي تبتسم بسعادة): "هييييييييييييييه هو!!!"<o:p></o:p>
ياسمين: "ووين شافج؟؟ كيف عرفج؟"<o:p></o:p>
نهلة: "لا شافني ولا عرفني .. وبيشوفني في حفلة الخطوبة.. مناية خبرته عني وهو وثق بذوقها.. تدرين بعد ربيعتج الف من يتمناها..ههههههههه"<o:p></o:p>
حست ياسمين بالدموع تتيمع في عيونها وقالت بصوت واطي اقرب للهمس:" الف مبروك.. تستاهلين غناتي ... "<o:p></o:p>
نهلة: "ها بتين الحفلة؟"<o:p></o:p>
ياسمين: "أكييد.. ما اروم افوت هالشي.."<o:p></o:p>
نهلة: " يوسي انا وااااااااايد مستانسة وااااااااايد... والله خاطريه ايلس وياج الحين واحظنج حييييييييييييل من وناستي.."<o:p></o:p>
ياسمين (بكآبة): "ههه.. ياللا ما عليه بجوفج ان شالله في خطوبتج.."<o:p></o:p>
نهلة: "ان شالله.."<o:p></o:p>
ياسمين: "ياللا نهلة بودرج احينه.."<o:p></o:p>
نهلة: "وين؟؟ بعدني ما شبعت منج.."<o:p></o:p>
ياسمين: "عبدالله بيرد الحين وابا اسير اجوف الغدا.."<o:p></o:p>
نهلة: "أوكى حبيبتي ... لا تقطعيني عاد اتصلي بي.."<o:p></o:p>
ياسمين: " ان شالله غناتي من عيوني.."<o:p></o:p>
نهلة: "تسلم لي عيونج ياللا في امان الله.."<o:p></o:p>
ياسمين: " مع السلامة.."<o:p></o:p>
نزلت ياسمين السماعة بهدوء وهي ترتجف وتتنفس بسرعة.. وفجأة ابتدت تصيح بقوة ومن قلبها.. حست بغيرة فظيعة وقهر ماله حدود... ليش تغار؟؟؟ هي عرست قبلها واللي خذته اغنى واشهر من ريل نهلة... عيل شو اللي يخليها تنقهر هالكثر؟؟؟ شو اللي يخليها تحس بهالكره لنهلة بدل لا تفرح لها؟؟ <o:p></o:p>
نشت ياسمين وهي تمسح دموعها ودشت غرفتها واطالعت عمرها في المنظرة.. في داخلها .. ياسمين ما تقدر تنكر اللي محسسها بهالغيرة والقهر كله.. خطيب نهلة صغير.. شاب.. وتوه مليان طموحات واندفاع وحياة.. نهلة بتعيش عمرها كله وياه وهي مستانسة.. رغم المشاكل وكل شي بس تفكيرهم متقارب وبيعرفون يتفاهمون .. بس هي.. اختارت تعيش ويا كهل.. ريال عود شبع من الدنيا وهمه انه يستقر وبس.. وياسمين حاسة انها بعدها ما عاشت.. تبا تطلع وتستانس وتلعب وعبدالله حابسنها هني لأنه عنده التزاماته اللي ما يروم يتخلى عنها.. <o:p></o:p>
" معقولة اكون استعيلت في قراري؟؟؟ " فكرت ياسمين في داخلها.. "لا لا .. انا ما استعيلت.. ريلي ما يتحصل.. وثروتي هي اللي بتخليني اتفوق على نهلة وغيرها... والدليل اني في الخطوبة بكون احلى حتى منها هي.. وبتشوف.. ما في أي شي يمنعني اني اعيش حياتي طول بعرض.. حتى هني .. انا ياسمين... ومحد يروم يمنعني.. حتى عبدالله ما يروم!!" <o:p></o:p>
وبسرعة شلت موبايلها ودورت بين الارقام عن رقم شيخة مرت فهد.. شيخة الوحيدة اللي فاهمتنها .. وهي اللي بطلعها من هالمستنقع اللي عايشة فيه.. <o:p></o:p>
<o:p> </o:p>
***<o:p></o:p>
<o:p> </o:p>
مزنة بنت فواغي.. قررت اليوم انها تتغدى عند يدوتها صالحة.. ويوم ياها الدريول ياخذها قالت له وبكل حزم: " ودني بيت يدوه.."<o:p></o:p>
كريم: "ماماه يقول روه بيت.."<o:p></o:p>
مزنة (بعصبية): "وأنا يقول سير بيت يدوه!!"<o:p></o:p>
كريم: " ماماه يقول لا يوقف مني مني.. أنا يودي انتي بيت!!"<o:p></o:p>
مزنة(وهي تزاعج): "مب على كيفك.. ودني بيت يدوه...!!! كريموه لا تنرفزني.."<o:p></o:p>
طنشها كريم ومزنة من قهرها أول ما وصلت البيت سارت على طول لأبوها اللي صار له بس شهرين راد البلاد من دراسته في الخارج و بقدرة قادر توظف في منصب وايد راقي وبمنتهى السهولة.. <o:p></o:p>
مزنة دشت الصالة والشرر يتطاير من عيونها وشافت أبوها يالس يسولف ويا أمها..واقتربت منهم وفرت الشنطة ع الارض وحطت ايدها على خصرها وقالت بأعلى صوتها: "كريم ما نباه.. سفروه وحطولنا دريولية فلبينية احسن"<o:p></o:p>
سلطان (أبو مزنة) ابتسم ورد عليها: "ليش شو مسوي كريم؟"<o:p></o:p>
مزنة: "ما طاع يوديني بيت يدوه.. وانا متولهة عليها.."<o:p></o:p>
فواغي: " جان خبرتيني الصبح انج تبين تسيرين وانا بخبره عشان يوديج.."<o:p></o:p>
مزنة: " عصبن عنه لازم يسمع كلامي.."<o:p></o:p>
سلطان: " عيب يا مزنة .. مهما كان هذا ريال واكبر عنج.."<o:p></o:p>
مزنة (بدلع) : "أنا ابا اسير بيت يدوووووووووووووه.."<o:p></o:p>
سلطان: " خلاص انا برمسه عشان يوديج.. كله ولا زعلج انتي عاد.. بتحشرينا لين ما تسيرين.."<o:p></o:p>
قامت فواغي ويرت بنتها الوحيدة وراها وغسلت لها ويهها وريولها وغيرت ثيابها وحطت لها فرشاتها ومعجونها وبيجامتين وبدلة مدرسة نظيفة حق باجر وقالت لها: "سيري وباتي عند يدوتج وفكيني من حشرتج.."<o:p></o:p>

<o:p></o:p><o:p></o:p>

<o:p></o:p><o:p></o:p><o:p></o:p><o:p></o:p>

**الجنيه** · 16-01-04 ||, 04:42 PM

تسلمين الغاليه

صدق انها مفاجأه حلوه الصراحه كنت فاقده الامل انه  القصه تتكمل بس الحمدلله

أخيرا حطيتوا لنا شي

الغاليه ما عليج اماره بس فديتج اول ما اتخلص الكاتبه من جزء اتحطينه

مكشوووووووووووووووووووووو وووووووره <img src="http://oasis.bindubai.com/emoticons/blush.gif" border=0>

**نور السنا** · 16-01-04 ||, 05:34 PM

ولا يهمكم!! أكملها لكم و من عيوني...

ترا وايد ناس من وايد منتديات ينقلون هالقصة للمنتدى مالهم... و انا اعتبر نفسي مسؤولة اني انقل لكم هالقصة أول بأول لأنكم معتمدين علي في القصة...
و انشالله ما أقصر وياكم ولا أتأخر عليكم في أي شي...

آخـــر الــمــواضــيــع

الموضوع: مفاجئة وااايد حلوة

أدوات الموضوع

عرض

Hybrid View

معلومات الموضوع

الأعضاء الذين يشاهدون هذا الموضوع

مواقع النشر (المفضلة)

مواقع النشر (المفضلة)

ضوابط المشاركة