الاختلاط قضية متجددة ( تقنية دبي للطالبات )

**شموخ** · 10-12-04 ||, 12:56 PM

العيناويه..

مااعتقد انهم بيتراجعون عن هالشي بالعكس انا اتوقع ان الامر يزداد سوء يوم

ورى يوم

الله يعين بلادنا والامه الاسلاميه من التقليد الاعمى للغرب متناسين تماما دينا الحنيف

ومتناسين الكوارث اللي ممكن تنم عن هذا الاختلاط

بس مااقول غير الله يصلح بالهم

العيناويه..

تسلمين عزيزتي على الموضوع الهام والحساس

والله يسمع منج وتتوقف كل هالاشياء

شمــ<IMG src="http://oasis.bindubai.com/emoticons/fa35.gif" border=0>ـــــــوخ

**غرشوب** · 10-12-04 ||, 11:16 AM

السلام عليكم

الحل ابلاغ الشيخ نهيان بن مبارك ال نهيان بالوضع

و سموه مثل ما هو معروف عنه ما يرد حد
فما بالكم لو كانت القضية هي الاختلاط

.
.

و السموحة

**صاحب مبدأ** · 10-12-04 ||, 01:24 AM

جزيل الشكر أقدمه لكِ يا أختي الكريمة على طرح هذه القضية الهامة على طاولة النقاش وربما تصل أصواتنا الرافضة لهذا الأمر إلى المعنيين عنه .. ما أعلمه شخصياً هو أنّ الإختلاط بدأ بشكل فعلي في تقنية دبي للطلاب فعلى حد علمي هناك طالبات يقمن بالدراسة مع الطلاب في قاعة دراسية واحدة للحصول على درجة الباكالريوس في بعض التخصصات المعينة وأستغرب بالفعل عدم قدرة تقنية الطالبات على عدم توفير مثل هذه البرامج في الكلية وإجبار فتياتنا على الإختلاط مع الطلاب بدعوى الدراسة!! .. أما بالنسبة للطلاب ومدى دراستهم في كلية الطلبات فما وصل إلى مسامعي هو أنّ هناك تخصص واحد يتعلق بالصيدلة أو ما شابه يتم دراسته في الكلية ولا أعلم حقيقة مدى إختلاط الطلاب مع الطالبات في نفس القاعة الدراسية .. أما بالنسبة للرقابة الشديدة والتي يتحدث عنها البعض فقد تلاشت في هذه السنة الدراسية ويقوم الشباب بطلب الطعام في نفس قاعة الطعام المكتضة بالفتيات وبدون حراسة من رجال الأمن كما جرت العادة في العام الماضي!!

لا أعلم كيف سيكون الحال في الأعوام القادمة ولكن كل ما أعلمه هو أننا ماضون في طريق حالك السواد طالما تواجد كل من هو بعيد كل البعد عن ديننا الإسلامي على رأس هذه الكليات .. الخبرات مطلوبة ولكن ليس بهذا الشكل المخزي .. والله المستعان.

محبتي
- صاحب مبدأ -

**الحمرة** · 10-12-04 ||, 01:08 AM

اسهر معي ليله

حلوة هاي مب متوفر عندكم!!

والله العظيم أنه ما شي يغلبهم الكلية لو يبون شي ولا شي ناقصنهم أنهم ليوفرونه
و بعدين ليش ما نقلوهم لكلية من كليات الشباب؟؟ سبحان الله ماشي غير في كلية البنات؟؟

و هكي ختيه ماشي بكلريوس في كلية العين و اضطرت اتسير كلية أبوظبي
ليش ما قالولهن درسن في كلية شباب العين؟؟ لأنهم يدرون أن أهل العين يرفضون رفض قاطع هالأختلاط و المنكر
و حدة من البنات بعد  اداوم في كلية أبوظبي و مرة في كلية دبي عشان الباكلريوس

البنت محترمه عمرها ولا غيرة  الكلية كلية بنات!

و منوا قص عليك و قالك هالمؤسسات و الدوائر الحكومية ما اتصير فيها بلاوي من تحت راس الأختلاط؟!!

و نحن لا امكبرين السالفة ولا غيرة بلعكس هذا أقل شي نقدر انسويه
أصلن الدولة لازم تبدأ اتسوي شي لهل السالفة لأنه وايد يخسرون طالبات متخرجات بسبب أنه المكان إلي متوفر إلهن فيه اختلاط!

يعني الحين مثل ما وفرو إلنا مدارس و جامعات و كليات خاصة للبنات
لازم يوفرون لو على الأقل أقسام خاصة للنساء

و إلا جي الدولة هي الخسرانة صح بتخرج طلبة متعلمين و متثقفين بس ما بتستفيد منهم مثل اللازم

لأنه هذا إلي يصير لا هوه من مذهبنا ولا عاداتنا
وأنا عن نفسيه ما أرضى أشتغل في مكان فيه اختلاط
بس في نفس الوقت أريد أنفع دولتيه وأردلها الجميل و أساعد في نموها

و الشباب
مرة عاد ما يحتي
يعني نخلط الجامعات و الكليات عشان حضرتهم يتشجعون و يدرسن؟!!
مقابل تقريبن 3 طالبات  طالب احد يتخرج؟!
و هذا كل شي يبونه متوفر إلهم من أجهزة حديثة ودكاترة و سفرات على حساب الدولة للخارج
المهم يدرسون بس لأسف ما ينفع معاهم
 يعني لازم يا يغازلون في السناتر ولا يلوس بليا شغله في المقاهي؟!
يعني أنت تأكد أن شبابنا لأسف 50% بالمئة منهم بطاليين؟؟

و أنا أدري مب كل الشباب جي مثل مب كل البنات واحد
بس مقارنة  للبنات الشباب وايد وايد امقصرين
<IMG src="http://oasis.bindubai.com/emoticons/fa55.gif" border=0>

**خربوطة** · 09-12-04 ||, 06:30 PM

باك اقين 

انا وياا كلام اخويه اسهر معي ليله هندرت برسنت <IMG src="http://oasis.bindubai.com/emoticons/rock.gif" border=0>

خربوطة

**إسهر معي ليله** · 09-12-04 ||, 05:55 PM

السلام عليكم

مشكورة اختي.. وهالشباب مجبورين يدرسون ويا البنات، هذيل فتخصص اسعافات اولية اعتقد.. المهم انهم تابعين لشرطة دبي.. وهم من كلية دبي للطلاب

واللي اعرفه ان السنة اللي طافت انجبروا يدرسون هناك لأن اللي يحتاجونه فدراستهم غير متوفر عندنا..

وبعدين البنت اللي محترمة عمرها مستحيل تتأثر بهالشي.. يعني فكروا فيها.. في الدواير والمؤسسات الحكومية يشتغلون الشباب والبنات فمكان واحد.. وما صار شي ليش؟ لأن البنت يوم بتحترم حالها محد بيقرب صوبها

والسالفة واايد مكبرينها.. والسبب ان الولد يوم يدخل فمكان كله بنات .. البنات يتخبلون عليه حتى لو كان خسف وما يتشاهد
شرات البنت يوم تكون فالشارع.. تكون خسفة بس الشباب كلهم وراها.. بس لأنه مافي غيرها

يعني وايد بنات يدرسن فمعاهد وما تشكن من هالسالفة.. ليش احين يتشكن وهم مجموعة صغيرة ومجبورين يدرسون عندهم.. واذا البنات اللي وياهم قليلات ادب فهم شو ذنبهم؟؟

وتطمنوا.. ما في حد موافق على فكرة الإختلاط.. لأنه لو انا احب اختلط بالبنات.. اكيد ما برضى انه الشباب يختلطون بخواتي.. واذا في ناس راضين بهالشي.. فيه نسبة اكبر منهم ما ترضى بهالشي

و وزوعوا علينا استبيان السنة اللي طافت.. وكلنا رفضنا هالشي.. كان مجرد استبيان تجريبي.. يشوفون شو ردة فعلنا

في النهاية.. مب مجبورة البنت تتمكيج وتكشف ويها.. تتحشم.. والشباب هذيل خلوهم فحالهم.. اما يوم البنات مستخفات ويسوون حركات حق الشباب  فأكيد الشباب بيصدقون عمارهم

ومثل ما قالت "قلب دبي" .. يعني اذا ما تبونهم يدرسون ويا البنات وين تبونهم يسيرون؟؟.. وبعد يتشكون من قلةالمواطنين

(( السناتر وقلتوا كلها شباب.. لين ودروا السناتر وقعدوا في القهاوي و اختربوا اكثر... واحين بعد تبونهم ما يدرسون؟؟ ))

الله يحفظكم

**انامل** · 09-12-04 ||, 05:57 AM

موضوع ساخن
يستحق العوده

لي عــــــــــــــوده بعون الله
العيناويه
وحشتيني

مودتي

**لحظه صمت** · 09-12-04 ||, 05:13 AM

:: مراااحب ::

احم احم .. اول شئ حبيت اشكر اختي العيناويه على هالموضوع
ولله صرااحه احنا في الكليه متأزمين من هالسالفه

ودايما ً تلقونا نتناقش ويا بعض عن سالفة هالشباب الي
يدرسون في كليتنا .. المهم .. حبيت اجاوب على تساؤلات البعض

عني شخصيا اهلي على علم ... وقلت الهم شوفوا انا كرهت
الكليه طلعوني ... قالوا هذا مستقبلج واحنا واثقين فيج

بس في زميلات لي اخفوا الموضوع عن هلهم لنهم
يعرفون انه هالشئ ممكن يكون سبب لحرمانهم من الدراسه

شو ها ولله غصه ... يبلنا انا و العجيبه نسوي حزب
ونسير نكلم الأداره ... بس انتو ما تعرفون كيف إداره كليتنا

ما ظني يعطونا ويه ... بحجة إنه الشباب محترمين نفسهم
وما سوا اي شئ حقنا ...

ولله الي انشوفه جدامنا مش عايبنا
وتمر علينا ومواقف صراحه مب شئ

حتى اليوم كنا قاعدين نشوف عمارنا
محاصرين بالشباب من كل الاتجاهات

تصد ايمين تشوف حد تصد يسار تشووف واحد ويا وحده
"نقول ما عليه خلوهم هذيلا زملاء دراسه <IMG src="http://oasis.bindubai.com/emoticons/shutup.gif" border=0>"

والسموحه <IMG src="http://oasis.bindubai.com/emoticons/wow.gif" border=0>

**القلب** · 09-12-04 ||, 12:21 AM

السلام عليكم... مشكوره "عيناويه" لطرحج هالموضوع .. <IMG src="http://oasis.bindubai.com/emoticons/biggrin.gif" border=0>

انا اللي سمعتها بان الاختلاط موجود قي تقنية بنات دبي.. تخصص الصيدله .. تعرفون الشباب ما يدشون واايد هالتخصص

فنقلوهم لكلية البنات .. اما عن سالفة اليلسه امبينهم .. فهذا شي اكيد .. يعني وين بيرحون في البريكات   <IMG src="http://oasis.bindubai.com/emoticons/fa36.gif" border=0>..

انا ما ادافع عنهم ولا شي ..

بس هم شو ذنبهم ... ذنبهم لانهم اختاروا تتخصص تحتاجه الدوله.. <IMG src="http://oasis.bindubai.com/emoticons/sad.gif" border=0>

المفروض من الوزاره انها اتوفر لهم مكان في كليتهم ..

هذا وهم يقولون نبا عماله مواطنه بعد .. <IMG src="http://oasis.bindubai.com/emoticons/mad.gif" border=0>

وين بتحصلون هالعماله .. ونحن ما انشوف اي اهتمام او تشجيع لهالتخصصات ...

والسموووحه

قلب دبي

**الحساس** · 09-12-04 ||, 12:27 AM

تسلمين اختيه .. على الموضوع.. وانا سمعت بهذا الشي قبل كم يوم ... وانصدمت ...

اذا ماخاب ظني هذا نوع من التهيئه للمستقبل .. لدمج الشباب ويا البنات.. وكان اللع غفورا رحيما..

وبهاي الطريقه بتكون الدوله وفرت الكثير من المال..

اذا في حد من الخوات صج تخاف على دينا تسير عالكومبيوتر.. وتكتب رساله وتخلي البنات الي هب موافقات على هذا الوضع التوقيه وتقديم هذه الرساله الي الادائرة...

اظن هب مشكلتكم ان في تخصص او لا هاي كسؤوليه الدوله..

انتن يالبنات اكيد تحتاين الراحه في الجلوس باي مكان بالكليه ... لكن بهاي الطريقه تغتصب حقوقكم وجها لوجه وانتن واقفات.. تحركوا سوا شي..

ادري بتي وحده تقول انا مالي شغل والثانيه بتقول انا اخاف يفصلوني!!!  خل يفصلونج... بس راح يفصلونج وانتي مرفوعه الراس.. والله لو وصل الخبر للشيوخ مابيسكتون...

تحركوا وماعليكن مع حد اشتكوا وسووا اضراب... اهم شي ربكم هب هالاداره الفاسده!!

والسموحه

لزياده العلم !!... مسلسل التحرر لم يكتمل والسنين القادمه ستكشف لكم مدى لؤم الغرب..

**ذنـيـنـي** · 09-12-04 ||, 12:35 AM

لازم يسوون اضراب مثل ما قال المزوحي

او انهم يقترحون انه وقت الشباب يكون غير عن وقت البنات عسب ما يكون في اختلاط من بينهم
(هذا اذا ما قدروا يسوولهم هالتخصص في كليتهم)

===========================
قبل كنت اقول انه لو يخلصن البنات من البلاد و اتم وحدة من الجامعة الامريكية ما باخذها,
و شكلي احين بضيف تقنية دبي لل black list <IMG src="http://oasis.bindubai.com/emoticons/fa55.gif" border=0>

**العيناويه** · 08-12-04 ||, 11:56 PM

السلام عليكم والرحمة
<?xml:namespace prefix = o ns = "urn:schemas-microsoft-com:office:office" /><o:p></o:p>
<IMG alt="" hspace=0 src="http://oasis.bindubai.com/download/eeeeee/130.gif" align=baseline border=0>

تعتبر تقنية دبي للطالبات من المؤسسات العلمية العليا التي تزداد رقيا يوما بعد يوم , وذلك بما تتحفنا به من انجازات وجوائز تقدر على مستوى الدولة .
ولم تكتفي بذلك فقط وانما حرصت على تزويد الكلية باحدث الاجهزة وتهيئة المكان المناسب والملائم للعملية التعليمية ...
ولكن بما اننا تناولنا اهم وابرز الجوانب الايجابية لهذه الكلية ...
اود ان اتطرق الى اهم واخطر ما تمر به هذه الكلية وفي اعتقادي هذه الخطورة الكامنة في اختلاط الدراسة ( الشباب مع البنات في نفس الكلية )  ..
الاختلاط قضيةٌ قديمة تتجدَّد في هذا العصر، حيث يقف المروّجون له بالمرصاد لخيرية أمة الإسلام ...
قامت كلية تقنية دبي للطالبات بعمل تصريح لدراسة 25 طالبا في هذه الكلية... والعذر في نظرهم عدم وجود التخصص المطلوب لدى الطلبة في كلياتهم وقاموا بنقلهم... ( هذه المعلومة بلسان إحدى طالبات تقنية دبي بالإضافة الى ما رأيناه باعيننا )<o:p></o:p>
لم يكتفي الاختلاط بدراسة الشباب مع البنات فقط ... وإنما امتد إلى جلوس الشباب وسط البنات وما يتبعه من قهقهات تتعالى شيئا فشيئا .. 
 بالإضافة إلى تناول الغداء في نفس السفرة ..<o:p></o:p>
فهل ما حدث وما يحدث هو من عادات دولتنا الحبيبة ؟؟!!!! ومن ديننا الذي حث وامر على فصل هاذا الاختلاط في امور عدة ولم يكتفي بالتعليم فقط ....<o:p></o:p>
<o:p> </o:p>
قال تعالى: <?xml:namespace prefix = v ns = "urn:schemas-microsoft-com:vml" /><v:shapetype id=_x0000_t75 stroked="f" filled="f" path="m@4@5l@4@11@9@11@9@5xe" o:preferrelative="t" o:spt="75" coordsize="21600,21600"><v:stroke joinstyle="miter"></v:stroke><v:formulas><v:f eqn="if lineDrawn pixelLineWidth 0"></v:f><v:f eqn="sum @0 1 0"></v:f><v:f eqn="sum 0 0 @1"></v:f><v:f eqn="prod @2 1 2"></v:f><v:f eqn="prod @3 21600 pixelWidth"></v:f><v:f eqn="prod @3 21600 pixelHeight"></v:f><v:f eqn="sum @0 0 1"></v:f><v:f eqn="prod @6 1 2"></v:f><v:f eqn="prod @7 21600 pixelWidth"></v:f><v:f eqn="sum @8 21600 0"></v:f><v:f eqn="prod @7 21600 pixelHeight"></v:f><v:f eqn="sum @10 21600 0"></v:f></v:formulas><v:path o:connecttype="rect" gradientshapeok="t" o:extrusionok="f"></v:path><o:lock aspectratio="t" v:ext="edit"></o:lock></v:shapetype>يٰأَيُّهَا ٱلنَّبِىُّ قُل لأزْوٰجِكَ وَبَنَـٰتِكَ وَنِسَاء ٱلْمُؤْمِنِينَ يُدْنِينَ عَلَيْهِنَّ مِن جَلَـٰبِيبِهِنَّ ذٰلِكَ أَدْنَىٰ أَن يُعْرَفْنَ فَلاَ يُؤْذَيْنَ وَكَانَ ٱللَّهُ غَفُوراً رَّحِيماً [الأحزاب:59].<o:p></o:p>
موقف القرآن الكريم من اختلاط الرجال بالنساء ترسمُه هذه الآية، منهجٌ قرآني يبيّن ضوابطَ أمنية، ويحدّد أسباب السلامة، حفظاً لكيان الأسرة المسلمة،
 وسلامة أنسابها، وطهارة قلوب الرجال والنساء من الفتنة والانحراف ... <IMG src="http://oasis.bindubai.com/emoticons/wacko.gif" border=0><o:p></o:p>
تمكينَ النساء من اختلاطهن بالرجال أصلُ كلِّ بلية وشر، وهو من أعظم أسباب نزول العقوبات العامة، كما أنه من أسباب فساد أمور العامة والخاصة،
واختلاط الرجال بالنساء سببٌ لكثرة الفواحش والزنا، وهو من أسباب الموت العام، والطواعين المتَّصلة ... <IMG src="http://oasis.bindubai.com/emoticons/fa55.gif" border=0><o:p></o:p>

فهل ما حدث في كلية تقنية دبي يعتبر من الأمور إلى يجب التغاضي عنها لتطوير العملية التعليمية ؟<o:p></o:p>
وهل ما حدث يعتبر أمر عادي بالنسبة للأهالي ؟؟؟<o:p></o:p>
واهم من هذا وذاك هل ما يحدث في هذه الكلية يعلم عنه هؤلاء الآباء<o:p></o:p>
وهل ما حدث يعتبر رياح لبدء عاصفة الاختلاط التي ربما تطبق في جميع كليات وجامعات الدولة ؟<o:p></o:p>

ما رأيناه في هذه الكلية ترثى له العروبة جمعاء ...
<o:p></o:p>
<IMG alt="" hspace=0 src="http://oasis.bindubai.com/download/soos/welcome33.gif" align=baseline border=0>

السموووووحه
عيناويووووو
<IMG src="http://oasis.bindubai.com/emoticons/shutup.gif" border=0>

**الحمرة** · 09-12-04 ||, 02:21 AM

العــــــــــــ ــــــــيناوية

لـــــــيش اتذكرينا باليوم المشؤوم الي مر علينا؟!!
والله كلنا ردينا مصدومات و متغصصات!!
معقولة وصلوا لهل مواصيل؟!!!

أصلن ما حسيت أنيه كنت في الأمارات حسيت كنت في الكويت !

أنا ما أدري كيف البنات ساكتات عن كل هذا؟!! لو الدكتور خلنا نقعد شوي أكثر كان سويت شي على الأقل أفش حرتيه في البنات إلى قاعدات امجابلات الشباب يتضحكن و يسون حركات 

بس مثل ما قالت اختيه خربوطة كان في بنات وايد محترمات عمارهن و محتشمات!

بس بعد وين أهلهن عن كل هذا؟!!!!!!!!&# 33;
<IMG src="http://oasis.bindubai.com/emoticons/fa55.gif" border=0>
أنا متأكدة مليييييييييييييييييييييون بالمئة ان الأهل ما يدرون عن إلي صاير وإلا والله ما شفتوا حد من البنات امداومين

أنا كنت أستغرب ليش خوان قرايبيه يكرهون كلية دبي و ما يسمحون لخواتهم يدرسون فيها

الحين عرفت السبب و الله ما ألومهم إلا طلعوا صدق ريايل و يخافون على خواتهم من هالمصخرة إلي قادة اتصير!

اتحركن يا بنات كلية دبي أنتن بس تقدرن اتغيرن هالمنكر الي قاعد يصير!!
<IMG src="http://oasis.bindubai.com/emoticons/mad.gif" border=0>
أخ ليتنيه إلا كنت في كلية دبي والله كان قلبت الدنيا فوق روس إلي امسوين هالمصخرة
<IMG src="http://oasis.bindubai.com/emoticons/mad.gif" border=0>

**زمان أول** · 09-12-04 ||, 02:05 AM

لا حول لا قوه الا بالله

اشوي اشوي وعقب بقولون ما شي بعد التخصص الفلاني وبتيمعون الشباب كلهم في تقنيه البنات انا كان علي امتحان تحديد مستوى ما قالولي سير تقنيه الشباب ... اونه باجر عليك امتحان وتعال تقنيه دبي للطالبات عشان تمتحن قلت شكلهم مغلطين قالي لا تقنيه البنات <IMG src="http://oasis.bindubai.com/emoticons/sad.gif" border=0> بس ما سرت ...

**عذاابة الطاير** · 13-12-04 ||, 02:52 AM

اختي الحمره ....

كلامج صح ..... بس بعد في ذمتج هالشي ما يصير في جامعه الامارات و لا الكليات و لا باي مكان ....

بقولج شي ... في قصه قالتلي اياها اربيعتي و هي تدرس في جامعه الامارات ... انها دشت غرفه السير و لا اتشوف ابنيه يالسه على حظن الاستاااااااااااااااااذ .... انتي شو اتقووووووووووووووولين ؟؟؟؟

كل مكان فيه الزين و فيه الشين ... ربي يستر ع الكل ....

بس بعد برد و ابين لج شي ....

الحينه اللي قاعد يصير مب سالفه وافد ولا امواطن .. اللي قاعد يصير هو التفرقه العنصريه بذاتهااااااا ....

و بعدين مثل ما قلت من قبل انا مب راضيه على سالفه الاختلاط ... بس اللي قاعد يصير عنا في المجتمع .. يعني الوحده اذا اتخرجت اكيد بتشتغل و وين بتشتغل اكيد في دوائر حكوميه ولا وزارات ....و هالامااااااااااكن لابد لها من الاحتكاك بالجنس الاخر ... يعني شو فرقت جي ولا جي بيكونون مع بعض في البدايه و لا النهايه ... و لو قلتي البنات بيشتغلون مدرسااات .. ترا بعد المدرسات يحتكون باولياء الامور ولا الموجهيييييييييين ولا حتى العاملين في وزاره التربيه ....

عشان جي انا اقول هالشي ..... مصيرنا مهما قلنا ولا اتكلمنا الاختلاط موجود في كل مكان

و السموحه

آخـــر الــمــواضــيــع

الموضوع: الاختلاط قضية متجددة ( تقنية دبي للطالبات )

أدوات الموضوع

عرض

Hybrid View

معلومات الموضوع

الأعضاء الذين يشاهدون هذا الموضوع

مواقع النشر (المفضلة)

مواقع النشر (المفضلة)

ضوابط المشاركة