<font color='#000F22'><P align=center>الســلام عليكم ورحمه الله وبركاته...


شدني الموضوع وايد وحبيت ابدي رايي بعد قرايتي لكل الردود تقريبا

نحــن عايشين بالكــلية وادرى بالســوالف اللي تصــير ..
صحيح ان اوقات نسمع اشياء ما نشوفها لكن في وايد اوقات نسمع الاشاعات

في بداية السنــة كان عندي اساينمنت ان لازم اكتب عن شي في الكــلية وعطوني قسم الصحه عسب اكتب عنه .. وكان المفروض ان نكتب موضوعين

اخــترت الـ <FONT face="Times New Roman">Paramedics Student عسب اكتب عنهم طبعا غصب عني وفي البدايه ما حبيت هالموضوع لكن زهبت الاسئلة وسويت الانترفيو...
وكانت المقابله مع 3 شباب تقريبا و 2 من البنات اللي وياهم

</FONT>و من بين اسئلتي طرحت على الشباب سؤال ان<FONT color=#ff0000> هل هم مرتاحين في كليه ممزوره بنات..
وجوابهم كان لا
</FONT>بصراحه انصدمت.. وكان جوابهم مقنع وعرفت انهم مضايقين من وجودهم في كليه البنات
وعندي المقابله مسجلة ولو استلزم الامر بحطه بالصوت كامل..

ومقابله ثانيه مع استاذ يدرس هالتخصص ..
طرحنا عليه سؤال .. ان ليش الطلاب موجودين في dwc وكان جوابه ان التخصص اللي يدرسونه هو تخصص للشرطه وهم موظفين في الشرطه..
ووياهم مجموعه بنات .. ولازم يدرسون نفس التخصص والتخصص موجود عندنا وفكروا انهم يفتحون هالتخصص في تقنيه الشباب لكن ..
<FONT color=#ff0000 size=4>هل يحطون عشــر بنات في كليه كلها اولاد احسن .. ولا انهم يحطون عشــر طلاب في كليه كلها بنات احــسن...؟؟؟</FONT>

طبعا الاختيار الثاني هو الاحسن

والطلاب لهم اماكن مخصص في الكليه والبنات اللي تشوفونهم يالسين ويا الشباب هم من نفس التخصص وفي نفس الكلاس... وكلهم كبار وتقريبا اكثرهن معرسات
الكافيتيريا ما يرومون يدخلونها إلا في وقت معيـــن .. والكوفي شوب اظني عادي يروحون له لانه&nbsp;مكان صغــير
والمكتـبه ممزوره مدرسين ويفضلون انهم يستخدمون مكتبه كلية الطلاب لان التقسيم غير وهم مجبورين انهم يروحون المكتبه..
وكلاسات الشباب عند مواقف السيارات
ولهم مكان خاص في قسمهم حق اليلسة... ومثل ما عرفت منهم ان القوانين اللي تمشي على البنات تمشي عليهم..

ما يرومون يظهرون من الكليه إلا بعد ما يخلصون كل كلاساتهم .. وفي كلية الشباب يرومون يظهرون في وقت البريك..
وممنوع عندهم يستخدمون الموبايلات .. حلهم من حالنا,.

<FONT color=#0000ff size=4>ولو عرفت الاداره اي غلطه هم سووها على طول طرد..</FONT>

والبنت اللي محترمه عمــرها .. عمرها ما بتغلط لو انحطت في كليه كلها شباب..
والبنت اللي تبا تخترب عندها مليون طريقه غير وجود الشباب في الكليه ..

ووجود الشــباب من هالتخصص في كلية دبي للطالبات .. الكل يدري به ...
وتوقيع العقد كان بين كليات التقنية العليا

وكل هذا موجود عندي مسجل ..
....
..
.

وضحــــــت سبب وجود الشبــاب في كلية البنات .. لكن مب معناته اني موافقــه على الاختلاط...

لكن بوجود الشباب في كليتنا وبعــدمهم.. ترى الاختلاط اصلا موجود في الكلية...
ولا بوجود المدرسين المكان ما يعـــتبر مخــتلط..؟؟؟
<IMG src="http://oasis.bindubai.com/emoticons/fa36.gif" border=0>

الحــشرة اللي مستـــويه في هالمــوضوع زايده عن حــدها
وحتى لو وصل الموضوع للي يرومون يسوون شي .. ما اعتقد انهم بيغيرون شي ..



والسموحه

أوراق الورد
</P></font>