أحبك .. لو بغيت أنساك ما أقدر

[شمس]

<font color='#000000'>عمر: اسمحيلي يالهنوف اذا غلطت عليج في يوم.. تراج بعدج بنت عمي و ابغيج .. وماريد افقدج.. ( وجان يصد صوب ام خليفة) .. طلبتج يا عمتيه انج تسامحيني و ادريبج زعلانه عليه .. ومالومج على شي .. هاي بنتج و ادريبج تحبينها.. ماتمنى منج غير شي واحد.. اعتبريني شرات ولدج.. اعتبريني شرات خليفة.. و بنتج ياعمتيه مابحطها في عيوني.. لانها عيوني

الكل منصدم من رمسة عمر.. حتى الهنوف .. واكثرهم خليفة.. محد توقع انه هالكلام يظهر من عمر.. حتىابوه استغرب من رمسته و قال في خاطره من وين لقط هالكلام كله

ام خليفة: والله ماعرف شو اقولك... و انت يا عمر بتم في حسبة ولديه.. بس شرات ماقال ابوك الشور هب عندنا عند الهنوف..
خليفة تم يطالع اخته... حس انه ردها يمكن يقوي علاقته بعذابه

ابو عمر: ها يالهنوف.. شو رايج؟
الهنوف ( وهي مستحيه): م ... م ... ( سكتت)
خليفة: شو قلتي...؟؟؟؟
علياء ( بصوت واطي): يالله عاد يتريونج... رمسي

عمر حس ان الوقت توقف.. و كل شي حوله مايتحرك.. حس بغصه وماقدر يبلع ريجه.. كل شي يتوقف بكلمة من الهنوف.. كان حاط في باله انها بترد له و اكيد ما بترفضه.. تم يحرك عيونه في الغرفه.. لين ماطاحن على الهنوف... اما الهنوف فكانت منزله راسها.. و حاطه ايدها على راس بنتها سلامه.. و حست انه الكل يطالعها تمت تفكر في حياتها..تذكرت حياتها مع عمر قبل.. و مرن في بالها كل اللحظات الي عاشتها معاه.. الحلوه و المره... و عقبها رفعت عينها و ين في عيون عمر.. وفجاه تذكرت الطراق اللي ياها من عمر اخر مره.. كأن الحدث مستوي البارحه.. حتى صوت الضربه تذكرته...

ابو عمر: ها يالغاليه.. شو رايج؟
خليفة : الهنوف يتريونج.... قولي اللي في خاطرج
الهنوف: .. لا ...
خليفة: شو
الهنوف ( وهي اطالع عمر): اسمحلي يا عمي.. بس ماظن اللي بيني وبين عمر بيرجع في يوم.. سامحني يا عمي.. بس ماقدر ارجعله

عمر نزل راسه... و تم يسمع الهنوف وهي ترمس ابوه و تستسمح منه و تعتذرله.. حس بالدنيا ادور به.. سمع صوت خليفة وهو يرمس و صوت ام خليفة و عياله و الحشره .. ماقدر يركز بشي.. ماستوعب شي من اللي ينقال غير كلمة وحده... لحظة ما قالت الهنوف ... . لا
بعدهم يرمسون.. عمر شل عمره و ظهر من بيتهم... ابوه تم يزقره بس ما توايب و مارد عليه... ظهر عنهم و ركب سيارته... حس بقهر الدنيا كلها... حس بغصه .. ((( انا ترفضني.. كيف قدرت تسويبي جيه.. شو تبغي مني اكثر شو تبغي.. ذليت نفسي لها ذل و بعد ماعيبها .. ما عليه يالهنوف.. ماعليه ان ماراويتج.. والله مايكون اسمي عمر القبيسي ان ماخليتج اتصحين بدال الدمع دم )))

في ميلس خليفة القبيسي

خليفة: ظهر.. ركب سيارته بسرعه ومارمت الحقه
ابو عمر: ماعليه.. بيرد البيت
ام خليفة: لا تزعل منها يا بو عمر تراها بنتك
ابو عمر: والله اني هب حاط في خاطريه منها.. وبعدين انا روحي قايل لعمر انها مابتردله .. بس هو اللي مايبغي يصدق.. امايه علياء.. قومي طاعي ختج ...
علياء: ماعليها شر يا عمي... بس نحاتي عمر الحين
ابو عمر: حتى عمر ماعليه شر
خليفة: انا بسير اتخبر الربع و اسال عنه لانه مايرد عليه وانا اتصل به
ام خليفة: زين تسوي
خليفة: خلاص عيل بترخص عنكم
ابو عمر: شو تترخص بعد.. وانا من بيردني البيت
علياء: اتعشى عندنا عمي
ابو عمر: لافديتج.. البنات يتريني في البيت...يالله فمان الله
ام خليفة: الله يحفظك

وظهر عنهم بو عمر مع خليفة

ام خليفة: ربعي طاعي ختج جان شي فيها... حسبي الله عليها هب جنها بتموت عسب تسمع طاريه.. والحين ترفضه
علياء: هاي بنتج محد يفهم لها... والله مالوم عمر
ام خليفة: عمر غلطان كيف ما تلومينه بعد
علياء: جان هو غلط مره.. اعتذر و استسمح منها.. و المفروض هي تصلح اللي بينهم.. وبعدين هي تحبه كيف جيه ترفضه
ام خليفة: مادريبها.. روحي طاعيها
علياء: بعدين
ام خليفة: واشحقه بعدين بعد
علياء: ادريبها قافله الباب ومابتفتحلي
ام خليفة: الله يهدي سرها

في غرفة الهنوف

كانت الهنوف يالسه على الكرسي .. و مسنده راسها عالكرسي.. تمت تفكر بللي سوته.. ((( غلط اللي سويته.. ليش ماوافقت ارد له ليش... هو يحبني و اكيد ما بيعاملني مثل قبل.. عمر تغير.. بس ليش ماوافقت.. يمكن مايكون تغير.. ماقدر انسى اللي سواه فيني والله ماقدر.. ماقدر انسى كيف كان يعاملني.. حاولت انسى بس ماقدرت .. حاولت ابين لنفسي انه شي و انتهى .. بس بعده مانتهى .. بعده في داخلي .. وماقدر اظهره من قلبي و عقلي.. بس عمر.. عمر يمكن يكون يحبني.. و انا اللي ظلمته برفضي له هالمره..))) و جان يرن تلفونها... و كان المتصل (( سيد القلب ))
الهنوف ترددت قبل ماترد عليه... بس قررت انها ترد عليه و تبينله موقفها .. وخاصه انه البارحه كانت علاقتهم اروع مايمكن....
الهنوف: الو
عمر ارتبك يوم سمع صوتها
الهنوف حست بتردد عمر.. حست بغلطتها يوم انها رفضته
عمر: الو
الهنوف: عمر.. مابغيك تزعل.. ابغيك تتفهمني...
عمر ( يقاطعها): انتي تسوين فيه جيه
الهنوف انصدمت يوم سمعت نبرة ةصوته.. كلها حقد و كره.. و الم
عمر: انتي شقايل تعامليني جيه
الهنوف: ابغيك تفهمني
عمر: افهم شو.. انج ذليتيني . هاللي تبيني افهمه.. يعني عايبنج اللي استوى اليوم.. عايبتنج المذله اللي ذليتيني اياها جدام هلج.. هاللي يرضيج
الهنوف: انا ماذليتك.. انا
عمر: انتي شو.... تدرين انتي شو.. انا بخبرج انتي شو.. انتي ولا شي .. والله انج ولا شي بالنسبه لي... دام عايبنج اللي سويتيه اتحملي عيل اللي بييج
الهنوف: عمر لو سمحت اسمعني
عمر: مابغي اسمعج... خلاص ... شرات ماعفتيني حتى انا عايفنج...
الهنوف: حرام عليك لا تقول هالكلام
عمر: وهب حرام اللي سويتيه انتي... انا عمر بن عبدالله تسويبي جيه.. غيرج ماقدر يوم يذلني.. انتي الوحيده اللي ارخصتلها نفسي و فوق هذا كله تسويبي جيه
الهنوف: انت ماتحبني... انت ماتحب غير نفسك... ليش تباني يوم انك ماتحبني
عمر: صدقتي.. ماحبج ولا في يوم حبيتج
الهنوف منصدمه من رمسته
عمر: تبين تعرفين بعد... انا عمري ماحبيتج... انا خذتج بس عسب ابويه ولا انتي عمرج مايتي في بالي.. ماكنت اشوفج حتى لو واقفه جدامي.. يوم قالولي عرس و خذ بنت عمك قلتلهم منو قالولي الهنوف.. قلت كيفكم.. بس اتصدقين ماتوقعت في يوم اتزوجج انتي.. عمرج ما مليتي عيني.. ماحسيت بج حرمتيه.. ولا في يوم حبيتج
الهنوف ( و الدموع عي ويهها): شي في خاطرك بعد
عمر: هيه شي... لا تنسين اللي سويتي فيه اليوم... اسمعيني عدل .. صدقيني بتندمين على كل شي سويتيه... لا خليج تصيحين صياح عمرج ماصحتيه... لا خليج تتمنين كل لحظه الموت على انج تعيشين ... ما تفكرين تتهنين في حياتج ولو يوم ... صدقيني الهنوف.. صدقيني انج بتيني تتوسليني وتبوسين ريلي اسامحج على اللي سويتيه... حطي في بالج هالشي.. و اظن تعرفيني عدل.. و تعرفين اني بنفذ كل كلمه قلتها... هب انا اللي انذل .. حتى لو كانت المذله منج انتي..
الهنوف: خلصت
عمر: لا بعدني... اوعدج يالهنوف.. انج مابتفكرين مجرد التفكير انج تعرسين و تاخذين واحد ثاني.. بتمين طول عمرج بهالحاله لين مماتي

وجان يصك التلفون في ويهها... و الهنوف حالتها حاله... ماقدرت ترمس من الصياح اللي تصيحه.. ودخلت عليها امها...
ام خليفة: الهنوف... بلاج امايه
الهنوف ( وهي تصيح بصوت عالي): احبه يا امايه .. احبه.. بس هو اللي مايباني...
ام خليفة: كيف مايباج وهو ياينج لين بيتج.. مب مره.. اكثر عن مره
الهنوف: ماااااايحبني.... مـــــــــــــــايحبني... ليش .. ليش يوزتوني اياه... ليش خليتوني اخذه ليش.. ليش حطمتوا حياتي مع انسان مثله
ام خليفة: الهنوف شو تقولين انتي... ماسمعتي للي قاله اليوم يا بنتي الريال شارنج ويحبج
الهنوف: لا تقولين يحبني.... هذا مايحب حد غير نفسه... ااااااااااااه.. انا تعبانه والله اني تعبانه.. احس باني بموت
ام خليفة( والدموع في عينها): بسم الله عليج يابنتي.. لا تقولين هالكلام... ماعليج شر

وتمت ام خليفه بهالحاله مع الهنوف لين الفير.... كانت حالتها وايد صعبه.. عيالها رقدوا في حجرة علياء..و تمت ام خليفة مع الهنوف.. تقرا عليها سور من القرآن و تهديها ... بس الهنوف طول الليل و الدموع في عينها...</font>

[عفاريتووو]

<font color='#728FCE'>شمس تسلمين و الله عل تكملة ما قصرتي و نتريا تكملولنه ياه</font>

[سويرة]

<font color='#000000'><p align=center>

التكملة ياللله </p></font>

[أسيرة الصمت]

<font color='#000000'><p align=center>يحليلها والله الهنوف..امغربلنها عمورر<img src="http://oasis.bindubai.com/emoticons/mad.gif" border=0>

مشكورين عالتكملة
ونتريا الباجي</p></font>

[الشوق]

<font color='#000000'>شموسه ... يعطيج العافيه وما قصرتي
عاد لا اطولين علينا نتريا &nbsp;التكمله ..
قريت القصه اتحريتها للاجزاء الاخيره ..
بس يالله عاد خبرونا ...
متحرقصه ابي اعرف شو راح يصير ..

اختكم/ الشوق</font>

[سويرة]

<font color='#000000'><p align=center><img src="http://oasis.bindubai.com/emoticons/mad.gif" border=0>&nbsp;وين <img src="http://oasis.bindubai.com/emoticons/mad.gif" border=0></p></font>

[سويرة]

<font color='#000000'><p align=center>
<strong><font face="arial, helvetica, sans-serif" size=3>

<font size=5>هاذا الجزء اليدييييد
</font>
من شوق شوقي لك يا حبي و عمري
عايش ما بين الناس ضايع و هيماني..
من شفت طيفك يا طلة البدري ..
هزيت قلبي و حركت وجداني..

يوم السبت ...الظهر...

اليده كانت توها يايه من العين... و داخله بيت القبيسي و هي معصبه عالخدامه

اليده: دخلي لا بارك الله فيج من بشكاره
ام عمر: خير اميه.. بلاج محتشره؟؟
اليده: هاي الخايسه.. قامت اطول لسانها عليه..
الخدامه: ماما .. انتي واجد مشكل
اليده: محد ييبلنا المشاكل الا انتي... ذلفي يالله هاتي السامان من السياره
ام عمر: الله يهديج يا اميه... شو سوتبج انزين؟
اليده: اقول حق الدريول صك المكيف و افتح الدرايش.. نبا نتهوى شويه. قامت مسوده الويه وفتحتهن كلهن.. زين ماطيرتني بغشوتيه و عباتي.. و الهوا بارد.. زين ماتميدت انا
الخدامه: ماما... انتي عجوز.. ايجي بارد واجد ( تبردين بسرعه)
اليده: سكتي انتي ياليابسه.. هيه تراج ناريه... شو عليج انتي.. بتدخلين النار.. البطن ظاهر و الشعر ظاهر.. تبا الهوى يطير شعرها.. انتن في بلادكن اللي تظهر بطنها تراها مابتدخل النار..
ام عمر: ههههههههههههههههه... ماعليج منها... انسدحي في حجرتج لين العصر ابركلج
اليده: هيه والله.. عظامي كلها متكسره من البرد
ام عمر: ترى ظبيه بنت علي بتيج اليوم
اليده: يا مرحبا بها... زين يوم انها بتي.. يالله بسير الحجره... لا بارك الله فيها من بشكاره..


دخل عليهم بو عمر

ابو عمر: اشوف الدريول هني.. ردت امج؟
ام عمر: هيه توها واصله
ابو عمر: زين
ام عمر: وشو عن الهنوف؟
ابو عمر: تراج من البارحه حاشرتني... وانا خبرتج البنيه ماتبغيه
ام عمر: بس
ابو عمر: لا بس و لا شياته.. خلاص السالفه انتهت و لا تفتحونها مره ثانيه
ام عمر: والله انه عمر غامضني
ابو عمر: شو نسويبهم يعني
ام عمر: ادري انه عمر غلط.. بس تراه يحاول يصلح غلطته.. و الهنوف المفروض تحاول تصلح اللي بينهم
ابو عمر: الهنوف انا مربنها و ادريبها عدل... هيه ما طاعت ترد لانه تدري انه عمر عمره مابيتغير... وكل واحد حر بحياته.. وهي عاجل و تدري بمصلحتها
ام عمر: انزين .. وعمر وينه؟
ابو عمر: خليفة اتصلبي اليوم و قالي انه بايت في الشقه
ام عمر: رد يبات في الشقه روحه.. لاحول ولا قوة الا بالله.. عقب ماعتدل حاله .. رد شرات الاول
ابو عمر: هو هب صغير و يعرف مصلحته زين مازين...
ام عمر: و السفر... ؟ انا اقول بلاها هالسنه
ابو عمر: و الريم... لا لا واعدنها نسافر.. وبعدين اذا قعدنا هني شو بنسوي..بنسير نستانس و نفرح البنيات
ام عمر: على كيفك....بسير انجب الغدا..
ابو عمر: تعالي تعالي.. بغيتج في سالفه
ام عمر: خير
ابو عمر: سيف الكعبي ملعوزني تلعويز.. و عيزت وانا ارده
ام عمر: بلاه بعد.. شو يبغي؟
ابو عمر: شو يبغي بعد... الريم
ام عمر: تراك رديت عليه و قلتله ماعندنا بنات للعرس
ابو عمر: بس هو هب راضي يقتنع.. كل يوم والثاني اشوف حد من هله عندي في المكتب وانا الصراحه استحيت من كثر مارده
ام عمر: وانت شو رايك؟
ابو عمر: الريال زين..بس المشكله
ام عمر: شو؟
ابو عمر: سالت عنه و ماسمعت عليه شي... بس فيصل يقولي انه راعي مشاكل و مغازل
ام عمر: يا بو عمر كل الشباب جيه... و لا تنسى عيالك.. بس الواحد يتغير يوم يعرس
ابو عمر: يعني انتي مواافقه
ام عمر: مادري والله... مابغيها تعرس قبل خواتها الكبار
ابو عمر: خلا ص عيل
ام عمر: شو اللي خلاص؟
ابو عمر: برده شرات كل مره
ام عمر: بس شكله يباها و شارنها
ابو عمر: ماعرفنالج.. توج تقولين ماتبغينها تعرس قبل خواتها الكبار
ام عمر: هيه.. بس يمكن الريال زين ليش انفرط به
ابو عمر: لا حول... شو اقوله الحين؟
ام عمر: تدري... خلنا نسافر.. و يوم بنرد يصير خير...

وكانت ريم واقفه ورا الباب تسمع اللي يقولونه... استانست يوم عرفت انه سيف بعده يبغيها... و اضايجت في الوقت نفسه يوم ابوها قرر يرده...

عذابه: شو تسوين؟
ريم: ها... ماشي
عذابه: وليش واقفه عند الباب؟
ريم: بس جيه
عذابه: ابويه وصل
ريم: هيه...
عذابه: وانتي طبعا يالسه تسمعين
ريم: شو اسمع بعد
عذابه: عيل
ريم: سمعت ابويه يرمس امايه عن سيف
عذابه: اها.. السالفه فيها سيف.. وشو قال عنه؟
ريم: طلبني مره ثانيه.. أي ثانيه .. قولي العشرين
عذابه: وشو قاله ابويه؟
ريم: رده
عذابه: زين
ريم: وليش زين بعد
عذابه: انتي تبغينه؟
ريم ( وهي مستحيه ): و ليش هالسؤال؟
عذابه: عيل ليش زعلتي يوم رده ابويه
ريم: المفروض يشاوروني؟
عذابه: وافرضي انهم شاوروج.. شو رايج؟
ريم: مممم..... ماعرف
عذابه: شو ماتعرفين بعد.. يا هي يا لا
ريم: هيه ... بسير عند حمدوووه...... ( وربعت فوق)

عذابه ابتسمت من رد ريم.. و تاكدت انها تحب سيف.. حتى لو ما بينت لحد شعورها.. ودخلت الصاله عند ابوها و امها..
عذابه: هلا ابويه
ابو عمر: هلا والله...
عذابه: ها ابويه.. بشر شو استوى البارحه.. شو قالت الهنوف.. بترد.؟
ابو عمر: وين بترد... لا لا .. ماطاعت
عذابه ويمت يوم سمعت الرد... كانت حاطه امل في رجوع الهنوف.. و طبعا اذا ردت الهنوف اللي بينها و بين خليفة بيعتدل..
عذابه: يعني ماتبغيه
ام عمر: هيه قالت انها ماتريده
عذابه: و عمر.. شكله البارحه وايد واثق من نفسه.. شو استوابه؟
ابو عمر: لا تنشدين عنه.. يوم سمعها وهي تقوله لا شل عمره.. ولين الحينه مارد
ام عمر: الله يعينك يا عمر .. و يسرلك امورك
عذابه: يعني مابيسافرون معانا هالسنه؟
ابو عمر: الهنوف ما طاعت.. وخليفة مابيروم يهد امه و خواته..
عذابه: يعني بنسافر رواحنا
ام عمر: هيه.. شو بنسوي بعد.... عذوب... وين بتسيرين... تعالي.. الحينه الغدا بيزهب
عذابه: مابغي اتغدا ... ( راحت حجرتها)
ام عمر: مادري شو اخرتها ويا عذوب
ابو عمر: عن شو تطرين؟
ام عمر: عن خليفة
ابو عمر: بلاه؟
ام عمر: شو بلاه بعد...ماندريبه جان بعده يبغيها ولا لا
ابو عمر: اكيد يباها..
ام عمر: بس السنين تمر و ماشوف شي يستوي بينهم..و حرام تضيع حياة البنيه.. وانت تدري وايد خطبوها بس انت اللي تردهم
ابو عمر: انا قايلج الف مره.. محد بياخذ عذابه غير خليفة
ام عمر:بس خليفة
ابو عمر: لا بس و لاشي.. خليفة ولد عمها واولى بها.. وانا مابغي غيره ياخذها ...
ام عمر: تعال... و الغدا؟
ابو عمر: تغدوا رواحكم

في حجرة عذابه..
خلود: عذوب..بنسير ميركاتو.. بتين؟
عذابه: لا مالي بارظ
خلود: كلنا بنسير.. قومي يالله.. بنتشرا حق السفر
عذابه: مابغي اسير..
خلود: بلاج
عذابه: مضايجه
خلود: من شو؟
عذابه: من كل شي... كل شي حولي يضايجني... امايه .. وابويه.. عمر.. الهنوف... حتى خليفة . حتى خليفة
خلود: عن شو تطرين؟
عذابه: مادريتي انه الهنوف ردت عمر...
خلود: خبرتني علايه
عذابه: الحين انا شو مصيري
خلود: وانتي وشلج.. ؟
عذابه: عمر و الهنوف هم اللي يقررون مصيري
خلود: انتي شو تخربطين
عذابه: يوم اتزوجوا الكل قال.. خليفة بياخذ عذابه.. ويوم اطلقوا.. خليفة ابتعد عني.. والحين .. شو بيستويبي
خلود: ما بيتسويبج شي.. خليفة يحبج و صدقيني بياخذج
عذابه: تدرين.. قبل كنت واثقه من هالشي.. عمري ماشكيت في لحظه انه خليفة مابيكون ريلي... من وانا صغيره حاطه في بالي هالشي.. خليفة لي انا وانا لخليفه...والحين كل شي تغير.. كل لحظه تمر فيه افكر اذا في يوم بتزوج خليفة ولا بكون لانسان غيره..قبل كنت اكابر يوم اشوف خليفة.. اتغلى عليه و ازعل عليه.. لاني ادري انه بيكون لي .. نهايتنا مع بعض لو شو ما صار.. بس الحينه اخاف افقده.. والله اخاف..
خلود: لا تخافين... قلتلج خليفة لو عرس ما بياخذ غيرج..
عذابه: ظنج بعده يحبني؟
خلود: الا يموت فيج
عذابه: من زمان ماشفته.. حتى يوم رد من القنص سلم على امايه و يدوه.. وماسلم عليه
خلود: انتي في حجرتج مانزلتي.. ليش تلومينه بعد
عذابه: تذكرين هاك اليوم .. يوم سرنا ليوا
خلود: ههههههههههههههههههه... حليله...
عذابه: احيد كنا مزاعلين.. اتصدقين انه كان يقولي اللي تبينه بسويلج اياه.. بس لا تبتعدين عني..خلود؟
خلود: نعم
عذابه: احبه..
خلود: ههههههههههههه.. ماسمعت
عذابه: اقولج احبه
خلود: وانا شو تبيني اسوي
عذابه: مادري
خلود: اقول قومي يالله بنسير.. وهناك في المول اصرخي على راحتج وقولي احــــــــــــبــــــــــ ــــه
عذابه: اوكي....

احب حبك يا حبي العذري ..
يا حب ساكن وسط قلبي و شرياني..
يخفق بحبك قليبي في وسط صدري ..
يهتف باسمك غناتي طول الزماني..

ميركاتو....

دخلن البنات المركز...وتمن يحوطن من محل لمحل...ومروا حذال الكوفي شوب فوق... و الشباب طبعا مايقصرون... متفيزرين هناك...

عذابه: اوف ماكثرهم.. ماروم امر هني
حمده: شو بتسوين يعني... بتناقزين
ريم: ليش لا... يالله عذوب.. وانا بشجعج
خلود: لا والله... بتفضحونا انتن
عذابه: غشوتيه خفيفه... مادري اليوم الشباب بتيمعون..
حمده: هالموضه انزين...
عذابه: أي موضه انتي بعد.. جني هب متغشيه
ريم: ومن قالج تلبسين هالشيله
عذابه: وانا شو عرفني ان المركز متروس شباب.. واليوم السبت.. هب الخميس
خلود: عادي...السبت و لا الخميس.. دوهم متفيزرين هني..

اجدمن البنات ما عدا عذابه... الا كانت تستحي تمشي..و الشباب يناظرونها.. وهي تمشي جان يقوللها واحد فيهم...

... يا ويل حالي.... ماقتل قلبي سهام...ولا طعن جوفي رماح... ايه والله ماذبحني غير واحد.. قال احبك ثم راح....

وتموا الشباب يضاحكون على رمسته.. وعذابه شوي وبتموت من المستحى... حمده صدت اطالعها.. و شافتها شوي و بتطيح.. &#92;

وبين الشباب... صد واحد يطالع البنيه اللي يرمسها ربيعه... و يوم شافها انصدم... عرفها.. واستئذن من ربعه و نش عنهم...

خلود: عذوب بلاج
عذابه: ماروم اصلب عمري... سمعتي شو قال...
ريم: ماعليج منه
عذابه: ياربي . يا فضيحتيه..
خلود: قومن نظهر عيل
ريم: بس ماشريت لي شي..
خلود: انتي اللي مايعيبج شي..
ريم: شو رايكن نسير الشارجه.. بنسير صحارى
خلود: الحين؟
ريم: شو فيها... توها الساعه 6
عذابه: لا لا .. بنرد البيت
ريم: شو نرد البيت... باجر الدريول مابنحصله.. امايه تحتايه
خلود: خلنا نسير السياره و نتفاهم.. حمدوه بلاج؟
حمده: مابتصدقون من شفت
ريم: وين؟
حمده: في الكوفي
خلود: منو؟؟؟

وتوهن وصلن السياره....

حمده: هذا .. (هي تاشر على الي واقف حذال سيارتهم)
ريم: رحنا فيها..
خلود: الله يستر.... هلا والله
خليفة: هلا وغلا.. اشحالكن؟
حمده: بخير الله يسلمك.. شو هالمفاجاه الحلوه .. توك واصل صح ( تستهبل اونها)
خليفة: لا والله.. اظنج شفتيني داخل
ريم: شو اخبارك خليفه... لك وحشه اتصدق
خليفة: شو تسون هني
حمده: نتشرا حق السفر
خليفة: رواحكن؟
خلود: منو بييبنا يعني.. امايه عندها عرب في البيت
خليفة ( وهو عيونه على عذابه طول الوقت.. وعذابه منزله راسها مابتغي تشوفه): كيف تمشن بين الشباب جيه؟
ريم: شو نسوي يعني... وبعدين ماسوينا شي غلط
خليفة: هب عيب اللي استوا يعني... كيف ترضن على عماركن تسمعن هالرمسه من الشباب
حمده: ما حصل الا الخير...
خليفة: انا صح مالي خص فيكن... بس مارضى الغلط عليكن
خلود: خليفة انت هب بس ولد عمنا.. انت اخونا و المفروض تحاسبنا اذا غلطنا.. بس تدريبنا عدل وتدري انه اللي استوى احنا مالنا خص فيه
خليفة: السموحه اذا ادخلت في شي ما يعنيلي.. بس حرمتيه بينكم... ومارضى عليها..
عذابه استانست يوم سمعت الكلمه منه... (((حرمتيه ))) فديته والله.... ااااااااااااااااه كيف احبه و احب صوته و اسمه و كل شي فيه... يارب متى بتجمعنا.. يا رب لا تفرقنا.. لا تبعدني عن اللي ملك روحي و قلبي. لا تبعدني عن اللي روحي بحبه شغوفه...

ركب خليفة سيارته... واللي كانت قريبه من سيارتهم.. واول ماشغل السياره شغل المسجل...

ماقلتي يالغلا وش حالها عيونك ترقب طيوفي او ان النوم غالبها
ما قلتلي انت تحب ومن هو مضنونك واللي تحبه احاسيسك يحس بها

و رو ح عنهم خليفة.. اضايج من اللي الموقف اللي صار... وخاصه انه عذابه هي اللي تعرضت لهالموقف..

يا من يبيعك و أنا بروح لك اشري..
أفديك بروحي يا عالي الشاني..
لا ما نسيتك لو العمر بي يجري..
إذا نسيتك قول مات و خلاني..

في السيارة

ريم : حرمتيه بينكم و مارضى عليها (تقلد خليفه)
عذابه: بسج عاد.... غاديه متو كل شوي تعيدين هالجمله
خلود: الصراحه عيبني خليفه
حمده: حتى انا.... يا حظج يا عذوب
عذابه: أي حظ هذا اللي تحسديني عليه
حمده: على خليفة... والله انه هالانسان بيموت عليج
خلود: وانا اشهد
عذابه: شو فايدة الحب دامه ما بيستمر
ريم: شو اللي ما بيستمر
خلود: عذوب... كمن مره اقولج خليفة يحبج و يباج
عذابه: مادري والله... عقب اللي صار بين الهنوف و عمر هب متاكده من شي
حمده: لا تخافين... اذا من نصيبج مافي شي في الدنيا بيفرقكم
</font></strong></p></font>

[راع7ي]

<font color='#000000'>مشكـــــــــــورة اختية سويرة على التكملة

ونتريا القبها</font>

[سويرة]

<font color='#000000'><p align=center>
<strong><font face="arial, helvetica, sans-serif" color=#990000 size=4>
السموحة منك يالعيناوي و شمس
بكمل عنكم القصة

<font color=#333333>تفضواا الجــــــزء
</font>

شفتك ولا ظنيت بهواك
ماهو بكيفي غصب عني
لا والذي في الكون سواك
صدق المشاعر لك خذني

يوم الاثنين

في هاليوم موعد سفر قوم القبيسي... طبعا عمر ماطاع يسافر مع انه امه حاولت تقنعه و خاصه انه الهنوف و هلها مابيسافرون معاهم بس عمر ما طاع... و بعده كان يبات في شقته و مارد بيت هله...


في بيت عبدالله القبيسي

اليده: يا بويه اشعنه ما تبا تسافر ويانا هالبلاد.. شو يسمونها.. سوسرا .. شو بتسوي هني روحك في البلاد؟
فيصل:اسمها سويسرا .. وبعدين قلتلكم مابغي اسافر ويا حريم.. لو خليفه بيسافر جان سرت معاكم.. بس روحي لا
ام عمر: ويديه انا.. ترى ابوك معانا
فيصل: شو اسوي في ابويه؟؟ تراه طول الوقت بيتم معاكم و انا تبيني احوط روحي شرات الخبله
اليده: شو خانتك انت ها... المفروض تجابل خواتك بدال القعده هني
فيصل: ابويه عندكم و مابيقصر في شي...
ام عمر: الحين عمر هب طايع يسافر عسب الهنوف و انت ماتبغي تسافر يوم دريت انه خليفة هب معانا .. عنبوكم نحن الا مسافرين كشته .. و ليش الحشره هاي؟
فيصل: انشدي الهنوف .. انا وشلي يظاربون و يحطون حرتهم عليه.. بتخبركم اشعنه هي ما طاعت ترد ها.. صدق انه الحريم مشاكل مول ما يعيبهن شي
اليده: اسمعوا ها... هب جنه بتاخذلك عقب حرمه
فيصل: لا طبعا.. انا اعرس.. بعدني ما ينيت عسب اخذلي وحده تظهرلي قرون
ام عمر: هههههههههه الله يغربل ابليسك...
اليده: لا فديتك عرس بتعرس .. برضاك ولا بدونه
فيصل: جيه حرمه تحيديني... ليش اعور راسي و اتزوج
ام عمر: العرس هو اللي بيصلبك و بيخليك تودر خرابيطك هاي
فيصل: أي خرابيط الله يهديج يا امايه
ام عمر: نسيت اتخبرك... شو قايل حق ابوك عن سيف الكعبي
فيصل: منو سيف... هيه .. عرفته... بلاه
ام عمر: ابوك يقول انك سامع عليه رمسه
فيصل: الناس تقول
اليده: الناس دومها ترمس ... و اشحقه تتبلون عالولد
فيصل: والله يا اميه ما شفت شي عليه... بس اللي وصلني خبرتكم عنه وانتو عاد سووا اللي تبونه
اليده: انا اشوف ان الولد شارينا... و ما يحتاي نرفضه
ام عمر: ان شاء الله عقب مانرد بيصير خير..

ودخل عليهم بو عمر...

ابو عمر: زين يوم حصلتك هني.... خذت الاوراق من المكتب
فيصل: هيه عندي
ابو عمر: زين.... باجر اباك توديهن البنك هب تنسى
فيصل: ان شاء الله...
ابو عمر: ولا تنسى ترمس بن ضاحي عن المحل
فيصل: يصير خير
ابو عمر: هيه .. و الاوراق اللي فوق التلفزيون ابغيك توديهم عند علي الرميثي في العين
فيصل: ان شاء الله.... حشا هب سفر اللي بتسافره... تشوفني ياهل جدامك مافهم... انت سافر و ما عليك من شي
اليده: صدقه...جيه محد يشتغل غيرك يا بو عمر... خلاص اليوم بنسافر و انت تفتكر في الشغل
ابو عمر: شو اسوي... هذيله محد يعتمد عليهم... لو عمر ما بقوله شي.. بس فصول دومه مهمل و ما يفتكر في شي
فيصل: افا يا بو عمر... هذا ظنك فيه... بس ما عليه مقبوله منك
ابو عمر: انزين منو بيوصلنا المطار؟
فيصل: انا و خليفة بنوديكم
ابو عمر: زين
ام عمر ( و نبرة الحزن في صوتها) : و عمر ؟
ابو عمر تنهد يوم سمع اسم عمر
اليده: عمر ما عليه شر... ريال و يعرف شو يسوي
ام عمر: بس ما يهون عليه... هذا ولديه وماروم اشوفه يتعذب
فيصل: شو يتعذب يا امايه.. عمر عايش حياته و هب مفتكر في حد.. ولا تخافين عليه... مابيصيبه شي
ام عمر: الله يهديهم بس
اليده: بسج انتي و قومي طاعي بناتج...عنبوهن من الصبح متفيزرات في حجرهن..



في حجرة خلود

ريم: ها البنطلون وايد ضيج... مابروم البسه
خلود: لا فديتج... انتي ما ترومين تلبسينه لانه محد بيخليج
ريم: ليش يعني
خلود: توج تقولين ضيج
ريم: ابويه ما بيقولي شي
خلود: و يدوه اللي بتلعن الخير فيج
ريم: هههههههههههههههه صدقج والله.. انزين و هالقميص شو رايج فيه
عذابه: متى خذتيه؟
ريم: هاك اليوم في صحارى
عذابه: اتصدقين ما شفته
ريم: مالومج... عقب ما شافت حبيب القلب نست الدنيا و ما فيها
عذابه: والله انج متفيجه
ريم: ههههههههههههههههههههههه تذكرون هاك اليوم.. يا حليلك يا خليفه.. والله غامضني
خلود: انحرق ويهي يوم شفته واقف عند السياره.. بس الصراحه خليفه هذا مافي منه.. ريال وينظرب فيه المثل
ريم: صدقج
عذابه: يعني الحين ماعندكن شي ترمسن عنه غير خليفه
خلود: احيدج تفرحين اذا يبنا طاريه
عذابه: افرح بس
ريم: بس شو
عذابه: ماشي ... وينها حمدوه... شلت القميص و لين الحين ماردته
خلود: انسي القميص عيل.. الحبيبه ترمس روميو
ريم: اتصدقين من الصبح ماسكه التلفون و تهذرب وياه.. حشا هب حب هذا
خلود: انتي شو عرفج اصلا... حليله شهر ما بيشوفها
ريم: خير يا طير... شو فيها لو شهر ما جابلها بيموت يعني...
عذابه: محمد عادي يسويها


وتدخل عليهن ام عمر

ام عمر: ها زهبتن اغراضكن
خلود: هيه... متى بنظهر
ام عمر: عقب صلاة المغرب
ريم: و فيصل ماطاع يسافر
ام عمر: لا ما طاع .. يقول مايبغي يسافر ويا حريم روحه
عذابه: هذا ولدج سخيف... انزين منو بيودينا؟
ام عمر: فيصل
خلود: السياره ما بتكفينا
ام عمر : هيه .. خليفة بيي بعد... ( وظهرت عنهن)
ريم: سمعتي يا روح امج.. خليفه بيي
عذابه: اتخيلوا بشوفه .. لا لا ماصدق
خلود: صدقي.... انا بسير اطالع حمدوه ( ظهرت عنهن)

ريم: عذوب ... شو احلى .. القميص هذا .. ولا اللي فوق الشبريه
عذابه: مادري
ريم: عذوب التلفون يرن... روحي شليه
عذابه: ريمو هب متفيجتلج.. روحي انتي
ريم: اوووف


حاولت اصبر عنك و انساك
لكن روحي لك تحني
اتخيلك في يوم لقياك
يوم الصدف فيك اجمعني

و راحت ريم صوب التلفون

ريم: الو
سيف: مرحبا الساع
ريم تصنمت و مارامت ترمس او حتى تتنفس ((( هذا سيف ... يا ويلي انا ... هذا سيف )))
سيف: بلاج ساكته
ريم: خير
سيف: الخير في ويهج... بس حبيت اودعج قبل ما تسافرين
ريم (( يعرف اني بسافر بعد...))): و ليش تودعني بعد.. جيه اعرفك و لا انت تعرفني
سيف: اكيد اعرفج حد ينسى قلبه
ريم: لو سمحت اظنك مغلط في الرقم
سيف: ريم فديت روحج لا تصكين... خليني اسمع صوتج .. خليني اتهنى شوي قبل ما تفارقيني
ريم: ايه انت.. شو افارقك بعد... انت ما تستحي كل ماسير مكان اشوفك ولا اسمع صوتك... حتى في بيتنا
سيف: والله الود ودي مافارقج دقيقه
ريم: انت الصراحه قليل الادب.. شو هالرمسه بعد عيب عليك.. اللي ناقص تقولي بلحقج بعد...
سيف: والله لا اسويها
ريم: الصراحه ما ينفع ارمسك عدل
سيف: انزين اصبري
ريم: نعم
سيف: انا
ريم: انت شو؟؟؟
سيف: احبج
ريم ماقدرت تبلع ريجها.... و تمت تحرك عيونها عسب تشوف اذا كان حد عدالها ولا لا... و عقبها انتبهت للتلفون و جان تصكه في ويه سيف.... و دخلت الحجره

عذابه: منو اللي اتصل
ريم: ها...
عذابه: بلاج... اقولج منو اللي اتصل؟
ريم: مابتصدقين
عذابه: خليفة؟
ريم: أي خليفة انتي بعد....
عذابه: عيل منو؟
ريم: سيف
عذابه: صدق
ريم: هيه والله
عذابه: و اشحقه متصل؟
ريم: اونه يودعني
عذابه: وانتي شو قلتيله؟
ريم: شو بقوله يعني... ماشي صكيت في ويهه
عذابه: المفروض نخبر امايه عنه... هب حلوه كل يوم يتصل
ريم: شو تخبرينها ... لا لا مافيه عالمشاكل
عذابه: يعني عايبتنج اتصالاته
ريم: لا هب جيه.. بس مابغي اميه تفهمني غلط.. عقب مانرد بخبرها هب الحين



في حجرة حمده
كانت حمده يالسه عالكرسي و ترمس محمد عالتلفون...

حمده: المهم بخليك الحين
محمد: شو بتخليني ... تو الناس
حمده: شو تو الناس تدري انت من متى وانا ارمسك
محمد: شو فيها .. حرمتيه و بعدين انتو بتظهرون عقب الصلاه
حمده: انزين .. وانا بسير اتلبس
محمد: والله يا حمده مادري اشقايل بروم اعيش من دونج هالشهر
حمده: اللي يسمع الحين مابتصلبي
محمد: كل يوم برمسج .. بس بعد غير يوم احس انج قريبه مني.. ترى من الحين اخبرج عقب ماتردين بنحدد موعد العرس
حمده: محمد احنا رمسنا قبل عن هالسالفه... عقب ماخلص دراستيه بنحدد... و بعدين ما بقالي شي
محمد: ما عليه يصير خير... المهم اتحملي على عمرج
حمده: ان شاء الله غناتي... و انت بعد
محمد: حمدووه
حمده: هلا
محمد: خلاص ماشي
حمده: في خاطرك شي؟؟
محمد: سلامتج
حمده: مع السلامه
محمد: وداعة الله

و عقب ماصك عنها طرشلها مسج
((( المشكلة هب مشكلة اشوفك ولا اجيك... المشكلة بعد ما اشوفك كيف اخليك )))

و عقب صلاة المغرب تلبسوا وروحوا المطار .... في سيارة فيصل ركبوا ابوه و امه و يدتهم و خلود. و في سيارة خليفة حمده و ريم و ... عذابـــــــــــــه


في سيارة فيصل:

ام عمر: ماوصيك يا فيصل طالع اخوك... و قوله يتصلبي كل يوم
فيصل: ان شاء الله
ابو عمر: ولا تنسى الاوارق فوق التلفزيون... ودهن العين
فيصل: ان شاء الله
اليده: فصول... جانك بتسير العين شل الاكياس في حجرتيه وودهن بيت خالتك
فيصل: ان شاء الله.. و انتي خلود هانم .. ماتوصيني بشي
خلود: هههههههههههه سلامتك
فيصل: الحمدلله... مادري ليش احس عمري بشكاركم
اليده: اذا نفعتنا منو بينفعنا عيل
ام عمر: صدقج
فيصل: الحمدلله انه طلباتكم خلصت
ابو عمر: اوه نسيت اخبرك
فيصل: ( بصوت واطي) لا حول ... ها ابويه شو في خاطرك بعد؟
ابو عمر: اريدك تزور عيال اخوك و تطمن عليهم.. ولا تنسى تاخذلهم مصروفهم
خلود: الهنوف مابطيع تاخذ
ابو عمر: برايها.. المهم ان الفلوس توصلها و هي حره عقب تاخذهن ولا ترفضهن

ام عمر: الله يهديهم .. بس لو اعتدل كل شي جان ارتحت من هم فيصل
فيصل: شو يخصني انا؟
ام عمر: كنت بخطبلك علايه بنت عمك
فيصل: قلتلكم الف مره مابغي اعرس
اليده: واشعنه ماتعرس .. اللي اصغر عنك معرسين و عندهم عيال
فيصل: والله كل واحد حر بحياته .. والا انت شو رايك يا بو عمر؟
ابو عمر صد صوب عمر و طالعه بنظره و عقب صد الصوب الثاني
خلود: لا تغصبونه على شي
فيصل: صح لسانج
خلود: بس في يوم بتندم لانك فرطت في بنت عمك
فيصل استغرب من رمسة خلود
اليده: صدقها خلود... البنيه زينه و مافيها شي ينعاب... و اكيد وايد بيخطبونها
فيصل حب يغير الموضوع جان يقوم و يشغل المسجل ....


في سيارة خليفة
خليفة: ههههههههههههههه والله انج سوالف يالريم
ريم: توك تدري... شو تباني اسوي يعني .. من الصبح ساكتين تقول سايرين عزا... قلت اسولف ابرك
حمده: ماحيدك يا خليفة تسكت... احيدك راعي سوالف و ضحك
خليفة: والله ماعندي شي اقوله... ارمسن انتن و انا بسمعكن
ريم: ها.. هب انت اللي بس ساكت... حتى العفريته هاي ( و هي تاشر على عذابه)

عذابه طول الدرب ساكته و مانطقت بحرف... يمكن لانها منحرجه من خليفه من اخر موقف استوى بينهم.. او يمكن شافته مايعبرها و لا يرمسها شرات مايرمس خواتها.. كانت صاده صوب الدريشه

حمده: اقول خليفة ... ليش ما تسمعنا صوتك
خليفة: هب وقته الحين
ريم: انزين حطلنا أي شريط عندك
خليفة: فالج طيب

ظهر شريط و جان يشغله.. و طبعا بصوته الغاوي... اللي صدق كان حلو و مؤثر

انا الغريب انا الغريب انا الذي دمعي سكيب
انا المولع بالغرام يا عزوتي منهو يجيب
اهيم و الذكرى عذاب و ضاع الامل و اصبح سراب
خذ مني الوقت الشباب و شيبت انا قبل المشيب
وفيت خلي ماوفى صفيت و لكن ما صفى
ناس سعونا بالخفا و اصبح عالفرقا غصيب
شفته و عيني دمعت ونار الوفى ولعت
ودعوا روحي وودعت وقال الهوى قسمة و نصيب


عذابه كان سرحانه بافكارها بس يوم سمعت صوت خليفة انتبهت... تمت تسمع الكلمات عدل... و خنقتها العبره يوم سمعته يقول ((( الهوى قسمة و نصيب ))) ..

ماندري شو اللي يمكن يصير في حياتنا.... لانه دوام الحال من المحال... و يمكن الانسان اللي نتحراه بيتم معانا طول العمر... بنفقده في يوم و ليله ....

اشتاقلك و الشوق جدواك
و نظرات عينك شوقني
دايم علي اتمر ذكراك
ومن الشوق قلبي متعبني
ودي بشوفك لا عدمناك
في العمر تبقى ملازمني

وصلوا المطار ... و جهزوا تذاكرهم ... و يا وقت سفرهم... ودعوا فيصل و خليفة..
خليفة ما طاع يدخل معاهم.. يمكن قلبه كان يعوره يوم يشوف عذابه اطالعه بنظرات... و فيصل دخل معاهم .... و جان توقف عذابه... صدت حمده صوبها
حمده: بلاج
عذابه: نسيت شي
حمده: شو؟
عذابه: الحين برد ((( و ردت عنهم ... صوب خليفة)))

خليفة كان يطالع عذابه يايه صوبه... استغرب... بس نبضات قلبه تزيد كل ما تتقرب منه

خليفة: نسيتي شي؟
عذابه: هيه
خليفة: شو؟
عذابه : تفضل (( عطته ميداليه عالويه الاول عليه حرف خ و الطرف الثاني حرف ع ))
خليفة ( وهي يبتسم ) : تسلمين
عذابه: يسلم غاليك ( و مشت عنه )
خليفة: عذابه
عذابه: هلا
خليفة: اتحملي على عمرج
عذابه: ان شاء الله....



وطارت الطياره لسويسرا .... و القلوب متباعده ...تتوقعون يمكن اللي بين حمده ومحمد بيتغير ؟؟؟
و عمر ... شو بيكون مصيره مع الهنوف؟؟؟
و فيصل بيغير رايه و بياخذ بنت عمه علياء ؟؟؟
سيف الكعبي صدق يحب ريم... ولا مشاعره مجرد لعبه و تسليه؟؟
ولا تنسون الحب الكبير.... ((( عذابه و خليفة )))
</font></strong>
</p></font>

[شمس]

<font color='#000000'>السلام عليكم

مشكووووووووووووورة سويرة و انا بكملها اللحين

.................................................. ...............

<span lang=ar-sa dir=rtl style="font-size: 12pt; color: #cc6633; font-family: arial; mso-fareast-font-family: &#39;times new roman&#39;; mso-ansi-language: en-us; mso-fareast-language: en-us; mso-bidi-language: ar-sa"><strong>الجزء الثالث و العشرين</strong></span><span style="font-size: 12pt; color: #cc6633; font-family: arial; mso-fareast-font-family: &#39;times new roman&#39;; mso-ansi-language: en-us; mso-fareast-language: en-us; mso-bidi-language: ar-sa">

<strong><span lang=ar-sa dir=rtl>وصلت العائلة الكريمة مطار سويسرا وكان الوقت</span><span dir=ltr></span><span lang=ar-sa><span dir=ltr></span> <span dir=rtl>متاخر... روحوا الفندق اللي كانوا حاجزينه ... وحجزولهم جناح فيه 4 غرف</span><span dir=ltr></span><span dir=ltr></span> <span dir=rtl>وصاله</span></span>

<span lang=ar-sa dir=rtl>خلود: حشا... مابغينا نوصل سويسرا</span>
<span lang=ar-sa dir=rtl>عذابه: صدقج... خسنا في</span><span dir=ltr></span><span lang=ar-sa><span dir=ltr></span> <span dir=rtl>الطياره</span></span>
<span lang=ar-sa dir=rtl>ريم: صدق ما عندكن سالفه.. اصلا احلى شي في السفر الطياره</span>
<span lang=ar-sa dir=rtl>خلود: وين</span><span dir=ltr></span><span lang=ar-sa><span dir=ltr></span> <span dir=rtl>ياه الحلا .. انا بسير غرفة يدوه برتب اغراضها.. حمده قومي يالله</span></span>
<span lang=ar-sa dir=rtl>حمده ( وهي</span><span dir=ltr></span><span lang=ar-sa><span dir=ltr></span> <span dir=rtl>تتفرج عالعالم من الدريشة): شو؟</span></span>
<span lang=ar-sa dir=rtl>خلود: تعالي بنشوف يدوه اذا تحتاي شي</span>
<span lang=ar-sa dir=rtl>حمده</span><span dir=ltr></span><span dir=ltr></span>: <span lang=ar-sa dir=rtl>روحي روحج... لازم بعد مرافق</span>
<span lang=ar-sa dir=rtl>خلود: بلاج جيه... قومي ساعديني</span>
<span lang=ar-sa dir=rtl>حمده: خلود</span><span dir=ltr></span><span lang=ar-sa><span dir=ltr></span> <span dir=rtl>فديتج... انا مالي بارض اساعد حد... خليني ارتب اغراضي اول شي</span></span>
<span lang=ar-sa dir=rtl>خلود: ما عليه</span><span dir=ltr></span><span dir=ltr></span> .. <span lang=ar-sa dir=rtl>انا ماخبرت يدوه عليج</span>
<span lang=ar-sa dir=rtl>حمده: لحظه لحظه... كنت اتمصخر... خلوووووووووووووووود</span><span dir=ltr></span><span lang=ar-sa><span dir=ltr></span> <span dir=rtl>اترييني</span></span>

<span lang=ar-sa dir=rtl>وظهرن خلود و حمده صوب يدتهم</span>

<span lang=ar-sa dir=rtl>عذابه: حمدوه تغير حالها من يوم</span><span dir=ltr></span><span lang=ar-sa><span dir=ltr></span> <span dir=rtl>ما خذها محمد</span></span>
<span lang=ar-sa dir=rtl>ريم: لازم تتغير... الحب و عمايله على قولة اخوانا</span><span dir=ltr></span><span lang=ar-sa><span dir=ltr></span> <span dir=rtl>المصريين</span></span>
<span lang=ar-sa dir=rtl>عذابه: اشوفج وايد ترمسين عن الحب و هالخرابيط</span>
<span lang=ar-sa dir=rtl>ريم: ها ... لا</span><span dir=ltr></span><span lang=ar-sa><span dir=ltr></span> <span dir=rtl>طبعا.. مارمس عن الحب ولا شي... بس ... اقول.. شو رايج نسير نتعشى تحت؟</span></span>
<span lang=ar-sa dir=rtl>عذابه</span><span dir=ltr></span><span dir=ltr></span>: <span lang=ar-sa dir=rtl>وليش غيرتي الموضوع.... عالعموم واضح انج وايد متاثره بسيف</span><span dir=ltr></span><span dir=ltr></span> ...
<span lang=ar-sa dir=rtl>ريم: ما علينا</span><span dir=ltr></span><span lang=ar-sa><span dir=ltr></span> <span dir=rtl>الحين من سيف... خبريني الحين شو رايج نتعشى تحت؟</span></span>
<span lang=ar-sa dir=rtl>عذابه: ماظن امايه و ابويه</span><span dir=ltr></span><span lang=ar-sa><span dir=ltr></span> <span dir=rtl>بينزلون.؟</span></span>
<span lang=ar-sa dir=rtl>ريم: انزين بنسير رواحنا</span>
<span lang=ar-sa dir=rtl>عذابه: ومنو بيخليج يا ذكيه</span><span dir=ltr></span><span dir=ltr></span>...
<span lang=ar-sa dir=rtl>ريم: ما</span><span dir=ltr></span><span lang=ar-sa><span dir=ltr></span> <span dir=rtl>عليج انتي ... انا روحي بقنع ابويه... قومي يالله</span></span>

<span lang=ar-sa dir=rtl>وظهرن ريم و عذابه الصاله</span><span dir=ltr></span><span dir=ltr></span> ..
<span lang=ar-sa dir=rtl>ريم ( وهي تحب راس ابوها): فديت الغالي والله يوم انه يابنا هالمكان الغاوي</span><span dir=ltr></span><span lang=ar-sa><span dir=ltr></span> <span dir=rtl>الله لا يحرمني منك</span></span>
<span lang=ar-sa dir=rtl>ابو عمر: تراه كله علشانج انتي يالريم.... كم ريم عندنا الا</span><span dir=ltr></span><span lang=ar-sa><span dir=ltr></span> <span dir=rtl>هي وحده</span></span>
<span lang=ar-sa dir=rtl>اليده: ها بدينا اشوف بدا الدلع</span>
<span lang=ar-sa dir=rtl>ريم: خليني ادلع... اخر العنقود و</span><span dir=ltr></span><span lang=ar-sa><span dir=ltr></span> <span dir=rtl>يحقلي ادلع</span></span>
<span lang=ar-sa dir=rtl>ابو عمر: اكيد يحقلج تدلعين</span><span dir=ltr></span><span dir=ltr></span>...
<span lang=ar-sa dir=rtl>ام عمر: ريمو.. شو في</span><span dir=ltr></span><span lang=ar-sa><span dir=ltr></span> <span dir=rtl>خاطرج</span></span><span dir=ltr></span><span dir=ltr></span>..
<span lang=ar-sa dir=rtl>ريم: ها.. لا لا ماشي</span>
<span lang=ar-sa dir=rtl>ام عمر: اعرفج عدل... هالكلام كله مايي الا اذا</span><span dir=ltr></span><span lang=ar-sa><span dir=ltr></span> <span dir=rtl>شي وراه</span></span>
<span lang=ar-sa dir=rtl>عذابه</span><span dir=ltr></span><span dir=ltr></span>: <span lang=ar-sa dir=rtl>شو بيكون وراه يعني... نحن بس بغينا نعزمكم عالعشا</span>
<span lang=ar-sa dir=rtl>اليده</span><span dir=ltr></span><span dir=ltr></span>: <span lang=ar-sa dir=rtl>وابويه انا... الحين هالياهل بتعزمنا عالعشا</span>
<span lang=ar-sa dir=rtl>ريم: هيه بعزمكم... ولا بعد على</span><span dir=ltr></span><span lang=ar-sa><span dir=ltr></span> <span dir=rtl>حساب ابو عمر</span></span>
<span lang=ar-sa dir=rtl>ابو عمر + ام عمر: ههههههههههههههههههههههه</span>
<span lang=ar-sa dir=rtl>ام عمر: ماقلتلكم شي</span><span dir=ltr></span><span lang=ar-sa><span dir=ltr></span> <span dir=rtl>وراها</span></span>
<span lang=ar-sa dir=rtl>ريم: ها ابويه شو رايك... خلنا نسير نتعشى تحت في الفندق</span>
<span lang=ar-sa dir=rtl>ابو عمر: بس</span><span dir=ltr></span><span lang=ar-sa><span dir=ltr></span> <span dir=rtl>تونا واصلين...ومافيه حيل انزل</span></span><span dir=ltr></span><span dir=ltr></span>
<span lang=ar-sa dir=rtl>ام عمر: صدق ابوج... تونا يايين وين تبين تروحين</span><span dir=ltr></span><span lang=ar-sa><span dir=ltr></span> <span dir=rtl>بعد... اصبري لين باجر وعقب وين ماتبين روحي محد بيقولج شي</span></span>
<span lang=ar-sa dir=rtl>حمده: لحظه</span><span dir=ltr></span><span dir=ltr></span> .... <span lang=ar-sa dir=rtl>لحظه... جني سمعت شي عن العشا و الظهرة</span>
<span lang=ar-sa dir=rtl>عذابه: نحاول نقنع ابويه نتعشى</span><span dir=ltr></span><span lang=ar-sa><span dir=ltr></span> <span dir=rtl>برع</span></span>
<span lang=ar-sa dir=rtl>حمده: فكره حلوه... بسير اتلبس عيل</span>
<span lang=ar-sa dir=rtl>ام عمر: وين وين.. ينيتي انتي... محد</span><span dir=ltr></span><span lang=ar-sa><span dir=ltr></span> <span dir=rtl>بيظهر الحين</span></span>
<span lang=ar-sa dir=rtl>خلود: عنوه تونا واصلين و تبن تظهرن.. ارتاحن انزين شوي</span>
<span lang=ar-sa dir=rtl>عذابه</span><span dir=ltr></span><span dir=ltr></span>: <span lang=ar-sa dir=rtl>انا هب تعبانه.. والصراحه يوعانه</span>
<span lang=ar-sa dir=rtl>ابو عمر: ترانا بنطلب عشا .. و بيبولنا لين</span><span dir=ltr></span><span lang=ar-sa><span dir=ltr></span> <span dir=rtl>هني</span></span>
<span lang=ar-sa dir=rtl>حمده: انزين ابويه.. اذا تعبان هب لازم تروح معانا</span>
<span lang=ar-sa dir=rtl>اليده: شو.. شو تقولين</span><span dir=ltr></span><span dir=ltr></span> .... <span lang=ar-sa dir=rtl>بتتعشى بين الرياييل روحها بعد.. صدق انج ماتستحين</span>
<span lang=ar-sa dir=rtl>ريم: شو الحل</span><span dir=ltr></span><span lang=ar-sa><span dir=ltr></span> <span dir=rtl>الحين</span></span>
<span lang=ar-sa dir=rtl>ام عمر: ماشي طلعه... بتتعشن هني ... وبسكن من الحشره هاي</span>

<span lang=ar-sa dir=rtl>ودخلن</span><span dir=ltr></span><span lang=ar-sa><span dir=ltr></span> <span dir=rtl>البنات غرفهن.... وكل وحده فيهن تتريا الليل يمر بسرعه عسب يستانسون</span><span dir=ltr></span><span dir=ltr></span> <span dir=rtl>بسفرتهم</span></span><span dir=ltr></span><span dir=ltr></span>...


<span lang=ar-sa dir=rtl>في دبي</span><span dir=ltr></span><span dir=ltr></span>...

<span lang=ar-sa dir=rtl>خليفة: اكيد وصلوا الحين</span>
<span lang=ar-sa dir=rtl>الهنوف: غريبة</span><span dir=ltr></span><span lang=ar-sa><span dir=ltr></span> <span dir=rtl>ماتصلوا عيل</span></span>
<span lang=ar-sa dir=rtl>خليفة: الليل عندهم ... يوم بيصبح الصبح اكيد بيتصلون</span>
<span lang=ar-sa dir=rtl>علياء</span><span dir=ltr></span><span dir=ltr></span>: <span lang=ar-sa dir=rtl>ياحيهم والله.. هب احنا متفيزرين هني في الحر</span>
<span lang=ar-sa dir=rtl>الهنوف: تدرين ليش البلاد متروسه</span><span dir=ltr></span><span lang=ar-sa><span dir=ltr></span> <span dir=rtl>اجانب</span></span>
<span lang=ar-sa dir=rtl>علياء: ماعرف و مايهمني</span>
<span lang=ar-sa dir=rtl>الهنوف: السبة نحن... نحن رواحنا نسمحلهم انهم</span><span dir=ltr></span><span lang=ar-sa><span dir=ltr></span> <span dir=rtl>يون بلادنا و يصيفون عندنا .. بدال مانصيف في بلادنا ندور الراحه في بلاد</span><span dir=ltr></span><span dir=ltr></span> <span dir=rtl>ثانيه...وبعدين العالم كله يتمنون الامارات</span></span><span dir=ltr></span><span dir=ltr></span>
<span lang=ar-sa dir=rtl>علياء: هنوف فديتج... روحي ضايجه</span><span dir=ltr></span><span dir=ltr></span>.. <span lang=ar-sa dir=rtl>هب متفيجه اسمع مواعظ الحين ( نشت عنهم وراحت حجرتها</span><span dir=ltr></span><span dir=ltr></span>)
<span lang=ar-sa dir=rtl>خليفة: بلاها مضايجه</span>
<span lang=ar-sa dir=rtl>ام</span><span dir=ltr></span><span lang=ar-sa><span dir=ltr></span> <span dir=rtl>خليفة: تراها متعوده على بنات عمها... وحليلها من غابت عنها عذابه وهي روحها</span></span><span dir=ltr></span><span dir=ltr></span>.. <span lang=ar-sa dir=rtl>مالها حد غير عذوب بنت عمك</span>

<span lang=ar-sa dir=rtl>خليفة يوم سمع اسم عذابه تذكرها... وتذكر</span><span dir=ltr></span><span lang=ar-sa><span dir=ltr></span> <span dir=rtl>الميداليه اللي عطته ياها... ابستم يوم تذكر الموقف</span></span><span dir=ltr></span><span dir=ltr></span>...
<span lang=ar-sa dir=rtl>الهنوف: خير خليفة... ليش</span><span dir=ltr></span><span lang=ar-sa><span dir=ltr></span> <span dir=rtl>تضحك</span></span>
<span lang=ar-sa dir=rtl>خليفة: تذكرت شي</span>
<span lang=ar-sa dir=rtl>الهنوف ( وهي اطالعه بنظره): ان شاء الله الابتسامه</span><span dir=ltr></span><span lang=ar-sa><span dir=ltr></span> <span dir=rtl>ماتفارقك</span></span>
<span lang=ar-sa dir=rtl>ام خليفة: شو حاله عمر... مارد بيتهم؟</span>
<span lang=ar-sa dir=rtl>خليفة: لا ماظن.. بعده في</span><span dir=ltr></span><span lang=ar-sa><span dir=ltr></span> <span dir=rtl>الشقه</span></span>
<span lang=ar-sa dir=rtl>ام خليفة: واشعنه ماسافر ويا هله</span>
<span lang=ar-sa dir=rtl>خليفة: والله مادريبه..... يالله</span><span dir=ltr></span><span lang=ar-sa><span dir=ltr></span> <span dir=rtl>برخصتكم</span></span>
<span lang=ar-sa dir=rtl>ام خليفة: وين؟</span>
<span lang=ar-sa dir=rtl>خليفة: بظهر ويا فيصل</span>
<span lang=ar-sa dir=rtl>ام خليفة: الله</span><span dir=ltr></span><span lang=ar-sa><span dir=ltr></span> <span dir=rtl>يحفظك</span></span>

<span lang=ar-sa dir=rtl>ام خليفة: الهنوف... البارحه يقولي خليفة انه فيصل يابلج بيزات حق</span><span dir=ltr></span><span lang=ar-sa><span dir=ltr></span> <span dir=rtl>اليهال</span></span>
<span lang=ar-sa dir=rtl>الهنوف: هيه</span>
<span lang=ar-sa dir=rtl>ام خليفة: وليش رفضيتهن</span>
<span lang=ar-sa dir=rtl>الهنوف: انا قايلتلكم الف</span><span dir=ltr></span><span lang=ar-sa><span dir=ltr></span> <span dir=rtl>مره.. أي شي من طرف عمر ماباه</span></span>
<span lang=ar-sa dir=rtl>ام خليفة: بس يا اميه هذا حق عيالج.. وهو ملزم</span><span dir=ltr></span><span lang=ar-sa><span dir=ltr></span> <span dir=rtl>يصرف عليهم... وبعدين هب هو اللي يعطيهم.. هذا عمج</span></span>
<span lang=ar-sa dir=rtl>الهنوف: حتى لو كان من عند</span><span dir=ltr></span><span lang=ar-sa><span dir=ltr></span> <span dir=rtl>عمي... ماريده</span></span>
<span lang=ar-sa dir=rtl>ام خليفة: والله ماعرفنالج.. مره تقولين انج تبينه و مره ماتبين</span><span dir=ltr></span><span lang=ar-sa><span dir=ltr></span> <span dir=rtl>حتى تسمعين طاريه... ماقول غير الله يهديج</span><span dir=ltr></span><span dir=ltr></span> <span dir=rtl>بس</span></span><span dir=ltr></span><span dir=ltr></span>.....</strong></span></font>

[راع7ي]

<font color='#000000'>مشكورة اخواتي على التكملة

وسلامي عليك يا العيناوي الخطير

الله حيا</font>

[سويرة]

<font color='#000000'><p align=center>


<font face="arial, helvetica, sans-serif" color=#990033 size=3>سويسرا

الصبح...

ريم: عذووووووووووووووووووووووو وووووووووب...
عذابه ( فجت عينها على صريخ ريم): خير بلاج... شو السالفه... شو اللي صار؟
ريم: طاعي الجو ماحلاه
عذابه: مالت عليج... انا مادري شو اللي خلاني ابات معاج في غرفة وحده.. لو بت ويا خلود ابركلي
ريم: بلاج انتي.. نشي يالله
عذابه: الساعه كم
ريم: الوقت متاخر... الساعه 7 الحين
عذابه: والله.. والوقت متاخر بعد... عيل متى تبينا انش
ريم: الفير بعد متى... ماتشوفين كيف الاجانب عايشين حياتهم
عذابه: ريموووو... اظهري برع
ريم: هب ظاهره لين ماتنشين.. ياغبيه قومي بنسير نقول حق ابويه نتريق تحت
عذابه: مابيطيع شرات البارحه
ريم: جيه كل يوم العيد... لا فديتج غصبا عنهم بينزلونا
عذابه: اذا ظهرتوا خبروني
ريم: اوف منج.. ما منج فايده
ظهرت ريم من الحجره و سارت حجرة خلود و حمده

ريم: خلود.... حمده ؟؟؟؟
خلود ( وهي ترمس حمده): حمدووه تسميعن شي
حمده ( في سابع نوم): لا
خلود: جني سمعت صوت
حمده: تتوهمين
خلود: متاكده اني سمعت شي
حمده: ارقدي احسن

ريم: خلوووووووووووووووووود...... حمدوووووووووووووووووووووو وووووووه يالله عاد حد يرد عليه

خلود: هب جنها ريماني
حمده: اوف...
خلود: صدقيني هاي الريم..
حمده: لا ماظن..
خلود: حشا هب رقاد فيج... بسير اطالع

وفتحت خلود الباب و شافت الريم و الابتسامه العريضة على ثمها

خلود: خير
ريم: صباااااااااااح الخير
خلود: بلاج
ريم: ردي انزين
خلود: صباح النور.. خير شو فيج
ريم: ماشي اواعيكم
خلود: ليش شو مستوي... يدوه فيها شي؟
ريم: لا مافيها شي
خلود: عيل اكيد ابويه
ريم: لا
خلود: اميه؟
ريم: لا لا لا
خلود: واشحقه تواعينا عيل الحين
ريم: خستن من كثر الرقاد... يلا نشن عاد
خلود: انتي صاحيه و لا شو
ريم: شو تشوفيني
خلود: صدق انج مدحوبه... توها الساعه سبع وين تبينا انش
ريم: شو تتحرن عماركن في البلاد... يا ماما هاي اجازه ولازم نقضيها في شي مفيد
خلود: يمكن تجلبين ويهج الحين.... ( وجان تصك الباب في ويه ريم)

ريم: ايه انتي.... شو هالحركات بعد... قومي يالله... حمدووووووووووووووووووه .. نشي ... شو هالحاله.. احنا يايين نستانس هب نرقد

ام عمر: ريمو....... ريمووووووووووو... شو هالزعيج بعد
ريم: اواعيهن
ام عمر: وبلاج محتشره
ريم: محد طاع ينش و الوقت متاخر
ام عمر ( تصد صوب الساعه): تخبلتي ... روحي ارقدي يالله
ريم: متى تبون تنشون عيل .. الساعه 1 الظهر
ام عمر : بسج من هالزعيج.. ابوج راقد... لمي ثمج يالله ( ودخلت الحجره)

عالساعه 9 الكل نش.... و حصلوا ريم متفيزره جدام التلفزيون و اتجلب في القنوات

ريم: تو الناس
ام عمر: حشا ... ينيه..
ابو عمر: بلاج محتشره من صباح الله خير
ريم: اواعيكم انزين
ابو عمر: يا بويه حد ينش الساعه 7 الصبح.. وين تبين تظهرين في هالوقت
ريم: نتريق تحت
اليده: هاي البنيه هب طبيعيه.... ينت و اقعدت
ريم: انزين يوعانه
حمده: ابويه نتريق تحت؟
خلود: فكره... خلنا نتريق تحت...
ام عمر: وينها عذوب
خلود: اظن راقده
ابو عمر: انزين حد يواعيها عسب ننزل تحت
ريم: ثوااااااااااااااااااااااا اااااااااااااااااني


ونزلوا يتريقون تحت... و ماشاء الله الفندق تقريبا كله عرب.... جنهم في البلاد .. يلسوا يتريقون و طبعا الريم اقنعتهم يتمشون شوي ... ظهروا يتمشون برع بس مابتعدوا عن الفندق... عسب مايضيعونه... مروا حذال الحديقة .. قعدوا فيها و عقبها وردوا الفندق على الساعه 12..


في الفندق

ام عمر: بو عمر... ماتصلت في عيالك اطمنهم
ابو عمر: اتصلت بفيصل...
ام عمر: شو حالهم؟
ابو عمر: بخير ...
ام عمر: و عمر
ابو عمر: بلاه بعد
ام عمر: مانشدت عنه
ابو عمر: لا
ام عمر: مادري متى بتحن عليه
ابو عمر: يوم بيعتدل و بيتغير حاله هذيج الساعه بتغير معاه
اليده: والله محد مخرب عمر غيركم انتوا... هذا عمر مايباله الا العين الحمرا..
ام عمر: بسير اتصلبه
ابو عمر: شو بتقوليله
ام عمر: ويديه انا... بطمن على ولديه
ابو عمر: كيفج....

ام عمر نشت صوب التلفون وشافت حمده ترمس محمد

ام عمر: ماخلصتي... عنبوج من ساعه ترمسين
حمده ( وهي تصاصر امها): بصك الحين
ام عمر بسرعه يالله
حمده صكت عن محمد و جان تناول السماعه امها
ام عمر: اذا بتمين دوم جيه بخليه ابوج يمنعج ترمسينه
حمده: اشعنه
ام عمر: الناس تسلم و تتخبر عن الحال وبس... وانتي لا ...
حمده: يعني هو يسولف .. اقوله لوسمحت رمستك وايد... صك التلفون
ام عمر: مادري متى بسلم من لسانج الطويل هذا... ذلفي يلا
حمده: انزين


حمده: بلاها امايه معصبه
خلود: منو غيره السبب هذا عمر...
حمده: وتحط حرتها عليه
عذابه: والله صدقها اميه... انتي الصراحه وايد زودتيها
حمده: شو سويت بعد....
ريم: انا مستغربه من شي
خلود: شو
ريم: كيف ابويه سمحلج ترمسين محمد
حمده: ريلي انزين
ريم: حبيبتي انتو الا مالجين وبس... والعرس بعده
عذابه: حتى انا مستغربه....
حمده: لا تستغربن .. ريلي يعني مافيها شي
ريم: قلنا ريلج بس هب جيه عاد
حمده: ريموووو..... يمكن تغيرين السالفه
ريم: ان شاء الله..... وين بنسير اليوم
عذابه: مادري ....

ريم: ابوووووووويه
ابو عمر ( وهو مندمج يطالع التلفزيون): عيونه
ريم: وين بنظهر اليوم
اليده: وين تبين تسيرين بعد... تراج اليوم حطي لين ماقلتي بس
ريم: لا حوووول ... حمدوووه شوفي شغلج
حمده: يدوه فديتج... لازم نظهر.. ترانا يايين نغير جو... المفروض نظهر هب نحبس عمارنا هني في الحجره... وبعدين يالغاليه المفروض انتي اطالعين البلاد هاي.. و تشوفين الناس و تتمشين ..
اليده: انزين.. بس عاد وين بنسير
ابو عمر: اتريوا لين مايي الريال
اليده: أي ريال بعد
خلود: هيه... المرشد السياحي
اليده: أي مرشد بعد
عذابه: هذا اللي يدلينا الاماكن هني
اليده: ويديه.. بنركب ويا غريب
ريم: مافيها شي يدوه.. عادي
حمده: انزين ابويه متى قال بيي
ابو عمر: باجر الصبح
ريم: لا حووووووول.. يعني اليوم ماشي ظهره


والصوب الثاني من الحجره كانت ام عمر يالسه اترمس ولدها عمر

ام عمر: عمر... لا تعورلي قلبي اكثر عن جيه
عمر: والله انتوا اللي مكبرين السالفه...
ام عمر: ماتشوف حالتك انت.... عنبوك ماتستحي .. ماتقول بنشد عن والديه ولا عن خواتي
عمر: اتخبرت فيصل عنكم
ام عمر: ابوك الحين زعلان عليك
عمر: وليش يزعل... المفروض انا اللي ازعل.. ما كلف على خاطره يساعدني يوم بنت اخوه سوت سواتها... دومه ضدي... حتى لو غيري غلطان يوقف ضدي
ام عمر: هاي بنت عمك
عمر: اتهبي الخايسه... لا تبين طاريها مره ثانيه
ام عمر: يا عمر عيب اللي تقوله هذا.. مهما كان هاي في يوم كانت حرمتك و بعدها ام عيالك
عمر: ماعندي عيال... وبعدين خبري ابويه مايعطيهم بيزات ولا شي...
ام عمر: خاف ربك.. هذيله عيالك
عمر: عيالي بصرف عليهم يوم بيعيشون عندي... دام امهم راكبه راسها وما تبا ترد خلها تصرف عليهم
ام عمر: والله لو سمعك ابوك مادري شو بيسوي
عمر: اباه يعرف...
ام عمر: الله يهديك
عمر: اميه لا تزعلين عليه... بس انتي ماتدرين شو اللي فيه... محد فيكم يدري شو اللي احسبه... تتحرون ماعندي قلب و ماحس بشي... الهنوف كسرتني..
ام عمر: انساها... يوم هيه ما تباك لا تلحقها
عمر: اللي سوته هب شوي... وصدقيني مابنساه... و بتشوفون
ام عمر: قلتلك الف مره مالك خص فيها...
عمر: ما عليه... يالله برخصتج... سلمي عليهم
ام عمر: وداعة الله


عقب ما صك عمر عن امه.. تم يذكر اللي صار بينه و بين الهنوف اخر مره... عمر تغير وايد .. ما عاد شرات الاول... حس انه كل شي فيه تهدم... حس بمذله عمره مامر بها في حياته... ولا بعد من منو... من الانسانه اللي نزل راسه لاول مره لها...

وجان يتصل بواحد من ربعه..
عمر: مرحبا السااااع
حمد: مرحبا ملاااااااييين
عمر: اشحالك
حمد: بخير ربي يعافيك.. العلوم من صوبك..؟
عمر: والله ما من علوم... يا حيا الله بوشهاب
حمد: الله يحييك و يبجيك...
عمر: بغيت انشدك اذا تعرف رقم عبدالله اللي يشتغل في وزارة التربية
حمد: ممممم.... مادري والله... بطالع وبردلك خبر
عمر: اذا ماعليك اماره حاول تييبلي رقمه...
حمد: خير ... بغيت شي؟
عمر: بغيته في سالفه
حمد: خلاص فالك طيب..
عمر: فالك مايخيب.. يالله نشوفك عيل
حمد: ان شاء الله..... يالله وداعة الله
عمر: الله يحفظك.....

ويلس عمر يفكر.... يفكر كيف بيكون ردة فعل الهنوف عقب اللي بيسويه...... و جان يعلي على صوت المسجل

الروح دايم الى المحبوب مشتاقه شوق الذي يشتكي من بعد معشوقه
واذا تذكرت وصله و ساعة فراقه يفز قلب يدل للقضي شوقه
وتهل من ناظري عبرات دفاقه على الذي منفرد في حسنه وذوقه
خل تميز جماله و فاقت اخلاقه مهما وصفته تعدى الوصف و يفوقه

وجان يتصل بها...... طبعا اتصل في بدوور.......&#60;&#33;-- / message --&#62;

</font>
</p></font>

[راع7ي]

<font color='#000000'>مشكووووووووورة نبي لتكملة</font>

[بن دبي]

<font color='#000000'>مشكورين ويعطيكم الله العافيه على هالقصه الاكثر من روعه&nbsp;&nbsp;


ننتظر الجزء الجديد بفارغ الصبر


</font>

[بن دبي]

<font color='#F660AB'>الصراحه القصه وايد حلوه

وياريت اتكملونها بسرعه

ما اروم اتريا اكثر عن جي</font>