أحبك .. لو بغيت أنساك ما أقدر

[الصريح]

<font color='#000000'>مرحبا الساااااااااااااااااااااع

يالله استانسوا الأخت بنت القمر توها منزلة جزء جديد <img src="http://oasis.bindubai.com/emoticons/fa47.gif" border=0>راح انزله ليكم بعد شوي

سي يوووووووووو</font>

[الصريح]

<font color='#000000'>
الجزء (38)

<font color=darkgreen>احبك لو بغيت أنساك ماقدر</font>

عقب اسبوعين

بيت خليفة القبيسي

حالة خليفة تغيرت عن قبل.. و هله لاحظوا هالشي و خاصة فيصل ... لاحظوا تغيره المفاجئ و اسلوبه المتغير و حتى كلامه الجارح.. ما يهتم لحد شرات اول ولا يبالي بمشاعر غيره ... يمكن نهاية علاقته بعذابه هو سبب موت المشاعر في قلبه..

علياء: خليفة
خليفة: خير
علياء: ادخل و لا لا
خليفة: ادخلي
علياء: الحمدلله يوم انك تكرمت و وافقت ادخل
خليفة: ههههههههههه
علياء: تصدق من زمان ما شفتك تضحك
خليفة: جيه أهبل تبيني اضحك 24 ساعه
علياء: لا هب جيه.. بس ما اباك اتم امبوز 24 ساعه
خليفة: انزين شو تبين الحين
علياء: امايه تبغيك
خليفة: جان بترمسني عن شمسه تراني مابغي اسمع
علياء: يعني بترمسك عن منو غيرها
خليفة :...........
علياء: لا تخاف ما بتحشرك عسب تروحلها... ام شمسه اتفقت مع امايه على موعد العرس
خليفة ( وهو منصدم): شو ؟؟؟؟&#33;&#33;&#33;&#33;&#33;&#33;&#33;&#33;&# 33;&#33;&#33;&#33;&#33;&#33;&#33;&#33;&#33;؟؟؟� �؟؟
علياء: لا اطالعني جيه... انا مالي خص
خليفة : وهن على كيفهن يتفقن و يقررن ؟؟
علياء: ترى امايه تبغيك الحين عسب تخبرك
خليفة: ...............
علياء: بلاك جيه تنافخ
خليفة: ..............
علياء: خليفة انا ماحيدك جيه... الصراحه وايد تغيرت.. انت هب خليفة الاولي .. هذا كله عسب عذابه.. لهالدرجة السالفه مأثرة فيك؟
خليفة: محد يدري بللي فيه... المهم خبري امي اني بنزل الحين
علياء: ان شاء الله ( و ظهرت من حجرته)


في الصاله

الهنوف: شو قال؟؟
علياء: شو بيقول يعني .. ماشي
ام خليفة: هالبنيه لسانها طول هالايام
علياء: شو قلت انزين؟
ام خليفة: يوم حد بيسالج ردي عليه عدل.. الحمدلله يوم انه الجامعه بتفتح جريب... و بفتك من حشرتج
علياء: الصراحه انا اللي بفتك من يلسة البيت... حشا هب اجازة... جنه سجن مركزي
ام خليفة: عليو... ذلفي يلا... روحي حجرتج...
علياء: انزين ( روحت عنهم)
ام خليفة: يوم اقولج انه لسانها طول
الهنوف: ما عليج منها يا اميه.. بس انتي بعد الله يهديج على أي سبب قمتي تعصبين
ام خليفة: ما تشوفين اخوج و طبعه
الهنوف: اصبري عليه شوي... ترى كثرة الضغط يولد الانفجار
ام خليفة: أي ضغط و أي خرابيط انتي بعد... هب كفايه مفشليني جدام هل شمسه..
الهنوف: ما عليه... صدقيني كل شي بيتغير... بس دخيلج يا اميه حاولي تفهمين خليفة.. حاولي ترمسينه باسلوب حلو.. ترى الرمسه الحلوه لها تاثير في قلب الانسان
ام خليفة: شو تقولين و شو تخربطين...خليفة تغير.. هب ولديه الا أحيده .. بس ما اقول غير الله يسامح اللي كان السبب ..

الهنوف ما رامت تكمل كلامها...(( الله يسامح اللي كان السبب ))..
(( شو قصدها بهالكلام... يا ترى تقصد عذابه... عذابه هي السبب في تغير شخصية خليفة ... و اللي تقصد عمر.. عمر هو اللي قطع كل علاقة حلوة تجمع العائلتين ببعض.. غريبة هالدنيا ... مواقف تمر فينا ... تدمر البعض و تصلح البعض... الموقف اللي مرينا فيه.. اثر فينا كلنا و بالاخص في عمر و خليفة ... عمر تغير عن قبل .. تحول من الانسان الاناني اللي ما يحب غير نفسه لانسان ثاني قلبه مليان بالحب و العاطفه... و خليفة .. الانسان اللي عمره ما غلط على حد.. و عمره ما جرح حد... تحول لانسان قاسي .. و بدا قلبه الطيب يتحجر...))


نزل خليفة الصاله

ام خليفة: تعال وين ساير ... تعال هني بغيتك في سالفه
خليفة: مشغول الحين...
ام خليفة: ودر اشغالك و تعال.. الا هن خمس دقايق و عقب روح وين ما تبا

خليفة ظهر من البيت قبل ما تكمل امه كلامها

ام خليفة: شفتي حركاته..و تبيني ما اعصب
الهنوف: ...........
ام خليفة: اونه ارمسه باسلوب .. يوم هو اللي ما يعبر حد و ما يحترمني و يوقف يوم ارمسه وين تبيني بعد اتفهمه
الهنوف: ما عليه يا اميه... و بعدين السالفه ما تستاهل .. تراج بترمسنه عن موعد العرس.. انتي شاوري هل البنيه و طاعي شو في خاطرهم و صدقيني انه خليفة ما بيقصر في شي



بيت عبدالله القبيسي

في هالفترة تغيرت اشياء في حياة هل القبيسي .. عمر رد بيتهم مرة ثانيه و علاقته مع ابوه تحسنت عن قبل بوااايد.. حتى علاقته مع فيصل تغيرت.. صارت حياتهم حلوة و الفرحه دايمه في قلوبهم و عيونهم و بالاخص ام عمر ... وناستها بفرحة عيالها ما توصف .. بالرغم من انه في اشياء ضايقتها في الفترة الاخيرة ... مثل حالة عذابه اللي بدت تتغير للاسوء من يوم ليوم ..
حتى الريم حالتها تغيرت.. اسبوعين من ملجتها لا خبر و لا اتصال من سيف .. و الكل متفاجئ من هالشي و اكثرهم بو عمر.. سيف اللي كان بيموت عسب ياخذ الريم في الاخير يظهر منه هالجفا ..
ام عمر بدت تخاف من سيف و اسلوبه اللي تغير .. حتى الريم مثلها بس كل ماتذكر انه يحبها و انه حاول المستحيل عسب ياخذها تنسى هالشكوك اللي تراودها ...

المغرب ..

عذابه: ريماني ... ريــــــــــــــــــــم
ريم: شو .؟؟
عذابه: انزلي بسرعه...
ريم: اوكي
عذابه: تعالي... بتنزلين جيه يعني.. اتلبسي و انزلي
ريم: ليش منو عندنا
عذابه: ريلج
ريم: منو ريل.... ريلي .. ريلي انا... قصدج سيف
عذابه: منو غيره يعني هههههههههههه
ريم: قولي والله
عذابه: لا تصدقيني..بس اتلبسي و انزلي و روحج بتشوفين
ريم: ثواني ...

اتلبست الريم و هالمرة لبست احلى ما عندها... هاي اول مرة تقعد فيها مع سيف و اطالعه و يطالعها.. يلست تسحي شعرها و تتعدل.. و الفرحة مرسومه على شفاتها... بالرغم من انه الخوف كان يزيد و دقات قلبها تزيد اكثر ...كانت تتعدل و تسمع اغنيه عبد المجيد .. روحي تحبك

<font color=darkgreen>روحي تحبك .. غصب عني تحبك.. و المشكلة حبك بروحي جرحني
واذ شكيتك تقول وش كان ذنبك ... ذنبي هويتك يوم حبك ذبحني </font>

نزلت الصاله..
و تمن خواتها يطالعنها... و الكل كان حاس بفرحتها .. عاد هي مستحية .. و احلى شي يوم احمر ويهها من تعليقات حمده.. حتى اليدة تمت تضحك .. و ام عمر تمت اطالع الريم و هذيج الساعه حست انها صدق تحب سيف .. و يمكن حبها له من زمان.. و عقبها زقرها فيصل عسب تدخل الميلس و تسلم على سيف ... دخلت الريم .. و هي تمشي منزله راسها .. ظهر فيصل عنهم ..

يلست الريم بعيد عنه.. و هي تسمعه يرمسها و يسال عن حالها و هي ترد عليه.. بس هب مستوعبة اللي تقوله.. كانها في حلم .. طول الوقت منزلة راسها .. سكت سيف .. و الميلس ملاه السكون ..

الريم عاد طول الوقت ترمس عمرها..
((ليش سكت؟؟؟ تكلم.. ابغي اسمع صوتك... تولهت عليك يا سيف.. تصدق خاطري اسالك؟؟؟ ليش هالقطاعه؟؟ ليش قطعتني هالفتره؟؟ ما وحشتك؟؟ ما تولهت عليه؟؟ خاطري ارفع راسي و اشوفك .. اشوف عيونك.. بس ماقدر.. استحي... بس ليش سكت؟؟؟ يا ترى ما عندك شي تقوله ؟؟؟ ولا خاطرك تقول شي بس ما تعرف من وين تبدا؟؟))

<font color=navy>شافله غيري ونساني صار كذاب واناني
ظلم الدنيا بعيني راح وماخلى لي شمعه</font>

سيف: ريم
ريم: هلا
سيف: تدرين من متى انتي في خاطري
ريم:...........
سيف: من اول ما شفتج.. تذكرين عند باب المدرسة ... اذكر يوم شفتج قلت في خاطري هاي البنيه اباها.. و تميت فتره اترياج عند باب المدرسه بس عسب الاحظج لو من بعيد..لا تزعلين مني بس ما خليت حد ماتخبرته عنج.

ريم ابتسمت من كلامه... معقوله كان يحبها من هذيج الفتره....

سيف: تذكرين اليوم اللي .. اللي عصبتي فيه عليه.. ههههههههه..لين يومج هذا و انا اذكر الموقف و عمري ما بنساه

ريم انحرجت يوم سمعته يطري هذيج السالفة .. معقولة ما نسى.. كيف بينسى و كان الموقف محرج ..

سيف: تعرفين من هاك اليوم و انا وعدت نفسي بشي .. وعدت نفسي اني ما بهدج لو شو ما صار .. و عسب جيه شفتيني في كل مكان .. حتى سويسرا سرتلها عسبج انتي بس .. و يوم ردينا نفس الشي اصريت على ابويه اني اخذج و الحمدلله تحقق اللي كنت اباه

ريم ما كانت تعرف شو تقول او شو ترد عليه.. بس تمت تبستم و طبعا منزلة راسها

سيف: اكيد تسالين عمرج اشحقه ما دخلت اسلم عليج يوم الملجة. و انا ياي اليوم عسب اخبرج ليش.. ريم انا مانكر اني في يوم انجذبت لج و تقدرين تقولين اني بديت احبج... بس طبعا هب هاك الحب اللي تصورينه

ريم استغربت من كلامه... بس بعدها تسمعه شو قاعد يقول

سيف: اباج تعرفين عدل... اني ما حبيتج... هيه نعم ما حبيتج.. انا يوم قررت اخذج بس لسبب واحد.. اثبت لج اني هب انا اللي انذل جدام الناس .. و اباج تعرفين اللي اباه اقدر اوصله و بسهوله بعد.. و هالدليل جدامج... اذكر كلامج لي هاك اليوم عند باب المدرسة .. كانج صفعتيني على ويهي.. حسيت بمذلة عمري ما حسيت بها في حياتي .. انا سيف .. سيف تسويبي جيه و لا جدام منو بعد.. ربيعاتج .. ع العموم اللي كان في خاطريه وصلته و بسهولة بعد.. تذكرين كيف نزلتي راسي لين الارض.. و انا اليوم هب ياي انزل راسج.. تعرفين شو خاطريه.. امشي و انا ادوس على قلبج.. و بعدين يا بنت الناس نصيحة مني لج.. لا تغرج المظاهر و المشاعر .. ترى معظمها خرط و جذب ... يعني هب تصدقين كل من قالج احبج.. لانه الحب هالايام مجرد لعبة و تسليه هب اكثر.. تصدقين حتى لو قلت اني بحبج ماقدر تعرفين ليش .. مادري ليش اذكر هاك اليوم و كل ماذكره اكرهج اكثر.. ما عاش من يذلني حتى لو المذلة من شخص تمنيته .. هذا اللي في خاطريه و اللي كنت ابغيج تعرفينه ( عقبها وقف)

ريم .. اقصد بقايا ريم.. حست بالم .. في قلبها.. طعنة سيف اللي ما توقعته في يوم يذبحها حتى لو بكلامه.. سيف .. سيف اللي يموت ع التراب اللي تمشي عليه... سيف اللي ما خلى حد ما ترجاه بس عسب ياخذ الريم.. سيف اللي حاول المستحيل لدرجة لحقها سويسرا بس مجرد يحصل نظرة من ريم.. و اليوم بين الحقد اللي في قلبه.. لا لا مستحيل هذ الانسان له قلب .. معقولة في انسان مثله.؟&#33;&#33;&#33;&#33;؟

ريم بعدها منزله راسها بس مع الدموع اللي ملت عيونها ... ما حبت تبين له انه انتصر عليها .. او تبين له انه كلامه جرحها... بس كيف تخفي هالشعور و هو اكبر من ان يتحمله أي انسان.. شعور الضعف و الخيانة.. و المــــــــوت ... و من ذبحها..؟؟ اول انسان دخل قلبها.. اول انسان حبته... معقوله حبه لها كانت مجرد كذبة ؟؟ معقولة كان مثل عليها طول هالوقت ... معقولة في انسان يقدر يجامل الناس بمشاعر مجرد وهم وخيال...

سيف: و الحين ما عندي شي اقوله لج... و اظن خلاص مالج مكان في حياتي ... ( مشى بيظهر من الميلس)

ريم هذيج الساعه رفعت راسها بطالعه... و تمت تقول في خاطرها

(( وين بتسير... سيف دخيلك ارجع... سيف احبك احبك احبك.. حرام تسويبي جيه... سيف دخيلك صد و طالعني و قول انه اللي صار مجرد لعبة ... حتى لو هب لعبه .. حتى لو كانت هاي هي مشاعرك صوبي.. ارجع و انا بسامحك... و الله بسامحك.. بنسى .. بنسى كل اللي قلته.. بس صد و طالعني .. طالعني حبيبي... اااااااه حبيبي.. اول مرة تظهر مني ...سيف .. حرام... حرااام تتركني بعد ما بعت لك قلبي حراااام))

سيف صد يطالعها ... و اول مره الريم تحط عينها في عينه ... و عقبها مسحت دموعها بسرعه... اكيد ندم على اللي قاله.. بس هي طبعا بتنسى .. بتنسى اللي صار لانها تحبه ...

سيف اول مرة يشوفها و هي تصيح... يمكن هاي هي اللحظه اللي تمناها عسب يرضي غروره... بس ما قدر يطالعها اكثر .. يمكن لانه قلبه عوره عليها و هي بهالحاله... ويمكن لانه ما كان يبغي يضعف جدامها ..

سيف: ريم... انتي .... انتي طاااااااالـــــــــق

نزل راسه... و مشى بخطوات بطيئة .. وصل عند الباب... اللي كان امبطل.. ظهر .. بس خسارة يا سيف .. ما صديت اطالع ورا.. ما صديت اطالع شو تركت وراك... ظهر سيف من البيت... ظهر من حياة الريم... بعد ما طعنها في قلبها..

<font color=navy>بانت عيوبه وبان للاسف ماله امان
واللي مثله مابيه اتركه من غير رجعه </font>

عقب ساعه ... و ريم على حالها يالسه في الميلس .. و الدموع بعدها تنزل من عيونها.. تغير لون ويهها و فعلا التعب كان واضح عليها.. دخلت عليها خلود

خلود: متى ظهر سيف؟؟
ريم:...........
خلود: جان خليتيه يتعشى
ريم:..........
خلود: انزين قومي .. امايه تباج.. ريم... ريماني ... ( جان تقرب صوبها)

خلود: ريم بلاج تصيحين...؟؟ ريم خبريني .. ريمو فديتج بلاج... ( حضنتها و تمت تمسح شعرها).. ريم بسج صياح و خبريني شو اللي صار .. شو قالج سيف؟؟ ريم عاد ارمسي ..

ريم ( وهي تحاول تتكلم بس هب قادرة): س.... سيف
خلود: بلاه سيف؟؟ شو قال ؟؟ شو اللي صار بينكم... ريمو خبريني
ريم: اب... ابا اميه... ابا اميه... اماااااايه ...
خلود: ما عليه بتيج الحين اميه.. بس دخيلج خبريني شو اللي صار... انزين بس لا تصيحين.. خلاص حبيبتي لا تصيحين... امايه بتيج الحين ( ظهرت من الميلس تزقر امها)

عقبها يت ام عمر ويا بناتها الميلس

ام عمر: ريم.. بلاج امايه... شو فيج؟؟
خلود: اسالها ما ترد عليه
عذابه: يمكن شي يعورها
ام عمر: الريم.. شي يعورج.. مريضه؟؟؟ خبريني عاد لا تعوريلي قلبي..
اليده: بسم الله عليج... يمكن يني دخل فيها ولا شي... هاتو مطوع يقرا عليها
حمده: الله يهديج يا يدوه.. هذا وقت ينون و مطاوعه
اليده: عيل .. قبل شوي محد احسن عنها و الحين انجلب حالها.. شو تسمينه ها
حمده: مادري.. بس اكيد شي استوى ..امايه اساليها انزين
ام عمر: يا ويل حالي عليج يا الريم.. ماعرف بلاها البنيه... ما ترمس... عذوب.. طاعي ابوج وصل .. و لا اقولج زقري فيصل .. روحي بسرعه
عذابه: ان شاء الله
ام عمر: ريماني.. حبيبتي.. خبريني شو فيج... ارمسي امايه..
ريم ( حضنت امها وهي تصيح بصوت عالي): اااااه يا اميه... ط.. طلقني

الكل استغرب ....

اليده: ينيتي انتي .. عنبوج ما وحالج... من اسبوعين ملجتج
خلود: ريم... شو تقولين؟؟
حمده: ريم فديتج... هدي اعصابج... بسج صياح... خبرينا شو بلاج
اليده: ما تسمعين.. تقول طلقها
خلود: اكيد هب مستوعبة اللي تقوله... يدوه هذا سيف
اليده: سيف و لا درع ... المهم انه طلقها
حمده: مستحيل.. هذا يحبها موت
اليده: شو بعد يحبها موت.. شو هالرمسه بعد

البنات يتحرطمن ويا يدتهم... و ام عمر تمت حاضنة الريم و تصيح .. لانها الوحيدة اللي حست بالريم.. و عرفت انه اللي تقوله صدق.. عرفت انه سيف طلقها..

فيصل: شو السالفه؟؟؟ بلاها الريم
اليده: مادري بلاها.. ينت البنيه و قعدت..
فيصل: الريم... بلاج؟؟
خلود: ما بتروم ترد عليك
فيصل: اشحقه تصيح؟؟؟ شو سويتيلها ( وهو يطالع حمده)
حمده: نعم نعم نعم... شو سويتلها بعد.. جيه شو تحيدني
فيصل: راعية مشاكل
حمده: لا والله
فيصل: هيه عيل من غيرج اللي بيصيحها
حمده: بسكت ما برد عليك.. لانه هب وقته انزين
فيصل: انزين... بس ما خبرتوني بلاها
عذابه: امايه بلاها الريم؟؟؟
فيصل: اشحقه اميه تصيحين... بلاكن اليوم.. يوم الصياح العالمي هو؟؟
اليده: صدق انك متفيج... ملعون الصير طلق ختك
فيصل ( وهو متفاجئ): منو اللي طلق منو؟؟
اليده: مسود الويه.. سيفوه طلق الريم.. ما يستحي و لا يخيل .. عنبوه من اسبوعين مالج .. شو اللي كالفنه يعرس يوم انه ما يباها
فيصل ( وهو يمسك ريم): ريمو... خبريني .. شو اللي صار ؟؟؟ طلقج. ردي عليه طلقج
ام عمر: بلاك ميود البنيه جيه.. ما تشوف حالتها ...


<font color=navy>آآه ياعمر الجراح ليتني مايوم طعته
اللي عذبني وراح باعني والحين بعته</font>


فيصل شل عمره و ظهر من البيت ... و هو ظاهر عند باب البيت شاف سيف واقف يرمس ابو عمر .. جان ينزل فيصل من السيارة و سار عند سيف ... و يفتح باب سيارته و ينزله ...

فيصل ( و هو يصارخ) : يالنذل... يالخايس... والله لا اخليك تندم على اللي سويته ..
بو عمر:فيصل... شل ايدك عنه
فيصل: خلني اضربه الخايس... تتحرا بنسكت عنك ... تتحرا محد وراها بيجابلك يالنذل ( و تم يضرب سيف اللي ما تحرك ولا حتى دافع عن نفسه)

بو عمر: فيصل قم عنه.... ما تستحي انت تمد ايدك عليه جدام بيتنا بعد
فيصل: يا بويه هدني ما تدري شو اللي سواه الملعون ...

في نفس اللحظه وصل خليفة .. اللي شاف الضرابه عند باب البيت و الناس متيمعين... جان ينزل من سيارته و مسك فيصل

خليفة: شو تسوي؟؟؟ فيصل.. قم عنه
فيصل: والله ما اقوم لين ما اكسر له ضلوعه...
خليفة: فيصل.... هب زين اللي تسويه
ابو عمر: تخبل هذا...

عقبها فرقوا فيصل و سيف... و تم خليفة يسحب فيصل داخل البيت و هو بعده يصارخ و يسب سيف

فيصل: والله يا سيف.. خلني اشوفك في بقعة و الله لا اكسر لك راسك... انت بعدك ما تعرفني ...
ابو عمر: فيصل ... شو هاللي سويته.. شو بيقولون عنك العرب .. بيموت الريال على ايدك
فيصل: خلهم يقولون اللي يبونه... اختيه اهم من رمسه الناس و اهم من حياة النذل هذا.. لو فيه خير جان قدر يسوي اللي يباه جدامنا
خليفة: شو اللي سواه
فيصل: طلقها
ابو عمر: طلق الريم؟؟
فيصل: هيه طلقها الخايس...
ابو عمر: ليش .. شو اللي صار
فيصل: تسالني انا.. انا شو عرفني .. صدقت يا خليفة يوم حذرتني... ليتنا ما وافقنا

خليفة و بو عمر تم متفاجئين من اللي صار ..

ابو عمر: ومتى صار هالكلام
فيصل: من ساعه... الله ياخذه و يا خذ اليوم اللي قربناه.. انتو خلوني ابرد قلبي و اكسر راسه
ابو عمر: انتو اللي بتكبرون السالفه... و بتفضحونا جدام الخلق ... وينها ختك..؟؟
فيصل: مادريبها.. يمكن في الميلس

ابو عمر دخل الميلس بس ما حصل حد... رد دخل الصاله جان يشوف اليده اللي خبرته ان البنات فوق في حجرة الريم...

ركب ابو عمر الدري.. و هو حاس انه ريله هب قادرة تشله.. مشى صوب غرفة الريم بس المشكلة كيف يواجها.. شو اللي لازم يقوله... هو روحه منصدم من السالفة.. كيف يروم يخفف عنها الالم و هو روحه حاس بالألم في قلبه

فتح الباب جان يشوف ام عمر لاويه على ريم و البنات حولهن

ابو عمر: اظهرن برع ..
حمده: ابويه... ( بس قاطعها بو عمر)
ابو عمر: حمدوه اظهري برع عقب بنرمس
حمده: ان شاء الله

ظهرن البنات من الحجرة و قعدن يتناقشن عن السالفه

حمده: صدق طلقها
عذابه: واضح انه صدق.. و لا جان ما شفتي فيصل ظهر بسرعه برع
حمده: ماصدق انه هذا كله يظهر من سيف... سيف.. مستحيل
عذابه: حبيبتي هالزمن المفروض تتوقعين أي شي
حمده: بس هذا هب أي واحد... سيف اللي يحب ريم ...خلود بلاج ساكته؟؟
خلود: افكر .. افكر في حالنا.. ليش المواقف الصعبة دوم تلاحقنا.. ليش ما نروم نعيش بسعادة دون ما حد يخرب علينا فرحتنا.. ليش محد فينا تقدر تفرح و تستانس .. في البدايه انا .. يوم وافقت اخذ عبد العزيز .. تعرض لحادث و تاجلت فرحتيه بشوفته معايه.. عقبها حمدوه اللي المشاكل بينها و بين محمد ما تنتهي .. و فوق هذا كله شافته مع وحده ثانيه... و عقبها عذوب.. تصدقين عذابه كنت اقول في خاطريه ليش انا انحرمت من عبد العزيز يوم فرحتيه معاه كانت جربية ... و تميت فتره زعلانه .. بس عقب يوم شفتج و شفت اللي صار معاج.. احمد ربي على كل حال.. عذابه لو كنت محلج ما ادري شو بيستويبي و انا اشوف اغلى انسان في حياتي .. و الانسان الي حبني بكل جوارحه يتزوج و ياخذ وحده ثانيه... و الحين ريم... حرام اللي يصير فيها.. تخيلن لو حد فيكن مكانها... المشكله انه هذا الانسان هو اللي لحقها .. هو اللي كان يباها.. بس القدر خلاها تتعلق فيه و تحبه.. و في الاخير بكل سهولة يطلقها.. عقب اسبوعين.. اسبوعين بس من ملجتها... اااااااااااااااه... ( تمت تصيح)

حمده: خلود هذا وقت صياح...عذوب.. حتى انتي تصيحين؟
عذابه: صدقها خلود... اللي استوى لريم شي محد فينا يروم يتحمله


<font color=navy>غرته ضحكت سنونه والقصايد في عيونه
ماحسب هالورد باكر يختفي ويموت زرعه</font>

في الصاله

يلس فيصل و هو بعده محتشر وبعده يسب سيف .. و خليفة تم يالس يسمعه. ما عرف شو اللي المفروض يسويه.. حاول يهدي فيصل .. و عقبها وصل عمر .. وقف عمر يطالع خليفة.. اللي طبعا العلاقة اللي بينهم شبه مقطوعه

عمر: السلام عليكم
خليفة: عليكم السلام
عمر: اشحالك
خليفة: بخير
عمر: ها فيصل.. ما سرت عند ربعك.. توهم يتخبروني عنك
فيصل: اسميك متفيج
عمر: بلاك شاب ضو
خليفة: المهم بترخض الحينه
فيصل: وين بتسير
خليفة: مادري
فيصل: اصبر انزين بسير وياك..
عمر: فيصل ... بلاك؟؟؟
فيصل: طبعا ماتدري... ترى الخايس اللي اسمه سيف طلق ختك اليوم
عمر ( وهو متفاجئ): ليش ؟؟
فيصل: و انا شو عرفني .. شو تتوقع من نذل شراته ( وجان يسكت)
عمر: بلاك سكت؟؟
فيصل: شو تباني اقول
عمر: .....
فيصل: تعرف
عمر: شو
فيصل: اباك تفكر في اللي استوى اليوم ... ما مريت انت بهالموقف قبل
عمر : شو قصدك
فيصل: عمر... كنا دوم نسمع قصص و سوالف تستوي ويا غيرنا.. بس عمرنا ما مرينا بهالتجارب.. كنت اسمع الناس يوم تقول كما تدين تدان.. بس عمري ما عرفت معنى هالجملة الا اليوم
عمر: .....
فيصل: احس انه اللي يستوي بخواتنا نحن السبب فيه.. تذكر كيف كنت تعامل الهنوف ...و طالع كيف اليوم هاك النذل سيف عامل ختك... انا مانكر بانه كانت لي علاقات مع بنات .. بس عمري ما فكرت كيف بياثر هالشي في حياتي الخاصه و بالاخص في حياة خواتي.. و اليوم اللي سواه سيف كانت صفعة على ويهي.. خلتني اقوم من النوم اللي كنت فيه... تعتقد انه لو كنت انت او انا ما نعامل غيرنا بهالطريقه .. جان سيف ما عامل الريم جيه و لا ذلها بهالطريقة

فيصل شل عمره و ظهر مع خليفة.. و خليفة كان صدق مستغرب من رمسة فيصل...

عمر تم يفكر في كلام فيصل... وصل تفكيره لبدور.. و تذكر كيف رمسها اخر مرة .. سبحان الله يوم عطاها الامل و اوهمها بالحب و تركها بهالسهولة... سيف سوا نفس الشي .. بس الفرق كانت الضحية هالمره.. ريم.. اخته



<font color=navy>خان ويحسبني اخون شافني بعيون طبعه</font>&#60;&#33;-- / message --&#62;
</font>

[الصريح]

<font color='#000000'><FONT color=#000000>
<P align=center>عقب يومين بتبدا الدراسه.. حمده باقيلها اخر كورس و بتخلص دراستها الجامعية ... و عذابه مستانسه ع الجامعه لانها بتبتعد شوي عن الضيق اللي تحسه في البيت.. و ريم اللي اول سنه لها في الجامعه و اللي المفروض تستانس .. كانت بعدها متاثرة من طلاقها من سيف المفاجئ...

ابو عمر تكلم مع الريم و حاول انه يفهم سبب الطلاق .. بس ما قدر لانه الريم روحها ما عرفت شو اللي خلى سيف يكرهها لهالدرجة.. ابو سيف اتصل في بو عمر و استسمح منه من اللي صار .. بس طبعا ما في شي بيصلح اللي انكسر..

ام عمر اهتمامها في الريم هالايام زاد.. يمكن لانها اخر العنقود و لانه التجربة اللي مرت فيها هب سهله..


في حجرة الريم

ام عمر: ريماني افتحي الباب.. هب زين عليج اتمين في الحجرة روحج
ريم: امايه فديتج ما فيه شي.. ابغي ارقد
ام عمر: هب حاله هاي .. من يرقد العصر... قومي يالله .. طاعي الجو ماحلاه.. قومي اقعدي ويا خواتج برع في الحوي..
ريم: ان شاء الله
ام عمر: ريم.. ترى بنات عمج برع... قومي اقعدي وياهن
ريم: ان شاء الله

ام عمر حست بانه محاولاتها ما منها فايده.. حاولت مرة و ثنيتين و ثلاث مع الريم بس ما شي امل..

ابو عمر: ها شو قالت؟
ام عمر: شو بتقول بعد... انا خلاص ماقدر ... ( وجان تسكت)
ابو عمر: بلاج؟
ام عمر (وهي تصيح): بلايه؟؟؟ ما تشوف اللي يصير.. يا بو عمر حالة بناتك هاي ما تسر .. طالع حمدوه و عذوب .. و الحين الريم.. الله لا يوفقك يا سيف.. حسبي الله عليك و نعم الوكيل
ابو عمر: هذا المكتوب يا ام عمر ... و لا تعارضين امر ربج
ام عمر: بس ماروم اشوف بناتي و هن على هالحاله.. انت ما تشوف الريم.. لو شفت ويهها جان زغت.. هب شوي عليها تعيش على انها مطلقة و هي توها 18 سنه ( و تمت تصيح)
ابو عمر: بسج صياح و ازقري بناتج خلهن يتلبسن
ام عمر:ليش .. و ين تبا تسير
ابو عمر: بنسير المزرعة في ليوا
ام عمر: الحين؟؟؟
ابو عمر: هيه الحين... اليوم الاربعاء.. بنرد بالجمعه قبل الصلاه..قومي يالله ( ظهر عنها)

قرر بو عمر يروح حجرة الريم و يرمسها عل و عسى تقتنع و تظهر من العزلة اللي هي فيها

بو عمر: الريم...؟؟
ريم: ها ابويه
بو عمر: شو تسوين
ريم:برقد
بو عمر: منو يرقد العصر
ريم: انا
ابو عمر: انزين بطلي الباب بغيتج في سالفه
ريم: ابويه دخيلك .. برقد الحين..
بو عمر: عيل تروغيني

عقبها فتحت الريم الباب

ابو عمر: بسم الله... بلاج غادية جنيه
ريم: ليش.. بلاه ويهي
ابو عمر: طاعي ويهج في المنظره
ريم: لاني تعبانه و المفروض ارقد
ابو عمر: محد يرقد الحين.. قومي الله تلبسي
ريم: ليش؟
ابو عمر: لا تسالين ..
ريم: ابويه مالي براض اسير مكان
ابو عمر: الريم... الدنيا ما توقف هني.. تراها تمشي .. يا اميه انسي اللي صار و الله بيعوضج بغيره.. لا تزعلين و لا تضايقين.. من لي غيرج يا الريم.. انتي تعرفين غلاتج عندي و ما تهونين عليه اشوفج بهالحاله.. قومي غناتي اتلبسي و خلنا نظوي
ريم: وين بنسير
ابو عمر: وين خاطرج تسيرين.؟
ريم: تدري ابويه... خاطري اسير ليوا.. من زمان ما سرنا المزرعه
ابو عمر: على هواج
ريم: صدق؟
ابو عمر: هيه صدق... كم ريم عندنا


في الحوي

خلود: انزين اطعمي هالكيكه و خبريني شو رايج فيها
الهنوف: لذيذة... انتي مسوتنها
خلود: هيه ..
علياء: والله يا خلود دوم امدح طبيخج عند امايه
خلود: فديتج والله.. ها هاي هي الناس اللي تعرف الذوق
حمده: هاي خلود محد يمدحها...
خلود: خلينا المديح لج انتي
حمده: اكيد...
الهنوف: هههههههههههه.. بعدج ما تغيرتي
حمده: ليش اتغير ... الحمدلله الكل عايبنه طبعي
عذابه: هههههه واضح عسب جيه هاجروا و خلو البلاد و السبة طباعج
علياء + خلود + الهنوف: ههههههههههههههههه
حمده: احلفي انتي بس..
علياء: وينها الريم.. نحن يايين عسب نشوفها
عذابه: وانا اقول ليش الحبايب مشرفينا اليوم.. كله عشان الريم
الهنوف: من خبرني خليفة وانا دوم احاتي الريم.. حليلها والله.. تطلق من اسبوعين بس من ملجتها
خلود: و هذا اللي معقد السالفه.. يعني لو بدر شي منها او انه استوت سالفه بينها و بينه بتقولين له الحق انه يطلق.. بس فجأة و بدون مقدمات طلقها.. و هذا الشي اللي مضايقنها
علياء: انا من سمعت السالفه ما خليت دعوه ما دعيتها عليه.. صدق انه ما يستحي.. تمنيت اكون ريال عسب اروم اضربه و اذبحه بعد
عذابه: الله يخلي فيصل.. ما قصر
علياء: صدق؟؟
عذابه: هيه.. يوم عرف اللي صار شافه و ضربه ضرب..
الهنوف: يستاهل..

جان تيهم ام عمر..

ام عمر: حياكم الله.. فرحتونا بشوفتكم...
الهنوف: تسلمين عمتيه...
ام عمر: وينهم العيال ( عبدالله و سلامه)
الهنوف: يلعبون هاك الصوب
ام عمر: حليلهم... والله الحياة من دونهم تنعاف.. يا رب تجمعنا مرة ثانيه

الهنوف تمت ساكته... و البنات يتمن يطالعنها

حمده: امايه شو بتعشونا اليوم
ام عمر: ماشي عشا... قومن يالله تلبسن بنسير
خلود: وين بنسير
ام عمر: ابوج بيودينا ليوا
عذابه: والله... وناسه
الهنوف: عيل نحن بنترخص
ام عمر: وين وين.. ماشي سيرة .. بتسيرن معانا
الهنوف: لا عمتيه ما يستوي... مره ثانيه ان شاء الله
ام عمر: لا لا ... انا رمست امج و وافقت..
علياء: صدق عموه... خاطريه اسير وياكم
عذابه: اكيد بتسيرين..
ام عمر: ما يهمج غناتي .. قومن تلبسن بسرعه.. بسير اتصل في اخوانج


و تموا هل القبيسي يتجهزون بسرعه لسيرة ليوا... فيصل قرر ان يروح يوم عرف انه خليفة بيسير .. و ام خليفة بعد وافقت عقب اصرار ام عمر... اما عمر ما طاع يسير عسب ما يضيق على عيال عمه هناك.. بس امه اصرت عليه لين ما وافق ...


ليوا ...

وصلوا هل القبيسي المزرعه.. و قرروا ن يقعدون برع البيت لين الفليل... قعدوا الرياييل و تموا يسولفون و يذكرون ايام اول .. و ابو عمر كانت صدق مستانس يوم شاف عمر قاعد ويا خليفة و يسولف معاه..

اما الحريم .. قعدت ام عمر و يا ام خليفه و اليده معاهم.. و حتى البنات الهنوف و خلود و الريم و حمده معاهم يضاحكن ... اما عذابه و علياء قعدن بعيد و تمت يسولفن رواحهن..

علياء: من زمان ما يلسنا رباعه
عذابه: صدقج
علياء: طاعي شكل خليفة... تصدقين تولهنا على ضحكته و ابتسامته
عذابه:.........
علياء: والله يا عذوب في خاطريه اشياء وايد ابا اقولج ياها بس ماعرف من وين ابدا.. صح انه علاقتنا هب شرات قبل بس صدقيني هالشي مول ما اثر فيه.. بالعكس اللي صار ما بين هلنا خلاني اعرف معنى صداقتنا.. احس انه لو مهما صار انتي الوحيدة اللي بتمين ربيعتيه و اختي و الوحيدة اللي اقدر افتحلها قلبي
عذابه: الله الله ع الحب
علياء: يا ويهج... احمدي ربج اني اقولج هالكلام
عذابه: الحمدلله و الشكر.. حتى انا يا علياء تولهت على قعدتنا و سوالفنا
علياء: و لاتنسين افلامج الهندية
عذابه: أي افلام؟؟؟ خلاص انتهت الافلام
علياء: ليش عاد؟؟؟ ما تحلمين بواحد ياينج على حصان ...
عذابه: لا
علياء: معقوله
عذابه: هيه... كانت اوهام هب احلام
علياء: عسب خليفة يعني... اذا خليفة عرس هذا هب معناته انه احلامج بتنتهي او انه حياتج ما بتستمر
عذابه: ادري انها بتستمر و ادري اني بتم احلم و اتخيل .. بس المشكلة انه حلمي الي تمنيته بهالسهولة ينتهي
علياء: اذا انتي تقولين هالكلام عيل خليفة شو بيقول.. طاعي شكله اليوم... و بتشوفين الفرق بين شكله الحين و شكله من الصبح.. احس انه يوم يشوفج او حتى يسمع عنج يستانس و ترد الضحكه لشفاته
عذابه: خليفة عرس الحين.. و اظن انه الكلام ما منه فايده
علياء: والله يا عذوب اني تمنيتج تكونين حرمته هب عشانج ربيعتيه و بنت عمي... لا .. لاني ادري انج الوحيده اللي خليفة يتمناها و يباها.. الله يسامحج يا امايه..
عذابه: شو تقولين.. امج مالها خص
علياء: اميه هي اللي اصرت عليه انه ياخذ شمسه و ما ياخذج انتي
عذابه: امج تفكر في مصلحة خوج
علياء: و مصلحته انها ادمر حياته و تكسر قلبه؟&#33;&#33;&#33;&#33;&#33;&#33;&#33;&#33; &#33;
عذابه:............
علياء: بلاج سكتي
عذابه:.........
علياء: عذوب... خليفة ما يبا شمسه و لا يبا غيرها.. و امايه تعرف هالشي بس هي تمت تحن عليه لين ما خذ شمسه
عذابه: اذا انتي بتلومين امج.. عيل انا بعد المفروض الوم عمر.. لو عمر ما طلق الهنوف جان ما صار اللي صار
علياء: تبين الصراحه كلهم السبب... اول شي عمر لانه وايد تمادى و وايد جرح الهنوف .. و عقبها الهنوف بعد كانت السبب يوم تمت تسكت عن عمر و ما وقفته عند حده من البدايه..و عقبها اميه اللي اصرت على خليفة انه يعرس و ياخذ وحده غيرج...و الحين منو اللي بيستفيد... لا خليفة بيستفيد من بعده عنج.. و لا انتي بتستفيدين من فراق خليفه.. و لا حتى شمسه بتستفيد
عذابه: خليفة طيب و ماظنه يبقسى على شمسه
علياء: ماتعرفين خليفة عيل... امايه اللي هي امه ما قام يسمع رمستها و لا حتى يعبرها
عذابه: صدق؟؟
علياء: هيه والله.. و تعتقدين انه ما بيقسى على شمسه... اوف اوف اوف
عذابه: بلاج
علياء: قهر... منقهره .... هاااااااااااااااااااااااا ااااااااااااااااااااااااا الكثر
عذابه: ههههههههههههههههههههه
علياء: تضحكين بعد
عذابه: اضحك على حالنا.. جنا عيايز
علياء: ههههههههههههههه هيه والله صدقج
عذابه: اطالعين منو؟؟
علياء: ها... محد
عذابه: عليه هالكلام..؟؟
علياء: بطالع منو يعني
عذابه: هذاك... ( و تمت تاشر على فيصل)
علياء: ايه انتي.. لا تأشرين
عذابه: يعني كنتي اطالعينه
علياء: شو فيها يعني..
عذابه: ما فيها شي
علياء: اقولج عذوب... فيصل يحب حد
عذابه: يحبنا و يحب امه و ابوه
علياء: عن الاستهبال
عذابه: ههههههههه...
علياء: يحب وحده؟؟؟
عذابه: ممممممممممم....ماظن
علياء: ليش ؟؟
عذابه: شو ليش... تبينه يعني يحب وحده..؟؟
علياء: لا ... انتي ما تفهمين شي ...
عذابه: فهميني انزين
علياء: اقول يعني ليش ما يعرس دام انه ما يحب حد
عذابه: فيصل يعرس... مستحيل... ماظن يسويها
علياء: اها.. بس تعرفين.. مرة سمعت فيصل يرمس وحده
عذابه: متى
علياء: مرة يا بيتنا ويا خليفة .. و سمعته يرمس وحده في الصاله
عذابه: مادري والله.. وانتي ليش تتخبرين عنه
علياء: ها... بس جيه.. فضول ... قومي نيلس عند خواتج
عذابه: لا لا
علياء: ليش
عذابه: بس جيه.. خلنا هني احسن

وتمت علياء تكمل سوالفها ويا عذابه.. اما عذابه فما بغت تيلس عند الحريم هناك لانه المكان قريب من الرياييل .. و هي ما بغت خليفة يطالعها او انها ترمسه .. حاولت قد ما تقدر انها تبتعد عنه بالرغم من انها قلبها عنده...


ام خليفة: ياختي هذا خليفة ما عرف شو اسوي معاه
ام عمر: ما عليج... كلهم جيه.. و بعدين انتي شاوري هل البنيه و سووا اللي تبونه.. و خليفة ما بيقول شي
اليده: يوم انه ما يباها اشحقه خطبتوله
ام خليفة: البنيه زينه و ما فيها شي
اليده: عيالكم هذيله ما منهم فايده... هب ويه عرس...
فيصل: جني سمعت شي عنا
اليده: ها... يا حبهم ع سوالف الحريم
فيصل: هههههههههههههه .. انتي اللي صوتج عالي ...
اليده: تخبرك بو عمر .. هذا فصول متى بيعرس
بو عمر: والله انا الود ودي ايوزه اليوم قبل باجر..بس المشكلة وينها البنيه اللي بتقبل به
فيصل: ليش.. هب عايبنكم... منو هاي اللي ما تستحي بتردني...
ام عمر: تتحرى انه الجمال و المال كل شي.. لا يا بويه الحين الناس تشتري الريال ما تشتري فلوسه
فيصل: وانا ما رمست عن فلوسي.. بس الصراحه ما عليه قصور
اليده: عيل اشعنه ما تعرس
فيصل: هب وقته
خلود: متى وقته عيل ...يوم بتشيب و بيغدي شعرك ابيض..
فيصل: بتخبركم بلاكم حاطين عليه اليوم
الهنوف: خاطرنا نفرح بك انت و خليفه

عاد هذيج الساعه من سمع عمر صوت الهنوف تخبل... كان عاطنهم ظهره بس من سمع صوتها صد يطالعهم... و بو عمر شاف عمر و شاف حالته و تم يضحك عليه...

ام عمر: لا تعورون روسكم معاه.. هذا فيصل ما منه فايده..
فيصل: افا يا ام عمر.. جيه عاد تفشليني
ام عمر: جيه جذبت.. هذا هو الصدق
اليده: لو توافق و تعرس بنسوي عرسك انت و خليفة في يوم واحد
فيصل: لا لا ... ابا اعرس روحي.. تبون تخربون عليه
خليفة: الود ودي اخليك تعرس بدالي

الكل صد يطالع خليفة .. و ام خليفة حست بحزن يوم سمعته يقول هالكلام.. الصراحه واضح انه خليفة عايف شمسه و عايف العرس و طاريه...

ابو عمر: المهم يا فيصل انك توافق
فيصل: خلاص عيل
ام عمر : شو خلاص
فيصل: على هواكم... تبغوني اعرس بعرس
اليده: زين زين يوم انك غيرت رايك.. بس عاد وين البنيه اللي بترضى بك
فيصل: ردوا قالوا منو بيرضى بك... ترى وايد بنات يتمنن واحد شراتي
اليده: مره... هذا الطبع اللي فيك مول هب زين.. ترى الكبر هب زين
خليفة: يدتيه.. خلوه على راحته.. زين منه يوم انه وافق يعرس
فيصل: بعرس بس بشرط.. ابا اخذ اللي في بالي
ام عمر: لا حول.. انا خبرتك و قلتلك لا تيبلي وحده من ... ( جان تسكت)
فيصل: لا تخافين يا ام عمر
حمده: عاد اللي في بالك ما تروم تاخذها
فيصل ( وهو مستغرب): وانتي شو عرفج
حمده: ادري... لانها خلاص طارت...

فيصل تم مستغرب من رمسة حمده... يا ترى عرفت من هي اللي في بال فيصل ... و شو قصدها بانها طارت

الهنوف: خلود.. قومي نتمشى
خلود: ليش
الهنوف: قومي و بعدين بخبرج
خلود: اوكي... ريم.. بتتمشين معانا
ريم: لا .. بقعد هني
الهنوف: قومي ..
ريم: ما يحتاي
خلود: اوهو.. نشي يالله ...

قامن خلود و الهنوف و معاهن الريم يتمشن...
خلود: ليش نشيتي
الهنوف: الصراحه... ما رمت ايلس و عمر يالس يطالع
خلود: هههههههههههههههههه
الهنوف: ما شفتن نظراته والله انحرجت
خلود: جنكم يهال ..
الهنوف: غيري السالفه احسن.. ريم بلاج ؟؟؟
ريم: ما بلاني شي
الهنوف: لين متى بتزعلين عليه
ريم: انا هب زعلانه عليه.. زعلانه على حالي ..
خلود: ريم اعتبريه من الماضي و انسيه
ريم: انسى اللي جرحني... مستحيل
خلود: حاولي يالريم.. ابويه من يشوفج على هالحاله ما تصورين شو يستوي به.. انتي تعرفين غلاتج عند ابويه و تعرفين حالتج هاي كيف تاثر عليه
ريم: بس ماقدر اخفي شعوري ... ماقدر اخفي حزني و انا .. مطلقه

خلود و الهنوف سكتن يوم سمعن كلمة (( مطلقة )) .. كلمة قوية على وحده مثل ريم

ريم: تخيلن .. بعدني ما فرحت .. و لا حتى لبست الفستان الابيض.. و لا استانست بعرسي.. ما مدالي افرح كمن يوم و في الاخير يي بهالسهولة يقولي انتي طالق ..يلست افكر هالايام شو اللي سويتهو خلاه يطلقني.. بس لاني رفضت الغلط و قلتله انك غلطان في ويهه عاقبني بهالطريقة

الهنوف: بعدج صغيره و الف من يتمناج ..
ريم: اتخيلي اسير الجامعه و اتعرف على بنات و اكون صداقات .. و ان حد سالني انتي معرسه .. اقوله لا مطلقة.. احس الكلمة وايد كبيرة عليه.. حاسه بغصة في صدري .. انه هم ثقيل على صدري.. و ماعرف شو اسوي ماعرف
خلود: لا تخلين هالافكار تاثر فيج... و بعدين مثل ما قالت الهنوف انتي صغيره و الحياة جدامج.. لا تعتقدين انه هاي هي النهايه

ريم: المشكلة اني ما جبرت نفسي عليه.. هو اللي ياني .. هو كان يلاحقني.. هو اللي تم ورايه.. هو اللي خلاني احبه.. يعني عقب ما تعلقت فيه ينساني .. ماصدق انه في انسان مثله.. كيف قدرت اصدقه و اصدق شعوره و احساسه صوبي.. كيف قدر يقص عليه بهالسهوله و انا وثقت فيه ...

الهنوف: ريم.. انتي زعلانه لانه طلقج.. بس تعتقدين انه اذا ما طلقج و استمريتي معاه.. اكيد ببين مشاعره في يوم من الايام.. و يمكن يكون هاليوم عقب العرس..و اتخيلي عاد.. تخيلي انج تكشفين حقيقته في وقت متاخر.. شو بتحسين؟؟ ريم احمدي ربج انه الله كشفلج ياه على حقيقته الحين بدال ما تتورطين معاه اكثر...

خلود: ريماني... صدقيني انه الله يرزق الانسان على قد نيته.. و اكيد الله بيرزقج بواحد احسن عن سيف بمية مره
ريم: كرهت العرس و طاري العرس و كل شي عن العرس ...


<FONT color=navy>أنا الجريح وجرحي اليوم نزّاف ..... واللي جرحني في الهوى سهم حريف</FONT>

تمت حمده يالسه .. عقبها قررت تيلس ويا عذابه و علياء ... و هي سايرتلهم.. سمعت فيصل يزقرها

فيصل: حمده
حمده: هلا
فيصل: تعالي
حمده: شو تبا .. بعدين بعدين
فيصل: اقولج تعالي
حمده: انزين. خير
فيصل: شو تقصدين برمستج قبل شوي
حمده: متى
فيصل: منو هي اللي طارت
حمده: هيه.. تذركت
فيصل: ردي عليه منو اللي طارت
حمده: اللي في بالك
فيصل: و انتي شو عرفج منو اللي في بالي
حمده: اعرفها
فيصل: منو .؟؟
حمده: منو يعني .. علياء بنت عمي
فيصل ( وهو منصدم): و ليش تقولين انها طارت؟
حمده: يهمك يعني
فيصل: هيه يهمني
حمده: ربيعتيه يمكن تخطبها لاخوها
فيصل: نعم؟؟؟
حمده: شو ؟؟؟
فيصل: شو عرفها ربيعتج بعلياء؟؟
حمده: انا خبرتها
فيصل: و من متى تشتغلين خطابه
حمده: من الحين.. شفتها في ملجة الريم و انا رمستها عن علياء
فيصل: اسمعيني عدل.. والله يا حمدوه ان سمعتج تخطبين علياء لحد بتشوفين شي عمرج ما شفتيه
حمده: تهددني حضرتك
فيصل: هيه
حمده: وانت اشحقه مهتم في علياء. ماحيدك تبغي تعرس
فيصل: بعرس و باخذها فاهمه
حمده: قول جيه من الصبح.. اثري الحبيب يغار
فيصل: اجلبي ويهج يلا .. ( روح عنها)
حمده: فيصل... الحق ما تلحق..

فيصل مستانس و في نفس الوقت حزنان لانه يمكن يفقد علياء في أي لحظه.. ما توقع انه علياء يمكن تعرس و ياخذها واحد ثاني غيره ... و عقبها سار عند ابوه ..خاطره يرمس ابوه.. بس كان متردد.. يمكن لانه الموقف كان صعب شويه .. او انه بعده هب مقتنع بسالفة العرس

تعشوا ..و عقب العشا ردوا تيمعوا مره ثانيه .. و يلست اليده ترمس عن قبل و عن ايام اول ... و فيصل بعده يفكر في علياء.. تم يطالعها وهي قاعده بعيد... شاف ابتسامتها الحلوه.. علياء رقيقة و حلوة و احلى شي فيها قلبها الطيب... فيصل قعد يفكر يعرس و ياخذ علياء.. او انه يتريا شويه لين ما يقتنع.. بس يمكن يتنقع في وقت متاخر .. و تضيع علياء من ايده..

فيصل: عمتيه.. ( يقصد ام خليفة)

الكل استغرب .. منو يقصد فيصل ب ( عمتيه) .. غريبة دومه يزقر ام خليفة ( خالتيه).. البنات تمت يتغامزن و يعيبن على فيصل

فيصل: عمتيه.. الصراحه...بغيت اعرس
ام خليفة: زين زين... احسلك يا فيصل .. العرس خير و بركه
حمده( وهي تصاصر عذابه): يبغي يعرس و يخبر ام خليفة .. هذا اخوج هب هين ههههههههههه

علياء مستغربه.. فيصل قرر يعرس.. بياخذ منو يا ترى ... بس اشحقه يرمس امها &#33;&#33;&#33;&#33;

ابو عمر تم يطالع فيصل و هو بعد مستغرب منه...

فيصل: عمتيه ... ابغي اخذ علياء ...

عاد هذيج الساعه ... الجو توتر... كل واحد في حاله

خليفة مستغرب من فيصل... فيصل ما جد خبره انه يبا اخته ولا حتى بين له انه يبغي يعرس...
عمر مندهش من حركة فيصل .. بس مع هذا تم يضحك عليه
ام عمر استغربت من حال فيصل.. اول شي تحرته هب صاحي .. تمت اطالعه بنظرات و هي معصبة عليه ... و استغربت يوم شافت عيونه و هو صادق بكل كلمة يالس يقولها...
ابو عمر الوحيد اللي تم مبتسم .. يضحك على فيصل و شكله وهو يرمس ام خليفة
البنات تمن يعيبن على فيصل.. اللي تضحك و اللي تتمصخر عليه....

الا علياء.. اللي صدق كانت مستحيه و مفتشله من اللي سواه فيصل.. حست انه ويهها احترق ... و خاصه انهم كلهم يطالعونها...

ام خليفة: والله يا فيصل .. ماعرف شو اقولك.. الشور عند علياء
فيصل: صدقيني يا عمتيه .. والله يشهد على كلامي.. صدقيني اني بحط علياء في عيوني الثنتين..

علياء من الحيا شلت عمرها وروحت عنهم .. و عقبها لحقتها عذابه..




<FONT color=navy>أتخيلك دومك معاي ... قمرا تنور لي سماي
أفرح وأجدد بك هواي ... وأحيا الأمل بك من جديد
يا راحة البال وغلاك ... ما حب في الدنا سواك
أنا معك وأبقى معاك ... حتى لو تبعد بعيد </FONT>



لا تنسون....


الجزء الاخير بيكون عقب ايام....


اشوفكم على خير..

السموحه مرة ثانيه&nbsp;


تحياااااااااااااااااتي


بنت القمر&#60;&#33;-- / message --&#62;</P></FONT></font>

[مي دبي]

<font color='#000000'>تسلم اخوي الصريح عالتكملة
وبانتظار الجزء الأخير باحر من الجمر


مي دبي

<img src="http://oasis.bindubai.com/emoticons/grinning.gif" border=0><img src="http://oasis.bindubai.com/emoticons/grinning.gif" border=0><img src="http://oasis.bindubai.com/emoticons/grinning.gif" border=0></font>

[الغرشوووووبة]

<font color='#000000'>مرحبااااا أخوي : الصريح.
مشكوووور على التكمله،
وبانتظار البااااقي لاني ابي اعرف
شوووو بيستوي...
أختك*الغرشوووووبه*</font>

[هتان المنتدى]

<font color='#728FCE'>مشكور اخويه..... تسلم ايدك.....<img src="http://oasis.bindubai.com/emoticons/grinning.gif" border=0><img src="http://oasis.bindubai.com/emoticons/grinning.gif" border=0>

&nbsp;تنريا الباجي.....<img src="http://oasis.bindubai.com/emoticons/wink.gif" border=0><img src="http://oasis.bindubai.com/emoticons/wink.gif" border=0>

بلييييييييييييييييييييييز لا تطول علينا.......<img src="http://oasis.bindubai.com/emoticons/oo.gif" border=0><img src="http://oasis.bindubai.com/emoticons/oo.gif" border=0>


&nbsp;تحياتي....</font>

[الولع]

<font color='#000000'>السلام عليكم جميع
مشكوووووووور اخوي الكريم على التكمله .. احسنت
نحرص التكملة <img src="http://oasis.bindubai.com/emoticons/fa33.gif" border=0></font>

[الشوق]

<font color='#000000'>الصريح
تسلم يااخوي ...
وانا كنت حاسه من هالسيف هذا ...
لكن محد يستاهلها غير سهيل .. وقلبي يقولي هو منقذها الوحيد .. وهذا سيف راح يندم اشد الندم ...

يالله عقبال الهنوف وعمر ان شاء الله
وخليفه وعذابه ...
نتريا التكمله ويعطيك العافيه</font>

[دمعة شوق]

<font color='#8D38C9'><p align=center>مشكور أخوي على هالتكمله الغاويه

وبنتظار الباقي

لاتطول علينا </p></font>

[شماسي]

<font color='#F660AB'><p align=center><font face="tahoma, arial, helvetica, sans-serif">تسلم اخوووي الصريح</font><font face="tahoma, arial, helvetica, sans-serif"> ع التكملــــــــــه .. <img src="http://oasis.bindubai.com/emoticons/biggrin.gif" border=0>

الله يصبـــر الريم ع اللي صار لهاا .. <img src="http://oasis.bindubai.com/emoticons/down.gif" border=0>

الله يجمع عذابه و خليفه&nbsp; والهنوووف وعمر يــــــــــــااا رب .. <img src="http://oasis.bindubai.com/emoticons/wink.gif" border=0>

نتريااا بااقي الاجزااء في اقرب ووقت يسلموو .. <img src="http://oasis.bindubai.com/emoticons/laugh.gif" border=0>

شماسي .. <img src="http://oasis.bindubai.com/emoticons/blush.gif" border=0></font></p></font>

[بن دبي]

<font color='#000000'><p align=center><font face="times new roman, times, serif" color=#cc00cc>مشكوووووووووووووور يييييييين ع التكمله ونتريا الاخير <img src="http://oasis.bindubai.com/emoticons/fa47.gif" border=0>&nbsp;..... ان شاء الله بس ما يكون حزين <img src="http://oasis.bindubai.com/emoticons/fa49.gif" border=0>

&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp; ميثه<img src="http://oasis.bindubai.com/emoticons/fa41.gif" border=0><img src="http://oasis.bindubai.com/emoticons/fa41.gif" border=0><img src="http://oasis.bindubai.com/emoticons/fa41.gif" border=0></font></p></font>

[الصريح]

<font color='#000000'>السلام عليكم

احم احممممممممممممممممم......

اليوم جاينكم ومعاي الجزء الأخير من القصة <img src="http://oasis.bindubai.com/emoticons/fa50.gif" border=0>

بنزله بعد شوي

</font>

[الصريح]

<font color='#000000'><p align=center><font color=#000080>أحبك لو بغيت أنساك ما اقدر أحبك لا تسال القلب اصبر... احبك من زمن يوم الطفولة يوم الوقت أحلام و تصور</font>&nbsp;

الجزء (الاخير)


دخلت علياء داخل البيت.. و يلست في الحجرة و هي تتنافض.. هب مستوعبة اللي صار .. فيصل طلب ايدها .. فيصل يباها.. معقولة...&#33;&#33;&#33; معقولة فيصل يعرس ..؟؟ علياء كانت لها مشاعر خاصة صوب فيصل من فترة .. بس ما توقعت انه فيصل يبادلها الشعور نفسه

(( ماصدق... فيصل &#33;&#33; فيصل يخطبني ؟؟ (جان تبتسم) غريبة &#33;&#33; بس أنا ما حسيت في يوم انه يفكر فيه .. فيصل يعرس .. و انا بكون حرمته..&#33;&#33;&#33; معقولة يا دنيا ... تجمعيني بالانسان اللي تمنيته و حلمت به &#33;&#33;&#33; ))

و تدخل عليها عذابه

عذابه: حشا تعبت وانا ادورج..
علياء: ليش
عذابه: ليش بعد ( وهي تبتسم).. ماتدرين يعني
علياء: عذوب ماصدق اللي صار .. اتخيلي فيصل يخطبني... فيــــــــــــــصــــــــ ــــــــــل؟؟&#33;&#33;&#33;&#33;
عذابه: اتصدقين حتى انا مستغربة... سبحانه مغير الأحوال
علياء: بس فيصل مستحيل يتغير
عذابه: ليش لا ... دام انه عمر اللي هو عمر تغير... بس اتصدقين ما توقعت في يوم انج بتكونين حرمة خويه
علياء ( وهي مستحية): عذوب عاد... لا تحرجيني اكثر
عذابه: يعني انتي موافقه؟
علياء: مممممم
عذابه: ؟؟؟
علياء: مادري
عذابه: بدينا بالدلع... يا هي يا لا .. ما في شي اسمه مادري
علياء: انزين خلوني افكر
عذابه: ما يبالها تفكير
علياء: لا والله.. هذا عرس هب لعبه
عذابه: علاية... انا اعرف فيصل عدل... و متاكدة انه بيحطج في عيونه شرات ما قال لامج.. و لو اني هب واثقه منه جان شفتيني اول وحده ارفض هالشي.. و بعدين .. ( جان تسكت)
علياء: بعدين شو ؟؟؟
عذابه: لا تفرطينه جان ما فرطت خليفة... انتي ما تعرفين الندم اللي في داخلي .. نادمة على اول يوم رفضت فيه خليفة
علياء: بس في فرق .. خليفة يحبج
عذابه: اتصدقين انه فيصل لو ما يحبج جان ما طلبج اصلا
علياء: يحبني ؟؟ و انتي شو عرفج
عذابه: احساسي.. يعني فيصل اللي كان بيموت و لا انه يسمع طاري العرس.. فجاة جيه غير رايه.. اكيد لانه يحبج و يباج

و تدخل عليهم حمده

حمده: ماصــــــــــــــــــــدق ... انتي حرمة فيصل .. لا لا مستحيل
علياء: حمدوه دخيلج هب وقته الحين.. روحي ميتة من الزياغ
حمده: ههههههههههههه... ليش ؟؟
علياء: احس اني انحطيت في موقف سخيف.. الصراحه هذا اخوج ما يستحي
حمده: لا والله... لانه طلبج يعني ما يستحي
علياء: يعني انا شفت افلام و مسلسلات .. بس عمري ما شفت شي يشابه اللي سواه فيصل.. اتخيلن عاد عمي قاعد و عمر و امايه و امج و يدوه بعد... اااااااااااااااااااااااخ ويهي ..
عذابه: ههههههههههههه.. يمكن لانه حب يحطج امام الامر الواقع.. عسب ما تتهربين منه
علياء: جيه عاد... يا فضيحتيه.. ماعرف شقايل بجابل عمي
حمده: صدقج.. لو انا مكانج شهر ما بظهر من البيت... و بعدين احمدي ربج انه فيصل يباج.. هذا فيصل هب أي واحد
علياء: و يعني.. جيه انا مالي رب.. و هو بعد المفروض يحمد ربه لاني بوافق
عذابه: يعني انتي موافقه
علياء: مادري مادري.. حمدوه شو الجو برع
حمده: حلو...
علياء: اقصد الجو عند هلج برع
حمده: عادي... انا ما حسيت بشي الصراحه.. خلنا نظهر احسن.. العشا بيزهب الحين
علياء: منو اللي له نفس ياكل الحين
حمده: انا ( ظهرت عنهم)

علياء: عذوب... شو اسوي الحين
عذابه: بلاج
علياء: انتي هب حاسه بشي... راسي يعورني.. و بطني و عيوني و ... و زايغه
عذابه: اذا انتي حاسه انج متردده .. فكري كمن يوم.. و صلي الاستخارة .. و بعدين لازم تشاورين امج طبعا
علياء: خوفي من امايه.. اخافها ترفض

دخلت عليهم ام خليفة

عذابه ( وهي تحاول تتهرب من ام خليفة): بسير اطالع امايه برع.. ( ظهرت من الحجرة)

ام خليفة: علياء
علياء: هلا اميه
ام خليفة: سمعتي ولد عمج ..

علياء مستحية و موخيه راسها..

ام خليفة: فيصل زين و بعدين هو ربيع خليفة و حسبة خوه.. بس يا علياء
علياء: بس شو
ام خليفة: حاولت ابعدكم عن عيال عمكم عقب المشاكل اللي يتنا من عمر .. و عقب اللي صار باختج من اقرب الناس لها وهو ولد عمها.. و مانكر اني غلطت بهالشي... لانه هذا عمكم حسبة ابوكم.. و هذيله عياله شرات خوانكم.. بس بعد يا علياء ما نبا نتقرب منهم اكثر
علياء: ليش يا اميه؟؟

عقبها دخلت عليهم الهنوف و يلست عالكرسي بعيد عنهم

علياء: امايه ليش؟؟ ليش ما تبينا نتقرب منهم
ام خليفة: فيصل اخو عمر .. و ما ظن بيظهر أحسن عنه
علياء: فيصل غير.. فيصل طيب و زين و أحسن واحد في الدنيا
ام خليفة: نفس الكلام اللي قلناه عن عمر و طاعي شو اللي النتيجة.. علايةة مابغي مصيرج يستوي شرات مصير ختج.. كفايه وحده... الحين علاقتكم من عمكم و عياله زينه.. بس لو زادت المشاكل ما بيرد أي شي شرات اول ..علياء اميه لا تتحريني مابغي سعادتج.. ترى اللي اقوله لمصلحتج انتي

علياء: يوم انج قررتي اشعنه تقوليلهم انه الشور عندي.. جان رديتي عليهم .. جان قليتلهم هالكلام
ام خليفة: اباج تقتنعين.. مابغي اجبرج على شي.. ماباج تلوميني عقب مثل خليفة

علياء تمت ساكته تسمع كلام امها... حاولت تغير راي امها بس ما شي فايدة.. و هي روحها اقتعنت بوجة نظر امها.. و فعلا كلامها صح.. لو ظهر فيصل شرات عمر... جان تذكر المرة اللي سمعت فيصل يرمس وحده... خليفة ابتعد عن عذابه... و اكيد هي المفروض بعد تبتعد عن فيصل .. بس شقايل تتجاهل مشاعرها صوب فيصل .. &#33;

الهنوف: اميه.. دخيلج... بس .. ما يحتاي ها كله.. ما يحتاي نتعذب كلنا و السبة انا و عمر
ام خليفة: انا ما طريتج انتي .. و لا لمتج في يوم من الايام
الهنوف: بس كل اللي يستوي بسبة طلاقي.. يكفينا خليفة ... ما ابغي يستوي حال علياء شرات خليفة
ام خليفة: بس
الهنوف: امايه.. شوفي خليفة.. ما حسيتي انه ظلمناه.. ما شوفه مستانس.. شقايل تقولين بعدنا عن عيال عمنا بيفرحنا.. لو صدق بيفرحنا جان شفتي خليفة اول واحد فرحان.. دخيلج يا اميه.. لا تظلمين فيصل .. فيصل غير و انا متاكدة من هالشي ... فيصل طيب و قلبه نظيف و يحب الخير... كفايه انه ربيع خليفة .. و اظنج اكثر وحده تعرفين فيصل و تعرفين حركاته..امايه لا تحسسيني بالذنب اكثر جيه.. لا تهدمين حياة خواني بسبة طلاقي ..
ام خليفة: مادريبكم والله..
الهنوف: انزين ما يحتاي نرد عليهم الحين... بس لا ترفضينه.. خلينا نفكر و خلاف بنرد عليهم

ام خليفة سكتت و ما ردت على الهنوف ... و علياء استانست من رمسة الهنوف ...



فيصل: بلاك ساكت
خليفة: شو تباني اقول
فيصل: مادري.. ماحيدك تسكت.. ما عبرت عن رايك
خليفة: ليش ما خبرتني من قبل
فيصل: ياخي بغيت ارمسك بس ترددت
خليفة: واليوم يعني رمت ترمس
فيصل: هيه (( جان يذكر كلام حمده.. يوم خبرته انه في واحد يمكن يتقدم لعلياء))
خليفة: و تتوقع اني بوافق
فيصل ( وهو مستغرب): ليش يعني؟؟؟ خليفة تعرفني عدل.. و ماظن حد يعرفني اكثر عنك.. وما في سبب يخليك ما توافق..
خليفة: هاي اختيه و يحق لي اختار اللي يناسبها
فيصل ( وهو معصب): شو قصدك.. يعني انا ما اناسبها
خليفة( وهو يحاول يرفع ضغط فيصل): يعني تقدر تقول جيه
فيصل: و منو ظنك اللي يناسبها
خليفة: وايد غيرك
فيصل ( وهو معصب و ويهه محمر): اسمعني عدل يا خلوف... والله انه محد بياخذ ختك غيري فاهم... و لو وافقت على غيري بتشوف جثته عند باب بيتكم... انا ولد عمها و اولى بها.. تبدي الغريب عليه
خليفة: و ليش تعصب.. ما في شي ترى يستاهل
فيصل: طالع رمستك انت .. احمد ربك اني ما ذبحتك الحين
خليفة: خيبة ... ها كله عسب طاري العرس.. ماحيدك تحب العرس
فيصل: هاك اول .. و الاول تحول .. و بعدين انت وشلك.. كيفي ابغي اعرس ..
خليفة: انزين انزين كلتنا ... حشا محد عرس غيرك
فيصل: خليفة .. شو رايك نعرس رباعه في يوم واحد
خليفة: لا تذكرني الله يخليك
فيصل: ههههههههههههههه الله يا دنيا انا اللي ماداني العرس قمت اتخيله.. و انت اللي ودك تعرس من زمان ماتواطن حتى سيرته
خليفة: الله يعيني بس
فيصل: بعدك تفكر في السالفه
خليفة: طول عمري بفكر فيها... الله يسامحج يا اميه.. ظلمتني وظلمت البنيه ... و ظلمتها ( وهو صاد يطالع عذابه من بعيد)
فيصل: امك تبغي مصلحتك.. و هب زين تلومها
خليفة: مالومها .. الوم عمري يوم اني وافقت اخذ غيرها ( وهو بعده يطالع عذابه)
فيصل: انزين .. و انا&nbsp;
خليفة: انت شو ؟؟
فيصل: شو الحين .. موافقين و لا
خليفة: صدق انك هب ويه عرس... ابويه اصبر كمن يوم
فيصل: كم تقريبا...؟؟
خليفة: اسبوعين .. ثلا ث.... شهر
فيصل: وين تبا.. شهر اونه... طالب بيت شعبي... الا هو عرس
خليفة: كلمة زيادة و انسى طاري التعرس
فيصل: خلاص خلاص .. ياخي اسولف.. بلاك انت جيه


بو عمر: فصول هذا فضحنا&nbsp;
عمر: هههههههههههههههه. <img class=inlineimg title="" alt="" src="http://www.alamuae.com/vb/images/smilies/bleh.gif" border=0> . اسميه فنان
ابو عمر: أي فنان .. حد يخطب جيه
عمر: انت ما كنت تدري؟
ابو عمر: وانا شو عرفني.. الا اليوم عرفت السالفه... بس ماظنهم يوافقون
عمر: ليش
بو عمر: ............
عمر: بسبتيه يعني ؟؟
بو عمر: يوم انه خليفة ماخذ ختك... تتحرى بيرضون علياء تاخذ فيصل
عمر: بس فيصل غير
بو عمر: ..........
عمر: ابويه بعدك زعلان عليه؟
بو عمر: و اشعنه ازعل
عمر: ابويه.. ادري انا وايد اخطيت بحقك و حق هليه.. و صدقني يا بويه نادم على كل شي.. و انا مابغي شي الحين غير انك ترضى عليه و تسامحني ..
بو عمر: .........
عمر: ترى مالي غيرك يا بو عمر..
ابو عمر: يوم بتصطلب .. و بتربي عيالك شرات الناس هذيج الساعه تعال رمسني
عمر ( وهو يطالع عياله يلعبون عند عذابه و الريم): بس
ابو عمر: بس شو ... انت ما تشوف عمرك.. هب جنهم عيالك.. لا يعرفونك ولا شي.. انت حتى ما تعرفهم .. تعرف شو اللي يحبونه و اللي ما يحبونه.. جد ربيتهم شرات غيرك.. هاي عيشة الحينه.. قلبك ما يعورك عليهم

عمر تم يطالع عياله ( سلامة و عبدالله) .. كانه من زمان ما شافهم... و لا جنهم عياله.. تم يفكر كيف قدر يبتعد عنهم و يتجاهلهم بهالسهولة .. معقولة غروره منعه من انه يحضن اغلى ناس عنده و هم عياله... &#33;&#33;&#33;

عمر: عبدالله&#33;&#33;&#33;

عبدالله ولده صد يطالعه.. هو كان واقف بعيد..

عمر: تعال هني

بعده عبدالله مستغرب .. هو يعرف انه هذا الانسان ابوه.. بس ما يعرف كيف يتعامل معاه او حتى يرمسه

عذابه: حبيبي عبدالله.. روح عند بابا
عبدالله: بيضربني
عذابه: لا حياتي .. بابا يحبك.. روح عنده
عبدالله: مابا
ريم: حتى عياله يزيغون منه
عذابه: عبود.. ما تبغي حلاوه
عبدالله: ابا
ريم: عيل روح عند ابوك .. بيعطيك حلاوة


عبدالله تم يمشي ببطئ... لين ما وصل عن بو عمر اللي حضنه.. و عقبها مسكه عمر .. و تم يرمسه .. و عبدالله طول الوقت يهز راسه كل ما يساله عمر ..

عبدالله: عمي خليفة يابلي سيارة كبيرة..
عمر:وينها
عبدالله: اختربت.. خربتها سلامه
عمر: تبا وحده ثانيه
عبدالله: عمي خليفة ما بييبلي
عمر: انا بييبلك
عبدالله: و سلامه بعد
عمر: هيه
عبدالله: ابويه ( يقصد ابو عمر)... عمر بييبلي سيارة
عمر: شو عمر بعد... قول ابويه
عبدالله: هذا ابويه ( ياشر على بو عمر)
أبو عمر: حتى هذا أبوك ..

عمر اضايق وايد... صدقه أبوه... عياله وما يعرفونه.. لهالدرجة قسى على نفسه و على هله و على الهنوف .. حتى عياله حرمهم شوفته ..



ريم: طاعي ويه عمر كيف تغير... احسه منحرج... يستاهل .. يعني ابتعد عن عياله هالفترة كلها و يباهم يردون بهالسهولة
عذابه: بس والله يكسر الخاطر.. تحسين انه يبغي يصلح اللي انكسر.. بس كل شي ضده
ريم: و من قالج انه اللي انكسر يمكن في يوم انه يتصلح.. حبيبتي الكسر ما يكون اللي في القلب و محد يروم يداوي القلب بسهولة
عذابه: الكلام هذا كبير عليج يا الريم.. أنتي بعدج صغيرة
ريم: حبيبتي ... انا هب صغيرة ... خلاص كبرت و أصبحت مطلقة
عذابه: ريم.. بلاج جيه ترمسين
ريم: ما غلطت انزين
عذابه: ماحيدج جيه.. الطلاق هب عيب .. لا تخلين هالكلمة تأثر عليج و أدمر حياتج
ريم: أي حياة &#33;&#33;
عذابه: و بعدين أنتي ليش اخترتي جامعة زايد.. احيدج تبين تتخصصين هندسة.. و التخصص هب موجود في الجامعة الحين
ريم: كل شي تغير
عذابه: ما في شي تغير .. بس أنتي اللي مكبرة السالفة
ريم: و ليش ما تقولين هالكلام حق عمرج
عذابه: شو قصدج
ريم: يوم بتتغيرين انا بتغير...
عذابه: و انا ما فيني شي
ريم: واضح
عذابه: بلاج تنغزيني برمستج
ريم: عذوب كيف تقوليلي انه الحياة بعدها جدامي و المفروض ما في شي ياثر عليه و أنتي لا تغيرتي و لا تغير حالج عقب ملجة خليفة
عذابه: شو دخله خليفة
ريم: طاعي عمرج و طاعي نظراتج صوبه
عذابه: ريم .. دخليج ماريد ارمس عنه
ريم: عيل انتي تتهربين من الواقع... اذا جيه عيل ماريدج تنصحيني .. انصحي عمرج في الأول
عذابه:...........
ريم: لا تزعلين من رمستيه... بس أحس بضيق و الم و حزن في قلبي .. ساعات اقول المفروض ماخلي شيف هذا يدمر حياتي .. و عادي بتم مثل انا و بحقق كل اللي كنت أباه.. بس ما عرف شو اللي يخليني اغير رايي يوم اذكر موقفه معايه... هذا الإنسان جرحني وايد.. جرح عمري ما بنساه.. ما توقعت انه بهالسهولة بيبدي نفسه عليه.. كل هذا عشان يرضي غروره و كبرياءه.. و الحينه اسمعج تنصحيني .. كيف تنصحيني و انتي حالج مثل حالي .. اباج يوم تقوليلي هالكلام تسوينه .. يعني هب الا جيه كلام

عذابه: ريم.. انتي اللي صار لج غير اللي استوالي.. فلو سمحتي لا تقارنين بين حياتي و حياتج.. يوم اقولج انسي لانه ما في فايدة تذكرين سيف و تذكرين افعاله معاج.. سيف ما يستاهلج و لا يستاهل حتى دمعه من دموعج.. سيف ظهر نذل يحب نفسه اكثر من غيره... بس خليفة غير ... انا يوم زعلت .. زعلت على انسان يسوى الدنيا و ما فيها.. زعلانه لاني فقدت انسان اهداني كل شي في حياته.. و فوق هذا كله تحملني و تحمل جفاي لفترة طويلة .. انسان عمره ما رفض لي طلب.. عمره ما جرحني .. صح انه خلاص ملج و خذ له وحده ثانيه.. بس هالشي ما بيغير غلاته في قلبي.. بتم احبه و بتم اذكره طول حياتي لانه باختصار يستاهل

ريم:.......

عذابه ( و الدموع في عينها): تتوقعين بنسى انسان اهداني حياته بدون أي ثمن او مقابل .. شوفي جدامج ( تقصد خليفة) .. تشوفين هذا .. غير عن الناس .. احبه حب ما تتخيلينه .. احبه لانه يحبني .. لانه عمره ما جرحني بكلمة .. بالعكس حاول قد ما يقدر يعطيني .. ريم.. انتي المفروض تنسين سيف لانه ما يستاهل حد يذكره.. بس انا لا تتطلبين مني انسى انسان بعده يطالعني بنظرات كلها حسرة و ندم على اليوم اللي افترقنا فيه...

ريم صدت اطالع خليفة .. و تكت اطالع نظراته .. حست بحزنه على فراق عذابه...

(( بعدك يا خليفة تتعذب ... بعدك تحبها و ما نسيتها.. &#33;&#33;&#33; صدقها عذابه يوم قالت انه سيف ما يسوى شي .. من يقدر ينسى واحد مثلك..&#33;&#33; ( وجان تصد اطالع عذابه).. بس شو مصير عذابه من عقبك يا خليفة ؟؟&#33;&#33;))


عقب العشا ... يلس بو عمر ويا عمر و فيصل و خليفة و تموا يسولفون .. و الغريب انه علاقة عمر و خليفة تغيرت وايد.. علاقتهم هالمرة احسن عن قبل بوايد.. خليفة قلبه طيب و ما يحب يحط في خاطره على حد.. و هالشي اللي خلاه يتغير على عمر بسرعه و ينسى اللي صار بينهم .. و أحلى شي ..عمر .. اللي كان الود وده يصلح اللي اخترب بينه و بين ولد عمه ..


حمده ( وهي ترمس خلود): شفتي اليوم عمر ؟؟
خلود: بلاه
حمده: ما شفتيه و هو يرمس خليفة
خلود: هيه... الحمدلله يوم ان الله بينهم رد شرات اول
حمده: لا حبيبتي ... عمر قبل ما يداني خليفة ولا يواطنه
الهنوف: عمر من النوع اللي ما يبين مشاعره لحد بسهولة

حمدة و خلود تمن يطالعن الهنوف

الهنوف: انا اعرف عمر عدل.. ما يحب يبين قلبه الطيب لحد.. يتحرى قسوته هي اللي بتقرب الناس منه
حمده: و انتي ؟؟
الهنوف: انا شو ؟&#33;&#33;
حمده: تقربتي منه
الهنوف : و ليش تساليني هالسؤال؟
حمده: فضول
ريم: صدق الهنوف ؟؟؟ انتي حاولتي تتقربين من عمر &#33;&#33;
الهنوف: مانكر اني حاولت.. هب مرة ولا مرتين... اكثر عن 100 مرة
ريم: و معقولة ما قدرتي توصلين قلبه؟
الهنوف: المشكلة انه هو اللي ما يبا حد يتقرب او يعرف اللي في قلبه.. عمر هذا انسان غامض.. ما تعرفين شو يبا و لا شو يفكر فيه
حمده: الهنوف .. اسمحيلي على هالسؤال ... بس اباج تصارحينا ... تحبينه&#33;&#33;&#33;&#33;
خلود: وانتي وشلج... عيب عليج
حمده: بلاج...&#33;&#33; ما سالتج انتي .. الصراحه ابغي اعرف شعورها صوب عمر
الهنوف: بشو بيفيدني هالشعور .. يوم كنت معاه ما فاد اللي سويته له .. و مشاعري ما أثرت فيه.. هو يوم خذني خذني عشان ابوه .. بس عسب يرضي ابوه .. بس يوم شاف ابوه بعده هب راضي عنه و هب عايبتنه تصرفاته .. عافني و كرهني .. حملني ذنب انا مالي خص فيه.. ذنبي اني رضيت اخذ ولد عمي لانه اقرب و احق الناس فيه
حمده: بعدج ما جاوبتيني على سؤالي&#33;&#33;&#33;
الهنوف: احيدج تلقطينها و هي طايره .. ما فهمتي الجواب من كلامي
حمده: ابغي اسمع الجواب منج.. من غير لف و دوران
الهنوف: اسمحيلي عاد.. هاي امور شخصية
ريم: افـــــــــــا... ماحيدج تغبين شي عنا
الهنوف: ههههههههههههههههه...
خلود: الهنوف ما عليج منهن


في الحجرة ...

عذابه: يعني بنتم هني ..
علياء: ماروم اظهر.. ماروم احط عيني في عين فيصل
عذابه: و انا شو ذنبي انحبس في الحجرة معاج
علياء: يا ويهج... انتي اقرب الناس لي و المفروض تسانديني في السراء و الضراء
عذابه: امري لله ... بس عاد نحن في السراء و لا الضراء الحين
علياء ( وهي تبتسم): السراء
عذابه: هههههههههههههههههههههه
علياء: بس خوفي تغدي ضراء
عذابه: ليش عاد
علياء: اميه
عذابه: بلاها؟
علياء: يعني ما تعرفين شو السالفه... تخيلي بعدتج عن خليفة.. اكيد بعد بترفض فيصل
عذابه: لا ماظن... و خاصه انه اللي بين عمر و الهنوف بدا يتغير
علياء: لاحظت هالشي .. و بعدين ليش ما تغير عمر قبل ما يملج خليفة .. عسب نفرح بج و بخليفة
عذابه: ممكن تغيرين السالفه
علياء: ليش
عذابه: لاني كل ماحاول انسى خليفة... الكل يذكرني به
علياء: يعني تبين تنسينه
عذابه: احاول
علياء: بس هو عمره ما بينساج
عذابه: علايه دخيلج غيري الموضوع... الحين شو رايها امج
علياء: ماعرف والله.. بس الهنوف رمستها
عذابه: هزرج بتوافق
علياء ( وهي مستحية): يعني هاي حياتي و المفروض انا اقرر.. انا اللي لازم اقول منو ابا و من اللي ماباه
عذابه: العيال كبرت ... ما شاء الله قمنا نقرر بعد
علياء: عذووووووووووووووووووووووب ... صدق انج سخيفة
عذابه:احاول اخفف عليج اللي فيج... يا حرم فيصل القبيسي
علياء: اشحقه فيصل ما يغير اسمه
عذابه: شو تبين يسمي عمره
علياء: اسمه هب وايد حلو.. يعني يسمي عمره مثلا.. مممممممممم....
عذابه: شو رايج ب قمبر؟؟
علياء: نعم نعم نعم
عذابه: اتخيلي تكونين .. حرم قمبر القبيسي... غاوي الاسم .. ههههههههه
علياء: لا والله.. تمصخرين حضرتج... عيل خيليني على فيصل ابرك
عذابه: عيل قومي نظهر برع...
علياء: بس ..
عذابه: برايج عيل .. انا بظهر مليت من يلسة الحجرة
علياء: و انا اقعد روحي يعني ..
عذابه: مشكلتج
علياء: عذوب.. ماروم ايلس هناك.. اكيد فيصل وياهم
عذابه: انزين تراهم يالسين بعيد
علياء: بس اكيد بيطالعني
عذابه: عيزتيني تراج.. الحين شو بتسوين بالضبط
علياء: خلاص .. بظهر معاج
و ظهرن من الحجرة ...........


اليده: هاتولي البرنوص... حشا تيمدت
خلود: البراد غاوي
اليده: غاوي بس كسر ضلوعي..
ام عمر: يلسي عيل داخل ..احسلج من هني
اليده: احكر عمري بين اربع يدران ليش ... لا لا بيلس معاكن
ام خليفة: على هواج
اليده: انزين.. كملي .. شو قالولج بعد
ام خليفة: ماشي .. هاي هي السالفه
اليده: يعني متى يبون العرس
ام خليفة: ماشي حجز في الفندق الا عقب شهر .. ولا عقب ما بنروم نحصل .. بس خليفة اللي يهديه هب طايع يعرس الحين
اليده: ويديه انا.. اشعنه بعد فندق
ام خليفة: ترىهل العروس يبون
حمده: يدوه .. الفندق احلى و ارتب الصراحه
اليده: ليش الخسارة بعد... بلاهن الخيم.. نصبولكم خيمة و يلسوا تحت هاك المهب الغاوي
ريم: يدوه... أي مهب بعد.. الصيف في بلادنا ما يرحم
اليده: والله برايكم.. انا اشوف لو تسولكم خيمه عوده ابرك.. خليفة.. خلــــــــــــــــــيفة ... لا يجذبن عليك الحرمات و تسوي العرس في فندق.. ترة ماشي احسن عن الخيم

خليفة عاد كاره حياته... خاطره يقعد و محد يطري له سالفة العرس .. و خاصة انه عذابه يمكن تي و تقعد وياهم ... و هو ما يبغي حد يرمس عن عرسه و عذابه قاعده..

ام خليفة: الهنوف؟؟ و ينهم عيالج&#33;&#33;&#33;
الهنوف: رقود
ام عمر: داخل... بس منو عندهم داخل
الهنوف: علايه و عذوب داخل... ( بس شافت عذابه يايه وياها علياء)
اليده: ها .. ين هذيله.. منو الحين قاعد ويا عيالج داخل
الهنوف: البشكارة اكيد معاهم
ام خليفة: و البشكارة شو عرفها
الهنوف: يا اميه تراهم راقدين.. وهي بس قاعده عندهم
اليده: و انتي يعني ما تعرفين البشاكير و سواياهم
الهنوف: بسير اطالعهم ( روحت عنهم)
اليده: ترى محد يأمن في البشاكير.. امسات بتاني لا بارك الله فيه شل عيوز و وداها البر و ذبحها هناك و محد يعلم بها ... ها هذا لانها امنت فيه .. هذيله تراهم مالهم أمان ... انزين يا ام خليفة .. يعني عرس ولدج عقب شهر &#33;&#33;&#33;

عذابه انتبهت يوم سمعت طاري العرس... و يلسن البنات يرمس و عذابه تفكيرها عند ام خليفة .. يالسه تسمعها وهي ترمس عن عرس خليفة ...

و طبعا خليفة من صوب يتلفت يطالع عذابه... و حاس انه قلبه يعوره على بنت عمه...كيف تروم تيلس بينهم و هو يطرون خليفة و حرمته شمسه و عرسهم و الفرحه اللي بتم قريب... بس للأسف مايروم يغير الواقع


الهنوف دخلت بطالع عيالها... شافتهم رقود و البشكارة معاهم في الحجرة ... عقب ما اطمنت عليهم ظهرت من الحجرة .. سارت المطبخ تاخذلها عصير لها و لبنات عمها ... و هي تمشي شافته واقف جدامها .. زاغت في البدايه لانه ظلام.. عقب انتبهت انه عــــــــــــــــــــــمـ ــــــــــــــــــر

الهنوف: بسم الله
عمر: زغتي
الهنوف: ما توقعت انه حد داخل
عمر: ييت اخذلي غرشة ماي
الهنوف:.....
عمر: اشحالج
الهنوف: بخير
عمر:.......
الهنوف: انزين يمكن تمر عسب اروم ادخل
عمر: اوه نسيت
الهنوف: ....

عمر ظهر من المطبخ... بس ما قدر يتجاهل المشاعر اللي في قلبه .. رد دخل مره ثانيه

عمر: الهنوف
الهنوف: .؟؟؟
عمر: بغيتج في سالفه
الهنوف: خير
عمر: هني عاد ما ينفع
الهنوف: عيل وين
عمر: تعالي بنيلس برع
الهنوف:...........
عمر: بلاج
الهنوف: اذا في خاطرك شي قولي ياه هني
عمر: يعني انا شو بسويبج... الا هي كلمتين
الهنوف: مادري
عمر: انزي عيل خلنا نيلس هني
الهنوف: احسن بعد


يلسوا ع الطاولة... الهنوف يالسه تتريا عمر يبدا.. و عمر يحرك غرشة الماي اللي في ايده

الهنوف: انزين &#33;&#33;
عمر: ما عرف من وين ابدا
الهنوف: ظهر اللي في خاطرك
عمر: وايد
الهنوف: شو اللي وايد
عمر: الكلام اللي في خاطريه ماظن اروم اقوله كله في يوم
الهنوف: ...........
عمر: اســـــــــــــــــــــف

الهنوف مستغربه ... عمر .. عمر ... عمر يعتذر
الهنوف: و ليش تعتذر
عمر: على كل شي ... على كل يوم هنتج فيه.. عل كل يوم جرحتج فيه.. على كل يوم ضيعته بعيد عنج و عن عيالي .. اعتذر على اليوم اللي مديت ايدي فيه عليج.. اعتذر لج على كل شي ...

الهنوف بعدها ساكته .. الموقف صعب و ما تعرف شو ترد عليه... و خاصه انه نبرة صوته كانت غير .. كل كلمة قالها اثرت فيها و دخلت قلبها .. طبعا .. دامه ((( <font color=darkgreen>سيد القلب </font>)))

عمر: اسف على كل يوم ما قلتلج فيه.... ( بتردد) ما قتلج فيه اني موووووووووووووووووووووت احبج

تتوقعون في كلمة بتوصف هالموقف ... انا الصراحه ماعتقد... الموقف اكبر من انه ينوصف بكلمة او حتىعشر .. كيف نقدر نوصف مشاعر انسان اول مرة يفتح قلبه .. اول مرة يعبر عن مشاعره و احاسيسه من دون أي خوف .. اول مرة يفرح اللي حوله.. ولو وصفت موقف الهنوف.. ماقدر اوفي حقها .. تخيلوا موقفها ... هيه تحبه... لا لا هب بس تحبه.. كلمة حب شويه عليها .. سيد قلبها واقف جدامها .. فتحلها قلبه.. قاللها احبج.. مووووت احبج

نعيش مع ناس سنين.. و تمر بينا و بينهم مواقف .. و اغلب الاوقات ما نتاثر بكلامهم و لا بمشاعرهم .. بس الهنوف بالرغم من اللي صار بينها و بين عمر.. بالرغم من كل المشاكل و المواقف الصعبة الاليمة... بكلمة وحده بس ... نست و محت كل شي .. الحل كان بايد عمر.. كام بامكانه يقوللها هالكلمة من زمان... بس طبعا غروره اللي منعه.. لكن الحين تغير الحال... ظهرت الكلمة وبارادته... و شاف الفرحة اللي في عيون الهنوف ..

مر الوقت بسرعه ...و ماحسوا فيه... بعده عمر يرمسها .. و الهنوف تسمعه... تسمعه و هو يسولف و يضحك.. تاملت ابتسامته الحلوة... و عمر يتكلم كانه ما شافها من سنين.. خبرها بكل شي .. فتحلها قلبه و قاللها كل اللي في خاطره... و تم يناظر عيونها .. و تموا يسولفون و هم هب حاسين بعمارهم..


فيصل: وين .. تو الناس
ابو عمر: الساعه 1 الحين.. لين متى بتسهر
خليفة: ترى اليلسة حلوة ...
ابوعمر: حلوة ما قلنا شي.. بس عاد لازم باجر انش من وقت
فيصل: انزين ما تبغي تسمع خليفة وهو يشل
ابو عمر: الحين عاد
خليفة: منو قال اني بشل.. هذا فيصل مخرف
فيصل: خلوف .. لا تفشلي جدام العرب
حمده: لحظه لحظه.. خليفة صدق بتشل ؟؟
فيصل : هيه هيه
ريم: والله... من زمانما سمعنا صوتك
ابو عمر: انا بروح ابركلي... اقعدوا انتو جان تبون
ريم: ابويه
ابو عمر: لبيه
ريم: اقعد ويانا.. خلنا نستانس وياك
ابو عمر( بتردد): على هواج
فيصل ( وهو يقلد الريم): ابويه... من ترمس هالحمسه الكل يسمعها
ابو عمر: هاي غير .. هاي الريم
حمده: شيخة الحريم.. حافظينها الاسطوانه
ريم: عندج مانع
حمده: لا .. بس ممكن يا خليفة تتكرم وتشل
خليفة: بس
خلود: من زمان ما سمعناك..
خليفة:فالج طيب..

وبدا خليفة يشل.. و طبعا .. الكل كان يعرف لمنو بتكون شلته.. و الكل يدري منو يقصد بكلامه...

<font color=navy>ما الوم عيني تسهر عليك و احلمك بغمضة عيوني
طبعك حلو ميت انا فيك و اللي شراتك من يكوني
ملاك لكن من يساويك انت الذي ساكن عيوني
اغليك يالمحبوب و اغليك غصبا عن ناس عذلوني
لو ذقت منك هجر بعطيك حب و غلا و احلى شجوني
لا تظن يالمحبوب ناسيك ولا تظن حبك لي يهوني
ما الوم عيني تسهر عليك و احلمك بغمضة عيوني
طبعك حلو ميت انا فيك و اللي شراتك من يكوني</font>


عذابه من خلص خليفة شلت عمرها و دخلت داخل <img class=inlineimg title=frown alt="" src="http://www.alamuae.com/vb/images/smilies/frown.gif" border=0> ...و خليفة بعده نش و روح بعيد عنهم&nbsp; .. تم يحوط لين ما تعب .. بس ما بغى يرد داخل.. ركب سيارته و قعد في السيارة .. ليـــــــــــــــــن الصبح.. و طبعا ما ذاق طعم النوم.. طول الوقت يفكر في عذابه.. هب عارف شو مصيره من غير عذابه..&#60;&#33;-- / message --&#62;
</p></font>

[الصريح]

<font color='#000000'><p align=center>الفجر..

ريم: بعدج ما رقدتي ؟؟ <img class=inlineimg title="" alt="" src="http://www.alamuae.com/vb/images/smilies/sad_1.gif" border=0>
عذابه: ..........
ريم: عذوب .. تفكرين فيه
عذابه: ابغي ارقد.. ابغي اغمض عيوني .. ماريد افكر فيه .. بس ماقدر.. حاولت والله حاولت بس ماقدر .. بسير اتوضا و اصلي...

توضت عذابه.. و عقبها مرت المطبخ .. و جان تسمع صوت عمر ... طلت داخل شافته يرمس الهنوف ..انخشت ورا الباب عسب محد يشوفها .. تمت تسمع كلامهم.. ابتسمت .. ضحكت .. بس غصبا عنها طاحت الدمعه من عينها .. استانست لرجوع عمر و الهنوف ..و حزنت لانهم تصالحوا عقب ما انتهى حلمها مع خليفة .. سمعت صوت عمر و هو بيظهر بيسير يصلي .. ركضت بسرعه عسب ما يشوفها

دخلت الغرفة بتصلي .. و شافت ام خليفة قاعده تصلي ... صلت حذالها .. و عقب ما خلصت شافت ام خليفة اطالعها ..

عذابه: خالتيه.. فيج شي
ام خليفة:...........

عذابه استغربت من نظرات ام خليفة ..

ام خليفة: عذابه.. تعالي عدالي.. ابا اقولج شي
عذابه: خير خالتيه.. شو فيج؟
ام خليفة: سامحيني
عذابه: على شو ؟؟
ام خليفة ( و الدموع في عينها): والله يا عذابه .. ما كرهتج في يوم .. انتي حسبة بنتي .. انا مربتنج.. لا تحسبين اني اكرهج
عذابه: خالتيه ادريبج تحبيني .. بس عاد لا تصيحين
ام خليفة: ماباج تكرهيني .. والله ما تهونين عليه
عذابه: انا اكرهج؟؟؟ حد يكره امه &#33;&#33;&#33;
ام خليفة: انتي تعرفين ليش سويت جيه... حطي نفسج مكاني .. شو بتسوين يوم بتشوفين بنتج تنهان و تنظرب جدامج.. و من منو &#33;&#33; من ولد عمها .. يا عذابه اعرف الذنب هب ذنبج.. بس عمر اخوج.. مابغي المشاكل تزيد .. ما بغيت أي شي يربطنا بعمر
عذابه: ادري.. بس دخيلج لا تصيحين.. لو انا مكانج بسوي نفس الشي و اكثر بعد.. محد يرضى انه بنته تنذل جدامه.. خالتيه انا عمري ما كرهتج.. و لا تظنين اني بكرهج في يوم.. هذا القدر.. شرات ما جمعني بخليفة و نحن صغار.. فرقنا و نحن كبار .. و يمكن صدقج الله راد انه يتوفق مع وحده ثانيه. يمكن انا ماقدر اسعده..
أم خليفة: خليفة حتى لو مات عندج بيستانس ..اعرفه عدل.. انتي الهوا اللي يتنفسه ( وتمت تصيح)

عذابه ( وهي تحاول تخفي دموعها): خليفة بيتغير.. و بتشوفين ... خليفة طيب و و .. ( ماعرفت شو اللي لازم تقوله)

ام خليفة: ادري اني ظلمتج و ظلمته و ظلمت شمسه بعد.. بس الله يشهد ع كلامي.. ما تمنيت غير سعادته
عذابه: خالتيه.. لا تعورين قلبج..و لا تلومين عمرج.. انتي ما غلطتي... هذا ولدج و اكيد تبين سعادته و محد ينكر هالشي
ام خليفة: بس خليفة.. انا مالي غيره يا عذابه.. الله عطاني هالولد . حاولت قد ماقدر اسعده .. بس هو يتحراني مابغي سعادته..
عذابه: منو قالج؟؟ خليفة يعرف انج تحبينه و يدري انج تتمنين سعادته
ام خليفة: انتي ما شفتي حالته.. ما شفتي كلامه.. خوفي من باجر يقسى على حرمته و اكون انا السبب
عذابه: خليفة طيب و عمره ما غلط على حد.. بس انتي ادعي انه الله يوفقه.. والله يا خالتيه اني في كل صلاة ادعيله.. لا تحسبين اني باخذ ع خاطريه منج ولا منه .. مهما كان هذا ولد عمي .. و حسبة .. اخويه ( قالت هالكلمة و الدمعه طاحت غصبا عنها)

نشت ام خليفة و ظهرت تيلس في الحوي .. تتريا ام عمر

و عذابه بعدها في الحجرة .. يلست تفكر في كلام ام خليفة .. عذابه عمرها ما حقدت على ام خليفة على اللي صار .. صح انها كانت السبب في فراقها من خليفة .. بس مع هذا ما زعلت منها و لا كرهتها .. و اليوم حست عذابه بحزن ام خليفة .. و عرفت انه اللي سوته بس عشان مصلحة خليفة و سعادته.. اليوم تاكدت عذابه انه خليفة اصبح حلم صعب تحقيقه...

اول ما ظهرت من الحجرة .. شافت خليفة في ويهها .. خليفة يا عشان يرمس امه.. ما يدريبها قاعدة برع في الحوي ..

خليفة ( وهو مويم): اميه داخل؟
عذابه: لا ...
خليفة: وينها عيل
عذابه: يمكن في الصاله ..
خليفة: محد يالس هناك
عذابه: عيل يمكن بتحصلها برع
خليفة: برايج عيل ( روح عنها)
عذابه ( بتردد): خليفة
خليفة: نعم
عذابه: بغيت اقولك شي
خليفة: امري
عذابه: ...........
خليفة: خير.. شو اللي في خاطرج
عذابه: بغيت ارمسك عن ... عن شمسه
خليفة ( وهو مستغرب): بلاها شمسه..
عذابه: سمعت انك هب مهتم فيها و لا في عرسك
خليفة: انتي حد طلب منج ترمسيني عنها؟
عذابه: لا
خليفة: عيل &#33;&#33;&#33;
عذابه: انا روحي لاحظت تجاهلك .. يعني لو أنا مكان البنيه .. اكيد بزعل . يعني بعدكم توكم مالجين و تعاملها جيه
خليفة: و من قالج اني بعاملج جيه لو كنتي محلها...&#33;&#33; ما تدرين انج غير الناس عندي
عذابه: خلنا الحين في شمسه
خليفة: انا اصلا ياي ارمس اميه عنها.. و ابغي اقولج شي.. انا الصراحه ما ابغي اعيش هالجذبه لانها ما بتنفعني و لا بتنفعج و لا حتى بتفيد شمسه في شي
عذابه:..........
خليفة: عذابه انتي تدرين اني ماريد اخذ غيرج.. و انا يوم خذت شمسه بس عسب ارضي امي. تحريت اني يمكن انساج و اعيش حياتي مع غيرج.. بس ماقدرت .. مابغي اظلم هالبنيه اكثر عن جيه..
عذابه: بس .. حـــــــــــــرام.. شو ذنبها شمسه .. خليفة البنيه زينه و انا روحي شايفتنها كمن مره .. والله انها طيبه و حنونه و الكل يتمناها .. حرام تفرطها من ايدك
خليفة: عيل اكيد في غيري يستاهلها اكثر عني .. و انتي تدرين اني ما ابغي غيرج
عذابه ( بخوف و بصوت واطي): و ان قلت ... و ان قلت اني مابغيك
خليفة ( وهو مستغرب): شـــــــــــــــــــــو&#33 ;&#33;&#33;&#33;&#33;
عذابه: ...........
خليفة: ليش ساكته.. ارمسي .. عيدي اللي قلتيه
عذابه: مابغيك
خليفة:..........
عذابه: اظنك سمعتني ... مابغيك... و اظن يا خليفة انه اخلاقك ما تسمح لك تسوي في بنت الناس جيه..

خليفة منصدم من كلام عذابه

عذابه: خليفة لا تزعل من كلامي .. ولا تظن اني اقولك هالكلام لاني اكرهك.. انت اكثر واحد تعرف اللي في خاطريه.. و انت ادرى بمشاعري صوبك..

خليفة: تبيني اخذها؟؟&#33;&#33;
عذابه: هيه
خليفة: على هواج ما بطلقها.. بس لا تقولين اني ما تبيني .. عذابه صدقيني اني اباج.. و باخذج
عذابه: و من قالك اني برضى اتزوجك و في ذمتك وحده
خليفة: عيل شو تبيني اسوي
عذابه: خليفة.. خلاص.. لين متى بتم على هالسالفه.. ياخي خلاص انتهى اللي بينا ليش هب راضي تقتنع.. الحين في ذمتك وحده و حرام انك تطلقها و بعدها ما فرحت حتى بعرسها.. و لا بعد تبغي تعرس عليها.. لو كنت احبك .. ولو بموت من غيرك.. مستحيل ابني سعادتي معاك على تعاسة غيري..روح ( و هي منزلة راسها).. روح عند امك برع.. روح فرحها و خبرها انك خلاص بتعرس .. قوللها انك بتعرس عقب شهر.. فرح هلك بعرسك.. وفرح البنيه بعد... ( روحت عنه)

خليفة واقف و منصدم من رمستها.. تحراها تتمصخر او انها تقول هالكلام هب من خاطرها .. بس كانت جادة في كلامها.. عذابه انهت في هاللحظة كل شي بينها و بين خليفة ..

خليفة ظهر برع و شاف امه قاعدة عالكرسي... صد يطالع ورا .. يمكن يشوف عذابه و يمكن ترجع و تغير رايها... تمنى في هذيج اللحظة يشوف بس عيونها عسب يتاكد انها بعدها تباه... رد يطالع امه .. يلس عدالها .. تكلم معاها.. رمسها عن شمسها .. خبرها انه خلاص . يبغي يعرس بسرعه.. استسمح من امه... و حب ايدها و راسها .. و ام خليفة استانست .. و من فرحتها بعرس خليفة صاحت ...

و عذابه داخل .. اطالعهم من الدريشة .. يوم شافت ابتسامة ام خليفة عرفت انه خليفة نفذ اللي تباه .. ما عرفت شو تسوي .. تفرح لفرحة ام خليفة ... و لا تصيح على ضياع خليفة من حياتها ...&#33;&#33;&#33;


ام عمر: عذوب.. شو تسوين
عذابه: ها.. ماشي
ام عمر: انزين واعي خواتج.. اذن الفير و ماشوف حد نش
عذابه: ان شاء لله
ام عمر: بلاه ويهج محمر
عذابه: مادري
ام عمر: محمومة؟؟؟
عذابه: لا
ام عمر: عيل
عذابه: مادري.. بس اطالع خواتي ... ( روحت عنها)

ام عمر استغربت من حركة عذابه.. و عقبها ظهرت برع . و شافت ام خليفة ترمس خليفة وهي مستانسه...

خليفة: صباح الخير خالتيه
ام عمر: صباح النور.. ما سرت ويا عمك و عيال عمك الصلاة؟
خليفة: توني راد..
ام عمر: وينهم عيل ماشوف حد داخل
خليفة: بيردون الحين .. ها هاذو فيصل وصل .. ( سار عند فيصل)

ام عمر: خير ام خليفة... الله يجعل ايامج كلها فرح.. اشوفج مستانسه
ام خليفة: خليفة.. يبغي يعرس عقب شهر

ام عمر توها استوعبت موقف عذابه داخل ..

ام عمر: الله يوفقه يارب.. زين يوم انه غير رايه..
ام خليفة: والله يا ام عمر هالايام النوم ما ييني .. افكر في شمسه و في هلها .. متلومة فيهم بسبة خليفة
ام عمر: خليفة ريال و النعم فيه.. عمره ما غلط على حد.. الحينه بس تشوفينه زعلان و مويم.. بس ان شاء الله عقب العرس و عقب ما يشوف حرمته و يعيش معاها هذيج الساعه بتشوفينه متغير
ام خليفة: الله يسمع منج


فيصل: ابويه
ابو عمر: نعم
فيصل: بغيتك في سالفه
ابو عمر: اصبحنا و اصبح الملك لله.. خير ..
فيصل: اباك في موضوع مهم
عمر: عقب عقب...
فيصل: شو عقب
عمر: عقب رمسه.. الحين انا ابغيه في سالفه
ابو عمر: شو عندكم اليوم من صباح الله خير
فيصل: ياخي اشحقه تخرب عليه..
عمر: و انت شو عندك ؟؟
فيصل: ابغي ارمسه عن العرس
عمر: تراك رمست هلها.. اصبر عليهم لين ما يردون عليك
فيصل: و ليش اصبر بعد.. الحين عقب ما غيرت رايي و قلت ابغي اعرس تقولولي اصبر
ابو عمر: انزين يمكن البنيه ما تباك
فيصل: و اشعنه ما تباني .. شو ناقصني
ابو عمر: فيصل... انت سويت الي عليك.. جان البنيه تباك زين.. و ان ما بغتك خلاص. و بعدين ليش مستعيل على رزقك.. اصبر شويه
فيصل: هاذو خليفة وصل.. بسير وياه اظهر الدراجات ابركلي.. عرس عرس و الحين اصبر شويه.. هب عرس هذا .. ( روح عنهم)


عقبها وصلن البنات و قعدن عند ابو عمر ... و عمر خاطره يرمس ابوه بس ما حصل الفرصة المناسبة ...


حمده: ابويه.. قول حق فيصل اني نبغي نسوق الدراجات
عمر: لا والله... احلفي انتي بس
حمده: شو فيها ..
عمر: عيب
حمده: ابويه
ابو عمر: صدقه عمر.. شو بعد تركبن الدراجات

حمده تمت اطالع ريم

ريم: ابويه
ابو عمر: لبيه
ريم: خلنا نحوط شوي بالدراجات.. ترانا يايين نستانس.. و بعدين مافيها شي
ابو عمر: بس
ريم: يعني هاي اول مرة ..دخيلك ابويه.. لا تقول لا
ابو عمر: على راحتكن
حمده: اموت و اعرف انا ليش ما تسمع كلامي.. يعني يوم الريم تقول شي قلتلها على راحتج و على هواج. و انا لا لا لا
ابو عمر: اشحقه تعصبين
حمده: منقهرة.. بس عند يدوه اللي تحبني احسلي من اليلسة بين ناس عندهم تفرقة عنصرية



عقب ما تريقوا.. ركبوا فيصل و خليفة الدراجات .. حتى عمر بس هالمرة ركب عياله معاه.. و الجو عندهم واااااااااايد حلو .. و الكل كان مستانس و اولهم الهنوف ... فرحتها ما تنوصف و خاصه و هي تشوف عمر يلعب عياله...

عقب مذلة وافق فيصل انه يخلي البنات يركبن الدراجات.. و الصراحه اشكالهم كانت تضحك..

مر اليوم و بعدهم هل القبيسي على فرحتهم.. و خاصه بو عمر و هو يشوف عياله حوله مستانسين.. مع انه قلبه يعوره كل ما يشوف الريم.. بالرغم انها تحاول ما تبين حزنها .. بس كان واضح انها بعدها مضايقه..


العشا...

عذابه: الاجازة بسرعه مرت
علياء: صدقج والله.. بس تصدقين تولهت عالجامعه
عذابه: بالعكس.. انا الود ودي اقعد هني اكثر
حمده: لا لا شو نقعد.. خلني نرد دبي احسن
ريم : طبعا.. متولهه على حبيب القلب. ماتصل بج
حمده: لا ..
عذابه: غريبة .. بعده ما رد من السفر
حمده: مادري شي عنه.. اول مرة يسوي هالحركه.. اتخيلن من سافر و انا ماعرف شي عنه
علياء: يمكن فيه شي
حمده: خله يرجع.. انا براويه
ريم: انتي ليش جيه .. افرضي مثلا انه فيه شي..
علياء: هيه. يمكن مات ..
حمده: بسم الله عليه.. شو مات بعد
عذابه: يعني اكيد في سبب منعه من انه ما يتصل.. و بعدين حمدوه لازم تغيرين طبعج هذا
حمده: ظنكم استوى به شي &#33;&#33;&#33; ( جان يرن تلفونها)

حمده ( وهي طايرة من الفرحة): هو .. اتصل اتصل اتصل
علياء: ردي عليه بسرعه
حمده: لا .. ليش ما اتصل بي قبل
عذابه: صدق انج تافهه.. ردي عليه
حمده: اوكي... الو


محمد: <font color=darkgreen>وين لي بيتصل فينيا .... وين لي ما يصبر بلانا
انقضى الموعد وملينا .... يمكن الغالي تناسانا</font>

حمده عاد طارت من الفرحة من سمعت صوته و كلامه

حمده: الناس يسلمون
محمد: السلام عليج
حمده: عليكم السلام و الرحمة
محمد: اشحالج.
حمده: الحمدلله..
محمد: دوم ان شاء الله
حمده: وانت ؟؟ اشحالك
محمد: بخير ربي يعافيج
حمده: تو الناس
محمد: شو ؟؟
حمده: زين يوم انك تذكرتني
محمد: و من يروم ينساج
حمده: واضح.. عسب جيه دوم تتصل
محمد: وانا اتحراج بتسالين عني
حمده: تراني زعلانه عليك
محمد: بعدج
حمده: هيه
محمد: و بعدين يعني؟
حمده: شو بعدين
محمد: لين متى&#33;&#33;&#33;&#33;&#33;&#33;&#33;
حمده: .......
محمد: ما نسيتي
حمده: عمري ما بنسى
محمد: و ان قلت اني احبج

حمده استحت ومارامت ترد عليه

محمد: غناتي سامحيني .. خلاص عاد.. والله ماروم على زعلج
حمده:...............
محمد: بتمين ساكته
حمده: شو تباني اقول
محمد: ماباج تقولين شي.. بس عاد انسي اللي صار
حمده:.......
محمد: بعدج تبين الطلاق
حمده: يعني اشوفك مع وحده ثانيه ولا بعد وحده اعرفها و ما تباني اطلب الطلاق
محمد: غلطة و ما بتتكرر.. صدقيني يا حمده اني اباج وانا اثبت لج هالشي يوم ييت و خطبتج.. ما سويت ها كله لو ما كنت احبج
حمده:...........
محمد: تدرين... انا ماجبرج على شي... و انا اعتذرت لج كمن مرة بس الظاهر ماشي فايدة .. واذا بعدج تبين الطلاق .. هب مشكلة اللي تبينه بيستوي
حمده ( وهي مستغربة): صدق&#33;&#33;&#33;&#33;&#33;&#33;&#33;&#33;&#33 ;&#33;&#33;
محمد: هب هذا اللي تبينه؟&#33;&#33;
حمده ( بترد): ها .. هيه.. هذا اللي اباه
محمد: على هواج... مع السلامه
حمدة: وداعة الله


صكت عنه.. وهي مستغربة... (( عادي عنده... عادي عنده يطلقني .. بس انا ما كنت ابا هالشي .. لا .. محمد خاين وما يستاهل أي شي... برايه.. في الف غيره .. بس المشكلة اني مستحيل احب غيره ...))

ريم: ها شو قالج؟؟
حمده: اذا كنت ابغي الطلاق.. بيطلقني
ريم: خبله انتي
حمده..............
ريم: حمدوه... ها عرس هب لعبة .. و الطلاق مب سهل
حمده: ماعرف
ريم: شو اللي ما تعرفينه.. يعني لو هو غلط ترى كلنا نغلط... بس هو ياج و استسمح منج اكثر عن مره.. يعني ع الاقل اعترف بغلطته ..
حمده: ماروم انسى شكله و هو مع هذبج البنيه.. اتخيلي ... اكيد كان يظهر مع غيرها
ريم: ها كله من الماضي.. و محمد لو ما كان شارنج جان ماعتذر لج كمن مرة ..



مر الوقت بسرعه ...عمر كل ما يحاول يرمس ابوه .. يستوي شي و يخرب عليه.. بس بعده كان متردد,,, يخاف يخيب ظنه مثل قبل... و يمكن ما ترضى به الهنوف مرة ثانيه .. بس الشي اللي كان مريحنه هو كلام الهنوف و رمستها معاه.. حس انها بعدها تباه

و فيصل اعصابه محترقة <img class=inlineimg title="" alt="" src="http://www.alamuae.com/vb/images/smilies/bomb.gif" border=0>&nbsp; .. هب عارف شو مصيره.. بتوافق علياء و لا لا .. يمكن امها اللي ما توافق .. تمت الافكار تراوده طول الوقت .. وفي لحظه حس انه ندم يوم خطبها .. بس كل ما يتذكر انه يمكن علياء تزوج غيره ينسى الندم و يحس بالخوف انه يمكن يفقدها ..

خليفة طول الوقت يسولف ويا بو عمر و اليده... كان متجاهل عذابه و الكل لاحظ هالشي .. بس في اعماقه يندم على كل لحظة تمر من حياته دوم ما يناظر فيها عيون عذابه ...

ثاني يوم ... الصبح ردوا هل القبيسي دبي ..

عقب صلاة الجمعة ... ظهر بو عمر ومعاه عمر من المسيد... و في السيارة..

عمر: ابويه بنسير نتغدى عند خليفة
بو عمر: ليش
عمر: الصراحه .. ابغي ارد الهنوف
بو عمر: ردينا ..
عمر: انت اسمع هالمرة كلامي
بو عمر: عمر .. انسى السالفه احسن
عمر: ما بنسى .. الهنوف اباها.. و عيالي بيردولي مرة ثانيه
بو عمر: بس
عمر: دخيلك .. بس هالمرة اسمع رمستيه..
بو عمر: انا مالي خص.. ما بقنعها و لا برمسها.. جان بترد ترد على كيفها

عمر سكت و مارد على ابوه.. يمكن كان خايف انه الهنوف ترفضه مره ثانيه.. بس كل ما يذكر كلامها معاه في ليوا ينسى هالخوف

وصل بيت خليفة ... تغدوا .. و عقب الغدا .. رمس بو عمر خليفة .. خليفة توقع هالشي و خاصه يوم شاف عمر تغير في هالفترة .. دخل خليفة عند هله و رمس امه .. امه استغربت في البدايه .. و يمكن ما كانت راضية ..

ام خليفة: الهنوف .. شو رايج
الهنوف:..........
ام خليفة: من الحينه اقولج.. عمر تعرفينه عدل و تعرفين تصرفاته.. يعني هب تين يوم من الايام تصيحين بسبته ..
الهنوف: عمر تغير
ام خليفة : ماتدرين شو في قلبه
الهنوف: صدقيني انه تغير .. و انا اعرفه عدل
ام خليفة: على هواج.. بس لا تقولين عقب انه ما نصحتج
الهنوف: مهما كان هذا ولد عمي و ابو عيالي ..و ادريبه انه تغير


دخل خليفة الميلس .. و تم يطالع عمر اللي صدق كان زايغ و خايف من رد الهنوف .. بس من عرف ردها و انها وافقت ترد له... طار من الفرحة .. استاااااااااااااااااااااا نس واااااااااااااااااااااايد .. ابو عمر استغرب .. ما توقع انه الهنوف مهمه لهالدرجة في حياة عمر ...

ظهر عمر من البيت ويا ابوه... و طول الدرب وهو شاق حلجه من الوناسه...جان يقرر يطرشلها مسج

<font color=navy>ما شفت كيف القمر عقب الظلام أنور
بالضبط نفس الشعور إن شفت بسماتك
إن كان في خاطرك حاجة عليه أبشر
والله لا أسوق العمر كله لمرضاتك</font>

و جان ترد عليه الهنوف بمسج...
<font color=navy>في الروح حبه دوم موجود .... يابوي هايم به هيامي
هو غايتي وهو كل مقصود .... وأحن له حن الضوامي</font>


العصر ...

زيارة مفاجئة لبيت عبدالله القبيسي.. و كانت زيارة هل عبد العزيز... قرروا يحددون موعد عرس عبدالعزيز و خلود,, طبعا عبد العزيز كان مستعيل .. بس خلود بغت تخلي العرس عقب عرس خليفة ... يعني تقريبا عقب شهرين... عاد فرحة خلود عمة البيت كله .. و خاصة عقب اللي صار لريم تكهرب الجو عندهم .. بس عرس خلود نسى الكل همه و اولهم الريم اللي استانست وايد لفرحة اختها و خاصة انه العلاقة بين خلود و عبدالعزيز وايد طولت ...


مرن الايام .. و فيصل شاب ضو.. لين الحين ما ردوا عليه.. تم يصر على امه انها ترمس ام خليفة بس ام عمر ما طاعت.. فيصل استحى يكلم خليفة .. و قرر انه ياجل السالفه لين ما يعرس خليفة ..

الهنوف ردت لعمر ... و عيالها ردوا البيت .. و ام عمر حليلها من الفرحة تمت تصيح... و خاصة انه عمر له مكانه خاصه في قلبها.. ختى البنات استانسن لرجوع الهنوف و خاصه خلود...
عمر قرر انه يغير اسلوبه مع الهنوف .. قرر انه يغير شخصية و طباعه.. يمكن لانه الفترة اللي ابتعد فيها بينت له قيمة الهنوف عنده ...

عمر: الهنوف&#33;&#33;
الهنوف: هلا
عمر: تصدقين انه حياتي بدونج ما تسوى شي
الهنوف: .....
عمر: مادري شقايل قسيت على عمري و عليج و على عيالي ..
الهنوف: عمر.. يمكن تنسى اللي صار ..
عمر: اباج انتي اللي تنسين..
الهنوف: خاطريه اعرف شو اللي غيرك
عمر: تبين الصدق.. انتي ..
الهنوف : انا &#33;&#33;&#33;&#33;&#33;&#33;&#33;&#33;
عمر: هيه انتي ... تحريت اني لو ابتعدت عنج بعيش حياة ثانيه احسن بوايد من عيشتيه معاج.. بس ظهر العكس.. مهما بعدت عنج.. مصيري عندج هني

الهنوف ابتسمت لكلامه.. اول مرة عمر يظهر اللي في خاطره.. و اول مرة تسمع منه هالكلام... و تاكدت انه فعلا تحبه لو شو ما صار بينهم... و يبقى هو الوحيد (( <font color=darkgreen>ســــــــيد القـــــــــــــــلب</font>))


انشغلن البنات هالايام بالجامعة... و خاصة الريم.. اللي استانست وايد في الجامعه بس بعدها متردده في التخصص.. بس هالفترة بعدتها عن سيف و عن اللي صار معاه ..

حمده: هاي جامعه هب مدرسه
ريم: انزين انا متعدوة اني اذاكر و اهتم بدروسي
حمده: هب جيه عاد... يعني الحين خليفة عقب اسبوع بيعرس .. و انتي بعدج ما يبتي فستانج
ريم: روحي روحج
حمده: لا والله...
ريم: ولا طاعي خلود
حمده: حشا .. انتي محد يستفيد منج .. عذوب بتسيرين
عذابه: لا
حمده: يعني ما تبين تحضرين العرس
عذابه: لا
حمده: بس خالتيه ام خليفة بتزعل
عذابه: محد بيزعل..
حمده: و فستانج
عذابه: حمدوه دخيلج.. ما ابغي فستان و لا ابغي اسير العرس
حمده: اوكي.. برايكن... ( روحت عنهم)

دخلت حمده حجرتها ... انسدحت عالشبرية و تمت تفكر في محمد... عالفترة ترددت وايد .. ما تعرف شو المفروض تسويه.. تودره ولا تتجاهل اللي صار قبل &#33;&#33;... و عقبها شغلت الكمبيوتر و فتحت الماسنجر
يلست ترمس ربيعاتها .. و فجأة دخل (( ملك العين )) الماسنجر

ملك العين ( محمد): مرحبا السااااع
احبك لو بغيت انساك ماقدر ( حمده): مراحب
ملك العين: اشحالج
احبك لو بغيت انساك ماقدر: بخير ...
ملك العين: يمكن اتعرف&#33;&#33;&#33;
احبك لو بغيت انساك ماقدر: ليش لا
ملك العين: منو انتي؟؟
احبك لو بغيت انساك ماقدر: الغزال الشمالي
ملك العين: حياج الله
احبك لو بغيت انساك ماقدر: الله يحييك.. و انت؟؟
ملك العين: انا واحد... ضايع في هالدنيا و السبة قلبي
احبك لو بغيت انساك ماقدر:بلاه قلبك&#33;&#33;
ملك العين: احب وحده .. و اموت فيها .. المشكلة انها ما تعبرني
احبك لو بغيت انساك ماقدر: تستاهل
ملك العين: ليش عاد
احبك لو بغيت انساك ماقدر: اكيد انت مسوي شي و خليتها تكرهك
ملك العين: غلطت و مانكر هالشي .. بس نادم ... نــــــــــــــــــــــاد م.. اعتذرتلها بس ما طاعت تنسى .. خبريني شو الي لازم اسويه
احبك لو بغيت انساك ماقدر: الظاهر انه حالتك صعبة و انا الصراحه انصحك بحل واحد ماشي غيره
ملك العين: شو ؟؟
احبك لو بغيت انساك ماقدر: انتحر
ملك العين: افا ليش عاد
احبك لو بغيت انساك ماقدر: تفك العالم منك
ملك العين: بس اللي احبها ما بتروم تعيش دوني
احبك لو بغيت انساك ماقدر: لا عادي.. بتتعود
ملك العين: ما شي حل غيره.. يعني ما تروم هي تسامحني مثلا
احبك لو بغيت انساك ماقدر: لا طبعا ما بسامحك.. قصدي ما بتسامحك
ملك العين: و لو قلت اني اسف
احبك لو بغيت انساك ماقدر.......
ملك العين: سامحـــــــــــــــــــين ــــــــــــــــــــي
احبك لو بغيت انساك ماقدر....................
ملك العين: <font color=navy>الحب وش فيه لي منك تعلمته؟ ... ما عاد يشبع غرورك ؟ قول علمني
ما دام شفته ضعيف إش فيك أمنته؟ ... الواجب أنك توضح لي وتلومني
كل الذي أملكه لك حيل سلمته ... ما أدري إذا كنت مخطي فيك سامحني
بس أتذكر فوادك يوم كلمته ... أحيدك تقول بأعلى الصوت تفهمني
على العموم آتقبل منك ما شفته ... راضي بظلمك ما دامك قمت تظلمني
أنا تعلمت منك الدرس وأيقنته ... ما راح أعاندك كيفك لو تعذبني
ما زلت عالعهد ياقي وياك لك صنته ... أبحفظك في غيابك لو تعاندني
يا صاحبي كل ما في القلب بينته ... عطني جوابك دخيل الله وريحني</font>

تمت حمدة تقرا القصيد... و حست صدق انها بالغت بتصرفاتها ...
ملك العين: بعدها زعلانه؟؟
احبك لو بغيت انساك ماقدر: مادري
ملك العين: و لو قلت اني احـــــــــــــــــــــبـ ــــــــــــــــــج... قصدي احبـــــــــــــــــها
احبك لو بغيت انساك ماقدر: تقولك يمكن تشرفنا يوم الجمعة و تتغدا عندنا
ملك العين: من عيوني ... اللي تباه بسويه.. بس لا تزعل عليه
احبك لو بغيت انساك ماقدر: <font color=darkgreen>احبك لو بغيت انساك ماقدر</font>
ملك العين : <font color=darkgreen>احبك لو بغيت انساج ماقدر </font>



قرب عرس خليفة .. و عذابة حالتها حاله... كل يوم تتعب نفسيتها ... امها حاولت انها ترمسها بس مشكلة عذابه انه كتومة و ما تحب تبين حزنها لحد..و خليفة من صوب حالته ما تسر ... حاول انه يرضي عذابه بس شو الفايده.. لو هو قادر ينساها و لا هي قادرة تعترف انها خسرته ...

يوم عرس خليفة ..

الكل مرتبش.. طبعا هذا خليفة الغالي .. الكل يشهد على طيبته و اخلاقه.. و الدليل المعازيم في العرس .. كلهم حضروا عرسه و الكل استانس بعرسه... و اكثرهم العروس.. شمسه .. اللي كانت صدق حلــــــــــــــــــــــو ة ..
عذابه ما طاعت تحضر ... تمت امها تقنعها بس بعدها مصرة انها ما تحضر..

ابو عمر: عذوب
عذابه: ها ابويه
ابو عمر: بعدج ما بتسيرين
عذابه: ابويه الله يخليك... لا تجبرني على شي انا مابغيه
ابو عمر: بس هذا ولد عمج..
عذابه: ولد عمي الله يهنيه في عرسه.. و العرس ترى بيتم بدوني ..
ابو عمر: عذوب .. غناتي .. روحي اتلبس و اتعدلي.. فرحي امج.. لا تخلينها تزعل و هي تشوفج بهالحاله.. و بعدين انتي شو بتستفيدين .. ام خليفة بتسانس بشوفتج.. قومي الله يرضى عليج

عقب اصرار ابوها وافقت عذابه انها تحضر عرس خليفة .. خواتها تلبسن و روحن قبلها.. قررت عذابه تروح العرس مع ابوها ... كانت راعية الصالون بعدها عندهم ... تعدلت عذابه و لبست فستانها العنابي ... و نزلت عند ابوها تحت....

ابو عمر انبهر يوم شاف عذابه... كانت صدق غاوية ... ركبت ويا ابوها السياره ... و في الدرب تم بو عمر يفكر فيها ... و صدق عوره قلبه عليها و هو يشوفها متعدلة و متكشخه عسب تحضر عرس خليفة .. الانسان اللي تباه و تتمناه ... اول و اخر حب في حياتها ...

ابو عمر: عذابه
عذابه: هلا ابويه
ابو عمر: هذا خليفة يا عذابه
عذابه:..........
ابو عمر: افرحي عسب يفرح... ترى فرحتج هي اللي تسعده... اليوم ماله غيرج.. لا تضايقين و لا تزعلين.. الله سبحانه يعوض الانسان بللي فيه الخير.. اضحكي و استانسي ... تراه عرس خليفة .. و محد شرات خليفة

عذابه حاولت تمسك عمرها... ما رامت ترد على ابوها.. شو تقوله&#33;&#33;
(( اه يا بويه ماتدري اللي فيه... اليوم عرس حبيبي ... و انا المفروض افرح و اضحك على حزني و فراقه ...&#33;&#33; ))
وصلوا الفندق... نزلت عذابه.. و دخلت قاعة الحريم ... كانت ملفتة و جمالها جذب كل الحضور ... حتى خواتها استغربن يوم شافنها.. محد توقع انها بتغير رايها و بتحضر .. شافتها ام خليفة و تمت تحضنها ...و عذابه طول الوقت مبتسمه .. و محد يعرف شو ورا هالابتسامه ...

دخلت العروس ... على اغنية البدر ... و كانت في قمة الجمال ... عذابه تمت اطالعها .. اول مرة تشوفها عدل... و كل ما اطاعها تنزل راسها ... وصلت العروس الكوشه.. و كانت عذابه واقفه عدال الكوشة... جان تمسك ايد شمسة .. و تساعدها .. لين ما وصلت ...شمسة طبعا ما عرفتها .. بس تمت تبستم لها ... الهنوف و علياء و حمده و خلود و الريم استغربن من عذابه ...

بعدها عذابه تبتسم... اللي يشوف ويهها يلاحظ الفرحة.. بس اللي يدقق في عيونها يلاحظ الحزن و الخوف ... و عقبها .. رقصت.. رقصت عذابه على اغنية الشاكي للجسمي ... خواتها ما يحيدنها تحب ترقص... و كانت اول مرة ترقص فيها ... رقصت على الاغنية كاملة ..و نزلت يوم لاحظت انه المعرس بيدخل ...

ظهرت عذابه من القاعة...و هي ظاهرة شافها خليفة .. بس من بعيد... عرفها و حس انها عذابه... دخلت عذابه الحمام .. و ما طاعت ترد القاعة عسب ما تشوف خليفة واقف عدال العروس ..

خليفة دخل القاعة ... منزل راسه ... ومعاه بو عمر و فيصل و عمر .. خليفة حاس انه الدنيا تلف به.. وده انه كل شي ينتهي بسرعه ... وصل عند العروس...عاد فيصل ما شل عينه من على علياء ... طول الوقت يتاملها ... و عقب ما تصوروا ظهروا الشباب..

خليفة وقف حذال شمسه.. وده يطالع منو اللي خذها ... منو اللي حلت محل عذابه في حياته ... يوم شافها ابتسم ... طبعا ما نكر انها جميلة ... و لا تجاهل انها مستحيل تاخذ حب عذابه في قلبه ...


عذابه تمت في الحمام تصيح .. ابطت وايد في الحمام ... و تمت الريم ادورها ... يوم حصلتها طلبت من ابوها انه يودي عذابه البيت ...يوم وصلت البيت .. دخلن حجرتها .. صكت الباب على عمرها و تمت تصيح... تصيح بصوت عالي .. ابوها بغى يدخل يهديها بس هو نفسه ما عرف كيف يهديها ... يلس تحت في الصاله... وصلن الحريم البيت .. ام عمر تفكيرها عند عذابه ... دخلت حجرتها و زاغت يوم شافتها بهالحاله... عذابه تصيح و هي يالسه عالارض في الزاوية ... مغطية ويهها بايدها ... و تصيح بصوت عالي ...

ام عمر: عذوب... تعوذي يا اميه.. هب زين اللي تسوينه
عذابه: ليش يعرس يا امايه ليش ... و انا حرام والله حــــــــــــــــــــرام
ام عمر: اللي صار صار .. و عرس خلاص ... بس لا تصيحين
عذابه: خيلني اصيح... ميودة هالدموع من شهور .. كاتمة عالحزن في قلبي ومحد يعرف اللي احس فيه غير ربي.. تعبانه .. راسي يعورني ... احس اني بموت
ام عمر ( و هي تصيح): بسم الله عليج... الزواج قسمة و نصيب و الله بيعوضج
عذابه: و انا مااااااااااااااابغي غيره .. ما تفهمون مابغي غيره ... ماريد اتزوج.. ماريد حد غير خليفة
ام عمر: يا ويل حالي عليج يا بنتي ...
عذابه ( وهي تمسك ايد امها): دخيلج اميه... ساعديني ... قوليلي شو اسوي ... قوليلي كيف انساه ..

ام عمر ما عرفت شو ترد عليها ...مسكتها وجان تحضنها

عذابه: احبه... احبه .. خليفة راح يا اميه... خليفة راح
ام عمر: بس ... لا تصيحين بس ..خوانج بيون الحينه
عذابه: ليش ما تبينهم يسمعوني ... هم السبب ... عمر السبب..
ام عمر: عذوب.. بس
عذابه: لازم يعرف ... هو اللي فرقني عن خليفة .. هو السبب .. ليش ؟؟ ليش انا بالذات ليش... امايه خليفة طيب... طيب و يحبني .. ليش خسرت هالانسان ..و السبة منو... اخويه
ام عمر: عذوب اقولج بس... بيسمعج الحين
عذابه ( وهي تعلي صوتها): خله يسمعني... اباااه يسمعني ... ابااااه يعرف اني اكرهه... اكرهه&nbsp;&nbsp;&nbsp;


خلود يلست عند امها في حجرة عذابه... و الريم وحمده واقفات عند باب الحجرة .. يتهم الهنوف و تمت واقفه تسمع عذابه و هي ترمس عن عمر... و عقبها وصل عمر و هو يسمع صوت عذابه.. كل يتقرب من الحجرة يسمع صوتها بوضوح.. و سمعها و هي تقول انها تكرهه

وقف عند باب حجرتها .. و تم يطالعها ... الهنوف مسكته و تحاول اظهره من الحجرة بس هو ما طاع ... سار عند عذابه و قعد يطالعها

ام عمر: ما عليك منها يا عمر... تراها تعبانه وما تعرف شو تقول
عذابه: لا يا امي.. قوليله اني اكرهه.. خله يعرف... هو السبب .. هو السبب
ام عمر: عذوب بس بس ... عرس الريال و خلاص .. لا تعورين قلوبنا اكثر

عمر تم يطالعها... جان يمسك ايد عذابه .. و يحضنها ... حضنها بقوة ... و هي تمت تصيح اكثر و بصوت عالي ...

عمر: سامحيني يا عذابه سامحيني
عذابه: عرس.. خلاص عرس.. و خذ وحده ثانيه
عمر: سامحيني...

اول مرة يشوفون الدموع في عين عمر ... حتى الهنوف وايد تاثرت يوم شافته جيه.. مرت هالليله و عذابه بعدها على حالتها ...&#60;&#33;-- / message --&#62;


</p></font>

[الصريح]

<font color='#000000'>عقب شهر تقريبا ....


خلود: اليوم بسير بيت عمي
حمده: ليش ؟
خلود: بسير اسلم على شمسه .. من ردت من السفر ما شفناها
حمده: بس .. عذوب؟&#33;&#33;&#33;
ريم: اسير اسالها جان بتسير
حمده: لا لا ... ما فينا .. روحها لو تبغي تسير بتقول ...
خلود: انا بسير اسالها

سالتها خلود بس طلعا عذابه ما طاعت .. كانت تحاول تجنب أي مكان فيه خليفة او حرمته... قررن البنات يروحن بيت خليفة ...

في السيارة

حمده: انا بسير ميركاتو
خلود: ليش بعد
حمده: بشتريلي عطر
ريم: حق منو ؟&#33;&#33;&#33;
حمده: ربيعتيه مهره
خلود: هذا وقته
حمده: حليلها تبى اسم العطر الي عندي و كل ما اقول بشتريلها انساه
ريم: شوفي .. اذا بتسيرين بيتها لا تقوليلي تعالي...
حمده: محد بيخليني اسير روحي
ريم: مشلكتج.. <img class=inlineimg title="" alt="" src="http://www.alamuae.com/vb/images/smilies/whistling.gif" border=0> كل ماسير عندهم افتشل ويا خوها
حمده: ذكرتيني
ريم: شو &#33;&#33;&#33;
حمده: بخبرج بس بشرط
ريم: خير
حمده: لا تعصبين
خلود: عيل السالفه فيها عرس ههههههههههه
ريم: اذا عرس مابغي اسمع
حمده: تذكرين اخو مهره.. الي شفتيه قبل
ريم: بلاه
حمده: اسمه سهيل
ريم: انزين.. شو اسوي باسمه يعني
حمده:بتيج االسالفه... هذا الله يسلمج يوم شافج قرر انه يخطبج
خلود: صدق &#33;&#33;&#33;
حمده: هيه.. بس طبعا ما صار شي لان اللي ما يستحي على ويهه سيف كان خاطبنج
ريم: وبعدين <img class=inlineimg title="" alt="" src="http://www.alamuae.com/vb/images/smilies/sly.gif" border=0>
حمده: ماشي .. مهره رمستني من فترة عنج.. بس انا ماحبيت اخبرج
ريم: اوكي
حمده: بس جيه
ريم: شو اقول عيل
حمده: هيه ولا لا
ريم: على شو؟؟ <img class=inlineimg title="" alt="" src="http://www.alamuae.com/vb/images/smilies/shock_1.gif" border=0>
خلود: تقولج انه الريال يبغي يخطبج
ريم: وانا اقول لا&nbsp;
خلود: ريم... اذا الريال زين ليش ترفضينه
ريم: خلود الله يخليج.. ممكن تنسون سالفة سهيل ..&#33;&#33;&#33;


<font color=navy>ان جيت و لا رحت ما اشوف مصلوح.. ريح ضميرك و ابتعد ا فقدناك
العام قلبي ما شكى الجرح مذبوح .. يرجي وصالك و يرتجي يوم لقياك
و اليوم مالك منزل داخل الروح .. مات الغلا من يوم غرتك دنياك
قلبي لقى غيرك من الناس مملوح .... ماهوب يرخص من شرى الحب شرواك</font>

وصلن ميركاتو ....

راحت حمده تشتريلها العطر..و ريم و خلود دخلن محل ثاني ... و هن يتمشن ..شافت ريم اخر شخص توقعت انها تشوفه في يوم من الايام ... منو تتوقعون &#33;&#33;&#33;&#33;&#33;&#33;&#33;&#33;&#33;&#33; &#33;&#33;&#33;&#33;&#33;

سيف

ريم انصدمت يوم شافت سيف .. ما توقعت انه في يوم بتشوفه او بتلاقيه في يوم من الايام..

ريم: خلود.. خلنا نظهر احسن
خلود: ليش ..&#33;&#33;
ريم: بخبرج عقب

وهن ظاهرات شافن سيف واقف و معاه بنيه ...

خلود: هذا سيف &#33;&#33;&#33; ومن هاي اللي معاه
ريم: وحده من ضحاياه طبعا
خلود: هذا مادري متى بيتغير
ريم: هالاشكال ما في شي يأثر عليهم عسب يتغيرون

و الصدفة جمعت سيف و ريم .. هو انتبه لها .. و تم يطالعها بنظرات .. ارتبك في البدايه بس عقب تم يطالعها عادي و لا كنه جرحها في يوم .. تم يلاحقهن من مكان لمكان.. وصلت حمده و شافت سيف و طبعا استغربت .. و الغريب انه سيف بعده يلاحقهن لين ما وصلن عند باب السيارة

خلود: و بعدين يعني ... انت ما تستحي
سيف: لا الغاليه .. ما تعلمت المستحى بعدني.. اشحالج ريم
ريم: خير
سيف: اشحالج؟؟؟
ريم: خيــــــــر
سيف: ها يزاتي اني اتخبر عن حالج و صحتج
ريم: وانا اقولك خير... شو تبغي
سيف: ماشي .. حبيت اسلم و اتخبر عنج.. عرستي و لا ؟؟؟ اوه نسيت انج مطلقة

يت الكلمة في قلب ريم.. و من منو &#33;&#33;&#33; من الشخص اللي حبته...

سيف: بلاج ماتردين
ريم: لا بس... استغربت من كلامك.. ما وصلتك بطاقة عرسي&#33;&#33; غريبة انا اكدت عليهم يطرشولك ياها ..

سيف اتغير لون ويهه.. محد قاله انه الريم بتعرس ...

ريم: المهم .. لاتخاف بتوصلك البطاقه.. عاد لا تحرمنا من شوفتك... وداعة الله

ركبن السيارة و روحن عنه... و هو بعده مستغرب من اللي صار ..

في السيارة ...

خلود: قمنا نجذب بعد
ريم: ما جذبت
حمده: بس زين اللي سويتيه فيه
خلود: أي زين ... اتخيلي عاد ينتشر هالخبر
ريم: و ليش لا .. خليني ابرد قلبي .. اللي سواه فيه هب شوي ..و ما تشوفين رمسته معايه الحين ..
حمده: دواه.. يستاهل النذل.. ريم.. افهم من رمستج انج موافقه ...
ريم: على شو
حمده: ســــــــــــهيـــــــــل .
ريم: ليش لا ...

<font color=navy><font color=navy>مسموح ترحل عن حياتي وانا اروح .... وجرب ترى الدنيا بها دورة افلاك</font> خلني أعيش أفراح وتعيش بالنوح .... وتذوق ماذقته من أسباب يمناك</font>

عقب شهر ...

تم عرس خلود.. و كان اروع ما يمكن ... عرس الكل يشهد على جماله .. و بالاخص العروس (( خلود)) اللي كانت جميلة و حلوة فستان عرسها ... خواتها استانسن وايد عليها...
عبدالعزيز محد يقدر يوصف سعادته... تمنى هاليوم من زمان .. بس الظروف حالت بينه و بين خلود.. لكن اليوم الله راد يجمعهم ببعض...
يوم دخل عبدالعزيز و شاف خلود .. طار من الفرحة .. ما توقع انه هالحلم بيتحقق في يوم من الايام .. و جان يذكر موقف صار له قبل مع خلود ...

عبدالعزيز: السلام عليج
خلود وهي منشغله في الكتابة: عليكم السلام
عبدالعزيز: اشحالج الغاليه.. ان شاء الله بخير و بعافية
خلود ( وهي مستغربه منو هذا اللي يرمس بهالاسلوب.. رفعت راسها بطالعه.. وطبعا انصدمت.. ): ب.. ب بخير
عبدالعزيز: يا عساج دوم ان شاء الله.. شحال هلج؟
خلود: بخير
عبدالعزيز: واشحاله ابوج ؟
خلود: بخير
عبدالعزيز ( ساكت ما يعرف شو يقول): الحمدلله.. و.. و اشحاله اخوج عمر؟
خلود ( وهي خلاص شويه وبتكفخه): بتخبرك بتم جيه بتسالني عن هليه كلهم.. قلتلك بخير يعني بخير
عبدالعزيز( وهو حاس باحراج): زين زين.. دوم ان شاء الله
خلود: خير .. بغيت شي
عبدالعزيز: الخير في ويهج
خلود( تسوي عمرها منشغله ): اذا ما كان عندك شي تقوله .. اسمحلي تراني مشغوله
عبدالعزيز: عندي سؤال..
خلود: خير
عبدالعزيز: ليش ما تبغيني.. شو سويتلج؟
خلود: ..........
عبدالعزيز: خلود تدريبي عدل... والله اني اباج.. حرام تسوين فيه جيه
خلود: ........
عبدالعزيز: ليش رفضتيني بهالسرعه... مع انج تدرين اني بموت من دونج


صد عبدالعزيز يطالع خلود.. و عاد هي ميته من الحيا ... تقرب منها .. و جان يهمس في اذنها (( احبج))


وهاي هي النهايه ...

<font color=navy>احبك لو بغيت انساك ماقدر..</font>عمر .. حياته تغيرت 100% ... قام يهتم في عياله و حرمته.. و علاقته مع ابوه و ايد تحسنت عن قبل.. و احلى شي فرحته بحمل الهنوف ...و قرر انه لو ياه ولد بيسميه خليفة .. و ان يت بنيه بيسميها عذابه..

<font color=navy>احبك لو بغيت انساك ماقدر..</font>فيصل ... بعده على تصرفاته الجديمه اللي كانت تميزه عن باقي اخوانه... بس اللي غير حياته موافقة علياء .. صح انهم تاخروا في الرد بس فيصل مقرر انه لو عرس ما بياخذ غير بنت عمه علياء

<font color=navy>احبك لو بغيت انساك ماقدر..</font>خلود سافرت ويا ريلها فرنسا و ايطاليا... و عقب ما ردت قررت انها تشتغل و عبدالعزيز ما عارض هالشي .. بالعكس وافق .. لكن هي عقب فترة حست انه بيتها و ريلها اهم من أي شي ثاني في الدنيا ..

<font color=navy>احبك لو بغيت انساك ماقدر..</font>
حمده و محمد علاقتهم تغيرت عن قبل.. شخصية حمده تغيرت و هاالشي اللي قلل المشاكل بينهم ... حتى محمد ما في شي في حياته غير حب حمده ... و عرسهم ان شاء الله في الصيف ..

<font color=navy>احبك لو بغيت انساك ماقدر..</font>
ريم .. تغيرت فكرتها عن العرس ... و عقب اصرار حمده على سهيل .. و محاولات امها معاها... اقتتعت بسهيل... و قررت انه تتزوجه.. و من صوب سهيل ما صدق انها وافقت ... و ما توقع انها بتكون من نصيبه في يوم من الايام


<font color=navy>احبك لو بغيت انساك ماقدر</font>..
خليفة ... طبعا عرس .. و عايش مع حرمته شمسه .. بس لسوء الحظ علاقته معاه مبنيه على الاحترام بس.. يعني انمحى معنى الحب من حياة خليفة عقب ما فقد عذابه ... حاولت شمسه تغيره بس للاسف ما قدرت.. و الحين شمسه حامل .. و خليفة بس تمنى شي واحد.. انه الله يرزقه ببنيه و يسميها عذابه .. شمسه حطت في خاطرها من موقف خليفة معاها ... بس ما بايده حيلة .. ما يقدر يمنحها شي هو فقده من زماااان

<font color=navy>احبك لو بغيت انساك ماقدر..</font>
عذابه ... همها الوحيد في الفترة الاخيرة دراستها ... خطبوها وايد بس هي ما طاعت .. و طبعا حاولت تتجنب أي مكان فيه خليفة او حتى حرمته.. مع انه العلاقه بينها و بين حرمته زينه.. بس مع هذا عذابه تبغي تجنب أي شي فيه طاري خليفة ... لدرجة انه ما تسير ليوا لانه خليفة دومه هناك ويا هلها... و طبعا خليفة الود وده بس لو يطالعها .. لكن محال أي شي يجمعهم مرة ثانيه ..... عذابه ياها واحد من بوظبي اسمه ((خالد)) .. الكل يمدحه و الكل يقول انه زين .. بس طبعا محد يروم يجبرها على شي ... بس هي غيرت رايها و قررت انها تتزوج خالد... بس المشكلة موقف خليفة ... عارض هذا الزواج لدرجة انها استوت مشاكل بينه و بين حرمته... بس في الاخير ما قدر يمنع عذابه انه تستمر في حياتها ... لو كان هذا الشي دليل على موت ذكرى خليفة في حياة عذابه.. يقولون الحب عمره ما يموت... و طبعا حب خليفة و عذابه ما مات.. و ما زال موجود في قلوبهم.. الزمن اللي فرقهم ... بس ما قتل الحب في قلوبهم ...


<font color=darkgreen>احبك لو بغيت انساك ماقدر</font>


<font color=navy>يا حبيب الروح بكتب لك وصاتي .. ان غديت اليوم في حبك قتيل.. انشدك بالله لو طفت برفاتي .. لا تخلي دمع عيونك تسيل..</font>

هذا والسلام عليكم ورحمة الله وبركاته,,,,,

كل الشكر والتقدير للكاتبة المبدعة دوما بنت القمر <img src="http://oasis.bindubai.com/emoticons/fa34.gif" border=0></font>