<font color='#810541'><div align=right><font face="arial, helvetica, sans-serif" color=#666633>التكملة.....
ردت نورة غرفتها جان اتلاقي سيف يالس يترياها واعصابه خلاص تالفة...
اول مادخلت نورة مسكها سيف من ايدها........
سيف:-نورة نورة حرام عليج احنا بشو قصرنا معاج عشان اتسوين فينا جيه ... من ورانا ... انا الحينة عرفت ليش هالشاب كان متعرف علية.. بس اذا مافهمتيني السالفة الحينة صدقيني بيستوي شي عمرج ما كنتي تتوقعينه...
نورة:-سيف هد ايدية عورتني حرام عليك ياسيف...
سيف:-حرام علية انا ولا عليج انتي.؟
نورة:-والله بقولك السالفة بس انته هدني بخبرك السالفة لكن انا ويا هالاسلوب ماروم اقولك شي
سيف:-سمعيني عدل اذا الحينة ماقلتيلي صدقيني راح اخبر ابوية
نورة:-سيف دخيلك لا اتسويها...يالله وين اخوية سيف المتفاهم؟
سيف:-متفاهم هذاك اول الحينة بسير وبرد واباج اتقوليلي كل السالفة
نورة:-انشالله انشالله
ويهد سيف ايد نورة ويظهر من الحجرة ونورة تبقى يالسة وهي اتصيح وماتعرف من وين بتبدأ وفي هالوقت يرن موبايل نورة ولاهو حسين...تتوقعون نورة شو سوت...صكت التليفون في ويهه...حسين حس ان في شي صاير..دقلها مرة ثانية وهي من كثر ماكانت محتاجة لنصيحته شلت التليفون....وتتكلم وهي اتصيح هب قادرة تتكلم...
نورة:-الو
حسين:-نورة بلاج
نورة:-مافيني شي
حسين:-نورة وغلاتي عندج اتعلميني شو اللي صاير
نورة:-اخوية سيف درى بالسالفة
حسين:-..........نورة ماعليج انا الحينة بدقله وبرمسه
نورة:-الحينة هو بيرد عندي ويبغيني اشرح له السالفة...مع السلامة
وتصك نورة الموبايل في ويه حسين....سيف رجع وكان امهدي شوي لانه مثل ماقلت انسان متفاهم(وين نلقى جيه هالايام)
سيف:- يالله ابا اعرف السالفة
نورة:-انشالله.....
نورة يلست اتقول لسيف السالفة من اول يوم لما نورة ردت وياهم الجامعة لين اليوم...


سيف:-وهذي هي كل السالفة ولا خاشة عني شي؟
نورة:-اخوية الله الشاهد اني قلت لك كل شي والله العظيم....
سيف:-خلاص خلاص صدقتج .... انزين هم هب ناويين ايوننا مرة ثانية؟
نورة:-مادري بهم
سيف:-نورة انا بمسح رقم حسين من عندج الين ما ايي ويخطبج
نورة:-انشالله امسحه ولو تبغي امسح كل المسجات...ولا اقولك هات الموبايل انا بمسحهم...

وتمسح نورة كل شي يتعلق بحسين من دون اي تردد
سيف:-هيه هذي هي اختية والله يانورة مالومج لان الحب هب بيدنا نحن وبعدين انا خذت عوشة هب بس لانها بنت عمي لا لاني وااايد كنت متعلق ابها وهي بعد
نورة:-والله زين انك فاهمنني انا خفت لما سويت بية هالحركة
سيف:-جوفي بصراحة انا واثق من ان حسين ريال طيب بس مشكلته انه كان يرمسج في التليفون ....يعني شرات مشكلتية ويا عوشة كنت ادقلها دووووم
نورة:-سيف سامحني ياخوية سامحني
سيف:-والله مسموحة وبعد لي سمعته وشفته منج وثقت فيج والله العالم كم احبج وابغي مصلحتج
نورة:-تسلملي والله ياخوية
واتم في هاللحظات نورة اتصيح عشان هالسالفة وعشان هند وهي تمت اتخبر سيف عن لي صار وسيف دمعت عيونه عاللي سمعه من نورة ولما شافها اتصيح لوى عليها وحاول يهديها وبعده بساعات وهو يحاول يهديها نامت نورة وظهر سيف من عندها وهو وااااايد متأثر باللي صار </font></div></font>