<font color='#810541'><div align=right><font face="arial, helvetica, sans-serif" color=#666633>وتخيلوا بشو رد عليها حسين......خاب ظنكم مارد عليها
تموا أكثر عن 3 أيام مايرمسون بعض..وفي اليوم الرابع دقت فطيم حق نورة وقالتلها عن السبب لي خلى حسين مايرد عليها...وتمت فطيم تقنع نورة اتسير وياها عند حسين العيادة ويكلمونه.. وبعدين نورة قالت انها تستحي وماتروم لكن فاطمة تمت تقنعها ... وفي الأخير اقتنعت وسارت ويا فطيم ......
طبعا سارو عند حسين وأول ماوصلوا لقوا حسين مشغول اتريوه في مكتبه ويوم خلص سار المكتب وانصدم يوم شاف نورة لأنه متعود على فطيم دوم رازة بويهها عنده
المهم اول ماشافهم قاعدين في المكتب دخل
حسين:-السلام عليكم
نورة وفطيم:-وعليك السلام والرحمة
حسين:-هاه اشعندكن؟
فطيم:-يعني حرام أزور أخوية؟
حسين:-لا هب حرام
فطيم:-يالله من رخصتكم دقايق بسير عند ربيعتية الدكتورة وبردلكم..(متعمدة)
نورة:-فطيم خذيني وياج
حسين:-نورة
نورة:-نعم
حسين:-بغيتج في سالفة يلسي
نورة:-اتفضل
حسين:-شو قصدج من الحركة لي سويتيها جدامي في المستشفى؟
نورة:-أي حركة؟.....وبعدين انته لي شو قصدك يوم انك ماترد علية؟
حسين:-أي حركة؟بعد ما حرقتي أعصابي اتقولين أي حركة....لادام خليفة وايد عايبنج ................
نورة:-كمل قول........ عالعموم هذا يزاية يايتنك لين عندك...صدق انك ماتستاهل ....عالعموم خلاص بعد لي قلته ابغيك تنساني..من رخصتك
وتقوم نورة من الكرسي ومشت عشان تظهر بس حسين مسك ايدها وقال
حسين:-نورة والله اسف بس والله انج غايضتيني
نورة:-هد ايدي
حسين:-نورة خلاص عاد
نورة:- دامها الثقة منعدمة بيني وبينك مافي داعي اكلمك اكثر
حسين:-ومنو قال... يعني حرام الواحد يغار على حبيبته
نورة:-لا هب حرام... بس انته تدري انه خليفة شرات اخوية
حسين:-حقج علية
نورة:-.........
حسين:-خلاص طاح الحطب
وفي هاللحظات تدخل فطيم
فطيم:-يالله نواري روحنا
نورة:-يالله
حسين:-بعض الناس راضيين
نورة:-لا والله ههههههه
فطيم:-يالله عاد عن المغازل مع السلامة
حسين:-ربي يحفظكم
ويظهرن نورة وفطيم من مكتب حسين
وطلعت نورة من عند حسين وهي زايد اعجابها فيه لانه كان مهتم في شغله ورغم هذا ما طنشهم
وفي اليوم الثاني الصبح الساعة 10:30 في بيت نورة يرن التليفون ولا هو محمد اخوها
محمد:-هلا نواري
نورة:-هلا حمود شخبارك؟
محمد:-تمام الحمدلله... انتي علومج؟
نورة:-والله العلوم عندك
محمد:-هاه شخبار القلب وياج؟
نورة:-القلب؟؟؟
محمد:-هيه القلب؟
نورة:-يسلم عليك
محمد:-نورو أنا عارف انج ماتبين خلوف
نورة:-انزين والزبدة
محمد:-نورة انا اخوج يعني عادي اتخبريني باللي عندج
نورة:-انته داق تسأل عن قلبي؟
محمد:-ههههههههه صدق ما ينفع وياج شي
نورة:-شخبار الدراسة وياك؟
محمد:-هيه انا داقلكم عشان جذا انا خلصت وباجر فليل بكون عندكم
نورة:-قوووووول والله حمود صدق والله فرحتني
محمد:-والله فرحتج؟
نورة:-هيه عيل انا ويا منو بسولف كل يوم
محمد:-هيه اذا سرتوا عند خلوف اليوم قولوله اني اسلم عليه
نورة:-تااااامر
محمد:-يالله برايج وسلمي عالكل وباجر اتريوني في المطار الساعة 10:30 مو اتقفطوني وماتون
نورة:-يبلغ وافا عليك احنا من سنتين هب شايفينك
محمد:-يالله عيل حافظج الرحمن
نورة:-في وداعة الله </font></div></font>