<font color='#810541'><div align=right><font face="arial, helvetica, sans-serif" color=#666633>نورة:-يالله انا بظهر الحينة اكييد عمي يبغي يدخل
كان في هاللحظات حسين يالس يحترق من داخله ويالس يقول ياريتني في مكان خليفة
اما نوف كانت اتحب خليفة بس هي تدري انه لنورة عشان جذااستوت وياه شروات اخته بس هي لين الحينة اتحبه ومحد يعرف بهالسالفة
المهم ظهرت نورة من الغرفة ونادت عمها عشان يدخل..وحسين حاول بأي طريقة يكلم نورة بس عرف انها هب حلوة جدام اهلها
سالم:-هاه نواري بشري شو استوى؟
نورة:-ماشي عمي بس واسيته
سالم:-انزين نورة بغيتج في كلمة راس
نورة:-اتفضل عمي
سالم:-منو هذيلا لي وياكم؟
نورة:-هذي ربيعتية ويا امها واخوها وابوها
سالم:-وانتو اتعرفونهم؟
نورة:-هيه عيل كيف بييون بيتنا؟
سالم:-انزين سيري نوف اتناديج
نورة:-انشالله
ودخلوا الرياييل كلهم عند خليفة حتى حسين وابوه
اول مادخل حسين وجاف خليفة بهالجمال قال ليش نورة رافضتنه؟؟
الكل سلم على خليفة حتى حسين وخليفة كان حاس انه في شي

(خليفة اصلا يحب نوف وهي بعد ماتدري ولانها اتعامله مثل اخوها هو قام يعاملها جذا لانه يقول يمكن هي ماتحبه)

خليفة يلس يقول في خاطره منو هذيلا وكان خايف انهم يكونون يايين يخطبون نوف هب نورة لانه اصلا يوم يحب نورة يحبها كإخته بس لا أكثر ولا أقل
يعني كل اسراره عند نوف

كانت فطيم يالسة ويا نورة وهي مستغربة لان نورة كانت وااااايد مهتمة في خليفة لي تعتبره شرات اخوها سيف
فطيم:-نورة هب جنج (كأنج) غيرتي رايج في أخوية حسين؟
نورة:-ليش منو قالج؟
فطيم:-من حركاتج
نورة:-هيه صح وين حسين؟
فطيم:-حسين توه دخل عند ولد عمج وسلم عليه وسار لأنه وااايد متضايق منج
نورة:-حرام عليج
ونورة اكييد كانت امخزنة رقم حسين عندها فطرشتله مسج(يا أجمل مابقى فيني..حزين العمر من دونك..وأنا لو طالت أيامي.. قصيرة بغيبة عيونك..) </font></div></font>