<font color='#810541'><strong><font face="arial, helvetica, sans-serif" color=#666633 size=4>كان حبهم لبعض من اول نظرة او من اول لمحة
رجع حسين البيت وهو متضايق على اللي قالتله اياه فطيم اخته وكانت فطيم طبعا يالسة اتخبر حسين عن نورة على طول الطريق
نورة كانت في البيت ويالسة تتطالع التليفيزيون فما وعت الا على صوت تيليفونها وهو يرن
نورة:-ألو
حسين:- ألو مرحبا
نورة:-مرحبتين نعم
حسين:-.......................
الاثنين تموا ساكتين ونورة ياها احساس ان هذا حسين وهو طبعا عارف انها نورة لانه سرق رقم نورة من موبايل فطيم بدون لا تدري
نورة:- منو معايا؟
حسين:- اسف اختية غلطان في الرقم مع السلامة
نورة:-مسموح مع السلامة
نورة صكت التليفون ولا كان هامنها شي لأنها فقدت الامل يوم قال انه غلطان في الرقم
اما حسين مانام الليل وهو يفكر في نورةويلس يقول في عمره:- (ياربي انا ليش لهالدرجة يالس افكر في البنية وهي ولا على بالها وبعدين هذي اول مرة اجوفها يعني يمكن يكون مجرد اعجاب) وغمض حسين عيونه على توهمه بأنه بس معجب فيها
في اليوم الثاني قام حسين من الرقاد على صوت امه وهي مستانسة و اتوعيه
ام حسين:- حسين حسين قوم اماية قووم
حسين:-بلاج اماية شالسالفة في شي صاير؟!
ام حسين:- عليا بنت عمك خلصت الجامعة اليوم
حسين:-انزين اماية وخير ياطير شو اسويلها؟
حسين كان مايداني بنت عمه عليا لانها واايد متكبرة وشايفة عمرها
ام حسين:- شو خير ياطير حسين ترى عرسك جرب
حسين:- انا هالبنية ماباها ماباها ولوماتم في الدنيا غيرها ماباها
طلعت الام من عند حسين وهي متضايقة وتم حسين يفكر في نورة و يلس يقول في خاطره ان نورة بتكون له مب لاي حد غيره وان هي اللي بتكون حرمته ولا يبغي غيرها.... فعلى طول بدل ثيابه ويار عشان يوصل فطيم الجامعة
فطيم:- حسين بلاك
حسين:- ماشي بس خليني اشوف الدرب
سكتت فطيم وسكت حسين و أول ما وصلوا الجامعة
فطيم:- حسين هذي نواري نازلة من السيارة
حسين:-ومنو هذا اللي يالسة عنده؟
فطيم:- على حسب ماقالتلي انه اخوها سيف
حسين يلس يقول في عمره:- (ليش ما أتعرف عليه؟؟)
فطيم:- بل بل بل وين سرت انته
حسين:- فطيم يالله نزلي
فطيم:- انزين انزين يالله مع السلامة
حسين:- مع السلامة
وحسين بدال ما يتعرف على سيف بالغلط ومن كثر التفكير في نورة دعم سيف لكن الدعمة كانت بسيييطة من ورى السيارة بس سيف وايد متسامح وطيب فقال حسين لسيف
حسين:-السموحة منك الشيخ
سيف:-مسموح اخوية
حسين:- لو سمحت سويج(مفتاح)السيارة
سيف:-وليش؟!
حسين:-بودي السيارة عند المصفح
سيف:- لا عادي الشيخ انا بوديه
حسين كان يبغي يتعرف على سيف بأي طريقة
حسين:-اخوية يالله عطني السويج(المفتاح) بسررعة وابا رقمك عشان اقولك متى بتخلص السيارة وانا الحينة بوصلك الدوام اوكي
سيف:-بس .........
حسين:-لا بس ولا خس
سيف:-ههههههه انشااااالله
وفي الطريج تمو يتعرفون على بعض لين ما وصل حسين سيف الدوام
وفي الجامعة كالعادة نورة وفطيم كانو مع بعض وكانت نورة يالسة تتذكر اربيعتها هند وتتسائل ليش مادقت وليش وليش؟
وكانت فطيم يالسة اتهديها
فجأة وهم يمشون اغمى على نورة وطاحت عالأرض ففطيم خاافت وااايد وماعرفت شو اتسوي فدقت لأخوها حسين
فطيم:-الو حسين الحقني
حسين:-خييييير بلاج هونج؟!
فطيم:- حسين نورة اغمى عليها ومب عارفة شو اسوي ؟
حسين:- نوورة انزين بسررعة استأذني و تعالي بوديكن المستشفى
فطيم:- انزين اخاف مايطيعون اللي في الجامعة
حسين:- انا بدق للجامعة اوكي وبدقلج وبقولج تعالي عند الباب
فطيم:- بسرعة الله يخليك
حسين:-انشالله واتحملي على نورة انزين مع السلامة
فطيم:- مع السلامة
حسين دق الجامعة ومع بعض الجذب(الكذب) والاقناع وافقوا يخلون حسين يودي نورة المستشفى ... حسين على طول دق حق فطيم
فطيم:-الو
حسين:- فطيم بسرررعة ظهري عند الباب
فطيم:- اوكي مع السلامة
وطبعا فطيم ماقدرت تشل نورة فسارت عند وحدة من ربيعاتها وقالتلها ويت ووحدة شالة نورة من اليمين والثانية من اليسار لين ما وصلن السيارة بعدها اتشكرت فطيم البنت وركبت السيارة
طبعا حسين طول الوقت يتطالع نورة و قلبه يعوره عليها ويوم وصلو المستشفى نزلوها على كرسي وهي بعدها مغمى عليها دخل الدكتور عند فطيم وقال
الدكتور:- انتي اختها؟
فطيم(جذبت) هيه انا اختها خير دكتور نورة بلاها؟!
الدكتور:-خير انشالله بس اختك نورة عندها فأر دم(فقر دم)ولازمها دم فممكن افحص دمك يمكن تكون نفس فصيلة دمها
فطيم كانت في صحة اوكي وهي لا متينة ولا ضعيفة
فطيم:-ماعندي مانع
الدكتور ودى فطيم قسم تحليل الدم وحسافة طلع دم فطيم هب نفس فصيلة دم نورة وكان حسين يالس على نار يتريا يشوف نورة
فطيم سارت لحسين ولقته منهااار ومب عارف شو يسوي فقالت له السالفة وان فصيلة دمها مش مطابقة فهو قال انه هو بيجرب فوافقت فطيم
وقالو للدكتور فالدكتور سواله فحص دم وطلع دمه مطابق لدم نورة فعلى طول قال للدكتور ( خذو كل دمي وعطوه لنورة )
فاتبرع حسين لنورة وبعدين نورة نشت وشافت فطيم وقالت
فطيم:-الحمدلله عالسلامة
نورة:-الله يسلمج!!!!بس انا وين؟!؟!؟!
تمت فطيم تقول لنورة باللي استوى فقالت نورة (عادي انا اخوية سيف فصيلة دمه شرات فصيلة دمي)
فقالت فطيم:-لا يانورة اخوية اتبرعلج بالدم
نورة:-....!!اخووووووج؟!
فطيم هيه ليش؟
نورة:- واااي يالله صدق اني ما اخيل(استحي)
فطيم:-بلاج اصلا اخوية كان بيتبرع لج بكل دمه لو احتاج الموضوع
نورة:-..........!<<<مستحية ويالسة اتفكر في حسين
فطيم:- فديت اللي يستحون والله
نورة:- وين اخوج ابغي اشكره
فطيم:- من ساعة يبغي يدش يتطمن عليج
فطيم اتحاول اتفهمها انه يحبها بس نورة فاهمة وهي عندها نفس الشعور
نورة:-انزين براية خليه يدخل
طبعا حسين ماصدق عمره يوم قالتله فطيم انه نورة تبغي تشكره على طول ماعرف شو يسوي قال فطيم( صبري دقيقة بسير السيارة وبيي)
فطيم:-وليش انشالله؟!
حسين:-فطوم انا بسير بتكشخ وبتعطر وبيي انزين؟
فطيم:-تراها ما بتتكلم جذه انته اتخبل شو تبغي البنية اتذوب
حسين:- لاصدق شو؟
فطيم:-والله ولا انا اصلا ابا نورة لك وانته لها وبحاول بأكثر شي اقدر عليه اني اقربكم من بعض اوكي
حسين:-يالله فطيم ومشكورة خلنا انسيرلها
فطيم:-يالله
حسين ساير غرفة نورة وهب عارف شو بيقول ولا شو بيسوي اول ما يدخل
وفي الصوب الثاني نورة اتغشت ويلست معتدلة وجنها البخت
اول مادخل حسين نورة قلبها عورررررها
حسين:-السلام عليج الشيخة
نورة ابمستحى:-وعليك السلام والرحمة
حسين:-الحمدلله عالسلامة الغالية
هو قال الغالية ولا هي ويهها احمر من تحت الغشوة وهو ماكان يقصد ظهرت من حلجه جيه
نورة:-الله يسلمك
فطيم:-اسمحولي بسير الحمام وبرد اوكي(متعمدة طبعا)
نورة:-............(مستحية)ومب عارفة شو اتسوي يالسة اتسوي حركات لفطيم بس ماقدرت لانه حسين يالس يتطالعها وفطيم امسوية عمرها ما تشوف
فترة صمت وتأمل...........حسين يالس يتأمل في القمر اللي جدامه مع انها حاطة غشوة بس خفيفة وهي كانت طول الوقت امنزلة راسها لين ما اتجرأت وقالت
نورة:-حسين
حسين:-عيون حسين
نورة:-...................
حسين:-اااااسف نورة بس هب قادر امسك عمري والله اني احبج
نورة:-.........................
حسين:-من حقج تستغربين بس انا من اول ماشفتج في السيارة وانا افكر فيج حرام اللي اتسوينه فيا
نورة:-وانا..................... ولا اقول خلاص
حسين:- ورفجة بوخليفة اتقولين
نورة:-تراه نفس الشعور
حسين:-فديتج والله
نورة:-..................
فطيم ظهرت من الحمام ومستانسة طبعا كانت يالسة تتصنت عليهم بس حسين عصب لأنها ظهرت في الوقت الغير مناسب
نورة:-واخيرا ظهرتي انتي شو كنتي اتسوين؟
حسين:-يعني انتي مليتي مني؟
نورة:-لا والله بسسس
حسين:-ادري ادري
فطيم:-يالله نورة الساعة 4العصر اكييد حد من اهلج ساير اييبج من الجانعة دقيلهم
نورة:-فطيم انتي دقيلهم اوكي
فطيم:-اوكي بس بطلع برع برمسهم
نورة:-كيفج المهم اترمسينهم
فطيم ظهرت من الغرفة وتم حسين ويا نورة
حسين:-نورة صدق انج مخطوبة(يقولها وهو ميت يحليله)
نورة:-هيه بس انا قايلة لسيف اخوية اني مابا خليفة ولد عمي سالم لانه متكبر شوي مادري كيف وبعدين امه تبغيني له لكن ابوية مصر يزوجني اياه وقال انه محد بياخذني الا خليفة
حسين:-والله واتقولينها بكل فخر تراج طعنتيني
نورة:-حسين والله مب.......
حسين:-مع السلامة
نورة:- حسين حسين...
لكن حسين ظهر والدموع في عينه وقال لفطيم تلحقه السيارة وحط اغنية شكلي والله حبيتك مالت احلام لانها حزينة شوي وفطسم هب عارفة السالفة ودموع حسين شوي وتنزل
وفي الصوب الثاني كانت نورة اتصيح من خاطرها لانها وااايد حبته
فطيم حاولت اتعرف السالفة من حسين بس مارامت لانه وااايد كان متضايق
اول ما وصل البيت سار غرفته وتم يدمع و كان مكسور خاطره وكانو يدقون عليه الباب لكنه مايبطله
ففطيم دقت عليه عالموبايل وقالتله
فطيم:- حسون انته شو امسوي بنواري
حسين:-ليش؟!
فطيم:-البنت داقتلي وهي اتصيح ومارامت ترمس وصكت في ويهي
حسين:-خلاص انا بتصرف
وصك التليفون في ويه فطيم(يحليلها)
طبعا حسين مثل ماقلت كان ماخذ او بالأصح سارق رقم نورة من موبايل فطيم
فدق حق نورة
حسين:-مرحبا
نورة:-نعم
حسين:-نورة فديتج والله ااااااسف ما كنت اقصد بس اتأثرت
نورة:-لا عادي
حسين:-لا بس انا احس بج متضايقة مني
نورة:-قلتلك عادي
حسين:-نورة بلاج اترمسيني جيه
نورة:-خلاص عافك الخاطر
حسين:-نورة الله يخليج لا تعورين قلبي اكثر نورة اللي فيني كافيني دخيلج
نورة:-حسين اذا انته اليوم بس يوم قلتلك جيه عصبت وتركتني عيل وين الايام الياية
حسين:- نورة يا غناتي الله يخليج سامحيني الله خليج نورة انا يالس اترجاج الحينة اذا صدق اتحبيني سامحيني
نورة:-حسين انته عزيز وغالي صح اني من يومين بس اعرفك لكني عندي احساس وبعدين ماشي امل ااخذك او اكون لك
حسين:-نورة ليش
نورة:-اليوم ابوية ياني المستشفى وقاللي انه هذي هي اخر سنة لي واني اشد حيلي لان عرسي جرب
حسين:- وانتي اموافقة!!!!!
نورة:- طبعا لا بس ابوية قاللي انه هو يستاهلني و اول واحد دق بابنا
حسين:- انا اليوم اتعرفت على اخوج سيف فبرمسه اوكي
نورة:- اخوية وييييين لاهي ويا حرمته
حسين :- خيير بلاها
نورة :- بس تعبانة واليوم بيوديها الطبيب
حسين:- نورة حبيبتي الوالدة تناديني يالله تامرين على شي
نورة:- سلامتك
حسين:-نورة
نورة:- هلا
حسين:- احبج
نورة:-تصبح على خير
حسين:- ممكن اطلب طلب؟
نورة:- تدلل
حسين:- بدقلج كل يوم
نورة:- مادري كيفك
حسين:- اوكي مع السلامة
نورة :- مع السلامة
وبندو التليفون وهم للأسف حاطين امل ان قصتهم تستمر بس بنعرف هالشي في الجزء اللي بعده انشالله</font></strong></font>
رد مع اقتباس
مواقع النشر (المفضلة)