حسين ونوره

[الجنيه]

<font color='#810541'><div align=right><font face="arial, helvetica, sans-serif" color=#666633>صارت الساعة سبع وصار موعد الخطبة ... رجع حسين البيت عشان ياخذ امه وابوه وفطيم وسارو لبيت نورة واكيد بيت نورة كان حشرة لانهم يالسين يتريون حسين واهله بس وحده سيف يعرف انهم يايين يخطبون نورة اخته والباقي يتحرونها زيارة عادية....
فجأة يرن الجرس ولا هو حسين واهله دخل حسين وابوه مع سيف وابوه الميلس والحريم مع نورة وامها وعوشة حرمة سيف وشواخ كانت راقدة كالعادة ونوف دخلت معاهم...سلموا على بعض ويلست فطيم عند نورة ونوف اما عوشة و ام سيف يلسوا مع ام حسين....
ام حسين:-شخباركم عساكم بخير؟
ام سيف وعوشة:-الحمدلله بخير
ام حسين:-بصراحة انا يايتنكم وابغي اطلب منكم طلب
اهنيه عوشة وام سيف تمن يطالعن بعض ومستغربات يقولن شالسالفة؟
ام سيف وعوشة:-تفضلي&#33;&#33;&#33;
ام حسين:-انا يايتنكم وابغي بنتكم نورة لحسين ولدية واتمنى توافقون
ام سيف:-انشاءالله انا عن نفسي ماعندي اي مانع لان على كثر ماتكلمني نورة عنكم احس انكم منا وفينا بس الشور شور البنية وابوها واخوانها
عوشة:-والله هذي الساعة المباركة يوم اشوف الغالية نورة عروس
ام حسين:-ساعتج ابرك ... انشاءالله توافق نورة
ام سيف:-انشاءالله وانا بعد اتمنى
نورة كانت يالسة هي وفطيم ونوف في اخر الصالة ومايدرون شاللي قاعد يصير
اما في ميلس الرياييل كانوا يالسين يسولفون اكيد سيف ويا حسين وبو سيف ويا بو حسين
بوحسين:-اخوية بوسيف انا بطلب منك طلب اتمنى ماتردني
بوسيف:-اطلب اتفضل امر
بوحسين:-انا ياينك وطالب القرب منك وابغي بنتك نورة لولدية حسين
بوسيف:-والله هذي الساعة المباركة بس الشور شور نورة واخوانها وامها
بوحسين:-ساعتك ابرك...ولايهمك اكيد لازم تتشاورون لان هذا زواج هب لعبة
وتموا الكل يسولفون وتعشوا ورد حسين واهله بيتهم
في هاللحظات تدخل ام نورة عند نورة وتقولله انهم كانوا يايين يخطبونها
ام سيف:-هاه نواري شورايج؟
نورة:-اماية الشور شورك
ام سيف:-نواريانتي مرة قلتيلي انج بتقوليلي انه تبرع بدمج السالفة شو هي السالفة؟
نورة يلست تقول لامها السالفة
ام سيف:-والله انه ولد اصل ماشاءالله عليه
نورة:-............
ام سيف:-فديت ابنيتي اللي تستحي ... الصراحة الريال ماعليه اي كلام دكتور متعلم ريال انا احس بج اموافقة
نورة:-اذا هذا لي تبونه بيصير يا اماية
ام سيف:-انزين وسيف و ابوج اموافقين واكيد نوف اموافقة بس باجي اخوج محمد باجر دقيله واتخبريه انزين
نورة:-لا شو انا اتخبره لا لا يا اماية انتي اتخبريه
ام سيف:-انشاءالله بس ذكريني باجر...ويالله تصبحين على خير
نورة:-وانتي من اهله
وتظهر ام سيف من عند نورة وتيلس نورة بروحها واتفكر واتفكر لين ما دخل عليها سيف اخوها
سيف:-نواري راقدة ولا ناشة؟
نورة:-تعال اخوية لا ناشة
سيف:-اكيد ناشة عيل يخطبونج وترقدين...اتصدقين نواري حسين وااااايد كبر في عيني ريال وكلمته كلمة
نورة:-............................
سيف:-تدرين احس به واااايد سوى اشيا عشان ياخذج والحينة بينال مراده انشاءالله
نورة:-...................
سيف:-نواري بلاج ساكتة ارمسي قولي شي
نورة:-شو اقول يعني؟
سيف:-لا ولا شي بس ابوية الحينة سار يدق حق عمي وبيتخبره واماية حق خالاتي وانا بدق حق حمود في امريكا تراه وايد قطعنا
نورة:-خلاص برايك دق له
سيف يطلع من غرفة نورة ويسير عشان يدق لمحمد
محمد:-الو
سيف:-هلا حمود وينك يالقاطع؟
محمد:-هلا سيفانب انا ويني ولا انتوا لي ما تسألون عني
سيف:-شخبارك بعد؟
محمد:-الحمدلله الله يسلمك
سيف:باجر انته راد الامارات صح؟
محمد :- لا بعد باجر
سيف:-هيه انزين حمود اختك نواري انخطبت
محمد:-والللللللله بشرك الله بالخير ومنو لي خطبها ليكون خلوف ولد عمي؟
سيف:-لا حمود خلوف يبغي نوف هذا واحد من ربعي اخو ربيعتها
محمد:-وشو يشتغل؟
سيف:-دكتور
محمد:-والله زين بس سألتوا عنه؟
سيف:-اقولك نحن انعرفهم ناس طيبين
محمد:-عيل انا موافق
سيف:-هيه الكل موافق بس انته لي كنت باقي
محمد:-اوه اوه لهالدرجة انا رايي مهم
سيف:-يالله عاد ماتنعطى ويه انزين يالله انا بخليك الحينة
محمد:-انزين بس سيفاني رمس عوشة قوللها تخطب لي اختها سلامي ابا عرسي وعرس نواري في يوم واحد انزين
سيف:-انشااااااااااااالله يالله مع السلامة
محمد:-مع السلامة
ويصكون التليفون ويسير سيف غرفته عشان يكلم عوشة عن لي قاله اياه محمد



والبقية تأتي </font></div></font>

[الجنيه]

<font color='#810541'><font face="arial, helvetica, sans-serif" color=#666633>سيف:-عويش
عوشة:-هلا سيف
سيف:-توني رمست محمد اخوية وقال انه اموافق على الخطبة
عوشة:-زين والله مبروك خطبة اختك واختي ياسيف
سيف:-الله يبارك فيج .... بس حمود عنده طلب قاللي اطلبه منج
عوشة:-وشو هو انشاءالله؟
سيف:-قاللي انج تخطبين له اختج سلامة هاه شو قلتي؟
عوشة:-والله انا موافقة من زمان وانته ادرى فيني بس باجر انا بسير بيت ابوية وبرمس(بكلم) سلامة
سيف:-انشاءالله بس اتوافق واهلج يوافقون تدرين يقول انه يبي عرسه وعرس نواري في نفس اليوم
عوشة:-لاوالله احس العرس بيكون وااااايد حلو احنا بنزف فيه اثنين غالييين عندنا...بس اذا على اهلي اكيد بيوافقون انته نسيت انه ولد عمها واولى فيها من الغريب؟...واذا عليها هي بتوافق لان مثل ماتعرف ني رمستها(كلمتها) قبل عن هالسالفة واستانست
سيف:-هيه والله اتمنى من سلامة ماتغير رايها
عوشة:-انشاءالله انته الحينة نام ومن اصبح افلح وانا باجر بكون عندهم وبعرف الجواب
سيف:-هيه انشاءالله

وفي نفس الليلة كانت نورة يالسة اتفكر انها اتدق لحمدان ريل(زوج) هند اعز صديقاتها (الله يرحمها)عشان تتطمن على بنتها هند لي سموها بنفس اسم هند الله يرحمها
بس نورة فكرت شوي ولقت ان الوقت تأخر فقالت :-يالله باجر بقوم الصبح وبدقلهم وبتطمن على هنودة الصغيرونة......وغمضت نورة جفونها النعاس ونامت</font></font>

[الجنيه]

<font color='#810541'>

<font size=3><font face="arial, helvetica, sans-serif" color=#666633>لكن مرن ثلاث ايام ونورة ناسية اتدق لحمدان وتتطمن على هند ... وفي نفس الوقت كان حسين توه ناش من النوم ويتريا اخته فطيم اتيي عشان تنزل وياه السوق لانه باجرخطوبته وملجته في نفس الوقت على نورة... كان حسين اكيييد طاير من الفرحة وهب عارف شو يسوي مع انه بعده ما تزوجها...
فطيم:-هاه حسين خلصت؟
حسين:- هيه يالله خلنا انروح...فطيم.
فطيم:-عونك؟
حسين:-اماية زاهبة(جاهزة)؟
فطيم:-هيه وتتريانا(تنتظرنا) تحت عشان انسير رباعة(مع بعض)...
حسين:-انشاءالله يالله...
ويطلع حسين ومعاه اخته فطيم ويسيرون السوق من الساعة 9 الصبح لين الساعة 4 العصر وهم في السوق اتغدو هناك وكملوا تسوقهم وبعدين ردوا البيت...وطبعافي اليوم الثاني فطيم وامها سارن يتسبحن عشان يروحن الصالون ....وبعدين حسين وصلهن وسار عنهن...

وفي الصوب الثاني كانت العروس نورة يالسة تتريا اختها نوف وامها وعوشة والحلوة شيخة عشان يخلصن سبوح ويسيرن معاها الصالون...وسارن الصالون....

الساعة8:30 وكل المعازيم حضروا الفندق "(مكان الخطبة والملجة هب العرس اوكي)"...وفجأة اسمعوا هالموسيقى


</font><a target=_blank href="http://www.6rb.com/arab/ksa/rashed/rashed-alzaffa.rm" target=_blank><font face="arial, helvetica, sans-serif" color=#666633>http://www.6rb.com/arab/ksa/rashed/rashed-alzaffa.rm</font></a>

























<font face="arial, helvetica, sans-serif" color=#666633>طل القمر وبانت انواره واقبلت نورة بلون الورد واسحاره...ودخلت قلوب الناس من ابوابه وافرحوا اهل حسين واصحابه...نورة يابدر بانواره اقبلي علينا باسحاره...وبردي قلب حسين واشعاره...اقبلي يابدر باسواره...واحبسي الحاضرين لنهاية الحفلة(اتمنى يعيبكم).....



اقبلت نورة ولي يشوفها يحس ان عصر الف ليلة وليلة ما انتهى ... اقبلت كالأميرة واسحرت الحاضرين وكلهم عيونهم عليها...ويلست(قعدت) نورة على الكرسي لي نور بمجرد لمسة منها وقعدوا الحاضرين يقولون يابختك حسين عليها...نورة البسمة مافارقت شفايفها وعيونها ما وقفت عن اللمعان من الفرحة ...
















وبعدها بشوي:-يامعيريس ..............وكملوا...
























اقبل حسين بكل افتخار...ماخذ(ن) وجه البدر بكل اقتدار...واقف(ن) يشوفها وعينه تغار...من عيون الناس قاعد يغار...قال يابختي بكل افتخار...بنت الاصايل بكل اقتدار...اخذتها وقلبي شب(ولع) نار...وعيوني كلها برق وشرار....













افرحت نورة واستحت...قالت ياليت قلبي سكت...من يوم ما شافه وهو يدق...عيوني بجفونها لمحت...قالت احبه وماغيره احد...بصوت خفيييييييييف نورة افرحت...
















قعد حسين جنب نورة واكتمل النور في هالليلة لكن بقت قطعة نور ما انضمت لهم وهي تنتظر ليلة زواجهم....

حسين:-نورة شو تبغين تذبحيني؟
نورة:-بسم الله عليك وليش اذبحك؟
حسين:- قمر يالغالية قمر والله
نورة:-وش الجديد ههههههه امزح تراني هب مغرورة
حسين:-فديت هالابتسامة الحلوة
نورة:-....................
حسين:-والله لولا المستحى ان جان اقوم في نص الصالة وأيول (رقصة من تراثنا فديت تراثنا)
نورة:-والله لو اتحبني بتقوم إتيول
حسين:-والله وهالشي بيخليج تتأكدين؟
نورة:-هيه
حسين:-عيل نادي اختج نوف خلها اتسير واتقول للفرقة يغنون اغنية طال ليلي
نورة:-واش معنى هالاغنية بالذات؟
حسين:-اهداء لج مع اليولة
نورة:-تسلملي والله
حسين:-فديت هالعيون عشانها كل شي يهون
نورة تقول لعوشة اتسير اتكلم الفرقة لان نوف كانت بعيدة شوي لاهية ويا صديقاتها وصديقات نورة...وحسين قالها اتقول انه اهداء منه لنورة وقال بعد انها تدق لسيف واتقوله يدخل مع محمد(رجع من امريكا بالسلامة) والوالد وعمومهم وكل لي حابين إيولون...وفعلا اتسوي عوشة لي قاللها اياه حسين


الفرقة:-هذي الاغنية اهداء من معرسنا للعروس الله يخليهم لبعض

وطبعا يقولون ان الرياييل بيدخلون عشان الحريم يتغطن

ويدخلون الرياييل وهذي طبعا المرة الثانية لي يدخلون فيها لأنهم مثل مانعرف لازم يرافقون العريس لين الصالة وهذي عاداتنا...
(طال ليلي ...من تعليلي...........)
تبدأ الأغنية بالدق وقاموا الشباب كلهم ايولون واكيد حسين معاهم وكانت نورة طايرة من الفرحة لان صدق حسين بّين لها مدى حبه ...(لكن يانورة الايام ياية وبتراويج مدى وفا حسين لج وحبه)

حسين:-هاه استانستي
نورة:-اكيد
ويضحكون

انتهت الحفلة باتمام الخطبة والملجة وقعدوا المعازيم يسلمون على نورة وحسين....وصعدت المسرح صديقة نورة من ايام الدراسة ولي هي مريم...
مريم:-مبروك عليج يانورة ومشكورة لانج تذكرتيني ومانسيتيني
نورة:-الله يبارك بج وبحياتج وعقابلج يااارب والعفو وانتي بعد مشكورة لتلبيتج للدعوة


نورة ماتدري ان دعوتها لمريم راح اتخرب لها حياتها

توصل نورة البيت وهي مستانسة وتنام والابتسامة ماتفارق شفايفها...وحتى حسين كان في يومها مستاااااااانس وطاير من الفرحة وعايش بعالم كله خيال ورومانسية...

فجأة نورة تقوم من النوم بعد ماتذكرت شي انتوا ماراح تتذكرونه لاني ماقلته لكم اصلا...بقوله:-*(نورة المسكينة من كثر جمالها لما كانت صغيرة اغتصبها دريولهم وبعدها تمت نورة ساكتة في وقتها لانها ماتعرف شي عن هالمواضيع لكن لما كبرت بدت تحاتي هالموضوع وهي ماتعرف اذا هي عذرا ولا لا ...بدت دموع نورة تسيل بدون لا توقف مثل النهر يسيل من خدها ... على طول دقت على حسين لان سيف سمحلها بهالشي لانه خلاص بحسبة ريلها...حسين قام من الرقاد وهو مستانس ويقول اخيرا نور موبايلي)
حسين:-الو
نورة:-الو حسين؟
حسين:-نورة&#33;&#33;&#33; بلاج اشفيج شاللي صاير؟
نورة:-لا ولا شي باي
حسين:-لا والله يانورة اتقولين
نورة كانت اتصيح من خاطرها لانها حاسة بانها خاينة حسين
نورة:-هب قايلة ياحسين
حسين:-نورة انا حلفتج حرام عليج يانورة
نورة:-بيي يوم وبقولك فيه مع السلامة
حسين:-بس........(لكن نورة تصك التليفون في ويه حسين وهي هب قصدها لا تلومونها)
نورة مانامت ابد طول الليل دموعها ماوقفت وهي تقول(ليت دموعي دم...ولا اخونك يا ابن ادم...والله هب قصدي...لكن هذا حظي...)

وكانت نورة طول الليل تدعي على هالدريول(الله لايسامحه)...وعيونها ماوقفت عن مناظرة هالسما وهي تدعي ربها العالي

هل الصبح ونورة بعدها مانامت وحالتها(الشكوى لله)...يدق حسين الصبح ويقول لنورة تظهر معاه وطبعا بعد ماحاول معاها اقتنعت
تظهر نورة مع حسين وهي عيونها كلها دموع....حسين فجأة يوقف السيارة بعد ماوصلوا بيت نورة مرة ثانية لما شاف نورة ودموعها تنزل على خدودها...
حسين:-والله يانورة تقولين لي
نورة:-بقول بس ياحسين اذا من بعدها قلت انك ماتبغيني انا مستعدة اني اتركك اذا هالشي يريحك اهم شي راحتك وانا الله يعوض علية
وتبدا دموعها تسيل وهي تقول السالفة لحسين
نورة:-هذي هي كل السالفة واذا ماتبغيني هذا الشي راجعلك انته وبس وانا الحينة استأذن

وتنزل نورة من السيارة وهي دموعها ماتوقفت....ويتم حسين مصدوم باللي صار...نورة توقعت انه ماراح يرجع مرة ثانية وان هذي كانت اخر مرة اتشوف فيها حسين لكن حسين على طول نزل من سيارته وسار ودق جرس البيت
الخدامة:-نعم
حسين:-وين ماما نورة؟
الخدامة:-صبر بابا؟
وتروح الخدامة وتنادي نورة ونورة على طول يت عند الباب وهي حاسة بأن حسين غير رايه فيها وما يبيها....
لكن اول ماتفتح نورة الباب يلوي عليها حسين ويقول لها ..
حسين:-نورة تبغيني اتخلى عنج بسهولة وانا لي لوقلبي مايبيج اقطع عروقه
نورة:-...........................
حسين:-نورة انا مايهمني لأنها هب غلطتج يانورة وأنا امقدر هالشي انا لو ما احبج ان جان مابنزل واكلمج
ويتمون حسين ونورة يسولفون
لكن في نفس اليوم وبعد ماراح حسين دقت مريم ربيعة نورة لنورة...
مريم:-مرحباوالله
نورة:-مرحبتين ياهلا
مريم:-شخبار عروستنا الغالية؟
نورة:-بخير يعلج بخير
مريم:-نورة صدق ريلج(زوجج)غاوي(حلييييو)
نورة:-هذا من ذوقج يامريم
مريم:-انزين يانورة ممكن تعطيني رقمه؟
نورة:-.................؟&#33;
مريم:-بدينا بالغيرة لاتخافين أنا أبغي رقمه عشان أبارك له واذا ماعطيتيني اياه بزعل
نورة:-ليش ما أعطيج اياه سجلي عندج

(نورة ماتدري انها راح اتخرب حياتها بهالشي)

مريم:-مشكورة يانورة عالثقة
نورة:-العفو ولو انتي ربيعتية و هذا شي طبيعي اثق فيج
مريم:-مشكورة الغالية ويالله في وداعة الله
نورة:-العفو وحافظج الرحمن

وصكت نورة الموبايل وهي هب متطمنة أبدا لمريم وقلبها يعورها وحاسة ان في شي بيصير...أما مريم فكانت مستانسة وايد ومريم تقدرون اتقولون ان حسين كان وايد عاجبنها وكانت تبغي تاخذه من نورة لكن الأيام بتبين لنا اذا راح تحقق مريم لي تبغيه ولا لا.........شو تتوقعون؟ انشاءالله لي في بالكم يكون نفس لي في بالي...نكمل قصتنا..

مريم بعد ماسكرت الموبايل على طول دقت لحسين ولكن على طول سكرت(مريم قاعدة تخطط لفراق نورة وحسين) تدرون ليش؟ عشان حسين يرد ويدق لها وتروح هي و..........ولا أقول كملوا القراية وانتوا اتعرفون شاللي بيصير.........

حسين يشوف رقم غريب في موبايله فعلى طول دق عليه لأنه كان يتحرى انه واحد من ربعه ....

مريم:-ألو
حسين:-ألو مرحبا
مريم:-مرحبتين
حسين:-اختية منو داق على هالرقم؟
مريم:-مادري والله
حسين:-اوكي ماعليه يالله مع السلامة
مريم:-مع السلامة

حسين:-والله غريبة منو هذي وشو تبغي أنا حاس انها كانت تبغي اتقول شي بس مادري شو المهم ماعليه بنعرف بعدين فديييييتج يانواري وينج عني؟













</font></font></p></font>