<font color='#810541'><div align=center>وبعد ماصكت نورة عن اخوها محمد يت في بالها ربيعتها هند القاطعة لي ما سألت عنها فقامت على طول ودقت لموبايلها.....
نورة:-الو السلام عليكم
لكن نورة استغربت ان لي رد عليها واحد
حمدان:-وعليج السلام والرحمة اختية
نورة:-اخوية ممكن ارمس هند؟
اهنيه حمدان سكت... حمدان هو ريل (زوج)هند...
حمدان:-منو اقوللها؟
نورة:-ربيعتها
حمدان:-انتي نورة؟
نورة:-هيه انا هي وليش السؤال؟
حمدان:-هند الله يرحمها قبل لا تتوفى قالتلي اعتذر لج واقولج انها واايد عزتج في حياتها وتتمنى اتشوفج انشالله في الجنة
نورة:-شووووووو قلت حرام عليك لا تقولها اله يخليك
حمدان هو ولد عم هند وكان وااااايد يحب هند وصارله قبل ما ياخذها خمس سنين وهو يحبها واخر شي خذاها...ويوم سمع نورة تترجاه اتذكر هند ودمعت عينه ونورة من الصوب الثاني تمت اتصيح

نورة:-الله يرحمها وهي من متى توفت.....(تصيح)
حمدان:-من شهر
نورة:-ليش بلاها؟
حمدان:-كانت حامل ويوم ربت توفت بعده بيومين
نورة:-حرااااام والله حرام وشو يابت؟
حمدان:-بنية
نورة:-الله يخليلك اياها ويعوضك فيها عن هند الله يرحمها
حمدان:-انشالله بس محد بيعوضني عن هند
اهنيه نورة حست بضيجه فيلست تضغط على عمرها واتواسيه
نورة:-لا تقول هالكلام اخوية... انزين شو سميتوها؟
حمدان:-هند على اسم المرحومة
نورة:-بارك الله فيك اخوية الحينة انا بصك بس برد ادق عشان اتطمن على هند
حمدان :- حياج الله اختية
نورة:-الله يحييك اخوية... وسلم على اهل هند واحد واحد وقولهم اني ماكنت اعرف ولا كنت بيي بعزيهم
حمدان:- مسموحة اختة ماتنلامين
نورة:-تسلم يالله في وداعة الله واتحمل على عمرك وعلى هند الله يخليها
حمدان:-انشالله وفي وداعة الرحمن

نورة وحمدان صكوا التليفون وتموا يصيحون على هند لانها كانت صدق ربيعة بمعنى الكلمة وزوجة ووفية بعد محد راح ينسى هند وانشالله انتوا بعد ماتنسونها
</div>
<div align=right><font face="arial, helvetica, sans-serif" color=#666633>التكملة........

في نفس اليوم كان خليفة داق لأبو نورة واتخيلوا شو قاله؟
خليفة:-عمي افهمني أنا هب اني ماباها بس لأنك تدري بحالي ياعمي
أبو سيف:-هيه أنا ما أبا أجبرك عليها أنا كل قصدي اني امعلق البنت من زمان اتقدمولها وايد وماوافقت عليهم
خليفة:-عمي أنا أبا أقولك شي بس أتمنى تفهمني
أبوسيف:-اتفضل قول أفا أنا أفهم ولدي غلط لا تفضل..
خليفة:-........عمي بصراحة أنا أعتبر نورة شرات اختية بس.....
أبو سيف:-بس شو كمل ابوية؟
خليفة:- بصراحة أنا أحب نوف بنتك يعني أنا أباها هي
أبو سيف:-.............؟؟؟معقولة وانته لي كنت تبغي نورة بنفسك قايلنها؟
خليفة:-عمي أنا قلت جذه لأن نوف قامت اتعاملني شرات سيف ومحمد يعني مايهمها أمري
أبو سيف:-هيه خلاص رمسها أنا متأكد ان نوف تبغيك
خليفة:-عمي أبغيك انته اترمسها بس بدون لاتدري نورة
أبوسيف:-فالك طيب يابوية
خليفة:-تامرني بشي عمي؟
أبو سيف:-لا فديتك بس أباك اتدير بالك على عمرك
خليفة:-انشااااالله ياعمي ودير بالك على عمرك انته بعد...يالله مع السلامة
أبوسيف:-انشالله حافظك الرحمن

وصك خليفة التليفون وارتااااح لما قال هالكلام لعمه
خليفة في البداية لما قال انه يبغي نورة بس قال جيه عشان جمالها لكن في قلبه كانت انسانة ثانية لي هي نوف..
اكيد الابو صك التليفون هو كان مستانس وضيجان في نفس الوقت لأنه يتحرى ان نورة اتعلقت في خليفة ...والوالد طبعا اتخبر ام سيف وسيف ومرته عوشه لي هي اخت خليفة...والكل اتقبل الموضوع بصدر رحب وفي هالوقت لما كانوا مجتمعين..نورة سمعتهم وهي نازلة من الدري...لكنها بالعكس واااايد استانست لأختها نوف واستانست لأنها ألحينة تقدر تاخذ حسين...
نورة ماصدقت مع انها واااايد اتعز خليفة لانه وبرغم عزة النفس والثقة بنفسه مثل اخوانها سيف ومحمد...ونورة كانت اتسمي هذي العزة والثقة تكبر وغرور ولكنها في الخير فهمت السبب.........

نورة سارت غرفتها ...وطرشت مسج لحسين تقوله فيه الخبر وطلعت من الغرفة...وحسين قعد يدق عليها وااااايد بس هي ماكانت موجودة فدخل سيف اخو نورة غرفتها وكان يبغي يضيفلها رنات يديدة ...أول ما مسكت التليفون شاف 3مكالمات لم يرد عليها...فتحهم ولا مكتوب حسين...في هالوقت وبرغم انه سيف واااايد متسامح ويحب نورة عصب ويلس يترياها في غرفتها......... </font></div>
<div align=right>

</div></font>