<font color='#810541'><FONT color=#810541>
<DIV align=right><FONT face="arial, helvetica, sans-serif" color=#666633>حسين:-مشكور ابوية مشكور الغالي
ويحب حسين راس ابوه
ابوحسين:-افا انا ما سويت شي طول عمري ابغي سعادتك انته وفطيم
وييلس ابوحسين حوالي ساعتين ونص وهم يسولفون
وفي اليوم الثاني طبعا حسين مستانس وهو ساير الدوام وفطيم مثل ماقلت خلصت الجامعة فوصاها حسين انها اتدق لنورة واتذكرها بموعدهم اليوم
وفي بيت نورة الكل محتاس لي يسوي الاكل ولي يرتب ويعني الكل مشغول ويوم خلصو عالساعة6 المغرب سارت نورة تتلبس
نورة:-نوف تعالي اختاريلي لبس
نوف:-نواري اباج اتصارحيني.. هم يايين عشان يخطبونج صح ولا لا؟
نورة:-والله علمي علمج
وتسمع نورة حد يدق باب حجرتها هي ونوف ففتحت الباب ولا هي امها
ام نورة:-نورة شو السالفة الناس يايين يخطبونج ولا شو؟
نورة:-والله يا اماية مادري
نوف:-اماية تدرين منو هالشاب لي ياي؟
نورة:-اكييد تدري انه اخو فطيم اربيعتية صح اماية؟
ام نورة:-هيه صح شو عندج يانوف؟
نوف:-اترا هذا هو لي اتبرعلها بدمه
ام نورة:-اتبرعلها بدمه؟؟!!!!!!
نورة:-هيه يا اماية بعدين بقولكم السالفة كلها عشان اتعرفون انهم ناس اياويد
ام نورة:-خلاص انزين اتلبسن وتعالن تحت
نورة ونوف:-انشااااااااالله
وتطلع ام نورة من الحجرة
نورة:-نوف ليش اتقولين لاماية؟
نوف:-نورو لازم يعرفون شوه بعد لازم يشكرونه زين ان الريال كان موجود لو كنتي احينة في المستشفى..وبعدين انا واااااثقة من شي واحد وهو انج اتحبينه لان دمه يالس يسري بدمج صح ولا انا غلطانة؟
نورة:-والله صدقتي نوف لكن هب بس لان دمه يالس يجري في دمي لا مادري شو لي جاذبني للريال ماعرف اول مرة انا احب واتمنى اتكون اخر مرة
وفي غرفة ام نورة وابونورة كان ابو نورة يسأل حرمته عن سبب العزيمة
ام نورة:-مادري والله ياريال
ابو نورة:-ليكون يايين يخطبون نورو ترا خلهم يردون احسن لهم
ام نورة:-جوف يابو سيف انته امقيد البنية بخليفة من يوم ماهم اصغار بس خليفة وايد اوكي ماشالله عليه ريال وزينة الرياييل جمال وكمال والكامل الله ويكفي انه ولد عمها سالم الغالي
ابو نورة:- هيه انزين هذا هو بس شو بنقول اذا يو يخطبونها؟
ام نورة:-والله مادري
والكل طلع من غرفته للصالة والرياييل للميلس طبعا اليلسة تنقصها محمد لي في امريكا...واخيرا وصلوا عايلة بوحسين من بعد طول انتظار..وكل الرياييل دخلو على الميلس عند سيف وابوه..والحريم دخلن عند نورة وعوشة ونوف والحلوة شواخة الميلس والكل تموا يسولفون ويتعرفون على بعض اكثر واكثر جنهم اهل ويالسين وكانت اليمعة حلوة...لين مارن التليفون
</DIV>
<DIV align=right>
والكل طلع من غرفته للصالة والرياييل للميلس طبعا اليلسة تنقصها محمد لي في امريكا...واخيرا وصلوا عايلة بوحسين من بعد طول انتظار..وكل الرياييل دخلو على الميلس عند سيف وابوه..والحريم دخلن عند نورة وعوشة ونوف والحلوة شواخة الميلس والكل تموا يسولفون ويتعرفون على بعض اكثر واكثر جنهم اهل ويالسين وكانت اليمعة حلوة...لين مارن التليفون
قامت نورة عشان اترد عالتليفون ولا هذا عمها سالم يقول:-
سالم:-نورة لحقي
نورة:-خيير عسى ماشر عمي؟
سالم:-خليفة توه امسوي حادث وهو في المستشفى
نورة:- (خافت وااايد عليه)عمي وانشالله هو بخير الحينة انشالله ما استوى به شي؟
سالم:-كيف ما استوى به شي هو في الغيبوية الحينة
نورة:-عمي انا وابوية واخواني يايين الحيينة
سالم:-خلاص اوكي مع السلامة
وتركض نورة صوب الصالة واتخبر امها واختها نوف ونوف وااايد كانت ويا خليفة والكل خاف
نورة اتغشت وسارت الميلس ودقت الباب وفتحته على طول
نورة:-ابوية خليفة امسوي حادث
طبعا نورة دخلت ولا عطت حسين ويه وهو كان مستغرب لانها وااايد كانت خايفة على خليفة
ابو سيف:-تعالوا يالله بنسير المستشفى
وطبعا خذ وياه سيف و حسين وابوه ونورة خذت امها واختها نوف وعوشة لانه خليفة اخوها و شيخة وفطيم وامها والكل سار المستشفى .... فجأة يظهر الدكتور من حجرة خليفة وهو في الغيبوبة....
الدكتور:-فين والده؟
سالم:-انا دكتور
الدكتور:-مبروك ابنك فاء(قام) من الغيبوبة
سال:-الله يبارك فييك اخوية والله ماعرف كيف ايازيك
الدكتور:-ومين نورة؟
سالم:-نورة؟! بنت عمه ليش؟
الدكتور:-هو من الصبح عمال ينادي باسمها وعاوز يشوفها دلوأتي
والدكتور كان يالس يقول هالكلام وحسين واقف
سالم:-نورة
نورة:-هلا عمي
سالم:-خليفة يبا يشوفج
نورة:-بس....
سالم:-اذا اتعزيني دخلي
وكان حسين يالس يتطالع نورة وهو يالس عالكرسي فيوم طالعته نورة نزل عيونه فدخلت نورة عند خليفة
نورة:- (ابمستحى) سلامات
خليفة:-هلا الله يسلمج
وكان خليفة هب قادر يتحرك من الويع
خليفة:-نورة زين انج دخلتي اتحريت انج ماتبغين اتشوفيني
نورة:-افا ليش ياخوي انا يحليلي ؟
خليفة:-نورة خلاص لاتتريين ولد عمج انا واايد احبج بس الحينة انا مابمشي لين متى لين سنة سنتين كم بتتريين انتي؟؟
نورة:- (وهي ناسية حسين) لا تقول هالرمسة
خليفة:-نورة انا برمس ابوج وبقوله
نورة:-قول انك انته لي ماتباني
خليفة:-والله العظيم يانورة اني اتمنى اليوم لي انجمع فيه انا وانتي في بيت واحد
نورة:-عيل خلاص
يمد خليفة ايده ويحطها على اييد نورة ويقول:
خليفة:-نورة خلاص قلتلج ولا تزعلين مني بليز نورة صدقيني انا ماروم اعذبج اكثر وياية
نورة:-خليفة خلاص بسك عاد عالاقل احمد ربك ما استوى بك شي ثاني انته بتروم تمشي بعد سنة صح لكن المهم انك بتمشي </DIV></FONT></FONT></font>
رد مع اقتباس
مواقع النشر (المفضلة)