<font color='#000000'>
السلام عليكم ورحمه الله وبركاته
فضفضه من القلب لكم فد تكون اول مره افضفض لاي مخلوق في الكون بصراحه ولكنها مجرد فضفضه من الجامعه الامريكيه
.......يمكن تستغربون ليش ذكرت الجامعه والجواب انها اهيا سبب تضارب افكاري واختلاط المفاهيم عندي وبصراحه انا امر بمرحله فقدان الامل
اكيد لحد الحين محد فهمني ولا عرفتوا عن شو اتكلم لكنها مجرد فضفضه اسردها لكم في السطور القادمه
دخلت الجامعه وعيني على شي واحد فقط وهو كيفيه التفوق واثبات الوجود والحمدلله كنت في البدايه متماسك جدا دراستي كانت ممتازه وابدا ما عندي مجال اني اضيع دراستي
بس <font size=5>جو الجامعه </font><font size=4>والاختلاط الي فيها بدا يثبط من عزيمتي وانا الي كنت راااااااافض لاي علاقه تكون بين الشاب والفتاه بدأت اضعف واقول ليش ممكن يكون هذا تمدن؟؟ انا الي ياما كنت اعنف بعض البنات او الشباب في الجامعه خلاص تعبت ... معقوله صرت مثلهم؟؟ لكم الحكم في الاتي
</font>
يطلب الدكتور من الطلاب انهم يشتغلوا على بروجكت ويتعمد الخسيس انه يختار مكس يعني شباب مع بنات وبالتالي لازم يتواعدون بعد الدوام عشان يخلصونه....
تدخل البنت بنت العرب بنت الاشراف الجامعه وهي في كامل زينتها كنها رايحه عرس وتقول باعلى صووت عندي مسج واايد حلو كم رقمك يا فلان عشان اطرشه لك؟؟؟
يروح الشاب او الطالب لزميلته ويجعدوون بالسااعات في ستار بكس عشان تشرحله الدروس او المواضيع؟؟؟؟؟؟؟
مسجد الجامعه حدث ولا حرج نفس الوجوه ما تغيرت كان الصلاه مب مفروضه عليهم في الجامعه الامريكيه
؟؟؟؟؟؟؟؟؟؟؟؟
مدرس امريكي كاافر يعلمنا الفرق بين الحلال والمكروه والواجب والمستحب في كورس يسمى الثيم............؟؟؟؟؟؟؟؟
والكثييير الكثير من الامثله يمكن تسالون ليش دخلت هالجامعه والجواب اني كنت غبي نعم انا كنت غبي والان انا في السنه الثالثه والتخصص الي انا فيه مب موجود في مكان ثاني
المهم مهما كانت الاعذار اياااكم والجامعاات المختلطه لانها تدمر مفاهيمنا وممكن الي يدخلها يطلع منها ممسوخ الهويه الا من رحم ربي وعن نفسي احس ان فضفضتي هذي راح اتذيدني قوه وصلابه وثبات على الحق لان في النهايه ما يصح الا الصحيح
وجزاكم الله خير واسف عالاطاله
اخوكم النعيمي
</p></font>
رد مع اقتباس
مواقع النشر (المفضلة)