انا اريد .. و انت تريد .. و الله يفعل ما يريد

[شمس]

<font color='#000000'>غيث : حق شو معصب خلاص sorry
حمدان ساكت
غيث : اتمصخر وياك , يا ريال بلاك اتعصب , خلاص بنطب و بسكت sorry &nbsp;خلاص , اسفين و حقك علينا .
حمدان : اقول غيث ردني البيت , الغلطة مب غلطتك , الغلطة غلطتي انا اللي مصدق انك اربيعي .
غيث : حمدان بلاك قلتلك اسف خلاص ما يستوي حد يتمصخر وياك .
حمدان : اتمصخر عادي , بس مب في هالشي .
غيث : خلاص ما بقول شي .
وصل غيث حمدان البيت , و سار بيتهم .
حمدان اول ما دش شاف سيارة ام الليازية ( اللي هي اخته ) موجوده, عرف انهم ما سارو بعدهم , و اول ما دخل , سلم و زقر الليازيه , بس هي ما كانت منتبهه له , كانت اتكلم خالتها , و تم يزقرها, و هي مب منتبهه , جان ايي و سحبها من ايدها , هي حرجت و قالتله : انت بلاك شو مستولك ؟
حمدان : حق شو يوم ازقرج ما تردين؟
الليازية : و الله ما تشوفني مشغولة ؟&#33; اكلم هدوه . ( هدى اخت حمدان )
حمدان : و الله هدوه كلامها فاضي .
الليازية : عيل انت اللي كلامك مليان ؟&#33;
حمدان : هههههه ما تضحكين .
الليازيه : هههههه اصلا انا ما قلتلك اضحك .
حمدان : يعني هدوه احسن مني ؟&#33;
الليازيه : بوايد
حمدان : عيل سيري عندها .
الليازيه : بسير , عيل بترياك . &nbsp; &nbsp; (سارت عند الباب )
حمدان : عيل صدق انا مب هامنج ؟&#33;
الليازيه : ليش اهتم فيك , اذا انت ما تهتم فيني ؟&#33;
حمدان : ليش عاد ؟&#33; تراني ييت .
الليازيه : اونه بريء , انا سويتلك الساعة 5 , و انت قلت بتي , و اللحين الساعة 10 , صدق انك مهتم فيني , لاه و مهتم فيني وايد بعد .
حمدان : يزوي اسمعي , انا ودرت اربيعي و ييتج , لا تيلسين اتقوليلي جي .
الليازيه : و انا ودرت ربعي كلهم عالنت عشانك , و انت حظرتك طلعت .
حمدان : يعني النت احسن عني ؟&#33; و اهم عني ؟؟&#33;
الليازيه : اكــــــــــــــيد
حمدان : عيل خلاص انا زعلان لا ترمسيني .
الليازيه : ليش بموت يعني اذا ما رمستك ؟؟&#33;
حمدان : يعني ازعل ؟&#33;
الليازيه : ازعل , ما تفرق عندي .
حمدان : خلاص ما برمسج .
الليازيه : يلا انا بطلع , و لا ترمسني .
حمدان تم ساكت اونه زعلان , و طلعت الليازيه من الحجرة , و هو كان يتوقع انها بترد , تم يتريا يتريا , ما يت , &nbsp;فقال يمكن سارو , ففكر انه يتصل فيها عشان اعرف , و يوم سمع حمدان موبايل الليازيه عرف ان هم ما سارو , موبايل اليازيه كانت نغمته عاليه , و عقب فترة دشت الليازيه حجرة حمدان .
حمدان : شو تبين ؟&#33; ليش رديتي ؟&#33;
الليازيه : انت حق شو متصل ؟؟&#33;
حمدان : انا كنت بتصل حق اربيعي , بس غلطت .
الليازيه : صدق &#33;&#33; &nbsp;عيل مرة ثانيه شوف الرقم عدل قبل لا تتصل .
حمدان : جب
الليازيه : جب اجبك
و سكرت الباب , و ما مرت حتى دقايق و ردت فجت الباب مرة ثانيه , حمدان تم اطالعها و ما رمس , و هي بعد تمت اطالعه و ما تكلمت , تمت فترة جي , عقب ابتسمت و قالت : اونك زعلان ؟؟&#33;
حمدان : هيه , و ما رمسج .
الليازيه : خلاص sorry &nbsp;, بس انت اللي خليتني اقول جي , رفعتلي ضغطي .
حمدان : لا لا لا , انا زعلان و ما ارمسج .
الليازيه : بس قلتلك sorry &nbsp;.
حمدان : لا زعلان .
الليازيه : خلاص بس .
حمدان : ما ارمسج , انا زعلان .
جان الليازيه اتغنيله &nbsp;: ان زعلت برضيك و كل عمري فداك &nbsp; &nbsp;و لزعل مزعله يالغالي عليك &nbsp; &nbsp;لو تامر بروحي تنقاد لرضاك &nbsp; &nbsp;لو تطلب اعيوني في لحظة تجيك .
حمدان : لالا بعدني زعلان .
الليازيه :بس عاد الدلع مب حقك . &nbsp; حمدان تم ساكت .
الليازيه : حمدانوه يالسخيف , بسك عاد .
حمدان : خلاص رضيت .
الليازيه : شو من كلامي اللي خلاك ترضى .
حمدان : يالسخيف
الليازيه : عيل كل يوم بقولها .
و عقب تم حمدان اكلمها عن كل اللي استواله اليوم , و عقب سكت فجأه (اذكر سالفة التليفون )
الليازيه : بلاك سكت ؟؟&#33;
حمدان :لا ما شي .
الليازيه : كنت بتقول شي .
حمدان : لا ما شي و جني خرفت اشوي .
الليازيه : حمدان عن المصخرة , قول , انت كنت بتقول شي .
حمدان كان اعرف ان الليازيه بتحرج لو عرفت ان اربيعه قاله عطني رقمها , بس الليازيه تمت اتحن عليه .
حمدان : بقولج , بس ما تعصبين .
الليازيه : قول , تراك رفعتلي ضغطي .
حمدان : ما بقول , جان بتحرجين مب قايل .
الليازيه : قول , قول , ما بحرج .
حمدان : اكيــــــــــــــد
الليازيه : هيه , يلا قول .
حمدان : غيث كان يتمصخر وياي, و قال عطني رقمها , خل تستوي مثل اختي , مثل ما هي مثل اختك .
الليازيه عصبت لان ما تحب حد اعرف رقمها من الشباب (الليازيه ما عندها سوالف الشباب )
حس حمدان انها عصبت فقال : لا تخافين انا ما عطيته الرقم , و لا يمكن اعطي حد رقمج , انا ما ارضى عليج , و اصلا هو كان يتمصخر .
الليازيه : حبيبي خالي , الله اخليك لي , و هذا اربيعك بيشوف جان ما راويته .
حمدان : ليش شو بسوين يعني و قلتلج انا ما عطيته , و هو كان يتمصخر .
و في نفس اللحظة ام الليازيه زقرتها و عشان بيروحون البيت , سلمت على حمدان و طلعت .

*** و نسير عند غيث
غيث اول ما دخل البيت سلم , و دخل غرفته , كان طايح على الفراش لما دخلت عليه امه : غيث انت ما بتدرس , كل من الفراش لين ربعك , و من ربعك لين &nbsp;الفراش , انت ما بتقوم اذاكر , ياولدي شوف مستقبلك , ذاكر و لو لدقايق .
غيث : امــــيه , الواحد تعبان , راد البيت يبا يرتاح , جي اتعاملونه , لازم اتعورولي راسي كل يوم , انا يوم بذاكر , بذاكر يوم ابا انا .
و في نفس اللحظة دشت عليه هند اخته الكبيرة , قالتله : انت شو تقول , شو يعني يوم بذاكر , بذاكر يوم ابا انا , ليش انت اصلا بذاكر , المذاكرة اخر شي اتفكر فيه , هذا اذا فكرت فيه .
غيث : يلا عاد قومو , يتكم الخريجة تتفلسف , خلاص خلاص بذاكر بس ممكن ارتاح خمس دقايق .</font>