انا اريد .. و انت تريد .. و الله يفعل ما يريد

[شمس]

<font color='#000000'>السلام عليكم

انقللكم هالقصة اللي انا كتبتها

هاي اول قصة فعمري اكتبها ....... ايام الثنوية

بس ما كملتها.....

و اللحين ان شاالله بنزلها لكم و ان عيبتكم بكملها

و بلييييييييييييييييييز ارجو من الكل اذا عنده اي ملاحظة يحطها
اوكي

.................................................. ......

ام غيث : غيث ولدي , قم ذاكر الله اهديك, هاي اخر سنه لك .
غيث : ازين اميه , الامتحانات مب باجر , لاحقين عالمذاكرة , باقي شهرين.
ام غيث : ازين فجلك اكتاب , احسلك من الحواطة .
غيث : اوهو , اميه قلتلج ازين بذاكر , بس مب اللحين , انا مواعد حد من الربع , بسير تامريني بشي .
ام غيث: لا يا وليدي , بس مب بسك من الحواطة , جابل ادروسك اهم .
غيث : اميه ردينا شو قلتلج بذاكر , ازين , ما يصير خاطرج الا طيب بذاكر , بس عقب ما ارد , يلا مع السلامة .
ام غيث: في امان الله , بس لا تتاخر .
غيث : ان شاالله .
غيث ولد في الثنويه العامه , و انتو اتعرفون الاولاد و طبعهم , ما يحبون حد يامرهم بشي .
طلع غيث من البيت , ساير عند واحد من ربعه .
حمدان : هلا غيث , وينك , اتاخرت ؟&#33;
غيث : هاي اميه , ما تعرف شي غير المذاكرة , كل قم ذاكر , قم ذاكر , جني مولود حق الكتب .
حمدان : لازم بعد , ترا ما باقي غير شهرين , &nbsp; &nbsp; انا اهلي بعد حاشريني , بس اطنشهم , خل يرمسون على كيفهم , ما اسويلهم سالفة .
غيث : مشكلة انت بعد .
حمدان : ياله عاد , اسمع منو يتكلم , يله قم منسير , و لا ناوي توقفنا اهني ؟
غيث : &nbsp;شو , وين ناوي اسير اليوم؟
حمدان : وين بتودينا ودنا , المهم نطلع .
غيث : ok
و في الطريج رن موبايل حمدان ,
حمدان : الو
........ : الو , السلام عليم
حمدان : و عليكم السلام
........ : هلا بالي قال بيتريانا
حمدان : سوري يزوي ., طلعت مع واحد من الربع .
الليازية : انت اطلع و اللعب , و احنا اللي نبتلش فيك .
حمدان : ازين بكلمج بعدين , تامريني بشي ؟
الليازية : يبلي بيبسي و انت راجع .
حمدان : ههههههه
الليازية : ههههههه
حمدان : يلا باي
الليازية : باي , و اتسكر
الليازية تستوي بنت اخت حمدان (يعني خالها ) , هو تقريبا اكبر منها بسنه , بس هم وايد مع بعض , و هي بعد في الثنويه العامة .
غيث : شو السالفة , شو تبا منك ؟
حمدان : ما شي , انا قلتلهم تعالو اليوم .
غيث : ليش ؟&#33; &nbsp;مب هم كل اربعا ايون بيتكم .
حمدان : هيه , بس هي احيانا ما تي .
غيث : ليش ؟&#33; &nbsp; &nbsp; &nbsp; (غيث من النوع اللي لازم يسال , لازم اعرف كل شي )
حمدان : بس مجابلة النت , حتى يوم اسير افج النت لازم القاها موجودة , من تي من المدرسة اللين الفليل و هي قاعدة عالنت .
غيث : ليش ؟&#33; انت ما قلت انها معانا , ليش ما اتسير اذاكر ؟&#33;
حمدان : هي دوم يوم حد اقوللها سيري ذاكري اتحرج , و اتقول " يوم بذاكر , بذاكر من نفسي , يوم ابا انا , مب يوم يبا غيري" , حتى احنا حفظناها من كثر ما تقولها .
غيث : غريبة , بنت و ما تسير اذاكر ؟&#33; اذكر البنات يعبدون الكتب .
حمدان : لا هاي مب مثل باقي البنات , هاي غير اشوي .
غيث : شو يعني , كل البنات نفس الشي .
حمدان : لا مب كل البنات نفس الشي , كل بنت غير عن الثانيه , بس تدري هاي اللي في راسها اسويه يعني اسويه , لو شو صار , عنيدة بشكل .
غيث : شو يالس ازيغني فيها ؟&#33;
حمدان : لا بالعكس , هاي حبوبة , بس عنيدة و عصبية .
غيث : ها شو رايك في هالمكان ؟&#33; حلو ؟&#33;
حمدان : ليش باقي شي من الوقت اندور مكان ثاني ؟&#33; يله انزل .
( غيث ما شاف الليازية , بس جمدان كان يرمس عنها اشوي , و الليازية كانت اتعرف كل شي عن حمدان , لان هو كان اقوللها كل شي , حتى اسراره , و هي من النوع اللي ما ينشر الاخبار , مثل ما اسوون نص الحريم , فهاجي حمدان واثق منها , و كان حمدان و غيث من النوع اللي ارمس بنات , و حمدان كان اقول حق الليازيه , السوالف اللي تستوي وياهم )
غيث : شو رايك انسير مكان ثاني , انا مليت بصراحة .
حمدان : شوف الساعة كم قبل , عقب ارمس .
غيث : منسير مكان قريب , ما منتم فيه وايد .
حمدان : يله , بس مكان قريب , مب تنقعنا اخر الدنيا .
غيث : انزين
و هم راكبين رن موبايل غيث و حمدان في نفس الوقت , فردو عليه , و عقب ما سكرو سال حمدام غيث منو سواله تليفون .
غيث : هاي اميه تباني ارد البيت .
حمدان : عيل خل الطلعة حق وقت ثاني .
غيث : ليش ؟ عادي لو تاخرت اشوي , و هاي اول مرة اتقولي جي , دايمن يوم اميه تتصل , اتقول منسير بسرعة و منرد , شو مستوي عندك اللحين ؟&#33; ليش تباني ارد ؟&#33;
حمدان : لا ما شي , بس يزوي سوت تليفون , و قالت انهم بيسيرون عقب اشوي , قلتلها تصبر لاني ياي .
غيث : يا اخي بسالك سؤال , تراك بلشتنا وياها , هاي بنت اختك ولا حبيبتك ؟&#33;
حمدان : غيثوه عن التطنيز , انت اتعرف علاقتي فيها , احنا اكثر من اخوان .
غيث : مدام هي زينه لين هالحد , ممكن اقولك شي ؟&#33;
حمدان : قول
غيث : هي عندها موبايل ؟&#33;
حمدان : هيه , ليش تسال ؟&#33;
غيث : عيل عطني رقمها , برمسها , خلها اتكون مثل اختي بعد .
حمدان و هو معصب : شو تقول , غيث اسمع انا ما ارضا عليها, و هي مب من النوع اللي اكلم اولاد</font>