<font color='#810541'>السلام عليكم ورحمه الله وبركاته

اشكرج اختيه الغاليه على طرح هالموضوع اللي بالفعل محتاي اندورله صرفه ، صدق عيالنا هالايام ما فيهم خير ولا يخافون ربهم عنبوكم حسوا على دمكم قولو باجر ورانا حساب وعقاب الا جي هايتين لا حسيب ولا رقيب انزين بتخبركم الحين هالشباب اللي كل واحد عنده درزن واثنين من البنات شو اللي مستفيده من وراهن غير انه متفنن في الجذب كل وحده يالفلها جذبه عجيبه غريبه لو تسمعونهم بتالفون كتب عن جذبهم وعمري ما سمعت عن وحده اترمس شباب او واحد يرمس بنات الا وقال لها انت اول واخر انسانه في حياتي حبي الاول والاخير مناك على الخط الثاني تترياه ربيعته رقم 10 اذا مب 1000 ليش مسوين جذه بعماركم حرام والله .

والمشكله الشين يخرب الزين يعني اذا فيه واحد من الشباب ما يرمس بنات تلقونه يهودي وكافر عند باقي الشباب ليش وليش فلان ما يرمس بنات والا انت شو ناقصنك بيطلعون فيه الف عله وعله كل هذا عسبه انه ما يرمس بنات <img src="http://oasis.bindubai.com/emoticons/sad.gif" border="0" valign="absmiddle" alt=':('>

الصراحه لو اتم اكتب لين باجر ما بخلص بس الصراحه كلمه حق اقولها الله يرحم ايام زمان حتى المغازلجيه كانوا محترمين والله اللي محترمه عمرها ومتستره والله ما يجبلون صوبها لكن عيال هاليوم عوذ بالله منهم تكفيهم عباه عسب يلحقونها وما يهم شو ورا هالعباه......

بس يبوكم كم وكم برمس مافي فايده البلاد راحت فيها وما عندي غير اني ادعي ربيه يهدينا ويحفظنا ويرحمنا برحمته

السموحه اختيه طولت عليج هب مني من الحره اللي فيني على الشباب الله يسامحهم</font>