<font color='#000000'>سبحان الله ... معقولة في إمراة بهاي الصلابة ما شاء الله عليها ... خالي توفى ولده من سنة الحين ... خالي صبر و احتسب والله انه اول ما شافني ضحك ...&nbsp;هو ساكن مع اهل زوجته &nbsp;... وزوجته تستوي اخت زوجي ... المهم انا كنت حامل فهو بدل اما انا اخفف عليه تخيلوا اول ما شافني ابتسم و تم يسولف عادي عشان ما اتأثر بس ما قدرت ... ولده 16 سنة توفى في حادث دراجة ... كان يسوق دراجة و بغى يشرد من الشرطة دخل اللي كانت تلحقه دخل المزارع و الوقت كان ليل ... المهم بيك اب يسوقه مصري متجاوز غلط وكان مسرع وايد دعم الولد و دزه لمسافة بعيدة لانه كان مسرع واخر شي داس على راسه و توفى الولد ... احنا كنا في البيت ... نتصل على موبايله لانه تاخر ...ردوا علينا الشرطة وقالوا عبدالله امسوي حادث بسيط وتعالوا مستشفى المفرق انا ما رحت .. بس كلهم راحوا اتذكر لما رجعوا ... صياح وصراخ ... الحمد لله على كل حال ... الام تمت 7 شهور ما تطلع من باب الغرفة و الحين في كل مناسبة تصيح و دايما حزينة الله يصبرها ان شاء الله ... خالي لين الحين يمر المقبرة كل يوم يسير يصيح عقب يرجع البيت ... الله يصبره عقبه بشهرين توفى جدي اللي هو نفسه ابو خالي اللي ولده توفى وعقب جدي بشهرين طاحت جدتي و انكسر فخذها و كتفها و قالوا العملية صعبة ويمكن ما تتحمل لانها كبيرة في السن ... الحمد لله على كل حال المصائب لما اتيي اتيي مرة وحدة ...</font>