أموت أنا في حبهم

[ريم العين]

وين التكمله
القصه حلوه

[الجنيه]

<font color='#000F22'><FONT color=#000f22>
<P align=center>
السلام عليكم ورحمه الله وبركاته

أخواني وأخواتي أعضاء واحات بن دبي الكرام
يسعدني اليوم أن أضع بين أيديكم قصتي الأولى وأتمنى تنال إعجابكم
أنا بحاجه لإنتقاداتكم ودعمكم .... أتمنى&nbsp; من كل اللي يقراها يقولي رأيه فيها بصراحه
دون مجامله عشان أقدر أطور من أسلوبي وأرضيكم ......
بالنسبه للأجزاء ان شاء الله بتكون بشكل أسبوعي يعني كل اسبوع جزء اذا الله راد
ما بهذرب وايد وأتفضلوا....


</P>

<P align=center><FONT size=2></FONT></P>

<P align=center>أمــــــــــوت أنــــــــا في حبـــــــهم (1)</P>

<P align=center></P>

<P align=center>&nbsp;</P>

<P align=center>سلطان: الله ياخذج واليوم اللي عرفتج فيه ،،، شو تبين مني أنتي هدمتي حياتي كلها لا بارك الله فيج</P>
<P align=center>مزنه وهي أتصيح: حرام عليك يا سلطان خاف الله أنا شو سويتلك وهالياهل.. شو ذنبه من أنولد وأنت عايفنه ولا حسسته بحنانك وعطفك أنت </P>
<P align=center>سلطان وهو يقاطعها : لمي قشارج وطلعي من بيتي دام النفس طيبه لا أذبحج أنتي وولدج لعنة الله عليكم</P>
<P align=center>مزنه وبترجي : حبيبي أنت عطني فرصه وأنا بكلمها</P>
<P align=center>سلطان وباشمئزاز : جب ولا كلمه ،،، وكم مره قايل لج كلمه حبيبي ما أحب أسمعها منج</P>
<P align=center>الله يا وعد محلاتها هالكلمه من ثمج .... </P>
<P align=center>ويتركها بحيرتها ويصفق الباب ويطلع ....
</P>
<P align=center>...................</P>

<P align=center>عائله بو سلطان</P>
<P align=center></P>

<P align=center>بوسلطان : 55سنه (لواء متقاعد وعنده شركه مقاولات يديرها ) رجل حازم وكلمته ما يرد فيها ... بس حنون وقلبه على عياله يحس فيهم دون لا ينطقون</P>
<P align=center>أم سلطان: 51 سنه حنونه وطيبه وأتحب عيالها بشكل كبير مستحيل أتضايق واحد فيهم أو أتزعله ... رغم مرور أكثر من ثلاثين سنه </P>
<P align=center>على زواجهم الا أنها بعدها أتعامل ريلها بنفس الإحترام ومستحيل أتعارض قراراته ..</P>
<P align=center>خليفه: 35 سنه مدير شركته الخاصه متزوج وعنده ثلات أولاد وبنتين (سالم 16 سنه ، سهيل 14 سنه ، عنود ونجود توم 12 سنه وآخر العنقود غيث 9سنين )</P>
<P align=center>حرمته ميثا 33 سنه جميله بكل مافي الكلمه من معنى متكبره ومغروره لدرجه كبيره ما تحترم ولا أتحشم الكبار </P>
<P align=center>(وكانت السبب في أنه بو سلطان يطلب من خليفه أنه يعيش فبيت روحه )</P>
<P align=center>سلطان: 32 سنه، حنون وطيوب لأبعد الحدود يحب حرمته لدرجه الجنون ،،، مزاجي وبسرعه يعصب بس يرد يرضى بكلمتين حلوين </P>
<P align=center>سيف: 26 سنه ماسك إداره قسم المحاسبه في شركة أبوه طايش ومتهور وعنيد ... ما يبي يتزوج زواج تقليدي يؤمن بالزواج عن حب وهو بصدد البحث عن الحب </P>
<P align=center>سعيد : 24وكيل أول .... شديد الحساسيه بس قلبه طيب وفرفوش سوالفه ما تنمل , آخر العنقود </P>
<P align=center></P>

<P align=center>عائله حميد </P>
<P align=center>حميد 40 سنه إنسان حنون بشكل كبير يحب بنته وعد ويلبي لها كل طلباتها توفت زوجته بعد ولاده وعد بشهرين ومن بعدها ما فكر يتزوج كرس حياته لتربيه </P>
<P align=center>وحيدته وعد ... حاليا هو عضو مجلس إداره في وزارة التربيه والتعليم ... كان مدرس جغرافيا ....</P>
<P align=center>وعد : 22 سنه متوسطه الجمال بس أخلاقها ممتازه </P>
<P align=center>عنيده وراسها يابس أتحب أبوها وأتبديه على نفسها ,,,, رغم كونها وحيدة أبوها إلا أنها كانت وحده فاهمه وواعيه مسؤله وبعيده كل البعد عن الدلع ...</P>
<P align=center></P>

<P align=center>قبل ست شهور
</P>
<P align=center>وعد: سلطان قلبي حبيبي حياتي عمري يا بعد هلي وطوايفي يا أغلى ناسي يا روحي يا بلسم جروحي </P>
<P align=center>سلطان: .....</P>
<P align=center>حياتي والله سوري فديتك حبيبي أموووووووووووووووت أنا </P>
<P align=center>سلطان وبعصبيه : يعل يومي قبل يومج وعودي حبيبي صدق بزعل منج كم مره قلت لج طاري الموت ما أبيج أتييبينه</P>
<P align=center>والله يا وعد ان سمعت هالطاري مره ثانيه لا اتلومين الا نفسج بذبح عمري قبل لا أسمع بوفاتج...</P>
<P align=center>وعد: سلطوني فديت روحك ما عطيتني فرصه أكمل كنت بقول أموووووووووت أنا في حبهم وأرخص أنا عيوني لهم </P>
<P align=center>ناس إٍسكنوا قلبي أنا وأنا سكنت قلوبهم لا حرمني الله منهم هم علموا ،،، وفجأه تسكت </P>
<P align=center>وعد بصدمه : حياتي شو فيك؟؟؟؟&#33;&#33;&#33;&#33;&#33; باسم الله عليك سلطان شي يعورك ؟؟؟&#33;&#33;</P>
<P align=center>سلطان: لا حبيبي أشفيج كملي الأغنيه صوتج يعذب والله وحرمتي صوتها غاوي وأنا خبر خير</P>
<P align=center>وعد: *_^ ما أبي ما أبي خرعتني حسبي الله على إبليسك</P>
<P align=center>سلطان : وعد شوفي كله ولا إبليسي ترا ما أرضى عليه </P>
<P align=center>وعد: أستغفر الله شو هالمنكر سليطين </P>
<P align=center>سلطان : فديت اللي يقول سليطين أشوف عيديها الحركه </P>
<P align=center>وعد: ما أبي ما يخصك فيني أنا زعلانه </P>
<P align=center>سلطان: كيف تبيني أراضيج ؟؟؟&#33;&#33;&#33;</P>
<P align=center>وعد: والله حاله الحين أول مره أشوف اللي يبا يراضي يسأل شو هي الترضيه </P>
<P align=center>أنت كريم وأنا أستاهل واللبيب بالإشاره يفهم ....</P>
<P align=center>سلطان: الله أكبر عليكن يالحريم أسميكن مب هينات الحين مسويتلي سالفه هالطول وهالعرض وكل هاللف والدوران وآخرتها شو </P>
<P align=center>مخاسير ... ،،، ماشي ما عندي فلوس ما عندي شي بوووووووووووح </P>
<P align=center>وعد : وهي مبوزه برايك ما با شي منك .... (وأتمثل أنها أتصيح)</P>
<P align=center>سلطان: وعودي ..</P>
<P align=center>وعد: نعم </P>
<P align=center>سلطان: نعامه ترفس عدوينج قولي آمين</P>
<P align=center>وعد: سلطانو ما يخصك بعدويني فديتهم أموووت أنا في حبهم </P>
<P align=center>سلطان وهو معصب : وعود بذبحج شو هالرمسه الخايسه أشعنه تتفدين عدوينج ها ؟؟؟</P>
<P align=center>وعد: أي باسم الله شو مشكلتك أسولف وياك </P>
<P align=center>سلطان: يا ويهج أنا بعد أسولف انزين</P>
<P align=center>وعد: لو سمحت ما يخصك بويهي </P>
<P align=center>سلطان : كيف ما يخصني بويهج أنتي كلج لي ملكي،،، مب حرمتي؟؟؟&#33;&#33;&#33; مب دافع مهرج ؟؟&#33;&#33;&#33;&#33; يعني محد له حايه عندي</P>
<P align=center>وأنتي ما عليج غير السمع والطاعه فاهمه ...</P>
<P align=center>وعد: هه هه هه ضحكتني وأنا ما أبي أضحك والله محد ضربك على إيدك وقالك تعال خذني </P>
<P align=center>الحمدلله كنت يالسه فبيت أهلي22سنه معززه مكرمه ولا علي قصور فديت أبوي حبيبي مب مخلني محتايه شي لو أردله البيت</P>
<P align=center>الحين ما بيقصر علي بشي ،، هذا وأنا دوم أمدح فيك أونه ريلي فديته أوه أقصد ريلي وبس </P>
<P align=center>سلطان وهو يحيس إيدها ويمسكها من شعرها على الخفيف يالدبه الحين أنا أستويت ريلج حاف من دون فديته ولاحبيبي ولا شي </P>
<P align=center>أوكي وعدوه ان ما خليتج تندمين على هالرمسه ما أكون سلطان ،،، بييبلج عديله عسب تتأدبين هي اللي بتخليج أتعرفين جيمتي وبتدلعني </P>
<P align=center>وعد : سلطان اذا فيوم فكرت تاخذ وحده غيري أرجوك طلـــــــــــــــــــــــ ـــــــــــــــقني وبعدها سو اللي تباه </P>
<P align=center>ولفت عنه الصوب الثاني وادموعها تسيل ....</P>
<P align=center>سلطان وهو مصدوم من ردة فعل وعد معقوله أتكون جاده فرمستها بس أنا قاعد أسولف وياها عادي أشفيها هاي</P>
<P align=center>ليش يا سلطان ليش أتزعلها.. الحين كيف براضيها....؟؟؟؟ بس أنا ما قلت شي يا ربي شو هالحاله &#33;&#33;&#33;</P>
<P align=center>نش من مكانه وسار الجهة الثانيه وقف مجابل وعد وحط إيده على ذقنها عسب ترفع راسها (وهو يعرف أنها أتغار من هالحركه</P>
<P align=center>يعني لو شو ما كان فيها ويسويلها هالحركه تضحك على طول ولو هي أتصييح ،،،، بس هالمره غير ما تحركت ولا حتى إبتسمت </P>
<P align=center>وأبعدت إيديه عنها ...</P>
<P align=center>سلطان وهو يرجع لورا ومصدووووووم مستحييييييييييل وعد تزعل مني بهالشكل وعلى شي تافه معقول كل هالحب اللي أحبها</P>
<P align=center>وبعدها مب واثقه فيني ؟؟؟؟؟ </P>
<P align=center>سلطان اتقرب منها أكثر وهو مصر هالمره أنه يخليها أتشوفه عسب يقدر يكلمها ،،،، بدى يناديها باسمها</P>
<P align=center>وعــــــــــــــــ� �ـــــــــــــــد بصرخه شقت سكون الليل وخلته يرجف بكبره </P>
<P align=center>وأول ما رفعت ويها أنصدم بالي يشوفه ,,, عيونها غرقانه بالدموع ونظراتها تايهه وخايفه فيها ألم وغصه ما عرف لهم تفسير </P>
<P align=center>ومن دون أي كلمه راح صوبها و ضمها لصدره بقوه يحاول يحسسها بالأمان يبي يبعد هالنظره من عيونها يحاول يعتذر بكلمات مش مفهومه </P>
<P align=center>فجأه حس بخوف فضيع ما تعود منها هالجمودو لا هالبرود في موقف غير هذا كانت تنهار بحضنه وأتفرغ كل اللي بخاطرها </P>
<P align=center>يرد سلطان يناديها : وعود حبيبي ردي علي سوي اللي تبين بس لا أتمين جيه والله قلبي يتقطع ما أتحمل أشوفج جذه حبيبي قولي أي شي </P>
<P align=center>أوكي لا ترمسين أضربيني سوي اللي تبينه ارحميني دخيلج</P>
<P align=center>وعد بعدها فحضنه ولا تصدر منها أي حركه ولا ردة فعل مستسلمه ودموعها ما وقفت </P>
<P align=center>يرد يهزها سلطان وهو خلاص يحس أنه روحه طلعت وإنشلت أطرافه ،،، مب قادر يتخيل أنه هاي حبيبته وعمره وكل دنياه أتعامله بهالطريقه</P>
<P align=center>يمر شريط حياته جدامه ما يتذكر شي قبلها ما يحس بأي شي حوله ما يشوف غيرها شو اللي صار ؟؟؟ ليش أحس أني وحيد ليش أحس </P>
<P align=center>إني غريب ؟؟؟ بدى سلطان ينهار مش قادر يوصل لنتيجه ما يعرف شو اللي صابه ليش وعد ما ترد علي ليش ؟؟؟</P>
<P align=center>ويرد يناديها : ووو عــ ـــــد أرجوج ردي علي </P>
<P align=center>وعد كأنها أنتبهت أنه في حد يناديها تسمع صوته من بعييييييييد كأنها في قاع الوادي أتحاول أترد عليه تبي أتطمنه أتقوله أنها بخير </P>
<P align=center>تبي تسمح دموعه وأتخفف عنه ... ليش سلطان ما يسمعني أنا بخير حبيبي ما فيني شي أنت اللي أشفيك بطل عيونك حبيبي </P>
<P align=center>باسم الله عليك....... أعوذ بالله من الشيطان الرجيم وبدت وعد تقرى آية الكرسي وتنفخ على سلطان على أمل أنه ينش أو يفتح عيونه</P>
<P align=center>تقرى وتقرى لكنه بعده مغمض عيونه ويزاعج باسمها ،،، وعوووود أنتي بخير ؟؟؟؟</P>
<P align=center>وعد وهي أتصيح سلطان أنا هني عندك أنا بخير شو فيك حبيبي ,,,, </P>
<P align=center>سلطان وهو يفز من رقاده بقوه وهو يلهث يتلفت حواليه وكأنه يدور على شي وأول ما طاحت عيونه عليها </P>
<P align=center>نش من مكانه وعلى طول رمى بنفسه فحضنها وتم يصيييح مثل اليهال متمسك بطرف كندورتها ... ووعد تمسح على راسه وأتحاول أتكلمه </P>
<P align=center>بس هو ما يسمعها كأنه ما في حد يكلمه ويتم على هالحاله وهو يصيح صياح يقطع القلب ووعد أتشاركه بس بشكل أخف ما تبيه يحس أنها </P>
<P align=center>ضعيفه وهو محتاج لها ،،، محتاره ما أتعرف كيف تتصرف أو شو أتسوي شو اللي صار له ؟؟؟ أكيد حلم مزعج الله يعدي هالليله على خير </P>
<P align=center>خلته يفضفض ويطلع اللي فخاطره لين هدى بنفسه ووبدت قبضة إيده ترتخي </P>
<P align=center>سلطان : وهو بعده يشاهق ويتنهد ...&nbsp; بنفس متقطع و و وعـ ــ دد </P>
<P align=center>وعد: عيونها آمر حياتي </P>
<P align=center>سلطان: وعد قولي آمين </P>
<P align=center>وعد : آميــــــــــــــــــــــ ـــــــــــــــــــــــــ ـــــــــــــــــــــــــ ـــــن </P>
<P align=center>سلطان : عسى الله لا يفرقنا وعود بموت اذا تركتيني فيوم</P>
<P align=center>وعد وهي أتحط صبعها على ثمه ،،، حبيبي مافي شي فهالدنيا غير اراده الله أتفرقنا .....</P>
<P align=center>بينها وبين نفسها تبا تسأله شو هالحلم اللي قلب حاله فوق حدر شو اللي خلاه يتروع لهاي الدرجه ؟؟؟وبنفس الوقت ما تبي أتضايقه أكيد الحلم </P>
<P align=center>وايد ضايقه ... خلاص حبيبي يلا نش اذا بتسبح و أتيدد بعد أشوي بيأذن الفير أوكي عمري أنا بسير أزهب ثيابك ....</P>
<P align=center>نش وهو حاس بثقل الدنيا كلها كأنه روحه طلعت ورجعت له مره ثانيه ... معقوله مجرد حلم يقلب كيانك يا سلطان اذا أنت ما تقدر تتقبل فكره أنها</P>
<P align=center>تطلب الطلاق منك كيف بتصارحها أنت أتعرف أطباعها ومستحيل ترضى بحد يشاركها فيك ،،، يا ربي ساعدني كيف أطلع نفسي من هالورطه</P>
<P align=center>وعد: سلطوني حبيبي أشفيك ...بغيت شي ؟؟؟</P>
<P align=center>سلطان بارتباك : ها لا لا شــ شش أنا أممممم</P>
<P align=center>وعد مستغربه : شو ياك سلطان؟؟</P>
<P align=center>سلطان : ها ماشي أنا بسير أسبح زهبي ثيابي ممكن ؟؟</P>
<P align=center>وعد &#33;&#33;&#33;&#33;&#33; حياتي زهبت ثيابك أكن حذاك بسير اسويلك شي تشربه أحسبك بعدك متوتر من الحلم...</P>
<P align=center>سلطان: يكون أحسن ... ودخل يسبح ....</P>
<P align=center>بعد ما سبح حس بانتعاش ولا كأنه صار وياه شي أول ما طلع شاف وعد يالسه سرحانه أتمشط شعرها القصير الي لونه أسود مثل سواد الليل الي يمووووت فيه</P>
<P align=center>اتقرب منها بهدوووووء وفجأه يزاعج في أذنها&nbsp;
وعد : أمييييييييييييييييييييييي يييييييي سلطان يالسخيف أتصد صوبه تبا تضربه بس يربع بعيد عنها </P>
<P align=center>أتمثل أنها طاحت وأول ما يرد صوبها تنقض عليه وتضربه ضربه أتطلع كل اللي في خاطرها </P>
<P align=center>سلطان وهو منسدح على الأرض يضحك ويتألم من ضرباتها ،،، أي أنتي يالدبه ذبحتيني سوي رجيم ما أروم لج أنا ما شا ءالله </P>
<P align=center>مب أيد عليج بلدوزر
وعد: الله أكبر ... تف تف تف عن الحسد انزين ... دبه فعينك أصلا أنت أتغار لأني دبدوبه تتمنى توصل لنص وزني </P>
<P align=center>سلطان: لا دخيلج ما أبي خلي وزنج الحلو لج</P>
<P align=center>وعد أونها عصبت : الله يسامحك انزين</P>
<P align=center>سلطان: حياتي أسولف وياج أنتي تدرين أمووووووووت فيج يالدبه ،،، </P>
<P align=center>وعد أتشققت وأستانست ... فديت روحك ...</P>
<P align=center>تعالي تعالي وين اللي بيسويلي شي أشربه ؟؟؟&#33;&#33;&#33;&#33;</P>
<P align=center>وعد: أخاف أسير روحي تعال وياي ...</P>
<P align=center>سلطان: شو هالعياره صدق ما منج فايده حبيبي مافي شي ليش اتخافين سيري الحين بيأذن الفير </P>
<P align=center>وعد: ما أروم حرام عليك سلطون لا تستهبل أنت تدري أني أخاف من الظلمه يلا عاد عن الحركات طوف جدامي لا ما أبي أول عطيني بوسه </P>
<P align=center>وعد : أندوكم سلطان بلى مصاخه أمش جدامي بسرعه لألم البيت كله عليك وأتطلع لسانها اتعايره</P>
<P align=center>سلطان: أوكي لميهم عادي ما فيها شي بقولهم واحد يبا حرمته أتبوسه حرام؟؟؟ واتحملي الرمسه اللي بتيج عقب </P>
<P align=center>ياللئيم ما تستحي والله الحين بدل لا اتروح تستعد للصلاه تتمنكر علي </P>
<P align=center>كيفي حرمتي ومحد له خص فيني بسرعه يلا ترا بزيدهن بيصيرن أربع</P>
<P align=center>وعد: عوذ بالله من الطمع..... أندوك يلا الحين عن الهذربه الزايده </P>
<P align=center>&nbsp;</P>
<P align=center>بعد صلاه الفير الساعه 6 في الصاله
وعد : صبحج الله بالخير عموه
أم سلطان : صبحج الله بالنور والسرور .. أشحالج أمايه </P>
<P align=center>تتقرب منها وعد وأتبوسها على راسها ......</P>
<P align=center>أم سلطان : حبتج العافيه ها بنيتي كيف أصبحتي </P>
<P align=center>وعد: بخير الله يسلمج عموه </P>
<P align=center>سلطان : له له الوالده <FONT face=Arial>good morning </FONT>اشحالج أم سلطون </P>
<P align=center>أم سلطان : قبضي ريلج شو فيه يكلمني بالإننقليزي وابوي عليك بلاه لسانك إحتاس ؟؟؟ ليكون شايف لك شوفه ؟؟؟</P>
<P align=center>سلطان: فديت العيوز</P>
<P align=center>أم سلطان: مني هاي العيوز مسود الويه </P>
<P align=center>سلطان: هاي عيوز أمووووووووت أنا في حبها وأرخص أنا عيوني لها هي أسكنت قلبي </P>
<P align=center>أم سلطان : عوذ بالله من الشيطان شو هالمنكر توه الصبح شو هالخياس اشعنه اتغني ؟؟؟؟ هذا بدل لا تروكع واتنش لصلاه الصبح</P>
<P align=center>يالس اتغني لا بارك الله في هالتلفزون هو اللي مخربنكم ....</P>
<P align=center>وعد: أفا عليج عموه ولو ما يحتاي أتحاتين صلاته أنا موجوده ما خليه يفوت فرض هو من بونه يواضب الا صلاة الصبح يتعايز عنها بس ما عليج منه ما أخليه فحاله لين ينش ... </P>
<P align=center>بارك الله فيج بنيتي والا هالولد ما ادري شو بيصير به لولاج أنتي </P>
<P align=center>وعد: أفا عليج عموه أنتي الخير والبركه </P>
<P align=center>أم سلطان : الله يخليج ... أتشوفها هاي ... هي هاي حرمتك تاج راسك</P>
<P align=center>سلطان : حلفي بس أنتي عنبو أموووت وأعرف شو مستوبكم هالساحره ليكون مسويتلهم عمل والا شي أشوف الكل يحامي عنها وأنا من لي ؟؟؟؟</P>
<P align=center>بو سلطان: السلام عليكم ورحمه الله وبركاته .... صباح الخير</P>
<P align=center>وعد : صباح الورد والفل ودهن العود وأحلى البخور أشحالك باباتي كيف أصبحت ان شاء الله بخير</P>
<P align=center>سلطان : وعليكم السلام والرحمه صبحك الله بالخيرويتقرب يبوس راس أبوه (وفخاطره يقول يا هتلر) " وهو يعاير وعد الناس اترد السلام أول "</P>
<P align=center>بوسلطان : هلا وغلا بكل الغلا هلا ببنيتي هلا بنور هالبيت ... الحمدلله بخير وعافيه ما نشكي باس ومن صوبج ؟؟</P>
<P align=center>سلطان: وأنا ليكون ولد البطه السودا مطنشني واترد على بنت الناس</P>
<P align=center>بوسلطان: لم ثمك أنت شو هالرمسه الخايسه شو بلاها بنت الناس مب عايبتنك تاج راسك هاي</P>
<P align=center>سلطان وهو حازه فخاطره الرمسه : هذا وأنتوا أمي وأبوي وأنا من صلبكم جذه أتعاملوني عيل شو خليتو للغريب ؟؟ </P>
<P align=center>سعيد : أصبحنا و أصبح الملك لله شو هالحاله ألحين أنا آخر العنود دلوع هالبيت ما أغار من وعد حليلها سيده هالبيت </P>
<P align=center>أم سلطان : فديت روحك بو مايد شو بلاك الغالي لا أتحط فخاطرك ترا كلها سوالف أنت ولدنا وهي بنتنا....</P>
<P align=center>وعد ودموعها على وشك أنها تنهمر : سلطان سوري ومشت عنه بتروح حجرتها </P>
<P align=center>أول ما خطفت عنه مسكها من أيدها </P>
<P align=center>سلطان: ممكن أتعيدينها الرمسه ؟؟؟</P>
<P align=center>وعد وباستغراب :؟؟؟؟&#33;&#33;&#33;&#33; أي رمسه شو قصدك ما فهمت ؟؟؟</P>
<P align=center>سلطان : كرري الإعتذار </P>
<P align=center>سعيد: أنت شو أتقول الله يهداك سلطان ليش مكبر الموضوع الحين شو اللي صابكم من صباح الله خير ؟؟؟؟&#33;&#33;&#33;&#33;</P>
<P align=center>بوسلطان: حد بعد عنده رمسه يقولها ؟؟؟ وأنا شو خانتي مالي جلمه عليكم كل واحد يسوي اللي يبيه ؟؟؟؟ ولا أتحشموني </P>
<P align=center>كم مره منبه عليكم وعد محد يزعلها هذا وأنا بينكم جي أتعاملونها كيف لو مت ؟؟؟</P>
<P align=center>وعد حست أنه الجو أتكرهب ... ما أتعرف كيف تتصرف أم سلطان اذا رمس بوسلطان كأنها نست كيف تتكلم ما تعودت أتقاطعه أو </P>
<P align=center>أتعارضه بشي وخصوصا في مثل هالمواقف ... حابسه أنفاسها وخايفه من اللي ممكن يصير بوسلطان من النوع المتسلط وايد ومستحيل </P>
<P align=center>حد يعارضه بشي او يرفع صوته وهو يكلمه ..بس الظاهر اليوم سلطان طلع اللي فخاطره ولو بطريقه غير مباشره (بوسلطان يعز وعد أكثر من عياله</P>
<P align=center>يعتبرها بنته اللي مب من صلبه ، ولا يتحمل حد يضيج بها ) أتحاول وعد ترمس وتنهي الموضوع بسرعه عن تكبر السالفه ويصير اللي ما تحمد عقباه </P>
<P align=center>وعد: سلطان أنا آسفه ... الله يخليكم ماله داعي أتكبرون الموضوع مافي شي يستاهل ،، فديتك أبوي مانع حصل خير يلا بنتريق يميع ،،،، تتهرب من نظرات الكل وأتحاول</P>
<P align=center>تلتهي بأي شي : سعيد عيل وينه سيف ؟؟؟ بعده راقد بيتحيير على الدوام سر شوفه ....</P>
<P align=center>وفجأه ينفجر بو سلطان من الضحك ... ههههههههههههههههههههههههه ههههههههههههههههههههههههه ههههاي </P>
<P align=center>أشفيكم يا عيال الله يهداكم ما تتحملون أشويه غشمره &#33;&#33;&#33;؟؟؟؟؟</P>
<P align=center>الكل مستغرب وسلطان وبصوت واطي : الحين هتلر ما بغى يسويبنا مقلب الا اليوم &#33;... وأنا ناقص </P>
<P align=center>وعد: بو سلطان شو رايك ؟؟؟؟ عجبك هيك (تتكلم كأنها لبنانيه )</P>
<P align=center>بوسلطان : هي والله عجبني عاد أنا ما أعرف أحيس ثمي شراتج </P>
<P align=center>سعيد : مرتفع ضغطه : شو هالحركات يا بوي هالبيت عليهم دقات الواحد ما يعرف لهم ... بسير أشوف سيفوه نش والا بعده بس فالح سهر لين ويه الصبح</P>
<P align=center>سيف وهو يربع صوب أبوه يبوسه على راسه : لا يا ريال اي ويه الصبح البارحه أنا من الساعه 11 راقد صح مب صح وعد ؟؟؟ </P>
<P align=center>وهو يتطالعها بنظرات ترجي .... </P>
<P align=center>وعد : الله يهداك يا سيف أي 11 أصلا أمس أنا شفتك تدخل الحجره الساعه 9 وما طلعت منها وأنا كنت هنه في الصاله لين الساعه 1 أتريا سلطان</P>
<P align=center>بوسلطان: يا سلام كل واحد لاهي ببقعه سلطان شو عندك برع البيت لين الساعه وحده أشعنه يا بوي مودر حرمتك وسهران عند ربعك ؟؟؟</P>
<P align=center>وعد وهي حاطه أياديها الثنتين على خصرها (الوحيده اللي تقدر أترد عليه وأتقاطعه من دون يعترض ) الله يسامحك باباتي الحين اذا انت بتحاسب ريلي أنا من أحاسب ؟؟؟؟</P>

<P align=center></P>
<P align=center>طول هالفتره سلطان ساكت ما له حس ولا تكلم يفكر بالمصيبه الي بتحل عليه كيف بتتغير العيشه فهالبيت اذا عرفوا بسره ؟؟؟ أصلا أنا غبي من دون شي الكل مستعد</P>
<P align=center>يبعد عني عشان خاطر وعد واذا انا جرحتها والا كسرت بخاطرها أبوي أول الناس اللي بيعاديني وأمي لا حول لها ولا قوه مسيره ما بتعترض على قرار أبوي لو يروغني </P>
<P align=center>من البيت سعيد وسيف متعلقين بها بصوره كبيره هي أختهم وصديقتهم وأقرب لهم مني ... سلطان أنت شو أتسوي خلاص خلك مرتاح البال لا أتفكر باللي بيصير خلك باليوم</P>
<P align=center>أنتبه أنه الكل يتطالعون صوبه وحاسين بشروده فحاول يبين لهم العكس</P>
<P align=center>سلطان : وعد</P>
<P align=center>وعد: لبيه </P>
<P align=center>سلطان : لبيتي حايه قولي آمين </P>
<P align=center>وعد : أمين .... آمر </P>
<P align=center>سلطان : كرري إعتذارج أشوف </P>
<P align=center>وعد: سوري </P>
<P align=center>سلطان : ليكون شايفه أم سلطان عنقريزيه عسب اتقولين لي سوري يا ماما نحن عرب ما نفهم هالرمسه </P>
<P align=center>سعيد وسيف مع بعض : الحين أنت تبا أتفهمنا أنك تبيها أتقولك أنا آسفه ؟؟؟&#33;&#33;&#33;&#33;&#33;</P>
<P align=center>سلطان : بارك الله فيكم يالثنائي التعبان ... سمعتيها الرمسه يلا اعتذري</P>
<P align=center>وعد: سوووووووووووووووووووووووو ووووووووووووووووووووووووو وووووووووووووووووووووري </P>
<P align=center>سلطان : لا ما أبي هاي السوري قولي آسفه</P>
<P align=center>وعد: <FONT face=Arial>no way ,,,, forget it </P></FONT>
<P align=center>سلطان : وعووود &nbsp;بتندمين </P>
<P align=center>وعد: ما عاش اللي يندم وعد بنت حميد فديته </P>
<P align=center>سلطان بصوت واطي : ويل حالي منج بنت حميد أمووووووووووووت أنا في حبج ... أنحرجت وعد وأحمرن خدودها </P>
<P align=center>وطلعت أشوف الريوق ...</P>
<P align=center>بوسلطان: بويه سلطان شي بلاك ؟؟؟ شي يعورك؟؟ شو فخاطرك خبرني يا وليدي </P>
<P align=center>سلطان حس بقشعريره تسري فجسمه ارتبك وضاع منه الكلام اللي أعرفه زين أنه أبوي ما أقدر أخش شي عنه يحس فينا قبل لا نرمس وأول واحد بيكشفني لو جذبت يالله سترك شو أقوله هتلر ما يقتنع بأي شي بسهوله ...</P>
<P align=center>أم سلطان : فديت روحك بومايد شو بلاك أبويه بلاه ويه غادي أصفر &#33;&#33;&#33;&#33; </P>
<P align=center>سلطان: ها لا ماشي الله يهداج ياأمايه مافيني شي بس هاي دلوعتكم وعدوه مأذتني تبا أتروح عند أبوها وأنا مب فاضي </P>
<P align=center>أم سلطان: ويدي وين أتروح عند أبوها نسيتوا اليوم معزومين على الغدا بيت أخوك خليفه برايها جان بتروح العصر </P>
<P align=center>بوسلطان وهو مب مقتنع بعذر سلطان بس ما يبي يضغط عليه .... برايك جان بتروح من زمان ما خطفت عند حميد ولا سلمت عليه</P>
<P align=center>ما أبي الريال يحط فخاطره عيل قبل لا أنيوزك وعد ما يمر عليه يوم الا وأنا متغدي عندهم والا متريق ومن خذناها عنه تم روحه حليله</P>
<P align=center>لا أنيس ولا ونيس ... </P>
<P align=center>وعد: الريوق يا عرب </P>
<P align=center>سعيد وسيف: سبحان الله المتان لو شو اتسوون فيهم الأكل ما ينسونه</P>
<P align=center>سلطان: أي أنتوا يالمفاعيص ماأسمح لكم تغلطون على حرمتي فديتها ها يزاتها تهتم بكم صدق مافيكم خير</P>
<P align=center>وعد رغم علاقتها القويه بكل الا أنها تستحي اذا ريلها تغزل فيها أو تفداها جدامهم وعلى طول الويه يحمر ويخضر ويعتفس حاله</P>
<P align=center>أم سلطان: الله أكبر عليكم من شر حاسد اذا حسد </P>
<P align=center>بو سلطان: أتمنون وحده شراتها أنتوا لا أتلفون الدنيا كلها ما تلاقون لها مثيل بنت حميد </P>
<P align=center>وعد: إحم إحم أخجلتوا تواضعي ما أتقصرون يلا ريووووووووووووووووووووووو وووووووق يوعانه وهي أتخز سيف بنظره</P>
<P align=center>ها سيفوه عيل أمس راقد من الساعه كم قلت لي </P>
<P align=center>سيف مصدوم : الله يهداج أنتي أحلى مرت أخو وأجمل مرت أخو في هالوجود </P>
<P align=center>سعيد :هههههههههههههههههههههههه� �ههه مشكله الخوافين </P>
<P align=center>بوسلطان: بسكم يلا نشوا تريقوا وكل واحد على شغله ،،،، أمايه وعد بسير السوق أشويه ومن أرد بنخطف على أبوج </P>
<P align=center>وعدوهي مستانسه :والله خلاص عيل أنا بروح أتزهب </P>
<P align=center>أم سلطان: هيدي يا بنت وين تبين نشي تريقي قبل عمج يباله ساعتين يرجع من السوق وين تزهبين من الحين </P>
<P align=center>سلطان: هي قولي تبين الفكه منا ما صدقت من يابوا طاري أبوها</P>
<P align=center>وعد : فدييييييييييييييييييييييي يييييت روحه أبوي والله تولهت عليه ما شفته من يومين حرام عليك سلطانوا راس مالي هالأبو بعد ما تبيني أتوله عليه ولا أسال عنه هو من له غيري ... حاسدين الفقير على موتت الجمعه
وبعد الريوق كل حد سار لشغله ...
</P>
<P align=center>أنتهت الحلقه الأولى
</P>
<P align=center>أتمنى أشوف أنتقاداتكم : هاي تجربتي الأولى وأتمنى أتعيبكم </P>

<P align=center>

&nbsp;</P></FONT></font>

[عنود الريف]

اختي الجنيه .. ليكون نسيتي ان عندج قصه وقراء يتريون التكمله ؟؟؟
ترانا نترياج ..
يالله فمان الله ..
والسمووحه

[الجنيه]

السلام عليكم ورحمه الله وبركاته

أشحالكم شو أخبارك حبايبي السموحه منكم والله التأخير صار غصبن عني أصلا أنتوا لو عرفتوا الي صار لي بتعذروني

بإختصار شديد انتقلنا لبيتنا اليديد والي لللأسف يقع في منطقه ما فيها كابلات اتصالات يعني لا تلفون ولا نت والصراحه أصعب شهرين مروا علي بس الحمدلله الأزمه إنحلت الحين وانا قاعده اكتب الجزء الثالث وبحاول أخلصه عنهايه الإسبوع عشان يكون دسم طويييييييييييييل كتعويض أنا كريمه وأنتوا تستاهلون ......

عنود الريف

والله حبيبتي ما نسيت بس الظروف كانت أقوى مني ان شا ءالله اوعدج اني ما بعيدها *_^

[عنود الريف]

حبيبتي .. الله يعينج على الظروف ..
بس استغربت يعني .. اختفيتي فجأة .. زيغتينا عليج ...
بس يالله راضينا بالجزء الثالث ..
ونحن وياج ان شا ءالله ..
والسمووحه

[ريم العين]

ثانكس عالجزء فانتضار الجزء الرابع

[عزيزه النفس]

وين بيروحون
فيني فضوول
حلوه التكمله
ونبا الجزء الرابع

[الجنيه]

ريم العين

العفو حبوبه وان شا ءالله الجزء الرابع الاسبوع الياي


عزيزة النفس

يالفضوليه اتحملي فضولج للأسبوع الياي

[عزيزه النفس]

بيجتلني الفضوول
يعني وين بيروووووحون
لين الاسبوع الياي ؟؟
الله يعيني عيل

[عنود الريف]

لي عوده بعد ما اقرا الجزء واسمحيلي على التاخير ..
بس تاكدي رايي بيوصلج ان شاء الله ..
والسمووحه

[الجنيه]

عنود الريف

مشكوره حبوبه على التعقيب الصراحه هاي أول تجربه لي في كتابة القصص عشان جذي طلبت منكم اتقولون لي رايكم يعني أنا حاسه انه فيها أشياء وايد غلط بس أبيكم أنتوا أتساعدوني أتقولون لي شو هي ....
بالعكس حبوبه أنا مازعلت استانست لأ في حد يساندني وأقدر اعتمد عليه ..

اليوم ان شا ءالله بنزل الجزء الرابع واتمني يعيبكم وبليييييييييييييييييييييي يز ابي آراءكم انتقاداتكم .... اتقبلها بصدر رحب وطيبة خاطر ...


ثانكيوووووووووووووووووووو وو

[الجنيه]

الجزء الرابع

في بيت خليفه



ميثا وهي أترحب بأول الواصلين ... أمها عوشه وخواتها الثلاث مهره 24 سنه، شهد20 سنه و ميره 15 سنه وآخر العنقود.... ميثا ربت في بيت يدها لأنه أمها مطلقه

ما عندها أخوان شباب نتيجه للدلع الزايد اللي لاقته من يدها صارت انسانه متكبره واتشوف الناس بطرف عينها ..

عوشه : كانت عندها مشاكل صحيه كانت السبب في تباعد فترات الحمل عندها بشكل كبير ...



ميثا: ما بغيتوا توصلون من متى طالعين ؟؟؟

عوشه: هذا محي الدين حسبي الله على إبليسه ودانا بيت خليفه بن ضاعن غبي لا بارك الله فيه

ميثا : مودنكم بيت بن ضاعن ليش ؟؟؟

مهره : لأن أمايه قالت له ودنا بيت خليفه ما حددت اي خليفه منهم

ميثا وهي معصبه : أمي الله يهداج جي اتقولين له بيت خليفه نسيتي انه هالبيت مكتوب باسمي يعني بيتي

عوشه: يالله بالستر شو هالرمسه الحين تبيني اودر الريال وأقوله بيت ميثا صدق ما اتخيلين

ميثا وهي اتناولها فنيال القهوه : مافيها شي

مهره وشهد : ههههه محد يعرفلج يا ميثا غير أميه

عنود وعهود : السلام عليكم ... سلمن على يدتهن وخالاتهن وعلى طول خذن ميره وسارو غرفتهم



بعدها بعشر دقايق وصلت عايله بوسلطان واللي تتكون من أم سلطان , سيف و سعيد بما أنهم أهل ومافي حد غريب دخلوا الشباب يسلمون على

طليقة عمهم عوشه ...

نوره (أم سلطان ) : السلام عليكم ورحمه الله وبركاته

نشوا البنات وتوايهو ويا حرمة عمهم وعوشه سلمت على أم سلطان وآخر وحده كانت ميثا مدت ايدها وتوايهت ويا عمهتا وهي حايسه بوزها

ميثا: اشحالج عموه عساج بخير وعافيه

أم سلطان: بخير الله يسلمج ياأم سالم

ميثا : أففف يعني كم مره أقول اسمي ميثا بعدني شباب الي يسمع ام سالم يتحراني وحده صاكه الخمسين

سيف: محشومه أخت ميثا أقصد آنسه ميثا

ميثا: مابرد عليك اتعرف ليش

سيف : أكيد لأنج ما تقدرين عليه

ميثا: غلطان أخ سيف بس ما أحط عقلي بعقل ياهل

سيف وهو متغايض : أصلا إنتي

أم سلطان وهي معصبه : سيف ... سلم على خالتك عوشه وسر الميلس عند أخوك

سيف : ان شاء الله وتجدم باس راس عوشه وسلم عليها ... اشحالج خالتيه

عوشه : حبتك العافيه يا بويه .. بخير وسهاله ومن صوبك

سيف وهو يخز البنات بعينه : بخير دامكم بخير.... ماشاء الله منو هالعرايس اللي وياج خالوه

عوشه : ودي شهد , مهره سلمن على ولد عمكن سيف

مهره + شهد : هلا سيف اشحالك

ميثا (بهمس): هن بعاد وهو ما كلنهم بعيونه لو يقربن شو بيسوي

سيف من الغيض : الله ومن زينهن عاد ترا خواتج ما بيطلعن غير عنج وأنا إن شفت ترا أشوف الله كيف بالي العالم بهالأشكال

أم سلطان: سعيد خذ أخوك برع عن الفضايح

عوشه: ماشاء الله هذا سعيد كبرت يا بويه وتكبرت علينا حتى السلام ما اتعقه علينا

سعيد: تجدم منها وباسها على راسها ... أفا خالتيه ليش هالرمسه كلها أنا بس كنت أتريا دوري

مهره بصوت واطي : يا خجول أنته حليله مسالم هب شرات الملبق اللي طلع

شهد: أششش مهروه صوتج عالي سمعج

سعيد لف عليهن وهو يبتسم : اشحالكن بنيات شو أخبار الدراسه وياكن

مهره : أي دراسه نحن لاحقين انسوي شي ... بخير الغالي اشحالك انت ... وفهاللحظه تقرصها شهد على ايدها عشان اتنبها

علي الي تقوله ... فصرخت والكل تلفت يتطالعها

سعيد : وهو كلمه الغالي ما راحت عن باله ... خير الشيخه في شي ؟؟؟

ميثا : الظاهر عيبتك السوالف ويا البنات

سعيد بإشمئزاز : لا الشيخه السموحه منكم ... وهو طالع سمع حد يناديه

بوعسكور ... خذني وياك

سعيد : اول ما التفت شاف سالم نازل من الطابق الثاني

يالهرم الحين أنا صرت بوعسكور حاف؟؟؟!!!!

سالم تجدم وعلى طول عند يدته ام سلطان باس راسها وتم لاوي عليها كأنه يبا يعوض عن فترة غيابها

أم سلطان: فديت روحك حبتك العافيه يا بويه اشحالك شو اخبارك والدراسه طمني عليك .. يالقاطع

سالم و هو بعده لاوي عليها : فديت روحج يدوه والله الحياه ما تسوى من دون شوفج ... أنا بخير وعافيه بشوفتج والدراسه الحمدلله تمام ماشي حالها

وما قطعت عنكم ولا شي انتي الله يهداج الا سايره اتزورين فلانه والا علانه ونحنا مب متفيجه لنا

أم سلطان : أفا ما هقيتها منك الغالي يابويه أنتو أخف تقدرون اتمروني متى ما بغيتو بس سولي تلفون قبل عشان حتى لو كنت برع ارجع لكم

سالم: أفا عليج امره لا اتحاتين ان شا ءالله نهاية الأسبوع هاي بتم عندج يومين بخليج اتملين مني

أم سلطان : عساني ما انحرم منك يا بويه البيت بيتك واذا ما اتشيلك الأرض أشيلك بعيوني الثنتين

سعيد: أمايه عشو ناويه هالدب بيعميج ان شلتيه بعيونج

سالم وهو متجه لعمه وتخاشم وياه ولوى عليه بالقو ... أشوف بدينا أنغار يقولون أغلى من الولد ولد الولد

ميثا: والله يا أخ سالم أعتقد في ناس غير بعد المفروض اتسلم عليهم وبعدين عكيفك اتقرر اتروح اتم عند الناس وانا شو طوفه هبيطه ؟؟؟

عوشه وهي أبدا ما عايبتنها تصرفات بنتها : ميثا انتي شو ما اتحشمين حد عيب عليج وبعدين شو اتتم عند ناس وما ادري شو هذا بيت يده هب بيت ناس غرب

سعيد وخلاص مب قادر يتحمل غلاسه ميثا : السموحه منج خالتي عوشه بترخص أنا

عوشه: فمان الله الغالي الله يحفظك

سالم بوعسكور اصبر بخاويك : والله يا أخت ميثا أنا بسير أتم بيت يدي وبرضا أبويه واللي عنده رمسه يناقشها ويا بوسالم

ميثا مصدومه من رد ولدها وحست أن الكل بيشمت فيها على اللي سواه ولدها وبغت تتدارك الموضوع واترد عليه بس كان سعيد اسرع سحبه من ايده وطلعوا برع

ولدها وما قدرت أتوقفه عند حده او أترد عليه مالقت غير أم سلطان أتصب جام غضبها عليها ...

ميثا بطنازه : عيل وين الشيخه وعد اشعنه ما شرفت وياكم ؟؟؟؟

أم سلطان : على وصول هي وريلها

ميثا: عنبو شو هاللقافه شو ماشايفه خير اربع وعشرين ساعه لازقه بريلها !!! كلنا تزوجنا بس محد سوا سواتها

مهره : الصراحه ميثا أنتي وايد حاطه عليها وهي ماشا ءالله عليها احسن منها ماشي ولا جد غلطت عليج بشي وبعدين مافيها شي اذا يت ويا ريلها

ميثا: مهره سكتي اخير لج

عوشه: الله يهديج يا بنيتي

أم سلطان : هي ودها أتي ويايه بس ريلها لزم عليها اتروح وياه وان شاء الله ما بيتأخرون

الساعه 2 كل الضيوف وصلوا ما عدا وعد وسلطان

أم سلطان بدت اتحاتيهم وطلبت من سعيد يتصل بأخوه يتطمن عليه ويشوفه وين ....





.....

بعيد عن زحام الناس في منطقه شبه نائيه مطله على شاطىء البحر يالسين شابكين أياديهم ويخططون لمستقبلهم ويرسمون الخطط

سلطان : وعودي

وعد: ياقلب وعود آمر حياتي

سلطان : أتحبيني ؟؟؟؟

وعد: سلطان هذا سؤال تسألنيه إياه !!! أنت بعدك ما أتعرف غلاتك وأنت شو بالنسبه لي !!؟؟؟

سلطان : حبيبي أعرف ومافيها شي لو سمعتها منج

وعد بخجل وويها محمر بهمس : أحبك

سلطان : شو ما سمعت شو قلتي حياتي

وعد : سلطان بلى إحراج انزين

سلطان: وعودي حبيبي انتي حرمتي ومافيها شي لو قلتي لي أحبك بصوت عالي شوفي أنا أحبج وبقولها جدام الكل

سلطان وهو يزااااااااااعج بأعلى صوته : ياناس ياعالم أحبهااااااااااااااااااااا ااااااااا والله أمووووووووووووووووت فيهاااااااااااااااااااااا ااااااااااا

أحبججججججججججج وعووووووووووووود

وعد وخلاص تتمنى الأرض تبلعها لأنه كل اللي كانوا حواليهم بدوا يتلفتون ويشوفون هالسلطان شو مشكلته

وعد وهي خلاص منحرجه لآخر درجه : سلطان والله عرفت انك اتحبني خلاص اسكت فضحتنا

[الجنيه]

سلطان وهو يشوف واحد يتطالع صوبه : يكلمه يالطيب فيها شي اذا قلت لحرمتي اني احبها ؟؟؟ فيها شي ؟؟؟؟

الشخص الثاني : لا الغالي خذ راحتك بس عيب عليك احرجتها جدام الناس

سلطان: والله أنا الغلطان اللي أسألك أصلا

الشخص الثاني : أنت مب جنك سلطان المحيربي !!!!

سلطان : أشوه أنت منو هي نعم أنا سلطان (طبعا في هاللحظه سلطان كان بعيد اشوي عن وعد واقرب للريال )

فاضل : أفا ما عرفتني ما هقيتها منك يا سلطان

سلطان بعد ما دقق في الريال عدل تذكره وتجدم منه : خشمك بوحميد

فاضل : الحين بوحميد الله يسامحك وينك يا ريال ما لك شوف ؟؟؟

سلطان : الله يازمان من يتخيل أنه الدنيا هالصغر

فاضل: طمني عليك اشحالك و شو اخبار الأهل

سلطان : بخير وعافيه أنت شو أتسوي هني ؟؟؟؟ ليش ما اتصلت بي

فاضل: الله يا سلطان الحين أنا ضيف عندكم واتسمعني هالرمسه

سلطان: أفا بوحميد انا ما قصدت بس غريبه بعد سبع سنين اتطبها البلاد والا أنت كله مسافر والا في العين

فاضل : للظروره أحكام ... الا بتخبرك مزنه اشحالها شو أخبارها وعبادي شو مسوي شو اخباره فديت روحه ولهت عليه

سلطان حس برعشه خفيفه واتيبست اريوله مب قادر يمسك نفسه : اشششش فاضل الله يهداك ما اتشوف الحرمه وياي بتوديني فداهيه انت

فاضل وهو يتطالع صوب وعد : ماشاء الله هاي حرمتك .... أتعرف بوجود مزنه فحياتك والا

سلطان : لا ولا المفروض ما اتعرف

فاضل بس يا سلطان هالشي مب فصالحك ... اتعرف من الحين احسن من انها تنصدم في المستقبل

سلطان: فاضل السالفه هاي يبالها يلسه محترمه والحين مب وقتها الرمسه كم ناوي اتم هالمره

فاضل : خلاص سلطان أنا بستقر في دبي للأبد وقريب بخطب

سلطان:ابركها من ساعه خلاص عيل هذا رقمي ******* وان شاء الله بينا اتصال بأقرب فرصه

فاضل : وداعة الله وسلم على الأهل (بصوت واطي مزنه وولدها بعد )

سلطان: الله يسلمك يبلغ ان شاء الله

وعلى وعد اللقاء تفارقوا الأثنين .....

فاضل يعتبر صديق سلطان المقرب جداً ... قبل سبع سنين كان مسافر ويا سلطان لبنان كشته(استجمام ) وهناك تعرف فاضل على رغد

ونشأت بينهم قصه حب صادقه، حب يتوجها بالزواج الا أن أهله رفضوا هالشي وهددوه أنه لو خذها يتبرون منه وبما أنه فاضل كان غارق فحبها

ما أهتم لكلام أهله ورد سافر وسلطان عشان يتم الزواج وبعد شهر العسل رجعوا الإمارات و أستقروا في العين فمنطقه قريبه من بيت أهل فاضل

أهل فاضل قاطعوه كلهم وحاربوه الا أخته مزنه الوحيده الي ما تخلت عن أخوها ووقفت معاه بالحلوه والمره .... وكانت أتزور بيت أخوها بالدس

من دون لا حد يدري .... بعد ولادة زوجته كانوا طالعين يتمشون وصار لهم حادث أدى لوفاة رغد وحميد ولده الوحيد ... الشي اللي دمر نفسيه

فاضل وخلاه يعاف الدنيا ومافيها ..



وعد: الحمدلله على السلامه هالششخ سلطان أشوف عيبتك السوالف ويا الريال

سلطان: هي ياوعد هالريال لو أقولج منوه ما بتلوميني

وعد : ..... أمنوه ما عرفته

سلطان وهو يتنهد : هذا فاضل بن مطر

وعد بدهشه : فاضل ربيعك اللي من العين !!؟؟؟

سلطان : هو نفسه

وعد : بعد كل هالسنين .... شو اللي يابه دبي ؟؟؟

سلطان: خلاص يقول بيستقر إهنه

وعد بشهقه : سلطان شوف الساعه كم الحين

سلطان بلامبالاه يشوف ساعة ايده واللي تشير على الوحده وخمس وأربعين دقيقه ... خير حياتي شو يعني

وعد : يلا غناتي وايد تأخرنا على بيت خليفه

سلطان وهو حاس بثقل الدنيا ونظراته تايهه : وعد خلينا أشوي أحس بضيقه فصدري

وعد: اسم الله عليك حبيبي ما اتشوف شر ... تركته على راحته

سلطان حس بخوف كبير من الي كان يفكر به وعلى طول حط راسه عجتف وعد مستند عليها

وماسك ايدها بكل قوته .... حاس بالألم يعصر قلبه مب عارف كيف يتصرف

وعد حاسه بالنار اللي داخل سلطان بس مب عارفه سببها من رد عن ربيعه وهي ملاحظه أنه مرتبك ومش على بعضه

وده يقول شي بس مب قادر .. تبغي أتساعده وأتخلصه من اللي فيه بس مب عارفه كيف ... فضلت أتم ساكته وأتخليه على راحته

عشان يرتاح وبعدها يمكن يقول اللي فخاطره ....

سلطان ونظرته لبعييييييييييييد : وعد

وعد: عيون وعد شو فيك حياتي

سلطان : أوعديني ما تتركيني أبد

وعد : حياتي شو هالرمسه أكيد مستحيل أتركك أنت عارف هالشي

سلطان : حتى لو فيوم أكتشفتي شي ما يعجبج !!؟؟؟

وعد وفي داخلها ألف سؤال وسؤال بس الحين ما تبي أتضايق سلطان أكثر من الضيقه اللي فيه ...

وعد: مافي شي يفرق بينا غير مشيئه ربك

سلطان ما تطمن ... والجواب ما كان الرد الي يبغيه لسؤاله .... سلطان يعرف وعد زين يمكن الشهور الثمان

اللي مرت عليهم فتره قصيره بس قدر سلطان يعرف أطباع وعد زين لأنها إنسانه شفافه وحنونه وقلبها طيب

بس بنفس الوقت عنيده ومتملكه لأبعد الحدود وخصوصا به هو يعني مستحيل تتقبل فكره أنه حد يشاركها فيه ....



وعد : سلطان حبيبي شو فيك لا أتروعني عليك شي يعورك ؟؟؟ فاضل ذكرك بشي وضايقك؟؟؟ سلطان رد علي لاأتخليني بحيرتي

سلطان: سلامتج حبيبتي وسوري والله مب قصدي أضايقبج بس ما ادري حسيت بضيقه والحين خلاص أنا بخير فديت عيونج لا أتصيحين عشان

ما يسيح جحالج بعدين أخاف....

وعد : يالدب يالعبيط ما أحبك ويلا ودني بسرعه بيت أبوي

سلطان: والله تبين أتروحين بيت أبوج أحسن عشان ناخذ راحتنا دام أبوج محد

وعد: سلطان عن المصاخه قم يلا أنروح وايد تأخرنا

سلطان: حاضر يا سيدتي الجميله تفضلي

وعد: هه راييل آخر زمن ما إيون الا بالعين الحمرا

سلطان :نعم نعم شو قلتي يا حلوه ما سمعت

وعد وهي أتطلع لسانها اتعايره : من قال نعم سمع وبسرعه تدخل السياره وتيلس مكانها بكل أدب

سلطان : دبدوبي شو قلتي عيدي الرمسه ما سمعتها

وعد : ما قلت شي سلطان والله وايد تأخرنا عيب صدق مب حلوه بتكون اذا دخلت متأخره

سلطان : أفا كله ولا زعل الغاليه أم الغالي وعد حياتي شوفي الحين الساعه 2 بالظبط صح

وعد : صح

سلطان : زين يا حلوه غمضي عينج وبطليها وبتلاقينا عند بيت خليفه بس لا اتزاعجين لأني بسرع

وعد: لا لا أرجوك سلطون حرام عليك خلاص علها اتصير الساعه ثلاث مب مشكله المهم ما تسرع

سلطان : فديت الخوافين ... يا ربي كم بعيش أنا ....

طول الدرب تموا يسولفون بكل شي وأي شي وكل واحد منهم يستهبل على الثاني



بيت خليفه



أم سلطان في الحوي : سعيد أبويه وينه أخوك وحرمته ما بينوا دقيتلهم تطمن عليهم ؟؟

سعيد : ما أدري يا أميه روحي متروع عليهم أشوفه سلطان ما يرد ووعد تلفونها مغلق

أم سلطان حطت إيدها عقلبها : يا حسرة قلبج يا نوره شو صار عليهم سعيد سرازقر أبوك

سعيد : هيدي ياأميه الله يهداج إصبري يمكن يايين في الدرب وتعطلوا بسبه الزحمه

أم سلطان : وين يابويه وأبوك قايل هم متحركين قبلهم

سعيد هني صدق اختلفت تعابير ويهه والخوف بدا يظهر عليه بس ما حب أمه أتحس فأقنعها تدخل الميلس

عند الحريم وهو بيشوف أبوه وبيرد عليها خبر ...

أم سلطان دخلت الميلس وهي تدعي ربها يسلم ولدها وحرمته ويردون لهم بالسلامه

سعيد توه بيدخل الميلس الا يشوف موتر سلطان عند باب الحوي على طول ربع صوبهم : أنتوا بخير ؟؟؟!!!

وعد و سلطان : الحمدلله ما فينا الا العافيه

سعيد : أنت ليش ما أترد على تلفونك وأنتي أشعنه غالقه تلفونج ؟؟؟؟؟

وعد وهي أتطلع تلفونها من الشنطه : تلفوني لا مب غالقتنه ... أنصدمت أنه مغلق وعلى طول اطالعت صوب سلطان اللي دس ويهه عنها

سلطان وهو ماسك ضحكته : وعودي ليش غالقه تلفونج ؟؟؟ سعيد أنا كنت ناسي التلفون في السياره عسب جي ما رديت

سعد مستغرب وحاس انه السالفه فيها ان : أنتوا من صدقكم أمايه من الصبح أتحاتيكم وأنتوا ما أعرف شو أقولكم أدريبه سلطان

عليه هفات بس أنتي وعد العاقل شو صار لج والا خلاص من لقى أحبابه نسى أصحابه ... يعني ما أتفكرون فينا اذا انحاتيكم وانخاف عليكم والا لا

وعد حاسه بتأنيب الضمير " سعيد والله سوري خلاص لا اتضيق بروحك ان شاء الله ما بنعيدها ...

سعيد : هههه وين في المدرسه نحن يلا دخلي بسرعه وطمني أمايه وأستعدي لمواجهة ال.... ما يحتاي أكمل

سلطان: أخ سعيد أنا بعدني عايش لا أتم أتآمر علي حرمتي الحين لو سمحت خلنا بروحنا عندنا كلمه راس

سعيد: ههه سلطان أنت مرييييييييييييييييييييييي ييييييييض ودخل عنهم

وعد : ههههههه سلطان شو هالمنكر حرام عليك اتغصص به الا سعيد ما أرضى عليه

سلطان : أقول أقلبي ويهج بسرعه وايد عطيناج ويه

وعد وهي نازلة : سلطان ترا أنا برد بيت أبويه وببات عنده اليوم

سلطان مصدوم: أي أنتي صدق زعلتي شو أتخبلتي أتباتين عند أبوج جي ماشي شغل تبين بخليج أتمين لنص الليل بس بيات ما شي

وعد : بنتفاهم بعدين باي

[ربوع البلاد]

مشكووووووووووووره على الجزء خبال وااايد حلو نتريا الجزء اللي بعده

[ربوع البلاد]

مشكووووووره اختي على التكمله ونتريا الباقي