أموت أنا في حبهم

[الجنيه]

هي والله خلصت ،،،

حتى أنا تعودت عليها خخخخ حتى بعد ما كتبت الجزء الأخير بعدني أفكر بالقصه وبالاحداث ...
كل شي مصيره ينتهي ،،

تسلمين حبوبه على المتابعه ,,,

[شمه]

رديت اقرا الجزء الاخير..
قلت يمكن زيدتي شي..
خلصت القصه والله..:crosseyed
انزين اكتبي لنا قصــــــه يديده..اظن الحين اكتسبتي خبره
وعرفتي كيف اتنسقين..


شمــــــه

[الجنية الحلوة]

حرااام.. ليش خلصت.. انا كنت ادش اقراها واظهر..

تسلمين اختي الجنيه.. واتمنالك المستقبل الباهر.. ماشالله اذا هاذي الاولى..
الله يوفقج انشالله..

ويالله عاد اكتبيلنا شي يديد...

وبسرعه ما نروم نتريا..لا وتنشرط..خخخخخخخخ

[الجنيه]

حيالله سميتي الحلوه ،،

في البدايه وقبل كل شي حبيت أقولج أنه لج وحشه صار لي فتره ما شفتج في الواحات ،،،،

الحمدلله على السلامه ومره ثانيه لا تقطعين ...

ومشكوره غناتي على الاطراء ,, أنتوا يالي أتابعون من وراء الكواليس ما أحبكم .. أنزين ردوا قولو شي ارمسو حسسو الانسان أنه قاعد يسوي شي والله كل ما أحدر أشوف ماشي رد يجيسني احباط أقول أكيد محد يقرا القصه ,, صح أنه ما يهمني عدد الردود بس يعني أبي أعرف حد يقرالي ؟؟ هل اللي أكتبه يستاهل والا لا؟؟ على العموم أهم شي رضاكم والحمدلله أنه القصه لاقت استحسانكم وأعجبتكم ,,,

بيني وبينج كنت ناويه أعتزل الفن خخخ بس ان شاء الله على السنه اليديده يمكن أنزل جديدي ,,

مممم وسلامتكم ....

[المزيوونه]

لي عوده..

[روح الحب]

السلام عليج أختي .....
بداية حلوة وموفقة ....
ونحن بانتظار الجزء اليديد ........
والسمووووحة
روح الحب ....

[مزن هتان]

هلا باختي الجنيه القصة حلوه

تكفين كمليها


مزن هتان

[عنود الريف]

<P align=center>مرحبا اختي الجنيه ..
ان شاء الله تكون بدايه موفقه لج ..
ونشوف كتاب للجنيه ..
انا بقرا القصه وبرجع برايي وتوقعاتي ..
والسمووحه </P>

[عنود الريف]

<P align=center>اختي الجنيه ..
ننتظر جزء هالاسبوع ..
الله يخليج لا تحرقين اعصابنا ..
نترياج نحن ..
والسمووحه</P>

[ريم العين]

وين التكمله

[الجنيه]

<font color='#000F22'><FONT size=4>
<P align=center></FONT><FONT color=#ff0000 size=3>الجزء الثاني ....</FONT></P>
<P align=center></P>
<P align=center>الساعه 10 ونص الصبح </P>
<P align=center></P>
<P align=center>بوسلطان: السلام عليكم ورحمه الله وبركاته </P>
<P align=center>أم سلطان : وعليكم السلام والرحمه ... قواك الله </P>
<P align=center>بوسلطان : الله يقويج ... وين وعد؟؟؟؟؟ </P>
<P align=center>أم سلطان: تتزهب كانت تترياك ومن قلت لها أنك على وصول سارت تزهب</P>
<P align=center>بوسلطان: برايها ... المهم أبيج تامرين على الخدم ينزلون الأغراض من السياره وكراتين الفواله اللي على صوب خلوهن بنحدرهن بيت حميد </P>
<P align=center>أم سلطان وهي أتناوله فنيان القهوه ان شاء الله الحين بشوفهم .... وسارت أتشوف الخدم ....</P>
<P align=center>وعد فديتك يا أبوي والله صدق ولهت عليك وهو الله يهداه ما يمرني جنه الا افتك مني من عرست .... أي وعدوه أنتي شو أتقولين حرام فديته أبوي مستحيل يلتهي عني</P>
<P align=center>أنا اللي مقصره فحقه وقاطعه عنه ما أدري شو أخباره أمس أتصلت به ما رد علي أخافه تعبان والا شي بلاه &#33;&#33;&#33; لا ان شا ءالله ما فيه الا العافيه خل ألبس بسرعه عن </P>
<P align=center>أأخر عمي ...</P>
<P align=center></P>
<P align=center>توه بوسلطان بيرد فنيان القهوه الا وعد واقفه عند راسه </P>
<P align=center>هني ... بالعافيه </P>
<P align=center>بوسلطان: الله يعافيج ها بنيتي خلصتي </P>
<P align=center>وعد: هي نعم خلصت وانت ؟؟؟؟</P>
<P align=center>بوسلطان: أفا عليج لو ما خلصت بخلص عشانج </P>
<P align=center>وعد: لا والله ما أتنش الا وانت مخلص فنيالك </P>
<P align=center>بوسلطان: جنج الا ما تبيني أتقهوى عند أبوج</P>
<P align=center>وعد: أفا والله ما هقيتها منك عمييييييييييه شو هالرمسه خلاص أنا زعلت ما يخصني </P>
<P align=center>بوسلطان: هههههه لا حول ولا قوة الا بالله الحين تبين حميد يعتب عليه لأني مزعلنج خلاص بنراضيج آمري تدللي طلبي الله تبينه وأنا حاضر </P>
<P align=center>وعد( فخاطرها) وأنا أقول سلطوني طالع على منوه يسألني شو أبا رضوه ههههه: مشكور عماه ما أتقصر يلا سرينا ما أبي أحييرك </P>
<P align=center>بوسلطان : الحمدلله اللهم لك الشكر </P>
<P align=center>وعد وهي مستغربه : عميه شو فيك ؟؟؟ </P>
<P align=center>بوسلطان: استغفر الله العظيم شوفيها لو أتحمدت ربي على نعمته غلط؟؟؟؟</P>
<P align=center>وعد: الله يهداك بلاك شبيت بويهي بس يعني فجأه جه من دون مقدمات قلت يمكن شي فخاطرك</P>
<P align=center>بوسلطان: الله أكبر على الفضول قولي تبين أتعرفين السبب وأنا بخبرج</P>
<P align=center>وعد: وهي تمشي صوب باب الصاله ههههههههههههههههههههه ماشاء الله عليك عميه تراك لبيب وتفهم بالإشاره </P>
<P align=center>بوسلطان: قلت ليش الله ما رزقني ببنت شراتج تملي علي الدنيا بعدين حمدت ربي ،،، آآآآآآآآآآآآه يا وعد (تأوه من خاطره ) </P>
<P align=center>وعد مستغربه أحس أنه فيه شي بس ما أعرف سر هالتأوه لكنه مش طبيعي هذا اللي أنا متأكده منه خاطري أسأله بس ما أبي أحط نفسي بموقف حرج يمكن</P>
<P align=center>ما يبا يخبرني اللي فخاطره &#33;&#33;&#33; بس والله ما يهون عليه أحسبه شايل هموم الدنيا ولا حد حاس فيه رغم طيبته وابتسامته اللي ما أتفارقه كأنه هم كبير جاثم عليه</P>
<P align=center>لازم أعرف شو اللي فيه لازم.... وهذا غير السؤالي اللي في بالي ...</P>
<P align=center></P>
<P align=center>في مكتب سلطان ...</P>
<P align=center>لو سمحت أخوي ممكن أتخبرني وين مدير هالقسم ؟؟</P>
<P align=center>سلطان : خير يالطيب شي في الخاطر ؟؟؟</P>
<P align=center>الصراحه يا خوي أتبهدلت أنا من متى أدور من مكتب لمكتب كل واحد يطرشني للثاني عيزت وأنا فيني القلب ما أقدر على المراكض من بقعه لبقعه</P>
<P align=center>سلطان: أفا عليك أتفضل استريح وعطني معاملتك ألحين بخلصها لك...</P>
<P align=center>مشكور يا خوي ما أتقصر المعامله وخلصتها بس ياخوك بشتكي على هالموظف اللي في غرفه رقم 3 صحيح نحن ما نبي نقطع رزق الريال بس بعد</P>
<P align=center>هو مب محترم المكان ولا المسؤليه المعطاي إياها عيل يمشي ربعه ونحن والطوفه واحد عنده لا حشيمه والا احترام ما يصير جذه ...</P>
<P align=center>سلطان وهو عارف أنه هالشخص يطري سمير المسؤل عن قسم خطوط الإتصال ... كذا مره ظبطه وهو يسوي هالحركه يمشي ربعه والي يباه على </P>
<P align=center>كيفه وهو دومه ساكت بس هالمره طفح الكيل ....</P>
<P align=center>سلطان: ما تعرفنا على اسمك يالطيب؟؟؟</P>
<P align=center>عارف: السموحه منك وياك عارف النوبي </P>
<P align=center>سلطان : عاشت الأسامي وأنا سلطان المحيربي ...</P>
<P align=center>عارف: عاشت أيامك </P>
<P align=center>سلطان: عارف أنا مدير القسم هنه والحين أبيك أتي ويايه وخلني أشوفلي صرفه ويا هالسمير </P>
<P align=center>عارف: سبحان الله ماشاء الله عليك ألحين أنت مدير هالقسم متواضع ولا جنك مدير بارك الله فيك ياخوي ووفقك هالفرق بين عيال البلاد والوافدين</P>
<P align=center>سلطان: الله يخليك يا عارف تسلم حبوبي</P>
<P align=center>وفي طريجهم للغرفه رقم 3 تموا يسولفون كأنهم ربع من زمان ... تعرفوا على بعض وتبادلوا أرقام بعض على أساس يتلاقون فمكان ثاني غير الإتصالات اللي </P>
<P align=center>يشتغل فيها سلطان كمدير قسم خطوط الإتصال ...</P>
<P align=center>سلطان: السلام عليكم ورحمه الله وبركاته </P>
<P align=center>سمير والمراجعين : وعليكم السلام ورحمه الله وبركاته </P>
<P align=center>سمير : صباح الخير أستاز كيفاك ان شالله منيح </P>
<P align=center>سلطان: الحمدلله أنا منيح يا سمير بس شغلك مب عايبني هاليومين </P>
<P align=center>سمير : له له ليش استاز شوفي ؟؟؟؟</P>
<P align=center>سلطان: سمير هذا آخر إنذار شفهي لك خلك قد المسؤليه وأشتغل حالك حال الخلق </P>
<P align=center>سمير وهو يتصنع الدهشه .: خير استاز أي الله فسماه عارف أني عم بشتغل بكل ذمه وضمير</P>
<P align=center>سلطان: ويوم أنت خايف ربك هالكثر أشعنه أتبهدل الريال (وهو يأشر على عارف)</P>
<P align=center>سمير : أعوذ بالله أنا أنا يا أخي شو قلتلك تا تزعل هيك كلون كلمتين قلتون وخلصنا</P>
<P align=center>عارف: والله يا أخ سمير مب نحن اللي نقطع الأرزاق وأنت خل عندك حس مسؤليه وإحترام للمكان اللي يالس فيه ومره ثانيه جاوب على أسئلة الناس باحترام ...</P>
<P align=center>سمير : ليش أنا شو قلت؟؟؟</P>
<P align=center>سلطان: سمير (يقاطعه) خلاص أنتهى الموضوع وأنا قلت اللي عندي .... عارف خلصت المعامله كامله والا باقي شي ؟؟؟</P>
<P align=center>عارف: خلصت ياخوي بارك الله فيك </P>
<P align=center>سلطان وهو يودع عارف عند باب مكتبه .... بينا أتصال يا عارف فمان الله ..... سبحان الله هالانسان ما أدري كيف دخل قلبي من أول ما شفته أرتحت له </P>
<P align=center>خل أتصل بوعودي أشوفها شو مسويه.....</P>
<P align=center></P>
<P align=center>&nbsp;</P>
<P align=center>في سياره مانع (بوسلطان ) مرسيدس أسود رقمه ثلاثي .... </P>
<P align=center>بوسلطان : شو فيج يا بنيتي ساكته شي فخاطرج ؟؟؟؟</P>
<P align=center>وعد متردده: سلامتك بوسلطان مافيني شي </P>
<P align=center>بوسلطان: أفا يا وعد أتخبين عني أنا ؟؟؟</P>
<P align=center>وعد وهي عارفه أنه عمها حاس باللي تبا اتعرفه : الصراحه ودي أسألك سؤال من زمان فبالي بس خايفه </P>
<P align=center>بوسلطا ن : أفا أتروعين مني أنا حسبة أبوج مستحيل أزعل عليج ... سألي يا بنيتي عطيتج الأمان </P>
<P align=center>وعد: تسلم فديتك ... أنا مستغربه من هالشي الحين أكبر عيالك خليفه صح</P>
<P align=center>بوسلطان: صح</P>
<P align=center>وعد:يعني لازم تتسمى بوخليفه صح</P>
<P align=center>بوسلطان :صح</P>
<P align=center>وعد:عيل ليش يقولون لك بوسلطان ؟؟ أنا سألت سلطان و قالي أسألك &#33;&#33;&#33;&#33;&#33;</P>
<P align=center>بوسلطان :هي ياوعد نبشتي جرح مابرى بعد خمس وثلاثين سنه </P>
<P align=center>وعد : ................................</P>
<P align=center>بوسلطان : سلطان أخو ريلج هو وخليفه كانوا توأم </P>
<P align=center>وعد مصدومه : شو&#33;&#33;&#33;&#33;&#33; كيف؟؟؟&#33;&#33;&#33;&#33; وين؟؟؟&#33;&#33;&#33; عمي ما فهمت </P>
<P align=center>بوسلطان وهو يداري دموعه عنها : وعد خليفه وسلطان كانوا توم توفى سلطان بــ بوصفار يوم عمتج حامل بريلج سلطان .... سلطان كان أكبر من خليفه بنص ساعه</P>
<P align=center>ويوم طلع خليفه كان الأمل بنجاته ضئيييل بشكل كبير حتى أنهم طلبوا منا أنودره في المستشفى عسبة اذا توفي ما نتأثر ... الله يا زمن اللي خفنا عليه الحمدلله ماصابه شي</P>
<P align=center>واللي كان صاحي مايشكي من شي راح منا راح وهني خلاص بوسلطان خارت قواه ما قدر يمسك نفسك وانهمرت دموعه مثل السيل و وعد بعدها مصدومه من اللي تسمعه</P>
<P align=center>معقوله كل هالسنين بوسلطان يخفي ضعفه وكاتم همه يمكن حتى عن أقرب الناس له نوره أم عياله ؟؟؟&#33;&#33; فجأه أستوعبت اللي يصير عمها اللي اتعزه وتغليه وحسبة أبوها يصيح</P>
<P align=center>ياربي انا شو سويت عمي دخيلك لا اتسوي بعمرك جذه أنا آسفه والله ما قصدت وبدت أتصيح وياه ...</P>
<P align=center>بوسلطان: خليني يا بنتي سنين وأنا كاتم حزني وألمي وايد كنت متعلقنه سلطان أنا اللي كنت أقوم به يوم أم سلطان تمت عند خليفه في المستشفى ثلاث شهور كنت أنا أمه وأبوه وكل</P>
<P align=center>شي وكبر على هالشي ليومج هذا يا بنيتي ما أقدر أييب طاريه لنوره هي للحين أتقول أنها السبب في وفاته لأنها ودته وياها العين عند أهلها ويوم رجع من هناك ما بات ليلته ....</P>
<P align=center>وعد : عمي حبيبي فديت روحك خلاص ادعيله والله عوضك بأربع غيره هاي حكمة ربك استغفر ربك وتعوذ من ابليس </P>
<P align=center>وفجأه يرن تلفون وعد .... حبيبي يتصل بك ..... وأتطول لين أترد عليه </P>
<P align=center>وعد: ألوه </P>
<P align=center>سلطان: حبيبي أشحالج ؟؟؟ بلاه صوتج فديتج شو فيج ؟؟؟ حد مزعلنج ؟؟؟ شي يعورج؟؟؟ شو فيج خبريني </P>
<P align=center>وعد: ماشي والله ما فيني شي بس الحين وصلت بيت أبوي بنزل برد أكلمك اوكي فمان الله</P>
<P align=center>سلطان لا وعد مش طبيعيه شي فيها ؟؟؟؟ ياربي شو أسوي أنا متأكد أنها كانت أتصيح شو ممكن يصيحها والا من بيزعلها مستحيييل أنالازم أتصل بأمايه أشوفها</P>
<P align=center>وعلى طول يتصل على تلفون بيتهم وبعد كمن رنه أترد عليه أم سلطان بصوتها الحنون </P>
<P align=center>سلطان : فيدت هالصوت يعلني ما أنحرم منه أشحالج أمايه شو أخبارج ؟؟؟ عساج مرتاحه ... وعد وين ؟؟؟</P>
<P align=center>أم سلطان: باسم الله الرحمن شو بلاك يابويه هاكله فنصخ واحد ارحم عمرك حرمتك فالحفظ والصون أبوك مودنها عند أبوها ما فيهم الا الخير </P>
<P align=center>سلطان: ها هي صدق تذكرت اسمحيلي أمايه بس بغيت أتطمن عليكم </P>
<P align=center>أم سلطان:برايك يا بويه بسير أشوف منو ياينا هالحزه </P>
<P align=center>سلطان : مع السلامه أمايه</P>
<P align=center>أم سلطان :فمان الله لا تنسى أبويه ترا غدانا اليوم بيت أخوك خليفه بنسبقكم أنا ووعد </P>
<P align=center>سلطان: ان شاء الله وسكر ....</P>
<P align=center></P>
<P align=center>في بيت حميد </P>
<P align=center></P>
<P align=center>وعد تمشي بسرعه وكل ما اتقربت من الميلس اتزيد دقات قلبها قوة كأنها بتشوفه من عقب غيبه سنين ... أتحس بالشوق فعيونها والحنين فنظره عيونها رغم مشيتها السريعه</P>
<P align=center>الا أنها كانت تتأمل كل ركن فهالبيت اللي ربت فيه وعاشت فيه أحلى سنين عمرها ... كانت دوم أتقول أنا ما أطلع من هالبيت الا وأنا جسد بلا روح يرد أبوها ويقول يعل يومي</P>
<P align=center>قبل يومج شو هالرمسه باجر بتعرسين وبتروحين بيت ريلج لازم أتودرين هالبيت ... تذكر أشكثر صاحت ذاك اليوم وهي تتخيل تترك أبوها وتترك بيتهم اللي ما أتخيلت أنها </P>
<P align=center>تقدر تتنفس ببيت ثاني غيره ... وصلت عند الباب وفاحت ريحة الدخون وسمعت صوت أتميزه بين ملايين الأصوات ... هذا حميد أبوها شكله يرمس في التلفون ....</P>
<P align=center>حميد : يالله يا بو عوف شو أقولك يا خوي خلها على الله البيت ما أطبه الا للرقاد أحس بوحده فضيعه يا خوي بنيتي محد يا بوعوف متعود اثنين وعشرين سنه من أدخل تستقبلني</P>
<P align=center>وتلوي علي هالبنت اللي كنت انسى كل التعب من أشوفها حتى يوم أوصل البيت قبلها ما كنت أدخل أترياها خاري لين تدخل قبلي عشان تستقبلني الله يا زمن والله ياخوي أحس بروحي</P>
<P align=center>فارقتني يوم تزوجت</P>
<P align=center>عبد الرحمن (عم وعد)أفا عليك يا خوي ونحن وين سرنا انت الله يهداك ما أتطيع شوري قلت لك تزوج شوفلك بنت حلال اتونسك وتآنس وحشتك ما أتطيع</P>
<P align=center>وهني تدخل وعد ومن دموعها مب قادره اتشوف ملامح أبوها اللي الفرحه ألجمت لسانه مب قادر يرد على أخوه اللي يزاقر عليه من الصوب الثاني ....وعد على طول لوت على أبوها وطاحت فحضنه وأتصيح صياح يقطع القلب أتبوس إيده واتبوسه على جبينه مب قادره تمسك نفسها صدمها منظر أبوها كأنه واحد عمره 100 سنه .... تذكر ربيعاتها كيف كانن </P>
<P align=center>يحسدنها يوم يشوفونها وياه في أي مكان عام محد كان يصدق أنه هذا أبوها كان مثل أخوها الكبير يشاركها كل شي طلعاتهم كلها ضحك وغشمره ووناسه بس اليوم اللي أتشوفه واحد </P>
<P align=center>ثاني شخص وحيد ملامحه أتبين أنه تعبان نفسيا أكثر من التعب الجسدي ...</P>
<P align=center>حميد وهو يرفه راسها عن صدره : فديت روحج حبيبة قلبي بسج من الصياح دموعج غاليه يالغاليه يبوسها على يبهتها يمسح دموعها يتأمل ويها يشوفها يبا يعوض عن غيابها يتحسس </P>
<P align=center>ويها بإيده يوصل عند ذقنها يحاول يضحكها يدريبها تنقع من الضحك اذا سووبها هالحركه ....من بين دموعها ترفع راسها وهي تضحك تمسك إيده تضمها بالقو كأنها تتمسك بسراب</P>
<P align=center>أتخافه يختفي .... أبوي فديتك حبيبي أشحالك ولهت عليك والله كنت بموت لو ما شفتك اليوم ... ليش ما تسأل عني نسيتني لهالدرجه أنا رخيصه عندك</P>
<P align=center>حميد :فديت قلبج حبيبتي ما يحتاي أخبرج أشكثر ولهت عليك وفكل لحظه خاطري أدق لج وأتطمن عليج بس ما بغيت أغثكم يعني مب حلوه كل يوم والثاني طايح بيت مانع فشله </P>
<P align=center>بوسلطان : أفـــــــــــــــــــــــ ـــــــــــــــــــــــــ ـــا أسميني ما هقيتها منك ياحميد </P>
<P align=center>حميد : توه ينتبه أنه في حد واقف عند الباب تجدم صوبه وسلموا على بعض بالخشوم</P>
<P align=center>وعد: احمرن خدودها أستحت من عمرها ومن اللي صار جدام بوسلطان وهي نسته دخلت ولا تدريبه وين والا متى دخل </P>
<P align=center>حميد :ياحيالله من يانا وانا أقول شوفيه البيت منور </P>
<P align=center>بوسلطان :منور بأهله يا حميد أشحالك و شو أخبارك عساك بخير وسهاله وين يا ريال مالك شوفه عنبو حتى ميلس بن ضاحي ما أتحدره الجماعه كلهم يسألون عنك </P>
<P align=center>حميد: بخير وعافيه الله يخليك شو اسوي انت أدرى شغل الوزارات كل يوم سايرين ويالوفد مكان ما أفضى يا خوك</P>
<P align=center>بوسلطان: الله يهداك يا حميد قلنالك أشلك بدوخه الراس وياهم شاركني بشركتي وبنديرها نحن الأثنين شي أنت أتحبه وجد مجربنه بس انت عنيد ما أتطيع الشور وبنتك طالعه عليك</P>
<P align=center>وعد: السموحه منك عميه والله ما أدري كيف نسيت اني يايه وياك</P>
<P align=center>بوسلطان: لا أتعذرين يا بنيتي معذوره انتي متولهه على أبوج ... من لقى أحبابه نسى أصحابه</P>
<P align=center>حميد: الله أكبر منك يا مانع الحين حاسدني على هالكم ساعه اللي تيلس فيهن عندي ...؟؟؟؟&#33;&#33;&#33; وانت اربع وعشرين ساعه مجابلتنك</P>
<P align=center>وعد : ههههههههه عمي شوهالغيره حرام عليك أعزكم باثنينكم اترخص أنا بسير أشوف الخدم عس بيحطون الفواله</P>
<P align=center>بوسلطان:والله ما اتنشين خلج يالسه مكانج وأنا اللي بترخص عندي كمن شغله بخلصهن وبرجع لكم</P>
<P align=center>حميد: مايصيريا مانع على الأقل تقهوى ياخوك</P>
<P align=center>بوسلطان :لاحق على القهوه يوم برد آخذ وعد </P>
<P align=center>حميد : خلاص عيل غداك عندي يامانع ولا اتعذر</P>
<P align=center>بوسلطان: ما أتقصر أصيل .. بس اليوم معزومين على الغدا بيت ولديه خليفه وانت بعد معزوم </P>
<P align=center>حميد : خير ان شاء الله </P>
<P align=center>بوسلطان : فمان الله </P>
<P align=center>وعد + حميد الله يحفظك </P>
<P align=center>وأول ما طلع بو سلطان لف حميد على بنته وخذها بحضنه مره ثانيه وعينه دمعت على طول .... وعد نفس الشي متمسكه فيه ومغمضه عيونها<FONT size=2>


<FONT color=#ff0000 size=4>نهايه الجزء الثاني ...</FONT></P></FONT></font>

[شماسي]

<font color='#F660AB'><P align=center><FONT face="Tahoma, Arial, Helvetica, sans-serif" size=2>صراحه القصه حلووه , وبداايه مووفقه .. <IMG src="http://oasis.bindubai.com/emoticons/fa47.gif" border=0>

ممكن تكملين القصه ابا اعرف شو السر اللي سلطان مخبنه ع أهله ..؟؟ (( انا عرفت من قراايتي للقصه انه معرس ع حرمته , مجرد تخمين )) وأنتي كملي عشان اعرف تخميني صح ولا .. <IMG src="http://oasis.bindubai.com/emoticons/fa52.gif" border=0>

بنتظار الجزء الثاالث بفارغ الصبـــــــــــر .. <IMG src="http://oasis.bindubai.com/emoticons/fa42.gif" border=0>

شماسي .. <IMG src="http://oasis.bindubai.com/emoticons/fa35.gif" border=0></FONT></P></font>

[شماسي]

<font color='#F660AB'><P align=center><FONT face="Tahoma, Arial, Helvetica, sans-serif" size=2>اتـــأخرتي عليناا ووايد <U>(( ووين التكمله ))</U> .. <IMG src="http://oasis.bindubai.com/emoticons/mad.gif" border=0>

شماسي .. <IMG src="http://oasis.bindubai.com/emoticons/blush.gif" border=0></FONT></P></font>

[الفيلسوفة]

<font color='#000080'>واااااااااااااااا ااااااااااااااااااااااااا ااااااو

القصه وااااااااااااااااااااايد حلوووووووووووووووة

تسلمين يالجنيه بس واااااااااااااااااااااااا اااااايد عيبتني

ناااااااااااايس حبيبتي

الفيلسوفة<IMG src="http://oasis.bindubai.com/emoticons/smile.gif" border=0></font>

[دلوعة دبي]

<font color='#000000'><FONT size=5><FONT color=#cc3366>روووعة...تسلمين اختي ع القصة الحلووة<IMG src="http://oasis.bindubai.com/emoticons/fa42.gif" border=0>...وبانتظار التكملة<IMG src="http://oasis.bindubai.com/emoticons/smile.gif" border=0>


</FONT>
<FONT color=#cc3366>اختج:دلـــــوعـــة دبــــــي</FONT><IMG src="http://oasis.bindubai.com/emoticons/fa35.gif" border=0></FONT></font>