<font color='#000080'>
تسلمين شماسي ع متابيعتج
في البحر
مثل ماتعود وليد يتمشى على البحر ,,,,,,, وفجاة
الاول: انت اللي اسمك وليد
وليد مستغرب : لا ... بس انا أعرف وليد بغيت شيء منه
الأول للثاني : هم أشروا على هذا
ثاني: يمكن هو بس يستعبط ,,,, أنت قول الصدق انت وليد
وليد: أقولك مب أنا انت ما تفهم .... قوم عني خلني بحالي
الثالث: ما يحتاج تقول أنك انت وليد ولا لاء ... المهم انت تعرفه وحبينا نوصل البريد عن طريقك
وليد: بريد!!!!
الاول : هي بريد قول لي انه في ناس ما يحبونك خاطرهم يضربونك
وليد: انزين روح بيت ليش تخبروني
ثاني: لأنك انت البريد
وبدا الضرب وليد مسكين يحاول يدافع عن نفسه بس وين بيقدر كل واحد اقوى عن ثاني
وفجأ
يدخل بطلنا خليفة ويدافع عن وليد
خليفة للأول: اضربني علشان يحسب صج اني ياي ادافع عنه .. بس شويت حنان ما بتخسر شيء
خليفة: آآآآخ .. خلاص يالله أونكم عاد شردوا
خليفة للوليد: وليد أنت بخير
وليد: ها .. شو سالفة .. انت منو
خليفة: انا خليفة ولد عم ربيعك مروان
وليد: هي تذكرتك (مسكين ما عنده قوة يشل عمره )
خليفة: تعال أوصلك عند السيارة وبعدين أوصلك البيت ... شو يبون منك ؟ وليش ضربوك ؟
وليد: يمكن عداوة بيني وبينهم .. المهم أنت وصلني البيت
خليفة: حاضر
بعد ما وصلوا البيت وفتح لي الباب وصلا للغرفته ورقدا على السرير
خليفة: انت تسكن بروحك
وليد: هي
خليفة: أهلك وين؟
وليد: أهلي في الإمارات وأزورهم أحيانا هي صح نسيت أشكرك على المساعدة .. شو يابك البحر
خليفة: كنت فاضي وقلت أتمشى وشوف الصدف
وليد: هي والله .. ما عاش من يضربني أنا لازم أوريهم هذاك الويل أخليهم يندمون على اللي سووو
والله خليفة ما قصرت طلعت تعرف تضارب
خليفة: مثل ما يقولون الصديق وقت الضيق
وليد: بس أنا من ألحين أعتبرك صديقي وإذا بغيت تقدر تضم للشلتنا وهذا شيء يفرحني
خليفة: والله شيء حلو .. المهم أخليك .. وإذا بغيت شيء اتصل في هذا رقمي ....
وليد: وين رايح يا ريال .. يمكن يستويلك شيء انت تعرف ألحين ساعة كم ؟ أنا من راي أنك أتم هنا تنام في الغرفة المجاور لي وبعد باجر عندك إجازة ..
خليفة: خلاص مثل ما تشوف
وقعدوا يسولفون وخليفة مستانس وايد لأنه قدر يتقرب من وليد على حسب الخطة وينتظر بفارغ الصبر متى تشرق الشمس علشان يخبر جماعته بأنتصار أول خطة
واشرقت الشمس والساعة 10 صباح قام خليفة يوم سمع الحشرا وسار صوب غرفة وليد ولقى شلة وليد جالسين معاه وعرف ان انتشرت السالفة
وليد: خليفة تعال يا البطل ..... أرحبكم بخليفة عضو جديد في شلتنا
خليفة: لا تبالغ يا خوي
سلوم: والله يوم سمعنا من وليد السالفة ما صدقنا انت الهاديء بس يوم شفتك بايت عنده طلعت السالفة صج
بصراحة ما قصرت وأنت ألحين منا وفينا
خليفة: المهم يا الجماعة أنا بودعم لأني تأخرت وأكيد يسألون عني
وليد: خلاص عيل بس لا تنسى انت اليوم عندك أول مغامرة معنا
خليفة: مغامرة!!!
سلوم: هي يا بطل مغامرة انت تعرف شلتنا ما تتعامل إلا بالمغامرات اليومية ومغامرتنا اليوم أندور على اللي ضربوا وليد
خليفة: لا مب لازم ضربتهم أنا البارحة وأدبيتهم ما يحتاج أنضيع وقتنا معاهم
سلوم: انت تتمصخر أنت ضربتهم بس انا ما ضربتهم وما عاش من يضرب وليد وأنا حي
خليفة: بس ..... وفجأة صد للخلف يوم شاف فتون
فتون: وليد ... أنت بخير .. منو اللي سوا فيك جذا ... انا كم مرة قلت لك خلك بعيد من النار بس انت ما تفهم
وليد: وش فيج يا فتون ؟ ما استوى شيء شو يعني انا متعود ... ولاتخافين خليفة ساندني
فتون: خليفة !!!!!
وشافت خلف
فتون: خليفة!!!!!
وليد: وش فيج فتون هذا خليفة ولد عم مروان يدرس بالجامعة وياج هو اللي نقذني منهم
خليفة: شخبارج فتون .. أنا اعرفها تدرس معاي في نفس الصف
وليد: أها عشان جي أنتي مستغربة
فتون: مشكور خليفة وآسفة على تصرفاتي الشينة معاك ( قالت بصوت خفيفة)
بس لا يقول عرضوا عليك تنضم معهم
سلوم: أكيد انتي تعرفين شلتنا ما فيها غير الأقوياء
فتون: بس عاد اللي يقول محطم رقم قياسي وانت سمسوم ما تقدر عليه ... خليفة خلك عاقل وابتعد منهم
وليد: فتون أنا كم مرة أقولج لا تدخلين في سوالفنا
فتون عصبت: خله سوالفك تنفعك .. يالله باي
وليد: فتون .... يالله عاد فتون
سلوم: أفا سوت لك طاف يا الزعيم أنا اللي محيرني شو مخلنك تستحملها
وليد: ما يخصك
خليفة: خلاص وليد انا ألحين بروح البيت
وليد: ولا تنسى على اللي قلت لك
خليفة: أوكي
وخرج خليفة من بيت وليد وشاف فتون واقفة عند محل للزهور قريب من بيت وليد.... تقرب منها
خليفة: هاي فتون شكلج تحبين الورود
فتون: أحبهم بس ما أحب أشتريه لأن مثل ما تعرف الورود يموتون وأنا قلبي يعورني عليهم أفضل الصناعية
خليفة: بس ريحتهم تبقى
فتون: وشو أسوي بريحة .. المهم انت مينون ؟
خليفة: أنا ليش.؟
فتون: لأنك بتنضم معاهم وأنت تعرفهم زين
خليفة: فتون بسألج شيء؟
فتون: شو
خليفة: إذا أنا مينون مثل ما تقولين أنتي شو
فتون: شو قصدك؟
خليفة: أنا بس بنضم معاهم لكن أنتي تحبين زعيم شلتهم
فتون: تكفطت ما تعرف شو تقول ..المهم انت حر بحياتك وراحت عنه
وسار خليفة البيت وخبر مروان كل شيء بتفصيل الممل ......
مروان: زين والله المهم ألحين لازم نحذر تامر أن يخبر أخو بأن وليد يدور عليهم
----------
المغامرة
سلوم: سألت عنهم ودوريتهم ما حصلت شيء عنهم
وليد: وين شردوا
خليفة: يمكن وصلهم الخبر أنك أتدور عليهم
سلوم: جايز والله
خليفة: خلنا منهم
وليد: ما اقدر أخليهم في حالهم لين ما أعرفهم وأدبهم (فجأ رن جهاز وليد) والله وين ؟؟؟؟خلاص أنا ألحين واصل
خليفة: شو صار؟؟؟؟؟؟!!!!!!&# 33;
وليد: اسمع وليد ألحين أنا معا واحد من ربعي بروح مكان أنت وسلوم طبعا عندكم محاضرة
قاطع سلوم: عادي انزين انا بروح معاك
وليد: لا تروح معاي ولا عندك خبر روح مع خليفة الجامعة واهتم بدراسة وانجح وأرفع راس شلتنا
وخليفة بغيتك في خدمة؟
خليفة: آمر؟!
وليد: يمكن أتأخر فبغيتك توصل فتون البيت وتقول لها أن كان عندي شغل عسب جي تأخرت
خليفة: أفا ما طلبت شيء
وليد: خلاص عيل أنا بروح ألحينة
وفي الجامعة
علي: سمعت من مروان أن خطة ماشي تمام
خليفة: مثل ما قلت ماشيء تمام بس خوفي من شيء واحد أن ربع أخو تامر
تامر: لا تخاف عليهم
خليفة: واللي يفرحني أني بوصل فتون البيت
سعد: قول والله
خليفة: وليد طلب مني اوصلها لان هو عند مشوار ويمكن يتأخر وهذي فرصتي اتقرب منها
فهد: كلهم اللي في الجامعة بيستغربون
خليفة: الساعة كم عندك
فهد: الساعة 3
خليفة:أ وه تأخرت أكيد خلصت من محاضرتها يالله باي شباب بروح أوصلها
مروان: نركب معاك
خليفة: لا يا خوي اقعد بس أنا وهي و مانبغي متطفلين
مروان: الله يا زمن ألحين نحن متطفلين .. تغريت عن الاول..... ما أدري ليش تغيرت
خليفة: يالله عاد خلك من تمثيل لا تغيرت ولا شيء
وراح خليفة يوصل فتون
خليفة: فتون أدورين على وليد
فتون: هي أشوفه ما وصل
خليفة: وصاني عليج وقال ان هو بتاخر وطلب مني أوصلج البيت
فتون: جي السالفة خلاص عيل على أقل أهون من سلوم ... مرام تعالي
خليفة: مرام !!!!
فتون: هي مرام اليوم سيارتها أختربت
مرام: لا تقولين سلوم بيوصلنا
فتون: لا تخافين اليوم سايق جديد
مرام: هذا مب خليفة
فتون: شاطرة ... نسيتي يوم قلت لج أن أنضم معاهم
مرام: هي صح وبديت تخدمه عيل المهم أول مرة يسوي شيء زين أختارك أنت ولا اختار سلوم
خليفة فتح باب الجدام لفتون بس هي راحت قعدت وراء
مرام: خليفة أنت ولد عم مروان
خليفة: هي ليش؟
مرام: لا بس جذي ملامح ويهك ما يدل على أنك تقرب للمروان .. وين مروان وين انت
خليفة: ليش أنزين ؟
فتون: قصدها ان مروان أحلى عنك
قاطعتها مرام: لا تمزح فتون بالعكس انت الأحلى بس هو يبين عليه أهبل أما أنت يبين عليك ذكي وأنا مستغربة أنك أنضميت معاهم
خليفة: عندي هدف يجبرني على هذا شيء ( وهو يطالع فتون من المرايا )
مرام: هدف؟!! وشوهالهدف
خليفة: سري للغاية ما أقدر أقوله
مرام: كيفك
خليفة: بعدين ببين كل شيء
وقف خليفة ونزل فتون ومرام لأن مرام بتنزل عند فتون لين ما يتصلح سيارتها
مرام: مشكور ما قصرت
فتون: مشكور خليفة واذا شفت وليد ذكرا بالحفلة
خليفة: حفلة!!
فتون: أنت قوله وبس
وراح خليفة
مرام: انتي ليش قاسية معاه
فتون: يعني شو تبني أسوي له
مرام: أنا شاكة ان الهدف اللي يقصدا يمكن يكون أنتي
فتون: أنا .. انتي مينونة
مرام: يا رب يكون صدق
فتون: طوفي جدام أدعي لنفسج أن الله يهديج بس
وليد اتصل لخليفة:
وليد: هلا والله
خليفة: غلا والله
وليد: وصلتها
خليفة: المهمة تمت بنجاح
وليد: ما قصرت
خليفة: بس هي قالت لك أقولك عن الحفلة
وليد: حفلة؟ أي حفلة؟
خليفة: ما أعرف والله
وليد: صح تذكرت حفلة يوم الحب ... غريبه أنه ما اتصلت تذكرني من عاد تتصل لي شكلها زعلانة
خلاص عيل بخليك بروح أتصل فيها
وليد:ألو فتون حبيبتي شخبارج ؟الغالية شو تسوين؟ قلبي والله اشتقت لج وايد؟؟؟!!!!
فتون: وش صار لك اليوم تنزل علي كلمات كلها فيها حب وشوق
وليد: ما فيني شيء لازم يكون مناسبة علشان اتغزل فيج
فتون: ما من عوايدك اللي أعرفها أنك مشغول وايد
وليد: أفا يالغالية أنشغل على العالم ولا أنشغل فيج أنتي حبي الوحيد
فتون: خلك من لف ودروان والمجاملة .... وعطني الزبدة
وليد: بصراحة أحس أني هاملنج وأبغي أعوض على كل شيء
فتون: جي السالفة .. تبغي تعوض على كل شيء .. عيل عوضها في الحفلة
وليد: أفا..... كيف تبني أفوتها وعندي حبيبة تذكرني بالحب
فتون: بشوف .. المهم أنت ألحين شو تسوي
وليد: أسولف معاج ( وسمع مرام تنادي فتون)
فتون: ألحين بخليك
وليد: يعني يهون عليج تخليني علشان مرامووووو
فتون: لا ... بس تنباني أساعدها في شيء أحمد ربك وفرت عليك الرصيد
وليد: ما يغلى عليج
فتون: أعرف يالغالي عسب جي خله باقي الرصيد لي يالله باي
وليد: باي
---------------------
بنشوف خطة خليفة وين بتوصله
وشو بيصير في الحفلة
و خليفة بيتقرب من الهدف<!-- / message --></P></font>
رد مع اقتباس
مواقع النشر (المفضلة)