<font color='#000080'>مشكورين علي مروركم الرائع أتصدقون اشتقت لكم واااايد
وهذي تكملة القصه
في كافتيريا دخل خليفة مع مروان وسعد وعلي وفهد وقعدوا على الطاولة
سعد : مروان شو اللي عجبك اليوم
مروان: شو اللي عجبني اليوم محد خبلني غير المعلمة رانيا
خليفة: انت مينون .. خليت البنات وركضت وراء ابلة صدقنك عبسي
فهد: وليش قلت لي عبسي
خليفة : علشان عبسي من كثر شعره الكثيف غطى على عقله وما يقدر يفكر زين
فهد: والله تشبيه جيد
علي: بسكم عاد ... مروان وش فيك ساكت مادافع عن نفسك
مروان: ما تشوف اللي انا اشوفه
علي: شو تشوف
مروان: غيرتهم ...
أصلا هم ما قدروا يوصلون اللي انا وصلت هم طايح حظهم على البنات اللي لازم يتحملون
دلعهم وانا على معلمة تقدر ظروفي وتفهمني
سعد: انغار على شو يا ابني ؟ ما من حسافة لو تعرف اسمك بس .. يا حجي لا تروح بعيد
فهد: شوفوا اللي داخل مب وليد
خليفة: هذا وليد! مب كأنه جاي صوبنا
سعد: هيه اكيد جاي يسلم علي وعلى مروان
وليد: هلا والله بمروان وسعد ... وينكم ما نشوفكم ؟
مروان: مرحب بساع .. كنت والله مسافر الامارات ورديت قبل لا تخلص الاجازة
وليد: وشو اخبار الامارات صار لي فترة ما زرتها
مروان : الامارات بخير وتسلم عليك
وليد: الله يسلمها والله فديتها انا .. ومنو هذا العضو الجديد بينكم ؟
مروان: هذا خليفة ولد عمي جاي من الامارات علشان يكمل دراسة هنا
وليد: حياك والله اذا احتجت أي شيء تراني جاهز بس علشان الغالي مروان .. وألحين استاذن يتروني الجماعة
مروان: اوكي
سمع خليفة وليد ينادي فتون وشاف فتون تلوح بيدها ولاحظ ملامح وجها يدل على الفرحة يوم شافت وليد وعرف ان ماله حظ مع فتون..
وتمر الأيام ويحاول خليفة يتقرب من فتون قد ما يقدر بس لللأسف كل المحاولات ما تنفع واقنع نفسة بالواقع ان فتون تحب وليد..
---------
الخطة
خليفة جالس في المكتبة وبين ما هو كان جالس مر تامر وسلم على خليفة
خليفة: هلا تامر ..... سلامات وش فيها عينك ؟
تامر: ما فيها شيء
خليفة: كيف ما فيها شيء وهي منتفخة وعلى وجهك علامات كأن أحد ضاربنك
تامر: لا تبالغ يا خوي ما فيني شيء
خليفة: تامر لا تخبي علي انا ربيعك
تامر: السالفة وما فيها اني سمعت ان علياء انفصلت من خطيبها سلوم
قاطع خليفة: سلوم اللي هو من شلة وليد
تامر: هي هو الله لا يوفق .. تركت لان هو كان يسوي مشاكل وما يهتم فيها .. وانا عيني عليها كان وانا يوم عرفت خبر انفصالها قلت احاول اتقرب منها ... وما أدري كيف عرف وشافني اتمشى بروحي
قام هو وشلة هددوني اني ابتعد عنها ويوم رفصت وواجهتم ...... أونة عاد مخلي عمري بطل
وهنا رمس خليفة: والبطل لعنوا خير
تامر: وهذا مثل متى شايف عاهد على نفسي اني ما تقرب من وحدة توها انفصلت من خطيبها
خليفة: تامر تعرف شو تعال معاي
تامر: وين؟
خليفة: انت تعال وبس .... لا تخاف ما بضربك
تامر: هيه .. انت تعرف الدنيا ما فيها آمان
وراح تامر مع خليفة عند قوم مروان
مروان يوم شاف تامر: ألحين ما حصلوا مكان غير ينقعون الشلك في عيونك
خليفة: مروان عاااااااااد ... أنا جاي هنا ومعي سالفة ( وخبرهم بالسالفة ) وأنا من راي ان نأدبهم لانهم ناقصين تأديب.
سعد: نأدبهم!
علي: كيف؟
فهد: فهمنا؟!
خليفة: أنا عندي فكرة عجيبة
تامر: فكرة!
مروان: ليش مستغربين ولد عمي ذكي وكيف ما يكون ذكي أصلا عائلتنا الذكاء في دمهم
علي: قوم عنا انت بعد ما عندك سالفة ... يالله خليفة أشرح لينا
خليفة: انصتوا ..
مروان: أوه عاد بتقعد ترمس ويانا بلغة عربية ترى ما بنفهم شيء,,,
خليفة: ومنو قال اني برمس لغة عربية؟
سعد: عيل وين راح الذكاء؟
تامر: انتوا بتخلون يرمس ولا شو ؟
علي: استهدا يا خوي يالله يا حجي كمل
خليفة: الخطة تقول ...
مروان: وومتى تعرفت على خطة وما خبرتنا وشو هالاسم أهلها ما حصلوا غير هالأسم؟!!!
علي: أفوووو مروان عاد خطة يعني plan
مروان: قول جيذي...... يالله أخوي كمل تراك ملليتنا
خليفة: لا حول .. المهم الخطة أن انا بتقرب من وليد وبدخل معاهم في شلة وبحاول أقترب من فتون
وأخليها تحبني والكل يعرف ان فتون نقطة ضعف وليد ويسوي كل شيء علشانها وإذا هي اتركته علشاني .. أنتو بس تخيلو تخيلو يا اخواني شو بكون مصيرا
مروان: بديت اتخيل أن نحن قاعدين في عزا وأنت ميت
خليفة: شو قصدك أن بيقتلني .. ما يقدر الدنيا مب فوضى
سعد: والله الخطة عجيبة خاطري أشوفه مقهور الحال
علي: أوكي بس كيف بتتقرب منه؟
خليفة: أنا عندي جواب لهذا السؤال
مروان: ماشاءالله تبارك الرحمن .. خلك جذا ارفع راس ولد عمك دووم
خليفة: بنستأجر كم من شباب قووين علشان يضربون وأنا بروح ادافع عنه .. بس لازم يكون وحيد من غير شلة
فهد: وليد ما يكون وحيد إلا يوم يمشي على البحر
خليفة: زين عيل ومتى يمشي
فهد: الساعة 12 في ليل
سعد: هذا جني ... وانت كيف عندك علوم عنه
فهد: شفت مرة بالصدفة ويوم سألت قال انا كل يوم اقعد هنا
خليفة: عليك بالعافية خلاص هذي انحلت بس الشباب
تامر: خلهم علي ربع اخوي ما يقصرون
علي: بصراحة خليفة أذهلتني كنت أظن انك هادي ومالك خص بهالسوالف
مروان: والله انك غبي يعني من أهلي شو تتوقع منه يطلع ..أبوي نحن عائلتنا عباقرة
علي: نسيت والله
خليفة: المهم يوم بجهزون كل شيء اتصلوا لي وهي صح نسيت تامر لا تنسى تقولهم ما يضربوني بقوة وشوي شوي على وليد.
تامر: انت على نفسك لا تخاف بس خلني أطلع حرتي على وليد بس لو أقدر على سلوم بعد
خليفة: انت اصبر علي بس انشاءالله تاريخ صلاحيتهم بتنتهي قريبا بس ما وصيك
-------
عاد الخطو حطوها بس بنشوف عاد كيف بنفذوها ؟
ووليد بستوي ربيع خليفة؟
وخليفة بتقرب من فتون؟
وفتون بتحب خليفة وبتترك وليد؟
الجواب على الأسئلة قريبا ان شاءالله</font>
رد مع اقتباس
مواقع النشر (المفضلة)