<font color='#000080'>تسلمين دلوعه على مرورج
في السوق
قرب موعد الحفلة وفتون أنشغلت في شراء ملابس مع ربيعتها مرام عسب يتألقون
فتون: مرام ما حصلتي رفيق تروحين معاه
مرام: حصلت
فتون: والله !!!! ومنو ؟؟؟؟
مرام: أنتي الله يخليج ما تقصرين
فتون: أنا !!!
مرام: هيه أنتي ليش عندج مشكلة
فتون: لا حبيبتي أي مشكلة بس أنتي تعرفين أني بطلع مع من؟
مرام: انزين شو صار.. ما لازم يكون عندج حبيب علشان تحضرين الحفلة
فتون: هو صح لكن
مرام: اوكي خلاص ارتاحي اطني ما بحضر الحفلة
فتون: أفا يالغالية خلاص لايهمج أنا وأنتي ومحد غيرنا
مرام: ووليد؟!
فتون: وليد بدبر حاله
مرام: يعني يحضر الحفلة مع وحدة ثانية
فتون: لا حبيبتي قصدي أن يحضر الحفلة مع ربعه أو عادي يكون معانا والأحسن يكون معانا
مرام: أنتي من صج تغارين عليه
فتون: أكيد مدام أحبه أكيد بغار عليه
مرام: والله ما عندج سالفة
وانتهوا من شرا وارجعوا البيت
وجاء موعد الحفلة
وتنتظر ودق على تلفونه ما يرد
وفجأة رن التفلون
فتون: هلا مرام
مرام: وينج عاد تراج خيستيني أخاف تسوينها فيني
فتون: والله أنتي متفيجة خلي وليد يوصل أول شيء وبعدين أفكر أسويها
مرام: هو وين ألحينة
فتون: أتصل ليه ما يرد .. أقول مرام أسمع صوت الجرس يالله يالله باي
مرام: لا تنسين تمرين
فتون: أوكي أول شيء سكري التلفون
وسارت بسرعة فتون علشان تفتح الباب ويوم فتحت الباب شافت شاب ميود في إيديه باقة ورد ومعطيها ظهر
ابتسمت فتون: وليد!! من متى تشتري لي ورد
يوم صد لها : والله يالغالية ظنج مب في مكانة
فتون: خليفة!!!!!!!! !!!!
خليفة: مثل ما تشوفين
فتون: أنت شو جابك ؟ ووين وليد؟ ليش هو ما جاء؟
خليفة: وليد قال بتاخر وقال لي أوصلج للمكان الحفلة
فتون: هو شو فاكر نفسه ؟! شو عباله أنا لعبة في إيده ؟ وأنت كل ما قالولك روح وصلها تسمع الكلام
خليفة: البصراحة بس يوم يقول وصل فتون
فتون: pleese أنا مب متفيجة لك
خليفة: بس أنا متفيج يالله ما بتروحين
فتون: وهالورد بتم ماسكنة
خليفة: اوه نسيت تفضلي
فتون: من وليد؟
خليفة: لا مني قلت ما يصير أروح وإيدي خالية
فتون: وأنا أقول وليد شو درابه بالورود
خليفة: فتون ما لاحظتي شيء
فتون: هيه لا حظت
خليفة: شو
فتون: أنك لا بس الساعة في إيدك اليمين
خليفة: هي والله شو أسوي أتخبلت يوم عرفت أني أنا بوصلج .. أنزين لاحظي شيء ثاني
فتون: تأخرنا على الحفلة
خليفة: لا خلاص أنا بقولج الوردة صناعية مثل ما تحبين
فتون: الوردة! صح صح
خليفة: كلماتج محفوظة في القلب
فتون: الله يهديك بس يالله بنمر على مرام يمكن رقدت وحليلها
خليفة: هذي مرام وين ما نروحين وراج
فتون: نسيت أخبرك اللي ما يحب ربيعتي أنا ما أحبه
خليفة: لا .. بس مرام تبني أمر عليها أفا لو تبين بعشيها وبخدمها هذي مرام شيخة البنات
فتون وهي تضحك: كذا أوكي
وركبوا مرام معاهم في سيارة
مرام: عيل وين وليد؟
فتون: يقول آلاقي في الحفلة
مرام: هذا الحبيب اللي تمدحين
فتون: لا تعكرين مزاجي
مرام: وأنت خليفة ما عندك وحدة
خليفة: عندي بس المشكلة مب راضية تفهمني
فتون: اللي ما يفهمك لا تسوا لي سالفه
مرام: أنا من راي انك تستمر في المحاولة لين ما تحس انك خلاص سويت اللي تقدر عليه وإذا هي ما حست هي الخسرانة مثل ما يقولون( اللي ما يبانا ما نباه)
خليفة: الله كريم
ووصلو الحفلة ونزلت فتون لانها كانت تحاتي يمكن وليد ينتظرها وهي تأخرت عليه ويوم دخلت الحفلة شافت الشله موجود وكل واحد مع رفيقة وراحت تسأل عنه
فتون: وين وليد؟
سلوم: الله يخليج وليد بتأخر بس أنتي لا تعصبين هو قال ان هو لازم بمر وتوه الوقت الساعة 7
فتون: خلاص بترياه
مرام: فتون شو فيج معصبة؟
فتون: ولا شيء
خليفة: ممكن أقعد؟
مرام: ممكن
خليفة: شكله وليد ما وصل
فتون: قال بتأخر
ومرت الساعة 9 وفتون تنتظر وليد وتتصل ليه وما يرد
مرام: يالله نسير شكله وليد ما برد
فتون: أنتي سيري انا بترياه
خليفة: إذا تبني أوصلج
مرام: مشكور .. فتون تعالي لا تنسين باجر ورانا الجامعة
فتون: أقولج روحي
مرام: والله أنتي حره
وراح خليفة وصل مرام
ووصل الساعة 10 وقررت فتون ترد البيت وفجأة اتصل وليد: والله سوري يالغالية الساعة 11
أأنا عندج أتريني أوكي
فتون: تعرف شو؟ ( وسكرت تلفون على ويه وليد وهو يتصل ويحاول لين ما غلقت التلفون)
وطلعت فتون وقلبها يحرقها ودمعة في عينها
وشافها خليفة: فتون وش فيج؟
فتون: ما فيني شيء
خليفة: زعلانه عسب وليد ما حضر .. فتون شوفي اذا قلبج يتألم علشان ما قدر يقضي هذي ليلة مع وليد انا أقدر أعوضه
واستغربت فتون من كلامه
خليفة: لا لا تفهميني غلط أنا مب لها درجة قاسي أنا كان قصدي لو تعتبرني صديقج ونحتفل بيوم الصداقة مب لازم نحتفل بيوم الحب.. صداقة بريء بيني وبينج
وابتسمت فتون : اخترعت من عندك هاليوم
خليفة: هذي الابتسامة تقول أنج موافقة أنا من رأي
فتون: مجهز كل شيء
خليفة: شو أسوي .. لحظة لحظة لا يقول قصدج أني أنا السبب في تأخير وليد ترا انا مالي دخل
فتون: لا تخاف ما فكرت بهذا
خليفة: على بالي بعد .... رأي نروح نتمشي ونسولف وكل واحد يطلع اللي في خاطره شو رايج
فتون: خلاص
وسارت فتون مع خليفة وطول الليل وهم يتمشون ويسولفون تناست فتون ألم اللي سوا لها وليد
ومرة يقفون عند راعي الأيس كريم ومرة هذا ينكت عليها وهي تنكت عليه وكل واحد يتذكر مواقف الطريفة اللي مرت عليهم في حياتهم ,, ويوم وصلت فتون قريب من بيتها
قالت: مشكوووور خليفة على هذي الليل اللي ما تنسي
خليفة: حاضرين للغالين في أي وقت
فتون:الوقت تأخر أنت وصلتني البيت بس أنت منو بوصلك ؟
خليفة: بتصل لمروان وبياخذني
واتصل لمروان
خليفة: قال بمر علي ... بس خليني أوصلج مدام نحن قريبين من بيتج ولين ما يوصل مروان
فتون: وأخيرا وصلنا
خليفة: شكلج تعبتي
فتون: بصراحة ما حسيت لا بتعب ولا بوقت ... تعال نقعد على درج لين ما يوصل مروان
خليفة: تشوفين جذي
فتون: هيه
خليفة : خلاص
المهم قعدوا يسولفون لانهم مب شبعانين من الكلام والسوالف
خليفة: شكله مروان وصل
مروان: هلا بولد العم ,,, وهلا بالحلوة
خليفة: أنت ما تيوز عن سوالفك البطالية
مراون: شوفوا منو يرمس ؟
خليفة: ياالله اركب السيارة... وسامحني فتون أذا تضايقتي مني
فتون: أنت شو تقول أنت اللي لازم تسامحني
مروان: خلاص مسموحين
وضحكوا ههههههههههههههههههههههههه ه
وركب خليفة السيارة
ودخلت فتون بيتها
وفي السيارة
مروان: ليش يالسين في الخارج ؟
خليفة: نتأمل الجو
مروان: الجو ولاهي مارضت أدخلك
خليفة: يمكن ...لانها تونا بدينا الصداقة وماأظنها بتثق في بسرعة .... وأصلا انا ما أستاهل
مروان: أفاااااااا ,,,,,, ليش؟
خليفة: يا أخي انا مب مرتاح بالخطة أحس أني ظلمتها في لعبتنا ... أنا أحس أنها بدات تتقرب مني و
إذا حبتني وبعدين عرفت بالحقيقة
مروان: لا ما بتعرف ولا شيء مدام محد يعرف الخطة إلا نحن .... باجر أن شاءالله ننسى الخطة وأبدأ معها بصفحة جديدة وأنسى الماضي
اقتنع خليفة بكلام مروان وقرر يفتح صفحة جديدة
حتى في ثاني اليوم قضى يومه كامل معاها
ويشوف وليد يحاول يقنعها وهي تجاهله ومر اسبوع</font>
رد مع اقتباس
مواقع النشر (المفضلة)