قصـــ الحب ـــــة من تأليفي (لاتفوتكم)

**دلوعة دبي** · 23-12-04 ||, 11:06 PM

مشكور أخوي وبانتظار التكملة <IMG src="http://oasis.bindubai.com/emoticons/smile.gif" border=0>

أختك:دلوعة دبي<IMG src="http://oasis.bindubai.com/emoticons/smile.gif" border=0>

**شماسي** · 25-12-04 ||, 08:55 PM

تســـــــــــــــلم أخووي .. <IMG src="http://oasis.bindubai.com/emoticons/cool.gif" border=0>

شماسي .. <IMG src="http://oasis.bindubai.com/emoticons/blush.gif" border=0>

**دلوعة دبي** · 30-12-04 ||, 08:07 PM

أخوي عاشقالألتيما وينك؟؟ووين التكملة ولا بعدك قاعد تفكر شو تكتب؟؟<IMG src="http://oasis.bindubai.com/emoticons/smile.gif" border=0>

أختك:دلوعة دبي<IMG src="http://oasis.bindubai.com/emoticons/smile.gif" border=0>

**عاشقالألتيما** · 12-01-05 ||, 05:55 PM

تسلمين دلوعة دبي ه متابعتج واختي شماسي سمحولي طولة عليككم
وهذي النهاية

بين ما كان خليفة عنده محاضرة وينتظر متى ينتهي هالمحاضر علشان يلتقي بفتون
وفي مكان ثاني خلصت فتون محاضرتها بسرعة وسمعت فجاة أحد يناديها فرحت لان في بالها خليفة ولكن صدت للخلف شافت وليد واختفت ابتسامتها
فتون: أنت؟؟؟؟
وليد: هي انا في .... كنتي متوقعة شخص ثاني
فتون: أخلص .... شو تباه ؟
وليد: أنتي ليش تعاملني بجفاء؟
فتون: لانك بنسبة لي ماضي وانا احاول اعيش حاضري
وليد: حاضرج مع شخص غيري
فتون: يمكن
وليد: وهالشخص خليفة
فتون: انت ليش تتدخل
وليد: لأن يا حبيبتي الشخص اللي أنت واثقة فيه تعالي معاي انا بوريج شكله الحقيقي
فتون: شو قصدك؟ أنا مب فاهمة ؟
وليد: تعالي معاي وانا بخليج تسمعين الحقيقة علشان ما تقولين أني احاول اخرب بينكم
وسارت فتون مع وليد
وليد: اسمعي فتون انا بروح بنفسي للخليفة وأنتي ما عليج غير انج تسمعين الحقيقة
وراح وليد للخليفة لأن المحاضرة خلصت
وليد: خليفة
مروان: هذا وش يبي منك؟
خليفة: خلني أورح أشوف شو سالفته....
وليد: شو أخبارك خليفة عيل قاطعتنا
خليفة: قررت اترك شلتكم
وليد: قصدك قررت تترك الشلة بعد ما تاخذ وتحقق هدفك
خليفة: مب فاهم
وليد: لا تستعجل انا بفهمك ... انت حاولت تتقرب من فريقنا بس علشان تقهرني وتخلني اخسر فتون .... واستأجرت لك كم من الشباب اللي هم أقوياء بس في الخارج .... تعرف ليش؟
أول شيء تذكر
أول طلب لي منك اكيد بتذكر لان انا طلبت منك توصل فتون وهي هدفك الاساسي بس ما فكرت انا ليش طلبت منك ...؟ مب علشان انا كنت واثق فيك
لا يا بطل لأن الأتصال اللي وصلني ذاك اليوم كان من مصادري الخاص وتعرف شوكان الخبر
الخبر كان انهم حصلوا الشباب اللي ضربوني وقالوا لي ان خليفة لي دخل بالسالفة طلبت منك توصل فتون مع سلوم علشان ما تشك فيني يوم وافقت انا رحت لمكان الشباب وضربتهم لين ما اعترفوا كل شيء عن خطتك
عرفت ليش هم بس في الخارج أقوياء لانهم ما تحملوا الضرب
خليفة: ما استوى شيء يوم انك عرفت والأهم في لعبتنا أني كسبت فتون وأنت خسرتها
وليد: لا ياالعزيز انا ما خسرت شيء انت اللي خسرت
مروان: كيف؟
وليد: لحظة شوي .... فتون حبيبتي تعالي
وطلعت فتون من مكان اللي كانت تسمع في كل شيء اللي دار بينهم وعيونها غرقانة بالدموع
وليد: وش رايج يالغالية بصديقج خليفة
فتون راحت عند خليفة وعطت صفعة من الخاطر
وهي تصيح .. معقوله يا خليفة انت تسوي كذا دخلتني في لعبتك القذرة .... ما فكرت فيني لحظة
أصلا أنت ليش بتفكر فيني أنت لو تهتم فيني ما كنت سويت هالحركة ...
سكتت فجأة وشافت وليد يبتسم
فتون: أنا ليش ألوم شخص ما اهتم فيني أنا لازم ألوم شخص اللي كان يقول ان هو يهتم في
وليد: بس انا صدق اهتم فيج لو ما اهتم فيج ما بينت لج الحقيقة
صح أني ابتعد عنج فترة بس هذا علشان
فتون: علشات تخليني أتقرب من خليفة واحبه وبعدين أنت تعترف لي وتقولي الحقيقة ولا تهتم بقلبي اللي حبه وتقرب منه أنت أصلا ما تحبني أنت بس بغيت تقهر عدوك والسلاح كنت أنا .....
وركضت فتون بعيدة عنهم
وليد: شكلنا نحن الاثنين خسرنا
خليفة: يمكن أنت .... أما أنا فلا .... فتون حبي الوحيد وأنا لازم أرجع حبي مهما كان السبب ونتيجة
وليد: وانا ما عندي أي شيء ضدك ...لأني مستانس بعد ما حطمت قلبك أما بالنسبة لفتون وهي بعد فترة بتنسى كل شيء وبترجع لي
انا ما خسرت شيء
يالله شباب
وكل واحد سار في دربه
وغابت فتون عن الجامعة أسبوعين وفي هالأسبوعين حدث أشياء ومنها
محاولة وليد إرضاء فتون واستسلم في اربع محاولات وفتون مب راضية تسمع منه شيء ولا تفتح الباب لأحد إلا لربيعتها مرام وكرهت وليد أكثر يوم قالها الكلام اللي يجرح في آخر محاولة له :
دلعتج وايد
ولا أنا محد يقدر يذلني كثر ما ذلتيني أنتي بس تعرفين شو
بحصل بدالج مليون وحدة
أما بالنسبة لخليفة فهو حاول اكثر من مرة في يوم يمر 4 أو 6 مرة ويوقف عند باب بيتها ويترجها علشان تسامحه وتسمع اللي عنده واسبوعين وهو في هذا الحال
في يوم نهاية الاسبوع كانت مرام عند فتون تسليها وتقنعها ما تخسر دراستها علشان ناس مايستاهلون
فرن الجرس
مرام: بروح أفتح الباب
فتون: مب لازم
مرام: تتوقعين وليد
فتون: وليد مات بنسبة لي من زمان هذا اكيد خليفة
مرام: هذا بعده يحاول ... شكله صدق يحبج
وسمعت مرام خليفة يرمس
فتون أرجوج فتحي الباب
أنزين لا تفتحين الباب أسمعيني على أقل عطني فرصة أقول اللي في قلبي ولو ما سامحتيني بعد اللي أقوله بتحمل البعد منج بس أنا ما أبغي أحس في حياتي أني ما حاولت أقولج اللي في خاطري علشان ما أقول في المستقبل أنا لو حاولت يمكن ترضين مني أنا لو ولو ولو
مرام: حرام عليج فتون ...كسر خاطري ...أسمعي شو عنده
قامت فتون وراحت صوب الباب وفتحت وقالت: أرمس شو عندك
خليفة: أنا برمس بس أتمنى منج أنج تسمعيني زين
أنا يا فتون حبيتج من اول مرة يوم شفتج فيه عند موقف الباصات وانا ما كنت اعرف انج تحبين أحد إلا في الجامعة بس انا ما انهزمت قلت أحاول اتقرب بس أنتي ما عطتيني فرصة صح أني استسلمت لكن الأمل في قلبي يقول أنج بتكونين لي ... صح أني انا أناني لأني ما فكرت في لحظة أنتي شو بتحسين يوم بتعرفين عن الخطة .. بس لازم تعرفين أنه الخطة انتهت يوم أني حسيت أن الامل بدأ يتحقق وقلت أخبرج قبل لا يوصل الخبر من شخص غيري بس مروان قال لي انسى الماضي وابدأ صفحة جديدة مع أول حب لك
وهذا أنا ندمان لأني ضيعت حب لا يمكن أعوض في حياتي ومن حقج تزعلين مني .... وهذا اللي في قلبي حبيت اخبرج

تقربت فتون منه وعطت صفعة اخف عن قبل وقالت: هذا علشان تذكر
كل ما تحاول تجرحني تذكر بيوصلك صفعة على خدك من شخص تحبك أكثر منك
خليفة: يعني خلاص انتي سامحتيني
فتون: إذا تباه صفعة علشان
تصدق أنا جاهزة
خليفة: لا لا صدقت .... سامحني فتون
مرام: خلاص عاد انسوا الماضي وابدأو من جديد

وهذي نهاية القصة
وان شاءالله تنال علي اعجابكم
أخوكم عاشق الألتيما

**المزيوونه** · 19-01-05 ||, 11:35 PM

عاشق الاتيما.. اهنيك اخويه ع تكملة القصه .. والصراحه استانست
على الاعضاء بدوا يكتبون وينزلون ..
<IMG src="http://oasis.bindubai.com/emoticons/laugh.gif" border=0><IMG src="http://oasis.bindubai.com/emoticons/laugh.gif" border=0> ..

صح ماقريتها .. لكني بنزلها عندي وبقراها وبعطيك رايي فيها انشالله بما انها مخلصه
وياليتك تعطيني القصه وهيه فالورد .. او انته بامكانك تنزلها من الوورد وتحطها هنه
عشان تسهل للأعضاء اللي ماقروها انهم يقرونها ..

وسلامي<IMG src="http://oasis.bindubai.com/emoticons/blush.gif" border=0>

**شماسي** · 23-01-05 ||, 02:08 AM

تسلم أخـــــــووي ع القصه الرووعه , وأحلى شي في القصه انها قصيره وكامله .. <IMG src="http://oasis.bindubai.com/emoticons/cool.gif" border=0>

بنتظار قصصك اليديده في أقرب ووقت لا تتـــــــــاخر علينا .. <IMG src="http://oasis.bindubai.com/emoticons/smile.gif" border=0>

شماسي .. <IMG src="http://oasis.bindubai.com/emoticons/blush.gif" border=0>

**روح القمر** · 23-01-05 ||, 02:54 AM

عيـــــبتني القصه..
<IMG src="http://oasis.bindubai.com/emoticons/smile.gif" border=0>
بانتظار يـــــديدك
<IMG src="http://oasis.bindubai.com/emoticons/cool.gif" border=0>