السلام عليكم
انا اتفق ويا اغلب اخواني المشاركين في هالموضوع ... انا اعتبر ضعف الوازع الديني اول سبب والعادات الدخيله علينا من الغرب والتطور اللي ابتلينا فيه لين يومج . هذا من غير تفكير الواحد او الوحده يوم تقول ابا غرفه بكامل مستلزماتها (تيلفزيون ، فيديو ، تيلفون منفصل عن البيت ، الخ...) واشياء وايد ما اقدر اذكرها . كذلك رعاية الوالدين مب نفس اول يااختي سبيجه .... هي والله مب نفس اول ... الحين الابو مثلا قام يسير الدوام ويرد ويتغدى ويرقد ويخلص اموره ويتعشى ويرد يرقد مره ثانيه من دون ما يقول وين فلان ووين فلانه ( طبعا انا مااقصد الكل ولكن البعض) والام بعد نفس السالفه وعلى نفس المنوال ... اما الاولاد فحدث ولا حرج البنت طالعه وداخله بلا حسيب ولا رقيب والولد طالع العصر وراد لج الفجر والله يعلم شو مسوي .... صدقيني من زاد الخير ( الحمدلله على كل حال) في دولتنا الحبيبه زادت مشاكلنا صارن الفلوس همنا الاول والاخير ..... والله ما اقول الله يرحم ايام اول ... انا مب كبير لكن ملحق على اخر السبعينات ... الله يرحم ايام كنا نتغدى ويا بعض ونسولف ويا بعض الكل يوقف عندك لمن يصير لك شي والكل يسال عنك لمن تكون محد .....
يارب تصلح حالنا .... <img src="http://oasis.bindubai.com/emoticons/dozingoff.gif" border="0" valign="absmiddle" alt=':doz:'>
والسمو حــــــــــــــــــه مستـ البال ـــريح
مواقع النشر (المفضلة)