<font color='الغلا'><p align=center><font color=#000099>يييييييييييي... اسكتوا عني أمس أنا سويت مصايب عشان أسوي هالطبق,, وبعد ما سويته,, هذا الله يسلمكم قريت عنه البارحه الظهر وانا في الدوام,, وقلت يابنت الناس مدام حلو وبسيط وسهل ليش ما تسوين حق هذيل السنافر اللي في البيت&#33;&#33; طبعا وصلت البيت على أذان العصر وقلت برقد شوي,, وعقب المغرب بسويه,, منو قال؟؟ الرقاد ما ياني,, تميت مبطله عين ومسكره عين واتخيل عمري اصف البسكوت في الصينيه,, <img src="http://oasis.bindubai.com/emoticons/suspect.gif" border=0>المهم,, قبل المغرب بنص ساعه,, قلت بسير اشوف شو ناقص وباخذه وبسويه عقب المغرب,, لأني ما اداني اطلع فليل,, لقيت كل شي إلا نستله الكاكاو والبسكوت نفسه,,
قلنا ما عليه بنسير شويترام,, إلا هذو ورا بيتنا,, طبعا بتسير ويايه بيبا (صدق ترا هذا اسم بنت اخويه وانا صارقتنه- اسم الدلع طبعا- ) يالله بيبوه لبسي نعالج بنسير(ويه بيبوه كشه,, برايه عاد من زينهم اللي هناك) <img src="http://oasis.bindubai.com/emoticons/fa46.gif" border=0>، المهم يينا بنظهر لقيت الشيبه موقف موتره ورا موتري&#33;&#33;&#33; قلنا لا بنطلعها,, ويلست اقايس المسافات واشوف بتظهر ولا لا&#33;&#33; قالي شيبتي: بلاج امي خديه&#33;&#33; خذي موتري&#33;&#33; (ماجنه سبني<img src="http://oasis.bindubai.com/emoticons/fa40.gif" border=0> ) ماعليه صيام صيام,, وركبنا موتر الشيبه وتعرفون عاد مواتر الشواب ومكوناتها,, طبعا أصلا المكيف مشغل على طول,, دقيت سلف اشتغل <img src="http://oasis.bindubai.com/emoticons/fa36.gif" border=0>,, والجامات لي جدام بس ما عليهم مخفي (جيه دريول <img src="http://oasis.bindubai.com/emoticons/fa48.gif" border=0>) وإذاعه القرآن على أعلى صوت(يعني محد يسمع غيره&#33;&#33;&#33;) + عقال (للضروره)+ عصا محنايه (حق مفارخ الفريج يوم يزخهم يدوخون ورا المسيد) + تلفون برتقالي (لزوم الكشخه) + الله يعلم كمن ربيه وكمن نص وربع,, كل ما تلف بالموتر يحوطولك ع الطبلون يمين يسار+ ألفين كوبون مال الجمعيه (الشيبه حاط عينه ع الأستيشن يبا يفوزبها).. <img src="http://oasis.bindubai.com/emoticons/fa34.gif" border=0>
انزيييييييييييييييييين,, ظهرنا .. طبعا السياره وقفت مرتين&nbsp; واحنا سايرين وشمتت فينا هنود الفريج <img src="http://oasis.bindubai.com/emoticons/fa39.gif" border=0>,, وانا اقولها دخيلج تيملي فينا الحين بنوصل&#33;&#33; ووصلنا انا وبيبتي,, طبعا بيبا خذت هاي العربانه الصغيره (تعرفونها اللي ياخذونها عيال الإنجليز ويكون وياهم دبدوب ولا بسين فستان حلو وردي- بس منظر بنت اخويه كان غير الصراحه- يعني مول ما يليق-) وسرنا ندور حليب نستله,, يمين يسار,, نخلنا الرفوف مالهم مال الحليب,, جلبنا القواطي كلهن ولا رديناهن - كيفنا مال جميرا <img src="http://oasis.bindubai.com/emoticons/fa51.gif" border=0>- وزقرنا الملباري,, وين هذا حليب,,؟؟ جلب بعد هو القواطي, , كل الأنواع موجوده إلا اللي نباه&#33;&#33;&#33; سار ورد عليه قال مافيه&#33;&#33; تحرطمنا شوي وقلنا ما عليه بنسويه بنستله العادي,, سرنا بناخذ بسكوت,, بعد جلبنا الدنيا ما لقينا &#33;&#33; شو السالفه؟ وبعد زقرنا نفس الملباري (كره حياته مسكين,, ندم انه يا الفرع مال فريجنا)
بس يالله تعالي بيبوه هذيل ما عندهم شي,, وتحرطمت بيبوه من الرف مال البسكوت لين الباب(هل جميرا محد يطيح في حلجهم) ودزت عربانتهم عليهم,, (يت على ريول السيلانيه اللي تحاسب بس سوينا عمرنا ما يخصنا) وظهرنا,, <img src="http://oasis.bindubai.com/emoticons/fa49.gif" border=0><img src="http://oasis.bindubai.com/emoticons/fa49.gif" border=0><img src="http://oasis.bindubai.com/emoticons/fa49.gif" border=0>
وبعد بند الموتر عليه عند المسيد,, عاد البتنانيه كلهم كانوا متيمعين بيتفطرون,, وتخيلو شكلنا انا وبيبا جنا نقطتين في السياره (تذكور انا ما عليها مخفي) ,, <img src="http://oasis.bindubai.com/emoticons/fa56.gif" border=0>
شفتوا عاد,, هذا كله عشان اسوي هالطبق ولا سويته,, والله قلبي يعورني,, بس ما عليه ,, بسير الجمعيه انشالله واليوم يا أنا يا هو,,
اسمحولي جان طولت عليكم ,, بس حبيت أشارككم معاناتي ويا هالطبق,,&nbsp;&nbsp; <img src="http://oasis.bindubai.com/emoticons/fa52.gif" border=0><img src="http://oasis.bindubai.com/emoticons/fa52.gif" border=0></font></p></font>