مصيرج ومصيري

[راع7ي]

<font color='#000000'>السلام عليكم والرحمه.. يايب لكم اليوم قصه يديده

و اتمنا إنها تنال على إعجابكم .....

الجزء الأول

كان قاعد بروحه ونسيم البحر يلعب في شعرة و في كل جزء من ويهه.. كان مرتاح تقريبا و مبتسم بس بعد الهم يالي في قلبه ما يقدر إنه يبعده ولو بشتى الطرق .. بس هو أقوى من هذه المواقف يالي تستوي حقه .. سهيل ريال ما متزوج بس هو قاعد يفكر في كلام أمه يالي ذابح صدره عن العرس لأن أخو الأصغر منه متزوج وهو لين أحيينه ما يفكر في الزواج .. وفوق كل هذا عنده مشكله قلبه يالي ما يعرف في سالفته حد من أهلهم حتى سلطان ولد عمه يالي أقرب واحد منه ما خبرة بسالفة .. من يوم ياي من عند الدكتور ومن سده نفسه ما يريد يقابل حد وما يريد يخبر حد ما يبي يشوف نظره الشفقة على ويوهم .. وهو قاعد يفكر إن قطع حبل أفكاره بصوت الأذان يوم أن ينادي الناس لصلاه تشاهد سهيل على ويهه وستغفر ربه وقام لصلاة المغرب ..
وفي بيت قوم سهيل كانت عايشه أخت سهيل الكبيرة عندهم وولدها سهيل يلعب مع يدته ..
عايشه هي أكبر وحده من البنات وهي متزوجة وعندها ولد وبنت.. البنت اسمها شيماء وهي عمرها تقريبا سنه .. وسهيل عمرة ثلاث سنوات وكان يشبه خــــــاله حميد في تصرفاته ونفس الويه بعد والشـــطانة... وعقب صلاة المغرب طلعت حقهم شمسه من غرفتها كانت مصلية .. وشافت أختها وسلمت عليها..

شمسه: شحا لج عايشة وأخبارج وعلو مج
عايشه: تمام الحمد الله بخير انتو ويين محد يشوفكم يا لله ما تسألون عن أختكم وعيال أختكم ولا خلاص من طلعت من البيت خلاص ما ألقى السؤال منكم..&#33;&#33;
أم سهيل: افا وأنا إلي كل يوم أسأل عنج ..
عايشة: أميه أنتي خلج على صوب أنا بنتج لازم تسألين عنيه..
أم سهيل : هي بعد تحسبت ..
شمسه : فكونا من هذه السير عاد كل ماييتي بيتنا فتحتي لي هذه السالفة عن لاتج..
عايشة : لازم بعد يوم إني ألقا قصور بعاتبكم.. إلا ويين شموه وفطام ما ألقى وحده منهم
أم سهيل : في حجرهن راقدات يايات وحده من المدرسة والثانية من الجامعة شتبيهن خلهن رقود بيغثن الدنيا إذا نشن والظرابه ما عند حد..
عايشه : لا بس شيموه متوله على شموه شو فيها جيف مت غصصه..
شمسه: هذه بنتج ما عندها سالفة موليه جان تتوله على شموه&#33;&#33;
عايشه : عيل وين سلامي ما أشوفها وياكم ..
أم سهيل : في غرفتها
شمسه : هي من دكه فيها ما أدري شو مضيعه فيها &#33;&#33;
أم سهيل : عيب مات رمسين عن مرت أخوج جيه..
ولا سوت شمسه حق أمها سالفة حتى لو شو ما تقهر مرت أخوها ..
وقعد الحريم يكملن سوالفهن لين دش أبو سهيل الصالة هو وولد عبد الله .. عبد الله ثانية ثانوي وهو دايم ويا أبوه ..
أبو سهيل : السلام عليكم ورحمه الله وبركاته.. أوه منو عندنا هلا عايشه شحالج وأخبارج يا أم سهيل
عايشة: تمام الحمد الله .. الله يهداك الوالد كبرتني وأنا بعدني صغيرة..
عبد الله : اسمع انتو أونه صغيرة عيل شو خليتي حقنا نحن يوم انج صغير والله
عايشة : اسكت ما كلمتك أنا كلمت أبويه والله
أم سهيل : أنتي يا هل تحطين عقلج بعقل عبود
أم سهيل: شمسوه الغالية قومي يبي الفواله قومي بشوف
وقامت شمسه تيب الفواله وطبعا عبد الله ما يخليها في حالها لازم شويه تغليس .. وشوي نشت شمه من الرقاد وصلت عقب راحت غرفة أختها وعتها من الرقاد نشت فاطمة تصلي .. راحت شمه لين غرفة أخوها سالم بس مالقته .. وراحت غرفة سهيل لأنه هو قايل حقها بيب لها شويه أشرطة هندية بس ما حصلت الأشرطة فأكيد حطت في بالها إنه راح بيبها لها عقب .. سارت غرفة سعيد أخوها وبطلت مرت أخوها الباب وهي شوي لا تنفجر من ويع الراس إلي فيها ..
شمه : هلا والله بأحلاه مرت أخو في الدنيا
سلامي وهي مالها نفس: أهليين شموه شحالج .. أقول عندج بندول والله راسي بينفجر علي من الألم ..
شمه: أوه ليش ماقلتيلي من الأول هيه عندي تعالي في الغرفة .. سارت شمه وهي ومرت أخوها غرفتها شمه وسلامي ربع ونفس العمر ويكملن جامعه هي وياها بس سلامي ما راحت الدوام اليوم لأنها مصدعه والصداع زاد عليها .. طبعا سعيد متزوج من أعز وحده من ر بايعه شمه وكانت هي وياها ربع لحد الحين وطورت الصداقة لين ستون أقرب من بعض .. وعطت شمه البندول حق سلامي
شمه : أقول تراه مضر ما تاكلين وايد تضرج ..
سلامي : مادري والله أحس الم فضيع ظهري موت يعورني..
شمه: عيل يمكن حـامل " بس شمه قالت هذه الكلام لأنها صار لها متزوجة من مده من أخوها يعني ماتستبع هذه الشي"
سلامه وهي وشي ناويه تاكل الحبة تحتها بسرعة شمه خافت على صديقتها ومرت أخوها
شمه : بلاج ؟؟؟؟؟؟؟؟
سلامه : يكمن ألي قلتيه صحيح &#33;&#33;&#33;
شمه وهي تهز مكتوفا : ما أستبعد والله
سلامي تمت تفكر في الموضوع .. بس دشت فاطمة وقطعت عليهم حبل أفكارهن
فاطمة: ها اشو قاعدين تسوين أنتي وياها يلا ترا أسمع حشرة تحت بسير عنكن أنتن وياها ..
وطبعا فاطمة سارت عنهن وعقب شوي تبعنها .. وصلن البنات لين الصالة وطبعا سلامي مصدعه على الآخر .. يوم شافتها شمسه كرهت حياتها..
البنات: السلام عليكم ورحمه الله وبركاته.. وحببن راس أبوهن وقعدن
أبو سهيل: ها سلامي بلاج شفيج يابنتيتي
"شمسه من داخلها تحترق من الغيظ .. تدلع هذه على أبويه"
سلامي : ما فيني إلا الخير عمي
أم سهيل: بلاج شي فيج ؟؟؟؟؟؟؟ظ
سلامي : لا بس شوي مصدعه
شمه : كله سلامي ونحن مالنا يعني
فاطمة: هي والله خلاص أنا زعلت بروح عنكم
عبد الله : قري مكانج وين بعد تبين تسيرين أومنها زعلت والله البنات دلو عات صح أميه
أم سهيل : هيه حبيبي " بس على شان يسكت من ساعة وهو مأذنها "
عبد الله : بس تبي تسكتني .. بروح أذاكر أبركلي
فاطمة: روح أحسا ونفتك منك بعد
عبد الله : ودج أنتي بس .. ورض بعمرة.. وهذه قعده غيا ضنا فيج
أبو سهيل وهو عايبنه المناقر بين فاطمة وعبد الله لأنهم مهيلين عليه في البيت ولأنهم أصغر إخوانهم:
أنت أشتبا في أختك خلها برايها لا تقعد تغصص فيها ..
عبد الله : لا والله الوالد شوفها شقا تكلم الراييل..
فاطمة: لو سمحت أستاذ عبد الله احترمني ترا أنا أكبر عنك زين ..
عبد الله: حلفي إنتي بس.. سكتي سكتي أحسن لج والله..
وشوي يدخل عليهم حميد وسعيد لأنهم ياين من النادي لاعبين ...... السلااااااااام عليكم
أم سهيل أول ما شافته تغصصت منهم وكمن مرة قالت حقهم إنهم ما يدخلون وهم في هذه الحالة يغثون الدنيا بريحه العرق : يعلكم طلعو برا ولا كل واحد يدخل غرفته بشوف ..
سعيد وهو يقعد حذا ل مرته بس تحت : بلاج الوالدة ليش جيه متغصصة
أم سهيل: اسكت عني ..
حميد : سكتوه وينقع عليه من الضحك " لأنه اليوم سعيد وايد تقفط "
وشوي وداخل عليهم سالم وشكله صج معيف ويدري في أمه راح قعد على الغنفة وهي طـالعة بنظرات وهو جنه ما يعرف..
سالم: هاي بابي ..
أبو سهيل : وعليكم السلام والرحمة .. حشا ماشي احترام موليه..
سالم: باباتي بلاك .. "وهو يصاصر أبوه " شوف أميه جيف اطالعني
أبو سهيل: دواك أنا أقول .. إلا وين أخوك سهيل هاه اليوم ما شفته في المسيد يصلي
سالم : والله علمي علمك من يوم ظهر الظهر وأنا ما شفته ..
أبو سهيل: قم اتصل فيه شوفة وين
سالم: الوالد ترا بي هو ما يرقد برا البيت الله يهداك
أم سهيل : قم نش قوم " وتفتن عليه من الزيين"
سالم : زين زين والله كله بس تبا تحتشرأنا.. رايح تبون شي ؟؟؟؟؟؟؟
حميد: واحد عصير وثنين سندويش كيما
سعيد: حلوه والله حلوه " وينقعون عليه من الضحك"
سالم :تنكت طال عمرك..روح زين والله وعلى فشيلتك.. أقول الوالد تراه هو أحيينه ويا سلطان ولد عميه ليش يعني تعب بعمرك أنت..
أبو سهيل: قلت روح دق له لا تقعد طلع ليه أعذار ..
سالم: زين بس بكلمه عقب بروح أسبح
أبو سهيل: روح أنت أحينه كلم أخوك ..
وروح عنهم سالم .. في مكان ثاني من الإمارة كان سهيل يتمشى بسيارته ما يعرف وين يروح يرد البيت يروح بيت عمه ولا يكلم سلطان متشابكة عنده الأفكـــــــار .. وشوي حس باليوع فنزل يشتري له شويه أكل من الجمعية .. وفي الفترة إلي سالم قاعد يدق حق سهيل سهيل كان نازل الجمعية وسالم حوالي خمس مرات دق حقه وسالم من النوع العصبي يعني عصب من أخوه .. وعقب عشر دقايق ركب سهيل السيارة ولا على باله إنه يشيك على التلفون ماله وعقب فترة مرت على سهيل اتصل سالم
سالم: الووه السلام عليكم أنت وين يا أخي وليش ما ترد على التلفون من يوم ما ظهرت من الظهر ولاعين شافتك أنت وين ..
سهيل: أنزين وبعدين كمل.. والله
سالم: سهيل الوالد يسأل عنك .. يا أخي شغلت بالي عليك
سهيل: لا تخاف أنا أحينه ياي
سالم: يا الله بشوف بظهر ونشوفك في الصالة
سهيل : بلاك أنا أحينه ياي وعن الحشرة الزايدة
سالم: سهيل بقولك شي
سهيل : قـــــــــــــــــــــول خلصني " وهو يعرف اشو بقول "
سالم: في بنتين رايحات الدكان ويوم وصلن قالت الأولى حق الثانية شتبي من الدكان قالت الثانية أي شي راحت شرت حق عمرها عصير وشرت حق ربيعتها قلم والله حــــــــــلوه والله حــــــــــــــلو لا تقول عاده هب حلوه ..
سهيل: والله تدري إنك بــــــــــايخ والله صج.. هذه وقته أحينه هذه وقته.. " وهو معصب"
وعلى طول ما يسمع إلا التلفون مسكر على ويهه وهو يعرف حركات سالم ومتعود عليها ..
سالم هو عقب سهيل وتفكيرهم متقارب يعني كل واحد يفهم الثاني واثنينهم ويــــــــــــا بعض في البيت بس سالم شوي خريش وعصبي في نفس الوقت .. أما سهيل فهو ريال جدي ما يحب المسخرة ولا سوالف الشباب .. وأم سهيل مبتلشه منهم لأنه كبار ولا واحد يفكر في الزواج .. مثل أخوهم سعيد تزوج وهو أصغر منهم... ولا كله ولا سوالفهم على أم سهيل..
أول ما وصل سهيل البيت كان مفول من حركه أخوه منه دش البيت فلقا أبوه في الصالة سلم على أبو وكانت شمه يايه من المطبخ وشاله بنت أختها شيماء ..
سهيل: هلا شموه شحا لج
شمه: تمام وين الأشرطة أنت واعدني مالية شغل أنا
أبو سهيل: سلمي على أخوج بلول
سهيل: خلها الوالد ترا إلا شموه .. تعالي حبيبتي " سهيل كان يكلم بنت أخته شيومه"
شموه ما مصدقه تتحسب هي : شو شتبا
سهيل: منو كلمج إنتي أكلم العسل إلي شالتها .. تعالي عند خاليه .. وسارت شيومه حق خالها وقعد يلاعبها وهي تخرط عليه من رمستها .. ويسألها ويين ماماه وهي يحليلها تأشر له فوق.. أمها هنيه شموه
شمه : هي فوق ويا الوالدة
سهيل : عبود وين عيل
أبو سهيل : في غرفته.. إلى أنت شبلاك ما ييت تصلي في المسيد
سهيل: كنت شوي مشغول ..
أبو سهيل: والشغل أهم من الصلاة ؟؟؟؟؟؟؟؟؟؟؟؟؟؟
سهيل: الوالد أنا صليت بس ما في المسيد هذه في المسيد إلي حذا البحر
شمه: أبوية ليش شاك في سهيل يعني .." هي منقهرة منه "
أبو سهيل: لا بس اليوم ما سار وياي المسيد أنا متعود علية يودي ني المسيد..
سهيل: ودج إنتي أصلا توزين الوالد عليه يلا مناك
شمه: أنزين وين الأشرطة الهندية .. أنت ما قلت ليه إنك بتييبها ليش نسيتها؟؟؟؟؟
أبو سهيل : لا تاكلين فواد الريال إنتي
سهيل: لازم تتقفطين إنتي إذا ماتقفطي ما تستوين شموه " وعلى ويهه ابتسامه انتصار"

وإذا عيبتكم بكم خلاف.... تحياتي راعـــــــ7ـــــي</font>

[الغرشوووووبة]

<font color='#000000'>مرحبا اخوي*راعـــــ7ــــــي**
مشكووووور على القصه..
ونتريا الباجي.......</font>

[راع7ي]

<font color='#000000'>هلا فيج إختيه الغرشوووووبه وتسلمين على المرور




شموه: أنت قايل إنك بتيب حقي يعني تعرف نحن في الويك اند يعني كله فاضين.. مالك عذر أنت قولها
سهيل: والله يبت لج .. الوالد في حد من أهلنا هنود &nbsp;
أبو سهيل: لا وأنا أبوك &nbsp;
سهيل : عيل شموه ليش طالعه هندية
شمه: ما عليه أبويه أنا زعلانه منك خلاص لا تكلمني هذا وأنا بنتك الحلوة تقول عني جيه
سهيل : أأأأأهااااه بدا الدلع بدا
شمه: إنت اسكت لا تكلمني موليه .. " سهيل وأبو سهيل يضحكون وشيما هب عارفة اشو سالفة &nbsp;ا طالع يدها وخالها وتضحك ويا هم " &nbsp;وشوي وإلانازل عليهم سالم ويوم شاف أخوه تذكر ويطير عليه ..
سالم: السلام عليكم " ويحب أبوه على الراس"
شمه: توك ياي من برا ليش ماحبيت راسه
سالم: مشكله منه غباء البنات يعني توني كنت معرق ومعيف وتبيني أبوس راس الوالد لالالا ما يصير
هذا إذا فيكم أنتو يا البنات...
شمه: اسكت دخيلك ما نبي منك ويع راس كفاية حشرتك
سالم: روحي زين وأنا إلي عا طنج فيس زيادة
شمه بروحها منقهرة من سهيل وفوق كل هذه ياي سالم يغلس عليها : بس إنزين لازم تسوي يوله يعني ..
سهيل: شتبا بها سالم بروحها مت غصصه بتموت اليوم شموه هااااااااااااااااااااي
أبو سهيل: عنلاتك انت بروحك هب سهل &nbsp;
وشوي يرن تلفون البيت وكان التلفون حذا سالم وشله:
سالم: ألوووووووووووه من وياي
كانت حمده ربيعه شمسه طبعا ما استغربت كل يوم على هذه الحالة : ألوه السلام عليكم
سالم: وعليكم السلام والرحمة أنا قلت منو وياي.... أطالعه أبوه و سهيل كانوا يبون يحشرون عليه بس البنية على الخط ما يقدرون يرمسون &nbsp;.. &nbsp;
حمده: شمسه موجودة ؟؟؟؟؟؟؟؟؟؟؟
سالم: هيه نعم منو أقول لها " ويطالع أبوه و سهيل يعرف إنهم بي ذبحوه من الرمسه عقب بس هو عاطنهم بلباس"
حمده: قولها اربيعتها
سالم: ليش اربيعتها مالها اسم " مصخها سالم مع البنية وايد"
ويفتن عليه أبوه عيب عليه هذه بنت ناس وعرب و يقولها هذه الكلام .. شلت شمه التلفون وردت على حمده.. زقرة شمسه وعقب يات شمسه قعدت ترمس هي وحمده ..
أبو سهيل: عنبوه انت ما تستحي على ويهك مازين عليك جيه تسبل في بنت الناس &nbsp;
سالم : زين الوالد حصل خير لا ترفع ضغطك إلى هي سوالف
أبو سهيل: الله لا عادك جان هذه سوالفك
سهيل: انت بروحك تيب لعمرك المشاكل اعقل ياخي اعقل
سالم : زين بلاكم كلتوني بقشوري
شمه: دواك انت حتى الفتان ما يفيد فيك
سالم: سكتي إنتي سكتي
سهيل: الوالد أنا باجر بروح المزرعة جان تبي تروح معايه
أبو سهيل: زين يا بوك جان بتوديني المزرعة البيادير مادري اشو مسوين عمك يقول ناكلين المزرعة نكال ومحتشر اليوم هو وعمتك موزة
سهيل: فالك طيب جان قتلي اليوم بواديك مافي أي إشكال
أبو سهيل: انت وين اليوم يقول أخوك من يوم ما ظهرت الظهر وما شافتك العين &nbsp;
سهيل : انشغلت الوالد شوي
أبو سهيل: أي شغل بارك الله فيك
سالم وهو يساسر شمه : قومي أحسن هذيلا لا تكلمون عن المزرعة ما يخلصون
شمه: أول مرة تقول شي صحيح .. طالعها سالم بنص عين وهي تضحك عليه .. واستأذنو منهم وراحو المطبخ ..وشوي واتيهم شمسه وهي مفوله &nbsp;: سالم .. سالم
وهو ينادي من المطبخ : ها بلاج أنا هونيه في المطبخ &nbsp;
شمسه: سالم الله يهداك أنا ما بعلمك الأدب يعني انت تعرفه زين
سالم : جول سوي لي تناج حطي داخل ثلج وايد عنبوه البلاد حر عندكم شموه
جول: زين باباه أنا كل يوم في سوي تناج حق انته &nbsp;.. وبأدين في يشربه نصه &nbsp;هزا مازين كلو أنا في يتأب وانته مافي يشرب ..
سالم: بس إنزين مسوية ليه قصيده .. يا الله أبيه احينه .. ويطالع شمه ومسوي طاف حق أخته شمسه &nbsp;تتشرط هذه بشكارتكم
شمسه وهي تزعج عليه : سلوم قاعدة أكلمك أنا &nbsp;
سالم : زين &nbsp;.. زين فهمنا شتبين.. في شي ثاني حبيت أقو لج إني سالم هب سلوم أخوج الكبير أنا هب عبود الصغير .
شمسه : سالم والله مفتشله من البنية .. كل يوم عاد كل يوم &nbsp;تضايج في البنية عيب عليك عيب .. تحلف عقب إنها ما تتصل فيني..
سالم: أحسن لها بعد تفكنا من الحشرة التلفونات
شمسه سارت عن أخوها تعرف إن الكلام وياه ما بيب فايده ..وفي هذه الحظه في بيت أبو سلطان كانت حصة تفكر إنها تدق حق شمه بنت عمها بس الظروف ما سمحت حقها لأن تلفونها مفضي ومريم اختها شابكتنة على النت ..
حصة: مر يموه أبي التلفون
مريم: وليش
حصة: حلوه ذي .. بعد اشو أبي أدق حق شموه
مريم: لاحقه عليها زين &nbsp;
مريم كبر عبد الله ولد عمها وهي طبعا الدلوعة بس هب آخر العنقود &nbsp; لأن عقبها مايد وهو أحين ثالث ابتدائي..
حصة: الله ياخذ عدوج &nbsp;.. وسارت عنها لأن ماشي فايده من هذه البنية &nbsp;.. ونزلت تحت لقت أمها وأبوها قاعدين في الصالة وسلمت عليهم وباستهم على الراس.. قعدت وياهم تسولف .. وشوي نازل عليهم سلطان : السلام عليكم " وباس راس أمه وأبوه " ها حصة شحا لج وأخبارج
حصة: الحمد الله زينه يسرك حالي .. من وين ظاهرة الشمس
سلطان: ليش ؟؟؟؟
حصة: تقول ليه حصة أكيد شي تبا
أبو سلطان: يا لله بسلامه
حصة: هي أبوية هو من العادة يقول ليه حصوه
أم سلطان: زين مافيها شي إذا إحترمج يعني .. بسم الله الرحمن الرحيم
حصة: إنزين ما قلت أنا شي .. كلوني بقشوري
سلطان: حصوه أقول وين ميود عيل عنج
حصة: مادري به وين والله فديت ويهه أنا &nbsp;
سلطان: يا الله الوالد هبابنا نلحق على الصلاة
أبو سلطان:يا الله عيل .. ويصد صوب حرمته أقول أم سلطان قومي شوفي عيالج وقولي لهم صلاة وخل عنهم هذه الخرابيط
حصة: أبوية تراهم يلعبون بليستيشن
أبو سلطان: مالي شغل أنا قومي قولي لهم يسيروا يصلوا
حصة: إن شاء الله أبوية احينه بسير .. ونشت حصة وسارت غرفة سيف ومثل ما قالت حق أبوها إنهم يلعبون بليستيشن ..
حصة: أبوية يقول صلاة انت وياه انتو هب يهال أنقول لكم كل شي والله
سيف: روحي زين ظهري برا يلا بشوف ممنوع دخول البنات في هذه الغرفة تفهمين
محمد: بعد أنا لاتنسين لا تدخلين غرفتي أوجيج
حصة وهي مقهورة منهم دوم يسوون فيها هذه الحركة .. سيف ومحمد أكبر عن حصة بس يموتون على &nbsp;بليستيشن وعلى الدوري الياباني جنهم يهال كلما حد يفوز تكون العزيمة على الثاني وهذه هي حياتهم وإذا ملو من اللعب بيسيرو يا عند حصة &nbsp;وألا عند مريم ولكن إلي ما يقدرون عليها هي سمر دوم تهزبهم لأنها الكبيرة
حصة: مالية شغل بخبر أبوية عليكم
سيف: إنتي بلاج نحن ريايل نعرف مصلحتنا.. ممكن يعني ممكن تذلفي من ويهي
حصة: سواف دواك عندي انته
محمد: مسكين حالك يا سيف .. &nbsp;الأخت قامت تهدد أشوف
سيف: برا يا الله برا
وتطلع عنهم حصة وهي معصبه اليوم طردوها وباجر ما تدري اشو بيسون فيها هذيلا دومهم جيه .. وحصة ما تعرف وين تضرب وسارت عند اختها سمر ..
حصة: سلام عليج سموره
سمر كانت تكلم خطيبها حمد : لحظه تعالي أكيد محد عندج &nbsp;
حصة وتضحك لأختها لأنها صج ملانه بتموت من الملل : هي محد عندي
حمد خطيب سمر : عيل خلاص روحي حق اختج الغالية وأنا عقب بكلمج لأني بروح أصلي
سمر: أوكيه عيل فمان الله
حمد : حياج .. وبند حمد عن سمر وسار المسيد يصلي وفي هذه اللحظة كانت سمر ويا اختها حصة يسولفن عن الجامعة وعن الحياة هذه هي السوالف إلي تحبها حصة .. وعقبين سارن يصلن وسارت حصة حق مريم اختها وفصلت عنها النت من يوم يايه من المدرسة وهي &nbsp;شابكه النت عنبوها من بنت ..
مريم وهي محتشرة: إنتي بلاج ها بلاج .. يبي الواير
حصة: والله ما بعطية حقج .. وعلى فكرة إذا خبرتي الوالد ترا ما من صالج
مريم : والله أخبر أمية عليج
حصة: توكلي
مريم: بتشوفي عيل
وفي هذه الفترة إلي كانت حصة ومريم قاعدين يتضاربن.. كانت شمه تلاعب شيمه في الصالة ويدخل حميد مع ولد اختها عايشه يا يين مصلين .. شمه تحب حميد أخوها لأن شوي يشبها و سهيل ولد اختها كان باين إنه يشبه حميد ..
حميد: السلام عليكم والرحمة
شمه: وعليكم السلام والرحمة فديت من ياي والله
ويدخل من بعده سعيد ويسلم عليهم هو الثاني : ها سمعت تفدي أنا .. ويطالعه كان يشوف شمه أخته هذه إنتي شميم ..
شمه: ومن غير فديتك يتفداكم في هذه البيت
سعيد: سلامي فديتها
شمه: وجان استحي .. هي بس أنا الأولى وبعدين هي
وشوي يسمع صوت سلامي مرته: ها اسمع حد يطريني
سعيد: ومن غيري يا الغالية يطريج .. سلامه بتموت من المستحى لأن حميد كان قاعد يطالعهم ويبتسم فهي نزلت راسها
سلامه : الله يسلمك من الشر
شمه: بس عاد عن المغازل جدامنا ترانا نستحي
سعيد وهو يشل شيما بنت اخته ويلاعبها : والله ما قلتلج تقعدين هنيه
شمه: حلوه ذي أنا يالي قاعده قبلك
حميد: قومو بعد وتضاربو .. سلامه وين الوالده
سلامي: في غرفتها تصلي
سعيد: بلاه هذه .. شيومه حبيبي وين باباه ها
شيمه : لاحت فديله " راح الفجيرة"
سعيد: شو يسوي في الفديله
شمه: لاتسبل بها أبوها راح الفجيرة عند ولد عمه مسوي عمليه وراح يزورة
سعيد: أفا ومنوه من عيال عمومته
شمه: مادله عواش تقول إسمه ناصر
سعيد: نصور أيوا
حميد: عرفته انت الحين " ويقلد سعيد" قاعد نصور أيوا؟؟؟؟؟؟؟؟
سعيد: وجيف ما عرفة ترا ربيع سواف ولد عمي
حميد: سعيد لاتقول ذاك الريال إلي سبته البنية
سعيد:هو .. تعال انت شعرفك ها .. وسلامه وشمه قاعدين يطالعوهم ما فاهمين شي وشيمه تصيح من اليوع .. و سهيل الصغير قاعد يطالعهم ويبتسم ومحطي إيده على خده ..
حميد: كيف ما عرفه وأنا كنت معاكم ذاك اليوم في الستي سنتر
سعيد: صحيح بس يمكن كنت ناسي .. ويضحك &nbsp;هو وأخوه حميد لأن الكلمة كلمة ناصر إلي مريض ..
تيهم عايشه : ها شباب يتو عيل
سعيد : حلفي إنتي بس قولي والله

بكم خلاف ... وسواااااااااااااالم</font>

[الغرشوووووبة]

<font color='#000000'>تسلم الشيخ على التكمله ......
واتريا الباجيييييييييييييي......</font>

[روح الحب]

<font color='#000000'><p align=center>السلام عليكم
مشكور أخوي على القصة
ونتريا التكملة
أختك
روح الحب <img src="http://oasis.bindubai.com/emoticons/blush.gif" border=0></p></font>

[ريم العين]

<font color='#000000'>ثانكس على القصة الحلوة <img src="http://oasis.bindubai.com/emoticons/smile.gif" border="0" valign="absmiddle" alt=':)'>
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp;&nbsp;&nbsp;&nbsp;&nbsp;&nbsp;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&n bsp; نتريا الباجي<img src="http://oasis.bindubai.com/emoticons/smile.gif" border="0" valign="absmiddle" alt=':)'>
لا تبطين<img src="http://oasis.bindubai.com/emoticons/smile.gif" border="0" valign="absmiddle" alt=':)'></font>

[راع7ي]

<font color='#000000'>مرحبـــــــا والله "بالغرشوبه" يسلم غاليج والله
ومشكووووووووووورة على الطووووفه الحلوة



"روح الحب " هلا بج إختيه والعفو إختيه ولاعدمنـــــــــاج


"ريم العين " مرحبـــــــا كبار طول بعض مشكووورة إختيه على الرد

وإن شاء الله هب باطي عليــــــــكم..</font>

[راع7ي]

<font color='#000000'>عايشه : سخيف تعرف ولا ما تعرف
سعيد: لا والله ويطالع مرته:: سلامي عيوني ما قلتيلي إني سخيف
سلامي والألم إلي في راسها يخف : ترا أنا الحين يايه أقولك .. وتضحك هي وشمه ربيعتها
سعيد: إتفقي معاهم ومع هذه شموه أدريبها توزج عليه
سلامي: حرام عليك شموه حليلها أكثر وحده تحبك.. وطالع شمه وشمه منزله راسها أونها مسكينه ما سوت شي.. وسلمى تضحك لأن شمه ما تتغير نفسها هي إلي مع ربعها البنات نفس الحركات والسوالف..
شمه وهي أونها معصبه: سعيد وتقوله بالهندي " مجي توم سي نفرت كرتيهو" &nbsp;أونها تكرهه.. &nbsp;
حميد هني ما يود عمرة قعد يضحك على هذه البنية إلي تموت على شي اسمه فلم هندي .. وسعيد قعد محتشر عليها ليش هي تتكلم هندي : عنبوه إلي يقول الأم هندية
شمه: مالك شغل انت أبويه راضي انت شو محرر بك ..
ويدخل عليهم سهيل وأبوه توهم رادين من الصلاة ويسمعونهم محتشرين .. أبو سهيل: بلاكم محتشرين عنبوه ..
سهيل : إيه إنتي شموه سيري زقري أميه وحطو العشا أبويه يقول
شمه: إنزين كله بس يحتشرون .. وسارت تزقر أمها وعايشه اختها وشمسه
سهيل وهو واقف كانت بنت اخته شيماء قاعده جدامه وتصيح وهو ياي يمشي جان يحس فيها وأول مايات ريوله عليها طالعته وفي عيونها دموع وكان شكلها عذاب وهو طبعا كان طويل عليها زين ما أن كسرت رقبتها وهي طالعه .. وجان يتخبل عليها هو من بونه يحبها .. وجان يشلها من على الأرض
سهيل: تعالي حبيبتي ليش تصيحين غاليتي ها .. &nbsp;وذيج الساعة ظهرت أم سهيل وحطو العشا وسارو يتعشو ..
أول ما دش البيت كان محد فيه حتى أخته ما موجودة وجان يركض فوق لين غرفته وقعد شوي يرتاح عقب سار يسبح .. واليوم محد سأل عنه في البيت وهو يسبح قاعد يفكر بكذبه على شان يغطي على نفسه .. عقب قال خليها على الله بس وينه من أبوه صح هو الصغير والدلوع بس وينه من أبوه ما بخليه اليوم
وشوي يسمع صوت برا : مايد .. مايد أفتح الباب ..
رد عليها مايد : شو.. شو تبي
حصة: أميه تقول تعال تعشا
مايد: ياي .. ياي
وسارت عنه حصة وعقب خمس دقايق ظهر وسار تحت على شان أولا يهزبوه وثانيا يتعشا هذا إذا كان له نفس عقب الهز به .. نزل مايد شافهم كلهم قاعدين يتريوه .. مايد في خاطرة يقول " هذيل أحين يتريوني على شان نتعشا ولا يهزبوني .. هي سواف عيونه تقول جيه " سيف أخوه كان يعرف إنه مسوي شي بس ما حب أخوه الصغير ينهزب وتوه ثالث ابتدائي ..
سيف وعيونه على أبوه: ها أخ مايد ييت
مايد وهو خايف لأن نظرة سيف ما طمن: هي ييت
أم سلطان: تعال حبيبي تعال أنته وين من العصر وما شفتك
مايد: أنا في الحجرة
أبو سلطان: يا الله يا أم سلطان حطي العشا وهذه لاحقه عليه .. مايد بعده ما مطمن لأنه سواف قاعد يطالعه..
مايد وبنص عين يطالع سيف: شفيك قاعد تطالعني جيه .. سيف ماقال شي بس أكتفا بنظرات حق أخوه يدريبه يخاف منها .. المهم سارو تعشو.. وعقب العشا سارت حصة أدق بيت عمها أبو سهيل ..
حصة: وينهم هذيلا ما يشيلون التلفون .. أييييييه ألوه
سهيل الصغير : ألوووووووووووه منوه
حصة: انته منوه
سهيل : انت منوه
حصة: حبيبي وين شموه
سهيل : عموه صبري .. صبري بسير يزقرها بي
حصة: إن شاء الله.. وتضحك عليه
سهيل : سهيل منو على التلفون
سهيل &nbsp;الصغير: وحده تبي عموه شمه
سهيل: وليش ما رحت تزقرها
سهيل الصغير: بعيد ماروم سير قول ليها سكري أحسن
سهيل: وابي عليك أنا.. جان تقول هذه الكلام حق خالك قم نش سير عند أمك سير .. سهيل الصغير يضحك ما همه راح عند أمه وقعد في حير يده
حصة: هذيلا وين عنبوه ساعة على التلفون نتريا ساعة .. منو طالبين نحن
سمعها سهيل .. وبتسم بس عرف إنها بنت عمه : ألوه السلام عليكم
حصة وهي تتحرطم وتحس بحس ريال عندها على التلفون : ألوه وعليكم السلام .. وفي خاطرها تقول أنا المفروض أقول السلام عليكم بس يا الله ..
سهيل : هلا حصة شحا لج وأخبارج
حصة عرفته إنه سهيل : تمام الحمد الله يسرك حالي انت أخبارك وعلومك &nbsp;
سهيل: الحمد الله .. تبين شمه ؟؟؟؟؟؟؟
حصة: هيه من ساعة وأنا أترياها
سهيل: هيه سمعتج تتحرطمين
وجان تستحي حصة منه " يعني سمعني ياويلي عيل من الفضايح "
سهيل: لحظه &nbsp;شوي
وراح سهيل ينادي اخته شموه .. وشمه وهي يايه محتشرة أخوها حميد يبيها تكوي حقه الكندورة بس هي هب راضيه من يوم ناشه من الرقاد وهي تروح وتي ..
شمه: مرحبــــــــا منوه وياي
حصة: مرحبتين وينج إنتي هب قايله بتدقي حقي تستهبلين يعني
شمه: انزين انزين كلتينا والله .. يا ختي السالفه وما فيها هذيلا ياين من دواماتهم وقاعدين يتشرطوا علينا..
حصة: يعني نحن ما عندنا جيه يعني بس انتو عندكم.. لكل شي عندها أعذار
شمه: معصبه يعني.. داقه بيتنا تهزبيني ويا شيفتج
حصة: دعينا من هذه الحديث الآن .. أقول شو سويتي بالبروجكت
شمه: ما دري قلت حق شمسوه اتسويلي و سهيل بيكمل الباجي
حصة: يحليله سهيل كل مرة نقوله.. عيب عاد معبلين على الريال
شمه: حصوه إنتي ما تبين خلاص كيفج بس أنا بخليهم يسولي &nbsp;ذاك اليوم سوى حقي سهيل وجان أيب a
حصة: كيفج عاده .. إنزين أقول ما فصلتو حق عرس سمر ترا الملجه والعرس في نفس اليوم
شمه: ونـــــــــــاسه والله متى أنا يــــــــارب متى وبنفتك من هذه الدراسة العلة
حصة: إنتي فــــــايجه وايد ترا ..
شمه: لحضه .. لحضه .. بلاك روح ..روح يوم بخلص تلفون بكوي حقك .. شمه كانت تكله أخوها حميد وهو ما راضي يروح مستعيل &nbsp;ربيعه بيمر عليه بعد شوي
شمه: حصوه بكلمج عقب زين هذولي ما يخلون حد في حاله
حصة: أوجيييج بس أنا بروح أنام الحين ما رقدت من يوم ييت من الجامعة
شمه: ديايه أعرفج زين .. أوجيييج تصبحين على خير باي .. وتسكر عن بنت عمها وسارت تكوي حق حميد الكندورة لأن مايحب الخدامه تسويله أي شيء .. ومن بعد ما كوت حق حميد سارت حق اختها شمسه كانت في غرفتها عي وأختها عايشه كانن يرمسن بنت عمتهن شيخه .. ويات ترمس وياهن عقب سكرن عن بنت عمتهن وقعدن يسولف عن سوالف البنات ..
شمسه : هــــــــا وين عيل اربيعتج ومرت أخوج
شمه: في غرفتهــــــا ليش ؟؟؟؟؟؟؟؟
شمسه: عيل ما سرتي لها
شمه: هي مع ريلها وأنا شو أسوي عندهم .. حلوه ذي
شمسه: لا أنا عاد قلت يعني .. كنتي عندها؟؟
شمه: لا والله ما كنت عندها كنت أكلم حصوه بنت عمي على التلفون .. ونشت عنهم شمه وراحت غرفتها على شان ترقد .. وبعد شوي يا لين غرفتها وتم يدق الباب بس ماشي جواب .. سهيل يايب حق اخته شمه الأفلام بس هي راحت في سابع نومه .. وروح غرفته وحط راسه على شان يرقد وعلى طول رقد من التعب..
صار له خمس دقايق من ياي من صلاه الفجر و ملان روح عنه أبو يرقد .. وقعد يفكر بحاله سهيل ما يقدر هذه المرة يسوي رياضه في كل مره بعد صلاه الفجر يركض في الفريج أونه لا تضيع عنه اللياقة.. متمدد على الغنفه &nbsp;وملان على الآخر شكله ما ياينه رقاد .. وقاعد يفكر في نفسه في حاله ومرضه وإذا عرف أبو لا أمه شو بيسون أكيد بيشفقون عليه .. هو يبي يقول لهم بس كيف مــــــــا يعرف وبأي أسلوب يقول.. وعلى طــــــول
سهيل: أعوذ بلله منك يا أبليس .. خلني أشغل عمري بشي قبل لا يا كلني الوسواس..
راح سهيل برا البيت وقف في وسط البيت ما يعرف شو يسوي طالع سيارته وسار لها وقعد يعبل فيها .. ويوم خلص سار حق الزراعة وقعد يسقي الزرع لين ما ضهرت الشمس حس إنه تعبان ويبي يرقد .. وهو ما كذب خبر على طول سار غرفته وحط راسه ورقد..
وعلى الساعة 11 ونص تقريبا نشت سلمى وعلى غير العادة وشافت ريلها بعده راقد وقعدت تفكر بكلام شمه وقعدت تكلم نفسها .. يمكن أنا حامل ليش لاء أنا صار لي مده متزوجة يعني ما أستبعد .. أنا لازم أسير حق الدكتور.. ولا لاء أنا بسوي الفحص في البيت وعقب بروح المستشفى .. وما انتبهت إلا أيد ريلها على كتفها..
سعيد وصوته كله رقاد: بلاج حبي &nbsp;بشو تفكرين
سلامه وهي صج متروعة : ها ولا شي بسم الله روعتني بلاك
سعيد وهو يضحك عليها: &nbsp;ما روعتج بس إنتي كنتي سرحانه
سلامه: أنزين بغيت شي أنا بروح " كرمتو" الحمام بغسل وعقب بروح تحت عند عمتي
سعيد: أوجيييج حبيبي قعديني بعد ربع ساعة &nbsp;
باسته سلامه على خده و روحت عنه &nbsp;.. وفي مكان ثاني في البلاد في الفجيرة وفي بيت قوم ناصر كانت أمه تحن على راسه إنه ما يسير بوظبي لأنه الجرح العمليه بعد ما التحمت وهو راكب الراس يبي يروح لأنه خلصت الأجازة ما لته ..
أم ناصر: نصور قلنا ماشي سيرة
ناصر: الوالدة إنتي شفيج هب يا هل علشان تخافين عليه
أم ناصر: سمعو إنتو وجيف ما خاف عليك تراك ولدي
ناصر: الوالده ترا يوم اليمعة بسير صبري إنتي .. واليوم الخميس بارك الله فيج .. بعده درب
أم ناصر: ما مخالفه روح .. وتنش عنه رفع لها الضغط وسارت عند الحريم برا البيت يشربو شاي الضحى على قولتهم.. أما ناصر فدق حق سيف بس يبي يغثه
سيف وهو يشل التلفون: هـــــــــا شتبا
ناصر: السلام عليكم
سيف: والله إنك مغثه
ناصر وهو يغني: أرجوك رد السلام يا بو سمره ترا حرام
سيف: والله نصور طيرت إرقادي تراك.. و لا كن والله مردوده
ناصر: انت ليش جيه يا أخي رد السلام بلول
سيف: وعليكم السلام &nbsp;
ناصر: جيف الحال .. والأخبار
سيف وهو مرتفع الضغط عنده: الحمد الله يسرك الحال.. شتبي خلصني بسرعة
ناصر: سوافي ياخي ملان
سيف: تعال انت شو قالو لك أقول نكت أنا
ناصر: ههههههههههه تصدق والله إنك تضحكني فديتك متوله عليك من أسبوعين ما شفتك ..
سيف: انت طمني عليك شخبار وأخبار العمليه ..
ناصر : تمام .. بتشوفني في الدوام يوم اليمعة
سيف: ليش .. ياريال إنت بعدك يا أخي صبر زين انت مشي ما تقدر تمشي
ناصر: لا تقعد تسويلي مثل الوالدة حنت و حنت لين ملت
سيف: العيوز وأخبارها .. لاتسوي بعيوزك &nbsp;جيه تراها غالية
ناصر: ولا فوق هذه سعد ولد عمي ياي وما خلاني أرقد
سيف: يعني هو ما خلاك ترقد ياي تحطي حرتك فيني أسميك نذل
ناصر: ياي أشكيلك الحال وإنتي تزيدني ..
سيف: شو يا خي شتبا مللتني
ناصر: فديتك أدريبك بتستفيج حقي من جيه أموت عليك
سيف: شوف عاد ادهان السير مالتك مابيه خلصني شعندك
ناصر: وربي ما عندي شي بس جيه متوله عليك .. حرام الواحد يتوله على ربيعه
سيف: لا ما حرام بس انت معودني جيه
ناصر: أقول أقلب ويهك انت ما كفو الواحد يدق حقه بــــــــــــــــاي .. ويسكر ناصر عن سيف إلي ما سوى سالفة لناصر على طول رقد ..</font>

[الغرشوووووبة]

<font color='#E77471'>ثااااااااااااانكس ....
بالانتظار.......</font>

[شماسي]

<font color='#F660AB'><p align=center><font face="tahoma, arial, helvetica, sans-serif">قصه حلووه ووايد .. <img src="http://oasis.bindubai.com/emoticons/grinning.gif" border=0>

أتمنى منك اخووي انك اتكملها في اقرب وووقت .. <img src="http://oasis.bindubai.com/emoticons/smile.gif" border=0>

مشكوور اخووي .. <img src="http://oasis.bindubai.com/emoticons/laugh.gif" border=0>

شماسي .. <img src="http://oasis.bindubai.com/emoticons/blush.gif" border=0></font></p></font>

[راع7ي]

<font color='#000000'>العفوووووووو إختية الغرشوبه وتسلمين على المتابعة





منوووووورة شماسي وإنت الأحلا إختية وإن شاء الله بحطها لكم

كــــــــاملة .. و العفو لا عدمناج</font>

[راع7ي]

<font color='#000000'>دخل أبو سهيل البيت : يا الله حر
سهيل: بلاك الوالد هــــــــــا لا يكون بس شيبت ونحن ما ندري
وطالعه أبوه بنص عين وجان يضحك على أبوه &nbsp;وجان يقوله: أنا قلت حر ما قلت ظهري يعورني
أبو سلطان: جيه بعد تطالع ولدك وتقوله هذه الكلام &nbsp;صدقه ما كذب في شي.. خلاص راحت علينا
وتيهم أم سهيل وتسلم عليهم .. سلطان وأبوه وعمتهم موزه كانوا سايرين المزرعة وتلاقوا هناك وحلف عليهم أبو سهيل أنهم يتغدون بيته ..
سلطان وهو يكلم سهيل: عيل الشباب وين
سهيل: أكيد أرقود.. ولا تشوف حد ناش احينه &nbsp;..كانت شيماء تطالع من عند الممر جان يزقرها خالها وهي على طول سارت عنده..
سلطان: منو هذه الأموره الحلوة .. &nbsp; وهي مسو تله طــــــاف &nbsp;وجان يضحك عليه سهيل
سهيل: عـــــــاشت شيموتي فديتها طالعه على خالها يوم إنها تسوي طاف حق ناس .. ويلعب سهيل بحواجبه..
سلطان: جب زين جب والله إنك فشيله
سهيل: هي إلي مفشلتنك ليش بعد تحطها علي .. والله حـــــــــــاله
سلطان: أقول زين انت &nbsp;ما بدوام هذه الأسبوع
سهيل: لا ما خذ إجازة
سلطان: أخيييييييج بيغثني عبيد .. ولا منو إلي يوقفه عند حده غيرك
سهيل وهو يضحك: دواك روح معاه المكان إي يبيه ولا ..لا يفضحك أدريبه عبيد
وشوي نازل عليهم عبد الله وسلم على أمه وأبوه وعمه وعمته وولد عمه ..
سلطان: هـــــــا بو شباب شحالك
عبد الله : تمام ماشي الحال انت أخبارك .. أمرة قطعتنا مرة وحد ما يسوى عليك
سلطان وهو يطالع سهيل : مشكله يوم الواحد يتولهوا عليه
عبد الله : إيـــــــه انت لا يكون بس مصدق عمرك .. والله حــــــاله مشاكل الشواب يوم يصد قون عمارهم ..
سلطان وهو يضرب عبود على الراس: عبود احترمني تراني أكبر عنك شوف أخوك سهيل .. عبد الله ميت من الضحك..
سهيل: يعني انت ما تعرف عبود وسوالفه على طول تقعد تفاتن .. عنبوه ما ينقالك كلمه انت
سلطان: عبود بلاه أخوك أنا قاعد أسولف .. أقول انت إلي ما ينقالك كلمه يا سهيل..
وجان تنزل شمه من فوق هي واختها عايشه .. وطبعا سلمو على عمهم وعمتهم وأمهم وأبوهم وعلى ولد عمهم .. وقعدو سوالف لين أذان الظهر وسارو كلهم لصلاه ..وعلى الغدا كان سالم توه ناش من رقاد ..
وأبوه يطالعه بنص عين سالم صلاة الظهر ما يسيرها لأنه يكون راقد .. وهو يعرف ليش أبوه يطالعه ويحمد ربه إن عمه وعمته عندهم في البيت لأن كل خميس الظهر وعلى الغدا بالخصوص.. يلقاله فتنه من أبوه..
سالم: السلام عليكم ورحمه الله وبركاته .. و وايه عمه وعمته وولد عمه..
أبو سلطان : هلا بسالم وعليكم السلام يا وليدي .. شخبارك وعلومك
سالم: تمام الحمد الله انت أخبارك عميه
موزة: اشحالك سالم ..
سالم وهو يطالع عمته : هلا والله بالغلا كله .. تمام يسرج الحال .. وقعدو سوالف على الغدا وعقب يوم خلصوا روح أبو سلطان وعمته البيت .. وأمــــا سلطان قعد مع عيال عمه.. سوالف شبيبه عن السيارات وربعهم وناصر مال الفجيرة ربيع سيف أخو سلطــــان .. أذن عليهم العصر &nbsp;فنش كلهم لصلاه ..
شمسه كانت قاعد ويا شمه اختها وسلامي مرت اخوها : أنا بروح بيب حقي عصير حد ما يبي ..
سلامي: لا أنا أبي أبيه بارد بعد
شمسه وهي تتطالع مرت أخوها بحقد: وبعد ما تقول ما أبا .. ها شمه إنتي بعد تبي
شمه: لا والله ما بي شبعانة .. شمسه: على هواج إنتي الخسرانه ..
نزلت شمسه المطبخ وسارت سوت حقها عصير وحق مرت أخوها عصير وهي تتحرطم عليها .. سلطان كان ياي من المسيد راح غرفه سهيل علشان ياخذ مفتاح السيارة .. وهو ظاهر من الغرفة سهيل حس بالعطش فسار المطبخ .. وأول ما شاف كانت شمسه قاعدة تحط الثلج في العصير وكانت لافه شعرها بالمشبك وخصلات من شعرها على رقبتها وكان شكلهــــا رقيق مع اللون الوردي يالي في ورود بالون البني الفاتح &nbsp;.. و الحبيب مبهت في الحبيبة .. وهي ترد الثلج لثلاجه جان تشوفه ونصدمت ما كانت تدري بأنه موجود في البيت تتحسب إنه روح بيتهم.. وتمت واقفه مكانها وهو ما منتبه على عمرها.. وجان يرن مبايله كان سهيل داق حقه شل سلطان المبايل وعلى طول طلع برا البيت وهو مرسوم على شكله صدمه مع ابتسامه ..

الجزء الثاني
شلت شمسه العصير حق شمه و سلامي &nbsp;وسارت وعلى طول غرفتها خلت شمه وسلامي على ويوهم علامة استفهام.. شمسه وهي منصدمه :: أبيه شو هذه الحــــالة &nbsp;احينه شو بيقول عني .. أقيد بقول بنتهم ما مربايه شو هاي الحـــــالة .. وتمت تفكر لين ما أذن المغرب قامت صلت وردت إنسدحت على الشبريه تفكر في حظها التعيـــــــــس على قولتها.. وعقب دقت عليها اختها شمه الباب :: هـــــــا شو بغيتي
شمه: انزين بطلي الباب .. سارت شمسه وفتحت حق اختها الباب ..
شمسه: هـــــــا شو بغيتي
شمه: ما بغيت شي.. إنتي شايفه الســــــاعة جم &#33;&#33;&#33;&#33;&#33;&#33;&#33;
شمسه: ليش جم الساعة ؟؟؟؟؟؟؟؟؟؟؟؟
شمه: وأنا أقول إنتي هب على بعضج إنتي شي يعورج؟؟
شمسه مول ما كانت ويا شمه اختها كانت تفكر بولد عمها .. كيف يفكر فيها بعد هذه الموقف يالي صـــار لها اليوم في المطبخ..
شمه: إيه إنتي حووه أكلمج أنا
شمسه: وهي تنتبه على اختها شمه :: ها بغيتي شي
شمه وهي تطالع اختها بنضرة: طاعو انت ها.. مــــــا فيني شي سلامتج بس أميه تقول ما تبين عشا &nbsp;
شمسه: خلاص بصلي الفرض ويايه :: وسارت شمه عن اختها بس هي حاسة بأنه اختها فيها شي .. ونزلت تحت وسوت للموضوع طاف ..
وفي مكان ثاني في دبي وعقب العشا كان سلطان رايح بيت عمه علشان بيروح هو و سهيل المقهى &nbsp;وأول ما وصل بيت عمه على طول تذكر بنت عمه يالي ما راحت عن باله ولا دقيقه وهذه الموقف عمرة ما راح يخوز عنه ولا ينساه .. سلطان وهو يعدل غترته : &nbsp;ليش مو راضيه تخوزي عن بالي ليش؟؟ بس ما شاء الله عليج حلوه .. أييه شو قاعد تقول بنت عمك هذه .. بس والله إنها حلوه ما أنلام .. وبتسم سلطان بسمه خفيفة وعذبه ونقيه .. ومر عليه الوقت وهو يفكر حتى ما حس إن ولد عمه تأخر عليه .. وعقب يا له سهيل ومحطي في باله إن سلطان بيحتشر عليه بس سلطان كان هادي ومشى وراح المقهى :::
حميد يا ريال خلنا ندخل هذا الفلم بلاك أنت .. خالد ربيع حميد كان يكلم حميد وحميد لازم يسوى هذه الحركة في ربعه لأنه ما يبي يندم على الفلم يالي بيدخله عقب.. كانوا في دار السينما إلي في الستي سنتر.
حميد: يا الله اليوم ما في أفلام
منصور: ليش عاد ؟؟
حميد: ما في شي حلو من الأفلام المعروضة .. قوموا نتمشى يلا
خالد: طاع هذه يا خذ الشور بروحه .. أقول بو الشباب روح بروحك تمشى نحن بندخل الفلم
حميد: يا ريال قوم خلنا نتمشى ما بينفعك الفلم
منصور: جان عن نفسي أنا بدخل الفلم .. ها حميد بتي ولا ما بتي
حميد: أمرنا لله شو نسوى قرار الأغلبية فقتكم:: دخلو الشباب قاعه السينما وعقب يوم خلص الفلم كل واحد روح بيته لأنه باجر عندهم صلاة يمعه .. &nbsp; ومر يوم اليمعة عادي بس الشباب يالي في البيت كل واحد روح لين شغله إلا حميد وسالم كانوا يداومون في دبي سالم ضابط في كليه الشرطة أما حميد كان محامي في شركتهم يجابل الحلال على قولته أما سهيل كان يشتغل في أدنوك مهندس بترول وهذه الأسبوع ما بيداوم لأنه بيروح عند الدكتور لأنه عنده موعد مع الدكتور يالي يعالجه :: بعد صلاة العشا كانت عايشه تتريا ريلها لأنها بتروح لبيتها ::
أم سهيل : ها يا بنيتي ما روحتي؟؟؟؟؟؟
عايشه: لا سعد ما وصل .. ها الوالدة تبين الفكه مني هاه
أم سهيل وهي تضحك: لا والله محد يبي الفكه من ضناه فديتج إنتي الغالية
عبد الله : أميه ما تبي حد يدلعها هاي عيوز ..
عايشه: يعلك احترمني على الأقل أنا أختك العودة &nbsp;
فاطمة: الاحترام منعدم عنده عبود
عبد الله : أقول عايشه على ما أعتقد إني ما رمستج صخي أحسن لج
فاطمة وهي فاهمه منو يقصد: نعم أخ عبد الله شو قلت
عبد الله : ها الوالد شو قلتي بالموضوع إلي قلتلج إياه &nbsp;
أم سهيل وهي تطالعه بنظرة : عبود بتخوز من ويهي ولا
عبد الله : يعني أفهم انج ما خبرتي الوالد
أم سهيل: ما قلت له وجان تبي ترمس روح هذا أبوك روح خبرة ..
عبد الله وماد بوزة شبرين وقعد يطالع أمه :: عبد الله يبي موبايل ويخاف يقول لأبوه يفتن عليه من الزيين :: وجان تتطالعة فاطمة بنظرة وهو أنقهر منها وطلع ويا ولد يرانهم بيروحون السوق .. وعقب وصل سعد وجان ينزل يسلم على عمه وعمته وعقب روح لبيته ::
سهيل كان قاعد في الصالة يفكر بحاله لين وين بتوصل بس سمع صوت سعيد ويا سلامي مرته وقعد يطالعهم .. كان سعيد ظاهر هو ومرته من جناحهم
سعيد: سلامي حطيتي ليه أربع كنادير
سلامي: حطيت لك كل شي حطيت بلاك انت
سعيد: أهم شي حطيتي الفرشاة والمعجون لا أخيس عليهم في الدوام &nbsp;
ابتسمت سلامي : ليش يعني.. انت المفروض ما تسألني أنا قايمة بواجبي وزود بعد
سعيد: فديت يالي واثقة من عمرها .. تدرين عاد الأسبوع إلي طاف ناسيه تحطين حقي البدلة يالي قلتلج تحطينهــــــــــا &nbsp;..
سلامي قفط ويها لأنها ما تحب تكون مقصرة في ريلها: إنزين أنا إنسان لازم أنسى
سعيد: عمري قلبي لا تحاتين لو تنسين كل أغراضي ما ألومج يا أم زايد
سلامي: أم زايد مرة وحد خله أي بلول عقب يصير خير
سعيد: إن شاء الله بي
سلامي: إن شاء الله
وجان يشوفون سهيل قاعد في الصالة ..
سعيد : ها سهيل قاعد عيل
سهيل: قاعد
سعيد: ما بتروح الدوام انت
سهيل: جان ودي بس هذه الأسبوع هب رايح " يبي يحرة "
سعيد: ليش يعني أنا الوحيد يالي بيروح الدوام&#33; وش ها &nbsp;الحالة
سلامي: الله وياك
سعيد: طرده ذربه
سهيل: تفضل اطلع برا البيت يلا
سعيد: المهم أنا بروح يا الله شاااااااااااااااااااااااا ااو
طلع سعيد برا البيت وكانت سلامي وشمه وياه ::
سعيد وهو يشغل السيارة ويطالع شمه: نعم خير إن شاء الله
شمه: بسم الله الرحمن الرحيم أشفيك تطالعني
سعيد: فارجي عنبوه لاحقتنا حتى لين السيارة :: شمه فهمت وسارت عن لا يحترق ويها زيادة
سلامي: حرام عليك ليش انت جيه
سعيد: لا شمه حبيبتي تفهمني..
سلامي: بس شمه حبيبتك ..
سعيد: فديت يالي يغارون أنا .. يا لله عيل حبي بوسيني يا لله &nbsp;بسرعة بروح :: باسته سلامي وروح لدوامه من بعد لستة النصايح يالي قالتها أو بل أحرا حفضها سعيد من سلامي..
ودخلت سلامي غرفتها وكانت أمها داقه حقها وقعدت تكلمها وعقب جم من ساعة دق عليها سعيد وقعدت تسولف وياه لين وصل الدوام وعقب سكرت عنه وقرت قرآن وحطت راسها ورقدت .. أما سهيل فقعد يفكر سعيد أخوه متزوج وعنده من يهتم فيه في كل شي .. &nbsp;بس ما يقدر يتزوج لأنه &nbsp;ما يبي يظلم بنت الناس وياه &nbsp;خصوصا إنه في مرض القلب .. بس هو ما يبي يفكر بهذه المواضيع على طول قعد يقرا قرآن عقب رقد..
يوم السبت الكل رايح لدوام وإلي رايح المدرسة وإلي رايح الجامعة.. ظهر حميد ويا أبوه لشركة وظهر سالم لكلية الشرطة .. وعبود راح المدرسة هو ويا فاطمة ومحتشرين في السيارة أما شمه وسلامي مسوين حقهم طاف لأنهم دوم جيه منــــاقر في السيارة جنهم ديج وديايه الله يعين الدريول.. وتم في البيت شمسه و سهيل وأمهم .. سهيل بعده راقد أمـا شمسه كل يوم تنش وتساعد أمها في البيت وعقب ترد ترقد.</font>

[تحفه]

<font color='#FF0000'><p align=center>قاعده اقراها&lt;&lt;&lt; مب تقطعونها نفس هاذيج القصه انزين</p></font>

[راع7ي]

<font color='#000000'>هههههههههههههههه لا والله إن شاء الله لها تكمله

ولا تزعلين إنت بس..

وتسلمين على الطوووووووووفه إختية</font>

[الغرشوووووبة]

<font color='#E77471'><img src="http://oasis.bindubai.com/emoticons/017.gif" border="0" valign="absmiddle" alt=':f17'> &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; بالانتظــــــــــــــــــ ـار....</font>