<font color='#000000'>محمد: يقولج يوعان.. &nbsp;أونها " ويقلدها" الزبد يالي تنحط على التوست .. سيري سوي له أكل
سمر: حصة بتسوي حقك أكل أنا ما عرف أسوي أكل
سيف: وبتعرسين بعد .. على ثاني أسبوع بتردين مطلقة &nbsp;
سمر: فال الله ولا فالك .. أنا بعدني ما ملجت وأنت تقول جيه
سيف: فيتك ولد خالوه أسميك بتبتلش
سمر: ودك انت بوحدة مثلي..
سلطان: بتسولنا أكل ولا جيف يعني
سمر: أنا بروح بزقر حصوه خلها تسولنا أكل حتا أنا يعت &nbsp;:: سارت سمر و زقرة حصة وقعدو يتعبثو في المطبخ وسولهم أكل وكلو وعينو من الله خير و سارو رقدو كلهم .. مر الأسبوع بدون أي إثارة غير أنه البنات معذبين الشباب بطلعاتهم والدري وليه بروحم مر تبشين بعرس سمر..في بوظبي مول كان سهيل يتمشى ويا سلطان وعبيد وهزاع ..
هزاع: ها شباب ناوين تدخلون فلم
عبيد: لا بس من الأفلام يا ريال ..
سهيل: ما من عوايدك يا عبيد تقول هذه الكلام
عبيد: تغيرنــــــــــــــــــــ ا
سلطان: مسكين حالك يا عبيد .. أقول شباب سرينا محل العطور
هزاع: ها بلاك يا سلطان قمنا محل العطور ما حيدك .. أحيد سهيل يالي يشتر العطور وإلا الحبيبة طالبة
سلطان ويهز راسه من سوالف هزاع: خل عنك الهذربة الزايدة قم خلنا نسير محل العطور
هزاع: عيل ليش تبغي عطر ليش ؟؟؟؟
سلطان: طاعو انتو هاه .. وراية عرس لازم أتخشخ فيه
عبيد: أفأ والله &nbsp;تعرس ونحن ما ندري
هزاع: لا وبعد جيه يقولها
سلطان وهو يضحك ويطالع سهيل : لا يا الربع العرس هب عرسي العرس عرس الرضيعة
عبيد: روعتنا يا أخي ..
هزاع : والله تحسبت عرسك
عبيد: لو عرسك وما قلت حقنا صدقني ما بكلم..
سلطان: الحمد الله إنه ما عرسي .. والحين من بسير ويايه
عبيد: ولد عمك بيسير وياك
سهيل : على كيفك هو
هزاع: ولد عمك انت أولى فيه
سهيل: تبريتو هاه :: هزاع وعبيد جان يهزون روسهم وسارو عنهم . أما سلطان و سهيل سارو يشترو العطور ..وفي محل العطور كانن بنتي على طرف المحل يشترن عطور..
هند: يا الله عاد خلصيني ما يسوى عليج
شيخه: بلاج إنتي بلاج ليش مستعيله جيه ..
هند: والله أنا الغلطانة إني ييت معاج &nbsp;
شيخه: ما قلت حقج والله
هند: بس إنزين بس بتذلنا عاده :: هند وشيخه خوات &nbsp;شيخه أكبر عن هند وهي مخطوبه أما هند بعدها تدرس في الجامعة وهي خريجه السنة اليايه.. أمـا سهيل أول ما شاف البنات جان يطلع وسار له سلطان: بلاك يا سهيل ..
سهيل: يا أخي بنات وأنا ما حب البنات
سلطان: قم بس قم عن الدلع .. أونه " ويقلده " أنا ما حب البنات &nbsp;..
سهيل: هيه وأنت تعرفني زين
سلطان وهو معصب: هذه ما مال أبونا .. شو رايك أنطلع البنات وعلى شان تدخل حضرتك
طالعه سهيل بنص عين: تستهبل يعني
سلطان: أشوفك يا أخي
سهيل: زين زين لا تاكل فوادي &nbsp;:: ودخلوا مره ثانيه وقعدو يشترو من العطور يالي يبيهم سلطان و سهيل بعد صح إنه ماله نفس يشتري بس هو شرا له جم من عطر وعقب وهم طالعين جان تطيح غشوه هند عن ويها و سهيل لا أرادين أطالع لأنها صرخت بس بصوت مو مسموع أتحسب شي الحبيب .. وجان يطالعها وهي بعد ما قصرت كانت عينها مجحله ومبين لون عيونها حس سهيل إنه أطالع البنية وايد فحس بالخجل وطلع ورا ولد عمه .. أما هند ماتت من المستحى وطاحت في اختها طيحه لأنها قلت لها تشل الجيس يالي كان تحت عسب جيه طاحت الغشوة وتمت متلومه هند حليلها والله &nbsp;:: سهيل لبس الموقف بس يوم إنه يتذكر الموقف يبتسم حتى هزاع فتن عليه ليش يبتسم يتحسب يضحك عليه ما يدري الريال لاعب دورة ..
سلطان: عبيد هزاع تراكم معزومين عن &nbsp;لا تقولوا ما عزمتكم ..
عبيد: أفا عليك انت ما طلبت شي جان على العرس حـــــاظرين لطيبين
سهيل: و انت يا هزاع شو قلت&#33;&#33;&#33;
هزاع: إن شاء الله إذا قدرت
سلطان: لا إن شاء الله تقدر
عبيد: على هواك انت بس &nbsp;..
سلطان: مشاكل بعد
سهيل: قوموا خلنا نروح الشقة أبي ألحق على الصلاة
عبيد: جيه شو تتحسبنا نحن ..
سهيل: أقول ما قلت شي أنا.. ممكن نروح
هزاع: أفــــا عليك الشيخ .. روحنــــــا :: وسارو الشباب لشقتهم لأنه ما بقى على أذان المغرب غير 7 دقايق :: أمـــا في دبي عقب صلاة المغرب كانن البنات يبون يسيرون السوق شمه وشمسه وحصة .. أما فاطمة فكانت عازمة ربعها في البيت فأجبرت على إنها ما تروح وياهم هذه المرة :: و عقب وداهم السوق حميد المسكين " الله يعينك ترا البنات أذيه " ..
حميد: ها شمسه أي مركز تبين تروحين
شمه: ودنا البستان
شمسه: ملقوفة ما تلام ..
حميد: لا والله أنا اليوم فايج لكم .. وين احينه البستان يعني
شمسه: البستان .. البستان الله كريم :: وسارو مركز البستان مثل ما اتفقن
حصة: تعالي هذه المحل :: يبون يشترون ماكياج وحميد ما يحب هذه الخرابيط .. لو يدري على طول بيردهم البيت ..
شمه: تعالي بعدين . بعدين &nbsp;
حصة: ليش عاد
شمه: حصوه لا تستهبلي حميد أخويه ما يحب هذه السوالف لو يدري إنا يا يين لهذه جان ما يابنا من الأساس :: حصة كانت متضايقة من حميد ليش إنه سالم كان بيوديهم بس انشغل وقال لحميد يوديهم
" حليلك يا حميد" &nbsp;ومن جيه متضايقة تبي تشوف سالم .. حميد سمعهم بس سكت عنهم وقال في خاطرة " يا ريال اشتبي فيهن هذيلا بنات وعندهن عرس لازم يتكشخن" ..
حميد ويبي يغلس على البنات: ما خلصتن انتن
شمه: بلا خلصنا ..
حميد : ما تبون تدخلون محل ثاني
شمسه: لا بسنا من هذه المركز
حميد: يعني تبون تسيرون مكان ثاني
شمه: إذا تكرمت أخويه
حميد: إن شاء الله وين الحين بغيتن تسيرن
شمسه: ميركاتو
حميد: طوفن إنتي وياها
شمه: شفتي حصوه أخويه وأحبه قاري أفكارنا الحبيب :: وشوي هم خاطفين حذا المحل يالي يبون يشترون منه مكياج..
حميد: ها ما تبغن من هذه المحل شي &nbsp;
شمه وهي تطالع شمسه بس شمسه سوت عمرها ما تعرف : لا والله ما بغينا شي مشكور
حميد: متأكدين
شمسه: شو ها إي محل
حميد : يستغبن خواتي يستغبن &nbsp; &nbsp;
شمه: والله ما بغينا شي
حميد: على هواكن :: سارن ميركاتو وكان &nbsp;زحمه المهرجان فيه وحميد تضايق بس ما بيت لهن وخصوصا كانو الشباب مزررة في المركز وكان واحد من الشباب يطالع شمه وشمه على قد نيتها .. حصة انتبهت على الريال انتبهت على حميد يوم إنه يعصب وجان يتأفف &nbsp;ومبين عليه إنه معصب .. لأن خواته ما يتغشن بس مستورات الحمد الله .. وكانت شمه قمة في الجمال وشمسوه و حصوه بالمثل يعني ما يلام الريال يوم إنه يطالعها بس هذولا خواته ومسؤوليته ..
حميد: قومن روحانا يا الله بسرعة وراية
شمه وهي تصاصر شمسه : دقت عليه الحالة أخوج
حصة: بلاكم حميد تجدمنا يا الله قبل لا يفتن عليكن
شمسه : سيري لا يلعنا أخوج :: وسارن البنات وركبن السيارة و حميد ما قال ولا كلمه والكل احترم سكوته .. وصلو بيت عمهم ونزلت حصة وعقب ساروهم البيت وركبت كل وحده لغرفتها وقعدن يشوفن أغراضهن .. ومر الأسبوع &nbsp;وبدا أسبوع العرس والكل مرتبش في بيت أبو سلطان حتى بيت أبو سهل مر تبشين " العرس بيت عمكم و ليش كل هذه اليوله في بيتكم " المهم عبود محتشر يبي معلايه أونه ..
أم سهيل: معلايه لا فديتك تبي أبوك يذبحنا .. وبعدين يوم بكون عرسك ذيج الساع تشرط حبيبي
فاطمة: عبد الله العرس عرس بنت عمي يعني الشور هناك هب هنيه ..
عبدالله: كيفكم الواحد يبي يطوركم بعد ..
أم سهيل: خل تطورك حقك :: وشوي يرن موبايل عبدالله " هيه نعم موبايل عبدالله ترا قالهم إذا نجح يبي موبايل ما يهمه إذا كان مستخدم بس همه يكون ملون ويكون أحسن لو يكون سلفر بعد عبود يتشرط"
عبدالله وهو يرد على ربيعه : مرحبـــــا ملايين بو الشباب وينك انت يا أخي ما عاد تنشاف قلنا صيف بس هب جيه..
مانع: هلا والله بو حميد وأخبارك وعلومك
عبدالله: تمـــــــام و الحمد الله
مانع: ها وين انت
عبدالله: في دارك
مانع يستهبل: احلف.. قول والله إنك برع البيت
عبدالله: والله مشكله شباب دبي يوم إنهم يستهبلون
مانع: على هواك انت بس .. ها في بيت
عبدالله: يعني وين تباني أروح .. خايس في هذه البيت تقول بنية
مانع: محشوم بو حميد محشوم
عبدالله: ها مانع تراك معزوم على العرس انت بعد
مانع: تسلم والله تسلم الشيخ .. أقول ما بتي ويانا احينه
عبدالله: وين إن شاء الله ؟؟؟؟؟
مانع: المراكز نتمشى
عبدالله: انتو ما عند كم غير هذه المراكز يا أخي مليت وأنا أسيرها &nbsp;
مانع: بتسيير ولا ما بتسيير احينه..
عبدالله: الله كريم بسير وياكم متى بتسيرو ؟؟
مانع: عشر دقايق ونكون عندك ..
عبدالله: وتم .. دقو حقي يوم بتو
مانع: يصير خري عيل نخليك نتلاقا خلاف عيل
عبدالله: اقلب ويهك عيل بــــــــأي :: ويسكر عبد الله عن مانع ..
أم سهيل: ها الغالي وين بتسير
عبدالله: بروح بيمر علية مانع بنسير نتمشى يا الله عيل الحين بخليج الغالية .. ويبوس راس أمه ويطلع لمانع ..يوم الثلاثة من أسبوع العرس الوقت كان الساعة 5 العصر كانت شمه راقدة على سب عقب تروح بيت عمها &nbsp;وسلامي رايحه بيت أهلها وفاطمة قاعدة على النت أمـــــا شمسه كانت تتعدل لأن حمده ربيعتها بتيها وبتقعد وياها.. وكان في الصالة عبود قاعد يلبس دلاغة بروح يلعب كرة &nbsp;..
عبد الله وهو يصرخ : جول &nbsp;جووووووول عنبوه شو هاي الخدامة
جول وهي تنادي: نعم أبدله
عبدالله : إنتي ما تسمعين من مساعة قاعد أزقرج
جول: شو يبي أنا في يسمأ
عبدالله وهو عاقد حواجبه وبصوت رجولي: روحي يبي حقي ماي .. سارت جول وهي تتحرطم على عبد الله مأذنها هو سالم " اختج كما اختج والزود طشونه " .. ودخلو من باب الصالة الرئيسي وهم محتشرين ..
عبدالله: حوو . حوو بلاكم تباغمون في ناس راقد في البيت .. والله حاله
سلطان: السلام عليكم ورحمه الله وبركاته
عبدالله: وعليكم السلام شحالك يا ولد العم &nbsp; &nbsp;
سلطان : يسرك حالي وأحوالي
سهيل: بتطلع انت ؟؟
عبدالله: شو تشوف انت
سالم: جاوب على قد السؤال
سلطان: بلاكم كلتو الريال &nbsp;شوي. شوي عليه
عبدالله: أنا أدري جبيرت جبيرت عافانا الله
سالم: وين شموه ؟؟
عبدالله: راقدة شوتبابها
سالم: ســـــالفة .. عيل أنا بروح أسبح وبي عقب عشر دقايق &nbsp;
سهيل: وأنا بعد بروح أسبح تعال سلطان حياك تفضل البيت بيتك
عبدالله: تفضل سلطان تفضل .. قعد سلطان ويا عبود وقعدو سوالف وضحك وعقب سار عبود المطبخ عسب يقرب بولد عمه ومنها يفتن على الخدامة لأنها ما يابت حقة ماي تأخر بسبه الماي ..
عبدالله: جولوه أنا ما قلت حقج تيبي حقي ماي هـــــــــاه
جول: أنا الهينة في جيب هقج ماي
عبدالله: يبي بجوف.. يعلج شو أقول سوي عصير بسرعة &nbsp;بــــــارد بعد وأنا قاعد حقج هنيه في المطبخ .

ووووووووسوالم</font>