<font color='#000000'><font color=&#39;#000000&#39;>كانت كاشخة على الآخر نزلت تحت عسب تشوف كل شي أوكية وجان تمشي في الصالة ما انتبهت على إلي قاعد فيها وهو قاعد يشوفها وجان تصد شوي عند الباب حست بشي أسود على طرف عينها ويوم طالعتة زين تبين لها الصورة في عينها كان هو قاعد لابس كندوره سوده ومتعصم وعلى ويهه ابتسامه جانبيه نص ضروسه طالعات وقاعد يطالعها .. حست بقشعريرة تسري في جسمها ما عرفت شو تسوي أنربط لسانها حتى الأفكار انمحت من عقلها ما عرفت شو تسوي أو هو شو يسوى في بيتهم :: سهيل فاعد يسبح وشوي حس بألم بصدرة بس كان خفيف وهو ناسي يشرب دواه وعلى طول بطل الثلاجة الصغيرة يالي في غرفته وشرب دواه ونسدح على شبريته وخذ له نفس وحس بعمرة ما يقدر يتحرك وقعد يطالع غرفته بعينه الناعسة يالي فيها ماي حوالي عشر دقايق وعلى طول تذكر ذيج العين الكحيلة يالي انطبعت في عينه كل ما غمضهن تذكر لون بشرتها الأسمر والخشم الطويل جنه مرسوم سهيل: يــــــا سبحان من خالقج .. هل بنجتمع يا ترى في يوم ؟؟ وتذكر الموقف وكيف كانت منصدمه وضحك تذكر سلطان يالي يترياه تحت وقعد يلبس.. أمــــا سالم عقب ما خلص دقت حقه أمه وقالت له إنه تبي ترد البيت وهو مستعيل وعلى طول دق لسعيد على شان يقوله يوصل أمه البيت .. أما تحت في الصالة كان السكوت هو سيد الموقف .. سلطان حب يكسر حاجز السمط يالي بينهم هي ما رحبت فيه "من فجعه الأخت" ..
سلطان: هلا شمسه شحالج وأخبارج
شمسه وهي مترددة : بخير والحمد الله
سلطان: بلاج
شمسه: ما بلاني شي ونزلت عينها " الحقيقة شمسه مستحية عسب الموقف يالي حصل من بينهم في المطبخ"
سلطان حس إنه غير مرغوب فيه من قبل شمسه : عيل ليش ساكتة
شمسه: عيل شو تباني أقول
سلطان: إنزين تعالي قعدي .. بعدين أحس إني غير مرغوب فيني ..
شمسه وفي نفسها تقول بلاه هذه قام يخرف أشوف: لا والله خذ راحتك البيت بيت الشيخ :: وقعد مقابله
طبعا سلطان كان يتريا هذه الفرصة وكان يبي يتكلم معا ها "بس منو يالي يخليك ترمس يا سلطان" ..
عبدالله: وهذه العصير و السموحة على التأخير أهو شمسوه انت هنيه
شمسه: هي ليش
عبدالله: ولا شي بس أبي أروح النادي شكلي وايد تأخرت
شمسه: الله يحفظك :: وجان ينزل سهيل كان شكله حلو لابس كندورة عربيه سوده وغترته كانت حمرا ولابس نظارته بعد .. كان يكلم فاطمة أخته يالي من شافت شكله تعلقت في حتى النت بندته ..
سهيل وهو يلعب بفروخه الكندورة: السلام عليكم
سلطان: متسفر متعدل على شو ؟؟
سيل: سايرين لعرب نحن مو بتانيه ..يا الله قم خلصنا خلنا نروح ونرجع بسرعة قم يا لله هبابنا .. طلع سلطان و سهيل وعقب نزل سالم يالي محتشر على سعيد يالي تأخر على أمه ..
سعيد: بلاك محتشر
سالم: قلتلك روح ييب الوالدة لا تقعد تروح يمين ويسار
سعيد: تراني رحت آخذ حرمتي من بيت أهلها
سالم: زين. زين سير بيت عمي خذ الوالد تراها محتشرة ..
سعيد: إن شاء الله
سالم: عســـــا خير إن شاء الله حيالك .. وبند عن سعيد وهو يفتح باب الصالة جان يشوف جدامة بنية ما يعرفها وشمسه حذالها وتطالعه فعرف إنها حمده ربيعت أخته لأنها قالت لهم ما يدخلون البيت في وقت العصر ..
سالم وهو رافع حاجب: السلام عليكم والرحمة
شمسه بتموت منه كفاية في التلفون بعد فيس تو فيس "لا البنية بتروح من بيتهم زعلانه"
حمده وبصوت خفيف: وعليكم السلام
شمسه: تفضلي حبيبتي الميلس .. وفي نفسها تتوعد له
سالم: بنت منو ما شاء الله .. حمده تطالع شمسه باستغراب وهي معصبه
شمسه وهي متوهقه : سالم خلاص روح . روح
سالم: ليش البنية ما ترمس.. في التلفون لسانها طويل ؟؟ " مصختها سالم عاد مالك شغل انت" سارت شمسه ودخلت البنية الميلس لا يزيدها مشاكل وطلعت لأخوها سالم بس ما لقته شكله روح عنها بس هي ما بتخليه في حاله :: أمــــا سالم فكانت علامة التعجب مرسومه على ويهه : هذه يالي أهزبها في التلفون يطلع شكلها جيه البنات مشاكل حلوه يوم تعصب ونـــــــاسه ..
طلعت له فاطمة: بلاك سالم
سالم: ما فيني شي ومشت هي وياه لين باب بيتهم إلي في الحوي ..
سالم: دشي داخل ما عدنا بنات يوايجن من البيبان
فاطمة: بلاك هذه إلى فريجنا.. من الله صغارية يلعبون
سالم وهو يطالع الصوب الثاني: دخلي بشوف وقولي حق الزراع يسقي الزراعة يالي برع شو في جيف صايرة.. سارت فاطمة وخبرت الزراع بالي قاله لها سالم و دخلت تسلم على حمده عقب طلعت وقعدت ترمس في التلفون .. بس عاده أسكت بس
مروان : وين باباه
روضه: الحين بيوصل بس أسكت
مروان: ما بثكت ما بثكت ..
روضه : برايك لا تسكت بس منوه إلي بيعطيك حلاو
مروان : باباه بيعتيني حلاوه
روضه وهي معصبه : بسوم. سوم تعالي شلي ولد أخوج
بسمه وهي يايه من غرفتها: شو. شو بغيتي يا لسه تزعجين
روضه : خذيه أذاني ما يرضى يسكت
بسمه : و الوالدة وين عيل ؟؟
روضه : ما دريبها
بسمه : مرواني حبيبي انته بس أسكت
مروان وهو ماد بوزه شبرين ومنزل حواجبه : سكتي إنتي ما حبث أنا
بسمه: أفـــــأ هذه و أنا عموه يالي تحبك .. وشوي ويدخل عليهم أحمد وهو قاعد يغني " الناس ما يسونه لي عالي مستواه " ويمدها ويقلد حسين الجسمي وجان يشوف خواته على طرف عينه ..
أحمد : هـــــا بسمه بلاج .. وجان يربع حقه مروان وقعد يصيح زيادة في حضن عمه : حبيبي بلاك ليش تصيح ..
روضه: يدلع ما عليك منه
أحمد: جيف يدلع وهو بيموت من صياح .. شفيك مرواني .. مروان جنه يالي يصيح له أبوه وكسر خاطرة أحمد ولد أخوه : إنزين أنا بروح بحوط فيه وعقب بي أوجيييج
بسمه: يكون أحسن والله أحس راسي بينفجر من صياحه
روضه: سمعو انته أنا يالي راسي بينبط هب إنتي من مساع وأنا وياه مع عيال اختج هذولي.. المهم ظهر أحمد من البيت و حوط ولد أخوه وعقب رد البيت وكان مروان ساكت وهو يا كل الكافي يالي شراه حقه عمه .. وعقب وصل ذياب أبو مروان وطبعا وبدن أي مقدمات ربع مروان لأبوه .. وأبوه مستانس عليه وقعد يخورط عليه من رمسه اليهال ..
ذياب:أحلف قول والله
مروان : هي كان تدلبني بحيييييييل
ذياب: ما عليه أنا أراويها روضوه . روضوه
روضه: نعم
ذياب: ضاربه ولدي ؟؟
روضه: لا ولا مسيته بعد
مروان : بلا . بلا دلبتيني
ذياب وهو ميت ضحك على ولده وعلى الطريقة يالي يدافع فيها عن نفسه يدري ولده شوي يتغلى بس شو يسوى ما يبيه يفقد حنان أمه : محد يلمس ولديه تسمعون
أحمد: مادري ولد منوه عـــــــــــــــاد
ذياب: الله يخليك
بسوم : أسمع صوت سيارة أكيد أميه وصلت.. وطارت على باب الصالة على شان تشوف أمها ..مرت الأيام وكانو في العرس مرتبشين ربشه سهره صبـــاحية عند شباب العايله الرزيف وتيبيس ورمسه لين تالي الليل .. أما البنات ف كانن يستانسن وهم يشوفون الشباب يرزفون ويولون ويبسون " الله وناسه " حق سمر يوم إنهم أيون حقها بليل ..إلا سهيل وسلطان وحميد على قولتهم برستيجهم ما يسمح ..
سالم كان مصر إلا يرزفون : روحو زين ويا هذه البرستيج عيل أنا ظابط في كليه الشرطة رزفت
حميد : لا يا بابا أنا محامي ما قدر أسمحلي لا تغصبني
سلطان : تسمعه وش يقول يا سالم
سالم : خله يولي تعال سلطــــان هذيلا ما منهم فايده وبعدين هذه عرس أختك يعني تبيها تزعل
سلطان : تراك أذيه.. يا الله قم وعقب لا قعد تزقرني أرزف ..
سالم : سريـــــنا .. وسار سالم وسلطان وقعدو يرزفون على أغنيه حمد العامري .. أما سيف لا عب دورة الحبيب و الكل عاذرنه ..
ناصر: انت ما بسك
سيف : خلني أفرح حق الرضيعة بلاك
ناصر : أقول أنا بروح الحين وراية خط الفجيرة و العيوز مأذتني ..
سالم : لا اقعد يا ريال
ناصر: سالم الفجيرة تعرف يعني الفجيرة ساعة ونص
سيف : شو يعني انت قلتها ســــــــــاعة ونص ..
ناصر: قم بس قم .. أقول حمود المعرس وينه خلني بسلم عليه وبروح
سيف : الحبيب عند الشواب قم سرينا عندهم
ناصر: أبوك موجود
سيف : بيكفخك احينه
ناصر: أحلف بس انت قوم يا الله يا حبك حق السوالف .. هذه في بيت المعرس أما في بيت العروس كان بنات خال سمر وبنات عماتها موجودات يسولفن مع سمر وعايشه وشمسه وكانن متحنيات وكل وحده تراوي الثانية حناها وإلي تقول حناها أحلا من الثانية البنات لازم يتكافخن شوي بلكلام ..
سمر: إيه انت وياها يا يات تضاربن طلعن برا يا الله بسرعة
شمسه : حصوه ومريوم لازم يتضاربن
مريم : هذه حصوه وحصة تطالع مريم بنص عين وتكمل كلامها مع سلامي
سلامي: شو لون فستانج حصوه
حصة: زهري طـــــال عمرج
سلامي : فنــــــــان عليج الزهري بشرتج بيضه وحلو بي عليج
حصة : و إنتي شو لون فسطـــــانج
سلامي : أزرق فيروزي
حصة: و الروج جيف بتحطينه
سلامي : ماد ري شكلي بحطي هادي صيفي
حصة: شكلة بيظهر عليج حلو.. إنتي تعرفين لهذه السوالف .. وتمن البنات سوالف وعقب روحن قوم شمه لبيتهم..



مع تحيات راعـــــ7ــــــــي</font></font>