مصيرج ومصيري

**روح الحب** · 29-07-04 ||, 10:20 AM

مرحبا أخويه
تسلم يمناك على هذا المجهود
أخنك
روح الحب <img src="http://oasis.bindubai.com/emoticons/blush.gif" border=0>

**كشكوشه** · 30-07-04 ||, 03:15 PM

يلا عاد نتريا التكمله

**هتان المنتدى** · 31-07-04 ||, 04:36 PM

ثانكس......

تسلم الشيخ عالجزء......

نتريا الجزء اليديد.......

تحياتي...

**راع7ي** · 31-07-04 ||, 05:19 PM

مرحبا رووووووح الحب تشكرين على المرور ويسلم غاليج

هلا والله بكشكوشه مشكورة عى المرور وإن شاء الله التكمله جريب

هلا وغلا بهاتان العفو ومن قالها ســــــــالم وإن شاء الله قريب

وسوااااااااااااااالم

**راع7ي** · 02-08-04 ||, 01:44 AM

:: سلطان وهو ما يعرف البنت يالي حذا أبوه لأنها كانت متغشيه بس يوم ركز على الصوت عرف إنها شمسه ::
سلطان: هلا شمسه شخبارج
شمسه وهي مرتبكة و منزله راسها: تمام والحمد الله انت شخبارك وعلومك
سلطان وهو ما مصدق عمرة: الحمد الله أقول وين عيل حصوه
شمسه: عند شموه تلاقيها
سلطان:أيوا شخبارج بعد
شمسه وهي تضحك : والله مثل أخبارك
سلطان: قولي والله بس إنتي
شمسه طالعته بنظرة وسارت عنه لان  سهيل ولد اختها كان شوي بيطح من الكوشة فسارت حقه ونزلته تحت :: أما سلطان تعذب من النظرة يالي طالعته فيها شمسه .. أما عند الشباب كان عبدالله لاعب دورة هذه المرة وسالم ملعوز براعي الفرقة كل شوي يصهل جنه مصرية بس والله إنه فن وكان عبدالله يرزف على أغنيه حسين الجسمي برقن لمع  وراعي الفرقة عايبنه عبدالله يوم إنه يرزف " وعلومه" ::
ناصر: عاش عباد عـــــــاش ..ما توقعت عبدالله جيه والله فن
سيف: طالع على ولد عمه فديته
ناصر ويطالعه بنص عين : الكل طالع عليك انت
سيف وهو يضحك: شو حارنك انت
ناصر: جب يا الله جب روح وقف ولد عمك سالم ترا راعي الفرقة وشوي بيفرة بلمايك
سيف: عـــــايله متخبله
ناصر: سيف لا تنسى عمرك تراك واحد منهم .. سيف جان يضرب ناصر على طرف العصا يالي كان سيف ميودنها:: وعند البنات كانت شمه كل شوي تضحك وحمده متغصصه منها ليش تضحك::
حمده: إيييه إنتي بلاج تضحكين
شمه وهي قاعدة حذا حمده وهند :  ما بلاني شي بس إنتي ما تسعين يالي يصهل
حمده: بلاج وخير يعني
شمه وهي قاصده هذه الحركة: هذه طــــــال عمرج ســــــالم أخويه فديت عمرة
حمده وهي تركز على صوت الريال كان فعلن سالم يبين من الصوت الرجولي بس شو يالي مخبلنه  ..
حمد وهي على ويها ابتسامه ما تبي تبينها: أيوااااااااا
شمه وهي عارفة السالفة : بلاج شكله ما عيبج
حمده: شو يالي ما عجبني ؟؟ سكتي الله يخليج سكتي  
شمه وهي تبي تحر حمده: كريهه
حمده طالعت شمه بس ما سوت لها سالفة لأن كانت حذاها هند وماتبي تسوي شي يخرب برستيجها وأنوثتها على شان شموه :: وشوي روحو العرب كانت شمه ووياها هند و شيخه وأم شيخه وأم سهيل كانن بيروحن وشمه ترمس ويا هند خطف عليهم سهيل يالي كان يترياهن هي وأمها لأن الباقين روح مع حميد وسعيد ..
أم سهيل: لا تقطعينا يا أم فهد
أم فهد: لا والله يا بنت خالتي انتو أهلي والمرة اليايه عندنا إن شاء الله
أم سهيل: أفا عليج
أم فهد: ترا ملجه شيخه الشهر الياي
أم سهيل: على الله
أم فهد: لا تلتهون مثل اليوم الخطبة
أم سهيل وهي تضحك: لا والله بس كانت عندنا ظروف إنتي تعرفينها يا أم فهد::
وأما عند شمه: الوالد هذو سهيل قاعد يأشر لنا
هند وهي تركز على الريال يالي يأشر بسيارة : عشانا هذه بليت سيارته
شمه: لو سمحتي هذه أخويه سهيل عن الغلط
هند وهي لمحته زين الريال وتعجبت : هذه أخوج
شمه: بلاج هذه أخويه ما تذكرينه
هند: لا والله ما أذكره بس أذكر إني شفته في بوظبي مول  
شمه: هيه هو يشتغل مهندس بترول في بوظبي لازم بعد بيروح هناك مو غريبة
هند: بس تعرفين قفط منه
شمه: ليش ؟؟؟
هند: طاحت عني الغشوه وهو طالعني تلومت منه يمكن خذ عني فكرة غلط كله من شيخوه أختيه
شمه: هو أصلا ما يعرفج ف دونت ويري :: أم سهيل وهي تنادي على بنتها وسلمن البنات على بعض عقب سارو لبيتهم وهم تعبانين::
أحمد: ذياب بلاك
ذياب: ما بلاني شي انت يالي بلاك
أحمد: إنزين بشو قاعد تفكر
ذياب وهو مغمض عيونه : أفكر فيك و أفكر في حياتي
أحمد: زين وبعدين كمل تراني بعرف السالفة
ذياب وهو يفتح عينه: أي سالفة
أحمد وبجديه فضيعه: ذياب ليش ما تعرس ولد صاك السنتين وأضنه محتاج لحنان الأم
ذياب وهو يقلد أحمد : " صاك السنتين": ولي يقول صالك الخمسين
أحمد: زين لمتى يعني
ذياب وبكل جيه: ما محتاج أم أنا ما مقصر معاه في شي
أحمد: حتى ولو حنان الأم ما يتعوض يا ذياب
ذياب: وين أحصل زوجه اتربي ولد مو لدها يا أحمد ويـــــــن
أحمد: بنات الناس موجودات
ذياب: خلاص يا أحمد غير السالفة
أحمد: ليش تعذب عمرك وتعذب يالي حواليك أكثر وأكثر  إنت على بالك أميه ساكتة عنك راضيه بعيشة ولدها وولد ولدها صدقني إنها تبي ترمسك بس تخاف يا ذياب تخاف
ذياب: أحمد صحك الموضوع لو سمحت
أحمد: كلمه الحق ما تبي تسمعها صحيح
ذياب: بتصكه ولا جيف :: أحمد يطالع ذياب يالي عايش على ذكرا مرته الأليمة وجان يهز راسه وعقب راح يرقد :: وفي يوم الخميس الساعة 10 الصبح كانت أم سهيل تريق شيبتها لأنه بيسير الضاحية مع أبو سلطان وعقب جان ينزل سعيد يالي مستعيل ..
أم سهيل: بلاك يا وليدي بلاك
سعيد : صبحكم الله بالخير " ويبوس راس أمه وأبوه "
أم سهيل: علامك مستعيل
سعيد: بروح الصناعية مستعيل الوالد مستعيل  .. وين عبود
عبدالله: هـــا ياي. ياي
سعيد: خلصنا حمود برا يا أخي
أبو سهيل: وين إن شاء الله شو تسوي بصناعية
سعيد: عبود غربلاته لاعب بسيدي ومخربنه وبروح أصلحه ومناك بشوف السفايف اطلع صوت  
عبدالله: كله عبود كله عبود ما شايفين عماركم تخربون السي وتحطونها عليه
سعيد: عن الهذربه الزايده و قم بس قم
أم سهيل: وعبود شوله ساير وياكم وين يبا
سعيد: بس جيه رزة :: وجان يطالعه عبد الله بنظرة " وإلي يقول جنه سعيد خاف منك يا عبدالله " وطلعو الشبيبة لصناعية وعلى الساعة 1 ردو البيت وكانو تعبانين وكل واحد راح غرفته ومرت الأيام عادي بمللها والبنيات يبن يسافرن بس منو يالي بيعطيهم فيس ::
حمود: يا الله العزيمة سواف
سيف: ترا اصبر بنروح باليل
سلطان: والله فايجين انتو ومخاسير عل الفاضي  
سيف: بيزاتنا ولا بيزاتك
سلطان: كيفك أنا ما ليه شغل
حصة: أميه سمر ما تصلت
أم سلطان: لا والله يا بنيتي ما تصلت فديتها ما خذ المكان
محمد: لا تخافين أميه ترا حمود وياها
أم سلطان: بعد قلب الأم
مايد: وين سارت سمروه
سيف: عرست. عرست
مايد: أعرف عرست وين سافرت
مريم: راحت روما طال عمرك ونحن مقعدين فهذه البيت
سلطان: بلاه بيتنا والله إنه غاوي وخصوصا في القيض
مريم: بس حق الحرة انتو .. عيل ليش ربعنا يسافرون ونحن مقعدين بين أربع أطوف
سيف: و ليش تبين تسافرين
حصة: بعد ليش كراف سنه كاملة .. ونبي نشم هوا وانطالع المناظر الطبيعية الخلابة
محمد: بطلي التلفزيون بتشوفين المناظر وإن ما عيبج روحي حديقة بيتكم منها هوا ومنها منظر
حصة: ليش أبطل التلفزيون  شوف وحرقت يوف والله لو تسكت يكون أحسن
سيف: إنت ليش عاطنهم سالفة خلهن يولن
مايد: ماماه نبي نسافر
أم سلطان وحبيب قلبها طلب: ما عله بكلم أبوك حبيبي على شان يسفرك
حصة: ونحن من مساع قاعدين نقول لها وهي " وسكتت حصة " .. وفي بيت أبو سهيل كانو الشباب قاعدين على التلفزيون يشوفون مباراة الإمارات مع كوريا الجنوبية وسالم  بيموت من القهر وعلى اللعب أما سعيد كان نايم حذا عبد الله أخوه في ويه التلفزيون وأما أبو سهيل كان قاعد وحذاله حميد و سهيل شوي بعيد عنهم لابس نظارته وهو يركز على المباراة ::
أم سهيل: بلا ج يا بنيتي ليش ويهج جيه غادي أصفر
سلامي: ما بلاني شي يمكن تعبانه
شمه: هيه والله شكلج هب حلووووووو
أم سهيل: ليش إنتي ما تكلين؟؟
سلامي: بلا أكل
شمه: أي أكل والله يخليج
سلامي: عيل منو يالي كان ياكل وياج توه
أم سهيل: هذه إلا شبس
سلامي: ترا أكل
أم سهيل: ســعيـــــــد يا سعيــــــــــــــــــد
سعيد وهو يلتفت على أمه : هاه أميه
أم سهيل: تعال بغيتك
سالم: شو تبا منك الوالدة عيل
سعيد: ما دريبها بروح إلها احينه " روح عنهم سعيد وقعدو يتناقرو "
عبدالله: ليش الفضول يا أخي أمه وتبيه لازم يعني الرزه منك
سالم: جب يا الله جب خوز بشوف
عبدالله : مكان  سعيد
سالم" وخر أيدك بشوف
أبو سهيل وهو يهزبهم" بس انت و عن الحشرة الزايدة
عبد الله وبصوت خفيف: سكتووووووووووووه  .. سالم ضربه على الراس وقعد يطالعة بنظرات وعقب قد يكمل المباراة .." سعيد وهو يكلم أمه "
سعيد: ها أميه شو بغيتي " وسعيد ما منتبه حق أمه قاعد يطالع المباراة"
أم سهيل: بلاها حرمتك شو جيف ويها غادي أصفر
سعيد أمه أول ما قالت حرمتك أطالعها بكل اهتمام: بلاها الغالية
أم سهيل: أقولك ليش جيه ويها غادي أصفر بلاك انت
سعيد: السموحة الغالية .. ما في شي ويها سلامي
أم سهيل: قم نش قم أونه ما في شي ويها أقولك لونه أصفر
سعيد وهو يطالع مرته ومبقق فيها: ما فيها شي هــــــــا الوالدة إنتي ما تعرفين ترا سلامي وصلاويه
أم سهيل وهي معصبه: سعيــــــــــــــــــــد تراك أذيتني .. المهم أباك تودي حرمتك المستشفى
سعيد : ليش إن شاء الله
سلامي: عموه ماله داعي والله ماله لزمه
أم سهيل: جيه ماله لزمه يمكن حامل يا الغالية وبعدين إذا ما حامل نبي نطمن عليج
سعيد وهو عيبته السالفة وإنه يستوي أبو : ليش لاء بنروح عقب المغرب تزهبي إنتي وشموه
سلامي وهي خايفه : والله ماله داعي  السالفة عاديه
شمه: أنا لشو بعد
سعيد: الغالية بنروح عقب المغرب قلنا.. وشموه بتسير وياج على شان ما تخافين .. شالين ياهل نحن

سوالم.........

**هتان المنتدى** · 02-08-04 ||, 02:14 PM

مرحبا الساع مليار وان زادن لا باس....

ثانكـس ع الجزء وعساك ع القوة.....

تسلم يمناك الشيخ.......

نــــــــتريا التكمله اخــــــــــــــويه .....

لا تبطي علينا ترانا انــــدمجنا خلاص .....

تحياتي ...."هتان المنتدى"

**راع7ي** · 03-08-04 ||, 06:27 PM

هلا والله بهتان مشكورة على الكلام الطيب

وتسلمين على المتابعه الطيبه

وأهم شي إنها عيبتج القصة ...

وهذه البارت إهداء لج إختيه

سلامي وهي تضرب ريلها بس على خفيف وتطالع في شمه: ها شو قلتي شمه
شمه: أنا ما أحب أسير مستشفيات
سعيد: عقب بوديج تتعشين في مطعم
شمه: لا مابي مطعم بروح السوق أبي أشتري شويه أغراض شو رايك
سعيد: وتم خلاص عقب المغرب
سلامي: خلاص بنروح مدام شماتي بتروح ويانا
سعيد وهو معصب: حلفي إنتي بس لا تقولين حق حد عيل
سلامي وهي تدري إن ريلها عصب من رمستها: خلاص محد بيعرف
شمه وهي ما تعرف شو صاير: بلاكم؟؟
سعيد: أنا بروح أكمل مباراتي أحسن " وسرا عنهم سعيد وقعد يطالع المباراة وفكرة هب وياه : معقولة معقولة أستوي أبو فديـــــــــــتني والله يوم بيزقروني أبويه إن شاء الله خيــــــــر إن شاء الله"
سهيل قاعد يكلم أبوه ويبي يقوله إنه مريض وفيه ثقب في القلب بس يالي ما خذ عقله من وين ياه هذه الثقب بس عنده مراجعة مع الدكتور باجر وبيسر وبيخبرة .. عقب المغرب كانت شمه تكلم حصة ..
حصة: أكيد لازم أقيل يوم من الأيام في بيتكم
شمه: بنشوف هذه كله بس كلام
حصة: بتشوفين بعد .. وينها عيل سلامي مرت ولد عمي
شمه: احينه بتنزل من فوق
حصة : حليلها الله يكتب لها الخير..
شمه: آمين يارب .. أقول بسير عنج سالم قاعد يزاقر مادري بلاه بسير له أوجيييج ديري بالج على عمرج
حصة وهي من سمعت أسم سالم ما تعرف شو يالي صار لها: أوكيشن سلمي على أهلج
شمه: يصير خير بـــــــــــــــأي .. وسكرت عن حصة وسارت حق سالم شافته قاعد يهزب جول المسكينة " يحليلج" ..
سالم: بسرعة يبي الماي .. وجول معصبه ومن عبدالله يالي قاعد حذاه مغصص فيها
شمه: حرام عليك مسبلين في الحرمة
عبدالله: شموه سعود برا يترياج إنتي وسلامي
شمه: ما عليه بروح أزقر سلامي :: سارت شمه تنادي مرت أخوها عسب يروحون المستشفى وعقب ما ركبن السيارة كان سعيد ما يتكلم " بلاه "
سلامي: سعيد بلاك ؟
سعيد: ما بلاني شي ليش؟؟
سلامي: ما ترمس
سعيد: عندج شمه رمسيها تراها شماتج
فهت سلامي سكوت ريالها وطالعت شمه و شمه كانت تبتسم لأن أخوها سعيد الدلوع بعده على اطباعه .
سلامي: يعني انت زعلان
سعيد: شو رايج إنتي
شمه: سلامي أنا لا أدخليني في سوالفج إنتي ويا سعيد
سلامي: ما كان قصدي أنا .. سعيد ساكت ولا قال ولا كلمه تم على هذه الحل لين وصلو للمستشفى ..
سهيل: باجر إن شاء الله
دكتور: على خير إن شاء الله الساعة تسعة ونص
سهيل: إن شاء الله
دكتور: حياك
سهيل: الله يحييك ويبقيك .. وسكر عن الدكتور وهو مرتاح البال لأن الدكتور قاله إن ماله داعي إنه يسوى عمليه بس سهيل كان مصر على العملية ويبي يسويها و الحين يبي يخبر أمه وأبوه بس يوم بي من عند الدكتور .. سهيل كان نازل تحت لأن سلطان بيوصل بعد شوي قايل له إنه بيتعشا عندهم ..
سهيل: شمسوه وين شموه
شمسه: راحت مع سعيد
سهيل: وين سارت ؟
شمسه: المستشفي
سهيل: ليش بلاها أختيه
شمسه: ما بلاها شي هذه مرت أخوك سلموه
سهيل: بلاها
شمسه: تدلع علينا
سهيل: و إنتي ليش ترمسين عن سلامي جيه
شمسه: بس ما أحبها
سهيل وهو يهز راسه : و الله البنات ما ينعرف لكم .. إنزين بتخبر سيري سوي عصير سلطان ولد عمي بيو صل احينه ..
شمسه وهوي أونها ما تبي تبين لأخوها شي عن لا يلعنها: إن شاء الله .. سارت شمسه للمطبخ وفي هذه الفترة كانت سلامي عند الدكتورة يالي قاعدة تفحصها ..
سعيد: تأخرت
شمه: وبلاك توك ما تبي ترمس ويا ها
سعيد: تخبلتي إنتي هذه مرتي ما أصبر عنها
شمه: ومنو يالي ساكت ما يبي يتكلم توه في السيارة
سعيد: لو تسكتين يكون أحسن .. أنا قاعد على أعصابي وهي قاعدة تنرفزني
شمه وهي تبتسم: بروحك
سعيد: بس سكتي . سكتي
ضهرت سلامي: مشكورة دكتورة
سعيد وهو يطير حق مرته : ها بشري شو السالفة
سلامي وهي تبتسم : بلاك ما فيني شي أنا بخير والحمد الله
سعيد: يعني شو؟
شمه: شو قالت لج الدكتورة ؟؟
سلامي : ممكن نروح أول :: سارو الربع يا خذون دوا وعقب سارو السيارة وفي السيارة ..
سعيد: ها سلامي بتقولين ولا شو
سلامي: ما في شي بعده
سعيد: ليش عاد!!
شمه: اسمع أنته احمد ربك يا ريال
سعيد: الحمد الله على كل حال .. بس متأكدة سلامي
سلامي: ميه بالميه بلاك .. سعيد وهو ماله نفس في شي
هنيه شمه يا دورها : سعيد ما بتوديني السوق؟
سلامي: انت ريال ولازم توفي بوعدك لأختك .. سعيد وهو ما تكلم ولا كلمه وسار فيهم لسوق ..
سلطان: جان ما عذبتي عمرج يا الغالية
يا الغالية تمت هذه الكلمة في بال شمسه: لا أفا عليك ما سويت شي بس عصير
سلطان: تسلمين
شمسه: الله يسلمك
سلطان: عيل وين سهيل
سهيل: عند الوالدة شوي وبيك ..
حمده هي كانت تبي تسير: عيل أنا أستأذن
سلطان: شمسه وين بتسيرين
شمسه: ليش بغيت شي؟
سلطان: أكيد يلسي أبي أرمسج بسالفة
شمسه وهي ما تعرف شو يالي يدور في راس سلطان: هلا شو بغيت
سلطان: شمسه والله لا تفكرين إني بقولج هذه الكلام عسب ألعب عليج ولا شي إنتي بنت عمي وسمعتي بعد .. شمسه أنا آسف على يالي صار ذاك اليوم في المطبخ :: شمسه نزلت راسها " شو قاعد يقول هذه" : لا عــــــادي
سلطان: سكتي خليني أكمل كلامي ما أبي أفوت هذه الفرصة بعد وا يد فرص فوتها لا كن هذه المرة بقولها شمسه أنـــا من فترة أفكر في حياتي والحين صار لازم احسم :: شمسه أنــــا أحبج أبيج زوجه ليه أدري احينه قاعدة تقولين شوها قاعد يخرف بس والله أبيج من يوم الموقف يالي في الطبخ وأنا ما عرف شو يالي فيني " كان سلطان متعجب من نفسه وهو قاعد يتكلم " أما شمسه كانت مشاعرها متضاربة تبي تصيح تبي تضحك بس شو تسوي ما تقدر اطلع يالي فيها قدامه " شو بقول عنها عقب"
سلطان: أنا آسف من يالي قلته لج بس .... " سكت سلطان لأن سهيل كان ياي صوبهم "
سهيل: السلام عليكم
سلطان : وعليكم السلام هلا والله بولد العم
سهيل: مرحبابك الشيخ .. طالع سهيل صوب شمسه يالي كانت منزله راسها تفكر بالكلام يالي سمعته من ولد عمها يالي تحبه والحين بين له حبه لها : شمسوه شموه ما وصلت
شمسه وهوي تنتبه لأخوها: ها لا ما وصلت .. استأذنت منهم وعلى طول سارت غرفتها " كان سلطان يطالعها طبعا " .. وفي الستي سنتر كان سعيد ما يبيهم يدخلون هذه المركز بس شمه كانت ما تبي تشتري أشياء وايد كانت حاطه في بالها الشي يالي بتشتريه وطبعا أقنعته بكلامها وفعلن ما خذو حتى عشر دقايق في السوق وعلى طول روحو لبيتهم وهم ما يدرون بسيارة يالي تتبعهم .. وأول ما وصول البيت أذن الأذان سار سعيد يصلي العشا هو وحميد ..
ذياب وهو مرتاح لأنه عرف بيت البنت يالي يشوفها كل ما سار السوق ..
أحمد: بلاك يا يبنا هنيه خلنا نروح ترا ورانا درب للعين
ذياب: انت تامر أمر جم أحمدوه عدنا في العايله
أحمد: ولد عمك أحمدوه أما أنا أحمد الحمد الله والشكر
ذياب: غربلاتك
أحمد: ذياب انت ما توب هاه
ذياب: بلاك شو ما توب
أحمد وهو يغمز حق أخوه : انت تعرف شو أقول
ذياب: ما حبتها منك هذه الحركة يا أحمد شو قاعد تغمز حقي
أحمد: ليش عيل تبعت الرنج لبيتهم ترا بقولك شي هذه حركت مال أول
ذياب وهو يبتسم: في حركات أول وحركات مال هذه الأيام
أحمد: عيل شو تتحسب
ذياب: ما عليـــــــــه
أحمد: إنزين ما تخبرتني ليش لحقت السارة يا أبو مروان
ذياب: متأكد إنك ما تعرف
أحمد: يعني أتأكد إنك
ذياب: هي نعم بس خايف من تعلقي فيها
أحمد: ليش متخوف عادي
ذياب: أحمد هذه بنت ناس نحن ما نعرفهم ما أعتقد الوالدة بتوافق عليها
أحمد: وأنت شودراك الوالدة من الله تبيك تزوج ما اعتقد بتعارض
ذياب: الله يسمع منك قول آميـــــــــــن :: وسار ذياب ويا أخوه " المرخانيه " منطقه في مدينة العين بس كان باله مشغول في السالفة وجيف أمه بتتقبل البنت يالي يباها :: وفي البيت دخل وعلى طول سار جناحه بدون ما يقول أي كلمه أو إنه يسولف ويا إخوانه مثل ما هو متعود ..سعيد ماله نفس في شي لأنه كان يفكر في سلامي .. لا كن سلامي ما خلته يفكر في شي ...
سلامي: بلاك سعيد
سعيد وهو يقعد على الغنفه: السلام عليكم
سلامي وهي على ويها ابتسامة : وعليكم السلام أش فيك حبيبي
سعيد: ما فيني شي يا قلبي
سلامي: عيل ما تبي عشى
سعيد: مالية نفس تالي الليل بكل .. لا كن احينه بسير بتمشى ويا الربع
سلامي: قبل لا تسير بقولك شي مهم
سعيد وهو يفتح باب الكبت : ها الغالية شو بغيتي
سلامي وبسرعة على شان هي ما تعرف جيف تفتح الموضوع : سعيد أنا حامل
سعيد وهو يختار البدلة يالي يباها بس من سمع الخبر على طول خلا الكبت و بلي فيه : ها حبي شو قلتي عيد إلي قلتيه سلامي حبيبي عيدي شو قلتي الله يخليج..
سلامي لا حضت البسمة على شفايف ريلها ما كانت تتصور إنه لهذه الدرجة بتسعدة بهذه الخبر وبكل دلع: هيه حبيبي أنا حامل..
سعيد وهو يضم سلامي على صدرة : فديت يالي يدلع أنا.. و إنتي شو عرفج
سلامي: ما بتعصب!!
سعيد: لا ما بعصب قولي
سلامي: ترا ما خبرتك يوم إنه ظهرنا من عند الدكتورة لأني أدريبك بتشل الدنيا فوق تحت بتسرع بسيارة.. وتدريني أنا خوافة

و السموووووووووووووووووحه

**جود الأجواد** · 05-08-04 ||, 11:26 AM

مشكور اخوي على القصة

و بانتظار التكملة <!--><img border=0 src=http://oasis.bindubai.com/emoticons/fa42.gif>

**كشكوشه** · 05-08-04 ||, 12:24 PM

تسلم على الجزء
ونتريا التكمله

**مهاوي** · 05-08-04 ||, 02:16 PM

تسلم أخوي على القصه ...
   بس نبغي التكمله ..لاااطول علينااا ...
   مع السلااااااااااااامه....

**روح الحب** · 05-08-04 ||, 08:41 PM

مرحبااااااااااااا ااااا الساع
مشكور أخويه تسلم على البارت الحلو
أختك
روح الحب <img src="http://oasis.bindubai.com/emoticons/blush.gif" border=0>

**راع7ي** · 06-08-04 ||, 07:38 PM

السلام عليكم ورحمه الله وبركاته

هلا والله بأختيه جود الأجواد مشكورة على المرووور الطيب
ولا عدمنـــــــــاج يالغاليه

هلا فيج كشكوشه تسلمين على الطوفه الحلوه  ومن قالها ســــــالم
والسمووووحه

هلا مهاوي مشكورة على متابعتج للقصة من قالها سالم
وإن شاء الله بنحطها لكم وأهم شي إنها عيبتج

الله يسلمج روح الحب والعفو ومشكوووورة على المتابعة

سوااااااااااااااااااااااا ااالم

**راع7ي** · 06-08-04 ||, 07:40 PM

سعيد: و ليـــــــــــــــــــش ما خبرتيني من الأول والله ما أشله على تايرين .. كنت بسوق السرعة 20..
سلامي: فديتك أعرفك زين
سعيد وهو يضحك:  فرحتي قلبي يا الغالية
سلامي: أنا يالي فرحانة لأنك فرحان :: سعيد وهو يبوس حرمته على راسها ...
سلامي: زين احينه بتخليني أروح و لا جيف
سعيد: لا خلج هنيه هذه مكانج
سلامه وهي تخوز عن صدر ريلها : مــــــا صخ تعرف  ؟؟
سعيد: لا ما عرف احينه بس عرفت
سلامي: عيل أنا بسير أتعشى
سعيد: عيل بسير وياج
سلامي: توك تقول بسير و يا ربعك
سعيد: روحي زين خلهم يولون عندي يالي يعوضني عنهم
سلامي: عيل قوم خلنا نسير نتعشى ..
سعيد: منها نخبر الوالدة .. عسى بس خبرتي شمه " وبنفس خايسه "
سلامي وهي تضحك على ريلها يالي ما يبي حد يسبقه : لا ما خبرتها انت الأول
سعيد : هيه جيه أباج فديت أم زايد أنا .. وظهر هو و مرته من جناحهم و سارو تحت على شان يخبرونهم بسالفة يالي خلت سعيد يتقرب من حرمته أكثر وأكثر  ..
شمه: قولي والله و ليش ما خبرتيني من الأول
سعيد: وين وين. وين أنا ريلها ولا إنتي ؟؟
أم سهيل وهي ما شايلتنها الفرحة: شوي شوي على أختك زين ما كلتها .. على العموووم مبروك حبيبي يتربا في عزك يا أبو زايد..
سعيد: وهو يرقد على ريول أمه  فديتج أميه والله لا يحرمني منكم إن شاء الله يتربا في عزج وعز أبويه  
أم سهيل وهي تمسح على راس ولدها : آميــــــــن وشوي  شوي على حرمتك تراها ما مثل أول خفيفة
سعيد: إن شاء الله في أوامر ثانية
شمسه وهي توها تدري بالموضوع: مبروك سعيد مبروك والله توني دريت
سعيد: الله يبارك فيج " ويأشر بصبعه " هاذيج سلامي روحي حقها وباركي لها  
شمسه وهي تروح حق سلامي وهي ما لها نفس: مبروك سلامي مبروك
سلامي وهي ما شايلتنها الأرض " يحليلج يا سلامي " : الله يبارك فيج عيوني
شمسه: يتربا في عزكم إن شاء الله
سلامي: إن شاء الله ..

وسارت عنهم شمسه لأنها لين ذيج الساعة ما كانت تبي تكلم حد " من كلام سلطان لها " و من سده نفسها عن  كل شي حتى حمده لاحظت هذه الشي في شمسه مو على بعضها في الآونة الأخيرة .. أما سلطان كان يفكر جيف ياته الجرأة إنه قال لها هذه الكلام .. كان قاعد يحوط في غرفته ومشغل التلفزيون وعقب سار ونسدح على شبريته يود تلفونه وقعد يشوف الفيديو كليب إلي مسيفنهم على موبايلة وهو يتذكر ملامح شمسه الطفوليه وهي تسمع كلامه ::آآآآآآآآآآه شو قاعدة تسوين احينه يا شمسه .. تفكرين فيني مثل ما أنا قاعد أفكر فيج  تدرين إنج ما خذه النوم من عيوني شمسوووووه والله أحبج  .. " وشوي ضحك على عمرة جنه ياهل"  بس شو أسوي خاطري أعرف بشو تفكر بعد الرمسه يالي قلتها لها  أكيد قالت شو ها الحقير بس والله ما خليج ذيج الفترة يالي مرت كانت أصعب فترة في حياتي و لا كن الحين لازم أحطي النقاط على الحروف  على قولتهم :: سار سلطان عند حصة أخته ..
سلطان وهو يدق على باب غرفه حصة: حصوه بطلي الباب
حصة كانت تجلب في مجله زهرة الخليج ملانه فقعدت تفر فر فيها لين ترقد: نعم شو بغيت
سلطان: بطلي الباب بشوف
حصة وهي تبطل الباب: نعم نعم الواحد ما يقدر يقعد في غرفته يعني
سلطان وهو يدخل الغرفة ويسكر الباب وراه: تراج بايخه إنتي
حصة: من زمان مو من الحين خلصني شو تبا
سلطان: أفــــــأ وهذا وأنــــــا أخوج يعلج شو
حصة وهي تقعد حذا أخوها: أخويه بغيت شي
سلطان: لا والله بس كنت ملان وقلت أقعد أسولف وياج شو رايج..
حصة: غريبة ما من العادة تقعد تسولف ويايه
سلطان: فيها شي يعني
حصة: ما فيها شي بس قلت يعني..
سلطان وهو يقاطع حصوه: لولا سمر تزوجت جان ما قعد وياج من أصله
حصة: أشكرة في الويه بعد على العموم مشكور
سلطان: العفو.. أكيد تبيني أقول من وراج يعني ما تهقيني
حصة: ما عليــــــه يا الله سولف بعد أنا ملانه
سلطان وهو يطالع غرفة أخته: غرفتج وايد حلوه
حصة: ليش أول مرة تشوفها
سلطان: والله أول مرة أدقق فيها وايد غاوية ولونها بنوتي بعد
حصة: طبعا اختياري بعد
سلطان وهو يلاحظ موبايل سمر أخته على تسريحه حصة: عيل هذه جهاز سمر
حصة: لين أتي من السفر بتاخذه
سلطان: هاتيه بشوف
سارت حصة ويابت حق أخوها تلفون سمر : هـــــاك شو تبغاه عيب تبطل تلفونها
سلطان: إنتي واقفة حذالي يعني بتشوفين شو قاعد أسوي عن الهبل والاستهبال

الجزء الرابع

:: بطل سلطان  تلفون أخته وعلى طول المسجات ما عند حد وطبعا كان ما يبي يبطل ولا واحد منهم بس شده أسم من الأسامي يالي مسيفتهم سمر كان مكتوب " شموس " فكر سلطان قبل لا يفتح المسج بس غصبن عنه فتح وكانت شمسه تحكي حالها لسمر كانت تدري إنه مغلق بس شو تسوي.. وإن صدمت يوم يا ها التقرير لا كن سلطان رد لها بمسج يطيب بحالها .. وبدون تفكير من شمسه دقت حق سمر تتحراها يات من السفر الحبيبة .. سلطان كان يطالع حصة يالي كانت ملتهيه بقرايه الشعر يالي في المجلة .. تلفون سمر يرن ولا كن ما شي جواب بس سلطان يبي يعرف جواب شمسه .. حصة تطالع سلطان بس ما سوت حقه ســــــــلفه ..
سلطان وبصوته الرجولي وهو يشل التلفون: ألوووووووووو
شمسه سكتت ولا قالت ولا كلمه و في خاطرها تقول" لا يكون هذه حمد ريل سمر" .. بس بسرعة انقطع حبل أفكارها ..
سلطان: ألو شمسه هذه أنا سلطان  :: شمسه بتموت " شو يبي هذه " " ولد عمج يا بنت الحلال "  
شمسه وهي ترد على سلطان: سوري ما بغيت أأذيك السموح الحين بخليك كنت أتحرا سمر يالي بترد عيله..
سلطان: لا لا عادي  بس والله يا شمسه ما أبي أضايقج بس أحس إنج تضايقتي من كلامي لج
شمسه ما تقدر تقول أي شي " شو تبونها تقول يعني "
سلطان: ألو. ألو شمسه وينج
شمسه: هلا
سلطان: أدري مغلس عليج بس قو لي إنج هب متضايجه مني ومن كلامي
شمسه: سلطان المفروض تكون واثق من يالي تقوله
سلطان: أنا واثق منه ميه بالميه
شمسه: انت حاس إنك غلط؟!؟
سلطان: هيه حاس إني الغلط راكبني من راسي لين ريولي
شمسه وهي حاس بشي من الغيظ: ليش ؟؟؟؟؟؟؟؟؟؟
سلطان: المفروض ما أتصرف بهذه الطريقة أنا ريال مطوف ال 26 سنه يعني المفروض أكلم أبويه وأبوج مو أطعن عمي في الظهر وأقو لج و أكلمج من وراهم بس والله أبي أعرف شو رايج قبل لا أخطو خطوه وأبي أعرف شو شعرورج اتجاهي ..
شمسه وبانت على ويها علامات الارتياح : سلطان إسمحلي بخليك احينه  
سلطان: سامحيني يا شمسه
شمسه وجيه طلعت منها الكلمة : مسموح يا الغالي  وسكرت عنه لأنها حست إنها زل لسانها :: وسلطان كانت على ويهه ابتسامه رضا وفرحان لأنها تغليه صح إنها ما بينت إنها تحبه بس كلمه "الغالي" جم تسوى  لمحب مثل سلطان " بنية لازم ما بتبين شعورها لك "  .. أمــــا شمسه كانت في عالم ثاني كانت في عالمها هي وسلطان يالي تحلم فيه من زمان بس انقطع حبل أفكارها يوم سمعت صوت عود في غرفة سهيل يالي كان متعذب هو الثاني بس محد يدري فيه  كان يفكر في الكلام يالي راح يقوله حقه الدكتور وعن العملية يالي سهيل مصر إنه يسويهــــــا وكان يعزف على العود يغني أغنية ميحد حمد  " يــــــــــا قمر " سهيل وهو

يغني : يا قمر نور على البلاد ضيه **** نورت لا فاق وأسفر بك سمانا
يا حبيبي يا عزيزي يا سميه **** يا شبيه أخشوف غزلان الدمانا

وتدخل عليه شمه: سهيل شو قاعد تسوي؟؟
سهيل يالي كان مندمج في الأغنية : ها شموه قطعتي عليه والله كنت مندمج و ليش ما تدقين الباب هاه
شمه: دقيته بس انت قاعد تغني جيف بتسمعني و انت تغني و أميه تبي ترقد
سهيل: يعني !!
شمه: حلوه هذه بعد.. يعني اسكت
سهيل: أسكت و ليش عاده
شمه: أميه تبي ترقد ما تسمع
سهيل: تعالي هنيه قعدي حذال أخوج بسمعج هذه المقطع من أغنية ميحد وايد حلوه
شمه: بقولك شي انت ما تعرفه لأنك في هذه الغرفة حابس عمرك فيها ليش مادل؟!؟
سهيل: خير إن شاء الله شي صاير وأنا ما دله و ليش عبود ما خبرني
شمه وهي تضحك على سهيل : هذه المرة عبود ما يردي بعده
سهيل: شو هو
شمه: سعيد بيصير أبو حرمته سلامي حامل
سهيل فتح عينه على الآخر وحس بشي من الغيرة في صدرة: قولي والله
شمه: والله  تعرف سلامي يوم كنا في المستشفى ما خبرتنا يوم وصلنا البيت خبرت سعيد عقب ما وصل من المسيد وطار من الوناسه والله إنه يستاهل سعيد
سهيل: هي والله وينه بو عسكور  .. سار سهيل وهو يزاقر على سعيد أخوه ولقاه قاعد هو وحرمته وأم سهيل وأبو سهيل وحميد في الصالة يالي فوق ..
سهيل: سعود والله إنيه زعلان منك  
سعيد: هــــــا بلاك و ليش زعلان يا لغالي
سهيل: الحين انت بتستوي أبو وأنا آخر من يعلم  مبروك مبرووووووووووك
سعيد وهو فرحان هذه يالي كان يبيه أخوه سهيل يبارك له : الله يبارك في حياتك
سهيل: مبروك سلامي يتربا في عزكم
سلامي: الله يبارك فيك يا سهيل
سالم وهو قاعد حذال فاطمة يالي قاعدة على النت و مغلس عليها سالم : توه النــــــــاس يا سهيل
سهيل: وأنا شو عرفني شمه احينه خبرتني :: وقعدو سوالف أما سالم بعده عند فاطمة يالي بتموت منه ..
سالم: أقول دخليني على google
فاطمة: شو بغيت منه
سالم: دخلي خليني بشوف معلومات
فاطمة: معلومات شو والله إنك بايخ
سالم: إنزين دخليني على موقع كليتنا
فاطمة : تعرفه شو
سالم: وأنا شو عرفني إنزين دخليني على موقع أغاني
فاطمة: وين تبي الوالد قاعد بيهزبك عقب
سالم وهو معصب: بدخليني ولا جيف
فاطمة: زيــــــــن. زيــــــــــــــن والله بس كله يبي يعصب
سالم : بتذلنا عاد هي تعرف ونحن ما نعرف فيه شيء
دخلته فاطمة موقع طرب عسب يسمع له جم من أغنية: هــــــا شو بغيت
سالم: حطيلي أية شو موجود
فاطمة: دكان هو دكان.. كل شي موجود
سالم: أسمع انتو قامت تنكت الأخت.. حطيلي ميامي بشوف
وحطت له فــــــــــاطمة المتأذية من أخوها سالم " لا جول هي قاعد تسبل فيها ": أي أغنية
سالم: لحظه اقري لي شو موجود :: وفاطمة قعدت تقرا حقه شو موجود من أغاني ميامي : هيه هذه الأغنية حطيها حقي " يا عمري أنا " وبدت الأغنية وقعد سالم يسمعها وهو ذايب في كلماتها ويسوى حركات حق فاطمة يالي كانت تضحك عليه ويرزف شوي بمفتاح سيارته  وأبوه أول ما سمع الأغنية فتن عليه بس من شافه قاعد يرزف قعد يضحك على ولده و الكل بعد قعد يضحك علي سالم وعقب يوم خلصت الأغنية قعد مكانه ولا جنه مسوي أي شي ::
سالم:  فطوم. فطوم  دخليني ع الجات الله لا عادج
فاطمة: وين تبي أبويه قاعد هنيه
سالم: وأبويه شو عرفه في هذه السوالف وبعدين إنتي ما بتدخلين إنتي بتنثبرين عند أهلج عناك تسمعين
فاطمة: إنزين أنا رايحه بغيت شي ثاني
سالم: وين رايحه قلنا حطيلي جات
فاطمة: ما عرف مواقع جات
سالم: أوكيه روحي مشكورة  وسارت عنه فاطمة قعد سالم على الكمبيوتر وهو ما يعرف أي شي ويبي يدخل على الجات بس فاطمة ما تعرف مواقع جات " بتنهزب إذا عرفت " ماله إلا محمد اربيعه يعرف وايد مواقع جات وسار ودق حقه وخبرة بموقع فيه جات ودخله وقعد يهزب البنات يالي في الجات ويلعن أسلاف أسلافهن والبنات مستانسات عليه بس بسرعة مل وطلع وراح قعد مع أهله " سالم ما يحب يثبت على شي واحد يحب التغير وإذا أدمن على شي يعرف نفسه ما بيخوز عنه "

السمووووووووووووحه

**مهاوي** · 07-08-04 ||, 10:41 AM

تسلم اخوي على التكمله ....

والله سلووووم عجييييب مرررره ....

نترياااااا التكمله منك اخوي....

مع السلااااااااامه....<img src="http://oasis.bindubai.com/emoticons/smile.gif" border=0>