مصيرج ومصيري

[المزيوونه]

<font color='#000000'>مرحبا وسهلا ..

هلا اخوي .. صح بعدني ما قريت القصه بس شكلها حلوه
انشالله بنقراها وبنشاركك في الآراء..


والسمووحه<img src="http://oasis.bindubai.com/emoticons/smile.gif" border=0></font>

[بن دبي]

<font color='#000000'><p align=center><font color=#ff66cc>السلام عليكم
</font></p><span lang=ar-sa dir=rtl><font face="times new roman">
<p class=msonormal style="margin: 0in 0in 0pt" align=center>
<font color=#ff66cc>نتريا الجزاء اليديدة

متى بتنزلينه</font></font></span></p></font>

[مهاوي]

<font color='#000000'>


...وينك اخوووي عسى مااشر ...
&nbsp;&nbsp; تراك طولت علينااا ...نترياااك<img src="http://oasis.bindubai.com/emoticons/grinning.gif" border=0></font>

[علايه]

<font color='#000000'>مرحب راعـــ7ي...

وينك اخويه؟&#33; عسى المانع خير....

نتريا التكمله <img src="http://oasis.bindubai.com/emoticons/smile.gif" border="0" valign="absmiddle" alt=':)'> ونتريااااك بعد ....

وتسلم...</font>

[بن دبي]

<font color='#000000'>

مرحبا ........

&nbsp;شحالك أخووي راعـــــ7ي ....

نتريا التكمله ....&nbsp; وان شاء الله المانع خير ....


ويقولون مطول الغيبه ياب الغنايم ....<img src="http://oasis.bindubai.com/emoticons/wow.gif" border=0><img src="http://oasis.bindubai.com/emoticons/mad.gif" border=0></font>

[روح الحب]

<font color='#000000'>.::مرحبا الساع ::.
أفا يا الراعـــــــــ7ي هل الكثر الطول علينا
بس عسى المانع خير
وإن شاء الله ترجع ومعاك بارت دسم ( هذا اللي همها هههههههههه)
أختك
روح الحب
<img src="http://oasis.bindubai.com/emoticons/blush.gif" border=0></font>

[مهاوي]

<font color='#000000'>

<font color=#cc3399>&nbsp;&nbsp;&nbsp;&nbsp;&nbsp; يا الراعـــــــــ7ي ...ويــــــــــــــنك على الأقل طمنااااا عليك ...<img src="http://oasis.bindubai.com/emoticons/sad.gif" border=0></font></font>

[شماسي]

<font color='#F660AB'><FONT color=#f660ab>
<P align=center><FONT face="tahoma, arial, helvetica, sans-serif">تسلم أخووي ع القصه الحلوه <U>((&nbsp;بس لو اتكملها بتكون أحلى ))</U> .. <IMG src="http://oasis.bindubai.com/emoticons/fa42.gif" border=0>

بنتظاار التكمله .. <IMG src="http://oasis.bindubai.com/emoticons/fa46.gif" border=0>

شماسي .. <IMG src="http://oasis.bindubai.com/emoticons/fa35.gif" border=0></FONT></P></FONT></font>

[علايه]

<font color='#000000'>مرحبا أخوي راعـــ7ي

&nbsp; &nbsp; &nbsp; &nbsp; &nbsp;وينك &#33;&#33; مامن شر <img src="http://oasis.bindubai.com/emoticons/sad.gif" border="0" valign="absmiddle" alt=':('></font>

[راع7ي]

<font color='#000080'>السلام عليكم ورحمه الله وبركاته



هلا والله بخواتي العزيزات اسمحووولي على هذه الغيبه الطويله بس

كانت عنديه ظروف فأتمنى إنكم تقدروووونها <<< الدراسة غاثتنا ..

والحين بحط لكم التكملة .. وعقب بكمل لكم خلاف</font>

[راع7ي]

<font color='#000080'><font color=&#39;#000080&#39;><font color=&#39;#000080&#39;>:: الجزء العـــــــــــــــاشر ::





محمد فما عارف شو يسوي أكيد سمعت كلامه ..
محمد وهو شاك إنها سمعته: حصة بلاج ..
حصة وهي يايه تتكلم : محمد
شوي جان إي مايد يالي ما خلا حصة ترمس: محمد أميه تقول تعال يا الله بأذن الأذان و الرياييل برا سير لهم ترا سواف راقد توه ياي من الدوام ..
محمد وهو يطالع أخته حصة: إن شاء الله بروح
مايد وهو يطالع حصة: حصوه أمايه تبيج سيري لها
حصة وهي بعدها تطالع في محمد: إن شاء الله الحين بسير .. سار محمد ويا مايد أخوه لأبوهم وهو مو على بعضه لأنه شاك أنه أخته حصة سمعته ولا لا " سمعتك وخلصت السالفة " وقوفها و النظرات إلي في عيونها تخليه يشك بأنها سمعته بس سرعان ما نسى السالفة لأنه قعد ملتهي بريايل يالي عندهم ..
في جامعه العين كانت فاطمة بعدها حبيسة غرفتها وكل البنات يالي عندهم في الجناح قاعدات عندها لأنها مول ما فطرت ولا ذاقت شي و كانت عينها حمر ...
ميثة: فطوم قومي أكليلج شي ما يصير جيه حرام
أمون وحده من بنات الجنـــاح: فطيمان قومي ما يصير جيه تعذبين عمرج قومي " وتطالع ميثة " ميثة بلاها بنت خالوتج ..
ميثة وهي تطالع فاطمة يالي هي الثانية كانت تطالع ميثة عسب بس ما تخبر حد بسالفة : ما بلاها شي بس الظهر قالت ليه إن راسها يعورها ومن عقب رقدت ..
أمون وهي مصدقه كلام ميثة : زين الحين قومي صليلج 3 ركعات وتعالي أكلي شي وعقب بعطيج بندول قومي..
فاطمة وهي ما لها نفس في شي: إن شاء الله ::: ظهرن البنات عن فاطمة وكانت ميثة قاعدة و ياها وعقب ودتها الحمام عسب تتمسح وكان شكلها متغير وايد والبنات يطالعونها لأن البنت يالي تمشى بخطوات متثاقلة ما فاطمة يالي هم يعرفونها صاحبة القلب النظيف .. عقب يوم صلت فاطمة المغرب قعدت على شبريتها تقري قرآن وشوي جان تيهم أمون لأنهم تأخروا عليها وايد ويوم دشت الغرفة شافت فاطمة تقري قرآن و حذالها ميثة تحل الواجب ..
أمون: ها ميثة تبين شي ..
ميثة وهي تطالع في أمون: لا مشكورة ما قصرتي
فاطمة: صدق الله العظيم ..
أمون: ها فاطمة أحسن الحين
فاطمة وهي ترد لشبريتها عسب ترقد: الحمد الله بخير
أمون: ها وين قومي ويايه ما شي رقده الحين
فاطمة : والله ما ليه نفس يا آمنه سامحيني
أمون وهي تقعد حذا فاطمة وتمسح على شعرها: فاطمة ما زين جيه قومي اكليلج لقمه على الأقل تقعدين صايمة طول اليوم ما يصير ..
فاطمة وبعيونها السرحانة : ما ليه نفس يا آمنه والله ما ليه نفس أكل شي
ميثة وهي ما عايبنها الحال: شربيلج لبن عسب خاطري
أمون: يا الله مو على شان خاطري على شان خاطر بنت خالوتج ..
فاطمة وهي مصرة ما تبا تاكل شي ولا لها نفس ترمس طول الوقت ساكتة وعقب يوها ربيعاتها والبنات يالي وياهم في الجناح قعدو وياها يرمسون و يسولفون بس هيه مول مب وياهم وكان راسها يعورها من الصدعه يالي هم مسوينها بس هيه ما بغت تقول لهم شي عسب ما يقولون إنها متكبرة وكفاية يالي ياها اليوم من شطيطه و ربيعاتها ..
شمه وهي مب مصدقه من يالي تسمعه من سهيل أخوها : سهيل انت تقول الصدق &#33;&#33;&#33;&#33;&#33;&#33;&#33;&#33;
سهيل وهو يطالع شمه أخته بألم: شمه إنتي أصريتي على هذه الشي وأنا خبرتج بس الحين ما بيج تقولين لأي حد الكلام يالي قلته ...
شمه و آثار الصدمة على ويهها والدموع تتيمع في عينها: سهيل " وانمحت كل الكلمات يالي تبا تقولها لأخوها من عقلها شو يعني بتقول أمها يالي هيه أمها طاحت عليهم من سمعت الخبر جيف هيه "
سهيل وهو يقعد جدام أخته : شمه لا تخليني أندم لأني خبرتج ..
شمه وهي تمسح دموعها لأن سهيل يبا حد يحفزه ويعطيه الحياة ما يزيد عليه يالي فيه .. سهيل خبر شمه بكل شي حتى بعلاقته بهند من أول ما كلمها لين ما انقطع عنها وسبب طيحه أمه في ذاك اليوم وسبب دخولها المستشفى و فهمت سبب ألمه في ذاك اليوم يوم إنه كان ياي من صلاه المغرب ..
شمه: شو قالك الدكتور
سهيل وهو يبتسم: الحمد الله قال إنه ما ليه حايه في العملية بس ........
شمه وهي تطالع أخو تباه يكمل بس سهيل تم ساكت
شمه وهي متروعه : بس شو يا سهيل قولي لا تخبي عليه شي
سهيل: ما في شي عادي بس أنا أبا أسوى العملية ..
شمه وهي تفتح عينها على الآخر: شو العملية سهيل انت تعرف شو قاعد تقول العملية ما مضمونه يا سهيل 5% ضمان العملية يعني يا تعيش يا .... " ما رامت تقول الكلمة لأنها صعبه عليها والدموع تيمعت مرة ثانيه في عينها "
سهيل هذه يالي خايف منه إن العملية مب مضمونه : شمه أنا مصر وأخذت قراري بس الوالدة ما تعرف للحين ولا أبويه شمه دخيلج لا تخبرين حد و‘ن شاء الله العملية شهر 7.....
شمه وهي منفعلة : ليش يا سهيل ليش تبا تعذبنا لييييييش " وتقعد تصيح على ركبة سهيل يالي ما يعرف شو يقول أو شو يسوي "
محمد وهو توه ياي من صلاة التراويح هو و مايد أخوه يالي سار على طول لأمه يقول لها شو سوى في المسيد ومنوه كان معاه من ربعة ومن هذه خرابيط الصغاريه .. محمد سار الطابق يالي فوق ويوم وصل أطالع غرفة حصة يالي كانت تصلي في غرفتها ومحمد يبا يكلمها يبا يعرف إذا هيه سمعته أو لا من ذيج الساعة وهو يوسوس حتى الصلاة ما ركز فيها .. وهو ياي يدق عليها الباب ::
سيف وهو متردد: محمد
محمد يالي كان رافع ايده عسب يدق الباب ولتفت لأخوه : هـــــــــــاه
سيف: تعال شوي الغرفة أباك في سالفة
محمد وهو يمشي صوب غرفة سيف: شو تبا
سيف: أدخل عقب بتعرف السالفة .. دخلو الشبيبة الغرفة وكان سيف بيموت من القهر من برود أخوه ..
محمد: هلا بغيت شي الغالي ..
سيف وهو يتمالك أعصابه : حمود أنا الصراحة بدش في الموضوع سيده .. أية في واحد من ربعك قايل ليه رمسه عنك ..
محمد وهو يطالع سيف بغموض: رمسه شوووووو يا سيف
سيف: أعتقد إنك عرفت الرمسه
محمد وهو يتهرب لأنه ما بعيده عن سيف يعرف شي عنه : إي رمسه انت تخبلت شوووووووو
سيف وهو معصب و يبا يرفع صوته بس كان محاسب على عمره عسب محد يعرف بالسالفة: محمد لا تراوغ انت تعرف أنا عن شو أرمس عن ..
محمد: زين عن شو خبرني
سيف وهو يرفع صوته : القمار يا ولد أمك
محمد تم متسمر مكان ما يعرف شو يقول وهو مرتبك : انت أية منوووو قالك و بعدين هذه إشاعات..
سيف وهو يزاعج : و منوه هذه يالي بيتبلا عليك شو مصلحته إنه يطلع عليك رمسه ..
محمد: العذال وايدين في البلاد انت ما تعرفهم ..
سيف معصب وهو يشد أخو من كندورته : حمووووود لا تجذب عليه أنا متأكد و شايفك بعد أنا وناصر " ما شافه بس عسب يعترف بالحقيقة "
محمد وهو يخوز أيد أخوه من كندورته: خوز عني هذه يالي مطلع الرمسه ما شي غيرة ربيعك الخمام نصور ..
سيف وهو يلتة كف: جــــــــــــــاب لا تقول عن ناصر جيه صدق إنك ما تستحي يـــــا السبال
محمد وهو يطالع أخوه لأنه أول مرة يشوفه بهذه العصبية : انت بلاك ليش تزاعج و بعدين لا تغلط..
سيف وهو يهدي : أنا ما غلط عليك بعدني " هدى شوي " ليش سويت جيه يا محمد ليش ؟؟؟&#33;&#33;؟؟؟&#33;&#33;..
محمد قعد يطالع سيف بقهر وعيونه كانت حمر : صدقني بتندم على هذه الكف والله وأنا حلفت
سيف: حمود لا تهدد ما أنا يالي انت تهددني " تهددني تحب ثاني تنسى الحب وتنساني أوه جست جوك نرجع حق مربع الحوار " :::::::::
محمد وهو يمشي لباب الغرفة بس سيف يوده من جتفه : حمود صدقني اعترف أحسن لك
محمد يبطل باب الغرفة بس سيف كان وراه وما يباه يسير إلا لين يعترف :::::
سيف: حمود تعال وين بتروح يا الجبان حبل الجذب قصير .. بس محمد نزل تحت وطلع من البيت أما فوق فكانت حصة قاعدة في غرفتها سمعت كل شي يدور بين سيف ومحمد من حوار لأن كان صوتهم وايد واضح في غرفتها عقب يوم ظهرت إن صعقت بالخبر يالي سمعته .. أما سيف فتم واقف على باب غرفته ظهرت له مريم وكانت شاله في أيدها كتابها ..
مريم: بلاك سيف ليش تزاعج
سيف وهو ينتبه على أخته ويزعج عليها: مـــــا فيني شي سيري ذاكري أحسن لج .. وروح عنها وتمت هيه واقفة مكانها رافعه حواجبها بعبط وعقب ودخلت غرفتها تكمل مذاكرتها ..
شمه وبهدوء : خلاص عيل الحين بخليك ترتاح
سهيل وهو يضحك على أخته: قعدي وين بتسيري مسميه عمرج مهتمة فيني
شمه وهي تطالعه: ليش يعني ؟؟؟؟
سهيل: شمه لا تحسسيني إني صج مريض .. خلج طبيعية يا ختي ولا كنه شي صار وإن قال
شمه: خلاص قوم احينه ما تبا فواله ولا بتقعد في هذه الغرفة ..
سهيل: سيري بعد شوي بنزل
شمه وهي تطالعة بعينها الحمر: ليش يعني ما احينه
سهيل : سمعو انتو تبيني أنزل بكندوره النوم " وهو يمسك طرف كندورته " ..
شمه: لا ما هذه قصدي
سهيل: شو عيل
شمه: يمكن يعني تبا تسوي شي منيه مناك
سهيل وهو مستغرب من كلام شمه: بلاج إنتي شو منيه مناك
شمه وهي مستغصة : ما شي ماشي أنا الحين بنزل تبا شي ما شيات
سهيل: مشكورة الغالية بس لا تنسي يالي قلتلج عليه
شمه وهي تهز راسها: لا توصي حريص طال عمرك بـــــاي :: وسارت عنه شمه يالي كان قلبها ياكلها على أخوها " ما تنلام شمه " نزلت عند أهلها يالي قاعدين يتفولو وكان خليفة ولد عمتها موجود وعق 10 دقايق نزل سهيل ويا سلامي حرمه أخوه يالي شافها وهي تنزل فحب أنه يساعدها .. في الجــامعة كانن البنات معصبات من فاطمة ليش إنها ما راضيه تنزل ويا هم وتشوف الجو الرمضاني في الجامعة.
أمون: والله فن قومي نشي يا الخديه
فاطمة وبكسل: مابا أمون قلتلج ما نازله أكل وأكلت بس طلعة هب طالعة
ميثة: خلاص أمون سيري أنا بتم وياها
فاطمة: لا ميثوه سيري وياهم ..
ميثة: لا أنا أصلن بقعد عندج من الأساس ..
أمون: ما منج فايده بروح أنا عورني راسي من كثر ما أحن عليج :: وسارت عنهم آمنه أما فاطمة فردت ترقد.. ميثة أطالعتها بتحسف وقعدت ترمس في التلفون ماتبا ترمسها لأنها ملت منها من يوم ما ستوت السالفة وهي تكلمها ما لقت منها اهتمام..
محمد وهو معصب كانت عينه بتظهر من مكانها: يا الجلب وأنت منوه قالك تخبره با السالفة هاه ..
حمدان وهو ميود في أيد محمد: خوز أيدك خوزها أنا ما خبرته بالسالفة .. " وهو يتهرب طبعا "
محمد : عيل منوه بيخبره غيرك ..
حمدان: يعني حبكت عليه أنا .. يمكن واحد شافك وخبر أخوك أنا شدراني..
محمد: ما في غيرك يا حمدان يعرف السالفة انت يالي خبرته ليش تتهرب ..
حمدان وبصوت عالي: أنا ما تهرب أنا قلت الصج ..
محمد وهو يطالعه بنظرات هب مصدقه : زين يا حمدان بتظهر الحقيقة و بنشوف رجولتك شو بتسويلك ذيج الساعة ..
حمدان وهو يحتقر محمد: بنشوف يا حمود بنشوووووووووف :: سار محمد عن حمدان ربيعة وهو معصب وكان يسوق السيارة بسرعة جنونية وكان مفول هو خايف إنه السالفة توصل حق أبوه ويلبسه العار ويسود ويه أبوه مثل ما سوى في عمه وحميد ولد عمه يالي كان أقرب الناس له من عيالي عمه حتى أخوانة .. نزل محمد البحر وقعد يفكر بالسالفة وأنه الحين سيف خبر أبوه بكل شي ويزيد قهر كل ما تذكر حمدان ونظراته وجذبه وخيانته " الحين هذه خيانة ربيعك يبا مصلحتك تقول عنها خيانة " .. وهذه هو أول يوم في رمضان أحداث وايد استوت .. عقب أسبوعين من السالفة يالي استوت لفاطمة ما رضت تروح الجامعة والكل استغرب من قرار فاطمة يالي كانت مصرة عليها طبعا هيه سحبت أوراقها من دون شور أهلها سالم عصب منها ليش ما تاخذ قرارهم بلول أما عبدالله فحاس إنه شي صار لأخته بس هو ما يكلمها " في رمضان زين والله " وما يبا يدخل لا تفتن عليه فتنه من الزين .. شمه حاولت معاها بس هيه ما رضت تخبرهم بسالفة حتى دقو حق ميثة يتخبرونها شو يالي صار بس مثل المثل ما يقول " اختج كما اختج و الزود طشونه " ما خبرتهم بشي أما اليازية فقعدت أدق حق فاطمة بس فاطمة ما ترد عليها اليازية حاسة بذنب من يالي سوته بس هي ما كانت تتوقع من بنت عمها تسوي كل جيه وتكون حقودة لهذه الدرجة من صوب فاطمة ..كل يالي سوته إنها عطت شطيطه الصورة ما حطت في بالها إنها في بال بنت عمها شي .. محمد خايف من نظرات سيف أخوه بس هو أونه ما سوى شي حتى سيف شك بالكلام يالي سمعه عن أخوه صح ولا غلط .. محمد حاس بالذنب يوم إنه يطالع أبوه بس فوق كل هذه يسير ويقامر إدمان وما يقدر يهده وفي رمضان بعد وهو يحاول إنه يهده بمساعده حمدان ربيعه ماله غير لو إنه تزاعلو بس ردو حق بعض و تراضو ماله غيره من ربعه في الأمارة لأنهم كل ربعه مداومين .. في أواخر رمضان الساعة 9 ونص المساء بتوقي الإمارات كانت شمه قاعدة تشوف فلم هندي " main hoon na " وكانت شمسه قاعدة وياها تكلم سلطان وقاعدة على الكرسي يالي حذا شبريه وفي الشبرية فاطمة منسدحه وشعرها منتشر على الشبرية وتابع الفلم ويا شمه يالي كانت منتبه على التلفزيون .. شمسه كانت تمشي للباب غرفه شمه عسب تظهر ..
فاطمة : وين بتسيري شمسوه .. كانت شمسه واقفة جدام التلفزيون وشمه تحاول إنها تشوف بس شمسه واقفة .. وكان اللحظة يالي شاروك خان بيعترف لأمه يالي هي مب أمه وأخوه بالحقيقة إنه هو لد ريلها بس من الحرمة الثانية وكان واقف حذا بيتهم وهو يطالع السما ويطلب من أبوه إنه يوفقه " خرافات "
شمه وهي تيود جلابية شمسه من تحت: خوزي يعلج شو أبا أشوف الفلم بيعترف بالحقيقة احينه..
شمسه: زين إنتي بلاج بخوز . بسري غرفتي بيب شي بي ... سارت شمسه لغرفتها وشلت الغرض وروحت من غرفتها وهي تمشي لغرفة شمه حست حد يون وهي خافت بس تذكرت إنها في رمضان ما في شي الدنيا نظيفة بس الون يزيد ومن مكان قريب بعد ويوم انتبهت على المكان شافته جناح أخوها سعيد وكان في ضوء خافت في الممر لأنه باب الجناح مفتوح سارت شمسه تشوف شو مصدر هذه الصوت وهي تمشي في الممر فجأة صرخت سلامي بصوت عالي من الألم شمسه عرفت صاحبه هذه الصوت وربعت لها وشافتها في حاله يرثا لها معرقه ومن كثر العرق شعرها على ويهها كانت شمسه واقفة ومبطله عينها على الآخر وتتنفس بسرعة أما سلامي فكانت تتألم وتحس إن روحها بتظهر من جسمها من الألم ..
شمسه وهي ما عارفه شو تسوي: سلامي بلاج ليش جيه .. " فايجه هذه الحين الحرمة تتويع وهي تسألها" سلامي ما ردت عليها بس أكتفت بالنظر وحست بالراحة يوم شافت شمسه ..
شمسه وهي تحاول تيود سلامي وكانت بتموت ما تعرف شو تسوي: سلامي .. الحين جيف شو أسوي وينك يا سعيد الله يهداك بس امتحنا نحن بغيابك .. المهم نشت شمسه شلت سلامي لصالة جناحم وقعدتها على الغنفه ويابت لها وقايتها وعباتها وربعت لغرفة شمه يالي عصبت من أسلوب شمسه يوم إنها بطلت الباب حتى فاطمة كانت راقدة تروعت من هذه الأسلوب...
شمه وهي معصب: إنتي أية ما شي أسلوب شو يعلج شو ..
شمسه وهي ما سوت لها سالفة: جب زين أحين مرت أخوج بتربي وأنا بويه ما عرف أسوي شي...
شمه من سمعت هذه الكلام نشت من مكانها وربعت لسلامي أما فاطمة فشلت وقايتها وعباتها وسارت تحت تخبر عبود يالي كان قاعد على التلفزيون يشوف الحلقة ويكلم مانع ..
عبدالله: منوع شوها الرمسه خلهم يولون عنك
مانع: سير زين شو أخليهم يتصلون ليه ويأذوني يعلهم شو والله لوما أنا ولد ناس وعرب جان عرفو شو بسويلهم عيال النــــــــاس ..
عبدالله وهو يضحك: عيل ما عيال الناس قول الذين بعد
مانع: لا بويه رمضان ما فيني أكسب أثم كفاية الآثام يالي فيني ممزور سيآت أنا ممزور ..
عبدالله: رحم الله أمرؤن عرف قدر نفسه زين والله زين ..
مانع: لا تنسى عمرك تراك أكثر عني
عبدالله: شدراك انت عالم الغيب وأنا مادري
مانع: استغفر الله استغفر الله شوها الرمسه عبود ما هقيتها منك ..
عبود: لحظه موينع لحظه .. شوتبين ليش تزعجين جيه وبعدين ليش لابسه عباتج إنتي ها..
فاطمة وبتكبر: ما شي بس تعال ودنا المستشفى ..
عبدالله وهو يقعد عدل من بعد ما كان راقد على الغنفه ورافع ريله: شوه المستشفى شو بتسوين هناك ..
فاطمة: مب أنا سلامي بتربي و محد في البيت غير يعني الحين انت ريال البيت مع الأسف..
عبدالله وهو ينش ويكلم مانع ويسكر عنه: زين قوليلهم ينزلو أنا بروح أشغل السيارة بيبها جدام الباب ..
فاطمة : ومن وين بتيب السيارة .. عبدالله ما سوى لها سالفة سار غرفه سهيل وشل سويتج سيارته أل بي أم " قويه منك يا عبدالله " وربع برا البيت وياب السيارة لجدام باب الصالة كانت سلامي تتألم وعلى يمينها شمسه وعلى يسارها شمه وفاطمة راكبه جدام عند عبدالله محد تم في البيت أم سهيل و أبو بيت بنتهم عايشه أما سهيل فكان ظاهر يا ربعة أما سعيد فكان في الملعب " مشارك في دورة رمضانية " و سالم عنده دوام فمحد قعد في البيت إلا البنات وياهم عبدالله أصلن كان بيظهر عقب ما يخلص المسلسل
وعقب 5 دقايق وصول المستشفى وشمه كل دقيقه أدق حق سعيد بس ما يشيله ..
عبدالله: هلا سهيل وينك أنت
سهيل: أنا في المقهى ليش ؟؟؟؟&#33;&#33;&#33; " ما من العادة عبدالله يدق حقه "
عبدالله: ما شي بس سلامي يابينها المستشفى و " وقطع عليه سهيل جان يبا يخبره عن السيارة "
سهيل: قول والله عيل سعيد وين عبدالله: ما دري شموه دق حقه بس ما يشيله على ما أعتقد هو في النادي احينه تلاقيه مخلي تلفونه في السيارة ..
سهيل: خير إن شاء الله عيل بخليك ربع ساعة وأكون عندكم :: سكر عبدالله عن أخوه سهيل ويم طالع جان يشوف أمه وأخته عايشه توهم يايين و كانو مستعيلات ..
أم سهيل: وينها مرت أخوكم
شمه: داخل و معاها شمسه و فطوم
عبدالله وهو ياي: هلا والوالدة " و يوايه أخته عايشه
عايشه: عيل ما دقيتو على أم عمر
شمه: شدراني أنا ما أعرف شو أسوي
عبدالله: لا أنا عمور توني مكلمه وقال بي ويا أمه
أم سهيل: ومنوه في البيت يوم كلكن يايات
شمه: البشكارات و الدريول..
أم سهيل وهي معصبه : حسبي الله ونعم الوكيل عبود سير خذ خواتك ودهن البيت ما عدنا بنات يقعدن في المستشفيات قوم يا الله بشوف ...
شمه : أنا آسف بتم هذه ربيعتي
أم سهيل: قومي بشوف الحين عبود بطرش لك أختك فطوم وشمسوه ودهن البيت .. أونه محد في البيت ويايات " وسارت أم سهيل للغرفة يالي فيها سلامي وهي تتحرطم على بناتها " ..
مريم: وأنا شو عرفني
سلطان: سيري دقي بيت عمج شوفيهم وين
مريم: زين دق حق شمسه ترا بيتهم
سلطان: تتحسبين إني ما دقيت .. دقيت بس ما تشيله سيري مريوم لا تأذيني
مريم: زين بدق حقهم باي.. سكرت مريم عن سلطان ودقت بيت عمها بس ماشي جواب وردت مرة ثانية أدق عقب شلته الخدامة وقالت لها إن كلهم ظهرو ردت مريم اتصلت بسلطان وخبرته إنهم ظهرو وجان يعصب جيف شمسه تطلع من البيت ولا تقوله سكر سلطان على ويه مريم وكان مفول وموصل حده ..
حصة في غرفتها وجان تيها مريم وهي متغصصة من أسلوب اخوانها " صدقها واحد يزعج عليها والثاني يسكر التلفون في ويهها "
حصة: شفيج
مريم: اخوانج يعلهم شو
حصة: بلاهم بعد شو سوبج
مريم: سلطان أخوج قال ليه أدق بيت عمي دقيت قالت ليه الخدامة إنهم طلعو رديت أتصل في سلطان و قلت له شو قالت الخدامة زعج في ويهي وسكر التلفون في ويهي ..
حصة وكاسرة خاطرها اختها : ما عليج منهم يسولفو وياج
مريم: أي يسولفو :: وشوي داخل عليهم محمد..
محمد: مريوم شوي طلعي شوي أبا حصة في سالفة " حصة من قال محمد سالفة دق قلبها وحست بأنه اليوم بيصير شي وهذه الليلة ما بتعدي "
سعيد: يا ريال أغراضي عنده
سهيل: باجر بتا خذهم تعال الحين أباك في سالفة
سعيد: لحظه بشل تلفوني وبي :: سار سعيد ياخذ تلفونه من عند ربيعه يالي ياي وياه ورد حق أخوه سهيل ..
سعيد: ها سهيل قول بسرعة برد ألعب قبل لا يبدى الشوط الثاني
سهيل : أي شوط ثاني حرمتك في المستشفى بتربي وإنتـــ
سعيد يالي قطع على سهيل كلامه: سلامي في المستشفى و ليش ؟؟؟؟؟؟؟؟؟؟؟؟
سهيل وهو يهدي أخوه: هدي انت الحين وخلنا نسير المستشفى بعدها ما ربيت قوم :: سار الشبيبة المستشفى وكان سعيد يتحر قص في مكانه وده يسير المستشفى ركض ما بسيارة لأنه يحس إنه المسافة بعيد بالسيارة " من لهفته وشوقه لسلامي " يالي قاعدة تصارع الموت عسب توجد حياة يديده في حياتها هيه وسعيد يالي ما خاز عن بالبها ومصدر تفا ألها .. الكل واقف يترى حد يطمنهم ويبشرهم بأخبار هم ما يعرفونها .. وشوي وعقب ساعة كاملة هم يتريونها بكل مافيها من توترات أنورت الدنيا بحياة يديده وأول حفيد لأبو سهيل وأول ولد لسعيد يالي بعده ما وصل الكل كان مستانس على هذه الولد أم سهيل كانت تصيح وأبو سهيل شال الولد يأذن له بأذنه والكل كان يبارك حتى أخو سلامي عمر دمعه عينه لأنه يشوف أخته دلوعة أمها وأبوها عندها ولد ::
محمد وهو يقعد على شبريه حصة: بلاج عيل حصة
حصة و عيونها في المجلة : ما فيني شي .
محمد: لا من أيام صرنا ما نشوفج ..
حصة: تعرف بعد كلية ودراسة الواحد ملتهي ما عنده وقت حتى يحك شعر راسه ..
محمد: أيوا عيل شخبار شمه في الدراسة
حصة وهي مستغربه من سؤال محمد: الحمد الله بخير ليش
محمد وهو يطالع حصة : بعد ليش اسأل يعني ما اسأل
حصة وهي تسكر المجلة: لا أفا عليك أسأل إلي تباه
محمد وهو يقرب من حصة: إلي أباه
حصة: إلي تباه ..
محمد: زين .. بقول " نش وسار قعد حذاها وبصوته الرجولي وبكل جديه " حصة أنا أدريبج كارهتني من يالي سمعتيه أدري سمعت كل الحوار يالي دار بيني وبين جلثم بس ..
حصة: زين أنا شو يخصني
محمد: ما يخصج بس والله يا حصة إني ندمان من يالي سويته في ولد عمي والله
وتقطع عليه حصة: ندمان يا محمد ندمان بعد شو بعد ما سار ولد عمك و محد يعرف عنه شي انت ما تعرف إنه حرمة عمي ما ترقد الليل بسبت ..
محمد وهو يطالع أخته بألم: الحين شو أسوي نوريني يا ختي دبريني والحين طايح في مشكلة وجان يسكت ما يبا يكمل " زل للسانه "
حصة: أي مشكلة يا محمد
محمد: لا ما شي لا تشغلين بالج ..
حصة وببرود فضيع: لا ما بشغل بالي ادري السالفة ..
محمد وهو يطالعها بنظرات : جيف يعني
حصة: محمد انت ما يكفيك يالي سويته بعميه وولده .. والحين تبا تعقها على أبويه انت شوه يا حمود انت بشر .. " وهي تهز راسها " مستحيل انت تكون بشر لأن البشر عندهم أحساس تعرف شو أحساس ضمير حي يأنبه على أغلاطة و فعايله .. " محمد منزل راسه كلام أخته صح وهو شو حايته بهذه الشي ماله حايه "
محمد وهو يطالع الصوب الثاني ومنزل راسه وبعصبيه : كل الغلط من أبوي دايما يفضل عيال الناس عليه أنا ليش أنا ما ولده لو أسوي ما أسوي بعدني صغير في عينه ..
حصة: والحين بتصغر أكثر وأكثر يا محمد انت يبت لعمرك الضرر يا خويه .. ما يفيدك الانتقام يا محمد ما يفيدك وأبويه تعرف زين من يحط حد في باله مستحيل يخوزه منه واستحمل يالي بييك منه .. وشوي يرن تلفون حصة كانت شمه يالي متصلة وقعدت تسولف ياها وتبشرها إنه سلامي يابت ولد أما محمد فتم قاعد وعقب روح غرفته لأنه الظاهر إنه محد بيسمعه في هذه البيت .. ..













وسوالـــــــــــــــــم</font></font></font>

[شماسي]

<font color='#F660AB'><p align=center><font face="tahoma, arial, helvetica, sans-serif">يحليلها فاطمه ما تستاهل اللي استوا فيها .. <img src="http://oasis.bindubai.com/emoticons/fa49.gif" border=0>

شو سموا ولد سلامي&nbsp;,وشو موقف سعيد (( اكيد مستانس)) ..؟؟ <img src="http://oasis.bindubai.com/emoticons/fa40.gif" border=0>

محمد شو بيستوي فيه (( كرهته )) .. <img src="http://oasis.bindubai.com/emoticons/fa55.gif" border=0>

نحن في نتظاار التكمله في أقرب ووقت (( الله يوفقك انششاء الله )) .. <img src="http://oasis.bindubai.com/emoticons/fa46.gif" border=0>

شماسي ..&nbsp;&nbsp;<img src="http://oasis.bindubai.com/emoticons/fa35.gif" border=0></font></p></font>

[مهاوي]

<font color='#000000'>
<font color=#0066ff>تسلم اخووووووي على البااااارت ...
والحمدلله يوووم طمنتناااا عليك ...
والله يوفقك ويوفقنااااااا ...
ونترياااااا منك البااارت ...
مع السلامه...</font></font>

[علايه]

<font color='#000000'>مرحبا راعـــ7ــــي...
&nbsp; &nbsp; &nbsp;
&nbsp; &nbsp; &nbsp; مشكور ع الجزء اليديد <img src="http://oasis.bindubai.com/emoticons/smile.gif" border="0" valign="absmiddle" alt=':)'>
&nbsp; &nbsp; &nbsp;ولاتقطعنا ...</font>

[راع7ي]

<font color='#000080'>لأنه ما وحاله يسير البيت ويلبس أصلن قلبه ما طاوعه يسير البيت عسب يسبح ..
أبو سهيل: مبروك يا وليدي مبروك &nbsp;يا بو زايد
سعيد: الله يبارك فيك أبويه " وجان يبوس أبوه على الراس " ها شو يابت حرمتي .. وينها عساها بخير شموه وين عسب تخبرني ..
عبدالله &nbsp;وهو يلعب بلموبايل: بلاك انت شال البقعة يبوك حرمتك بخير وعافية ولدك الحمد الله متين بعد 3 كيلو يقولو عاده أنا ما عرف حبيت بس أتخبرك
أبو سهيل: قول لا إله إلا الله عبود .. " ويطالع سعيد " هيه ما شاء الله عليه يشبهك
شمه وهي طالعة من غرفة يالي فيها سلامي: هلا والله بسعيد مبروك على ما ياك يتربا في عزك ..
سعيد وهو أونه مستحي: الله يبارج في حياتج شمه شفتيه ولدي " وسكت شويه " ولدي الله شو حلاتها هذه الكلمة لا مستحيل أنا أبو لا أخيييج فديتني ..
سهيل وهو يضحك على سعيد: سمعو انتو قام يخرف الحبيب برمسه أونه أخيييج " وسار حق سعيد وبارك حقه " .
عبدالله: خله أول مرة يحس بهذه الشعور .. " ويطالع سهيل " عقبالك بو الشباب &nbsp;
أبو سهيل: هذه ما بيتزوج لين ما يخلصن البنات الزينات عقب بيقول بتزوج ..
سهيل: يا بويه لا تعذب عمرك أنا خلها على الله
سعيد: بس يا بويه أنا الحين أبا أشوف حرمتي شموه بطمن عليها..
شمه: سير لها عادي تراها حرمتك
سعيد: عادي
شمه:سير عادي دش :: نش سعيد ما كذب خبر ودق الباب و وايه عمته وأمه ظهرو عنه أما سلامي فكانت نودانه تبا ترقد كل شوي و تنود عليهم وباين عليها التعب والإرهاق بس هذه التعب في عين سعيد شي حلو سلامي تحلو يوم تتعب سعيد وهو يتقرب من سلامي .. أما سلامي يوم شافت ريلها ابتسمت هذه يالي كانت تترياه وصول سعيد والود ودها تنش من فراشها وتسير له وتلوي عليه بس التعب جابرنها إنها تقعد في الفراش ..
سعيد وهو يبوس خشم حرمته وبكل رومنسيه: حمد الله على السلامة حبي &nbsp;
سلامي يالي تطالعه بعينها الناعسة: الله يسلمك الغالي
سعيد: كيف الصحة عساج مرتاحة
سلامي: بشوفتك مرتاحة .. شفته؟؟ ..
سعيد: منوه هذه يالي شفته
سلامه و بدلع : سعيد عن الهبل الولد .. ولدنــــا
سعيد وهو بيموت على دلع سلامي: &nbsp;هيييييه.... ما شفته بعدني قلت أطمن على الأم بلول عقب بسير له
سلامي: باين عليك يارينك يرمن الملعب &nbsp;
سعيد: فديتج والله ما ياريني بس حالف إلا أيب لج قول إهداء مني لج &nbsp;هديه بعد ما تبين..
سلامي: مشكور ما تقصر واصل إهدائك وهديتك ..
سعيد: البيت ما حلو من دونج
سلامي وتطالعه بعبط: بعدك ما جربت البيت سير اليوم و باجر تعال وقول هذه الرمسه هب اليوم ..
سعيد وهو يبتسم : لا أجرب الكلام إلي ينقال في المسلسلات &nbsp;.. لا والله من احينه اقولج البيت ما حلو صج والله حاس أنا تعرفيني أنا دلوعج بعد " ويحط أيده على راسها لأنه هذه الحركة ما تعيبها تعصب الأخت بس هذه المرة ما قالت له شي " تعالي منوه يابج عيل ليش ما دقيتي حقي بييج....
سلامي: أحلف انته بس شفت تلفونك جم مرة داقة حقك ..بس تعرف شمسه أختك ما قصرت ويايه وقفت ويايه وقفه عمري ما راح أنساها لها أنا قلت شموه بتوقف معايه الوقفة يالي وقفتها شمسه بس طلع العكس صح بعد شمه ما قصرت بس هيه أنا من صدمه منها ..
سعيد: لا شمسوه حبوبه بس أحيانا كريهة &nbsp;
سلامي هي تضربه على جتفه: عيب عليك تقول عن البينة جيه
سعيد: ما قلت شي غلط أنا " ويعم السكوت من بينهم وتم سعيد يطالع حرمته يالي من شافته طار عنها النوم والكسل وصارت نشيطه مع شويه إرهاق " ودخل عليهم أبو سهيل و عسب يسلمون على سلامي و قعدو يسولفو وياها وعقب ترخصو حتى سعيد يالي خبر ربعة بأنه ياه ولد والكل فرح له وروح سعيد وأبوه وشمه أخته و عبدالله و سهيل يالي أنصعق يوم شاف سيارته أل بي أم في الباركن و عبود وشمه سايرين لها عسب يركبون المهم سار و شل السويج من عند عبدالله ويره من كندورته وبعده عن السيارة وهو معصب طبعا وساق سيارته &nbsp;وركب عبدالله عند أبوه أما سعيد فركب سيارته يالي ياي فيها سهيل أخوه وركبت شمه وياه فتمت أم سهيل في المستشفى مع سلامي وأمها .. يمر أواخر رمضان بالخشوع والصلاة والدعاء للخالق لملهم القلوب يالي ما يرد عباده في دعائهم هذه كان حال محمد يالي كله معتكف في المسيد حتى سيف أخوه استغرب منه وطبعا هذه يبشر بالخير .. ويمر العيد عادي بنسبة لأم سهيل مفتقدة ولدها وما تعرف عنه شي و الوسواس ياكلها تحس في فراغ كبير في البيت لبعد ولدها حتى اتصال ما يتصل &nbsp;وتحس العيد مر عليها مثل أي يوم عادي لها.. يرن التلفون في ثالث أيام العيد وكانت أم سهيل قاعدة حذال التلفزيون وولد بنتها سهيل قاعد يشوف التلفزيون وياها وشيماء &nbsp;في حيرها راقدة ..
أم سهيل وهي تشل التلفون :ألوه
حميد وهو انمحت كل الكلمات من عقله من سمع هذه الصوت يالي كل يوم يحلم عسب بس يسمعه &nbsp;وبتردد من حميد وبصوته الخشن: أ .. ألوه &nbsp;
أم سهيل ما عرفت من يالي متصل الصوت غريب عنها: هلا
حميد: شحالج أماية
القشعريرة بدت تسري في جسم أم سهيل من سمعت كلمه أماية هذه الصوت ما غريب عليها: بخير الحمد الله ..
حميد وهو مستغرب من أمه: كل عام و إنتي بخير الغالية ..
أم سهيل وهي تأكدت إن المتصل حميد و تيمعت الدموع في عينها: هلا حبيبي و انت بخير وبصحة وعافية وينك يا وليدي ليش ما دق حق أمك يالي تتريا اتصالك وينك &nbsp;..
حميد: يا أميه لا تصيحين أنا بخير وعافيه لا تحاتين..
أم سهيل : جيف ما تباني أحاتيك انت بتكمل فوق الخمس شهور وما اتصلت ليه ولا طمنتني عليك قولي انت شخبارك وعلومك ..
حميد: الحمد الله بخير وعافية
أم سهيل: ها حبيبي متى بترجع إن شاء الله بسلامة
حميد وبتوتر: هاه .. جريب إن شاء الله جريب ..
أم سهيل وعلى قد نياتها: متى إن شاء الله
حميد وهو يبا يغير السالفة: إلا شخبار أخواني ؟؟
أم سهيل عرفت من ولدها إن ما بيرجع: الحمد الله بخير .. وأخوك سعيد ياه ولد &nbsp;
حميد وهو يبتسم: سعيد .. مبروك على ما ياكم يتربا في عزكم &nbsp;وعزة ..
أم سهيل: إن شاء الله ..
حميد: عيل الوالدة شخبار الشركة و " وبتردد " الوالد ..
أما سهيل: أبوك الحمد الله بخير ..
حميد: الحمد الله " فترة بسيطة من الصمت " عيل بخليج الحين الوالدة
أم سهيل وهي حاسة إن هذه آخر اتصال: وين يا ولدي وين بعدني ما شبعتك منك الغالي
حميد: عندي شغل مهم الحين بخليج فمان الله &nbsp;سلمي عليهم كلهم وقولي حق سلامي وسعيد مبروك &nbsp;..
أم سهيل وهي ما تبا يسكر بس شو تسوي ما بليد حيله : الله يسلمك ودير بالك على عمرك " ووصته ما خلت وصيه ما قالتها له " هذه هو اتصال حميد يالي تجرأ وأخيرا دق حق أمه و اطمن علي أهله طبعا هذه الاتصال له دافع وغاية في نفس حميد بس هذه راح نعرفه في الأحداث اليايه .. وتمر الأيام جاسية على بعض الشخصيات حصة حاسة بالذنب من شكوكها صوب ولد عمها حميد والكل كان واقف وياه إلا هيه وعمها وأبوها " ليش عاده " أما محمد فكان ملتزم من الشركة للبيت ومن البيت لشركة لأنه حس بذنب يجازي أبوه بهذه الطريقة ما ينفعه ولا ينفع أبوه وهو ريال ويحكم عقله وأبوه مأمن عليه &nbsp;" هذه الناس يالي ضميرها حي " في الشركة بسبب غلطة وشيطان وسوس عليه يفقد ثقة أبوه وعمه بسبه غلطه .. أما جلثم فاستقالت من شغلها كفاية يالي ياها من محمد تعذبت بسبته فا ما حبت تيب حقها الرمسه الزايدة بعلاقتها ويا محمد ..
شمه وهي تربع لأبوها: أبويه .. أبويه
أبو سهيل يالي كان يقرا الجريدة : بلاج تزاعجين يا شمه
شمه وهي تصيح: أماية مادري بلاها سرت أقعدها من رقاد بس ما ترد عليه أبويه ..
أبو سهيل : خير إن شاء الله " سار أبو سهيل الصالة يالي فوق وكانت شمسه تصيح على أمها و أمها ميوده على راسها وكانت تعبانه وباين عليها الألم ..
أبو سهيل: بلاج يا أم سهيل
أم سهيل: مادري بس راسي يعورني ..
أبو سهيل: قومي بوديج المستشفى قومي
أم سهيل: لا يا زايد مب سايره
أبو سهيل وهو معصب: لا بتروحين لا تقعدين تدلعين علينا قومي شمسه يبي عباتج أمج ولبسي عباتج بسرعة أنا في السيارة &nbsp;.. " وسار أبو سهيل يشغل السيارة وسارت شمسه تيب عباتها و عبات أمها و سارو المستشفى &nbsp;وقعدت شمه في البيت ويا أختها فاطمة "
سهيل: هند بقول لج رمسه وأباج تسمعيني زين وأنا ما أبا أعلقج فيني زيادة ..
هند والدموع في عينها: سهيل لا تقول هذه الرمسه ما أبا أسمع منك هذه الكلام ..
سهيل: يا ربيه إنتي أحين بتسمعيني ولا جيف &nbsp; ..
هند: إن شاء الله قول يالي تباه الغالي ..
سهيل ولأول مرة: هند أنا " وبتردد " أنا أحبج هيه نعم أحبج قبل أنا كنت ما متأكد من شعوري حيالج بس الفترة يالي مرت احتجت لج أكثر من قبل إنتي ما تعرفين جيف غيرتي حياتي خليتيني أهتم بعمري بس عسب خاطرج .. إنتي كنتي في كل ركن من بيتنا في غرفتي في كل مكان أكون فيه اتخيلج و أحس بج تراقبيني ما تعرفين إني أحاسب بحركاتي يوم أقعد بروحي &nbsp;أدري بتقولين عني مينون بس هذه يالي حصل في عند الوالد على الأوراق يالي تكون على المكتب أكتب أحبج أكتب أسمج بس أحس بشعور ما عرف شو هو.. &nbsp;يوم أكتب أسمج استحي واقطع الورقة يمكن هذه تصرف سخيف مني بس هذه يالي حصل ويحصل .. هند أنا .. " هند ساكتة ما قالت ولا كلمة تسمع كلام سهيل ما متأكدة من يالي يكلمها سهيل يالي يكون مواضيعه جديه وبالموت بعد يطلع الرمسه " ::
سهيل: هند أنا إنسان مريض فيني القلب ..
هند وهي مت فاجأه من يالي يقوله سهيل و ليش قاعد يخبرها ويعور قلبها ..
سهيل: ادري أنج منصدمه من هذه الشي بس هذه هيه الحقيقة أنا مريض من يوم وأنا صغير وما عرفت مرضي إلا من كم من شهر من بعد ما اكتشفتة بروحي عقب خبرتني أميه إنه فيني من يوم وأنا صغير وطبعا محد يعرف بالموضوع &nbsp;غير أميه وأبويه وشمه أختيه ..
هند وهي مت فاجأه بأن شمه تعرف: شمه تعرف بعد ..
سهيل: هيه نعم شمه تعرف .. هند أنا أبا منج جواب قبل لا أخطو خطوة .. هند أنا راح أسافر شهر 7 إن شاء الله راح أسوي العملية في ألمانيا و " ما يعرف يفتح الموضوع وياها " هند إنتي تبيني كزوج ؟؟؟؟.. ألتزمت السكوت هند ما عرفت شو ترد عليه ما بهذه السرعة هذه زواج مو لعبة ..
هند وبتردد: سهيل أنا ..
سهيل : هند أنا ما طلبت منج تردين عليه الحين و إنتي طبعا مب مجبرة توافقين وتحكمي على عمرج بالإعدام مع واحد بعيش طول حياته مريض إذا ما سوى العملية وطبعا العملية مب مضمونه ..
هند وهي مت فاجأه من قوه سهيل يبا سوي العمل وواثق بأنها هب مضمونه : سهيل &nbsp;لا قول هذه الكلام و بعدين العملية مب مضمونه انت عارف بعد يا سهيل &#33;&#33;&#33; لا تجبر عمرك على شي انت مب واثق منه..
سهيل وهو يبتسم لنفسه " الحبيب قاعد يطالع نفسه في المنظرة " : هند حبيبتي من حقي أعيش كإنسان طبيعي ولا إنتي شو رايج ..
هند: هيه بس "لا ترمو أنفسكم في تهلكه " ..
سهيل: أنا الحمد الله واثق من قراري هذه .. و ربج ما بي ردني إن شاء الله ..
هند : ونعم بالله بس يا سهيل ..
سهيل: لا بس ولا شياتة أنا الحين بسكر عنج بس أباج تفكرين بالموضوع زين يا هند أنا ما يهمني رفضج ولا موافقتج بس أتمنى يكون من بعد تفكير .. &nbsp;الغالية وما أباج تفكرين تشفقين عليه هذه ما أحبه وتذكري إنه مصيري و مصيرج بأيدج ..
هند: إن شاء الله يا سهيل ودير بالك على عمرك ..
سهيل وهو معصب: أخيييج هذه يالي ما أحبه "دير بالك على عمرك" أكيد بدير بالي على عمري &nbsp;شو تتحسبين يعني .. &nbsp;
هند وعلى ويهها ابتسامه خفيفة: زين ما قلت شي أنا المهم بغيت شي ثاني &nbsp;..
سهيل: لا والله مشكوووووووره عيل بخليج الحين بباي .. ويسكر عن هند يالي قامت تفكر بسهيل يالي شغل بالها حست بشعور غير الحب اتجاهه " يمكن بالشفقة " أما عند سهيل فكانت شمه تصيح في حضنه ..
شمه: ما دري بلاها يا سهيل ..
سهيل وهو يبا يهديها بس ما يعرف جيف: هم وين احينه يا شمه
شمه: في المستشفى أبويه وداها وشمسوه وياهم ..
سهيل: ما عليج يا شمه الوالدة ما فيها إلا العافية عبود وين ..
شمه وهي تمسح دموعها: بعده ما يا من المدرسة ..
سهي: زين عيل أنا بسر ألهم قولي حق عبود بي ريال و بيعطيه أوراق خلهن يشلهن عن الريال ..
شمه هزت راسها وعقب سارت عن سهيل يالي لبس كندورته وسار المستشفى .. " ويمر 3 أيام على حالة أم سهيل والحال واحد من السيئ للأسوأ &nbsp;مسكينة من بعد اتصال حميد لها انقلب حالها وقامت تفكر فيه أكثر من الأول " &nbsp;الكل قاعد عندها في الصالة وهي قاعدة وياهم وتطالعهم بويه خالي من التعبير .. وهو يسولفون و يرمسون بس هي تكتفي بكلمتين مع أم سلطان وأم خليفة &nbsp;.. شمه كانت قاعدة برا البيت وكان العصر والجو حلو الكل في الصالة إلا هيه ما يعيبها حال أمها وقاعدة تفكر فيها ::
خليفة وهو ياي صوب شمه: السلام عليكم
شمه: وعليكم السلام والرحمة شحالك خليفة
خليفة: بخير والحمد شخبارج إنتي و علومج
شمه: الحمد الله على كل حال ..
خليفة: بلاج عيل قاعدة برا ليش هب قاعدة عندهم
شمه: بس جيه الجو حلو فقلت أقعد برا
خليفة: آآآآآآآهااااااااا زين والله &nbsp;..ممكن أقعد وياج ..
شمه وهي حاسة بالقفطه : هيه نعم ممكنين بعد &nbsp;السموحة &nbsp; &nbsp;
خليفة: على ؟؟؟؟؟
شمه : ها مافي شي ..
خليفة: قولي يا شمه ..
شمه: ما في شي يا خليفة بس عاد ..
خليفة: زين لا تعصبي علينا .. شمه أنا أبا أقولج شي &nbsp;
شمه: تفضل &nbsp;" وشوي جان إي خليفة تلفون وستأذن من شمه وسار بعيد شوي عسب يرمس تلفون " وشوي شمه سمعت حد يسكر باب سيارة برا البيت بس هي ما اهتمت لهذه الشي ويم اطلعت لباب الحوي شافت واحد داخل بيتهم شعر لتحت أذنه " يعني طويل شوي " ومسوي ترابي في ويهه وشكله جنان ولا بس بدله فانيله بيضة وبنطلون أسود ونظاره شفافة بنية وكان شايل شنطة في أيده و الثانية على جتفه " لاب توب " ويمشي في حوي البيت ويطالع شمه بابتسامه يالي ما عرفته على طول نزلت راسها لكن الريال يتقرب نشت له شمه تحرته واحد مضيع بس هو يبتسم لها أما خليفة فكان يرمس في التلفون وعارف الشخص يالي قاعد يمشي في وسط البيت ..
حميد وهو ينزل شنطتة &nbsp;وعلى ويهه ابتسامه: شحالج شمه ..
شمه تمت تطالع حميد بنظرات مب مصدقه تبا تتأكد من راعي الصوت بنظراتها ويوم دققت شافته هو يالي كانت تفكر فيه صح إنه متغير فيه أشياء وايد بس الضحكة ما تغيرت شمه &nbsp;وبدون سابق إنذار لوت عليه بقوه من شوقها له من شوي كانت تفكر فيه سبحان الله .. شمه كانت تصيح بصوت مسموع وحميد كان يمسح على راس أخته بحنان لهذه الدرجة مشتاقين حقه هذه شمه سوت جيه جيف أمه .. شمه بعدها في حضن أخوها ..
خليفة: هلا حميد الحمد الله على السلامة ..
حميد يالي بعده لاوي على أخته وعيونه حمر: الله يسلمك من الشر يا خليفة &nbsp;.. و خاز عن شمه أخته و وايه ولد عمته ..
شمه: طولت يا خوي علينا في هذه السفرة
حميد وهو يمسح دموعه: سامحوني والله &nbsp;سامحوني ..
خليفة: أفا يا حميد مسموح و مرخوص الغالي ..
شمه: أول مرة وآخر مرة تسافر ..
حميد: إن شاء الله " وهو يطالع لباب الصالة " الوالدة وين عيل؟؟؟؟؟
خليفة: كلهم داخل يا حميد الكل داخل ..
خليفة وبيأس: زين والله و شخباركم بعد..
شمه وهي تمشي دموعها: حميد ما بتدخل ..
حميد وهو خايف من المواجهة : أبويه داخل ..
خليفة: نقولك الكل داخل يعني إلي في بالك هم في الصالة ..
شمه: حميد ما تبا تشوف أميه تراها من أربع أيام وهي مريضة &nbsp;..
حميد وهو مب مصدق و بانفعال : أميه مريضه بلاها ..
شمه وهي منزله راسها: طاحت علينا أرتفع عليها الضغط وكان بيسبب لها جلطه بس ربك ستر ورقدوها في المستشفى يومين والبارح طلعت منه ..
حميد و هو يطالع خليفة: كله مني ..
خليفة وهو يلوي على ولد عمه: لا تقول جيه يا حميد هذه كله أمر من ربك ..
حميد وهو مغمض عيونه ما يبا يصيح: فديت أميه وينها هي احينه ؟؟؟؟؟
خليفة : داخل تعال &nbsp;" ويطالع شمه بنظرة " شلي شنط أخوج يا الله بسرعة
شمه وهي أونها معصبه : ليش مب انت يعني انت الريال &nbsp;..
خليفة: سمعو انتو يعني حبكت على الريال &nbsp; ..
حميد وهو يبتسم: خلاص أنا بشل الشنط خلصونا احينه " شل حميد شنطه الاب توب أما خليفة فشل الشنطه الثانية .. الكل في الصالة يسولفون ويكالون يهيلون على أم سهيل يالي كانت تبتسم بالحسرة .. إن فتح باب الصالة والكل مب منتبه للباب و على يالي داخل ويا خليفة وشمه إلا يوم ربع سهيل لخاله ..
سهيل الصغير وهو يزاعج : خاليه حميد خاليه حميد .. هنيه الكل التفت حميد ياته القشعريرة من هذه الموقف صعب عليه أما أم سهيل فتمت تطالع في ولدها جناها هب مصدقه من يالي تشوفه جدامها هذه ولدها ولا هذه وهم مثل ما تشوفه في الأحلام وتبا تنش بس مب رايمه محمد يالي كان يسولف ويا ميود أخوه سار له أول واحد عب الكل نش له حتى عايشه أخته &nbsp;..
محمد وهو حاس براحه في صدره : الحمد الله على السلامة يا حميد ..
حميد وهو يطالع محمد بنظرات: الله يسلمك من الشر يا ولد عمي " ويلوي عليه محمد "
فاطمة كانت نازله من فوق هيه ومريم ويوم شافت حميد أخوها زعجت ويات تربع حقه وهي تصيح ..
فاطمة وفي عيونها دموع ومريم : الحمد الله على السلامة يا حميد ..
حميد: الله يسلمج يا فاطمة &nbsp;.. يات عينه في عين أبوه يالي كان يطالعه بسعادة بس محد حاس فيه أما حميد فلاحظ ابتسامه أبوه لأنه عارفة زين محد يعرف أبوه كثر حميد .. سار حميد لأبوه وباسه على
راسه ..
حميد: شحالك الوالد عساك بخير ..
أبو سهيل وبجفاء: الحمد الله بخير .. حميد التفت على عمه وسلم عليه وعلى مرت عمه وعلى عمته و سهيل وسلطان وسعيد .. وآخر شي لأنه قاصدنها هذه الحركة يبا يسلم عليها من الأول لأنه متوله عليها بس خلاها آخر وحده من غلاتها عنده و يبا يقضي كل الوقت عندها &nbsp;.. حميد وهو يمشي لأمه متوله عليها فوق ما تتصورون يحس خطواته بطيئة لها وده يركض لها مع إنه المسافة بسيطة بينه وبينها ..
حميد وهو يهوس ويبوس راس أمه: السلام عليج أميه ..
أم سهيل ما قدرت تقول شي من فرحتها بوجود ولدها مب مصدقه ألتزمت الصمت أكتفت بس بدموع هنيه حس حميد بأنه غلط بترك البيت ..
حميد وهو ييلس حذا أمه : عساج طيبه يا الغالية
أما سهيل وهي تمسح دموعها بوقايتها: الحمد الله مدامك عندي أنا بخير وعافية ..
حميد وهو ينزل نظارته : الحمد الله ..
أم سهيل بعتاب: ليش ابطيت علينا يا وليدي &nbsp;تأخرت عليه يا حميد " وترد تصيح "
حميد وهو يبوس أيد أمه و يحطيها على خده : السموحه الغالية السموحه ..
أم سهيل: دامك بتسافر جيه ما بسامحك ..
حميد وهو يبا لطف الجو " مب من عوايده " ويدلع على أمه: &nbsp;عيل الحين مب مسا محتني &nbsp;..
أم سهيل وتطالع في ولدها: أنا زعلانه عليك و شوفتك تراضيني يا نظر عيني .. حميد حس إنه غالي بعين أمه &nbsp;ولوى عليها بحنان الولد للأم . الكل تأثر من هذه الموقف وخصوصا أبو سهيل يالي الدموع في عينه :: أم سهيل تعاتب ولدها وهو قاعد يراضيها بدلع الولد الصغير لأمه حصة قعدت تطالع في حميد كانت الدموع في عينها بس ما تبا تظهر وسارت المطبخ عسب تصيح على راحتها &nbsp;وسارت وياها شمه يالي كانت مستانسه برجوع أخوها ..
شمه: بلاج حصة ..
حصة وهي تشهق من الصياح : ما فيني شي بس تأثرت وايد من الموقف يالي حصل..
شمه: زين كلنا تأثرنا بس مب هل كثر عاد ..
حصة وهي تطالع شمه : إنتي ما تعرفين شي يا شمه ما تعرفين شي..
شمه: زين قوليلي عسب أعرف &nbsp;..
حصة: شمه أنا .. وسارت لشمه وقعدت تصيح وهي لاويه عليها وشمه مب عارفة السالفة مب عارفة إن حصة حاسة بالذنب من شكها بولد عمها ونزاهته بس من بعد شو &nbsp;..
حميد وهو يطالع شمسه يالي كانت تصيح له على جتفه وتوها عارفه إنه موجود وسلطان قاعد يطالع حرمته بابتسامه على ويهه وبحنان ما هاينه عليه حرمته تصيح وده يسر لها ويحضنها عسب يهديها ::
حميد و بعتب : شمسوه هذه الكلام يالي قلتلج إياه قبل لا أروح من البيت ها انج تديرين بالج على أميه وما تخلينها تشتكي من شي ..
شمسه و ويهها أحمر من الصياح : سامحني يا أخوي &nbsp;..
حميد: مسموحة الغالية أسولف قاعد .. وشوي جان تي سلامي من فوق وشاله ولدها في أيدها ويوم شافت حميد سارت له بابتسام هاديه وسلمت عليه ..
سلامي: الحمد الله على السلامة يا حميد ..
حميد وهو يطالع فوقه : الله يسملج " فتح عينه ونش لحرمه أخوه وهو يبتسم" هلا منوه هذه سلامي..
سلامي وهي تطالع ولدها بحنان: هذه ولدي يا حميد ..
حميد وهو يطالع في سعيد يالي كان يسولف ويا مايد ولدعمه " يستهبل عليه " : أفا يابو زايد أييك ولد ولا تخبرني &nbsp; ..
سعيد بعتب وهو رافع حاجب: نحن نعرف جم رقمك عسب نخبرك ..
حميد: على العموم مبروكين على ما ياكم يتربا في عزكم إن شاء الله ..
سهيل وهو يكلم حميد: توها الناس يا بوك الولد بيكمل شهر احينه ..
حميد وهو يطالع حرمه أخوه: كلن وله عذره صح سلامي &nbsp;..
سلامي: لا أفا عليك معذور و مرخوص ومقدرين ظروفك يا حميد .. " وتمد أيدها له عسب يشل الصغيروني وحميد مستحي ما يعرف يشل صغارية فشله وقعد حذا أمه يالي مستانسه عليه زود بس يالي منكدنها روحه أبو سهيل من الصالة شو بيقول عنه ولده إنه ما يباه في البيت " &nbsp;::
برا البيت كان أبو سهيل قاعد ويا أبو سلطان على المنامة &nbsp;..
أبو سلطان: وشوه بيقول عنك الولد يا أبو سهيل احينه ..
أبو سهيل: خله يا خذ راحته ويا أهله يا أبو سلطان ..
أبو سلطان: شدراك يمكن يكون مرتاح بوجودك ..
أبو سهيل: بعد يالي صار ما أعتقد ..
أبو سلطان: بو سهيل انت تعرف عن منو تتكلم انت تتكلم عن حميد راع القلب النظيف يالي ما يشل على الناس غير الطيبة ..
أبو سهيل: لا بس أنا غير يا بو سلطان أنا يالي ..... وما يبا يكلم لأنه ذاك اليوم كان جاسي عليه ..
أبو سلطان: قوم اذكر الله يا بو سهيل وخلنا نسير المسيد &nbsp;.. أبو سهيل تشاهد على ويهه وسار ويا أخوه المسيد لصلاه المغرب .. عقب الصلاة كانت حصة قاعدة في صالة بيت عمها و ميوده ولد سعيد في أيدها وشوي جان يدخل حميد ..
حميد وهو يدخل البيت جان يشوف حصة وبهدوئه المعتاد: السلام عليكم ورحمه الله وبركاته ..
حصة حست بتوتر: وعليكم السلام والرحمة .. الحمد الله على السلامة يا حميد ..
حميد: الله يسلمج .. عيل أميه وين ؟؟؟
حصة : داخل في غرفتها &nbsp; ..
حميد: أيوا غرفتها عيل أنا بخليج احينه .. وسار عنها حميد لغرفه أمه يالي يحس إنه ما يقدر يفارجها ..
عبدالله توه داخل ويا سالم يالي كانو توهم ياين من اللعب من النادي ..
عبدالله : روح زين فريقكم يالي فاشل ... شفت منوع جيف رفعها ليه ..
سالم : روح منوع ما يعرف يلعب يتحسب عمرة لعيب وهو ولا شي ..
عبدالله: شدراك عند مانع اللعب مالت عليك .. أوه حصوه عندنا يا مرحبا الساع والله ..
سالم وهو يطالع حصة: السلام عليك الناس تقول .. السلام عليكم شحالج حصة ..
حصة وعلى ويهها ابتسام حلوه لشوفه سالم: وعليكم السلام الحمد الله بخير وعافية
عبدالله وهو يقعد حذا حصة: سامحيني ريحتي عله ومعرج من اللعب يبي هذا الدب..
حصة : لا ما تشيله و انت عارف عمرك وسخ و ريحتك من بعيد تزقر ..
سالم وهو يضحك على حصة: عيل شو تقولي عني أنا معيف ..
حصة: والله زين يوم تعرفون عماركم .. &nbsp;حميد كان ظاهر ويا أمه من غرفتها ويضحك معاها .. سالم قعد يطالع منوه هذه يالي يضحك بصوت عالي .. وأمه بعد كانت تسولف بسعادة عارمة ويوم بينو من الممر ..
سالم وبصوت رجولي عالي حتى ولد سعيد صاح من شده الصوت: حمييييييييييييييييييد ويربع لحميد يالي ربع هو الثاني لأخوه يلوي عليه وبسعادة ويكفخة ورا ظهره ..
سالم: ليش كل هذه الغيبة يا حميد ليش يا السبال ؟؟؟؟ عبدالله كان مب مصدق بس يوم سمع صوت حميد ربع هو ثاني وينط فوق خوانه يالي كانو يضحكون و يسولفون .. أم سهيل هنيه ردت لها الروح يوم شافت عيالها محتشرين في البيت صح إنها اضايجت لأنهم داخلين و أشكالهم أرف..
سالم: ها بو الشباب أشوف راده لك الروح ولا مبيض بعد ما كان اسمر واحد فينا جنه مب و لدج أميه
عبدالله: جو بريطانيا وما يسوي يا سالم ..
حميد: والله بريطانيا وايد حلوه شويه عليها ... &nbsp;كله غيم ما أنلام يوم بيضيت مع إنه لوني كان أحلا &nbsp;..
أم سهيل: ها لا تفكر المرة &nbsp;اليايه تسافر
عبدالله وهو يسوي حركه بشفايفه : خقاق بعد أونه جان لوني أحلا ..
حميد: صخ انت صخ .. " ويطالع أمه " لا الوالدة المرة اليايه إذا سافرت باخذج و يايه ..
عبدالله: أنا بعد عسب بخلص ثانوية عامة فديتني
حميد: شخبار المدرسة عسى بس..
عبدالله: لا الحمد الله مشين حالنا ..
سالم: عبود ما ملاحظ شي
عبدالله: شو
سالم : أميه ما قالت شي كل مرة تفاتن علينا
حميد: عسب بس خاطري أميه ما بتقول لكم شي ..
أم سهيل: لا كل يوم بس هم ما قعدو على الغنفة قاعدين تحت ..
حصة تضحك : يحليلهم عيال عمي كل يوم يفاتنون عليهم ..
سالم: بعدج ما شفتي شي يصير مراوغ كل يوم المغرب .. عيل أنا بروح اسبح وتنظف وعقب بيكم ..
عبدالله : خذني وياك .. سار عبود ويا سالم لفوق وجان تنزل شمه وشمسه من فوق &nbsp;.. نزلن يسولفن ويا حميد ..
شمسه: هاتي حصة الولد معذبينج ويانا .. وسلامي وينها عنه عيل
حصة: لا خليه عندي والله شمسوه ..
أم سهيل: وين عيل أمه ؟؟؟
حصة: في المطبخ تسوي له الحليب &nbsp; .. ها شمسوه شو قلتي ..
شمسه: خلاص عسب بس خاطر سلطان ..
حميد وهو معصب: و ليش يعني سلطان ..
شمه وهي تضحك: بويه انت ما تنلام الحرمة حرمته الحين ..
حميد وهو متفاجئ : كيف &nbsp;كيف ؟؟؟؟؟؟&#33;&#33;&#33;&#33;&#33;&#33;&#33;&#3 3;
أم سهيل: سلطان ولد عمك ملج على أختك من شهر احينه ..
حميد: و ليش ما خبرتوني عيل أنا هب أخوها يعني &nbsp;..
شمسه: والله يا حميد أنا كنت أباك في ملجتي بس أميه كانت مصرة عسب ... " وكانت تبا تكمل الرمسه بس شمه قعدت تطالع حصة وحست شمسه إنها بتزل وسكتت "
حصة وبابتسامه: ليش سكتي يا شمسه أنا هب غريبة صح
شمسه: لا ما قصدي يا حصة ..
سلامي وهي يايه من المطبخ: السلام عليكم ..
الكل : وعليكم السلام الرحمة ..
حميد: لا عادي يا شمسه و مبروك ماخرا وسامحوني على كل شي ..
أم سهيل: مسموح و مرخوص يا الغالي بس انت لا تحطى في خاطرك
حميد: تحيديني يا ميه ما حطي شي في خاطري &nbsp;..
شمه: فدييييييييتك أنا
حصة: لا سلامي عطيني أنا بعطية الحليب &nbsp;
سلامي: زين خذي هذه الفوطة .. خذت حصة الفوطة عن سلامي و قعدت ترضع ولد سلامي والكل قعد يطالعها وهي مستحية حميد يطالعها بحنان يشوف بنت عمه الحنونة جيف تتعامل ويا الصغارية ..

.............</font>