<font color='#000080'>الله يسلمج أختيه مي دبي من الشر
وما عليه بنشوووووف توقعج في الجزء الياي صح ولا رونج
والجزء اليــــــأي جريب بس إذا مب مربرب شو بتسوي ...؟؟؟
السموووووووووحه
هلا والله بأخويه السنــــــــــافي ..
والعفو الغالي .. هذه كله من ذووووقك الحلو
لا أفــــــــــــا عليكم إذا فيه ما ببخل عليكم بحطه لكم
بس مثل ما تشوف العين بصيرة و الأيد قصيرة .. يمكن سالم يالي متص
ويمكن حميد ويمكن حمده بعد شووو مـــــــــــاندري بعدنا ..
وسوااااالم حبوووووب</font>
<font color='#000080'>مرحبــــــــا علايه .. مشكووووورة و تامرين
أمر يا الغليه مانردج في طلبج .. وتسلمين
هلا والله مها دبي مشكوووووورة على المرور لاعدمناج
إن شاء الله خلتني احبك بنكملها حبوووبه ... وتسلمين
على الطوفه الحلووووه</font>
<font color='#000080'><font color='#000080'><font color='#000080'>الجزء السادس
سار عبدالله تحت و كانت شمه تجلب في القنوات من ميلودي لين نجوم لين ميوزيك بلس .. ويا وقعد حذالها .. و تضايج من كثر ما هي تجلب في هذه القنوات
عبدالله: شموه ثبتي على قناة وحده والله انج كجرة
شمه: كجرة حرمتك .. وبعدين سامحني أنا بشوف فلم هندي
عبدالله: ترومي عليها حرمتي .. وبعدين يوم انج بتشوفين فلم هندي ثبتي على القناة الهندية يا الهندية
شمه: كيـفي والهندية حرمتك
سالم وهو ياي من المطبخ : بلاكم .. عبود روح جول تنادي سير:: نش عبدالله وظهر برا يشوف الخدامة ليش تزاقر..
شمه: ها سالم ما بتودينا مكان يعني والله بموت من الملل
سالم: وين يعني تبين تسيرين بهذه الليل
شمه: يعني حوطبنا وبعدين بعده ما لليل
سالم: لا قعدي أنا بروح الدوام
شمه: سالم خل عنك البارح ياي
سالم: شموه قعدي محلج أحسن :: وشوي كان حميد نازل من فوق و جان يرن التلفون وكانت حصة يالي متصلة ..
سالم وهو يشل التلفون: ألوه
حصة أقشعر بدنها من سمعت الصوت : ألوه السلام عليكم
سالم وهو عرف منو على التلفون: وعليكم السلام هلا حصة شخبارج وعلومج
حصة: الحمد الله بخير دامك بخير عيل وين شمه
سالم: لحظه شوي :: سالم وهو يعطي التلفون حق شمه
شمه: منوه ؟؟
سالم : حصوه بنت عمي :: سارت شمه وشلت التلفون وقعدت ترمس ويا حصة ..
حميد وهو يجلب في القنوات : عيل وين سهيل؟؟
سالم: سهيل في بو ظبي ليش ما تدري
حميد: لا والله الحين دريت
سالم: ما تنلام و انت حابس عمرك في هذه الغرفة والي يقول جنه محد عنده غرفه إلا انت أكيد ما بتعرف شو يصير في البيت
حميد: ما ترزا عليك أنا سألت سؤال
سالم: حميد انت بلاك
حميد: شو بلاني ليش الكل يسأل نفس السؤال :: و عبود كان ياي من برا وشال في أيده كيس وهو يرمس ربيعة مانع صديق الطفولة على قولته..
عبدالله: وتم الغالي أفا عليك ما طلبت انت خلاص خير إن شاء الله
مانع: بدق حقك يوم بوصل بيتكم صار
عبدالله: عسى خير حياك فمان الله .. وصكر عن مانع
عبدالله وهو يقعد على الغنفه: سالم معزوم تفضل..... حميد تبي
حميد: لا مشكور
سالم: مشكور حبيبي أدريبك أنا
عبدالله: أعجبك أنا تراه
حميد: سير كل برا لا توسخ الدنيا
عبدالله: ياهل أنا شايفني أعرف أكل على ما أعتقد
حميد: إذا غاب القط ألعب يا فار
سالم وهو يطالع حميد بنص عين : يعنـــــي ؟؟؟
حميد: اللبيب بالإشارة يفهم ..
سالم: سمعو انتو
عبدالله: ما عليك منه كل الحين انت :: وشوي تيهم شمه وجان تحتشر عليهم شمه نسخه ثانيه عن أمها ما تحب حد يوسخ البيت ..
شمه: عبود سلوم والله مب يهال سيرو أكلو في المطبخ لازم يعني في الصالة
سالم وهو يضحك: فديت أميه والله تذكرتها
عبدالله: إنزين بلاج إنتي ؟؟ محتشرة لا طيح بلاعيمج
شمه: عبود روح المطبخ يعلك
سالم: خلاص عبود قوم سرينا المطبخ بنرمس على راحتنا أحسن
عبدالله: انت تشوف جيه
سالم: هيه نعم قوم يا الله :: وسارو المطبخ أما حميد قعد ويا شمه يسولف وهو كان يبي يسولف مع حد يفهمه وما شي غير شمه أخته ..
حميد: شمه أنـــــا بسافر
شمه وهي تطالع حميد حميد ما يحب السفر جيف يقول هذه الرمسه : نعم ما فهمت
حميد: شمه أنا بسافر بس
شمه وهي تقاطع حميد: ليش تسافر ما حيدك تحب تسافر
حميد: هذه المرة أنا مقرر أسافر
شمه: حميد انت فيك شي
حميد تم ساكت ما يبي يتكلم زيادة مع إنه يبي يفضي إلي في قلبه : لا ما فيني شي بس يوم بأذن الأذان قوليلي
شمه وهي تطالع أخوها يلي روح عنها ومخلي ميه علامة استفهام على ويه شمه :: وفي بوطبي كانت الدنيا غير وخصوصا عند شيخه يالي كانت بتموت من المستحى الكل كان يطالعها كانت الملجه عاديه بس أهل المعرس وأهل العروس .. والكل كان يتمدح في شيخه وأما هند فكانت ويا ربيعاتها وشمسه وياهم هي ما تعرفهم بس تعرفت عليهم حبوبات و شريحات بال ..
شمسه: ما شاء الله شواخ محلوه زيادة
هند وبفستانها العنابي الفاتح " وحداوية الأخت ما تنلام " : أكيد أنا أختها
شمسه : و إنتي ما شاء الله عليج هندوه الماكياج عليج وايد غاوي
هند وهي محمره من المستحى : تسلمين حبوبه .. تعالي والله عتبانه عليكم وايد
شمسه: ليش عاد ؟؟!!
هند: شموه ما يبتوها وياكم
شمسه: كانت بتي بس تعرفين محد بيتم في البيت و سهيل أخويه كان مستعيل
هند سمعت أسم سهيل تغير شكلها: عيل خير إن شاء الله :: وجان يرن تلفون شمسه وكانت المتصلة سمر بنت عمها ..
شمسه وهي مو مصدقه بس قبل لاتشلة تراجعت شوي وقعدت تكلم نفسها : لا يكون هذه سلطان ولد عمي يالي داق حقي بس ليش؟!؟! .. ومن بعد تفكير قررت إنها تشله ..
شمسه وبتردد: ألو
سمر ومن سمعت صوت شمسه ابتسمت: مرحبـــــــــا
شمسه من سمعت صوت سمر زعجت بصوت عالي وحتى قفطت الناس كلها تطالعها : سمروه الحمد الله على السلامة
سمر: الله يسلمج
شمسه: هـــــا وصلتو
سمر: الحمد الله وصلنا وأنا الحين في بيتي
شمسه: الحمد الله على السلامة حبيبتي والله لج وحشة الغالية
سمر: و إنتي أكثر الغالية
شمسه: ومنو يالي يابكم من المطار
سمر: سلطان أخويه و حصوه أختيه
شمسه: سلطان ؟؟
سمر: هيه نعم سلطان ليش مستغربه يعني
شمسه وهي مرتبكة: لا ما قصدي أنا أصلا بسر..يعني ما من عوايده أحيده سيف يالي يهتم بهذه السوالف
سمر: ما دريبه عيل .. المهم إني رديت بسلامة
شمسه: هيه الحمد الله أنج رديتي بسلامه وتزهبي عاد باجر نحن عندج في البيت
سمر: خلاص وتم الغالية ما طلبتي :: وقعدن البنيات يرمس عن سوالفهن وعقب سكرت سمر عن شمسه لأنها بتسير ترتاح من بعد شهر عسل ما ينسى بنسبه لسمر .. سهيل كان برا وقف لأن أمه دقت حقه بيروحون البيت لأن فاطمة دقت حقها وقالت لها إن سلامي تعبانه وايد وهو للحين يترياهم بعدهم ما ظهرو وعقب 10 دقايق ظهرت أم سهيل وبنتها وسارو دبي .. ومر الإجـــازة الصيفية وشمه بتموت من الملل .. وما باقي شي على المدارس والجامعات والدوامات .. سعيد يالي مرتاح فيهم ما خذ إجازة سنوية 5 شهور أما سهيل فدوامه مثل دوامات المدارس " شركه أدنوك " وهذه السنة بيكون مهندس بترول يعني شهر بيداوم وشهر قاعد عندهم في البيت .. حميد " يحليلك يا حميد " حاله يزيد يوم بعد يوم انعزاله عن أخوانة وكان وايد يحب يقعد في غرفته وهذه المرة زادت .. و عبدالله يحوص في هذه المراكز هو وسالم " أونه يتزهب حق المدرسة " وسالم يداوم يوم بيومين لأنه دوامه في دبي " مرتاح الحبيب " متى ما يبي بياخذها .. ..
أم سهيل: شمسه تعالي حبيبتي أبيج
شمسه: نعم أمية
أم سهيل: مرت أخوج وينها
شمسه ومن غير نفس: فوق عند شموه
أم سهيل: تعالي يلسي بغيتج
شمسه: هلا
أم سهيل: ياميه أنا أمج وأبي مصلحتج
شمسه: قولي أمية شو بغيتي
أم سهيل: يا بنيتي بدش في الموضوع على طول .. ياميه في واحد ياي خاطبنج
شمسه تنتبه على أمها وتبي تسمع أمها للآخر ..
أم سهيل: ها شو قلتي
شمسه وهي مو عارفه شو تقول: شقول
أم سهيل: شقلتي على الموضوع ترا ريال وما ينعاب
شمسه: أدري ريال بس من حقي أفكر في الموضوع
أم سهيل: فكري في الموضوع وردي عليه :: شمسه قامت من عند أمها ولا قالت ولا كلمه كانت من صدمه بالخبر يالي قالته أمها من بعد ما تعلقت بسلطان والكلام يالي قاله لها مستحيل تاخذ غيرة ::
دخلت غرفتها وكانت الدموع في عينها معقولة الكلام يالي قاله لها سلطان جذب و ليش .. انتبهت عليها شمه يالي كانت قاعدة في الصالة هي و سهيل ..
شمه: بلاها شمسوه .. بروح إلها
سهيل: يلسي مكانج ما له لزمه تروحي
شمه: تصيح !!!!!!!!
سهيل: شفتها بس إنتي تتحرين إذا دقيتي عليها الباب بتفتح لج
شمه: أدري ما بتفتح
سهيل: قعدي ولا تقفطين عمرج
شمه تمت تفكر بشي يالي يخلي شمسه القوية تصيح .. أكيد أمها قالت لها شي .. قامت شمه من عند سهيل وسارت عند أمها يالي كانت قاعدة تجلب في هذه القنوات تسمع لها جم من أغنيه " خوه الحين ما نشوف شي كله أغاني " وجان تطلع لها أغنية " هب النسيم لفرقة دبي الحربية " وقعدت تسمعها .. وشوي جان توصل شمه..
شمه: أمايه بلاها شمسه ؟؟!!
أم سهيل: ما بلاها شي ليش ..
شمه: ما بلاها شي شو قايلتلها ؟؟
أم سهيل: شموه قومي ييبي ليه الفواله الحين أبوج الحين بي .. وايد تأخر اليوم
شمه: قولي أول شو قلتي حق شمسوه أنا مو بنتج
أم سهيل وهي تضحك : بلا بنتي بس سيري يبي حقي الفواله وعقب وبخرج
شمه: وإذا ما خبرتيني ؟؟
أم سهيل وهي تفتن عليها: بخبرج قومي الحين :: سارت شمه المطبخ ويابت الفواله حق أمها يالي كان سهيل يكلمها وعرفت شمه إنها ما بتعرف السالفة موليه ..
أم سهيل: أبوك تأخر يا سهيل
سهيل: عيل عبود مخبل به
أم سهيل: الولد هذه السنة بتكون عنده ثانوية عامه شو بيسوي فيها
سهيل: الله يعينج عيل
شمه وهي تحطي الفواله حذا أمها : وهذه هي الفواله
أم سهيل وتأشر بعينها على سهيل " يعني يا شمه عقب بخبرج بسالفة "
شمه فهمت على أمها وقعدت تتكلم ولا جنه شي صاير:: وشوي يوصل أبو سيهل وكان عبدالله وسالم وياه سايرين المزرعة يعدلون فيها لأن عبدالله عيبته بس يوم راح لها ذيج المرة كان الصبح والحين ساير لها العصر وماخذ سالم وياه وسالم عيبته المزرعة من زمان ما سار لها لأنه كان مشغول بدراسته
في كلية الشرطة والحين من عقب ما ستوى نقيب وشد حيله و ستوى ضابط حس الحين متفرغ حق أهله
وخصوصا أنه دوامه في الإمارة نفســــــها ..
السلام عليكم ..
وعليكم السلام
عبدالله: ها الوالدة شحالج
أم سهيل وهي تطالعة: بخير الحمد الله
عبدالله: صبيلي شاهي أميه
أم سهيل: إن شاء الله
سالم: لكن شو المزرعة والله إنها فن
سهيل: عيبتك.. يوم نقولك تعال ويانا انت و سواف ولد عمي قلتو لا ما نروح هذه الأماكن
عبدالله: ما شفت سيف جيف قاعد يتمشى فيها و عايبتنه والله جان ما يبي يروح
شمه: عيل ما بتودونا نحن بعد نبي نشوفها المزرعة بعد التعديل
سهيل: والله يبالنا روحه نتنفس الهوا
شمه: متى عاد هذه كله إلا كلام
أبو سهيل: إن شاء الله ليش مستعيله إنتي نحن تونا يايين منها
شمه: كلام الليل يمحيه النهار
أبو سهيل وهو يضحك: لا ما يمحيه
شمه : بلا يمحيه وبتشوف بعد
أبو سهيل: عيل وين شمسه ما شوفها معاكم
شمه: في غرفتها
أبو سهيل: وفطامي حبيبتي وين
عبدالله: مرتزة جدام الكمبيوتر بيفتك منها بتسير العين عنه
أم سهيل: مادري بلها هذه البنت ليش تبي تروح العين مع إنه دبي متروسه جامعات
شمه: بنتج خقاقه وبعدين بتفتك من عبود الحشرة
عبدالله: لو سمحتي أنا ما قلتلج شي يوم بعدين سيري حق أمج صيحي
سالم: عبود اسكت عنهم البنات صياحات
أبو سهيل وهو يطالع سالم بنظرة: بس انت وياه " وجان يفتن عليهم من الزين "
أم سهيل: بس يا بو سهيل شتبابها وبعدين شموه ما بتاخذ عليهم :: وجان يأذن عليهم أذان المغرب وسارو الشباب المسيد وشمه طبعا ما خلت أمها إلا تعرف سالفة شمسه يالي كانت في غرفتها تفكر في سالفة الريال يالي خطبها وهي طبعا ما نامت ولا تعشت كله حابسه عمرها في الغرفة حتى عبدالله
غمضته أخته وسار لها دق عليها الباب بس هيه ما بطلت الباب .. وكانت الساعة1 بليل وشمسه بتموت من اليوع : ما ترزا عليه أفكر فيك يا سلطان على الأقل هذه الريال فكر فيني و انت خسارة عليك الصياح يالي صحته لك وتفكير يالي فكرته .. نشت شمسه وفتحت باب غرفتها وسارت غرفة شمه يالي كانت تطالع الفلم الهندي هي وفاطمة يالي رقدت عنها على طول .. وشوي تسمع شمه حد يدق الباب نشت شمه وبطلت الباب وشافت جدامها شمسه يالي كانت عيونها مورمه من كثر الصياح ..
شمه ومن كثرا الخوف على شمسه: بلاج الغالية ليش شكلج غادي جيه
شمسه ما قالت غير: يوعانه
شمه: من عيوني الغالية تبين شبس ولا كاكاو عصير
شمسه: لا نزلي معايه تحت بروح المطبخ بموت من اليوع بطاط مايورعني
شمه: بس
شمسه ما سوت سالفة لشمه سارت عنها تحت تدري إن شمه بتي وراها عسب جيه سارت عنها:: وتحت كان سلطان عند سهيل قاعدين يسولفون في الميلس
سلطان: أخاف ما تبيني هيه
سهيل: ما دري والله وتبي الصج كانت معصبه هيه
سلطان: معصبه ليش ؟؟
سهيل: ما دري والله ليش معصبه ومن يوم ما خبرتها أميه العصر بسالفة وهي حابسه عمرها حتى عشا ما تعشت ..
سلطان: لاحووووول أنا أش سويت وبعدها للحين
سهيل: لدقيقتك هذه ... أية سلطان بقولك شي أنا من زمان أبي أقولك عنه
سلطان وهو مهتم : أهممممم قول
سهيل وبتردد : الصراحة أنا فكرت قبل لا أقولك هذه الشي بس
سلطان: سهيل ما أحب اللف والدوران قول إلي تباه
سهيل: سلطان أنا مريض وفيني القلب
سلطان حس هذه الخبر مثل الصعقة على راسمه حبيب عمرة سهيل وولد عمه فيه القلب وجيف : هــــــــــــــــــــاه
سهيل وهو منزل راسه : هيه نعم في ثقب في القلب من يوم وأنا صغير
سلطان: من يوم و انت صغير وما قلت ليه ليش يا سهيل ليش
سهيل: صبر يا سهيل صبر بقولك السالفة أنا من الأساس ما أعرف إني فيني القلب بس من فترة كنت أحس بألم في صدري بس ما سويت حقه سالفة و انت تذكر يوم إنيه أقولك أحس بألم في صدري .. ومن بعد فتره طحت غشيان الفير يوم إني أركض ..
سلطان وهو حاس بسهيل : شو قالك الدكتور ؟؟
سهيل: الحمد الله طلع بس ثقب في القلب حتى الدكتور قال ليه ما أحتاج عمليه بس أنا مصر عليها أكثر من قبل ..
سلطان: الحمد الله و انت ليش مصر على العملية تدري إنها مو مضمونه
سهيل: من حقي يا سلطان و لو كنت انت في مكاني لا سمح الله بتسوي نفس الشي وأكثر يا سلطان ..
سلطان مب مقتنع بكلام سهيل له: سهيل ما بي أخسرك
سهيل حاس بضيج سلطان: سلطان لا تخليني أندم لأني قلتلك وهذه وأنا وأقول محد بيوقف وياي غيرك
سلطان: حلوه هذه انت مريض شتبيني أسوي أرقص
سهيل وهو يبتسم: لا ما ترقص بس هدي أعصابك
سلطان وهو يعلي صوته: أي أهدي أعصابي يا سهيل الله يهديك
سهيل: سلطان ماله داعي تعلي صوتك الأهل رقود قصر حسك
سلطان وهو يهدي : وأمك وأبوك شقالو
سهيل: أميه و أبويه .. أميه ارتفع عليها الضغط وطاحت علينا غشيانه زين ما يتها جلطه في المخ
سلطان وهو مب مصدق: سهيل يعني الطيحه يالي طاحت فيها أمك من مرضك
سهيل وهو يهز راسه : هيه نعم مني أنا وصدقني متلوم فيهم أنا
سلطان و حاس بدموعه تحترق في عيونه سهيل كافيه يالي فيه ويقوم هو ويزيده :: نش سلطان من مكانه وسار صوب سهيل وقعد هو حذا ..
سلطان وهو يود أيد سهيل وكان يصيح : سهيل سامحني يا خوي بس والله من غلاتك عندي في قلبي سهيل دخيلك لا تخليني بروحي في الدنيا لا تسوي العملية
سهيل وهو يبي يكون قوي جدام سلطان: سلطان أفأ تصيح ما هقيتها منك .. والعملية بسويها وأنا عطيت الدكتور كلمه و انت تعرف إنيه مارد في كلمتيه ..
سلطان وهو بعد الدموع تنزل من عينه: ليش يا سهيل تبي تعذبنا ليش ما تفكر بأمك وأبوك وهند ليش ما تفكر فيها ..
سلطان ضرب على الوتر الحساس بنسبه لسهيل يالي مسوي كل هذه لجلها " سعودي " سهيل يالي كان يطالع في الأرض و محطي أيده في شعرة يالي كان شوي طويل من جدام : أنا أسوي كل هذه بس على شانها يا سلطان لا تفكر إنيه ما فكرت فيها والله أول وحده يات في بالي هيه.. سلطان سكت ما قال شي لأن سهيل كان صادق في كلامه لو مكانه كان شوى نفس الشي .. ودام الصمت بين الاثنين .. وفي المطبخ كانت شمسه تسوي حقها بيض " يوعانه الأخت " وشمه وياها كانت بعد يوعانه بس ما قالت حقها .. شمه كانت تبي تفتح السالفة مع شمسه ..
شمه: شمسوه
شمسه يالي كانت تعرف يالي في خاطر شمه: هلا
شمه: ليش كني تصيحي اليوم العصر
شمسه وهي تستهبل : البارح
شمه: هيه البارح عن الاستهبال والله قلت لين أميه ذلتني
شمسه: ما خبرتج
شمه: لاء ما خبرتني
شمسه: أحسن ماله داعي تعرفي
شمه: شمسوه والله بموت إذا ما خبرتيني
شمسه: شموه ماله داعي تعرفي ..
شمه: ليش ؟؟؟؟؟؟؟
شمسه: سوالف كبار
شمه: حلفي إنتي بس .. لا تقولي حق حد ..
شمسه وهي تضحك: إن شاء الله
شمه: ويكون في علمج أنا عمري 21 تعرفي ولا تعرفي ..
شمسه: أعرف ما له داعي
شمه وهي بتموت خلاص: شمسوه والله وغلات الغالي قولي عاده لا تذلين
شمسه: ما شي سالفة بس كنت مضايجه من حمدوه وتعرفين اختج عاده حساسة
شمه: أمره عاد أنا الحين صدقت يالي قلتيه
شمسه: فهمي يعني إني ما أبي أقولج
شمه: ما عليه الخبر اليوم بفلوس باجر ببلاش
شمسه: خلا خلصيني الحين قومي خلنا نسير الصالة بموت من اليوع قومي :: سارن البنات الصالة وقعدن ياكلن و يشوفن التلفزيون وشوي يسمعون باب ينفتح كان سهيل ياي من الميلس يبي يسوي شاي ... سهيل استغرب من خواته: و ليش للحين هب راقدات
شمه: أختك يوعانه قالت حقي تبي عشا
سهيل: عشا الحين بليل ؟؟!!؟؟
شمه: هيه ما فيها شي
سهيل وهو يطالع شمسه: وبلاها ما ترمس
شمه: مادري أسألها
سهيل: شمسه شخبارج
شمسه وهي تطالع سهيل بعيونها يالي تورمت من صياح: الحمد الله بخير اقرب
سهيل وهو مبتسم: جريب " وهو يفكر " عادي أكل يعني
شمسه: عادي تعال
سهيل: بيكفي لنا يعني ؟؟
شمسه: هيه بيكفي ليش
سهيل وهو يبتسم بخبث: لحظه شوي :: سار سهيل الميلس عسب يزقر سلطان
شمسه: بلاه أخوج
شمه: مادري والله :: وشوي كان سهيل ياي هو وسلطان يالي كان ماله خلق في شي من بعد الخبر يالي قاله له سهيل ..
سلطان من بعد ما انتبه على شمسه: السلام عليكم
شمسه من شافت سلطان رفعت حاجب وكانت تبي تنش بس سهيل ما خلها قعد حذاها وميود في أيدها ..
شمه: الله شحالك سلطان
سلطان وهو يطالع في شمه: الحمد الله بخير " طبعا مرتبك " هذه يالي يبيه سهيل كان يبي ينسي سلطان همه بالرمسة ويا خواته وسلطان عارف هذه الشي بس ما قال ولا كلمه ..
شمه: وين بعدي باجي وايد
سلطان: يا الله ما باجي شي على الجامعة أسبوعين
شمه: ليش تذكرنا يا أخي
سهيل: يعني بي اليوم شأتي أم أبيتي
شمه: عاشت الشأتي والأبيتي مالتك
سلطان: إنتي شرات حصوه أختيه
شمه: لا أنا غير :: وشمسه ساكتة ولا قالت ولا كلمه حتى أكل ما كملته
سهيل وبصوت خفيف: بلاج شموس ليش ما ترمسين
شمسه مستحية ومعصبه في نفس الوقت: لا عادي أبي أروح أنام
سهيل: عيب ولد عمج هنيه استحملي
شمسه: والله مب على شان شي بس عسب خاطرك
سهيل وهو يبتسم : فديت أختيه أنا
سلطان وهو ينتبه على سهيل و شمسه: بلاكم شو عنكم خبرونا
سهيل: ما عندنا شي
سلطان وهو يبتسم: شحالج شمسه
شمسه ومن غير نفس: الحمد الله بخير شخبارك انت
سلطان: بخير دامج بخير
كانت شمه ترمس هيه وسلطان وكانت شمسه تسمع سوالفهم وكانت عينها بتطلع من كثر الغيرة وشوي كانت بتصيح جدامهم بس يودت عمرها وترخصت من عندهم وعلى طول سارت فوق وقفلت على عمرها الباب وقعدت تصيح حتى يوم ظهر سلطان شافته وهو يروح بيتهم وكانت بتموت ما تبيه يروح صح ما بتكون وياهم بس بتكون وياه في نفس البيت مو البيت يالي تحلم فيه .. سارت شمسه و نسدحت على الشبريه وقعدت تفكر ما ياها رقاد مجافيها النوم مثل ما مجافي عيون ثانيه كانت بتموت على العيون يالي شافتها كانت متورمة .. بس سهيل ما قال له شسالفه .. سلطان من بعد ما لبس كندورة النوم مالته قعد يفكر حاس بضيج فضيع ما كانت من الأول تعامله جيه كانت تبتسم أول ما تشوفه وكانت فيها حيا البنات تستحي وهذه يالي يحب فيها الخجل سلطان بيموت على تراب شمسه ما يقدر يعيش من دونها كل يوم على هذه الحال يفكر فيها وجيف قلبت حياته عمرة ما ندم في حبه لها وإن شاء الله بتكتمل فرحته يوم إنها بتوافق عليه ..
وبعد ثلاثة أيام كان سهيل في غرفه شمسه يالي مالها نفس حتى في الكلام ويا سهيل..
سهيل: ليش شكلج جيه
شمسه وهي ما تبا ترمس: ما فيه شي شكلي
سهيل: الوالدة تقول ما رديتي عليها
شمسه: في شو
سهيل: عن الاستهبال عن الخطبة
شمسه وهي منزله راسها: هيييييييييه
سهيل: هيييييه شمسوه سرعة ترا سلطان مستعيل ويبا يعرس في الشتا
شمسه من سمعت اسم سلطان تلخبطت وبصدمة : سلطان؟؟
سهيل: هيه سلطان ليش ما تعرفين إن سلطان ولد عميه سالم خاطبنج
شمسه وفي خاطرها بتموت من الفرح وبخجل: لا ما عرف
سهيل وهو بيموت من الضحك على شمسه: في وحده ما تعرف منو يالي خاطبنها
شمسه: وأنا شدراني أميه ما قالت حقي إنه سلطان
سهيل: والحين خلصيني شو قلتي
شمسه وهي على ويهها ابتسامه خفيفة: سلطان ولد عمي وما بلقى أحسن عنه
سهيل: يعني أقول مبروك
شمسه: سهيل عاد
سهيل: خلاص عيل أنا بروح بخبر أميه وبخبر شموه يالي بتموت وتبا تعرف شسالفه :: سار سهيل عن أخته يالي كانت تصيح لأنها شكت في سلطان يالي كان يحبها وما زال يحبها :: و سهيل على طول سار وخبر أمه بالخبر يالي على طول سارت وخبرت أم سلطان يالي كانت الأرض ما شايلتها من الفرح
ولدها البجر بيعرس..
أم سلطان: الله يبشرج بالخير يا أم سهيل وإن شاء الله يكتب الخير حق سهيل
أم سهيل: إن شاء الله آمين .. عيل بخليج الحين بسير بشوف الغدا
أم سلطان : مرخصة يا خويتي مرخصة :: و بندت عن أم سهيل ..
حصة: بلاج أميه عيل مستانسة
أم سلطان: هيه ياميه مستانسة أخوج سلطان خطبنا له
حصة وهي فاجه حلجها : سلطان أخويه متأكدة أميه
أم سلطان: هيه يميه سلطان أخوج
حصة: ومنوه هذه يالي خطبتوها له
أم سلطان: ومن غيرها شمسه بنت عمج
حصة هنيه ما يودت عمرها : وافقت
أم سلطان: وبتلقا أحسن عن سلطان ولد عمها
حصة: يعني وافقت يا ميه
أم سلطان وهي مستانسة : هيه نعم وافقت توها أم سهيل قالت ليه
حصة ما سمعت أمها على طول ربعت غرفة أخوها سلطان يالي كان راقد في عز رقاده من بعد سهره في المقهى لين الساعة 2 ونص ..
حصة وهي تبطل الباب على أخوها سلطان: سلطان . سلطان :: بس سلطان سوى حقها أكبر طاف لأنه بعده فيه رقاد وما مستوعب يالي يصير جدامة يتحرى حلم ..
حصة وهي تسحب الكفر عن سلطان: سلطــــــان أقولك قوم يايبه لك خبر بمليون
هنيه سلطان استوعب يالي يصير من حوالية فنش من الشبريه على طول يود حصة من جتفها وراغها برا الغرفة وحصة مسكينة تبي تقوله بس هو معصب ما يحب حد يوعيه من رقاده ..
حصة: سلطان يا الكجره بقولك شي
سلطان وهو معصب : حصوه تعرفيني زين ما أحب حد يوعيني من الرقاد
حصة وبكل ثقة : بس هذه الخبر يستاهل إنك ما ترقد بعد
سلطان: ما أبي أسمع شي روحي عند أمج
حصة وهي سايره: حتى لو كان عن شمسه
سلطان هنيه استوعب الرمسه : حصوه لحظه
حصة وهي تتغلا: عيل بروح عند أميه أحسن
سلطان: حصوه تعالي قلت لج
حصة وهي تطالع في سلطان: نعم شبغيت
سلطان: بلاها شمسه ..
حصة وبخبث : ماشي في واحد يا وخطبها وهيه وافقت عليه
سلطان جان ينصدم : وافقت عليه " وهو معصب " ليييييييييييييييييييش ؟؟!!
حصة وهي تضحك عليه: نصيب وياها
سلطان: أوكيه وأنا شليه
حصة: انت لازم تعرف تراك
سلطان: ليش والبنت انخطبت وأنا شو دخلني فيها
حصة وهي تبتسم: فديت أخويه يالي يحب شمسوه تراها وافقت عليك وهيه بتلقا أحسن عنك فديتك
سلطان وهو يفتح عينه ويغمضها وعلى شفايفه ابتسامه : حصوه قولي الصج لاه
حصة وهي بتموت على أخوها على حركاته العفوية وعاها : والله صج
سلطان وهمه الموضوع تعالي تعالي داخل الغرفة بقولج شي
حصة وهي تدخل غرفه سلطان وتقعد على شبريته بعد: هلا اش بغيت
سلطان وبحركات العفوية : قوليلي كللللللشي كلللشي من الأول للآخر
وتقوله حصة عن كل يالي سمعته وينش سلطان ويلوي على أخته يالي يابت له الخبر يالي مسهرة الليالي وخلاه يروح المقاهي بس عسب ينسى ويهدي من باله طبعا سلطان من قده الحين معرس .. ومرت الأيام وتمت خطبه سلطان على شمسه بنت عمه يالي كانت هيه الثانية لها شعور ما له وصيف .. وبدت المدارس وفي أول أسبوع كان عبود ما يداوم بس يروح الحصص الأولى ومن عقب الثالثة يشرد من المدرسة هو وولد خالوته ومانع .. أما فاطمة فكانت في العين دار الزين يهوووو فاطمة اجتماعية بطبعها فما خلت حد ما تعرفت عليه وهي حبوبه .. أما شمه كانت داوم بروحها لأنه سلامي ممنوع عنها الحركة الزايدة وسعيد هو يالي ما خلها تروح الجامعة وتكمل دراستها من عقب ما تولد عقب جيفها عاده .. و طبعا شمه ما ينخاف عليها هبه ريح ما شاء الله عليها هيه وحصة وربايعهن غزيل وموزة يالي كانت زعلانه من شمه بس هن ما خلنهن و تراضن الحبيبات .. حميد ما يبي يروح الدوام عفت نفسه عن الدوام .. كل يالي في باله إنه يبي يسافر وبس هذه يالي في بالة بس من يالي يسمعه في هذه البيت عبود مهتمين فيه وأحياننا يحس بالغيرة اتجاه عبدالله .. سالم محد مرتاح غيره هذه الريال دوام في نفس الإمارة وراحت بال فضيعة بس بين فترة وفترة تخطر على باله حمده بس ليش شادتنه هذه البنت ؟؟
وفي يوم الأربعاء كانو النازل حتى سهيل يالي غاب عن البيت شهر كامل ..
سهيل وهو يعزف على العود: شمه سمعي هذه الأغنية والله تعيبج
شمه: ها قول .. وشوي يرن تلفون شمه كانت هند متصلة وكان التلفون حذا شمه يالي سارت ثلاجة سهيل تيب حقها عصير وحق سهيل .. سهيل انتبه على تلفون شمه
سهيل: شمه تلفونج
شمه: منوووووووه بعـــــــــــد
سهيل وهو يطالع شاشه التلفون: هنوده أونه
شمه من سمعت الاسم ربعت لتلفون وهي ترمس: فديت من يالي دق حقي والله
هند: مرحبـــــــــــا الســــــــــــاع والله
شمه: مرحبتين حبيبتي شحالج الغالية
هند : الحمد الله بخير وعافية إنتي أخبارج وعلومج
شمه: الحمد الله بخير وعافية
هند وهي تسمع سهيل يعزف العود ويغني : شموه منوه هذه حلو صوته
شمه: قولي والله حلو صوته
هند: والله العظيم جنــــــان
شمه وبخبث: هيه هذه طــــــال عمرج سهيل أخويه
هند فهمت على شمه: أهــــــــاه ما شاء الله عليه صوته حلو
شمه: مشكورة أدري
هندي: عيل أخليج حبيت بس أطمن عليكم
شمه: وين إن شاء الله لا قعدي بنرمس
هند: عيل العروس وين أنا دقيت حقها بس ما تشيله
شمه: هيه تحت وتلفونها في غرفتها سامحيها هذه المرة
هند وهي تضحك: أفا عليج بسامحها هذه المرة ويا كثر ما نسامح
شمه: شفتي عاده فديتج أنا متوله عليج
هند: يعنيه أفداج الغالية .. بخليج الحين الوالدة تناديني
شمه: وأنا بعد شكله حد يزقرني
هند: عيل سلمي عليهم
شمه: أفـــــــأ عليج إنتي بس
هند: باي. باي و صكرت شمه
سهيل: عيل منو هاي
شمه: هاي هند مال بو ظبي إلي يات بيتنا ذيج المرة وإلي .... يحلييها يايه تكمل بس سهيل قطع عليها
سهيل: عرفنا سالم قاعد يزاقر سيري :: سارت شمه إلي خلت تلفونها عند سهيل .. وهو قاعد يعزف على العود جان يسمع مسج ويوم اطالع شاف تلفون شمه يولع .. حس بفضول يبي يعرف جم رقم هند بس يبي يعرف جم رقمها شل التلفون وفتح وشاف المسج كان من عند هند كانت مطرشة حقها " خاصــــ لك ــ أنت ـــــــــه الخواطر لك سايحة و الشك زايل ومن عرف مثلك عرف قيمة خويه والذهب وان حاولو ماله بدايل والمشاعر بالغلا ماهي خفية والنوايا الصافية أصدق دلايل ""ويشهد الله شوفتك مثل الهدية"" :: سهيل حس أن هذه المسج له هند مطرشتنه له :: سهيل وهو يشوف رقمها : يريت بس تحسي فيني وشوي ويغني "" حسي فيني يا عيوني ... حسي في قلبي وشجوني
بس لو مرة تكوني ... إنتي من قلبي قريبه ""
وطبعا خصوصا أنه الرقم مهم له على طول حفظ الرقم ما وده بس والله إنها أجبرته على هذه الشي سار سهيل وعطا شمه تلفونها ودخل غرفته .. محمد على الفترة الأخيرة تعب وايد لأن الشغل كله فوق راسه وما يقدر يشتغل بروحه أيد وحده ما تصفق ..
محمد: والله يا عمي تعبت وأحس الشغل متراكم فوق راسي
أبو سهيل : و ليش حميد وينه
محمد ما يبي يسوى مشكله مع حميد وعمه : حميد ما قصر يحاول بس
أبو سهيل وهو يقاطع محمد : لا أنا أدريبه حميد شغله مو مثل أول والله ما دري بلاه هذه الولد
محمد: انت لا تشغل بالك يا عمي شده وتزول
أبو سلطان : خلاص يا محمد روح ويب ليه الملفات ..
محمد: إن شاء الله أبوية تامر على شي يا عمي
أبو سهيل: ما يامر عليك عدو يا وليدي .. ترخص محمد عن أبوه وعمه وسار عند حميد يشوفه بس مالقاه موجود في مكتبه .. وهز راسه وسار لمكتبه يكمل الشغل ويا خليفة ويجيك على الملفات يالي طلبها منه أبوه .. أما حميد فكان يالس على الكرنيش يفكر شو يالي راح يسويه كان قاعد من يوم الساعة 9 ونص الحين الساعة 1 وربع وهو ماله خلق قاعد يفكر بالي شاغل باله وكيف راح تكون حيــــاته على الأيام اليايه .. حميد وهو يسمع التلفون يرن كان أبوه..
أبو سهيل: ألوه انت وين
حميد: أنا هنيه
أبو سهيل : بسرعة تعال الشركة خلال خمس دقايق بشوفك هنيه انت سامع
حميد وهو مغمض عينه: إن شاء الله أبويه :: وسكر عنه كان حميد يجهل يالي يتراياه في الشركة ..
عويش: مريوم قومي إيمانوه عند الأخصائية ..
مريم: ليش ؟؟؟؟؟!!!!!؟؟؟؟؟؟ 3;!!!!!!
عويش: طاحت عليهم في الصف تعرفينها زين إيمانوه
مريم: قومي عيل نروح حقها
عويش: بس عندج حصة ..
مريم: خلها تولي الحصة المهم إيمانوه :: سارت مريم عند الأخصائية وكانت إيمان اربيعتهم منسدحة على الغنفه وكانت صج تعبانه ما تقدر حتى تنش من مكانها ..
مريم: إيمانوه بلاج
إيمان: والله ما عرف أحس راس يعورني
مريم: سلامتج بتروحين البيت عيل
إيمان: ما با أروح
مريم وهو معصبه : إيمانوه عن الدلع الزايد يا الله دقي حق أهلج والله حالج ما يسر
إيمان: ما أقدر سيري إنتي
مريم: عويش سيري دقي حقهم
عويش: سيري زين ما أحب أرمس حد غريب أستحي
مريم: لبسي برقع ولا أقولج تغشي يوم بترمسين
عويش: تمصخري لين تنجلع عينج هب داقة يعني هب داقه
مريم: خوزي بس خوزي أبله ممكن نستعمل التلفون
الأخصائية : هيه نعم
مريم وهي دق على رقم بيت إيمان : إيمانوه محد يشله بيتكم
إيمان وهي مالها نفس : تري شوي ::
تريت مريم لين انقطع الخط: انقطع الخط و محد يشيله
عويش: دقي بيت أخوها
مريم: مادري جم الرقم تعالي إنتي
عويش: ما برمس أنا
مريم وهي معصبه: زين محد قالج تعالي رمسي قلنالج دقي البيت بس :: دقت عويش حق بيت أخو إيمان وقالت لهم إنه إيمان مريضة .. قالت لها مرت أخوها إنه بعد عشر دقايق بيشلونها من المدرسة :: وفي الشركة كان حميد توه داخل على أبوه وعمه .. على طول نش أبو سهيل من مكانه وهو معصب ويعطي حميد طراق بدون أي مقدمات " ليش؟؟؟؟ " حميد ما استوعب شي بس يوم شاف ولد عمه حميد واقف وخليفة ولد عمته وياه يطالعونه نزل راسه وهذه السؤال يالي كان محير حميد " ليش ضربه أبوه "
أبو سلطان وهو رافع أكمام كندورته: هدي أعصابك يا أبو سهيل هدي أعصابك
أبو سهيل وهو معصب: أي أهدي أعصابي هذه خلا فيني أعصاب هذه " وهو يأشر على حميد "
أبو سلطان : محمد شل عمك من هنيه ..
محمد: إن شاء الله يا بوي :: طلع محمد وياه عمه عسب يهديه .. ويقدر أبو سلطان يفهم السالفة لحميد.
أبو سلطان: ليش سويت جيه يا حميد
حميد وهو مو مستوعب أي شي حتى طراق أبوه ما يدري ليش: أنا شو سويت يا عمي
أبو سلطان: ما تعرف شو سويت
خليفة وهو رافع غترتة فوق راسه جنه صج مصيبة حلت عليهم: يا حميد انت أفسدت علينا صفقت السيايير
حميد وهو منصدم من الخبر: أنا !!!!!!!!!
أبو سلطان: هيه نعم ليش سويت جيه جان راجعت الأوراق من الأول قبل تسليمها
حميد: أنا وأي أوراق
خليفة: الملف مالت الصفقة يا حميد ..
حميد وهو ما يعرف شي عن هذه الملف: هيه بس أنا ما عرف إنه فيه صفقه سيايير ولا مرة يا ني هذه الأوراق وأنا ما وقعت على أوراق بعد ..
أبو سلطان: حميد: الظاهر إنك ما تذكر
حميد: شو ما أذكر وأنا آخر مرة وقعت على أوراق من خمس شهور من صفقة الأولى لوكالة السيارات
خليفة: حميد ما تنلام انت من الفترة الأخيرة فكرك مادري وين فيه فأكيد ياتك أورق فوقعت عليها و انت ما تدري ..
حميد: خليفة ما أسمح لك أنا خلال الفترة الأخيرة ما يا تني أوراق وإذا ما تصدق أسأل السكرتيرة .. وإذا تبيني أناديها لك بنــــــاديها ..
أبو سلطان: خليفة روح نادي السكرتيرة
خليفة: إن شاء الله خالي :: ظهر خليفة من المكتب
حميد: صدقني عمي والله ما وقعت على أوراق في الفترة الأخيرة
أبو سلطان: كل شي بيبين يوم بتي جلثم :: وعقب خمس دقايق يات كلثم وكان خليفة وراها
جلثم:السلام عليكم
حميد: وعليكم السلام تعالي جلثم :: وتدخل جلثم وتقعد على الكرسي يالي مقابيل أبو سلطان
أبو سلطان: جلثم في الفترة الأخيرة ياتج أوراق حق صفقه
جلثم وهي واثقة من نفسها: لو سمحت أبو سلطان جيف لونه الملف
أبو سلطان: لونه بني فاتح
جلثم: هيه نعم ياني وعطيته حق أستاذ حميد ووقعة من بعد ما راجعة أستاذ محمد وعقب انت طلبته يا بو سلطان ..
حميد وهو يطالع عمه ويطالع جلثم وخليفة مو فاهم شي أصلن : أي ملف بني والله العظيم إنيه ما ياني
خليفة: حميد لا جذب يــــــاك البنية ما تتبلا عليك ..
حميد وهو يسر صوب جلثم وهو يزاعج عليها: جـــــــذابة والله جـــــذابة
جلثم وهوي قاعدة : حدك عاد أخويه حميد لو سمحت أنا ما جذب هذه يالي صـــــار
حميد وهو يقرب منها أكثر ويودها من جتفها : متى وقعته تحلفيــن إنتي ومتى قوليلي
جلثم كانت خايفه من حميد لا يسوي فيها شي لأنه الشرارة تطلع من عينه وطبعا هي ما تبي ترمس زيادة
أبو سلطان: حميد خوز عن البنية وصلت فيك المواصيل تيود بنت الناس جيه وجدامي بع
حميد وهو يخوز عن جلثم من بعد ما كان خليفة يبعده عنها ..
خليفة: بلاك يا حميد بلاك
حميد وهو يتنفس بعمق ويطالع خليفة وعمة : أنا ما بقول غير حسبي الله ونعم الوكيل .. " وهو يطالع عمه " عمي انت ظلمتني انت و أبويه وصدقني الحقيقة بتظهر يوم من الأيـــــــام .. وسار عنهم وهو يمشي في الممر كان محمد بعده يهدي عمه ..
حميد: أبويه
أبو سهيل وهو يصد عن ولده الصوب الثاني
حميد: أدري ما تبي ترمسني بس بقولك كلمتين وما شي غيرهن الحقيقة بتظهر يوم من الأيـام
وسار عنهم حميد يالي كانت دموعه في عينه بس ما يبي يظهر هن جدام حد حتى لو كانت أمه ..
سوااااااااااااالم
والسموحه إذا فيه أغلاط ....
وهذه جزء كــــــــــــــامل...</font></font></font>
<font color='#000000'>نتريااااااااا التكمله يا راع7ي
<img src="http://oasis.bindubai.com/emoticons/fa33.gif" border=0></font>
<font color='#000000'>هههههههههههههههه لا والله إن شاء الله لها تكمله
ولا تزعلين إنت بس..
وتسلمين على الطوووووووووفه إختية</font>
<font color='#E77471'><img src="http://oasis.bindubai.com/emoticons/017.gif" border="0" valign="absmiddle" alt=':f17'> بالانتظــــــــــــــــــ ـار....</font>
<font color='#810541'><p align=center><img src="http://oasis.bindubai.com/emoticons/015.gif" border="0" valign="absmiddle" alt=':f15'>
في انتظار الباجي </p></font>
<font color='#000000'>مرحبا
مشكور اخوي ع الجزء .....ويارييييت المره اليايه يكون أطول <img src="http://oasis.bindubai.com/emoticons/smile.gif" border="0" valign="absmiddle" alt=':)'> عسب نستمتع فيه
الله يحفظك....</font>
<font color='#000000'>تسلم اخوي على الجزء<img src="http://oasis.bindubai.com/emoticons/fa47.gif" border=0>
و نتريا الباجي
شو رايك اتنزلها لنا كلها مرة وحدة<img src="http://oasis.bindubai.com/emoticons/inlove.gif" border=0></font>
<font color='#000080'>ههههههههههههه
حلوه بفكر في الموضوع
ولا أقولج خليني أذلكم أحسن خخخخخخخخخخخ
بس البارت كبير أكيد ما عيبج ...؟؟؟؟؟
وتسلمين على طويفتج الحلوه</font>
<font color='#000080'>أم سهيل مسويه عزيمة على سلامه ولدها حميد وما خلت حد من أهلها ومن أهل أبو سهيل ما عزمته .. وعقب العزيمة كان أبو سهيل قاعد ويا أبو سلطان وأختهم موزة يسولفون عن العزبة وعن المشاكل يالي فيها .. أما سلطان فكان حذال سهيل يسولف وياه وكل شوي يطالع صوب البنات لأن شمسه قاعدة تسولف ويا سمر أخته يالي كانت حامل ..
سهيل: سلطان بلاك يا أخي جنك مب ويايه ..
سلطان: هيه والله مب وياك ..
سهيل: زين أقولك هزاع قاليه سالفة ..
سلطان: شو هي ..
سهيل: لا مب احينه بخبرك بعدين لأن السالفة طويلة شوي ..
سلطان وهو يرد يطالع شمسه: يصير خير ..
أما عند البنات كانت شمسه ما تقدر تقول أي شي أو إنها تسوي أي شي لأن سلطان عينه عندهم وهي مستحية شمه وسمر وايد يحرجونها وهي طبعا ساكتة عنهن عقب بتراويهن ..
شمه: أقول شمسوه بلاه سلطان يطالعنها ..
شمسه: يمكن معجب يا سخيفة ..
سمر: بلاج معصبه زين ..
شمسه: مب معصبة .. وين حصة ..
شمه: فوق ما راضية تنزل هذه البنت ما دري بلاها ..
مريم: أنا أشك إنج ما تعرفين ..
شمه: جب إنتي ما لج شغل .. أقول شموس غزيل بتي اليوم بيتنا دخيلج سويلي شوي من أيدج الحلوة ..
شمسه وهي مضايجة : ما بسويلج مساع قاعدة تضحكين عليه ..
شمه: يا الله شموس يات على هذه ..
شمسه: يعلج تاخذين ريل تبتلين فيه ..
شمه وهي تذكر ذياب: أحلى دعوه سمعتها .. المهم بسويلي ما بي شي بس سويت قول موافقة ..
شمسه: وبعد الحرمة تبا ريل خلاص بسويلج ويايه سمر بعد ..
سمر: زين جان تبيني أحرق كل يالي طابخته ..
شمسه: لا تتغلين دلع بنات على الفاضي .. أما في ميلس الرياييل كان الجو كله ضحك وناسه بس حميد كان تعبان شوي وماله خلق حتى في الضحك ..
خالد يالي كان الجبس بعده في ريله: ها حميد بلاك شكلك ياك الرقاد ..
حميد: لا والله لا رقاد ولا شي بس أحس جسمي يعورني ..
خالد: روح ارتاح ..
حميد: لا عيب شو من المذاهب فيني .. عيل شو بيقولو عني العرب ..
خالد: بعذروك انت مريض وبعدك ما شفيت ..
حميد: لا ما اقدر ..
خالد: شباب حميد تعبان شوي بيسير عنكم ممكن .. عاده الشباب ما قالو شوي عادي المهم ترخص منهم حميد وسار لغرفته محد انتبه عليه .. فوق في الصالة كانت حصة تقرا قصيد حميد يالي كان كاتبنها في واحد من المجلات حميد كان يركب الدري حصة ما حست بالي كان يركب الدري وهي تقرا منهمكة في القصيد :
اكبر ويكبر حبك اليوم وش عاد <؛<؛<؛<؛<؛ السنين اللي مضت من سنيني
علمني اسعد واجعل الحب يزداد <؛<؛<؛<؛<؛ واشعل لهيب الشوق بينك وبيني
شوقي عليك دايم الدوم وقاد <؛<؛<؛<؛<؛ مكتوب لي بعدك يقيد يديني
الفكر غصب ألاقيه ينقاد <؛<؛<؛<؛<؛ والقي قصيدي يشتكي من سنيني
آه يا عذاب وقسوة الوقت وبعاد <؛<؛<؛<؛<؛ حرام تبقي صرخة الروح فيني
كانت مندمجة فيها هذه القصيد لهنيه بس هيه ما كملتها لأنها حست في حد واقف يطالعها ويم ألتفتت له شافته حميد في يديه مخدته ويطالعها ويهه خالي من العبارات شكله غير شكله حميد يالي تعرف قبل لا يسافر فرق بين يوم كان ياي من السفر والحين .. في هذه الحظه حميد كان يدقق في ملامح حصة الطفوليه يالي أعجب فيها من يوم ما كان مراهق ويم انتبهت عليه ..
حميد بابتسامه : شو قاعدة تقرين ..
حصة وهي مستحية منه لأنها الوحيدة ما سلمت عليه يوم وصل من السفر ما سلمت عليه ويم طلع من المستشفى و لا تحمد له بسلامه " برتباك ": ولا شي قاعدة أطالع المجلة ..
حميد: شخبارج حصة ..
حصة: الحمد الله بخير وعافية .. الحمد الله على السلامة ولو إنها يايه متأخرة ..
حميد في قلبه " واصلة فديتج " : لا عادي المهم قلتيها " يبا يقول لها كم هو مشتاق لها حيل وكان يحلم بها يوم كان في الغيبوبة "
حصة: تبي شي يا حميد .
حميد و لأول مرة : هيه أبي أكلمج شوي ..
حصة وهي عارفه شو بقول : أنا بسير تحت " وجان تمشي عنه "
حميد وهو ميود في يد حصة : حصة دقيقه بس دخيلج .. " حصة تطالع في ويهه حميد تفاجأت فيه كان كله ألم ما تبا تسمعه بس شكله عنده كلام أكثر من الكلام يالي قالته لها شمه "
حميد: ها شو قلتي يا حصة دقيقه بس ..
حصة: آمر بغيت شي ..
حميد وهو يأشر لها على الغنفه: ممكن نقعد ..
حصة منزله راسها حاسة إنها بتنحرج من الكلام يالي بيقوله لها حميد ..
حميد: ما تبين تقعدين خلاص على راحتج .. حصة أنا تأكد إنه شمه قالت لج شي عني ذاك اليوم وأنا ياي أوضح هذه الشي وزين إني لقيتج ..
حصة تطالع حميد يات في بالها أفكار " شو يعني يبي يوضح هذه الشي يعني هو الحين ما يحبني من بعد ما استولى على كل تفكيري وصار كل حياتي حميد.. ليش يا حميد ليش " ..
حميد: حصة شمه ما جذبت عليج ولا بكلمه كل كلمه قالتها لج صح و أنا وايد مضايج من شمه ليش إنها قالت لج السالفة ما بيج تقولين إني إنسان ضعيف ما قدرت أقولج بس كل إنسان وله ظروفه ..
حصة: بس يا حميد خلاص ..
حميد: لا يا حصة يوم يا تني الشجاعة إني أقولج كل شي تين توقفيني أنا مب ساكت أنا لو تبيني أتكلم لين باجر ما يخلص يالي في قلبي من صوبج .. أدري إنج " وبألم " تحبين سالم أخويه بس والله لو تبين إنه أساعد في شي والله راح أساعدج وخليج تكونين أسعد إنسانه مع الإنسان يالي تحبينه ..
حصة انصدمت من الكلام يالي يقوله حميد كيف يفكر بهذه الطريقة ..
حصة: أول مرة أشوفك أناني يا حميد ..
حميد وهو فاتح عينه على الآخر: ليش يا حصة ..
حصة وعينها بدت تدمع: بعد هذه الحب يالي تكنه ليه تبي تضحي يا حميد ؟؟؟ ليش لهذه الدرجة وصل قلبك للأنانية ما توقعتك يا حميد جيه توقعتك إنسان طموح تحب وتكافح لشيء وتصل له أنا يا حميد ..
حميد وهو يقاطع حصة : حصة لا تقولين جيه إنتي تحطمين قلبي ..
حصة وهي تصيح بألم وترمس : إنتي يالي تحطم قلبي يا حميد من بعد ما حبيتك وصرت كل شي في حياتي من بعد " وتغطي ويهها بيدها وتصيح بصوت خفيف ما يسمعه إلا حميد" حميد واقف مكانه منصدم من كلام حصة " يعني حصة تحبني "
حميد والدموع في عينه : حصة إنتي تحبيني .. بس حصة ما قالت شي سارت عنه لغرفة شمه وقعدت تصيح بصوت عالي حميد يسمع الصوت ويتقطع قلبه من يسمع صوتها .. عند باب حوي البيت الشبيبة كلهم واقفين إلي بيروح بيتهم ولي بيروح السنتر يتمشى ويا ربعة ..
عبدالله: جول الله ينطبج تعالي ..
جول وهي تي و تتحرطم: ها أبود شو تبين ..
عبدالله وهو معصب: عبود في عينج عبدالله أنا عبدالله .. " جول ساكتة ما قالت ولا كلمه معصبه منه كفاية اليوم و عزيمة عندهم و الشغل وايد عندها كله فوق راسها "
عبدالله وهو يقرب منها: بلاج تطالعين جيه أقولج أسمي عبدالله ..
جول: أنا يعرف زين ..
عبدالله: زين أعرف إنج تعرفين عنلاتج .. سيري نادي سهيل قو ليله يرجع سيارته العرب بيظهرون ..
جول : زيــــن .. وسارت عنه جول ..
سالم: خييييبه شو مسوي لها .. جي ترد عليك أشو فها مستقويه ..
عبدالله: ما دري أخاف اليوم تقتلني ..
سيف: لا يكون تسويها الله يرحمك مقدما ..
خليفة: لا عاده هيه أكثر واحد تحبه في البيت عبدالله ما يصير تقتله هذه حبيب القلب ..
عبدالله وبدون نفس: جب انت و ياه جب ..
ناصر: سكتوووهووووم مساكين .. شتبون بريال قاعدين تتمصخرون عليه هاه ..
عبدالله يطالع ناصر: انت بعد وياهم يا ناصر ما هقيتها منك والله ..
ناصر ويبتسم: أنا عمري ما وقفت وياهم حبيبي .. دووووم وياك .
سالم: نصور ما عليك منه تراه يخق عليك ..
ناصر: أدري يخق يا الله عاده أنا عاطنك فيس زيادة ..
عبدالله يطالع صوب باب بيتهم : سهيل بعدك ارمس ما خلصت الرمسه .. سهيل ما قال شي شباب واقفين وهو الغلطان بس هذه الحركة ما بينساها حق عبود .. بعدها لهذه الحظه تصيح بس بدون صوت وحميد قاعد في الصالة يطالع باب الغرفة يدخل ولا ما يدخل بس ما تهون عليه تصيح بسببه .. نش من مكانه ومشى لباب الغرفة وبطل الباب وشافها يالسة تحت ومغطيه ويهها بأيدها وشعرها القصير على جتفها حميد حس بخوف يخاف إذا تقرب منها تصرخ في ويهه وإنه كل يالي سمعه كان حلم والحين بينش من الحلم تقرب حميد منها ويلس حذالها يمسح على شعرها .. حصة حست بحد يمسح على شعرها ويوم أطالعته شافته هو نفسه يالي تصيح على شانه و يالي تجرأ ونزل دمعتها ..
حميد والدموع في عينه : حصة أنا آسف على كل هذه ما تخيلت حبي لج بيب لج كل هذه الدموع يالي نزلت بسببي أحتقر نفسي يا حصة أحتقرها .. حصة هذه الكلام خلها تصحا من خبالها جيف تقول عن ولد عمها هذه الكلام وإنه أناني وهو يالي عانى بسببها كل هذه التغيرات و زعله من أبوه وعمة و الكل وقف ضده مع إنه أخوها يالي خطط لكل هذه وهي ساكتة و المشكلة إن حميد يعرف بكل السالفة بس ما قال لحد ما يبا يفرق بين أبو و ولده قلبه ما يشل على حد قلبه نظيف ..
حميد ودموعه تنزل بهدوء لا تحس فيها حصة: حصة ما بي شي منج غير إنج تسامحيني .. و انسحب من مكانه ما تخيل إنه بيتعذب أكثر ما هو متعذب .. سار لغرفته وقعد يفضي كل يالي فيه من حزن مثل قبل إذا ما في حد يسمعه يفتح الاب توب ويشكيلة همه .. ويمر الوقت ويدخل عليهم العصر الكل روح بيوتهم إلا مريم وحصة قعدو بيت عمهم بس حصة مول ما ظهرت من غرفة شمه وشمه قاعدة في المطبخ عسب غزيل بتي بيتهم ..
شمسه: شموه لا تقعدين تلعبين والله تراني ما بسوي لج شي
شمه في خاطرها : بتذلنا هذه : زين ما مسويه شي ..
شمسه: حصوه وين ..؟؟
مريم: في غرفة شمه ..
شمسه: سيري زقريها ياي ترقد هي شو.. بعد شوي بتي ربيعتهم ..
شمه: أنا بسير لــــها .. سارت شمه لغرفتها شافتها تقري قرآن وعيونها حمر ما تقدر تفتحها حتى ..
شمه: حصوه بلها عينج عيل ..
حصة: ها ما فيها شي ..
شمه: عليه أنا ... قومي زين خلنا نحدر لأنه غزيل بعد شوي بتي .. وعقب بعرف السالفة .. نزلت حصة ويا شمه ويلسو في الصالة ..
شمسه: شموه أنا خلصت " تطالع حصة " بلاها عينج حصوه ..
شمه: فيها رمد ..
حصة وبابتسامه : رمد في عينج ..
شمسه: لا صج بلاها عينج .. حصة تمت ساكتة ولا قالت شي شمه حست في بنت عمها فحبت هيه يالي توضح الأمر قبل لا اطلع شمسوه كل شي تدري في أختها ..
شمه: لا هيه ناشه من رقاد أصلن ما تشوفي عينها منفخات .. " تبا تكحلها عمتها الله يهداج شمه "
شمسه: هيه قصي عليه ياهل أنا عندج عيونها منفخات ..
شمه: يعني يا فطينه عرف إن نحن ما نبا نخبرج فلو سمحتي توكلي ومشكورة على السويت..
شمسه: زين يا شموه إذا سويت لج شي عيل المرة اليايه لو تموتين جدامي و تتسدحين والله ما سويت لج.
شمه: لا تحلفين والله بتسويلي وإلا أخبر سلطان عليج ..
شمسه: انت إيه يا السباله " وسارت لها عسب تضربها "
سلامي وهي يايه شاله ولدها: بلاكن انت وياها تضاربن .. وحصة إنتي ساكتة عنهن ..
سلامي ويهي تنتبه على سلامي: ها تعرفيهن عاده من يضاربن محد يقدر يهدهن .. في الحوي كان سالم توه ساير النادي .. ويبطل باب بيتهم ويشوف بنت واقفة ..
سالم: نعم أختيه بغيتي شي ..
غزيل يالي ما سمعته كانت تكلم ولد أخوها يالي كان يا يبنها : زين بدق حقك يوم بخلص .. وسار عنها ويوم لفت شافت سالم بابتسامه : السلام عليكم ورحمه الله وبركاته ..
سالم يرد لها بنفس الابتسامة : وعليكم السلام ورحمه الله وبركاته نعم بغيتي شي ..
غزيل: هيه شمه موجودة ..
سالم: من أقول لها ..
غزيل: ربيعتها ..
سالم: زين ربيعتها ما لها أسم شو !!!!؟؟؟؟ " فضيييييييييحة "
غزيل : بلا لها أسم بس انت لو تقول لها ربيعتها هيه بتعرف ..
سالم في خاطرة " قويه هذه " : إن شاء الله تفضلي ..
غزيل بذرابه : دام فضلك .. سالم مستغرب منها شو هذه الذرابه شو هذه الذوق الرفيع في كلامها وصوتها جنها تغني وعينها الناعسات .. سالم وهو رايح لصالة وعلى ويهه ابتسامه ومستغرب منها..
سالم: شموه ربيعتج على الباب ..
شمه: خليتها على الباب و ليش ما دخلتها ..
سالم وهو يطالع حصة : حصوه بلاها عينج .. حصة نزلت راسها ولا قالت ولا كلمه .. سالم مستغرب ما من العادة أول مرة حصة تسوي له طاف .. المهم سارت شمه وحصة وسلامي لربيعتهم و قعدو سوالف وضحك وعقب دخلت عليهم شمسه وفاطمة ومريم و قعدو وياهم .. الساعة 9 العشا حميد توه نازل من السيارة والحزن كله فوق راسه اليوم بطوله مب على بعضه حتى أبوه قال له إنه يروح البيت بس هو ما رضا يبا يشغل نفسه بشي بس عسب ما يفكر بحصة وبدموعها يالي نزلهن .. دخل البيت كان عبدالله يلاعب ولد أخوه سعيد ..
حميد: السلام عليكم ..
عبدالله: حبيبي " يلاعب ولد أخوه شالنه فوق وزايد حليله يضحك بصوت عالي " .. وعليكم السلام ..
حميد يطالع ولد أخوه بحنان: عبود عطني بشلة ...
عبدالله: سير لاه أنا ما صدقت على الله أشله تي أنت وتقولها بكل برود عطني بشلة ..
حميد: زين شوي والله وشوي ..
عبدالله: نوووه ويييه ..
حميد متغصص : سير ذاكر زين ما باجي شي على الامتحانات ..
عبدالله: ويعني بموت ..
حميد: عبود عطني الولد ..
عبدالله: شو بسوي يا حميد باشا ..
حميد: تراك فايج عبود والله ما ليه خلقك ..
وشوي يرن تلفون عبدالله : هلا موينع على الباب يا الله ياك .. أندوك يود الولد اشبع به ..
حميد شل ولد أخوه يالي كان فاتح عينه يطالع عمه يشبه أبوه وايد بخشمه وبحلجه .. بس العين سلامي ..
حميد يكلم ولد أخوه: يا ليتني صغير شراتك ما عنده همووووم " و يحطي شفايفه على خده ولد أخوه ومغمض عينه " يحس براحه يوم يشل ولد أخوه غير يحسسه بولود شعاع يديد في حياته يعطيه الطاقة بصوته بصياحه " حصة كانت عند سلامي و عسب تيب الحليب حق زايد وصلت الصالة شافت حميد قاعد يكلم زايد وسمعته يوم قال كلامه حست بشي غير إنها غلطت ولازم تتأسف "
حصة وهي تشل زايد: تعال حبيبي اشرب الحليب ..
حميد تفاجأ : حصة ..
حصة وبحنان : لبيه ..
حميد: .............. ما قال شي يخاف يقول شي ويندم عليه عقب ..
حصة: شو سويت في الشركة اليوم ..
حميد رافع حواجبه : هــــــــاه .. ولا شي تعرفين شغل بشغل ..
حصة: الله يعينكم صج تعب محمد أخويه ما يعرف النوم إلا إذا خلص شغله ..
حميد منزل راسه : الشغل تعب يا حصة .. " السكوت يعم المكان " حصة إنتي ..
حصة: أنسى كل يالي صار يا حميد وخلنا نبدي صفحه يديده شو رايك .. خل أحزانا ورا ظهرنا ونعيش حياتنا بسعادة ..
حميد وهو يلعب بأيد زايد: هزرج ننسى ..
حصة: إذا تبي تنسى صدقني بتنسى ..
حميد : أنا أبي أنسى .. حصة إنتي تحبيني مثل ما أحبج ..
حصة : حميد أنا ما بقولك إنك انت كل حياتي مثل ما تقول الحبيبة حق حبيبها بس انت استوليت على كل تفكيري يعني إذا غلطت باسم بقول اسمك إذا فكرت في شي انت تكون أول من أفكر فيه ..
حميد يطالع حصة بحب : يكفيني هذه يا حصة ..
حصة متفاجأة : لهذه الدرجة يا حميد
حميد: وأكثر فوق ما تتصوريــــــن يا حصة ..
حصة تبي تغير الموضوع ما تصورت يحبها لهذه الدرجة بحيث أنه كبر في عينها أكثر عن قبل: بس انت كله دايم تقهرني يوم أكلمك مالك نفس ..
حميد: إنتي ما سألتي نفسج ليش أعاملج جيه أو ليش أسلوبي معاج غير ..
حصة : بلا سألت نفسي ميه مرة بس ما تصورت إنه الجواب هذه يا حميد ..
حميد: ما أبي أبين لج مشاعري اتجاهج .. حصة لو تقدمت لج بتوافقيين عليه ..
حصة ومنزله راسها تلاعب زايد : انت ولد عمي وما بلقى أحسن عنك " حطت عينها في عينه " يا حميد
حميد : حصة " وبصوت خفيف " أحبــــــــــج .. حصة تم ساكتة مستحية منه منزله راسها كان قاعد حذاها وهي بتموت ما تعرف شو تسوي .. أما زايد كان يطالعهم ما عارف شو السالفة بس يالي يعرفه إنه محد عاطنه سالفة يطالعهم يجلب عينه يمين ويسار ..
حميد برقه : طالعي زايد يطالعنا ..
حصة: حليلة محد عاطنه سالفة .. وشي جان يمد شفايفه ويصغرن عيونه و يصيح ..
حميد: هاتي هذه حبيب عمه تعال حبيبي لا تصيح .. حصة مرتاحة كليا من يالي سوته وإنها ما بتحصل أحسن من حميد واحد يحبها ويقدرها ويقدر شعروها أحسن من إنها تحب إنسان ما يحبها ..
" في القهوة "
سلطان: متى إن شاء الله بتسافر ..
سهيل: بعد 3 شهور .. إن شاء الله ..
سلطان: زين والله .. عيل بتسفرني وياك ..
سهيل: هيه نعم بسفرك ويايه ما عندي حد يسافر يايه ..
سلطان: عمي وعموه شو بتقول لهم ؟؟؟؟..
سهيل: والله مادري محاتر أخاف يصير في أميه شي انت شفت حالتها يوم سافر حميد..
سلطان: الله يعينك الصراحة انت في موقف ما يحسد عليه .. زين وهند ..
سهيل وهو يطالع الشاي: هند خلها على الله يا سلطان ..
سلطان: ليش شسالفه؟؟؟؟؟ ..
سهيل: سلطان هند ما صرت أكلمها مرت علينها فتره يمكن شهرين ..
سلطان وهو يعدل من يلسته : ليش شلي صار يا سهيل ..
سهيل: ولا شي كل يالي في الموضوع إني خبرتها بكل السالفة عن مرضي وخيرتها بيني وبين حريتها وهي بنت ما تنلام يا ولد عمي فاختارت حريتها ..
سلطان : كيف كيف هند ما تحبك جيف تخلت عنك يا سهيل ..؟؟؟؟؟؟!!!!!
سهيل وهو يحطي كوب الشاي على الطاولة : بس يالي مستغرب منه إنها أدق حقي يا سلطان وأنا رديت عليها وقلت لها لا تتصل بس هي تعاود الاتصال ..
سلطان: ليش يا سهيل ..
سهيل: ذكرتني أنا يايبك عسب أقولك سالفة ..
سلطان: شو هي يا سهيل ..
سهيل: هزاع مال العين ..
سلطان: بلاه هزاع يا سهيل ؟؟
سهيل: ذياب ولد عمه ياي خاطب شموه ..
سلطان: شموه ذياب جيف عارفها ..
سهيل: ما دري الله
سلطان: انت خبرت عميه بسالفة ..
سهيل: لا والله قلت أخبرك وعقب بخبرهم بس ها لا تقول حق شموس أدريبك تشل الرمسه ..
سلطان وهو معصب: والله ما تستحي يا سهيل أفا أنا احينه أشل الرمسه لشمسه شو شايفني حرمه ..
سهيل وهو يضحك : بلاك يا أخي عصبت نسولف يا سلطان ..
سلطان: الحين هذه رمسه روح زين " وسار عنه لسيارة و لحقه سهيل " في السيارة ..
سهيل وعلى ويهه ابتسامة: السلام عليكم ..
سلطان: ............... ساكت ولا قال ولا كلمه ..
سهيل: ما بترمس يعني زعلان .. عاشوا إلي يزعلون .. سلطان ساكت ..
سهيل: زين بوديك بيتنا يمكن ترضى بشوف الحرمة ..
سلطان: بسرعة روح البيت بسرعة .. في البيت سعيد توه ياي من الدوام وكان وايد مستاتنس مطول على صوت المسجل و يرزف ونزل ودخل داخل البيت وهو يغني و يرزف .. وسار سيده جناحه ..
سيف وهو يغني و يسوي حركات حق سلامي: غرشوب رعبوب والخصر منهوب والشعري ميال .. " يمسك شعرها بأطراف أصابعه "
سلامي:آآآآآآآي بطل شعري الله يا خذ عدوك ..
سعيد وهو يقعد حذالها: شحالها أم زايد ..
سلامي: الحمد الله بخير وعافيه الحمد الله على السلامة يا سعيد ..
سعيد: الله يسلمني ..
سلامي: مشكووور ..
سعيد وهو يبوس خشمها: فديت خشمج أنا .. عيل وين ولدي والله مشتاق له حيـــــــــــــــــــــــ ــــل ..
سلامي أونها زعلانه: أكثر عني يعني ..
سعيد: فديت أم زايد والله انت الكل بالكل .. وينه و لديه ..
سلامي: عند حميد عمه ..
سعيد أونه معصب: عند حميد شقا تعطيه حقهم احينه وأنا متوله عليه أكثر من ما هو متوله عليه ..
سلامي: سير له الغرفة بتلاقيه هناك ..
سعيد: ولا بعد في الغرفة .. سار سعيد غرفة حميد أخوه .. حميد في الغرفة منسدح على الشبريه وفق بطنه زايد يلاعبه وياه شمه وفاطمة يالي قاعدة على لاب توب ..
فاطمة: حمود هذه القصيدة يوم كنت في بريطانيا ..
حميد يعتدل في القعدة و يحضن زايد : هيه يوم كنت في بريطانيا ما تشوفين الغربة والصورة خالد ما خذنها في الساحة إلي في بريطانيا .. سعيد وهو يدق الباب ..
سعيد: السلام عليكم .. زايد من شاف أبوه قعد يناقز و الابتسامة شاقه ويهه ..
حميد: وعليكم السلام .. شوفو السبال من مساع ياينه رقاد وكل شوي يفرك عينه ويثاوب ..
سعيد: معلوم طال عمرك أنا أبوه .. " ويشل ولده و يدلعه " تعال حبيبي فديتك أنا " ويبوسه يقطع خدوده من البوس " ..
شمه: والله ولدك حركات بعد ..
سعيد: ها أسمع حد يغلط على ولديه أحترمن عماركن عاده ..
عبود وهو داخل : منووووه بو زايد الحمد الله على السلامة ..
سعيد: الله يسلمك يا بو حميد تسلم هذه الناس مب هذولا مالت عليكم ..
حميد وهو يضحك: ليش انت عطيتنا فرصه ..
عبدالله: ليش ما ييت العزيمة ياي احينه ؟؟؟
سعيد: تعرف بعد الشغل ما يرحم يا عبدالله والعزيمة بنعوضها بغيرها " ويطالع ولده " يا أخي مشتاق حقه حيل بمووووت عليه ..
شمه: زين لا تقطع الولد من البوس ..
عبدالله: من مساع قاعد تحبب في منوه هذه الدب ؟؟؟..
سعيد: نعم أخ بو حميد قلت شي بخصوص ولديه هـــــــاه ؟؟
عبدالله: لا أفا عليك يا بو زايد ما قلنا شي .. وفي الصالة يالي تحت كان سهيل يراضي سلطان وسلطان يدلع على الأخ والأخ ما يعرف هذه الشي ..
سهيل: يا الله عاده سلطان عن الدلع ..
سلطان: بس وايد ذليتك أشفقت عليك ..
سهيل: والله ما تستحي يا سلطان بس يا لله لكن شمسه ما بتشوفها في عينك ..
سلطان: بكيفك هو ما شوفها حرمتي هذه سير زين .. وشل التلفون ودق حق شمسه وقال لها تي وإنه في البيت وهي ما كذبت خبر جان تي ..
شمسه : السلام عليكم ورحمه الله وبركاته ..
سلطان و سهيل: وعليكم السلام ورحمه الله وبركاته ..
سلطان وهو يأشر عسب تقعد حذا : تعالي هنيه قعدي حذال ريلج " يبا يقهر سهيل "
سهيل: شموسي أبي ماي لو سمحتي يعني .. شمسه سارت تيب حق أخوها ماي وسلطان عصب لا شور ولا مشاور جيه يطرشها ..
سلطان: هو بكيفك انت
سهيل: يوم بتسير بيتكم على كيفك سو .. سلطان منقهر شوي بيلعنه كف .. يات شمسه وعطت أخوها الماي وعقب سارت وقعدت حذا سلطان ..
سلطان مخفف صوته : شحالج حبيبتي ..
شمسه بطلتها الحلوة: الحمد الله .. بلاك
سلطان يحطي عينه في عينها: ولا شي بس اليوم متوله عليج زود ..
شمسه مستغربه: تولهت عليك العافية .. سهيل على صوب يضحك أول مرة يشوفهم جيه ..
سلطان: نعم يا أخ بلاك تضحك ..
سهيل: لا أفا عليك ما أضحك بس مبتسم ..
سلطان: تحسبت بعد .. لو سمحت ممكن تفارج عسب ناخذ راحتنا أكثر ..
سهيل حس بالغيرة : شوووه خل عنك على جبدك قاعد ..
سلطان: مبتسم زين شمسي حياتي .. بعض الناس مقهورين مواااايد بعد ..
سهيل: جب يالله جب ..
شمسه: بلاك انت وياه والله تقهرون .. انتو مب صغاريه عسب تقولو هذه الرمسه .. ..
سلطان: شوفي أخوج من يوم نحن في القهوة وهو يقهرني أهون عليج عاده .. " أونه مسكين "
سهيل: والله عيــــار جدامج هذه كله ..
شمسه : والله سخافة أنا بروح عنكم انت وياه تواجعو برووووحكم ..
سلطان: شمسه يا شمسه تعالي نحن نباج في سالفة شمسووووه .. " بس شمسه سارت عنهم فوق "
سالم وهو داخل عليهم : خير إن شاء الله " وجان يطالع سلطان " هذه انته في ناس تي هذه الحزه ..
سلطان : ليش أنا مب ولد عمكم قاعدين تطردوني والله مذهب ..
سالم: المذهب عندك يا بو مذهب ..
سلطان: والله لو لا حرمتي عندكم جان ما طبيت بيتكم عنلاتك انت وياه ..
سالم: اسمعوا انتو لا تقول لحد .. يا فيسك " وجان ينسدح على الغنفه وقعد يطالع السقف ويغني يا ويلي يا من زاد بالهم يبات ليله بحسرات بايت سهيل والليل غيم والعين تذرف بعبرات . حب الحبيب سمني سم يا سلطان "
سلطان: أندوك الحبيب يحب بعد ..
سهيل: خله خله يا سلطان محد يعرف شوفي القلوب ..
سالم وهو يطالع سهيل: هيييييييه والله يا سهيل تصدق حتى ما ركزت في الدوام عليه دوام اليوم بس ما رمت التفكير شاغلني يا سهيل شاغلني " يتكلم وهو مبتسم " ..
سهيل وهو يتقرب من أخوه: ها يا سالم ما حيدك جيه ضربك سهام الحب مثل ما يقولون ..
سالم: أي ضربني إلى خشعني خشـــــــــاع يا سهيل خشاع .. ذرابه ذوق في الكلام الله جنها تغمني يوم بتي ترمس ..
سلطان عايبنه الموضوع: له له له يا سالم ما حيدك مرة وحده خشاع ..
سالم: هيه يا سلطان هيه ..
سهيل مستعجب من حال أخوه : أول مرة أشوفك جيه ..
سالم وبجديه : انتو بتقعدون تطالعوني جيه خوزو عني بسير حق حميد يعدلي قصيد عليها أبرك ليه ..
الظهر وعلى الغدا كان أبو سهيل و أم سهيل وحميد وشمسه وفاطمة و عبدالله يتغدون ..
أبو سهيل : عيل وين شموه ..
فاطمة: بعدها ما يت من الكلية ..
أبو سهيل: أم سهيل ترا مريم بنت أخويه الريال ذيج المرة رد وخطبها مرة ثانية ...
عبدالله جنه حد صب عليه ماي بارد: وهذه بعده يفكر بالزواج قو لوله ينسى البنت ما تباه ..
أبو سهيل وهو مستغرب: شدراك إنها ما تباه ها و بعدين القرار لها مب لك ..
حميد : ليش ومنوه هذه الريال ؟؟ !! ..
شمسه : هذه ريال خاطبها قبل وعقب يوم سويت انت الحادث كنسلو عن السالفة والحين ردو مرة ثانية يخطبونها ..
حميد: زين شو فيها يعني مب زين الريال شو ..
عبدالله: لا والله زين و ولد حلال بس عيبه إنه متزوج وعنده عيال وأكبر عنها بكم سنه ..
حميد مستغرب : عنده عيال ما أعتقد مريم بتهدم حياه عايله بكبرها .. و بعدين كم عمرة هو الريال ..
أم سهيل: أكبر عنها بوايد حبيبي ..
حميد بدون أي مبالاة : خلاص الله محلل أربع فيا خذها إذا هيه تباه .. " وكمل أكله "
عبدالله وهو ما له نفس في الأكل : حميد والله ما عندك سالفة " ونش من مكانه "
أم سهيل: وين يا عبدالله ..
عبدالله: بسير أذاكر أحس ليه .. " وسار عنهم "
فاطمة: باجر الخميس بلاه هذه ..
شمسه وبصوت خفيف : الظاهر أخوج قلبه يا كله على بنت عمه ..
أم سهيل وتطالعهم بنص بعين و تهد عليهم : بس إنتي وياها من الهذربه الزايده .. :: في الكلية شمه تتصل في البيت بس محد يشيله ..
شمه: أفففففف والله مليت محد يشل التلفون ..
غزيل : بلاج شموه محد بييج ؟؟
شمه: لا محد من مساعه أدق حقهم بس محد يشيله وأتصل في الخبله الدريول بعد ما يشيله راقد على التلفون الله يا خذ عدوه ..
غزيل: تبيني أوصلج عادي ..
شمه: لحظه إذا سالم ما رد عليه بسير وياج ..
غزيل: و حصوه وين عيل ..
شمه وهي دق على سالم : روحت خلصت اليوم بسرعة .. " ويشل سالم التلفون " ألووه هلا سالم ..
سالم : هلا شمه بلاج بغيتي شي ..
شمه: أكيد بغيت شي يعني أنا يوم بتصل فيك هذه الحزه أعرف إني بغيتك تيني الكلية ..
سالم: تمام احينه ياينج " وجان يسمع صوت غزيل يوم تقول لشمه إنها إذا ما لقت حد بعد عشر دقايق بيوصل ولد أختها "
سالم : شموه منوه هذه البنت إلي تعرض عليج خدماتها ؟؟؟ ..
شمه: يوم بتي ذيج الساعة بخبرك منوه هذه البنت .. "و صكر عن شمه أخته وعقب عشر دقايق وصل"
شمه وهي تركب السيارة : السلام عليكم ...
سالم كان في عالم ثاني كان يطالع غزيل يوم تركب مع ولد أختها برقتها في مشيتها : شمه شسمها ربيعتج؟؟ ..
شمه: أي وحده فيهم ..
سالم: ذيج إلي يات بيتنا ذاك اليوم ؟؟ ..
شمه : ليش تسأل ؟؟
سالم: بتقولي ولا مب قايلة عنلاتج والله كريهة ..
شمه: هذه غزيل ..
سالم : غزيل الشمالي ..
شمه: تنكت طال عمرك ..
سالم: ربيعتج ما شاء الله عليها حلوه ..
شمه مب مصدقه : ليش ؟؟ تقول هذه الكلام البنت مخطوبه ..
سالم بحزن: إنتي تجذبين هي مب مخطوبه ..
شمه تبي تقهره : بلا مخطوبه و الملجه شهر ثمانية والعرس شهر واحد ..
سالم يتحرقص : زين ...... ليش ما تزوجها للحين ..
شمه وهي تبتسم: أقولك العرس شهر واحد و بعدين هو يترياها عسب تخلص دراسة عقب بياخذها ..
سالم وهو مب مصدق : شمه إنتي تقصين عليه تبين بس تحريني رايت ..
شمه وبجديه : سالم والله ما جذب عليك البنت مخطوبه من ولد عمها ..
سالم وماله نفس في شي : وأنا أقول معقولة بنت بهذه الحلا بعدها مب مخطوبه ..
شمه: سالم والله ما تخيلتك إنك لهذه الدرجة تباها ..
سالم وهو يطالع شمه : لا يا شمه أنا بس عايبني أسلوبها لتحطين شي في بالج صحيح إني فكرت فيها بس ما توصل الدرجة كزوجه يا شمه ..
شمه وهي مرتاحة : الحمد الله تحريت شي ثاني والله .. تبا الصراحة أنا ما بيك تاخذ غزيل ..
سالم: ليش مو هي من قرايب الوالدة ..
شمه: بلا بس أنا ما بيها أهي أبي وحده ثانيه من زمان ما سمعنا عنها شي ..
سالم وهو يبتسم: منوه هذه يالي في بالج يا شمه قو ليلي ..
شمه تطالع بنص عين: معقولة ما تعرفها يا سالم معقولة ..
سالم معقولتين وثلاث بعد ؟؟
شمه: وحمده وين سارت يا سالم ..
سالم أول مره يحس إنه فقدها: حمده ..
شمه: هيه " وتعيب عليه " حمده ..
سالم: الله ياخذ عدوج نزلي بشوف نزلي .. و دخلو داخل البيت وتغدو .. عقب المغرب دخل حميد وأبوه توهم يا يين من الشركة سارو المسيد وعقب يو البيت ..
أبو سهيل: ها يا حميد شو بسوي ..
حميد: ما عليك أنا بكلمه لك و بنتفاهم على السعر هو ما يبي بيته يخلص بسرعة ؟؟ بلول يدفع عقب بشوف منا كل الخير ..
أبو سهيل: لا يا حميد هذه من يوم ونحن صغار وهو ويانا أمه ربتنا من بعد عين يدتك الله يرحمها راعيه الله يخليك ..
حميد: مشكلتك انت وعمي قلوبكم طيبه أبويه هذه شغل وحلال خل عنك العاطفة على صوب ..
أبو سهيل وهو مقتنع: سوي يالي يعجب يا وليدي نحن راضين فيه بس قول لمحمد يعطيك الأوراق يالي في ها الصفقة وعنده الختم بعد ..
حميد: خلاص يا أبويه أنا بسوي إلي انت تباه ..
أبو سهيل: كفو يا حميد كفو يا ليت كل إخوانك مثلك ..
حميد: لا الحين عبود يا يينك بسوي إلي انت تباه بعد ..
أبو سهيل : الله يخليكم كلكم يا رب وأشوف عيالكم وعيال عيالكم ..
حميد: إن شاء الله .. إلا على طاري السالفة شو سوت مريم بنت عمي ..
أبو سهيل: لا البنت ما تباه .. وأنا أقول أحسن بعد هذه ريال عود وايد عليها ..
حميد وهو يفكر بـعبود أخوه : زين والله بعدين وراها دراسة وعمي ما بيرضا ..
أبو سهيل: وأنا أقول بعد بيني وبينك أبي أعطيها حق عبدالله ولدي ..
حميد وهو مبتسم: هيه والله بس يمكن عبدالله ما يباها ..
أبو سهيل: و ليش ما يباها هذه بنت عمه وما بيلقى أحسن منها و بعدين مريم بنت حلوه انتو ليش ما تفكرون ببنات عمك والله ما بتلقون أحسن عنهن ..
حمي وهو مستحي: الصراحة أبويه أنا أبي أخطب حصة بنت عمي ومثل ما قلت أنا ما بحصل أحسن من بنات عيلتي وخصوصا إني أعرفهم زين ما زين ..
أبو سهيل وهو مبتسم " أحسن خبر سمعه اليوم " : الله فرحت قلبي يا حميد الله يفرحك قلبك أنا من زمان
أبي حد منكم ياخذ وحده منهن ..
حميد وهو يبوس راس أبوه : الله لا يحرمني منك يا أبويه ..
أم سهيل وهي طالعة من غرفتها: وأنا ليش ما ليه رب ..
حميد وهو يقوم لأمه ويبوس راسه أمه : لا أفا عليج إنتي الكل بالكل في هذه البيت ولا شو رايك يا أبويه.
أبو سهيل: أكيد يا حميد .. و بعدين أمك تغر مني ليش حميد ولدي يحبني ..
أم سهيل: أسكت أنت .. ليش كنتو تضحكون ..
أبو سهيل: ولا شي يا أم سهيل بس كنا نرمس عن موضوع أنا وحميد ..
أم سهيل: زين شو ه الموضوع ولا أنا ما أدخل فيه ..
أبو سهيل: لا تدخلين فيه إنتي أم المعرس يا أم سهيل ..
أم سهيل وهي تطالع في حميد : حميد بزوج لا تقول يا بو سهيل يعلني ما خلا منكم يا رب .. حميد مبتسم أخيرا بيتحقق حلمه و بيخطب البنت يالي تمناها طول حياته .. وأم سهيل متشققة من الوناسه أخيرا واحد من عيالها بيزوج ولو إنها تتمني لو سهيل يالي قايل لها هذه الرمسه ..
سيف: ها مريوم تبينه ولا ما تبينه .. " يسولف وياها "
مريم وهو مضايجه: سواف الله يخليك باجر عندي امتحان وأنا ما ليه خلق ..
سيف: ميود تعال هنيه بشوف ..
مايد وهو يشوف كونان : سير عني لاه والله ما ييتك ..
سيف يعصب علية ويحمر عينه : تعال بسرعة أنا أخوك العود ..
محمد: يا سيف انت شو تبابه خله قاعد يشوف ..
سيف: والله محد مدلع الولد غيرك يا محمد ..
محمد وهو يبوس مايد: فديت قلبه في العيد بوده ويايه دبا ..
سيف: انت تخبلت شوه ..
مايد عيبته السالفة : بلا بسير وياكم بشوف السيايير عسب أتعلم جيف يشلون على تايرين ..
مريم: طاعو انتو ها اونه بشله على تايريين خلص مدرسة بلول والله ..
مايد: مالج خص إنتي سوالف رياييل ليش تدخلين ..
سيف رافع أيده : ما أقدر أقولج شي لأن الولد معاه حق هذه سوالف رياييل ..
مريم: والله محد مخرب الولد غيركم بس والله لا خبر سلطان عليكم ..
محمد: سيري خبري خفنا احينه من سلطان ..
سيف: لا يا محمد خلها تخبر سلطان أنا أخاف وايد منه دخيلك " يسولف "
مريم: ما عليه لكم يوم بخبرة سو يالي يعجبكم .. أنا بسير أحسن " وسارت غرفتها تكمل مذاكرة " ..
سيف: حمود انت من صجك بتوديه وياك دبا ..
محمد: ما فيها شي بوديه أول شي بقول لأميه بشوفها فتوافق ولا لاء ..
مايد وهو زعلان: بتوافق ودني وياك يا محمد ..
سيف: يوم بي العيد ذيج الساعة تكلم صبر انت بلول ..رد مايد يشوف التلفزيون والكلام يالي قاله سيف مول ما عيبه و يوم أطالع محمد حس بطمأنينة وأنه بوديه وياهم .. مرت الأيام بسرعة ويا العيد و اجتمعت العايلة في أول يوم في العيد والكل مستانس في الصالة في أول أيام العيد شباب كاشخين والبنيات أكشخ والكل يطالع يالي يحبه بنظرة ثانية ..
حميد وهو قاعد يطالع حصة بعينه الناعسة وكان كاشخ آخر كشخه بس على شان حصة ويبيها تشوفه في العيد وهو متعدل و متسفر.. بس حصة تتغلى على الحبيب ما عاطتنه فيس يتحرقص وهي بعد مشتاقة له بس هي تبيه يتنزرفز تبيه يرمس وشوي يات عينها بعينه بلغلط وهو هادي يطالعها بعصبيته الهادية وهي عارفه إنه معصب بس هو ما يبين .. شمه تطالع في حميد أخوها ..
شمه: بلاه حميد الله يهداه بس ..
حصة: أش فيه بعد ..
شمه: ما فيه شي .. وشوي جان أي حميد عندهم ..
حميد: السلام عليكم ورحمه الله وبركاته كل عام و انتو بخير بنيات ..
الكل: و انت بخير ..
حميد شحالج سمر عساج طيبه
سمر: الحمد الله يا ولد عميه بخير وعافيه ..
حميد: الله يعافيج " ويطالع حصة" حصة هاتي زايد أبوه يبيه ..
حصة وهي عاجبنها العطر يالي متعطر منه حميد مازر البقعة الكل يسأله من وين شارنه : ليش والله ما شبعت منه قوله بعدين بيبه له والله حميد دخيلك ..
حميد وهو يتقدم لها: بتيبينه ولا شوه ..
حصة زعلانه : هاك أخذه والله والواحد ما يقدر يستانس .. " وعطته زايد .. سعيد ما يبي الولد بس يبي يقهرها شوي مثل ما هي قهرته " سار حميد وهو يبوس زايد ولد أخوه وحصة تطالعه مستانسه شو معجبه بهذه الريال من بعد ما كانت ما تستحبه ..
شمه: والله حميد أخويه ما دري من وين يشتري هذه العطور ..
حصة: الله والله فن هذه العطر أول ما دخلت صالتكم شميت العطر والله جنان يا شمه ..
شمه: أفا عليج بقول حق حميد و يعطيه حقج ما يغلى عليج شي يا حصة ..
حصة: جب إنتي جب ..
سمر وهي ما لها نفس في شي " حامل " : إنتي وياها ما يعوركن صوتكن عنبوه ..
مريم وهي تستهبل: كيف يعور الصوت بعد ..
سمر: جب إنتي الثانية مب فايجه حقج ..
عند الشباب كان الجو رابش عندهم سالم و عبود يسوون سوالف لشواب و الشواب يضحكون ..
عبود: ها عميه شو قلتي عني تراني كاشخ اليوم متسفر و ما قلت شو رايك فيني أنفع اشتغل في الشركة..
أبو سلطان وهو مبتسم: هيه تنفع من بونك كاشخ ..
عبود: أدري إني كاشخ بس اليوم غير عاده " ويغمز حق عمه " ..
أبو سهيل: وابي عليك شو ها الحركات بعد تسويها حق عمك ..
عبود: لا أفا عليك أبو سلطان فاهمني زين صحيح عمي ..
أبو سلطان: والله ما دري عن شو ترمس بس فاهمك يا عبدالله فاهمك يا بو حميد ..
حمي وهو يلاعب زايد: زين يا سعيد ما قلتلي أي خريطة بغيت عسب البيت بنبدا بعد أسبوعين إن شاء الله و انت للحين ما قلت شي ساكت الظاهر عيبتك القعدة في البيت ..
سعيد: حميد والله غثيتني من البارح و انت قاعد تقولي هذه السالفة انت ما تشوف الدنيا كيف رابشه بسبه العيد بعدين ..
حميد: هيه بس انت مكلمني من شهر و انت ما خذ الأرض من شهر يعني لازم نحرك من احينه ..
سعيد: سالم خوز أخوك من هنيه .. حميد سير عند الوالد تراه يرمس عن الشغل ..
حميد: لا إله إلا الله ..
سعيد: محمد رسول الله ..
سلطان: ما بسك انت وياه حشرتونا ..
سعيد: سير اقعد هناك جان تبا ترمس ..
سلطان: والله ما من وراك فايده .. " وشوي جان يدخل سيف وياه محمد و مايد "
سعيد: شوف شوف حمود من يالي ياي محمد سير أرمس انت وياه عن الشغل تراه ينفعك ..
حميد: أكيد بسير " سار حميد لعيال عمه و وايهم وهم وايهو الرياييل و قعدو رمسه وسوالف لين أذن الظهر وعقب صلاه الظهر "
حميد وهو ياي جان يشوف حصة قاعدة عند الكراسي مبتسمة ومنزله راسها ..
حميد: السلام عليكم ورحمه الله وبركاته ..
حصة تفاجأت : وعليكم السلام ورحمه الله وبركاته .. تقبل الله ..
حميد: منا منكم إن شاء الله .. كل عام و إنتي بخير ..
حصة: يايه متأخرة ..
حميد: أحسن عن غيري على الأقل قلتها غيري ما قالها ..
حصة تضحك : شو يعني من سبق لبق ..
حميد: ممكن أقعد يا حصة ؟؟
حصة: أفا عليك البيت بيتكم ..
حميد وهو يقعد : مشكورة الغالية .. وأخبارج بعد و علومج ..
حصة: زينه ..
حميد: حصة أنا كلمت الوالد وإن شاء الله عقب العيد بيخطبج حقي من عميه .. حصة تمت تطالعة بخجل وابتسامه على ويهها ما تفارجها .. :
يعل أيامك سعــــــــيـــــــــــــد ه
يعل أيامك ســــــــــــــــــــــرو ر
كل عـــــيد الله يعــــــــــــيده
و انت في بهجــــــــــــة ونور
سلطان: يا سهيل انت مب صغير لازم تخبرهم ما تم على شي على السفرة ..
سهيل: أنا بخبرهم على الأيام اليايه قبل السفرة إن ساء الله ..
سالم: شو شو السالفة ما فهمت شي ..
سهيل: لازم تعرف يعني ..
سالم: بتسافر خذني وياك مرافق ..
سهيل: الله يخليك يا سالم اسكت ..
سالم: بلاه ولد عمك يا سلطان ..
سلطان: والله ما دري بلاه شكله بسير يغازل البنات يالي في الأمارات ما عيبنه ..
سالم: ما عنده سالفة هو صحيح بنات البلاد لسانهن طويل مثل طول شعرهن بس والله يعجبنك ..
سلطان: هيه والله يدشون الخاطر والله ما تندم انك خذتهن ..
سهيل: ليس الكل بل البعض لا تجمع يا سلطان ..
سالم: والله هذه وجهت نظر إذا عيبتك زين ما عيبتك هذه شي راجع حقك ..
سهيل: زين أنا احينه شو قلت سلطان يالي فتح السالفة أنا ما رمست عن بنات بلادي الله يحفظهن من كل شر يا رب ويستر عليهن ..
سلطان: زين غيرو السالفة لأنا نبي نتغدا قومو.. سارو الشبيبة للغدا وكان اليوم بنسبه لهم شي حلو اجتماع العايله ما في منه الكل يستانس عليه .. في ثالث أيام عيد الأضحى ناصر كان عازم الشبيبة على الغدا عندهم في الفجيرة ومنها بسيرو دبا و مايد قبل لا يسيرو كان فاتح مناحة إلى يسير وياهم بس أم سلطان منعته وخلته يسير بيت خاله يلعب وياهم .. وفي دبا كانت الناس ملتمه والكل يشوف شو يسوي الشباب يالي صابغ سيارته و إلي يخق عسب شو فوني يا ناس كيف أشفط وإلي يرفع على تايرين ..
عبدالله وهو قاعد على الموتر من فوق : سواف شوف شوف هذه ربيعك مال دبي عجيب موتره ..
سيف: يعدل فيه من شهر احينه جيف ما تبيه يخق ..
سالم وهو ما عايبنه الوضع : شو ها الناس والله يريتني ما ييت ..
عبدالله: حد ضربك على يدك و قالك تعال بروحك راز فيسك ..
سالم وهو يشل تلفونه لأنه يرن : جب انت جب ..
محمد: أنا بنزل بسير عندهم بشوف هناك شو يسوون ..
ناصر: تعال يا محمد لا تسير خلك هنيه أحسن ..
عبدالله: هيه والله صدقه هنيه ما ينشاف شي جان تجدمت شوي يا ناصر ..
ناصر: تبا تموت سير جدام .. المهم من كل هذه سار محمد عند الشباب جدام وشوي جان يسمعون سيارة انقلبت محمد خاف ورجع على ورا يشوف من بعيد أحسن قعد يطالع البحر ويطالع العوايل يالي فيه شكلهم مستانسين وايد وبدون سابق إنذار يات سيارة وشلت خمس من الشباب ومن بينهم محمد يالي كان واقف ما عرف شو السالفة يالي عرفه انه سيارة دعمته وهو منسدح على الأرض ويشوف الشباب يطالعون ويحاولون ينقذونهم مو عارف هذه الوجوه يالي قاعدة تحاول تنقذه .. هو فاتح عينه يطالع يغمضها بهدوء كل شوي يغمضها يفتحها بصعوبه راسه انفتح من شده الضربة ..
عبدالله: حمود وين عيل يا لله ورانا خط لين دبي ..
حميد: دق دق حقه شوفه وين .. ودق عبدالله لولد عمه بس ما يرد ..
حميد: ها شوه ..
عبدالله: ما يرد عنلات عدوه عيبه الموضوع الظاهر ..
وشوي جان يطوف واحد من الشباب يستغفر ربه ويقول : استغفر الله خمس أرواح الله يعين أهلهم والله.
عبدالله من سمع هذه الكلام حس بنغزه في صدرة يحس انه ولد عمه شي صاير حقه بس مو عارف شوه.
حميد: سالم حمود وين ..
سالم : ما دري وين والله
عبود: أنا بسير أدورة أحسن ليه .. " وسار ولحقه حميد وسالم وسيف يالي تبع عيال عمه ويوم وصلو شافوا الشباب قاعدين ينقذون الشباب يالي دعمتهم السيارة وراعي السيارة ما عارف شو يسوي راكبنه الذنب من فوقه لتحته .. عبدالله تجدم حس انه في واحد منهم يعرفه و يتجدم عبدالله في باله يحس بس هو يطمن نفسه إنه ما يكون محمد ويوم وصل لعن على عمرة إنه يا هذه المكان " ..
عبدالله: لالالالالالالالالالا " وهو يربع لمحمد " محمد قوم محمد ..
حميد حس بقشعريرة تسري بجسمه : عبود انت شو قاعد تقول تخبلت ..
سيف وهو يحظن أخوه : حمود حمود قوم حموووووود أميه شو بقول لها حمووود قوووم ميود شو بقول له حمووووود ..
سالم: محمد يا محمد قوم ..
محمد و بصعوبه الدم يصب من راسه يالي كله دم شكله مفتوح : حمــ .... حمي...يد ..
سيف وهو يصيح : حميد تعال بسرعة يبيك بسرعة حميييييييييييييد ..
حميد وبسرعة : هلا محمد محمد بلااااااااااك ..
محمد وبهدوء : حميـ.....د أنا آســـ ..... آآآآســف .غلـــ ......ط...ت عليـ ..... ك " ويتنفس بصعوبه "
حميد وهو أيود أيده : محمد أسكت أنا مسامحك والله مساحك يا ولد عمي الظفر ما يطلع من اللحم يا الغالي ..
محمد يطالع في عيال عمه و أخوه : ســـ ... لـــ ..مو على أمـــا يـــ....ـه و أبـــويــه.. وعلى خــو....أتي .." ويطالع سيف " سـ ســـــ ...واف ديـــر .. بــــا ...لك على مـــ مـــايد .. على ميـــ ...ود .. "وتنزل الدمعة من عين محمد يالي عارف إنه بروح من هذه الدنيا" ..
سيف منفعل : لا يا محمد لا انت لا تقول هذه الرمسه انت بدير بالك على ميود لا تقول جذيه ..
محمد: ســ ..الم ..
سالم وهو يقعد على ركبته : لبيه ..
محمد: رااا ... سي راسي يعـ ... ورني ودني ... المــ .. سست .. شفى ..
سالم من سمع هذه الكلمه قعد يدور على يالي دعمه و سار له وضربه والريال تم ساكت لأنه غلطان ما عارف شو يسوي بيهدم عوا يل بسبه هذه الحادث .. المهم شل سالم ولد عمه من بعد ما هدوه الشباب عن الريال و سارو المستشفى كان محمد راقد على حميد ولد عمه وحميد يصيح بصوت خفيف و الدموع تنزل على محمد يالي قاعد يشوف دموع حميد وهي تنزل عليه وجنها تغسل الخطايا يالي محمد سواهم.
وصلو المستشفى من بعد فترة من الزمن و دخلو محمد الطوارئ وظهر لهم الدكتور و قال لهم أن محمد توفي لأنه نزف وايد نهارو الشبيبة سيف ما عارف شو يسوي ظهر برا المستشفى كان سالم هناك واقف وهو يكلم شمه أخته وشوي جان يشوف سيف ياي يمشي و الدموع مغطيه ويهه ..
ناصر: ها يا سيف بشر ..
سيف و الدموع في عينه : ناصر حموووود ماااااااات يا ناصر ما ليه غييييرة شو بقول حق أميه وأبويه يا ناصر شو بقوووول لهم ..
ناصر وهو يحظن سيف: لا إله إلا الله إنا إلا الله وإنا إليه راجعون بس يا سيف بس قول الحمد الله ..
سيف مول ما يقدر يتنطق بكلمه الصياح شال صدره ..
سالم: بلاك سيف بلاك .. " ناصر نزل راسه سالم فهم السالفة وسار عند أخوانة يالي كانو داخل عبدالله كان ساكت ويصيح بصمت أما حميد فكان حزين وقلبه يتقطع على ولد عمه ويتخيل شكل حصة يوم بتعرف بالموضوع " وعقب ساعة الكل عرف بوفاة محمد أم سلطان كانت بتموت من الحزن وحصة تهديها وهي تصيح ما عارفة شو تسوي تهدي أمها ولا نفسها ولا أختها يالي قاعدة حذا لها .. وبعد مرور ثلاثة أيام بعد وفاة محمد سيف كان وايد تعبان وتوه طالع من الميلس الرياييل روحو وهو ساير غرفته عسب يرتاح ويوم وصل فوق جان يشوف غرفه محمد أخوه مفتوحة فكر يسير غرفة أخوه عسب يطلع كل يالي فيه من صياح ويوم دخل جان يشوف مايد قاعد على الشبريه ويهزز ريوله ومشغل البليستيشن
سيف مستغرب : مايد شو قاعد تسوي هنيه!!!!!!!!&# 33;!!! ..
مايد و الدموع في عينه : ماشي أتريا محمد قال ليه أشغل البليستيشن قبل لا يوصل بعدين بيفتن عليه .. ولين احينه ما وصل متى بيوصل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟ ..
سيف تيمعت الدموع في عينه وسار لأخوه : بند التلفزيون يا مايد محمد مابي ..
مايد: هييييه انته تباه يفتن عليه ..
سيف سمع هذه الرمسه و حضن أخوه وقعد يصيح بهدوووووووء .. أما مايد فهو يعرف أنه أخوه محمد متوفى بس مب مقتنع ..
بعد مرووووووووور سنتيـــــــــــــــــــــ ـــــــن
سهيل: أمايه يا أمايه وينج يا أم سهيل ..
أم سهيل وهي تي صوبه : هلا هلا حبيبي سهيل الحمد الله على السلامة ..
سهيل: الله يسلم غاليج يا الغالية " ويبوس راسها "
أم سهيل: هلا حبيبتي عايشه شحالج
عايشه بنت عمت سهيل : الحمد الله بخير وعافيه عموه ..
سهيل: أبويه وينه عيل يا أميه ..
أم سهيل: قربو .. أبوك وين بعد في الشركة وياه عبدالله أخوك ..
سهيل: زين والله زين .. عيل سلامي وسعيد وينهم سرنا لهم في البيت بس ما شي جواب ..
أم سهيل: سلامي خذها سعيد بيت أهلها و وياهم زايد
سهيل : زين والله زين .. و فطوم وينها عايشه تبا تسلم عليها "عايشه كبر فاطمة"
أم سهلي: وفاطمة لحظه بناديها لك.. " وسارت أم سهيل تنادي بنتها "
سهيل: ها يا عايشه وبيتنا يبتج بتروحين بعد بيتكم ..
عايشه تدلع: لا زم تقهرني يعني ..
سهيل مبتسم: لا فديتج بس تعجبيني جيه ..
عايشه وتضربه على جتفه : فديتك أنا أحبك ..
سهيل: يا عمري والله .. " هذه سهيل تزوج من بنت عمته من 3 شهور وهو توه ياي من بوظبي من دوامه وهو مستانس وياها حيل طبعا خذاها من اختيار أمه وطبعا من عقب ما وصل من سفرته ونجحت عمليته قعد يفكر بهند وايد بس حس با لأهانه و فعرضت عليه أمه عايشه بنت عمته أخت خليفة وعايش معاها بساعده .. أما سالم فخطب حمده يالي كانت أول شي مب موافقة عليه عقب أقنعتها شمسه .. أما عبود الحين يدرس في الجامعة وإن شاء الله بيتخرج و بشتغل عند أبوه وهو قاعد يتعلم الشغل من عند حميد أخوه وخليفة ولد عمته عسب يوقف ويا أبوه وعمه في الشركة .. أما سيف بعده ما يفكر بالزواج لأنه صغير عليه على قولته وعايش حياته مثل أول بس مفتقد محمد أخوه " ..
سهيل : يا أميه بسرعة بنسير المستشفى احينه .. في المستشفى كان حميد عند حصة ما يفارجها خير شر
حميد: تعرفين عاده بسميها حصة ..
حصة وهو تمسح على شعر بنتها بحنان : شو حصة أنا حصة ..
حميد: لا حبيبي بنسميها حصة ..
حصة: لا دور اسم غير ..
حميد: خلاص أنا في بالي اسم واااايد يعجبني فقلت ما ليه غير بنتي حبيبتي أسميها عليه
حصة: شو هو يا حميد ..
حميد: مزنه وايد يعجبني الاسم و ناعم يليج على بنتي شو رايج ..
حصة : الله حلووو وايد حلووو " وتطالع بنتها " شو رايج بالاسم يا مزنه " وفترة بسيطة تمت حصة فيها ساكتة وبحزن "
حميد: بلاج حصة
حصة: كان ودي بولد عسب اسميه محمد ..
حميد حس بحزن زوجته: الحمد الله هذه سمر اختج سمت ولدها محمد على أخوج الله يرحمه من بعد وفاته على طول ... " يبي يغير السالفة " إلا شخبار أمج يا حصة من أسبوع ما سرت لها وأنا قلت بلقاها اليوم عندج ..
حصة: الله يرحمه .. أميه الحمد الله بخير وتوها روحت ميود ما طايع يذاجر فسارت له و مريوم ما تقدر عليه .. شموه أختك ما أحبها حتى الحمد الله على السلامة ما قالت عنلاتها ... وشوي جان يدخل سلطان وشمسه .. وعقب ربع ساعة دخل سهيل وعايشه وفاطمة و أمه و قعدو يرمسون ..
في العين دار الزين وفي المرخانيه بذات كانت شمه توها ناشه من رقاد وكان مروان قاعد يلعب في الصالة ومكسر الدنيا ويوم شافها تم ساكت " ما يعرفها بعده زين " وشكله كان يضحك خالي من أي عبارة توضح بشو هو يحس ..
شمه وهي تناديه : مروان تعال حبيبي .. مروان وهو يربع ..
شمه: شو سويت حبيبي ليش كسرت الدنيا ..
مروان: ما أعرف ..
شمه وهي تبتسم : زين تعال اقعد حذالي ..
مروان: ليش ؟؟؟؟؟
شمه ما عارفه بشو تجاوبه : بعد ليش تعال انت بقولك شي .. وشوي جان يظهر ذياب من الغرفة كان متسبح والماي بعده على شعره .. مروان شاف أبوه ربع حقه ..
ذياب: هلا حبيبي " ويشله " ها شو سويت في المدرسة ..
مروان: ما سويت شي لعبت ويا ربعيه ..
ذياب: شاطر حبيبي لا تضربهم زين ..
مروان: أنا ما ضربتهم أنا لعبت معاهم باباتي ما تفهم ..
شمه ضحكت بصوت عالي ذياب استغرب منها أول مرة تضحك جيه ..
ذياب وهو يطالع شمه: شفت مرواني ضحكت ماماه عليه ..
مروان وهو فاتح عينه على الآخر : ماماتي ؟؟؟؟؟؟؟؟؟ هذه ماماتي " ويأشر عيلها "
ذياب: هيه حبيبي هذه أمك صح شمه ..
شمه: هي انا أمك ما بتي لماماتي ..
مروان يطالع شمه: أنا يوعان أبا كافي ..
شمه: إن شاء الله حبيبي نسير بعطيك كافي .. نشت شمه و يودت في أيد مروان هو مب متقبلنها بس مع الأيام راح يتقبلها سارت وعطته كافي وعقب سار يلعب برا البيت لأن عيال خالت توهم واصلين ..
ذياب يكلم شمه : شمه ..
شمه تطالعه وهي مستحية : لبيه ..
ذياب : أحـــــــبـــــــــــــــ ــج ومصيري ويـــــــــاج دووووووووم ..
شمه : شـــــــاك في هذه الشي يا ذياب ..
ذياب: شو شوه أجين فديتج والله أحبج يا شمه " ويبوس خشمها " شمه تمت ساكتة ولا قالت ولا كلمه بس ذياب يالي كان يرمس و يسولف وهي تسمعه ودقق في شكله يالي ما تقدر حتى ترفع راسها له يوم يكونون بروحهم ..
لو نثر حروف وقتي في كلام
تاه كلي حاير في كلمتين
تنكتب بين الألم وسط الملام
تنكتب والحبر من ها لدمعتين
لا نطقها خافقي حول غمام
يلمس أوجاعي ويدفن غيمتين
عايش بين الرضا وبين الخصام
كني اللي عايش في دنيتين
النــــــــــــــــــــــ ـــهايـــــــــــــــــــ ـــــــــــــــة</font>
<font color='#000000'>مرحبا ..
تسلم عالتكمله .القصه وااااااااااايد حلوه...
بس دخيلك لا تتاخر علينا أوكي <img src="http://oasis.bindubai.com/emoticons/smile.gif" border="0" valign="absmiddle" alt=':)'></font>
<font color='#FF0000'><p align=center>قاعده اقراها<<< مب تقطعونها نفس هاذيج القصه انزين</p></font>
<font color='#000000'>السلام عليكم والرحمه.. يايب لكم اليوم قصه يديده
و اتمنا إنها تنال على إعجابكم .....
الجزء الأول
كان قاعد بروحه ونسيم البحر يلعب في شعرة و في كل جزء من ويهه.. كان مرتاح تقريبا و مبتسم بس بعد الهم يالي في قلبه ما يقدر إنه يبعده ولو بشتى الطرق .. بس هو أقوى من هذه المواقف يالي تستوي حقه .. سهيل ريال ما متزوج بس هو قاعد يفكر في كلام أمه يالي ذابح صدره عن العرس لأن أخو الأصغر منه متزوج وهو لين أحيينه ما يفكر في الزواج .. وفوق كل هذا عنده مشكله قلبه يالي ما يعرف في سالفته حد من أهلهم حتى سلطان ولد عمه يالي أقرب واحد منه ما خبرة بسالفة .. من يوم ياي من عند الدكتور ومن سده نفسه ما يريد يقابل حد وما يريد يخبر حد ما يبي يشوف نظره الشفقة على ويوهم .. وهو قاعد يفكر إن قطع حبل أفكاره بصوت الأذان يوم أن ينادي الناس لصلاه تشاهد سهيل على ويهه وستغفر ربه وقام لصلاة المغرب ..
وفي بيت قوم سهيل كانت عايشه أخت سهيل الكبيرة عندهم وولدها سهيل يلعب مع يدته ..
عايشه هي أكبر وحده من البنات وهي متزوجة وعندها ولد وبنت.. البنت اسمها شيماء وهي عمرها تقريبا سنه .. وسهيل عمرة ثلاث سنوات وكان يشبه خــــــاله حميد في تصرفاته ونفس الويه بعد والشـــطانة... وعقب صلاة المغرب طلعت حقهم شمسه من غرفتها كانت مصلية .. وشافت أختها وسلمت عليها..
شمسه: شحا لج عايشة وأخبارج وعلو مج
عايشه: تمام الحمد الله بخير انتو ويين محد يشوفكم يا لله ما تسألون عن أختكم وعيال أختكم ولا خلاص من طلعت من البيت خلاص ما ألقى السؤال منكم..!!
أم سهيل: افا وأنا إلي كل يوم أسأل عنج ..
عايشة: أميه أنتي خلج على صوب أنا بنتج لازم تسألين عنيه..
أم سهيل : هي بعد تحسبت ..
شمسه : فكونا من هذه السير عاد كل ماييتي بيتنا فتحتي لي هذه السالفة عن لاتج..
عايشة : لازم بعد يوم إني ألقا قصور بعاتبكم.. إلا ويين شموه وفطام ما ألقى وحده منهم
أم سهيل : في حجرهن راقدات يايات وحده من المدرسة والثانية من الجامعة شتبيهن خلهن رقود بيغثن الدنيا إذا نشن والظرابه ما عند حد..
عايشه : لا بس شيموه متوله على شموه شو فيها جيف مت غصصه..
شمسه: هذه بنتج ما عندها سالفة موليه جان تتوله على شموه!!
عايشه : عيل وين سلامي ما أشوفها وياكم ..
أم سهيل : في غرفتها
شمسه : هي من دكه فيها ما أدري شو مضيعه فيها !!
أم سهيل : عيب مات رمسين عن مرت أخوج جيه..
ولا سوت شمسه حق أمها سالفة حتى لو شو ما تقهر مرت أخوها ..
وقعد الحريم يكملن سوالفهن لين دش أبو سهيل الصالة هو وولد عبد الله .. عبد الله ثانية ثانوي وهو دايم ويا أبوه ..
أبو سهيل : السلام عليكم ورحمه الله وبركاته.. أوه منو عندنا هلا عايشه شحالج وأخبارج يا أم سهيل
عايشة: تمام الحمد الله .. الله يهداك الوالد كبرتني وأنا بعدني صغيرة..
عبد الله : اسمع انتو أونه صغيرة عيل شو خليتي حقنا نحن يوم انج صغير والله
عايشة : اسكت ما كلمتك أنا كلمت أبويه والله
أم سهيل : أنتي يا هل تحطين عقلج بعقل عبود
أم سهيل: شمسوه الغالية قومي يبي الفواله قومي بشوف
وقامت شمسه تيب الفواله وطبعا عبد الله ما يخليها في حالها لازم شويه تغليس .. وشوي نشت شمه من الرقاد وصلت عقب راحت غرفة أختها وعتها من الرقاد نشت فاطمة تصلي .. راحت شمه لين غرفة أخوها سالم بس مالقته .. وراحت غرفة سهيل لأنه هو قايل حقها بيب لها شويه أشرطة هندية بس ما حصلت الأشرطة فأكيد حطت في بالها إنه راح بيبها لها عقب .. سارت غرفة سعيد أخوها وبطلت مرت أخوها الباب وهي شوي لا تنفجر من ويع الراس إلي فيها ..
شمه : هلا والله بأحلاه مرت أخو في الدنيا
سلامي وهي مالها نفس: أهليين شموه شحالج .. أقول عندج بندول والله راسي بينفجر علي من الألم ..
شمه: أوه ليش ماقلتيلي من الأول هيه عندي تعالي في الغرفة .. سارت شمه وهي ومرت أخوها غرفتها شمه وسلامي ربع ونفس العمر ويكملن جامعه هي وياها بس سلامي ما راحت الدوام اليوم لأنها مصدعه والصداع زاد عليها .. طبعا سعيد متزوج من أعز وحده من ر بايعه شمه وكانت هي وياها ربع لحد الحين وطورت الصداقة لين ستون أقرب من بعض .. وعطت شمه البندول حق سلامي
شمه : أقول تراه مضر ما تاكلين وايد تضرج ..
سلامي : مادري والله أحس الم فضيع ظهري موت يعورني..
شمه: عيل يمكن حـامل " بس شمه قالت هذه الكلام لأنها صار لها متزوجة من مده من أخوها يعني ماتستبع هذه الشي"
سلامه وهي وشي ناويه تاكل الحبة تحتها بسرعة شمه خافت على صديقتها ومرت أخوها
شمه : بلاج ؟؟؟؟؟؟؟؟
سلامه : يكمن ألي قلتيه صحيح !!!
شمه وهي تهز مكتوفا : ما أستبعد والله
سلامي تمت تفكر في الموضوع .. بس دشت فاطمة وقطعت عليهم حبل أفكارهن
فاطمة: ها اشو قاعدين تسوين أنتي وياها يلا ترا أسمع حشرة تحت بسير عنكن أنتن وياها ..
وطبعا فاطمة سارت عنهن وعقب شوي تبعنها .. وصلن البنات لين الصالة وطبعا سلامي مصدعه على الآخر .. يوم شافتها شمسه كرهت حياتها..
البنات: السلام عليكم ورحمه الله وبركاته.. وحببن راس أبوهن وقعدن
أبو سهيل: ها سلامي بلاج شفيج يابنتيتي
"شمسه من داخلها تحترق من الغيظ .. تدلع هذه على أبويه"
سلامي : ما فيني إلا الخير عمي
أم سهيل: بلاج شي فيج ؟؟؟؟؟؟؟ظ
سلامي : لا بس شوي مصدعه
شمه : كله سلامي ونحن مالنا يعني
فاطمة: هي والله خلاص أنا زعلت بروح عنكم
عبد الله : قري مكانج وين بعد تبين تسيرين أومنها زعلت والله البنات دلو عات صح أميه
أم سهيل : هيه حبيبي " بس على شان يسكت من ساعة وهو مأذنها "
عبد الله : بس تبي تسكتني .. بروح أذاكر أبركلي
فاطمة: روح أحسا ونفتك منك بعد
عبد الله : ودج أنتي بس .. ورض بعمرة.. وهذه قعده غيا ضنا فيج
أبو سهيل وهو عايبنه المناقر بين فاطمة وعبد الله لأنهم مهيلين عليه في البيت ولأنهم أصغر إخوانهم:
أنت أشتبا في أختك خلها برايها لا تقعد تغصص فيها ..
عبد الله : لا والله الوالد شوفها شقا تكلم الراييل..
فاطمة: لو سمحت أستاذ عبد الله احترمني ترا أنا أكبر عنك زين ..
عبد الله: حلفي إنتي بس.. سكتي سكتي أحسن لج والله..
وشوي يدخل عليهم حميد وسعيد لأنهم ياين من النادي لاعبين ...... السلااااااااام عليكم
أم سهيل أول ما شافته تغصصت منهم وكمن مرة قالت حقهم إنهم ما يدخلون وهم في هذه الحالة يغثون الدنيا بريحه العرق : يعلكم طلعو برا ولا كل واحد يدخل غرفته بشوف ..
سعيد وهو يقعد حذا ل مرته بس تحت : بلاج الوالدة ليش جيه متغصصة
أم سهيل: اسكت عني ..
حميد : سكتوه وينقع عليه من الضحك " لأنه اليوم سعيد وايد تقفط "
وشوي وداخل عليهم سالم وشكله صج معيف ويدري في أمه راح قعد على الغنفة وهي طـالعة بنظرات وهو جنه ما يعرف..
سالم: هاي بابي ..
أبو سهيل : وعليكم السلام والرحمة .. حشا ماشي احترام موليه..
سالم: باباتي بلاك .. "وهو يصاصر أبوه " شوف أميه جيف اطالعني
أبو سهيل: دواك أنا أقول .. إلا وين أخوك سهيل هاه اليوم ما شفته في المسيد يصلي
سالم : والله علمي علمك من يوم ظهر الظهر وأنا ما شفته ..
أبو سهيل: قم اتصل فيه شوفة وين
سالم: الوالد ترا بي هو ما يرقد برا البيت الله يهداك
أم سهيل : قم نش قوم " وتفتن عليه من الزيين"
سالم : زين زين والله كله بس تبا تحتشرأنا.. رايح تبون شي ؟؟؟؟؟؟؟
حميد: واحد عصير وثنين سندويش كيما
سعيد: حلوه والله حلوه " وينقعون عليه من الضحك"
سالم :تنكت طال عمرك..روح زين والله وعلى فشيلتك.. أقول الوالد تراه هو أحيينه ويا سلطان ولد عميه ليش يعني تعب بعمرك أنت..
أبو سهيل: قلت روح دق له لا تقعد طلع ليه أعذار ..
سالم: زين بس بكلمه عقب بروح أسبح
أبو سهيل: روح أنت أحينه كلم أخوك ..
وروح عنهم سالم .. في مكان ثاني من الإمارة كان سهيل يتمشى بسيارته ما يعرف وين يروح يرد البيت يروح بيت عمه ولا يكلم سلطان متشابكة عنده الأفكـــــــار .. وشوي حس باليوع فنزل يشتري له شويه أكل من الجمعية .. وفي الفترة إلي سالم قاعد يدق حق سهيل سهيل كان نازل الجمعية وسالم حوالي خمس مرات دق حقه وسالم من النوع العصبي يعني عصب من أخوه .. وعقب عشر دقايق ركب سهيل السيارة ولا على باله إنه يشيك على التلفون ماله وعقب فترة مرت على سهيل اتصل سالم
سالم: الووه السلام عليكم أنت وين يا أخي وليش ما ترد على التلفون من يوم ما ظهرت من الظهر ولاعين شافتك أنت وين ..
سهيل: أنزين وبعدين كمل.. والله
سالم: سهيل الوالد يسأل عنك .. يا أخي شغلت بالي عليك
سهيل: لا تخاف أنا أحينه ياي
سالم: يا الله بشوف بظهر ونشوفك في الصالة
سهيل : بلاك أنا أحينه ياي وعن الحشرة الزايدة
سالم: سهيل بقولك شي
سهيل : قـــــــــــــــــــــول خلصني " وهو يعرف اشو بقول "
سالم: في بنتين رايحات الدكان ويوم وصلن قالت الأولى حق الثانية شتبي من الدكان قالت الثانية أي شي راحت شرت حق عمرها عصير وشرت حق ربيعتها قلم والله حــــــــــلوه والله حــــــــــــــلو لا تقول عاده هب حلوه ..
سهيل: والله تدري إنك بــــــــــايخ والله صج.. هذه وقته أحينه هذه وقته.. " وهو معصب"
وعلى طول ما يسمع إلا التلفون مسكر على ويهه وهو يعرف حركات سالم ومتعود عليها ..
سالم هو عقب سهيل وتفكيرهم متقارب يعني كل واحد يفهم الثاني واثنينهم ويــــــــــــا بعض في البيت بس سالم شوي خريش وعصبي في نفس الوقت .. أما سهيل فهو ريال جدي ما يحب المسخرة ولا سوالف الشباب .. وأم سهيل مبتلشه منهم لأنه كبار ولا واحد يفكر في الزواج .. مثل أخوهم سعيد تزوج وهو أصغر منهم... ولا كله ولا سوالفهم على أم سهيل..
أول ما وصل سهيل البيت كان مفول من حركه أخوه منه دش البيت فلقا أبوه في الصالة سلم على أبو وكانت شمه يايه من المطبخ وشاله بنت أختها شيماء ..
سهيل: هلا شموه شحا لج
شمه: تمام وين الأشرطة أنت واعدني مالية شغل أنا
أبو سهيل: سلمي على أخوج بلول
سهيل: خلها الوالد ترا إلا شموه .. تعالي حبيبتي " سهيل كان يكلم بنت أخته شيومه"
شموه ما مصدقه تتحسب هي : شو شتبا
سهيل: منو كلمج إنتي أكلم العسل إلي شالتها .. تعالي عند خاليه .. وسارت شيومه حق خالها وقعد يلاعبها وهي تخرط عليه من رمستها .. ويسألها ويين ماماه وهي يحليلها تأشر له فوق.. أمها هنيه شموه
شمه : هي فوق ويا الوالدة
سهيل : عبود وين عيل
أبو سهيل : في غرفته.. إلى أنت شبلاك ما ييت تصلي في المسيد
سهيل: كنت شوي مشغول ..
أبو سهيل: والشغل أهم من الصلاة ؟؟؟؟؟؟؟؟؟؟؟؟؟؟
سهيل: الوالد أنا صليت بس ما في المسيد هذه في المسيد إلي حذا البحر
شمه: أبوية ليش شاك في سهيل يعني .." هي منقهرة منه "
أبو سهيل: لا بس اليوم ما سار وياي المسيد أنا متعود علية يودي ني المسيد..
سهيل: ودج إنتي أصلا توزين الوالد عليه يلا مناك
شمه: أنزين وين الأشرطة الهندية .. أنت ما قلت ليه إنك بتييبها ليش نسيتها؟؟؟؟؟
أبو سهيل : لا تاكلين فواد الريال إنتي
سهيل: لازم تتقفطين إنتي إذا ماتقفطي ما تستوين شموه " وعلى ويهه ابتسامه انتصار"
وإذا عيبتكم بكم خلاف.... تحياتي راعـــــــ7ـــــي</font>
<font color='#000000'>العفوووووووووووو يسلم بحالك أخويه ولاعدمتك
الجزء الثالث ..
وكان العرس يوم الأربع والصبح سمر استوت حرمه حمد على سنه الله ورسوله .. وكانت بتموت من الزيغه لو ما سلطان جان مادري شو بتسوي الله كريم .. ولكل مشغول في بيت قوم حمد " بيت أخت أم سلطان " .. سالم توه ياي من العرس وشكله مول ماله نفس بشي بس يبي يسبح هذه يالي في باله .. ودخل سالم الصالة وكانت شمه قاعدة تشوف تلفزيون ..
سالم: سلام عليج شموه
شمه: وعليكم السلام .. بلاك
سالم: سكتي عني شموه أحس عمري معيف وريحتيه أرف ..
شمه: ما يرزا عليكم عرس
سالم: شموه ما عليج أماره يبي حقي ماي عطشان بموت من العطش
شمه وهي تقوم : ما يرزا عليك ولي يقول ياي من البر مو من العرس .. وسارت عنه تيب حقه ماي وجان يرن تلفون الصالة وشله وسالم..
سالم وهو تعبان : ألوه
أخيه شو هذه الحظ حمده: ألو السلام عليكم
سالم عارف صاحبه الصوت بس هذه المرة ماله نفس يأذيها:وعليكم السلام والرحمة
حمده: موجودة شمسه
سالم: لحظه شوي بزقرها حقج
حمده ما صدقت عمرها للحظه بس حست إنها مغلطه في الرقم .. وشوي جان تكلمها شمسه .. أما سالم شرب الماي وسار غرفته يسبح عقب يرتاح ..
شمسه: ليش يعني ؟؟
حمده: صدقيني أخوج مريض !!
شمسه: إنتي بتقولي ليه شو صار من بينكم
حمده والصدمة مرسومه على ويها : ماشي بس اليوم ما سوى سوالف عطاني حقج دايركت ..
شمسه: غريبة أكيد شي فيه أخويه اليوم .. لحظه بسأل شموه يمكن تعرف شي.. بلاه اليوم سالم شمه
شمه: ما بلاه شي ليش
شمسه: ليش هو تعبان
شمسه: هي تعبان
شمسه: بسم الله على أخويه بلاه !!
شمه: ما فيه شي بس من يوم الصبح قاعد يحوص في هذه البلاد تعرفين عرس ومجابل الرياييل في بيت خالوة بيت عمي فرجع البيت يرتاح .. وهذه كــــــــــــــل السالفة في شي ثاني ..
شمسه: أيوااااااااااااااااا يعني جيه السالفة
شمه: خلصيني ترا قطعتي عليه المسلسل
شمسه: بس إنزين بس .. وردت على حمده
حمده: يعني جيه السالفة والله الصراحة تروعت
شمسه: هـــــــا قمنا نخاف على نـــــــاس بعد ..
وحمده تضحك على شمسه : بلاج عادي شوها الناس يالي تفهم غلط
شمسه: ما أفهم غلط ..
حمده: لا يروح فكرج لبعيد خليه مكانه
شمسه: ما عليه عسى خير ..
حمد تبي تتهرب وتغير السالفة: متى بتي راعيه الصالون
شمسه فاهمه حمده زين وتعرف إنها تتهرب : الســـــاعة 4 العصر ما بتين إنتي
حمده : خلاص 5 و أنا عندكم .. كله ولا سمر
شمسه: تراها ربيعتج
حمده : فديتها والله سمر بتودع حياة العزوبية
شمسه وحمده قعدن يسولفن وعقب أذن العصر وسارت شمه دقت الباب على سلامي لأنها قالت حقها تقعدها من الرقاد .. وراحت شمه تصلي الفرض وعقب يوم خلصت نزلت تحت وشافت سلامي وشمسه قاعدات في الصالة والجو كان مكهرب من بينهن ..
شمه: سالم ما وصل
شمسه: لا بعده ما وصل هذه صلاة هب لعب .. وكانت تطالع سلامي بحقد
شمه: بلاج جيه تردين علي بنفس خايسة .. سارت شمسه المطبخ ولا سوت سالفة لشمه يالي قاعد ترمسها..
شمه وهي تبتسم لسلامي: أخبارج سلامي
سلامي: مادري ليش تكرهني اختج
شمه: لا تعطينها سالفة.. وصدقيني شمسه طيبه بس ما دريبها ليش ترمس جيه
سلامي : ما تحبني
شمه: لا. لا تقولين هذه الكلام .. غيري السالفة وأن ما غيرتيها تراني أزعل
سلامي: الله لا يحرمني منج حبيبتي ومن لي غيرج في هذه البيت من بعد سعيد طبعا
شمه: أفأ والله وهذه وأنا ربيعتج وتعرفيني قبل سعيد تقولين هذه الكلام .. وكان سعيد داخل مع حميد وسالم وسمع شمه يوم إنها تقول هذه الكلام ..
سعيد: نعم نعم توزين حرمتي عليه
شمه: عمرك طويل وما توصل إلى يوم نتكلم عنك
سعيد: فيني الحاسة السادسة وأي حد يرمس عني تراني أعرفه
سلامي: وعليكم السلام والرحمة
حميد وسالم وسعيد: السلام عليكم
شمه : وعليكم السلام من بعد مـــــــا ويقاطعها سعيد
سعيد: بس يلا بس البنات ما ينعطن ويه عاد
سالم وهو يضحك على سعيد أخوه وهو يقعد حذا سلامي: ها سلام شخبارج ويا سعيد
سلامي وهي تطالع في ريلها: الحمد لله تمام
سالم: ما ملعوز فيج مثل ما يلعوز في شموه
سلامي وهي تضحك: لا أنا حرمته ما يسوى فيني مثلها
سالم: الحمد الله تحريت بعد يقولج هذه الكلام يالي يقوله حق شموه ..
سعيد شاف سالم قاعد ويا سلامي و يسولفون ويا بعض سالم حس بالغيرة من أخوه سالم بس ما بينها له لأنه سالم أكثر من أخو بنسبه لسعيد وسلامي تقدر سالم مثل أخوها فهد ..
سعيد: ها بو غانم وش قاعد تقول حق حرمتي .. أدريبك تحرضها عليه
سالم: منو يالي خبرك إني قاعد أحرضها
سعيد وهو متوهق بسؤال أخوه له : شموه
شمه وهي تصرخ: يا الجذاب أنا ما قلتلك شي
سالم: ليش تزعجين عارفنه أنا بو عسكور
حميد: معروف يا الحبيب .. وشوي وتوصل شمسه شايله في إيدها كابيتشينو قاعدة تشربه
شمسه: السلام عليكم
الكل: وعليكم السلام والرحمة
سعيد: أخبارج شموس
شمسه: تمام الحمد الله .. سالم الحمد الله على السلامة
سالم: على ...
شمسه: يقول تعبان
سالم: لا تعبان ول شي بس كنت مرهق شوي
شمسه : أيوااااااااااا بس حبيت أتخبركم إن راعيه الصالون بتي فالرجاء مغادرة المنزل يا شباب
سعيد: وين أنروح نحن ها خبريني
شمسه: دبرو عماركم " وهي تطالع سالم أخوها" لأن ربيعتي بتي هنيه وما حلوه تكونو موجودين لأنها ما بتاخذ راحتها هنيه ..
شمه: هي بعد العروس سمر و حصوه ومريوم بنات عمي بيون ..
سلامي: خلود بعد أختيه بتي
سعيد: خلوديه بعد بتي زين والله
سالم: ونحن يوم نبي نلبس ناخذ ملابس علو ورشود عيال الفريج
شمسه: ما ليه شغل دبرو عماركم ..
حميد قاعد يلعب بشفايفه: عسى خير إن شاء الله
سالم: لحظه ليش قاعدة تطالعيني يوم إنج قلتي السالفة .. شو قصدج
شمسه: انت عارف قصدي زين سالم دخيلك لا تفضحني
سالم وعلى شفايفه ابتسامه خبيثة ونظراته ما تسر: بفكر في الموضوع على قوله حميد عسى خير
حميد: ليش ش سالفة خبرونا
سالم: ما في شي
سعيد: لا يكون ربيتعج يالي يضايقها سلوم على التلفون
شمه: ومنوه غيرها يعني
سعيد وهو يبتسم: ها بو غانم بلانا
سالم وبكل هدوء: ما بلانا شي بخير الحمد الله شخبارك أنت
حميد: يسرك الحال
سلامي: بلاكم خذتو الريال بمشراع وميداف ما صار شي
شمسه وهي تطالع سلامي بنظرات : الحين شو قلت يا سالم
حميد: سالم يا سالم الشور عندك ونحن وراك
سلامي : شو قلت يا سالم
سالم: إنتي شو رايج
سلامي: على ما أعتقد انت ما ترضاها علينا بعد وتغمز حقه
سالم ابتسم : خلاص على رايج سلامي بنظهر .. وهذه يالي خلا شمسه تنقهر زيادة وتكره مرت أخوها
شمه: انتو ما عندكم سالفة سالم بيظهر. بيظهر هذه بس كله تغلي ولا هو ما يطيع.. وعقب ظهرو الشباب والله دبرهم في بيت عمهم لأنه ما في حد ومنهم سار بيت خالوته والبنات قعدن في بيت أبو سهيل والعروس هي ويا شمسه وعايشه يالي ياتهم المغرب وقعدن يتعدلن ويتكشخن وعقب يوم خلصن كانت كل وحده أحلا عن الثانية والمصيبة يالي ما تعرف فيها أم سهيل و أم سلطان أن البنات مبطلين شعورهن إلا فاطمة ومريم يالي ما يحبن يبطلنه حتى شيمو بنت عايشه مسوين حقها تسريحا بس شو الفايدة حطت راسها ورقدت وعقب يوم قعدت من النوم عدلوه حقها وهي تصيح " ما لها نفس قاعدة من الرقاد " ..
عايشه: بس حبيبتي بس عاد ما صار شي " شيماء تصيح يعورها راسها تمد ايدها لراسها بس أمها ما تخليها "
سلامي: عواش هاتي بنتج هاتيها
عايشه: ما ترومين لها هذه أعرفها
سلامي: هـــــاتيها أعرف لها .. وجان تعطيها شيمو وقعدت لها وعقب عشر دقايق سكتت وقامت تتعبث حتى راعيه الصالون تأذت منها ما قدرت تخلص شغلها :: وعقب سارت شموه دقت حق حميد أو ها على شان يا خذهم من البيت عسب يسيرون القاعة .. وسارت شمه وحصة وفاطمة ومريم وعايشه بالستيشن .. أمــــا شمسه وحمده بتمر عليهم أخت حمده والعروس بياخذها سلطان طبعا :: وفي قاعة الملتقي في مركز دبي التجاري العالمي كانت الناس موجودين فيها وعقب وجان يوصلن البنات من بعد ما هزبتهم أم سهيل سارن الكل عقن شيلهن وعبيهن وسارن يسلمو على النــــاس وربعهن ::
غزيل: سلامي تراج وااايد حلووووووه
موزه: قولي لا إله إلا الله
غزيل: بلاج إنزين ما قلت شي قاعدة أمدحها
موزة: سامحيها تراها دفشه
سلامي وهي تضحك : لا والله فديتها غزيل حبوبه أدريبها ما تقصد
غزيل وهي تضرب موزة: شفتي شفتي يعلج شو بس تحب تقط كلام
موزة: ضربج يعور غزيلوه .. وهي تمسح على المكان يالي إنضربت فيه : عيل وين شموه وحصوه
سلامي: احينه بيون .. شرفن الحبايب :: ويوهن حصة وشمه ويسلمن على ربعهن ويسولفو ياههم وعلى الساعة 10 ونص دخلت العروس سمر وكـــــانت قمة في الروعة والجمــــــال وكانت تمشي برقة وبراحة فظيعة " بس ما أخفيكم وايد كانت خايفه " المهم نرجع حق سمر يالي تطالع الناس وهم يطالعونها وكانت تساعدها حمده وعليا ربيعتها وطبعا بنت عمها شمسه في المشي ويضبطون البنت وعقب يوم إنها وصلت على الكوشة وصلن ربيعاتها يسلمن عليها:: وشوي تيهم شمه وربيعاتها على شان يسلمون على سمر يعرفونها لأنها عندهم بنفس الجامعة وكانت سلامي مالها نفس في شي فسارت حق خواتها وأمها وبنات عمها تقعد وياهم :: أما شمه سارت تسلم على بنت خاله أمها مال بوظبي كانت يايه مع بناتها.. شمه تحب ترمس مع هند فسارت قعدت عندها من بعد ما سلمت على أمها وأختها شيخة :: الساعة 11 ونص دخل المعرس حمد وكان وياه أبوه و أبو سلطان وسلطان وحمد ميت من المستحى بس مستانس لأنه بياخذ بنت خالوته يالي يحبها من كل قلبه وسمر بعد كانت تحبه بس الله العالم:: وصل حمد على الكوشة وكانت شمسه ويا سمر لأن سمر ما رضت تم بروحا على الكوشة فمسكت بشمسه وصل المعرس وباس العروس على راسها وعقب سلم عليه أبوه وأبو سلطان وسلطان أبو حمد وأبو سلطان قعدو يتصورون مع المعرس والعروس أما سلطان فكان ما يحب هذه السوالف هو كان ما بيدخل مع أبوه بس محد من إخوانه رضا إنه يدخل ولا إراديا وقف حذا شمسه إلي كانت تسلم على عمها فوقفت حذاله بعد هي
ووووووووسوالم</font>
الذين يشاهدون الموضوع الآن: 8 (0 من الأعضاء و 8 زائر)
ضوابط المشاركة
رد مع اقتباس
مواقع النشر (المفضلة)