حنا المعرس في الفجيره

[بن دبي]

<font color='#000000'>

<font face="georgia, times new roman, times, serif" size=4>السلام عليكم
مشكور ياخوي الجاسوس على هالمعلومة للجميع وبعدين فيها نقل للعادات والتقاليد الموجودة بالفجيرة
بالنسبة لي أنا من دبا الفجيرة&nbsp; وتقريبا عندنا نفس العادات&nbsp; ، ماعدا الحنا للمعرس هذه موب موجودة يمكن كانت زمان من فترة طويلة بس اختفت الحين
ومثل ماقلت&nbsp; في البداية يكون عندنا شي اسمه ( يراوون الزهبة ) القصد منها ان الحريم من الفريج والأهل والأحباب ايوون بيت المعرس يطالعوا الزهبة اللي هي مقصود منها الأغراض او المتاع اللي اشتراه المعرس للعروس وأهلها يعني من ذهب وملابس وعطور ... الخ&nbsp; ، وطبعا يكون عندنا يوم الجمعة يشيلون الزهبة من بيت المعرس الى بيت العروس من خلال موكب السيارات من الأهل والأصدقاء ويطوفوا كل المنطقة علشان يعبروا عن فرحتهم وللناس علشان يعرفوا انه في عرس&nbsp; ولما يوصلوا بيت العروس ينزلوا الزهبة وتبدا الفرق تدق ( العيالة ، الرزفة ... الخ ) لين المغرب وبعدها يقدم العشا للضيوف والناس وثم يتفرق الجميع وبعدها خلال الإسبوع كامل تكون هناك حفلات يومية او يوم ويوم لا في بيت المعرس يعني يوم طبل ويوم عيالة ويوم مثلا يستضيفوا فنان&nbsp;&nbsp; ،،، حتى يوم الأربعاء بهذا اليوم العروس يودونها الصالون علشان تتحنى&nbsp; ويوم الخميس هو يوم العرس&nbsp; ياخذوا العروس للصالون علشان الماكياج والتسريحة الى آخره ونفس الوقت المعرس يجهز نفسه وبنفس اليوم يكون في حفلة بجنب بيت المعرس لحد أذان المغرب بعدها الجميع يتناول العشا&nbsp; ويستعد المعرس للذهاب لبيت العروس واذا كان قريب تكون على شكل مسيرة على الأرجل مع الطبل والأغاني واذا كان بعيد بالسيارات الى ان يصلوا قريبا من بيت العروس بعدها الجميع ينزل على شكل مسيرة ( الشلة) وبعدها يدخلون المعرس على العروس&nbsp; وهكذا يكون العرس وطبعا الباقي حسب الإتفاق البعض يفضل بقاء البنت في بيت اهلها اسبوع يستضيفون المعرس والبعض يتركهم لحريتهم ،،،،،
لكن هالأيام تغير العرس او المعنى الحقيقي وضاعت كل العادات الحلوة واستوى العرس مقصور بس على يومين اول يوم ياخذوا الزهبة لبيت العروس وبعدها باسبوع تكون حفلة بالفندق اللي هي ليلة الدخلة النساء في مكان الحفلة والرجال قاعدين يسولفوا ينتظروا العشا وبعد العشا وترس لبطون كل واحد يتريا زوجته وعياله علشان يرجع للبيت (( خاصة اذا كان مكان الفندق بدبي ))
وطبعا ماانسى المساهمات من قبل اصدقاء واهل المعرس حتى اذكر مرة وصلت مع صديق لي شخصيا الى تقريبا 120 ألف درهم وفرح واشترى سيارة استيشن ايامها
وبالنسبة للأخ اللي يقول انه الفجيرة بس معظم قبايلها من اليماحي والحفيتي&nbsp;&nbsp; فهذا اعتقاد خاطىء لأنه مامر على كل مناطق الفجيرة ولاتنسى ياخوي انه أصحاب مكة ادرى بشعابها ونحن نعرف منو معانا&nbsp; ، لكن معذور ياخوي

مشكور ياخوي الجاسوس على هالمعلومات واتمنى تكملها وتتكلم عن عادات ثانية بعد موجودة معانا حتى لو كانت قديمة ترى اللي ماله ماضي ماله حاظر

واتمنى تعذروني على هذه المداخلة&nbsp;&nbsp;&nbsp; الموضوع شدني مع اني ماكتبت من سنة تقريبا بالواحات كلها
تحياتي&nbsp;&nbsp;&nbsp;&nbsp;&nbsp;&nbsp;&n bsp; أخوكم / الطائر الحزين</font></p></font>