مـيــره

[خنفروش]

<font color='#000000'><FONT color=#000000><SPAN style="FONT-FAMILY: arial"><SPAN style="FONT-SIZE: 11pt; LINE-HEIGHT: 100%">هاي القصة مب قصتي ، أفضل تسميه لها قصة عايلة ، نعم هي عايلتنا ، و أنا مثلكم جاسني شعور غريب لما حضرتها و لما كتبتها بس خلوني أقول اليوم يوم ميلادج خالتي " ميره " يشرفني إني أكون الراويه و الكاتبه لقصة فيها أثرج الكبير وقلبج الطيب خالتي " ميره " صح إني ما أعرفج صح إنج ماشفتيني بس أنا أحبج و أنا مسمايه عليج " ميره " وصرت أحب اسمي و أحب عائلتنا أكثر و أكثر وعرفت أش قد قلوبهم على بعض .

طبها عرفتوا إن اسمي ميره و انا طالبه في جامعة الشارجه كليه القانون وعندي عشرين سنه من الزهور و الحب العائلي

ونحن جالسين في الحوش ننتظر وصول خالي " سلطان " مع المولوده الجديده – طبعا ً الشطانه شي وراثي في العايله لان يلستنا كانت عباره عن لعب كوره في الحوش و حاشرين الدنيا في بيت يدوه " فاطمه " بيت عادي من بيوت شعبية الطلاع في الشارجه ايطل على الشارع الرئيسي ، وصل خالي " سلطان " بسيارته الي وقفها مثل العاده بعيد عن الشجر لأنه ايعرف عواقب توقيف السياره &nbsp;في الظل وخاصه ظل بيت يدوه في هالفتره من السنه و موسم النبج

نزل خالي " سلطان " من السياره معاه القمر الجديد طبعا ً و إلا ما كنا بنستقبله ، ماشاء الله عليها حلوه بطريقه محد يتوقعها عمرها ثلاثه ايام و شعرها اسود ناعم امغمضه عيونها موب متعوده على الضوء فديتها وجها ابيض و خدودها حمر حواجبها غليظه و مقرونه كلنا يلسنا نضحك عليها و هالحواجب ما ايخصها فينا وبدت التعليقات من عند باب الحوش و وقفنا نعلق عليها وعلى خالي " سلطان " في الحوش و شو بيكون موقفها لما تكبر وتكتشف ان هالشخص ابوها وخالي " سلطان " موب امقصر فينا يتطنز في الكل ومحد يروم عليه لكنه يبقى الخال الي فحسبة الاخ و الصديق و الخبير الي يفهمنا تجارب الحياه ويعلمنا بكل حرص كيف نفهم الاشياء صح .

وصلنا لين باب الصاله بعد ما هدت الزوبعه الي رافقت وصول خالي " سلطان " طبعا ً ما خلى حد يشل النونو غيري قالي :- ميره &nbsp;... أميه واعيه ... حد عندها ... " ما أنتظرني أرد دش الحجرة حجرة يدوه الي هي بالأساس حجرة وميلس و تطل على الحوش ، دشيت وراه سلم على يدوه وحب ايدها وراسها وخذ البيبي عني وحطها في حجر يدوه شافتها يدوه وقالت له مبروك و تتربى في عزك ويلست تدعي لها بالخير وطولة العمر و فتحت عنها لقماط يلست الصغيره تتمغط قلت أنا :- باين عليها بتظهر كسوله ... ردت يدوه وهي تبتسم :- ما بتظهر أحسن عنج قومي صبي اقهوه حق خالج طبعا الدله و الفنايين في الحجره و الفواله كالعاده انا قلت لكم انها حجره و ميلس يدوه تستقبل اضيوفها اهنه و تنام اهنه لانها ما تروم تمشي

صبيت لهم القهوة و انتظرت لين ما خلصوا و طبعا هالفتره مرت بدون كلام غير نظرات يدوه الحنونه لبنت خالي سلطان الي هو افضل عيال يدوه عند يدوه لانه ما يرفض لها طلب ولا مره زعلها وياخذ برايها في كل شي لو حتى ما كان بينفذه يحسسها انه ماله غنى عنها ....

قطعت يدوه حبل الصمت لما قالت :- شو سميتها ....
قال :- سميتها ميره .... "
أنا قلت :- على اسمي و إلا اسم امها .... "
محد رد عليّه ، يدوه اتطاع ميره الصغيره و عيونها تدمع لما عرفت إن خالي " سلطان " سمى بنته " ميره &nbsp;"
قالت :- ليش ...
ليش سميتها ميره يا سلطان ...
&nbsp;ليش سميتها ميره ....&nbsp;&nbsp;
" ويلست اتصيح ، و صاح معاها خالي سلطان ... – طبعا هو ماسماها عليه لأني أعرف أن هو إلي سماني ميره ... و ماسماها على يدوه لأن يدوه أسمها فاطمه &nbsp;.... و موب معقوله يصيح عشان سماها على مرته و إذا هو بيصيح ما بتصيح يدوه ... شو السالفه ؟؟ "
هالخاطر مر بي و أنا أشوفهم ايصيحون و خالي سلطان حضن يدوه وهي شايله البنت ويلسوا ايصيحون بطريقه صيحتني ... انا ماعرفت شو اسوي حسيت بجو الحجره صار حزين و خانق كأن الحجرة صغرت عليه ... لازم يفرحون بالبنت لأنها أول عيال خالي سلطان ... يدوه و خالي ايصيون ابحرقه ... هالاسم فيه شي يذكرهم بذكرى فيها ألم ... في دموع و حزن مكبوت من زمان وهالاسم يخلي هالحزن يظهر ...

مسحت أدموعي و أنا أطالع هالموقف و موب قادره أفسر أو اسوي شي منصدمه موقف غريب ولا مرة شفت هالشخصين يصيحون ، عقلي ايودي و ايييب وقلبي مقبوض ، قمت من مكاني ويلست عدالهم اهديهم ... ، أظن خالي " سلطان " كان عنده انهيار بسبب هالحزن او الصياح أقول أظن لأني لما جيت ابعده عن يدوه و عن حضنها حضني أنا و كمل صياح بس (( قال : ميره )) أنا وايد انحرجت وايد وبديت اعرق لانه موقف اول مره يحصل لي حسيت أن الحزن أكبر من الإحراج الي انا احسه عيني بدت تدمع مره ثانيه و بغزاره هالمره الكلام الي كنت بقوله صار ماله معنى اصد صوب يدوه هي بعد حاضنه ميره و اتصيح ....

يدوه الي سوالفها اتخلي الجالس معاها ما ايمل ، حرمة ذكيه و رزينه و الكل ايحشمها صاحبة أقوى شخصيه في العايله ، لما اتشوفونها اتعرفون اش قد هالحرمه جميله و لما كانت في صباها اكيد كانت قمر ... هالادميه عندها قلب ينزف في صمت

خالي سلطان الي الضحكه ما تفارقه و الي معاه &nbsp;تحس انك مهم إلي يهتم بالجميع مهما كانت اعمارهم صغيره ينسيك الحزن معاه ، دايما يبث فينا روح الامل و يحثنا على التجربه و الجد يخلينا ما انفكر الا صح ، علمنا كيف انخلي الوقت يمر و نحن نستمتع ، هالشخص في صدره حزن محبوس

هالإثنين يتشابهون أقوياء و حساسين في نفس الوقت ويحملون قصة حزينه مشتركه امبينهم ... أخاف اشبههم و أخاف ما أشبههم ، ... صحت من خاطري كأني أعرف ليش هالصياح كأني فهمت ....

هالصياح و هالحزن المفاجئ استمر ساعه من أول ما بدا لين ما هدى الجو و أنتهى لكنه ما أنتهى ولا أنتهت القصة &nbsp;</SPAN></SPAN>
الجزء الأول</FONT></font>

[خنفروش]

<font color='#000000'><font size=3>الله شو هالقصه الي شكلها حلو خنفروش كملها بليييييييييييز - ويا راسكم محد قدر يكتب سطر و انا من الصبح تعبان قاعد اكتب في القصه و امسوي عمري بنت تروي القصه شكلي ما بكمل القصه انزين قولوا خنفرش لا تحاول ماخليت شي للناس تكتبه في كل مكان ظاهر مثل الحظ الردي</font></font>

[شوكولاته]

<font color='#000000'>

<font color=#990066>ههههههههههههه
لا لا خنفروش كمل القصة تراني قريتها
و ابا اعرف شو السالفة <img src="http://oasis.bindubai.com/emoticons/006.gif" border=0>
بس ما شاء الله عليك تعرف اتقلد البنات هههههه<img src="http://oasis.bindubai.com/emoticons/012.gif" border=0>

اختكم
شوكولاته</font></p></font>

[بهجة الروح]

<font color='#000080'><P align=center><STRONG><FONT color=#0000ff>خنفروش


<FONT color=#000000>تسلم اخويه عالقصه

أسلوب جديد ومشوق للغايه ومغري جداً

&nbsp;يالله كملها خاطري أعرف شو قصة ميره
&nbsp;
وليش سموا البنيه ميره مع انه مرت سلطان اسمها ميره بعد شي محير الصراحه

بانتظار التكمله</FONT></STRONG></P></FONT></font>

[دمعة شوق]

<font color='#000000'><p align=center>مــــــرحـــــــــ� �ــــــــــا

مشكوووووور على القصه الحلوه&nbsp;
&nbsp;
يالله نتريا التكمله&nbsp;<img src="http://oasis.bindubai.com/emoticons/smile.gif" border=0>

تحياتي


</p></font>

[أوراق الورد]

<font color='#000F22'><p align=center><font size=3><img src="http://oasis.bindubai.com/emoticons/down.gif" border=0>&nbsp;ما احـــب اقرى القصص المب كامله...
مندمــجه كنت لين ما خلصت القصــه وماعرفت شو القصـــه...

ماشاء الله عليك خنفــروش..
نتـــرياك ونتريا الاجزاء اليايه...
وقصـــتك رسخت فيني العزيمــه اني اكمل القصـــة اللي بديت فيهـــا...

أوراق الورد</font></p></font>

[حلم الطفوله]

<font color='#000000'><p align=center><strong><font size=3>السلام عليكم

اخوووووووووي
<font color=#3333cc>خنفرووووووووش بو شعر منكووووووووش
</font>
خليتنا كلنا نحب ميره
ولا ..بعد تمينا نتخيلها من كثر ماوصفتها

بصراحه عندك أسلوب رائع بطرح القصص ..
بس طلبناك طلبه وقول تم.. لا اتذلنا بالأجزاء وايد

نتريا التكمله على أحر من الجمر

أختك
حلم الطفولة<img src="http://oasis.bindubai.com/emoticons/003.gif" border=0>
</font></strong>

</p></font>

[خنفروش]

<font color='#000000'>طمنتوني - ادري ان القصة موب قد المقام - بس انا كاتبنها كلها عندي وقاعد اعيد في الصياغه يعني ربع الجزء الثاني و الاخير خلصت من اعادة كتابة المسوده ما بطولها وهي قصيره - فلانه زين يوم عدلتي في ردج ورفعتي السطر قبل الاخير ياشاطره</font>

[حلم الطفوله]

<font color='#000000'><p align=center>
<img src="http://oasis.bindubai.com/emoticons/down.gif" border=0>

<strong>ترانا نتريا؟؟؟؟؟؟؟؟</strong></p></font>

[خنفروش]

<font color='#000000'><FONT color=#000000>الجزء الثاني و الأخير

<SPAN style="COLOR: blue"><SPAN style="FONT-FAMILY: arial"><SPAN style="FONT-SIZE: 11pt; LINE-HEIGHT: 100%">&nbsp;صبيت لهم ماي بعد ما راحت غيمة الحزن وقمت فتحت باب الحجرة كأني بطِل ّ برع على الصغار وهم يلعبون ، بس كنت ابغي اغير جو الحجرة أو أدخل فيها هوا نقي أو هوا غير عن الموجود الحينه ...
قالت يدوه :- آه ... الله يرحمج يا ميره ... " اتحراها تدعي لي .. قلت :- آمين ... ويعافيج يارب
قال خالي " سلطان " وهو مسند ظهر هالمره وبنته ميره في حجر يدوه بعدها ... و طبعا هالي فهمته من كلامه لانه يتكلم و يتذكر و يصيح ...
قال :- يماه هاي بنتي سميتها ميره ....
يماه انتي تعرفين اني ما تزوجت مرتي الا عشان اسمها مـ..... يماه .... أرجوج ... عشان ميره ...
ارجوج خبريني شو سالفتي مع ميره ... وشو صار لها ...
كيف كانت علاقتها معاي ...
" اهنه كان يصيح وهو يتذكر و يستحظر الصور الي مرت فباله .. "
يماه اتمر في خيالي صور و مواقف جديمه عن هذيج البنت الصغيره ....
صور مب قادر افهمها ...
اشوف هاك الوجه الي يضحك لي ...
واشوف صور اتخوف البحر هايج ...
اشوف عمري اغرق اسمع ... سلطان ... سطان .... ضناي
ناس ما اعرفهم .... و حزن ...
ميره شو علاقتها بكل هذا ...
اختي ميره هذاك وجها وهذاك صريخها ...
ليش أنا الوحيد الي يذكرها بهالطريقه ...
منوه غيرج يااميه ايعرف السالفه ....
ايعرف شو صار ...
و ليش أنا أحب ميره أكثر ...

" يدوه تسمعه و اتصيح" &nbsp;... لثنين قلوبهم منفطره على ميره ...
يدوه تتمالك نفسها .... تنفض عنها الحزن ...
تسحب من قلبها ... فصول من حياة العايله ...
من حياة ميره ...
ليش أحب ميره ... منوه بيسأل هالسؤال غيرك يا سلطان ...
الله يعينك يا سلطان تعّـبك السؤال ...
منوه بيجاوبك &nbsp;مابقى حد ايعرف التفاصيل &nbsp;غيري
هيه ميره يا سلطان .... اختك ميره ... بنت ما تتعوض ...
حسبي الله ونعم الوكيل ... &nbsp;... حسبي الله ونعم الوكيل ...
" ترجع نبرة الألم لصوت يدوه لكنها اتكمل ....
هالحرمه مصره انها اتقول ...ألمها للشخص الوحيد
الي بيفهمها أكثر كأنها قاعده تتخلص من بقايا الحزن .... " " خالي سلطان .... يصيح ويسكت ويسمعها وايصيح ... و أنا أنتظر يدوه أتكمل ... خذت لها رشفه من كوب الماي ...
سألتني عن الوقت و عن صلاة لمغرب ... كان باجي عليها خمس دقايق ... اتفقنا نتيمع بعد الصلاة ... بعد الصلاة صار الجو مريح أكثر ... وصل خالي سلطان طبعا ً بعد ما وصل بنته البيت " ثلاث ساعات وايد على البيبي بدون حليب وبدون أمه ... " يلسنا نفس الاماكن تقريبا خالي سلطان هو الاقرب حق يدوه ...

قالت يدوه و هي تستذكر الأحداث .... :-
" في الشرق بيت لمطوّع حسين &nbsp;- منوه ما ايعرف لمطوّع حسين ... الله يرحمه و ايغمد روحه الجنه ... لمطوّع حسين علم كل عيال الشرق ... و منوه ما ايعرف اعيال لمطوّع حسين – في الشرق " فريجنا " ريحة ميره لعبها وصوتها و حشرتها و طفولتها ، ركيضها في السكيك ضحكها ، فرحتها بالعسكريم ، شطانتها ، وطيبتها ، هدوءها عنادها عرقها وراحتها ، ميره إذا طلعت من البيت لا يمكن ترجع بنفس الشكل الي طلعت به ....
ميره ضاربه نص عيال الفريج ، داشه كل لبيوت ، الكل ايعرفها و ايعرف اشقد خدومه هالبنت بنت لمطوع حسين ، و لمطوع عنده أولاد وبنات و الناس بس ميره كانت غير ، حتى العوايل كانت لما اتعد عيالها تستغرب ان ميره مب وحده من اعيالهم ، نشاطها امغطي الفريج ، منوه ينسى ميره .... " ويلست يدوه اتصيح "

- ربي عيالك عدل عشان يبرونك لما يكبرون ...
اسمع كلام والديك و ارضيهم &nbsp;... تراهم تعبوا عليك ... ومالك غنى عنهم ...
لازم اتحب اخوانك ... انت لما تتويع اتقول :- آخ ... – هاي كلمات ميره ... ميره عيوز الشرق ترمس مثل العيايز و تيلس مثلهن و اتفكر مثلهن تاكل وياهن و اتخرف خراريفهن و احسن عنهن ، تهتم فيهن ويهتمن فيها ويزقرنها " يدوتي "

كل يوم قبل لا تنام ميره إتي تسألني :- ... يماه متى بتولدين ....
يماه تراني خبرت كل حد إن بيصير عندي أخو ....
يماه أنا قلت أخو ... عشان اسميه سلطان البحر ...
لازم انسميه سلطان انا احب اسم سلطان وهو بعد بيحبه ....
بخليه يدش البحر ... بعلمه كل شي و بربيه &nbsp;... و بمسكه عنج ...
يماه ... يماه .... يماه ... سلطان ... سلطان ... سلطان
تمت على هالحاله ورايه ورايه كل يوم لين ما جاء سلطان .

طارت ميره من الفرحه لما عرفت ان المطوّع سمى ولده سلطان عشانها – أصلا ً هو مايرد لها طلب – بس هي تخاف من حزمه و ما تحب انها تضايجه – حتى لمطوّع صار يزقرها ام سلطان وهي مثل الاميره تستوي لما حد يزقرها ام سلطان ... بدت تهتم في سلطان من اول ايامه اتقمطه و تفركه بزيت زيتون اتسبحه و اتدفيه و اتغسله و تنومه ... في البدايه الاشياء الي ما تعرفها كنت انا اعلمها اياها وبعدين صارت مستقله اتعرف مواعيده بروحها .... &nbsp;وسلطان صار ايحب ريحتها ويرتاح عندها و يطمّن ويهدى لما يسمع صوتها و مناغاتها له ... مع كل شهر سلطان يكبر و فرحة ميره تكبر اب سلطان ... وهي تلاحظ نموه و اتسجل عندها التاريخ و اليوم وشو سوى سلطان و منوه اول من شاف هالشي او هالتغييرات ....
كانت تلاعبه و تهتم فيه و تقرا له كل يوم من حفظها اجزاء من القرآن و تحفظ وهو عدالها و اتسمع حفظها للمطوع وهي شالتنه او وهو جدامها ما تخليه يغيب عن نظرها ... تقرا عليه من المعلقات ابيات من الي تعلمتهن من لمطوع و اشعار النابغه و المتنبي ومن ديوان الشافعي و زهديات ابوالعتاهيه

كانت حريصه ان اخوها اول ما ينطق ايقول :- الله ... و أول كلمة واضحه قالها سلطان كانت الله ... شلته وركضت فيه كل الفريج ... وكل بيت بس عشان اتسمعهم ... شو ايقول سلطان ... وكل ما ايقول سلطان :- الله ... هي اتقول :- ضنايه ... فديت ضنايه ... بفضل الله ما خاب ظنها ... و كان سلطان ينطق كلمات ثانيه بعد ...
تمت هالعلاقة بين ميره &nbsp;و ولدها سلطان و الكل مستانس على هالارتباط بين الاثنين ... وصرنا نذكر ميره و سلطان ميره وذيلها اتيره معاها وين ما سارت اتعلمه اتحفظه ويقرقر مثلها الشيبه و لعيوز وسلطان لاصق فيها لصقه يقلدها في حركاتها و تعلم الصلاة منها .... كان عمرها عشر اسنين لما انولد سلطان و كانت تكبر معاه و تتعلق فيه زياده و هو ما ايعرف ام غيرها ... هالاثنين خلوا الناس ما اتحب تنتقل من الفريج لان اعيالهم يرفضون ...

شو صار هذاك اليوم الي كنا راجعين فيه من جزيرة صير بني ياس ،، كان الجو هادي في بداية الرحلة ، ونحن ظاهرين بمركبين ، محد كان متوقع يتغير الجو فجأة ، محد كان يتوقع ان المركب الي نحن فيه بيطبع &nbsp;و تغير الجو وصار الكل يقول :- الشمالي ... الشمالي ... وصار المركب مثل الريشه يلعب به الموج " مسكت أنا عيالي سلطان عمره اربع اسنين و ميره اربعطعش " و المطوّع حذالي وكلنا ندعي الله انه يستر ويلطف بنا ، سلطان خايف أول مره ايشوف البحر هايج ، وميره ماسكتني و ماسكه سلطان ...
و المركب يتهادى وصوت الريح فيه قصص الخوف و سيرة الموت ...
و الناس تتطاير برع المركب &nbsp;و انكسر لشراع &nbsp;وطاح على ظهر المركب وبدى المركب يطبع بسرعه وسط هالهيجان صعب انك اتجازف و تنقز في لجه ما اتعرف مداها و المركب ترك من الليحان اشياء كثيره ... طافيه

حصلت عمري امسك عيالي و اسبح و البحر يرفض انه يستقبل أي آدمي على ظهره
اشوف المركب الثاني والي فيه كأنهم سكارى شفت اشخاص ايطيحون من المركب توقعت انه ما يصمد ويحصل له مثل ما حصل حق مركبنا ، البحر يبلع بدون لا ايسمي ...
وينك سلطان ... وينج ميره ... وين اعيالي ... احس اني بموت اليوم ... البحر ما يبانا نسبح ما يبانا انقاوم ... كأننا دسنا له على طرف ... بدت بعض الاغراض تغفي بس الموج يخلي الصندوق الي تتحرى عمرك بتمسكه عشان تنجو هو نفسه الي يرفعه الموج و يضربك على راسك و ايغرقك ....

وينك سلطان .... ميره ... ميره ... وين لمطوّع ..&nbsp;وينك لمطوّع ... تعبت اقاوم يبست ايديه فريت عني العباه و الشيله ... أي شيله أي عباه في هالوقت ... منو بحسه .... وينج ميره .... وينك سلطان ...
ما اشوف حد ... ما اشوف المركب الثاني ... ما اشوف شي ... ما اسمع شي ... لا اسمع ميره ميره تصرخ &nbsp;:- &nbsp;سلطان .... سلطان ... خلوني .... خلوني ... اشوفه هاذوه ... اشوفه ... اهناك ... ضنايه ... سلطان ... ضنايه &nbsp;.... خلوني &nbsp;... سلطان .... "

ما اسمع شي ... كل شي هادي ... جسمي امكسر ... راسي وارم ... حد لف راسي بغتره ... لحريم ايصيحن ... و اريايييل ايقولون لا حول ولا قوة إلا بالله ... ارفع جسمي ابغي اقوم .... ابغي عيالي ... وين ريلي لمطوّع حسين ... وحده ساعدتني يلستني شربتني ماي .... ما اعرفها ولا اتعرفني ... راحت في حالها ... حالها مثل حالي ... ماشي على راسها ... قمت و الخوف على عيالي ماكل فؤادي ... سلطان .... نايم ... سلطان تعبان محموم .... مدوّخ ... ميره مب موجوده .... لمطوّع حسين وينه ... ما أدري اسال منوه والا منوه ... كل ٍ في همه ... في حزنه

لمطوع ماظهر بعد ما طبع المركب .... ميره شافت سلطان ... ونقزت بتظهره ... نقز وراها واحد من الشباب ... شاف سلطان مثل ماشافته ميره ... ظهـّر سلطان وسحبه للمركب ... ميره ما ظهرت ... راحت ميره راحت بنتي الغاليه ... راحت الجوهره

الله يرحمها كانت مثل القمر ... هاديه ساكنه وعلى وجها ابتسامه ... احجابها على راسها بنفس الربطه ... ما اتكشفت حتى وهي اتقاوم الموج ... ماهمها ان ايدها تيبست ... كان كل همها ان سلطان ما يغرق ... راحت ميره
لمطوع حصلوه في دبي حالته خطيره ، وبعد 6 اشهور توفى لمطوع من حسرته على ميره ... محد صدق الي صار ... إنّا لله و إنّا اليه راجعون ... إنّا لله و إنّا اليه راجعون &nbsp;... خيـّم الحزن على الشرق و العزا في كل بيت ... الطيب ما يدوم ... ما تعرف جيمة الشخص الا بعد ما تفقده ... الفريج صار ماله طعم ... بدت الناس تنتقل من الشرق .... الكل ايقول ان الشرق صار ممل ... وصار ما يسوى ... مرت سنتين علينا في الشرق ... كل يوم تنطري ميره ... وتنطري اكثر من لمطوع ... ولازم اتشوف او تسمع ان بيت قوم افلان ذكروها ويلسوا ايصيحون ....
صديقاتها ....
شباب الفريج
الشيوبه
العيايز
خلت في كل نفس اثر ... ذكرى و موقف ... ما تدرون اش قد تدهورت نفسية الشاب الي ساعد سلطان ... لأنه شافها تسبح و توصل للمركب وتركب بروحها ... ويلست تسال عن سلطان و عن أمها و أبوها ... دورت عنـّـا بين كل الموجودين .... وكانت اتطل من كل جوانب المركب ... و تنادي اهنه و اهناك .... كانت تتحرى سلطان معايه ... لما لمحت سلطان نقزت وراه حاول يمسكها الشاب ماقدر ... كانت اقوى من انه يمنعها ... يقول :- خالتي انا ايدي ايد سماج ... ماقدرت امسك هالبنت الصغيره ... كانت بمشاعرها اقوى مني ... كانت بحبها لاخوها اشجع منا كلنا ... " &nbsp;الي عانته ميره كان اقوى من انه يخليها تواصل السباحه ...

حاولنا ما نتكلم عن ميره معاك يا سلطان .... لانك كنت اصغير ... اصغر من انك تتذكر ...اصغر من انك تفهم الموت ... حتى لما بديت تكبر و تسأل .... كان الموضوع صعب على اخوانك و اخواتك ... لانهم ماكانوا موجودين ... و الي يعرفونه ما بيسد فضولك ... الموت حق يا بو ميره الموت حق "

صاح خالي سلطان ... صاحت يدوه ... وصحت انا ... فهمت منوه ميره ... عرفت ليش كل من في البيت ايحبوني ... حبيت خالتي ميره الي ماتت غرقانه عشان اخوها ماتت وعمرها 14 سنه و اليوم عيد ميلاادها الـ 38 ... عرفتوا ليش كلنا نحب ميره "</SPAN> &nbsp;</SPAN> &nbsp;</SPAN></FONT></font>

[دخون]

<font color='#8D38C9'><P align=center><STRONG><FONT face="arial, helvetica, sans-serif" color=#000033 size=3><FONT color=#cc0099>مرحبا مليوون ... كل ما اقرالك&nbsp; ... اكتشف شي يديد في شخصيتك ... واقول انت شخص غير عادي &#33;&#33; عندك &nbsp;مواهب ما شالله متنوعة &#33;&#33;&#33; مقال وشعر و نثر وقصة ويمكن مسرح وفن ؟؟ محد يدري... دائما رائع ومتميز ... يكفي اسمك لنجاح اي موضوع انت كاتبه او&nbsp;مشارك&nbsp;&nbsp;فيه بتعليق او رد &nbsp;.... القصة جدا مؤثرة والتسلسل جميل ومحور القصة رائع .... والعنوان مثير.. رغم اختصارها ... لانها لو طالت ما بتظهر بهالجمال ..... عرفت تبكيني ...خنفررووووش .. <FONT color=#6633cc>لك مودتي الدائمة وباقة ورد حمراء .. وسلملي على عقلك ..
<U>
<A target=_blank href="http://songs2.6arab.com/rashed..esgeni-al-7ob.ram" target=_blank>لــمــحــة</A></U></STRONG></P></FONT></FONT></FONT></font>

[دمعة شوق]

<font color='#000000'><p align=center><font face="courier new, courier, mono"><font color=#660066><font color=#ff0000>خــ</font><font color=#ff0000>نــفـــروش
</font>

ســـلااااااااااامي عليك يالغالي

والله القصة جنان
وتسلم أناملك يالطيب
لانك كملتلنا القصه</font>
&nbsp;
</font><font face="courier new, courier, mono" color=#660099>ولاتحرمنا من قصصك
وبأنتظار قصصك


ولاعدمناك يالعزيز
</font>

<font face="courier new, courier, mono" color=#660099>تحياتي</font> &nbsp;</p></font>

[أوراق الورد]

<font color='#000F22'><p align=center>خنفروووووووش ...

حرام عليك صيحتـــني..
حتـــى انا حبيت ميره

قصتك روعه ماشاء الله عليك
نترياك دوم ولاتحرمنا الله يخليك

اختك
أوراق الورد</p></font>

[بهجة الروح]

<font color='#000080'><p align=center>
<strong><font color=#0000ff>خنفروش



</font><font color=#990000>كنت أنتظر القصه بفارغ الصبر

وطلعت تستاهل ان الواحد يصبر عليها ...ما شاء الله عليك قدرت تنقل لنا الجو
وقدرت تخلي شخصية ميره تأثر فينا...وخليتنا بالفعل نحب ميره
ونبكي لوفاتها


عسى الله لا يحرمنا من كتاباتك </font></strong></p></font>

[حلم الطفوله]

<font color='#000000'><p align=center><strong>أخي الكريم
<font color=#0000cc>خنفرووووووش
</font>
إبداع آخر يسجل في سجل إبداعاتك
موهبة رائعه تلك التي حباك الله بها؟؟
ما كتبته اليوم ...يعتبر من روائع القصص التي قرأتها
ميره... تخيلت ان تكون الزوجه أو الحبيبه
ولكنك ضربت بتكهناتي عرض الحائط..
إنها الأخت المضحيه...
عندما نتوجع حتما نقول ..أخ
ذلك هو الرابط الذي لم يستطع أن يقطعه الزمن
ذلك الشعور لن تتفهمه إلا أختا محبة

سلمت يداك على الفكر الرائع والقصة الناطقة بمعنى الأخوة السامي

أختك
حلم الطفولة<img src="http://oasis.bindubai.com/emoticons/laugh.gif" border=0></strong></p></font>