<font color='#728FCE'><!--><img border=0 src=http://oasis.bindubai.com/emoticons/glare.gif>
• الجزء الثالث:
شما و اليازيه يالسين في الكانتين .. و اليازيه تخبر شما بالكلام اللي قاله لها سعيد..
شما: بس.. بس يزوووي أنا كيف اقوله هالكلام.. أستحي والله عيب..
اليازيه: والله.. احلفي انتي بس.. يعني اللي سويتيه ما يخليج تستحين ولا فكرتي انه عيب .. شمو حرام عليج انتي ليش تعذبيني معاج .. انتي وايد تغيرتي .. ما عدتي شمه الاولية اللي الاقيها معايا في كل وقت واللي ما تخبي عني اسرارها .. وتسمع كل نصيحة اقولها اياها.. والله انه نحن خايفين عليج ..
شما: بس......... هو يحبني انا اعرف..
اليازيه: انزين .. دامج متأكدة .. ليش خايفة تطلبين منه هالطلب هو لو صدق يحبج ما بيرفضه.. انتي شو خسرانه.. حاولي.. شما و الدموع في عينها: انشالله.. انا كم يزوي عندي.. انتي تامرين بس لا تزعلين.. و مثلا ما تقولين اذا هو يحبني بيثبتلي ها الشي..
• في البيت:-
منصور: هلا و الله.. هلا و غلا.. شحال الحلوين اليوم..
شما: الحمدالله... انته شحالك..؟؟
منصور: بخير.. شموتي شو بلاج.. خير شو مستوي..
شما: منصور بغيتك ف يسالفة مهمة..و أباك ترد علي بصراحة..
منصور: آمري عيوني..
شما: ما يامر عليك عدو... منصور انته متى بتيي تاخذني من عندهم.ز
منصور ( بارتباك): ها... شو تقصدين...
شما: منصور متى بتخطبني؟؟؟
منصور منصدم و ما عرف شو يرد.. ما توقع انه شما بتييب هالسالفة: أقول شمو أنا مشغول شوي.ز بعدين بدقلج.. يلا باي و يبند التلفون..
شما لين ألحين مش مستوعبه اللي صار.. كيف منصور يسوي جي.. بس حاولت تقنع عمرها انه هو صدق مشغول و بيتصل في الوقت المناسب.. في الجهة الثانيه.. منصور يالس يفكر شو ياللي ياب هالسالفة على بال شما..هو أبدا ما كان متوقع انه هالسافة بتتبطل.. تم يفكر و يفكرشو بيسوي.. بس بعدين قرر انه بيرقد و باجر بيخبر حميد و بياخذ رايه..
• اليوم الثاني في الدوام:-
حميد: و خير يا طير.. شو ياللي يصدم في الموضوع..هذا حقها و هي ما قالت شي غلط.. و المفروض هذي هي النهاية الصح اللي انته حاطنها في بالك..
منصور: ما أدري بس انا ما كنت انه بهالسرعة..
و يقاطعه حميد: شو اللي بهالسرعة و نا السرعة.. انته ايه بلاك خرفت.. يا منصور انا نصحتك من البداية و قلتلك اذا انته مب قد هالشي لا تسوييه..
لكن انته ما سمعت.. و ألحين يالس تتهرب.. بنات الناس مب لعبه بايديك يا منصورو بعدين انته مب صغير.. لين متى بتم بدون عرس.ز انته روحك قايلي انه الوالدة حاشرتنك على سالفة العرس.. و انا ما أظن انك بتلاقي وحدة أنسب لك من شما..
منصور ساكت و لا رد... الشي الوحيد اللي قاله .. انشالله..
• العصر:-
تلفون شما يرن... و هي من شافت رقم منصوور طارت من الفرح.. و ردت عليه بسرعة..
شما: ألوو... هلا وينك شحالك..
منصور: أهلين شحالج انتي...
شما: الحمدالله.. و تموا ساكتين شوي..
منصور: شما..
شما: عيونها..
منصور: شوفي انا بتكلم معاج بصراحة.. انا البارحة و اليوم طول الوقت أفكر بالكلام اللي قلتيه.. و انا اعرف انه هذا حقج.. بس انتي ما تشوفين انج استعيلتي شوي.. و انه الموضوع مش بهالسهولة.. و أصلا نحن ما نعرف بعض عدل..
شما: و شو الصعب في الموضوع..اثنين يحبون بعض و بيتزوجون..
منصور: بس انتي شو يظمنج انه هلي بيوافقونبيوافقون عليج.. أو انه حتى هلج بيوافقون عليه... مع انه انا ما فيه شي عشان يرفضوني...
شما مثل اللي صبوا عليها ماي بارد.. ساكته مب متخيله اللي يالسة تسمعه تحس كأن سجاجين يالسة تقطعها..
منصور: و انا ما أقصد انه ما في أمل.. ما تدرين يمكن انا مع الأيام أغير رايي... انتي بس اصبري شوي علي.. و لا تشوفين الدنيا بتشاؤم.. المهم ما قلتيلي شو سويتي اليوم..
شما تمت تسولف و هي مب عارفة شو يالسة تقول.. مب مصدقة انه هالكلام طلع من منصور اللي مستعدة تبيع الدنيا علشانه.. و مب متخيله انه هالكلام لها هي بالذات.. خلاص يا شما.. انتي جي ستويتي رخيصة يبيعون و يشترون فيج..
• اليوم الثاني في الجامعة:-
شما شكلها وايد تعبانه.. كأنها مش راقدة من اسبوع.. و الكل لاحظ هالشي..
اليازيه: شمو فديتج.. شو بلاج.. شكلج ميهودة؟؟؟؟
شما يلست اطالع اليازية.. و مرة وحدة تمت تصيح.. بصوت عالي... جان تشلها اليازيه و يسيرون بعيد عن البنات لأن الكل كان يالس يطالعهم..
شما: يزوي.. انا خلاص بموت.. ما ابا اعيش.. تخلى عني ما يباني.. ما يحبني.. طلعت رخيصة في نظره..
اليازيه تمت تصيح على صياح شمو و تقولها: فديتج و الله انه ما يستاهل .. هو الخسران.. و الله انشاالله بيردها فيه..
شما: انا كان عندي استعداد اني ابيع الدنيا علشانه.. لكن ألحين لألألأ... مستحيل استمر معاه.. انا عمري ما انذليت بالطريقة هاي.. خلاص.. خلاص انا بنساه... و الله يحرق قلبه مثل ما حرق قلبي..
اليازية: بس الغالية بس.. لا تسوين في عمرج جيه...
• الظهر:-
شما تتصل في منصور..
منصور: مرحبا ملايين..
شما: مرحبتين.. منصور.. انا ما بطول معاك.. بقولك الكلمتين اللي عندي و ببند...
منصور: تفضلي..
شما: أنا بعد فكرت في الكلام اللي انته قلته.. و عرفت انه في شي مهم في حياتي اللي هو انت.. و في شي أهم و اللي هم أهلي و سمعتي.. وكان لازم اني أختار واحد منهم و انا قررت أختار الأهم.. و اسمحلي اذا ياك مني أي شي يظايقك..
منصور: لا فديتج.. انا عمري ما شفت منج إلا كل خير.. و حطي بالج على عمرجو خلج مثل ما عهدتج.. عاقله و فاهمة..
شما: مع السلامة..
منصور: الله يحفظج..
بندت شما و يلست تصيح و تصيح.. و قامت و صلت ركعتين.. بس ما قدرت تيود عمرها عن الصياح.. لأن اللي سوته مب شي سهل.. بس في رايها هذا هو الشي الصح اللي من زمان كانت المفروض تسوييه.. و اللي هي غفلت عنه طول هييج الفترة..
أما منصور فكانت حالته حاله.. ما يعرف يصيح.. و لا يضحك.. و تم يفكر.. هل اللي سواه صح.. و لا بيندم عليه بعدين.. هذا كله بنعرفه في الأجزاء اليايه..
و ألحين شو رايكم؟؟ هل اللي سوتته شما صح.. و لا انها تسرعت و كانت لازم تصبر عليه شوي.. و من هني يعتبر الخاين..ز شما و لا منصور؟؟؟
هل هو منصور لأن رفض انه يتزوجها..ولا شما لأنها خلته؟!!!!!!!</font>
رد مع اقتباس
مواقع النشر (المفضلة)