نفسي عزيزة

[عزيزة النفس]

<font color='#728FCE'>السلالام علييكم يا جمااعه الخيير.. شحالكم جميعا..

السمووحه منكم.. ادري اني وااااااااااايد طولت.. بس كانت عندي ظرووف منعتني من اني اكمل القصه..

و الحمدالله كل شي عدا على خير..

و هذا الجزء اليدييد..

أخزكم عزيز النفس..</font>

[عزيزة النفس]

<font color='#728FCE'>• الجزء السادس:-

خلص العيد.. و للأسف الدوامات بدت.. و في الجامعة البنات كانن يالسات في الكانتين.. سوالف و ضحك.. و كل وحدة يالسة تسولف عن مغامراتها في العيد و وين سارت و شو سوت..
اليازيه: هييه.. ما خبرتكن عن بلاوي شمو..
شما: يزوي.. جب..
منى: ها شو شو.. شكلها السالفة عجييبة..
هند: انتي بس يا حبج حق المصايب..
منى: حلاته اصلا.. قولي قولي يزوي ما عليج منها..
شما: لا يزويه دخيلج.. ما فينا.. منووو اذا عرفت بتم اذلني طول عمري.. ههههههههه
هند: عاد هي ما تصدق.. لا و المشكلة انج ما تروميين تيودين شي عليها.. ساحرة..
منى: ههههههه.. فديتني انا.. محد يروم علي..
الكل: ههههههههههه
اليازيه: تبن تسمعن ولا؟؟
هند و منى: أكييد...
شما: لا يزوي و الله حرام..
اليازية ما سوت حق شمو سالفة: تعرفون الخبلة شو سوت.. كنا يالسين نتمشى.. و الشيخة يالسه تتهندق.. ذبحتني.. لأن أبوها ما طاع يخليها تركب الدراجات و انا اقولها يا بنت الحلال عيب رياييل.. بس عاد نعرفون حركات اليهال.. ابا و ابا و مادة البوز.. المهم طافوا جدامنا شله شباب مادري شو يسوون.. محتشرين و حاله ما يدرون بالدنيا.. و كانت دراجه يايه من بعيد مسرعه .. انزين.. و مرة وحدة ما وعيت الا شمو تربع تمط واحد من الشباب من جدام الدراجة.. اونها عاد تتحرى عمرها سلفستر ستالون.. لوووووول..
هند و منى مبطلين عينهم..
منى: شو شو..
اليازية: اللي سمعتيه..
هند: و بعدين.. و بعدين شو ستوا..
اليازية: ما شي الله يسلمكن... يلست تواقع الريال و تسبه.. ما ادري شو قالتله يالغبي يالمينون..
هند: و هو شو سوا؟؟&#33;&#33;
اليازيه: حليله انصدم.. كلته شمو بقشوره.. تم مبقق عيونه و ما عرف يرد..
منى: شمو.. و الله انج شريرة.. ها بدال ما تقولينله كلام حلو و تلوين عليه.. يعني اونه تهدينه..خخخخخخخخخخخخخخخخخخ خخخخ..
شما: صدق انج ما تستحين.. حقيرة.. تعرفون و الله اني لين الحين قافطة.. سبيت الريال سب.. و هو ما قال شي.. اعتذر مني و قالي مشكورة..
هند: حليله خاف.. قال اذا قلتلها شي بتاكلني.. كلهم: هههههههههههه
شما: حرام.. انا مب متوحشه لهاي الدرجة..
اليازية: انتي ما شفتي عمرج.. الشباب كلهم تصلبوا من الزيغة.. و لا واحد فزع لربيعه..
الكل: هههههههههههههههههه
منى: انزين..أقول.. باجر بتحظرون الأمسيه اللي مسوينها الجامعة..
كلهم: أكييد..
شما: و الكلاسات..
هند: ويه.. عاد رمست المصرية.. ما بتموتين اذا راح عليج كلاس ولا اثنين.. اصلا انت غيابج صفر..
اليازيه: هي و الله.. حليلنا نحن اللي ما ادري شو بنسوي...
شما تطالعهن بطرف عين: فديتني و الله.. ترى المصمرة تنفع.. ههههههههه
اليازية: هههههه.. انزين يالله خل نسير الكلاسات عن نتأخر..
شما و اليازيه ساروا كلاسهم.. و منى و هند ساروا كلاسهم..

في نفس الوقت هزيم كان في الدوام.. &nbsp;من وقت سيرة البر و هو متغير، دوم سرحان و يبتسم.. الكل لاحظ عليه هالتغيير..
أحمد: يا ولد الحلال و الله ما يسوى عليك.. عنبو هب بنيه هاي اللي جي جلبت حالك.. &nbsp;
هزيم: ها.. هي.. لا.. ما ادري..
أحمد: هههههه.. و الله تعور القلب.. حوووو.. خلالاص بس لوعت جبدي..
هزيم: آآآآآآآآآآآآآآآه.. لو تحس باللي انا حاس فيه.. ليتني اشوفها مرة ثانيه
أحمد: لا لا دخيلك انت مرة... و تخبلت علينا.. بعد تشوفها مرة ثانيه.. الله يستر علينا..
هزيم: هههههه.. بس بس.. خلنا نخلص هالأوراق أحسن..
أحمد: هي.. لا ياكلنا ها الدب..
هزيم: ههههههه.. منو..
أحمد: منو غيره.. المتخلف.. عيسى..
هزيم: بس بس لا تييب طارييه.. و الله يطب عليك الحين ياكلك.. ولا عيسى داخل عليهم..
عيسى بنفس خايسه: اييه انتوا.. نحخن ندفعلكم عشان تشتغلون.. مب تناقشون مشاكلكم..
أحمد: حوو.. عبيد أبوك نحن.. ترا لا تصدق عمرك وايد..
عيسى يطالعه باستهزاء و يضحك..
أحمد: قسم بالله اني.. و يقاطعه هزيم: بوشهاب.. ماعليك منه.. هو ترا الا متعمد يتعانل بهالأسلوب.. أقول عيسوو.. سير ابويه سير نحن بنخلص كل شي و بنييبلك الأوراق.. و يطلع عنهم عيسى..
أحمد: ما عليه يالهرم.. بييه يوم و بأدبك
هزيم: خله عنك يا ريال..
أحمد: ماعليه..

الساعه 5 شما ردت البيت.. و كانو كلهم يالسين في الصاله
شما: السلام عليكم..
الكل: عليكم السلام..
بوشما: هلا والله.. هلا بالغلا.. شحالج شماني..
شما و تلوي على أبوها: الحمدالله يسرك الحال الغالي..
بوشما: و شو الجامعه معاج..
شما: مممم.. الحمدالله.. ماشي الحال..
ام شما: شكلج ما يطمن..
شما: ههههههه.. لا امايه مب جي.. بس تعرفين امتحانات و البروجكتات ما تخلص.. هذا غير الواجبات اليوميه..
بوشما: ماعليه يا بنتي.. هاي ترا حياة الجامعه..
شما: الحمدالله على كل حال.. انزين اسمحولي انا بسير ارتاح.. تعبانه..
أم شما :الله يحفظج غناتي..
شما و هي صاعده الدري: هي صح نسيت اخبركم.. باجر بتأخر في الجامعة للساعه 7 أو 8
أم شما: خير انشالله شو عندكم..
شما: ماشي بس مسوييلنا امسيه.. قصدي أصبوحه..خخخخخ.. و بعدين في فعاليات و خرابيط.. تغيير جو
بو شما: هي زين زين.. ماعليه ابويه ايلسي..
شما: مشكور..
أم شما: مب جنا الوقت واايد متأخر بيكون..
بوشما: برايها خليها.. هي كل يوم اداوم للساعه 5.. ساعتين زيادة ما بتأثر.. و بعدين خل ترتاح شوي.. شكلها هالأيام مب عابني..
أم شما: صدقت و الله.. من عقب العيد و انا اشوف حالتها مش طبيعيه.. قلبي قابضني.. أخاف البنيه مريضه ونحن ما ندري عنها..
بو شما: انا ناوي انشالله بوديها المستشفى يوم الخميس..
أم شما: الله يستر بس..

يوم الأحد البنات سارن يحضرن الأمسية الشعريه.. الكل عيبته.. كانت واايد حلوة و البنات تخبلن على هزاع المنهالي.. هههههه..( ماشي شغله).. و بعد ما خلصن.. ظهرن عسب يردن الكلاسات..
اليازية: شمو.. ها سعيد داق.. تعالي تعالي.. بسير الحمام ارمسه..
شما: اوكيه يلا..
اليازيه كانت ترمس ريلها.. و شمو يالسة تتعدل.. اليازيه: هي هي.. متى؟ الخميس.. اوكي خلاص انشالله.. بنيي انا و شمو.. خلاص فديتك.. مع السلامه..
شما: شو.. وين بنسير انا و انتي..
اليازية: مممم.. بنسير دبي..
شما: لا والله على كيفج..
اليازيه: هي عادي.. ريلي موجود شو يعني.. بنسير وافي..
شما: انتي مع ريلج برايكم.. انا ارز بويهي حق شو..
اليازيه: اباج تيين محرم.. ههههه
شما: ههه لا والله..
اليازيه: لا بس ابا اسير اشتري ثياب و اباج تيين معايه تختارين.. ممكن.. فديييتج بليز..
شما: حد تييله الطلعة ويقول لا.. و بعد وين واافي.. اكيد بيي بدون ما تقولين.. بس بخبر امايه..
اليازيه: اوكيه..

شما ردت البيت و خبرت امها اللي &nbsp;ما كان عندها مانع بس اول شي قالت لازم تخبر بو شما.. عشان سالفة المستشفى.. طبعا هي ما قالت حق شما شيو سارت عند ريلها تقوله.. و هو وافق انه تسير..
أم شما: بس مب انت قايل انك بتوديها المستشفى..
بو شما: برايها لاحقين.. خليها تسير تغير جو مع ربيعتها.. يمكن الملل هو اللي مسوي فيها جي.. و بعدين هاي اول مرة تظهر روحها من دونا.. أكيد هي فرحانه..
أم شما: تبا الصراحه.. انا من زمان ما شفت شما متشجعه انه تسوي شي ولا تسير مكان..
بو شما: عيل خل تتوكل على الله و تسير.. يمكن هالشي يحسن من نفسيتها..
أم شما: خلاص.. شورك و هدايه الله..
و عقب ما خذت شما الموافقه سارت دقت على يزوي و خبرتها.. البنات كانن مستانسات.. هاي اول مرة يظهرن مع بعض من دون اهلهن.. و مع سعيد.. يعني احلا و احلا... يزوي فرحانه اونه بتشتري كل اللي في خاطرها اونها الحين عروس و ما يقولولها لأ.. و بالخميس سعيد سار خذ حرمته.. و مروا على شما عشان يظهرون دبي..
وصلوا وافي وكان شوي زحمه.. فسعيد قال لاليازيه انها تتغشا.. شما ما طاعت تقول انها ما تتحمل الغشوة.. (هن في الأساس ما يتغشن).. المهم تموا يتمشون و ما خلوا محل ما دخلوا.. و ماشالله عليها اليازيه ما خلت شي في المول ما شرته.. آخر شي دخلوا محلات السلام لأن شما تقول انها شايفة بديات وااايد حلوة..
سعيد: لا اله الا الله.. و الله ما يسوى علي اليوم اللي فكرت فيه اني اييبج.. كله من شمو الساحرة..
اليازيه: نعم نعم.. و ليش انشالله.. من وين تباني اشتري.. اشوف بدينا الحركات من الحين..
شما: بسم الله.. بلاكم انتو من الحين تتواجعون.. اصبروا لاحقين.. هههههههههه
اليازيه: اسكتي انتي ما يخصج.. بعدين نحن ما نتواجع.. نحن نتناقش..
شما: الله يعينك صراحة.. الحين هي تتناقش و جي عيل يوم بتتضارب شو بتسوي..
سعيد: شو اسوي.. تصدقين توني يالس افكر نفس التفكير.. و تموا يضحكون..
اليازيه: انتوا اصلا ما تستحون.. و مشت عنهم.. بعدين ردت.. اصلا انتي السبب.. انتي ام المصايب كلها..
سعيد: ههههههههه.. عاد الحين ياللا شوفي كيف بتراضينها.. اسئليني انا تطلع روحي عشان ترضا..
شما: لا لا فديتج يزوي انا ما عرف اراضي حد.. بليييز..
اليازيه: ما ابا..ما ابا..
سعيد: اقول انتن تواجعن على كيفكن و انا بسير هناك.. جني لمحت واحد من الربع بسير اسلم و ارد..
شما و اليازيه: اوكي.. و بعدين سارن صوب البديات يطالعن.. اليازيه عيبوها بديين خذتهم و سارت تتريا ريلها عشان ايي يدفع ( حليله فلسته.. الله يعينه هالريل).. و طول ماهن واقفات شمو تحايل فيها عشان ترضى بس اليازيه مب طايعه.. و هن واقفات..
اليازيه: شمو شمو..
شما: عيونها.. ها رضيتي علي خلاص..
اليازيه: تخسين.. اكيد لا.. بس شوفي اللي واقف مع سعيد.. مب جنه هذا...
شما تشهق: هي و الله.. يا فضيحتيه.. شو اسوي عن يشوفني احين.. شو بيقول لسعيد..
اليازيه: هههههه.. حليلج و الله شكلج يجنن و انتي زايغه..
شما: يزوي الله يخليج خل نسير بعيد ما أريده يشوفني..
اليازيه: طاعوا هاي.. شو بيسوي بياكلج..
شما: لا بس..
اليازيه: يلا جب جب.. اصطلبي و تمي واقفه ف يمكانج.. تبين سعيد ياكلنا.. و بعدين تخافين يشوفج تغشي..

في الجهة الثانيه...
سعيد: هلا هلا و الله هزيم.. شحالك يا ريال.. وينك يالقاطع محد يشوفك و لا يسمع منك..
هزيم: الله يسلمك.. بعد تعرف الدوام ما يخلي الواحد يرتاح.. المهم انت شحالك.. ها يقولون خلاص بتودع حياة العزوبيه.. و يسويله حركات..
سعيد: ههههههه.. شفت عاد.. خلاص بندخل القفص الدهبي.. أونه نتحمل مسؤوليه..خخخخ.. عيل وين احمد عنك.. اشوفك روحك..
هزيم: يالس اترياه من الصبح.. ذلني ما يسوى علي.. لا والمشكله انه هو الل حاشرني على وافي و هو اللي ما وصل..
سعيد: ههههههههه الله يعينك.. عاد احمد على ما يجهز يباله ساعتين.. و الدرب تقريبن ساعتين هاي اربع ساعات.. شكلك بتخيس هني..
يلسوا الشباب يضحكون.. و اول ما رفع هزيم راسه لمح شما.. " ياويلي عليها.. هاي هي.. آآآآخ ياقلبي مب مصدق.. فديتها و الله.. يعني هي من دبي.. بس كيف جي تتمشى روحها في المول.. لحظه.. يمكن هم مع سعيد.. يمكن تكون اخته"
سعيد: هزيم.. شو استوالك يا ريال..
هزيم: لا لا الغالي ما فيا شي.. بس يالس افكر في هالثور اللي ذلني..
سعيد: ها.. شكلك مليت مني
هزيم: افا عليك.. و الله انه اليلسه معاك ما تنمل..
سعيد: امزح وياك يا ريال..هههه.. عموما.. استرخص منك الحين.. الأهل يالسين يتريوني هناك.. لا تقطعنا..
هزيم " الحمدالله يعني هي معاك": اكيد انشالله.. ما طلبت.. الله يحفظك..
شما تمت تطالع هزيم.. كانت خايفة انه يكون قال حق سعيد شي: أقول يزوي.. سعيد يالس ايأشر صوبنا.. يعني الحين هو بيعرف اني معاه.. يا ويلي..
اليازيه: أحسن أحسن..
شما: و شو الأحسن في السالفه..
اليازيه:بعدين بعدين سعيد ياي.. خلاص اسكتي.. &nbsp;وينك اتأخرت.. شو ها ما بلحق اخلص كل المحلات.. ههههههههههه
سعيد: ههههههههه.. الله يعينك يا سعيد.. السموحه فديتج بس كنت اسلم على واحد من الربع..
اليازيه تطالعه بطرف عين: و منو هذا بعد؟؟&#33;&#33;&#33;
سعيد: بدينا الحركات..
اليازيه: كيفي ريلي و انا حرة..
سعيد: هههههه.. الله يسلمج هذا هزيم ال.... ربيع واحد من الشباب.. بس الصراحه الريال ما عليه رمسه انا عمري ما شفت منه شي.. و الكل يمدح اخلاقه..
اليازيه: اها..
شما كانت ساكته و يالسه تسمع الكلام.. حست بفرحة غريبه.." يعني هو مب راعي سوالف،، فديته،، ها انا شو يالسه اقول.. شكلي تخبلت"..
اليازيه: شمو يلا.. بلاج.. بسم الله عليج.. و تسير صوبها وترمسها في اذنها.. مب الحين مب جدام سعيد.. بعدين ههههههههههه.. من قدج بعد مدحووه.. اونه ماعليه رمسه.. لووول
شما و ويها مثل الطماط: جب جب يالخايسه.. انتي ما تستحين
سعيد: شو مستوي ليش الهمس و الأسرار.. شو السالفة ( ويطالع شما)
اليازيه: ماشي ماشي.. يلا خل نسير..
هزيم كان يالس في الكافييه يتريا احمد..
أحمد: حو بو الشباب.. وين وين.. الأخ عايش بعالم ثاني..
هزيم: يالثور.. انت وينك من الصبح.. يالس اترياك جني شحات..
أحمد: الدرب زحمه.. شو تباني اسوي.. و بعدين انت ليش جي يالس.. جنك عيوز مضيعه حلالها..
هزيم: شفتها يا بوشهاب شفتها
أحمد: منو هاي بعد..
هزيم: راعيه الدراجه..
أحمد: في ذمتك.. و بعدين.. وين.. يعني هي من هني.. كلمتها؟؟؟؟
هزيم: شوي شوي.. عنبوك بالع رادوا.. عط نفسك فرصة عن تموت علينا..
أحمد: هعهعهعه.. انزين قول قول..
هزيم: شو اقول.. اقولك اني تخبلت.. اقولك انه روحي ظهرت من مكانها..يا ويل حالي..
أحمد: ها نعرفه من زمان.. ابا شي يديد.. كيف شفتها..
هزيم: الله يسلمك.. شفت سعيد.. ربيعك..
أحمد: هييي.. و بعدين..
هزيم: ماشي سرت اسلم علييه.. و نحن نسولف لمحتها.. و بعدين هو قالي انه بيسير عند الأهل.. و أشر صوبهم..
أحمد: متأكد.. يمكن ما يقصدهم هم.. يمكن حد ثاني..
هزيم: لا لا أنا متأكد.. شفته بعيني يسير عندهم..
أحمد: هزيم الريال مالج و يمكن تكون هاي حرمته..
هزيم ضربته ضيجه لما سمع هالكلام: الله لا يقول.. و بعدين مب بس هي كانت معاه.. كان شي وحده متغشيه.. و لو هي حرمته جان ما بيخليها سعيد من دون غشوة.. يمكن أخته و لا أخت حرمته..
أحمد: و الله ما ادري.. بس انا في رايي انك تنسا السالفه.. انا مش مطمن واايد.. مافينا على المشاكل مع الريال..
هزيم: شو انسى.. و الله اني ما اروم.. تعرف انه لو ظهرت انه هاي حرمته من صدق.. بجتل عمري و برتاح..
أحمد: حووو.. ما يسوى عليك.. كلها بنيه لا راحت و لا ردت.. و في مليون وحدة غيرها..
هزيم: بس هي غير.. هي الوحيدة اللي سلبت روحي.. ما تتخيل شو ياني لما شفتها.. ليتك تحس و تجرب..
أحمد: لا دخيلك خلني بعيد.. انت اللي يشوفك.. يلعن الحب و سنينه.. من أولها و انت مفتر مخك.. بعدين شو بتسوي..
هزيم: الله يصبرني بس الله يصبرني..

ظنكم شو بيستوي.. هل هزيم بيقدر انه يعرف شي عن شما.. و لا بيستسلم و بينسى.. و منصور تتوقعون انه يكون موجود في الأجزاء اليايه.. و شو دوره في باجي أحداث القصه..</font>

[ندى خورفكان]

<font color='#000000'>ويـــــــــــــــ ـــــــــــــــــــــــــ ــــــــــــــــــــــنك يا أخي مب راااااااااااااااااااااااا ااااااااااااااااااااضي

&nbsp;تكمل القــــــــــــــــصه <img src="http://oasis.bindubai.com/emoticons/001.gif" border=0>&nbsp;نتظرك علــــــــــــــــــــــى احر من الجمر</font>

[روح الحب]

<font color='#000000'><p align=center>هلا أخوي عزيز النفس الصراحة قصتك حلوة ورائعة
كملها بسرعة أبا أعرف شو بيصير
أختك
روح الحب <img src="http://oasis.bindubai.com/emoticons/blush.gif" border=0></p></font>

[بن دبي]

<font color='#000000'><p align=center>مشكور اخوي عزيز النفس

على القصة

بصراحة انا قريتها اول مرة البارحة

قصة فنانه

واحسن شي ان شما حست بحجم غلطتها في حق نفسها قبل اهلها

وهزيم انشالله يكون من نصيب الشمي ((شما))<img src="http://oasis.bindubai.com/emoticons/fa41.gif" border=0><img src="http://oasis.bindubai.com/emoticons/fa41.gif" border=0><img src="http://oasis.bindubai.com/emoticons/fa41.gif" border=0>

ومنصور احس <img src="http://oasis.bindubai.com/emoticons/fa40.gif" border=0>&nbsp;انه ماراح يخلي شما في حالها

ننتظرك في التكملة فلا تبطي علينا

اخوك الصغير

عيون الصقر<img src="http://oasis.bindubai.com/emoticons/fa33.gif" border=0></p></font>

[عزيزة النفس]

<font color='#728FCE'>افا عليج اختي ندى انشالله قريب.. اتريوني</font>

[عزيزة النفس]

<font color='#728FCE'>روح الحب مشكورة و الحمدالله انها عيبتج..<img src="http://oasis.bindubai.com/emoticons/biggrin.gif" border=0></font>

[عزيزة النفس]

<font color='#728FCE'>هلا أخوي عيون الصقر..

تسلم أخوي على كلامك.. و اتريا الجزء اليديد.. ترا وايد اشيا بتستوي.. و منصور بيكون له دور كبير في الأحداث..

أخوك عزيز النفس..</font>

[متيمه الحب]

<font color='#000000'><font color=#cc9999>اخويه عزيز النفس يالله نتريا منك التكلمه لاني متشوقه شو بستوي</font> <img src="http://oasis.bindubai.com/emoticons/blush.gif" border=0>

</font>

[متيمه الحب]

<font color='#000000'><font color=#cc9999>اسفه قصدي بيستوي**<img src="http://oasis.bindubai.com/emoticons/down.gif" border=0></font></font>

[بن دبي]

<font color='#000000'><img src="http://oasis.bindubai.com/emoticons/fa41.gif" border=0>
القصة وااااااااااااايد حلوة

يلا عاد كملوها&nbsp;.....................ترى والله امتحاناتي قربت أبغي أعرف النهاية

ومشكور وااايد على القصة.

</font>

[بن دبي]

<font color='#000000'><img src="http://oasis.bindubai.com/emoticons/fa41.gif" border=0>
القصة وااااااااااااايد حلوة

يلا عاد كملوها&nbsp;.....................ترى والله امتحاناتي قربت أبغي أعرف النهاية

ومشكور وااايد على القصة.

</font>

[بن دبي]

<font color='#000000'><p align=center><font color=#990099 size=6>القصة وااااايد حلوه وتسلم أخوي
ترى نتريا التكمله</font><a target=_blank href="javascript:editor_inserthtml(&#39;post&#39;, &#39;&#60;&#33;--&#62;<img border=0 src=http://oasis.bindubai.com/emoticons/fa42.gif>&#39;);"><img alt=<img src="http://oasis.bindubai.com/emoticons/fa42.gif" border="0" valign="absmiddle" alt=':ff12:'> src="http://oasis.bindubai.com/emoticons/fa42.gif" border=0></a></p></font>

[متيمه الحب]

<font color='#000000'>اخويه عزيز النفس مب حاله يا انك تكمل القصه ولا انك ماتكملها


تحياتي</font>

[عاشقة الكتب]

<font color='#000000'><font color=#ff0000 size=4>مشكوووور على القصة
في انتظااااااار التكمله</font></font>