<font color='#000F22'><p align=center>ويتـــنا بهوجـــه بسوالفها ... دلتج وينها .. ابا قهــوه.. ( اوه نسيت ما اشرب كوفي )

<img src="http://oasis.bindubai.com/emoticons/cool.gif" border=0>

ممممم بصراحه الموضوع حـــلو ... وهالفكـــرة مثل ما تقولين منتشره... لكن الحمدلله وثم الحمدلله مليون مره ... ما سمعت ان حد من عايلتنا جبر ولده او بنته انهم يدرسون شي ما يحبونه...
مريت بموقف يمكن كان بيتعلق بنفس هالموضوع لكن <img src="http://oasis.bindubai.com/emoticons/laugh.gif" border=0>&nbsp;كنت ابي اعرف ماما من أي نوع
يوم اخـــترت العلــمي اخترته وانا مقتنـــعة فيه.. يعني مستحيل ادخل ادبي لاي سبب من الاسباب..
ويوم رديت البيت دسيت الكتب وقلت لهم اني دخلت ادبي ...
حسيت ان ماما تضايقت لكن قالت لي : على راحتج حبيبتي انتي اللي بتدرسين وشوفي اللي بيناسبج ... لكن كنت اتمـــنى انج تدخلين علمـــي وتدرسين يا طب او صيدله .. ( جان اقول لا بالله&nbsp;توهقنـــا )
وخلصت الثانويه والحمدلله وكنت بعلـــمي لكن مريت بنفس الموقـــف يوم التخصص بالكليه..
ابويه كان يتمنـــى اني ادرس يا صيدله او تربيه ..
لكني لا اخترت ها ولا ها والحين الحمدلله مستانسه بتخصصي واعرف انهم تفهمــوا وضعي وهم يعرفون عدل ان الشخص اللي يدرس شي ما يحبه مستحيل يفلح فيه لو شو ما سوى...
<img src="http://oasis.bindubai.com/emoticons/cool.gif" border=0>
كتبت قـــصة ونسيت النقاش..


<strong><font color=#0000ff>شــورايكم في هالظاهرة الي منتشــره؟؟؟

</font><font color=#003366 size=3>بصـــراحه</font></strong><font color=#003366 size=3><strong> هالــظاهره بتأثر سلبا على الطالب... فمستحيل بنظري انا ان الشخص يدرس ويتأقلم مع شي هو ما يحبه ولا كان يفكر فيه ...
</strong></font><font color=#003366 size=3><strong>لكن مثل ما قلــتي في ناس ما يهمهم راي اي حد ثاني دام انهم حطوا الفكره براسهم لازم يسوونها وينفذونها ولو ما تنفذت يمكن انه يحرم ولده من الاشياء اللي يبيها واهمها الفلوس...
&nbsp;
<font color=#0000ff>كيف يكون وضع هالولــد اذا انحط في التخصص الي دخله على رغبة الوالـد ؟؟</font>

طبعا ما بيحبه ومستواه بالدراسه بيدنى لان مثل ما قلت الشخص صعب ان يتأقلم مع شي ما يحبه ...

<font color=#0000ff>فالمستقبل..تبغي ابنـــك يتخصص ويدرس على حسب ميوله ولا ميولك...لانك انت أدرى بمصلحته <img src="http://oasis.bindubai.com/emoticons/glare.gif" border=0>؟؟
" الأسئله موجهه للجنسين "

</font><font color=#003366>على حسب ميوله طبـــعا ... واذا كان التخصص اللي اختاره ما يناسبه بحاول اني انصحه يغير التخصص واعطيه اسباب مقنعه لكن لو ما اقتنع بيكمل مشواره وبيكون التخصص اللي اختاره هو طريجه للمستقبل...</font>


تحياتي
<font color=#ff0000>أوراق الورد</font></strong></font></p></font>