<font color='#000000'>السلام عليكم ورحمه الله وبركاته..اشحالكم شبيبه..انشالله بخير
ماشالله كل اللي امشاركين في هالموضوع امبين عليهم بيض <img src="http://oasis.bindubai.com/emoticons/wink.gif" border=0> ..ومب اي بياض بعد..<img src="http://oasis.bindubai.com/emoticons/smile.gif" border=0>..بس مادري وين السمر..محد مشارك يعني..عادي حبايبي
الموضوع للمشاركه..ومب مطلوب من البيض بس..لكل الاعضاء..بس ياخوفي ان كل الاعضاء بيض.. <img src="http://oasis.bindubai.com/emoticons/wink.gif" border=0> وانا بروحي السمره <img src="http://oasis.bindubai.com/emoticons/rock.gif" border=0>
المهم..بشارك وياكم..واقولكم من البدايه ان هذا رايي..وانتو كيفكم عاده..بس مادري شو طرى على بالكم هالموضوع..
انا طبعا ومن النك مالي سمره..وعادي طبعا بالنسبه لي..ماستحيت ولا شي..وعن زوج المستقبل..طبعا بيكون اسمر..ويمكن يكون ابيض شو دراني انا..
محد يدري بالمكتوب..بس انا اللي مابوافق..لاتقولون زين احمدي ربج وغيرها <img src="http://oasis.bindubai.com/emoticons/wink.gif" border=0> لانها يمكن تنقال..بس مثل ما انتوا يالبيض ماتبون تاخذون سمر..نحن ترى..
عندها هالشي شوي غريب..بس مانرفضه..واستوت عندنا في العايله..بنات بيض وخذوا سمر..وفي بنات سمر وخذن بيض..وماشالله عليهم عايشين..واهل البيض
ماعارضوا عيالهم يوم خذوا البنات السمر..بالعكس رحبوا بهالشي..لان اهم شي يكون اتكون البنيه بنت ناس ومحترمين وعرب..والحمدلله عايشين
احسن عيشه..ماستوى شي..وقليل ماتستوي معارضه...بس بالتفاهم كل شي يستوي..وينحل..اهم شي ريال وكفو..وولد ناس وعرب..وهي نفس الشي
انا وياكم ان في بعض الاهل صعب عليهم هالشي..بس اللي ابى اقوله ان كلنا عبيد الله..وماشي فرق بينا وبينكم يالبيض..وصح ان الواحد ياخذ اللي يناسبه..بس مب لهالدرجه
يعني اللي اشوفه ان السالفه زادت..وجنه كفر..وبعدين هذا زواج..ومب بس تعال وخذ لك وحده شراتك بيضه ولا انتي اخذيلج واحد اسمر شراتج..لازم اتكون اتناسبه من حيث الفكر..
المستوى العلمي..والعمر واشياء كثيره لازم الزوج والزوجه يتناسبون فيها..مب مجرد اللون..يعني يمكن واحد ياخذ وحده شراته بس مايستانس وياها..واذا خذ وحده غيره عنه
سواء ابيض ولا اسمر يمكن يتفق معاها باشياء كثيره..هاي عشره عمر..والمفروض مانخلي هالاشياء الصغيره اتخرب على المقبلين على الزواج..<img src="http://oasis.bindubai.com/emoticons/smile.gif" border=0>
ومثل ماقلت لكم قبل...انشالله باخذ اسمر..واتمنى هالشي..<img src="http://oasis.bindubai.com/emoticons/wink.gif" border=0> ..واذا صار وحبيت واحد ابيض وهو نفس الشي لازم يشاور اهله..وانا بعد لان احتمال الاهل مايرظون
واذا شفنا ان في معارضه وحتى اذا كانت من طرف واحد طبعا الزواج مابيتم..لاني ما ارظى اني آخذ واحد اهله مب راضين عن زواجنا..ولا اني اتزوج بغير رضى اهلي..
اسمحولي طولت عليكم.. <img src="http://oasis.bindubai.com/emoticons/smile.gif" border=0></font>
رد مع اقتباس
مواقع النشر (المفضلة)