<font color='#810541'><FONT color=#810541>بسم الله الرحمن الرحيم ..
السلام عليكم و رحمة الله و بركاته ..
الصراحة عندي مشكلة .. و أريد أحلها .. و ما أعرف أحسن طريقة لها .. و أريد رايكم .. ممكـــــن ؟
عندي صديق باكستاني .. دكتور .. متزوج .. أكبر مني بكم سنة .. و لكن يعتبرني أفضل أصدقائه ..
خصوصا أنه كنت من أول من يتعرف عليه من الشباب العرب في الجامعة .. و كنا دايما نصلي مع بعض في الجامعة لما نكون متواجدين هناك ..
و الحين نصلي التراويح مع بعض في المسجد .. و دايما نلتقي و نسولف .. و أحيانا تكون بيننا اتصالات عن طريق التلفون أو رسائل بالإيميل ..
و أحيانا أوصله بالسيارة بعد صلاة التراويح إلى البيت إذا ما كان عنده سيارة ..
المهم .. هو يحترمني وايد .. و يعزني وايد .. و دايما يسألني عن الدين إذا عنده سؤال ..
و هو كثير يحب يلتزم .. يعني يحب يصلي في الجماعة و يحب التراويح و يحب يعرف كل شي عن الدين ..
إلى الحين ما دخلنا في القضية .. <IMG src="http://oasis.bindubai.com/emoticons/suspect.gif" border=0>
القضية أنه هو متزوج .. بس زوجته ما تلبس حجاب .. و أنا أريد أخبره أن المرأه في الإسلام لازم تلبس حجاب .. لكن ما أعرف كيف أخبره ..
صح أنه بيننا احترام كثير .. لكن ما أعرف كيف أبدأ له هذا الموضوع ..
هل هو بيعجبه إذا أنا كلمته عن الموضوع ..
و كيف أقدر أبدأ ها الموضوع ..
و كيف أقدر أقنعه بأنه المرأة لازم تلبس حجاب ..
و إذا اقتنع .. كيف هو يقدر يقنع حرمته تلبس حجاب خصوصا المجتمع هنا ما يلبس حجاب .. و هي من يوم صغيرة ما لبست حجاب ..
؟؟؟؟؟؟
و كيف أقدر أكلمه الحين و نحن ما نلتقي غير في صلاة التراويح .. لأنه خلاص هو ما يجي الجامعة .. و فترة بقائه هنا قصيرة .. يعني احتمال يسافر بعد شهر <IMG src="http://oasis.bindubai.com/emoticons/wow.gif" border=0>
كل هذي الأسئلة دايرة في بالي .. و ما أعرف كيف أحلها .. و قلت أطرحها عليكم .. و فيكم الخير و البركة ..
و أتمنى أنكم ما تردوني ..
أخوكم في الله ..
أسير الذكريات</FONT></font>
رد مع اقتباس
مواقع النشر (المفضلة)