<font color='#000000'>مرحباااااااااا بكم حباااااايبي في شهر تسعه تقريبا كنت اسمع للمحاضر خليفه المحيرزي و اكييييييد اسلوبه وطرحه و افكاره تعجبني – المهم انه تطرق في كلاامه لشي كان يشغلني وااااايد وهي العباااره الي تكلم فيها عن استنزاف العاطفه المهم اني تاكدت ان نظرتي لاستنزاف العاطفه صحيحه و الحمدلله لكني اليوم ابغي اكلمكم عن الاستنزاف بطريقتي الخنفروشيه والموضوع بين ايديكم اتهمني مشاركاتكم و نظرتكم الاعمق لكلمة استنزاف وفهمكم لها في واقع الحياة أو الواقع الإلكتروني

إذا شفتوا صدوركم موووب صافيه لا في ارمضان ولا غيره شوفوا وين استهلكتوا و استنزفتوا صفاءهاااا و إذا حصلتوا عماركم مقهورين من شخص او فعل او حركه شوفوا وين استنزفتوا صبركم إذا شفتوا الضيج يكتم انفاسكم اسالوا عماركم متى استنزفتوا الوناسه اخر مره و إذا تكرر هالشي معاك راجع نفسك يمكن انت استنزفت مفهوم الوناسه بطريقه غلط إذا حسيتوا ان ما عاد في قلوبكم تقدير للحب اسالوا عماااركم مع منوووه استنزفتوا حبكم الصادق إذا أقلقك تجاهل أصحابك لكلاامك اسال عمرك عن السالفه الي استنزفت فيها كل اهتمامهم إذا استغربت من نفسك مالك خلق للكتابه شوف وين استنزفت طاقه و موهبه الكتابه

في ارمضان او غيره اذا حسيت بضيج في قراءه القرآن و ما شعرت بلذه قراءته و تدبره وفهم معانيه راجع نفسك و اسالها وين استنزفت قراءاتك و استمتاعك و نظرك وفهمك

اذا جف قلمك عن الابداع و قريحتك الواسعه ضاجت بعد اتساع تاكد انك سكبت هالابداع و استنفذته فسال عمرك وين إذا تلفتت يمين و ايسار و افتقدت المواضيع الجميله فكر وين تم استنزافها إذا كتبت موضوع مهم ويستحق تفاعل كل الأعضاء ولـكــــن محد رد عليك ابحث و بتعرف وين استنزف الاعضاااء ردودهم لو احترت في سبب الانسحاب المفاجئ للاعضااااء الي لهم مكانه غاليه عندنااا جلب فكرك ولا تستغرب اذا عرفت ان الواحات او انهم بانفسهم استنفذوا قدرتهم على الاستمرار و العطاء اذا شفت عمرك تفهم ابسرعه و استغربت من هالشي شووووف متى كنت بليييييد اخر مره و بتعرف وين استنزفت غبااااءك و في الخاااطر اشيا و اشيا ولكـن يتبع ربما والسموحه منكم حباااااايبي</font>